*मराठी भावार्थ सहित .....* दि. १५ मे २०२६ नाही काष्ठाचा गुमान । गोवी भ्रमरा सुमन ॥१॥ प्रेम प्रीतीचेे बांधलें । तें न सुटे कांहीं केलें ॥२॥ पदरीं घालीं पिळा। बाप निर्बळ साटी बाळा ॥३॥ तुका म्हणे भावें । भेणें देवा आकारावें ॥४॥ भुंगा मोठी मोठी लाकडे पोखरतो; पण कमलपुष्पांमध्ये मात्र तो बंदिवान होतो. कारण तो फुलाशी प्रेमाने बांधला जातो, प्रेमाचे बंधन कधी तुटत नाही. लहान बाळ बापाच्या धोतराला धरून त्याला बाहेर जाऊ देत नाही, तेव्हा बाप शक्तीवान असूनदेखील मुलाच्या मायेमुळे उभा राहतो. तुकाराम महाराज म्हणतात, तसे देवालासुद्धा प्रेमभावाने बांधून ठेवावे. *। ॐ विष्णवे नमः l* *।श्री दत्तात्रेयाय नमः ।* #🌻आध्यात्म 🙏