ഗസ്സയിലെ വംശഹത്യക്ക് ആഹ്വാനം ചെയ്തയാളുടെ മകൻ എണ്ണക്കപ്പൽ ദുരന്തത്തിൽ കൊല്ലപ്പെട്ടു മറ്റുള്ളവരുടെ നാശത്തിനായി പ്രാർത്ഥിക്കുന്നവർക്ക് കാലം കരുതിവെക്കുന്ന ചില തിരിച്ചടികളുണ്ട്. മൂന്ന് വർഷം മുമ്പ് ഗസ്സയിൽ സമ്പൂർണ വംശഹത്യ നടത്തി അവിടെനിന്നും മുസ്‌ലിംകളെ തുടച്ചുനീക്കണമെന്ന് ആവശ്യപ്പെട്ട രാജേഷ് ശർമ എന്നയാളുടെ മകൻ, യുഎസ് ആക്രമണത്തിൽ തകർന്ന എണ്ണക്കപ്പലിൽ കൊല്ലപ്പെട്ടതായി റിപ്പോർട്ട്. യുഎസ് സൈന്യത്തിന്റെ ആക്രമണത്തെ തുടർന്ന് ഒമാൻ തീരത്ത് തകർന്ന കപ്പലിൽ നിന്ന് കാണാതാവുകയും പിന്നീട് മരണം സ്ഥിരീകരിക്കുകയും ചെയ്ത ഡെക്ക് കേഡറ്റ് ആദിത്യ ശർമയുടെ പിതാവാണ് രാജേഷ് ശർമ. മകനെ കാണാതായതിനെ തുടർന്ന് രാജേഷ് ശർമ സമൂഹമാധ്യമങ്ങളിലൂടെ സഹായാഭ്യർത്ഥന നടത്തിയതോടെയാണ് ഇയാളുടെ പഴയ വംശഹത്യാ പോസ്റ്റുകൾ ആളുകൾ വീണ്ടും കുത്തിപ്പൊക്കിയത്. ജൂൺ ഒമ്പതിന് പ്രാദേശിക സമയം രാത്രി 11:14 ഓടെയാണ് ഒമാൻ തീരത്തിന് പുറങ്കടലിലൂടെ സഞ്ചരിക്കുകയായിരുന്ന 'എംടി സ്റ്റ്‌ബെലോ' (MT Stbelo) എന്ന എണ്ണക്കപ്പലിനു നേരെ യുഎസ് സൈന്യം മിസൈൽ ആക്രമണം നടത്തിയത്. പലാവു പതാകയുള്ള കപ്പൽ മുന്നറിയിപ്പുകൾ ലംഘിച്ചതിനാലാണ് ആക്രമണം നടത്തിയതെന്ന് യുഎസ് സെന്റ്‌കോം (US CENTCOM) അറിയിച്ചു. ആക്രമണത്തിൽ കപ്പലിന് സാരമായ കേടുപാടുകൾ സംഭവിച്ചു. മണിക്കൂറുകൾക്കു ശേഷം കപ്പലിലുണ്ടായിരുന്ന ഇന്ത്യക്കാരായ 21 ജീവനക്കാരെ ഒമാൻ സൈന്യം ഹെലികോപ്ടർ ഉപയോഗിച്ച് രക്ഷപ്പെടുത്തിയിരുന്നു. എന്നാൽ സുരേഷ് പട്‌നാല, ആദിത്യ ശർമ, ശിവാനന്ദ് ചൗരസ്യ എന്നിവരെ കണ്ടെത്താൻ കഴിഞ്ഞിരുന്നില്ല. പിന്നീട് നടത്തിയ തിരച്ചിലിലാണ് ആദിത്യ ശർമയും ശിവാനന്ദ് ചൗരസ്യയും മരണപ്പെട്ടതായി സ്ഥിരീകരിച്ചത്. പഞ്ചാബിലെ ജലന്ധറിൽ വാട്ടർ മാനേജ്‌മെന്റ് സൊല്യൂഷൻ കമ്പനി നടത്തുന്ന രാജേഷ് ശർമ, പ്രധാനമന്ത്രി നരേന്ദ്ര മോദിയുടെയും ആഭ്യന്തര മന്ത്രി അമിത് ഷായുടെയും കടുത്ത ആരാധകനാണ്. ഇരുവരുടെയും പോസ്റ്റുകൾ സ്ഥിരമായി എക്സിൽ (ട്വിറ്റർ) പങ്കുവെക്കാറുള്ള ഇയാൾ കടുത്ത മുസ്‌ലിം വിദ്വേഷം വെച്ചുപുലർത്തുന്നയാളുമാണ്. 2023 ഒക്ടോബർ 11-ന് ഇയാൾ എക്സിൽ കുറിച്ച വരികൾ ഇങ്ങനെയായിരുന്നു: "ഗസ്സയിൽ സമ്പൂർണ വംശഹത്യ നടത്തി ഇസ്രയേൽ അതിനെ മുസ്‌ലിംകളില്ലാത്ത മേഖലയാക്കി മാറ്റണം എന്നാണ് എന്റെ അഭിപ്രായം. അവിടെ സമാധാനം നിലനിർത്താൻ അത് മാത്രമാണ് വഴി." ഇസ്രയേലിനെ പ്രകീർത്തിച്ചും ഫലസ്തീനികളെയും മുസ്‌ലിംകളെയും ക്രൂരമായി അവഹേളിച്ചും നിരവധി പോസ്റ്റുകളാണ് ഇയാൾ പങ്കുവെച്ചിട്ടുള്ളത്. മുസ്‌ലിംകൾ യൂറോപ്യൻ രാജ്യങ്ങളിലേക്ക് കുടിയേറുന്നതിനെതിരെയും, പശ്ചിമ ബംഗാളിലെ മുസ്‌ലിംകൾക്കെതിരെയും നിരന്തരം വിദ്വേഷം തുപ്പിയ ഇതേ രാജേഷ് ശർമയ്ക്കാണ് ഇപ്പോൾ സ്വന്തം മകന്റെ വേർപാടിലൂടെ പ്രകൃതിയുടെ കാവ്യനീതി നേരിടേണ്ടി വന്നിരിക്കുന്നത്. . . . . . .. . . . #🗳️ രാഷ്ട്രീയം #🙏 രാഹുൽ ഗാന്ധി #🔵 യുഡിഎഫ് #🔴 എൽഡിഎഫ് #🔶 BJP