రాత్రి పూట నిద్ర రావడం లేదా? ఈ చిన్న చిట్కాలు పాటిస్తే హాయిగా నిద్రపోవచ్చు...! రాత్రిపూట సరైన నిద్ర లేకపోవడం వల్ల మరుసటి రోజు అలసట, నీరసంగా అనిపిస్తుంది. ఈ మధ్య కాలంలో చాలా మందిని పట్టి పీడిస్తున్న సమస్య ఇది. దీని వల్ల పలు అనారోగ్య సమస్యలు కూడా వస్తాయి. మనం ఆరోగ్యంగా ఉండాలంటే ప్రశాంతమైన నిద్ర చాలా అవసరం. మంచి నిద్ర మీ మానసిక, శారీరక ఆరోగ్యానికి చాలా ముఖ్యం. అయితే, మీ జీవనశైలిలో కొన్ని చిన్న చిట్కాలు పాటించడం వల్ల హాయిగా నిద్రపోవచ్చు. మరి ఆ చిట్కాలు ఏంటో తెలుసుకుందాం. 1.ప్రతిరోజూ ఒకే సమయానికి నిద్రపోవడం, ఉదయాన్ని ఒకే సమయానికి నిద్ర లేవడం అలవాటు చేసుకోవాలి. 2. పడుకోవడానికి కనీసం ఒక గంట ముందే మొబైల్ ఫోన్లు, లాప్‌టాప్‌లు, టీవీలను పక్కన పెట్టేయండి. వీటి నుంచి వచ్చే బ్లూ లైట్ నిద్రకు కారణమయ్యే ‘మెలటోనిస్’ హార్మోన్ ఉత్పత్తిని తగ్గిస్తుంది. అలాగే, మృదువైన సంగీతాన్ని కూడా వినవచ్చు. ఇలా చేయడం వల్ల ప్రశాంతంగా నిద్రపోతారు. 3.రాత్రిపూట తేలికపాటి ఆహారం తీసుకోవటం మంచిది. ఎక్కువగా ఆయిల్‌తో కూడిన ఆహారం తీసుకోవద్దు. పడుకునే ముందు కెఫిన్ పదార్థాలు అంటే కాఫీ, టీ అస్సలు తాగొద్దు. దానికి బదులు గ్లాసు గోరు వెచ్చని పాలు తాగితే మంచి నిద్రపడుతుంది. 4. మీ పడకగదిని చీకటిగా, ప్రశాంతంగా, చల్లగా ఉంచుకోండి. సౌకర్యవంతమైన పరుపు, తలగడలు ఉంటే నిద్రకు ఇబ్బంది కలుగకుండా ఉంటుంది 5. ప్రతిరోజూ కొద్దిసేపు శారీక వ్యాయామం చేయడం వల్ల రాత్రి త్వరగా నిద్ర వస్తుంది. అయితే, పడుకునే ముందు భారీ వ్యాయామాలు చేయకూడదు. ఒత్తిడి తగ్గించుకోవడానికి చిన్నపాటి ధ్యానం లేదా శ్వాస వ్యాయామం చేస్తే చాలా మంచిది. 6. మధ్యాహ్నం వేళలో ఎక్కువ సేపు నిద్రపోవడం వల్ల రాత్రి నిద్రపట్టదు. కాబట్టి, పగటి నిద్రను సరిగ్గా ప్లాన్ చేసుకోండి. #తెలుసుకుందాం #sleep well😴 #sleep well 🎻 #sweet dreams.....sleep well #sleep well