✍️മുഹബത്തിന്റെ സുൽത്താൻ ✍️👻 ആദ്യ ചുംബനം ...♥ ഡാ...നീയെന്തിനാ എന്നെ ചുംബിച്ചത്..? നീത നിന്നു കരയാന്‍ തുടങ്ങി.. രണ്ടുപേരും വല്യ കൂട്ടുകാരായിരുന്നു.കോളജില്‍ പഠിക്കുന്ന കാലം മുതലുള്ള ബന്ധമാണ്..പരസ്പരം വിശ്വാസമാണവര്‍ക്ക്... അവള്‍ക്ക് മുന്നേ ഒരു ജോലി ശരിയായിരുന്നു ...രാത്രി വൈകി വരുമ്പോള്‍ അവനായിരുന്നു റെയില്‍വേ സ്റ്റേഷനില്‍ പോയി അവളെ കൂട്ടിക്കൊണ്ടു വന്നിരുന്നത്.. അജയ് പരുങ്ങലോടെ അവള്‍ക്ക് ചുറ്റും നടന്നു..നഖം കടിച്ചും തലമുടി പിടിച്ചു വലിച്ചു ആകെ വിഷമത്തിലായി... കാര്യം ശരിയാണ്..നീത അവനെ വാശിപിടിപ്പിച്ചപ്പോള്‍ അവനവളെ കെട്ടിപ്പിടിച്ചു ചുംബിച്ചു... കളി കാര്യമായപ്പോള്‍ നീത കരയാനും തുടങ്ങി... നീതാ സോറീ ഡാ... ഒടുവില്‍ അവന്‍ അങ്ങനെ പറഞ്ഞൊപ്പിച്ചു... നീത കുറേ കരഞ്ഞതിനൊടുവില്‍ മുഖം തുടച്ചിട്ട് എഴുന്നേറ്റു...അഗ്നി പാറുന്ന ഒരു നോട്ടം അവന്‍റെ നേര്‍ക്കയച്ചു.. അവന്‍ ചൂളിപ്പോയി... ഒന്നും മിണ്ടാതെ നടന്നു പോയി... അജയ് വിഷമത്തോടെ അവളിരുന്നിടത്ത് പോയിരുന്നു..ആശ്വാസം കിട്ടാതെ എഴുന്നേറ്റ് നടന്നു..പിന്നെ എന്തൊക്കെയോ പിറു പിറുത്തു കൊണ്ട് ''പള്‍സറില്‍ '' കയറി ശരം കണക്കേ പാഞ്ഞു പോയി... നീതയ്ക്ക് അതൊരു ''ഷോക്ക്'' ആയിരുന്നു .. അവനില്‍ നിന്നും അങ്ങനെ ഒരു പെരുമാറ്റം അവളൊരിക്കലും പ്രതീക്ഷിച്ചതല്ല... പലപ്പോഴും നീത കെട്ടിപ്പിടിച്ച് അവനെ ഇളക്കാന്‍ ശ്രമിച്ചിട്ടുണ്ട്...ഒരിക്കല്‍ പോലും അവന്‍റെ കൈകളവളെ വരിഞ്ഞു മുറുക്കിയിരുന്നില്ല...ആദേഹത്ത് ചാരി നിന്നിട്ടുണ്ട്..ആ മടിയില്‍ കയറി ഇരുന്നിട്ടുണ്ട്..അന്നൊന്നും അവനിലെ ''പുരുഷന്‍'' അവളെ മൈന്‍ഡ് ചെയ്തിരുന്നില്ല... ''നമ്മളെന്നും നല്ല കൂട്ടുകാരല്ലേ'' അവളെന്നും അവനോട് ചോദിക്കാറുണ്ട് ആ ചോദ്യം .. അവന്‍ തലകുലുക്കി സമ്മതിക്കയും ചെയ്യും.. ''നീ നിന്‍റെ ആണ്‍ സുഹൃത്തുക്കളെ ചേര്‍ത്തു പിടിക്കാറില്ലേ..ബൈക്കില്‍ ചേര്‍ന്നിരുന്ന് യാത്ര പോവാറില്ലേ..കിട്ടിയതെന്തും പാതി പങ്കുവെച്ച് കഴിക്കാറില്ലേ...അതു പോലെ എന്നേയും കാണണം..കരുതണം..'' ഒന്നിനും അവനും എതിരായിരുന്നില്ല... ഇന്ന് പക്ഷേ .... അവനെന്തു പറ്റിയതാ .. നീത രാവിലെ മുതലുള്ള കാര്യങ്ങള്‍ ഓര്‍ത്തെടുത്തു... വിവേക് നീതയുടെ അച്ഛനോട് നീതയെ അവന് കെട്ടിച്ചു കൊടുക്കാവോന്ന് ചോദിച്ചത് പറയുമ്പോഴായിരുന്നു അവന്‍ നിശബ്ദനായത്...വിവാഹം കഴിഞ്ഞാല്‍ എന്നേയും കൊണ്ടവന്‍ ബാംഗ്ലൂരിലേക്ക് പോവും എന്നു കൂടി പറഞ്ഞതോടെ പിന്നേയും മൂകതയിലായി... നിനക്കെന്താഡാ..? പിടിച്ചുലച്ചെങ്കിലും ദേഷ്യത്തോടെന്നെ തള്ളിമാറ്റി....ആ മുഖത്തെ ശുണ്ഠി കാണാന്‍ നല്ല രസായിരുന്നു...ഒന്നു കൂടി പൊള്ളിക്കാന്‍ പറഞ്ഞതാ അങ്ങനെ.. ''ഇവിടൊരുത്തന്‍റെ കൂടൊരു പെണ്ണ് രാവുപകലെന്നു നോക്കാതെ കറങ്ങി നടന്നിട്ടുണ്ട്...കൂടെ നടക്കുന്നത് ഒരു പെണ്ണാണെന്ന യാതൊരു പരിഗണന തന്നിട്ടില്ല ഇന്നേ വരെ...എത്ര തവണ കൊതിച്ചിട്ടുണ്ടെന്നോ ഒന്നു വാരിപുണരുമെന്ന്...ചുണ്ടില്‍ അമര്‍ത്തിയൊരു ചുംബനം തരുമെന്ന്...? എവടെ...? ഞാനുമൊരു പെണ്ണല്ലേ...? വികാര വിചാരങ്ങളെല്ലാമുള്ളൊരു പെണ്ണ്..? നിനക്ക് തോന്നിയിട്ടില്ലേ അങ്ങനെ ഇതുവരേ...? ഡാ... പിറകിലൂടെ പോയി അവനെ പുണര്‍ന്നു... തമാശമട്ടിലാ അതൊക്കെ പറഞ്ഞതും അങ്ങനെ പോയി പിടിച്ചതും... ഒരു നിമിഷം ... എന്‍റെ കൈകള്‍ വിടുവിച്ച് എന്‍റെ നേരെ തിരിഞ്ഞു..ഒരൊറ്റ പിടുത്തം.. അസ്ഥികള്‍ ഞെരിഞ്ഞമര്‍ന്നെന്ന് തോന്നി... ചുണ്ടുകളില്‍ അമര്‍ത്തിയൊരു ചുംബനവും.. ഞെട്ടിപ്പോയി..തടയാനാവുന്നതിനും മുന്നേ എല്ലാം കഴിഞ്ഞു... കരച്ചില്‍ വന്നു... അരികില്‍ വന്നെന്തൊക്കെയോ പറഞ്ഞതു കേട്ടഭാവം നടിച്ചിരുന്നില്ല...ഒരു നൂറു സോറി പറഞ്ഞു കാണും... രാത്രി തിരിഞ്ഞും മറിഞ്ഞും കിടന്നു നേരം വെളുപ്പിച്ചു... അവനെന്നും ഒരു ഗുഡ്നൈറ്റ് തരാറുള്ളതാണ്...അതു കിട്ടിയാലേ ഉറങ്ങാന്‍ കഴിയാറുള്ളൂ...പരിഭവത്തോടെ അങ്ങനെ ഓര്‍ത്തു..നാളെ കണ്ടൊലും മിണ്ടാതേയേ പോവത്തുള്ളൂ എന്നോര്‍ത്താ കിടന്നത്.. രാവിലെ പതിവു പോലെ ബൈക്കുമായ് കൂട്ടാന്‍ എത്തിയതുമില്ലാ.. അങ്ങനെ അങ്ങു നടക്കുവാണേല്‍ അങ്ങു പോവട്ടെ എന്നു കരുതി ഒരു ഓട്ടോ പിടിച്ചാ ഓഫീസിലേക്ക് പോയത്... വൈകിട്ട് വരെ പിടിച്ചു നിന്നു.. ഒരു രക്ഷയുമില്ലാ...ഇനിയും പിടിച്ചു നില്‍ക്കാനും വയ്യാ..! ഫോണെടുത്ത് ഒരുവട്ടം അജയിയുടെ നമ്പര്‍ ഡയല്‍ ചെയ്തെങ്കിലും ഉടന്‍ തന്നെ ആ കോള്‍ കട്ട് ചെയ്തു.. അവനെന്താ ഇങ്ങോട്ട് വിളിക്കാമല്ലോ...? എവിടേ പോയിരുന്നിട്ടും ഒരു സ്വസ്ഥത കിട്ടുന്നില്ല...പിന്നേയും പോയി ആ നമ്പറിലേക്ക് കോള്‍ ചെയ്തു... അതു മുഴുവന്‍ റിങ്ങ് ചെയതിട്ടും ആരും എടുക്കുന്നില്ല... സങ്കടവും ദേഷ്യവും ഓടി വന്നു... പിന്നേയും വിളിച്ചു... ഒരു പാട്ട് കേട്ടു തുടങ്ങി... ''ഹലോ...'' അജയിയുടെ അടുത്ത കൂട്ട് ആയ വിനോദിന്‍റെ ശബ്ദം ... ഹലോ നീതയാണോ...?അവന്‍ ചോദിച്ചു... അതെ...വിനോദ് അജയ് എവിടേയാ...? അത്...അത്.. അവനൊന്നു വിക്കി വിനോദ് ഒന്നു പറയുന്നൂണ്ടോ... അജയ്ക്ക് കൊടുക്കൂ ഫോണ്‍... കുറച്ചു സമയത്തെ മൗനത്തിനൊടുവില്‍... ''ഹലോ..'' ഒരു തളര്‍ന്ന സ്വരം കേട്ടു.. അജയ് നീ എവിടേയാ... നീതയ്ക്കെന്തോപോലെ തോന്നി.. ഞാനിവിടെ സിറ്റി ഹോസ്പിറ്റലില്‍ 302 ാം നമ്പര്‍ മുറിയിലുണ്ട്... കോള്‍ കട്ടായി ... ഒന്നുമോര്‍ക്കാതെ വര്‍ദ്ധിച്ച ഹൃദയമിടിപ്പുമായ് ഓടുകയായിരുന്നു .. ആകെ പൊതിഞ്ഞു കെട്ടി ബെഡില്‍ കിടക്കുന്ന അജയിയെ കണ്ടപ്പോള്‍ സര്‍വ്വ നിയന്ത്രണവും വിട്ടു പൊട്ടിക്കരഞ്ഞു പോയി. ഇന്നലെ വൈകിട്ട് നീത പിണങ്ങി പോയപ്പോള്‍ സഹിക്കാന്‍ കഴിഞ്ഞില്ല.. ഒരിക്കലും പൊറുക്കാനാവാത്ത തെറ്റാണ് നീതയോട് ചെയ്തത് എന്നു പറഞ്ഞു അവന്‍റെ മനസ്സും...എത്രയോ നാളായ് കാത്തു സുക്ഷിച്ച കൂട്ടുകാരിയെ നഷ്ടപ്പെടുത്തിയല്ലോ എന്നോര്‍ത്ത് കരയുന്ന മനസ്സിനെ,ആശ്വസിപ്പിക്കാനാവാതെ പറക്കുകയായിരുന്നു.. ഒന്നും കാണുന്നുണ്ടായിരുന്നില്ല.. നിനക്ക് എന്നോട് പ്രണയമായിരുന്നോ...? അറിയില്ല.... പന്നെന്തിനാ വിവേകിന്‍റെ കാര്യം പറഞ്ഞപ്പോള്‍ നീ അസ്വസ്ഥനായത്...? മൗനം... നീതയെ അവന്‍ കൊണ്ടു പോവുന്നതില്‍ നിനക്ക് വിഷമമുണ്ടോ...? ങും.... എന്നിട്ടെന്താ നീ ഇതുവരെ അതു തുറന്നു പറയാതിരുന്നത്...? അറിയില്ല... അങ്ങനെ തുറന്നു പറഞ്ഞാല്‍ നീത നിന്നോട് പിണങ്ങുമെന്ന് പേടിച്ചിരുന്നുവോ...? മം..... നീതയ്ക്ക് നിന്നോട് പ്രണയമാണെന്ന് നിനക്ക് തോന്നിയിരുന്നോ എന്നെങ്കിലും ...? അറിയില്ല... പിന്നെ...?.. ''അവളെന്നെ ചേര്‍ത്തു പിടിച്ചിട്ടുണ്ട് ...അപ്പോഴൊക്കെ കൊതിക്കാറുണ്ട് എന്നും ഈ സ്നേഹം കൂടെ ഉണ്ടായിരുന്നെങ്കിലെന്ന്...! അത്രയും ഇഷ്ടമാണെങ്കില്‍ എന്താ അതൊന്നും അവളോട് തുറന്നു പറയാതിരുന്നത്....? ''തുറന്നു പറഞ്ഞേനെ....! പക്ഷേ അവള്‍ക്കും അങ്ങനെയൊരിഷ്ടം തോന്നിയിട്ടില്ലെങ്കില്‍ ...അവളെ എനിക്കു നഷ്ടപ്പെടുത്താന്‍ വയ്യായിരുന്നു...'' നീതയെ നിനക്ക് കെട്ടാവോ...? മം..... നിനക്ക് അവളെ പോറ്റാനുള്ള വരുമാനമുണ്ടോ....? ആറുമാസം വരെ അവള്‍ കാത്തിരിക്കണം...അപ്പോഴേക്കും എനിക്കു ജോലി കിട്ടും.... എന്നാല്‍ നീതയോട് കാത്തിരിക്കാന്‍ പറയട്ടെ...? ങും..... അതിന് മുന്‍പ് അജയ് ഇനിയവളെ കാണരുത് മിണ്ടരുത്...അങ്ങനെ നില്‍ക്കണം ...അതിന് തയ്യാറുണ്ടോ....? അയ്യോ....അതിനേക്കാളുു ഭേദം ഞാനങ്ങു മരിക്കുന്നതായിരുന്നു.... പിന്നവളെന്തു വേണം...? ഇവിടിരുന്ന് എന്നെ പരിചരിക്കണം... അപ്പോള്‍ അതാണ് മനസ്സിലിരിപ്പ് അല്ലേ...? മം...... നീത അവനെ വേദനിപ്പിക്കാതെ ആ മാറില്‍ മുഖം ചേര്‍ത്തു കിടന്നു... ''അജയ് ഈ സ്നേഹം എനിക്കും വേണം... എന്നും എപ്പോഴും ....'' ✍️മുഹബത്തിന്റെ സുൽത്താൻ ✍️ #💞 പ്രണയകഥകൾ #🕵️‍♀️ കുറ്റാന്വേഷണ കഥകൾ #🧟 പ്രേതകഥകൾ! #📔 കഥ #📙 നോവൽ