#🌻आध्यात्म 🙏 #💐संत महंत🙏 #✍️भक्ती संदेश #🌸संतश्रेष्ठ ज्ञानेश्वर माउली🙏. . ll ज्ञानेश्वरीतील ज्ञानामृत चिंतन ll . *********************** संत म्हणजे ज्ञानाचे घर आहे. संतांची सेवा हा त्या घराचा उंबरठा आहे. सेवा करून तो स्वाधीन करावा लागतो. यासाठी शरीराने, मनाने संतपदास शरण जावे व सेवा करावी. .************************************************ देखें परमात्म सुख निधान । साधावया योगीजन l . जे न विसंबिती अंजन । उन्मेषनेत्री ll ******************[ ज्ञानेश्वरी-४/१६०]**************** . ll अर्थ ll . पाहा, परमात्मास्वरूप सुखाचा ठेवा हस्तगत करण्यासाठी योगी लोक हे ज्ञानरूपी अंजन बुद्धिरूप डोळ्यांमध्ये घालण्याला कधीही विसरत नाहीत ll स्पष्टीकरण ll . गीता सांगताना ज्ञानेश्वर माऊली म्हणतात, 'संसारिक वस्तूंनी सिद्ध होणाऱ्या यज्ञांपेक्षा ज्ञानरूप यज्ञ श्रेष्ठ आहे. सर्व कर्म ज्ञानात समाप्त होतात जा त्यांची पराकाष्ठा आहे. . ज्ञानाची थोरवी अशी आहे की, त्यामुळे प्रवृत्ती पांगुळते, तर्काची दृष्टी जाते. इंद्रियांना विषयभोगाचा विसर पडतो. मनाचे मनपण नाहिसे होते. वाणीचा बोलकेपणा थांबतो, ज्ञेय प्रत्यक्ष सापडते. वैराग्याचे दारिद्रय जाते. विवेकाचा हावरेपाणा खुंटतो. आत्मस्वरूप अनुभवाला येते. मात्र हे एकदम घडत नाही. ज्ञानप्राप्तीसाठी हळूहळूच आत्मोन्नत व्हावे लागते. म्हणून कर्माचे डोळे ज्ञान झाले पाहिजेत. . अनुभव आल्याशिवाय कोणतीही गोष्ट कळत नाही. साखर गोड आहे हे समजण्यासाठी साखर खावीच लागेल. तिचे वर्णन ऐकून वा वाचून ते समजणार नाही. समजले तरी उमगणार नाही. . निष्काम कर्म हे ज्ञानाचे साधन आहे, असे कर्म करीत गेले की ते कर्म ज्ञानात बदलते. सर्व कर्मे हळूहळू नाश पावतात. . वेद हे कर्माचे मूळ आहे. त्यात पुष्कळ जडकर्मे सांगितली आहेत. त्यापासून स्वर्गसुख हा अपूर्व लाभ होतो. ताऱ्यांचा डौल जसा सर्यापुढे चालत नाही तस ज्ञानयज्ञापुढे द्रव्ययज्ञ फिका पडतो. परमात्म स्वरूप सुखाचा शोध घेण्याकरिता . योगी लोक ज्ञानरूपी अंजन बुद्धिरूपी डोळ्यात घालतात. उत्तम ज्ञान प्राप्त करायचे असेल तर संतांना शरण जावे. कारण संत म्हणजे ज्ञानाचे घर आहे. संतांची सेवा हा त्या घराचा उंबरठा आहे. सेवा करून तो स्वाधीन करावा लागतो. यासाठी शरीराने, मनाने संतपदास शरण जावे व सेवा करावी. . ll राम कृष्ण हरी, माऊली ll