പരിശീലനം സിദ്ധിച്ച സംഘപരിവാർ / ആർ എസ് എസ് പ്രവർത്തകരുമായി തർക്കത്തിൽ ഏർപ്പെടുന്ന എല്ലാ സുഹൃത്തുക്കളോടും. പൊതുവേദിയിൽ സംവാദത്തിൽ ഏർപ്പെടുമ്പോൾ logic, reasoning എന്നിവ അവരുടെ വഴിയേ ആയിരിക്കില്ലെന്നറിയുക. യഥാർത്ഥത്തിൽ അവർ നിങ്ങളുമായി സംവാദത്തിലേർപ്പെടുകയല്ല ചെയ്യുന്നത്. ചുറ്റുമുള്ള നിഷ്പക്ഷരായി നിൽക്കുന്ന ആളുകളെ confuse ചെയ്യിക്കുകയാണ് അവരുടെ ലക്ഷ്യം. ഒരു ചോദ്യത്തെ യുക്തിസഹമായി നേരിടാൻ പറ്റില്ല എന്നറിയുന്ന നിമിഷം അവർ നുണകൾ എടുത്ത് വീശാൻ തുടങ്ങും. അതിനായി അവർ തന്നെ തയ്യാറാക്കി വെച്ച പലതരം റഫറൻസുകളും കൊണ്ടുവരും. അതുപോലെ തന്നെ അവരുടെ ആവനാഴിയിൽ എല്ലായ്പ്പോഴും കരുതി വെച്ചിരിക്കുന്ന ഒന്നാണ് 'ad hominem' അഥവാ വ്യക്തികേന്ദ്രിത ആക്രമണം എന്ന തന്ത്രം. ഉന്നയിക്കപ്പെട്ട വിഷയത്തെ ബോധപൂർവ്വം അവഗണിച്ച്, ഉന്നയിച്ച വ്യക്തിയെ കേന്ദ്രീകരിച്ച് അവഹേളനങ്ങൾ നടത്തുക എന്നതാണ് രീതി. സംഘപരിവാർ രാഷ്ട്രീയത്തിൻ്റെ ആരംഭകാലം തൊട്ട് ഈ തന്ത്രം അവരുടെ നേതൃനിരയിലുള്ളവർ തന്നെ പ്രയോഗിച്ചുകൊണ്ടിരിക്കുന്നത് കാണാം. ഒരു സദസ്സിലെ മത /ജാതി വിശ്വാസങ്ങളെ അടിസ്ഥാനപ്പെടുത്തി എങ്ങിനെ സംവാദത്തിൽ ഇടപെടാം എന്നത് സംബന്ധിച്ച് കൈപ്പുസ്തകം പോലും തയ്യാറാക്കിയവരാണ് സംഘപരിവാർ. അവരുടെ കൈപ്പുസ്തകത്തിൽ നിന്നുള്ള ഒരു ഉദാഹരണം കാണുക; ''ഹിന്ദു മത വിശ്വാസികൾ കൂടുതലുള്ള ഒരു സദസ്സിൽ വെച്ച് നാസ്തികർ / സെക്യുലറിസ്റ്റുകൾ എന്നിവരുമായി വിശ്വാസ സംബന്ധിയായ തർക്കത്തിൽ ഏർപ്പെടരുത്'' സദസ്സിൻ്റെ / ശ്രോതാക്കളുടെ സ്വഭാവമനുസരിച്ച് എന്തൊക്കെ കാര്യങ്ങൾ എങ്ങിനെ അവതരിപ്പിക്കണം, ആരെയൊക്കെ / ഏതൊക്കെ റഫറൻസുകൾ ഉപയോഗപ്പെടുത്തണം തുടങ്ങി തങ്ങളുടെ പ്രചരണ പ്രവർത്തനങ്ങൾക്കായ് ഏത് കല്ലും ഇളക്കി നോക്കാൻ കച്ചകെട്ടി ഇറങ്ങിയവരാണവർ. യുക്തിയോ, കാര്യകാരണങ്ങളോ അവരെ സ്പർശിക്കുക പോലും ചെയ്യില്ല. കാരണം, സമൂഹത്തിൻ്റെ പൊതുവായ വികാസത്തിനും മുന്നോട്ടു പോക്കിനും ചിന്താ തലത്തിലും പ്രയോഗ തലത്തിലും എന്തെങ്കിലും സംഭാവനകൾ നൽകുക എന്നത് സംഘ പരിവാരങ്ങളുടെ ലക്ഷ്യമേയല്ല; മറിച്ച് വിദ്വേഷം, വെറുപ്പ്, അസഹിഷ്ണുത എന്നിവ പടർത്തി വിഭജിത രാഷ്ട്രീയത്തിലൂടെ അധികാരത്തിലേറുക എന്നത് മാത്രമാണ്. സർ സംഘചാലകന്മാർ തൊട്ട് താഴെത്തട്ടിലുള്ള സംഘിക്കുട്ടന്മാർ വരെയുള്ളവരുമായി നടന്ന 'സംവാദ'ങ്ങളിലേക്ക് വെറുതെയൊന്ന് കണ്ണോടിച്ചു നോക്കൂ.. ഇനിയും നിങ്ങളിൽ ക്ഷമ ബാക്കിയുണ്ടെങ്കിൽ .... എല്ലാ ഭാവുകങ്ങളും. ''ആൻഡമാനിലെ ബുൾബുൾ പക്ഷികൾ'' നിങ്ങളുടെ രക്ഷയ്ക്കെത്തട്ടെ.🙏 . #🗳️ രാഷ്ട്രീയം #🔵 യുഡിഎഫ് #🔴 എൽഡിഎഫ് #🙏 രാഹുൽ ഗാന്ധി #🔶 BJP