ഡ്രീംവെൽ റിസോർട്ടിലെ ഹണിമൂൺ കോട്ടേജ് നമ്പർ വണ്ണിന്റെ വാതിൽക്കൽ ഉള്ള ശക്തമായ മുട്ടലും സംസാരവും കേട്ടു കൊണ്ടാണ് വിവാൻ കണ്ണ് തുറന്നത്. പക്ഷേ അവന് കണ്ണ് മുഴുവനായി തുറക്കാൻ പറ്റുന്നില്ലായിരുന്നു. കൈ കൊണ്ട് ഇരു കണ്ണുകളും തിരുമ്മി ഒരു കണക്കിന് അവൻ കണ്ണു തുറന്നു. കണ്ണു തുറന്നു നോക്കിയതും അവൻ കണ്ടു തന്റെ നെഞ്ചിൽ തല വെച്ച് കിടന്നുറങ്ങുന്ന ഒരു പെൺകുട്ടിയേ. അതോടെ അവൻ ഞെട്ടിത്തരിച്ചു പോയി. ' ഇവൾ... ഇവളാരാണ്? ' അവൻ സ്വയം അവനോട് തന്നെ ചോദിച്ചു. നഗ്നമായ തന്റെ നെഞ്ചിലാണ് അവൾ തല വെച്ചു കിടക്കുന്നത്. അവൻ ആ മുറി മുഴുവൻ പകച്ചു നോക്കി. പിന്നെ സ്വയം ശരീരത്തിലേക്ക് നോക്കിയ അവൻ വീണ്ടും ഞെട്ടി. തന്റെ ശരീരത്തിൽ ഒരു തുണി പോലും ഇല്ല. അതിനേക്കാൾ ഉപരി അവനെ തളർത്തിയത്, തന്റെ ശരീരത്തോട് ഒട്ടിച്ചേർന്ന് കിടക്കുന്ന ആ പെൺകുട്ടിയും നഗ്നയായിരുന്നു എന്നതാണ്. അവളുടെ മുഖം അവന് വ്യക്തമായി കാണാൻ സാധിക്കുന്നില്ലായിരുന്നു. " ഹലോ... ആരാണ് നീ? എഴുന്നേൽക്കൂ... ഹമ്, എഴുന്നേൽക്കൂ." അവളെ തൊടാതെ ശബ്ദം താഴ്ത്തി അവൻ അവളെ വിളിച്ചുണർത്താൻ ശ്രമിച്ചു. "ഹമ്.. ഹമ്ഹ." അവൻ വിളിക്കുന്നത് കേട്ട്, ഒരു ഞരക്കത്തോടെ അവൾ മെല്ലെ കണ്ണ് തുറക്കാൻ നോക്കി. കൺപോളകൾക്ക് അമിതമായ ഭാരം അവൾക്ക് അനുഭവപ്പെട്ടു. വളരെ ബുദ്ധിമുട്ടി അവൾ കണ്ണുകൾ രണ്ടും തുറന്നു നോക്കിയതും, അവൾ ഞെട്ടിത്തരിച്ചു ചാടി എഴുന്നേറ്റു. അപ്പോഴാണ് അവളുടെ ശരീരത്തിൽ ഒരു കഷണം തുണിയുടെ ശേഷിപ്പ് ഇല്ല എന്ന് അവളും മനസ്സിലാക്കുന്നത്. അതോടെ അവള് തളർന്നു. അവളുടെ നഗ്നത മറച്ചു പിടിക്കാൻ അവൾ അവന്റെ ശരീരത്തിലേക്ക് പറ്റിച്ചേർന്നു കിടന്നു. ദിയ തന്റെ കമ്പനിയിലെ പുതിയ സ്റ്റാഫ്. അവളെ കണ്ടു അവൻ ഞെട്ടി. " അയ്യോ ചതി... ചതി... നിങ്ങൾ... നിങ്ങളെന്നെ എന്ത് ചെയ്തു? " അവൾ അലറി വിളിച്ചു കൊണ്ട് അവനോട് ചോദിച്ചു. " ഓഹോ അപ്പോൾ വാദി പ്രതിയായോ? നീ ഇതിനായിരുന്നു എന്റെ കമ്പനിയിൽ ജോലിക്ക് വന്നത്? ഇങ്ങനെ ഒരു കെണി ഒരുക്കാൻ ഞാൻ എന്ത് അപരാധമാണ് നിന്നോട് ചെയ്തത്? നീ എന്തിനു വേണ്ടി ആർക്കു വേണ്ടിയാണ് ഈ ചതി ഒരുക്കിയത്? എനിക്ക് ഇപ്പോൾ അത് അറിയണം...." അവൻ അവളോട് ദേഷ്യപ്പെട്ടു. അവൾ പെട്ടെന്ന് അവനെ വിട്ടകന്ന് അവിടെ കിടന്ന പുതുക്കാനുള്ള ഷീറ്റെടുത്ത് തന്റെ നഗ്നത മറച്ചു " ഞാനോ? ഞാനൊന്നുമല്ല... ഞാനൊന്നും അറഞ്ഞിട്ട് പോലുമില്ല... തന്നെപ്പോലെയുള്ള ഒരു വലിയ പണക്കാരനെ ചതിക്കാൻ ഉള്ള അറിവോ, കഴിവോ എനിക്കില്ല... ഇത് നിങ്ങൾ മനപ്പൂർവ്വം എന്നെ നശിപ്പിക്കുവാനായി ഒരുക്കിയ കെണിയാണ്. നിങ്ങളെപ്പറ്റി ഞാൻ കേട്ടതൊക്കെ അപ്പോൾ ശരിയായിരുന്നു... നിങ്ങൾ ഒരു ആഭാസനാണെന്നും, ഓഫീസിൽ വരുന്ന പെൺകുട്ടികളെ എല്ലാം താൻ ഇതുപോലെ കൊണ്ടു പോകാറുണ്ടെന്ന് കേട്ടതൊക്കെ ശരിയാണല്ലേ? ഇതാണാടോ തന്റെ ബാച്ചിലർ പാർട്ടി? " അവളുടെ കണ്ണുകൾ പന്തം പോലെ നിന്നു കത്തി. "എടി mind your words.. അനാവശ്യം പറഞ്ഞാൽ ഉണ്ടല്ലോ... ആ നാവു ഞാൻ പിഴുതെടുക്കും, പറഞ്ഞില്ലെന്ന് വേണ്ട... എന്നെ മയക്കി കിടത്തി സുഖിച്ചിട്ട് ഇപ്പോൾ ഇരുന്ന് ന്യായം പറയുന്നുവോ...?" അവൻ ദേഷ്യത്തോടെ അവളോട് ചോദിച്ചു. "വൃത്തികേട് പറയരുത്... ഞങ്ങൾ പാവപ്പെട്ടവരാണ്... തന്നോടൊപ്പം സുഖിക്കേണ്ട ഗതികേട് ഒന്നും എനിക്ക് ഉണ്ടായിട്ടില്ല... ഞാൻ അതിനായി നടക്കുന്ന ഒരു സ്ത്രീയും അല്ല... ഇത് താൻ ഒപ്പിച്ച ട്രാപ്പ് ആണെന്ന് എനിക്ക് നന്നായി അറിയാം. തന്നെ പറ്റി തന്റെ ഓഫീസിൽ നിന്നും തന്നെ കേട്ടറിഞ്ഞ കാര്യങ്ങളാണ് ഇതൊക്കെ... ഇങ്ങനെ ഒരു ചതി എന്നോട് വേണ്ടായിരുന്നു..." അവൾ അതു പറഞ്ഞു പൊട്ടിക്കരഞ്ഞു. "ദാ... പൂങ്കണ്ണുനീർ ഒലിപ്പിക്കാൻ തുടങ്ങിയല്ലോ കള്ളി... പൈസ ഉള്ള ആൺപിള്ളേരെ ഇത് പോലെ ട്രാപ്പിൽ പെടുത്തുന്ന കുറേ എണ്ണം ഇറങ്ങിയിട്ടുണ്ട്... " അവൻ ശബ്ദം താഴ്ത്തി സ്വയം എന്നോണം പറഞ്ഞു. അപ്പോൾ വീണ്ടും പുറത്തേ വാതിലിൽ ആരോ തട്ടുന്നതും ഒച്ച വയ്ക്കുന്നതും അവർ കേട്ടു. "അയ്യോ; ആരാണാവോ പുറത്ത്? അമ്മയാണാവോ? അമ്മയാണെങ്കിൽ എന്നെ ഈ കോലത്തിൽ നിങ്ങളോടൊപ്പം കണ്ടാൽ.... ഈശ്വരാ; പിന്നെ എന്റെ അമ്മ ജീവിച്ചിരിക്കില്ല. നിങ്ങൾ ഒരു ചതിയനാണ്. പുതിയതായി വന്ന എന്നെ തന്റെ ബാച്ചിലർ പാർട്ടിയിലേക്ക് ക്ഷണിച്ചപ്പോൾ ഞാൻ ഒരിക്കലും വിചാരിച്ചില്ല ഇങ്ങനെ ഒരു ചതി തന്നിൽ നിന്ന് ഉണ്ടാവും എന്ന്. ഈശ്വരാ...! ഞാനിനി എങ്ങനെ എന്റെ അമ്മയുടെ മുഖത്ത് നോക്കും നാട്ടുകാരുടെ മുഖത്തു നോക്കും.." അവൾ പതം പറഞ്ഞും അവനെ കുറ്റപ്പെടുത്തിയും അവിടെയിരുന്നു കരച്ചിൽ തുടർന്നു "ഹ്ഹ.. ഹ്ഹ... അഭിനയം കൊള്ളാമെടി... സ്ത്രീകൾക്ക് കിട്ടിയിട്ടുള്ള വരദാനമാണല്ലോ ഈ കരച്ചിൽ.... ഇനി നാട്ടുകാരുടെ മുമ്പിൽ ഈ കരച്ചിൽ കൊണ്ട് നീ പരിശുദ്ധ... ഞാനോ? സ്വന്തം സ്ഥാപനത്തിൽ ജോലിക്ക് വരുന്ന പെൺകുട്ടികളെ പീഡിപ്പിക്കുന്ന പീഡകൻ... ആ പേര് ചാർത്തി തരാനല്ലേ നിന്റെ ഈ കള്ള കരച്ചിൽ? ആരാടീ നിന്റെ പിന്നിൽ ഇതിനായി കൂട്ടു നിന്നത്. നീ ഒറ്റയ്ക്കാവില്ല എന്ന് എനിക്കറിയാം. സത്യം സത്യമായി പറഞ്ഞോ? അതാണ് നിനക്ക് നല്ലത്..." അവൻ അത് പറഞ്ഞു കൊണ്ട് തന്റെ വസ്ത്രം അവിടം ആകെ തിരഞ്ഞു. " എടി നമ്മുടെ വസ്ത്രങ്ങൾ എവിടെ? " ചുറ്റുപാടും നോക്കിയിട്ടും, തങ്ങളുടെ വസ്ത്രങ്ങൾ ഒന്നും ആ മുറിയിൽ കാണാതെ വന്നതോടെ അവൻ അവളോട് ചോദിച്ചു. അവന്റെ ചോദ്യം കേട്ടാണ് അവൾ കരച്ചിൽ നിർത്തി ചുറ്റുപാടും നോക്കിയത്. അവൻ പറഞ്ഞത് സത്യമാണെന്ന് അവൾക്ക് ബോധ്യമായി. ആ മുറിയിൽ എങ്ങും തങ്ങളുടെ രണ്ടുപേരുടെയും വസ്ത്രങ്ങൾ ഇല്ലായിരുന്നു. അവൻ ബെഡ്ഷീറ്റിന്‍റെ ഒരറ്റം ഉപയോഗിച്ച് തന്റെ നഗ്നത മറച്ച് പിടിച്ചു കൊണ്ട് മൊബൈൽ എടുക്കാൻ അവിടെയൊക്കെ നോക്കി. അവന്റെ മൊബൈൽ മാത്രമല്ല കയ്യിലെ AI വാച്ചും അപ്രത്യക്ഷമായിരിക്കുന്നു. " നിന്റെ മൊബൈൽ എവിടെയാടി? " അവൻ അവളോട് ചോദിച്ചു. " അത് എന്റെ ബാഗിൽ " അവൾ മറുപടി കൊടുത്തു കൊണ്ട് തന്റെ ബാഗ് നോക്കി. അതും അവിടെയെങ്ങും കണ്ടില്ല. " അയ്യോ എന്റെ ബാഗ്? " അവളുടെ മുഖത്ത് അനിയന്ത്രിതമായ ഭയം നിറഞ്ഞു. അതോടെ അവന് കാര്യങ്ങൾ വ്യക്തമായി. ഇവളല്ല ഇതിന് പിന്നിൽ, ആരോ ഒരാൾ അല്ലെങ്കിൽ ഒന്നിൽ അധികം പേർ കൂടിയാണ് തന്നേയും ഇവളെയും കൂടി ഈ ട്രാപ്പിൽ പെടുത്തിയിരിക്കുന്നത്. തന്നോടുള്ള വൈരാഗ്യം, ശത്രുത, ബിസിനസ് എനിമിറ്റി, എന്നിവയാകാം ഇങ്ങനെ ഒരു ട്രാപ്പ് ഒരുക്കിയവരുടെ ലക്ഷ്യം. പക്ഷേ അതിന് ഈ പാവം പെൺകുട്ടി എന്ത് പിഴച്ചു. ഇവളെ അവർ എന്തിന് ബലിയാടാക്കി. അവളോട് അവന് സഹതാപം തോന്നി. "എടോ ദിയ, സോറി താൻ അല്ല കുറ്റക്കാരി എന്ന് തോന്നുന്നു... നമ്മളെ ആരോ ചതിയിൽ പെടുത്തിയതാണ്. ഞാൻ തന്നെ ഒരിക്കലും ചതിച്ചിട്ടില്ല. അറിഞ്ഞു കൊണ്ട് തന്റെ ശരീരത്തിൽ ഞാൻ തൊട്ടിട്ടു പോലുമില്ല. തനിക്ക് എന്നെ വിശ്വസിക്കാം... അല്ല താൻ എന്നെ ഇപ്പോൾ വിശ്വസിച്ചേ ഒക്കൂ... അല്ലാതെ വേറെ മാർഗ്ഗമില്ല... താൻ ആ ബെഡ്ഷീറ്റ് ചുറ്റി ബാത്ത് റൂമിലേക്ക് നിൽക്കു. ഞാൻ ഈ വാതിൽ ഒന്ന് തുറക്കട്ടെ..." അവനത് പറയുമ്പോൾ തന്നെ വാതിൽ വീണ്ടും ശക്തമായ തള്ള് അനുഭവപ്പെട്ടു. "നിങ്ങൾ ഈ വാതിലിന്റെ കീ കൊണ്ടു വരൂ... ഇതിന്റെ ഹാൻഡിൽ ലോക്ക് മാത്രമേ അകത്തു നിന്ന് വീണിട്ടുള്ളൂ." പുറത്തു നിന്ന് ആരുടെയോ ശബ്ദം അവൻ കേട്ടു. " ദിയ ഞാൻ പറഞ്ഞത് അനുസരിക്കു നീ വേഗം അകത്തേക്ക് പോകു. അവർ വാതിൽ തള്ളി തുറന്നു വന്നാൽ, പുറത്തു നിൽക്കുന്നവർ ഒന്നടങ്കം നമ്മളെ ഒന്നിച്ചു കാണും... നമ്മൾ രണ്ടുപേരും പെട്ടുപോകും കൂടുതൽ നാറ്റക്കേസ് ആവും.... പുറത്ത് ആരൊക്കെയുണ്ട് എന്ന് നമുക്ക് അറിയില്ല. എന്നെ കുടുക്കാൻ വെച്ച കെണിയിൽ നീയും കൂടി വന്ന് പെട്ടതാണ്... അതുകൊണ്ട് ഞാൻ ദയവായി നിന്നോട് അഭ്യർത്ഥിക്കുകയാണ് നീ അകത്തേക്ക് പോകു, ഞാൻ ഇതൊന്ന് കൈകാര്യം ചെയ്യട്ടെ..." അവന്റെ ദയനീയ ഭാവം കണ്ട് അവൾക്കും സഹതാപം തോന്നി. അവൾ മെല്ലെ ബെഡ്ഷീറ്റ് ഉപയോഗിച്ച് ശരീരം മുഴുവൻ മറച്ചു കൊണ്ട് ബാത്റൂമിലേക്ക് കയറി. അവൾ അകത്തു കയറി വാതിൽ അടച്ചു എന്ന് ഉറപ്പു വരുത്തിയതിനു ശേഷം അവൻ റൂമിന്റെ വാതിൽ മെല്ലെ തുറന്നു പുറത്തേക്ക് നോക്കി. സർക്കിൾ ഇൻസ്പെക്ടർ രാജഗോപാൽ, ഇൻസ്പെക്ടർ ജഗദീഷ്, വനിതാ കോൺസ്റ്റബിൾ ബീന ജെയിംസ് എന്നിവരാണ് അവിടെ നിന്നിരുന്നത്. " എന്താടാ ഇതിനകത്ത്? ആരാടാ നിന്നോടൊപ്പം ഉള്ളത്? രണ്ടും പുറത്തേക്ക് ഇറങ്ങി വരു.. " വിവാന്റെ മുഖം വാതിൽക്കൽ കണ്ടതും സർക്കിൾ ഇൻസ്പെക്ടർ രാജഗോപാൽ തന്റെ പോലീസ് മുറയിൽ തന്നെ ചോദിച്ചു "സാറേ.. ഒരു നിമിഷം ഒന്ന് അകത്തേക്ക് വരുമോ?" അവൻ അദ്ദേഹത്തോട് അഭ്യർത്ഥിച്ചു. " എന്തിനാടാ ഞാൻ അകത്തേക്ക് വരുന്നത്? നീ കൂടെയുള്ളവളേയും വിളിച്ചു പുറത്തേക്ക് വന്നാൽ മതി." അദ്ദേഹം ഈർഷ്യയോടെ പറഞ്ഞു. " സർ പ്ലീസ്... " അവൻ കൈകൂപ്പി കൊണ്ട് അദ്ദേഹത്തോട് അപേക്ഷിച്ചു. അപ്പോഴാണ് സർക്കിൾ രാജഗോപാൽ അവന്റെ നിൽപ്പ് കണ്ടത്. ബെഡ്ഷീറ്റ് വാരി പുതച്ചു നിൽക്കുന്ന അവനെ കണ്ട് അദ്ദേഹത്തിന് എന്തോ ഒരു അപാകത തോന്നി. " ജഗദീഷേ, എന്താണെന്ന് നോക്കടോ?" സർക്കിൾ ഇൻസ്പെക്ടർ രാജഗോപാൽ എസ്. ഐ. ജഗദീഷിനോട് ആവശ്യപ്പെട്ടു. ജഗദീഷ് വേഗം വാതിൽകലേക്ക് ചെന്നു. അദ്ദേഹം അകത്തേക്ക് കയറുന്നതിനായി വിവാൻ വാതിൽക്കൽ നിന്ന് ഒരു വശത്തേക്ക് ഒതുങ്ങി നിന്നു. " സാറേ, ഞാൻ വിവാൻ, വിവാ ഇന്റർനാഷണൽ പ്രൈവറ്റ് ലിമിറ്റഡ് എന്ന കമ്പനിയുടെ സിഎംഡിയാണ്. ഞങ്ങൾ ഇവിടെ മനപ്പൂർവ്വം വന്നു പെട്ടതല്ല... ആരോ ഞങ്ങളെ ട്രാപ്പിൽ പെടുത്തിയതാണ്... " എസ് ഐ അകത്തേക്ക് കയറിയതും വാതിൽ അടച്ചു കൊണ്ട് അവൻ ഒറ്റ ശ്വാസത്തിൽ പറഞ്ഞു. " നീ ഞങ്ങളെന്നു പറയാൻ ഇപ്പോൾ ഇവിടെ നീ ഒറ്റക്കല്ലേ ഉള്ളൂ നിന്റെ കൂടെ ഉള്ള പെണ്ണ് എവിടെ? " ജഗദീഷ് ചോദിച്ചു. " ആ കുട്ടി ബാത്റൂമിൽ ഉണ്ട്... പക്ഷേ അവൾക്ക് പുറത്തേക്ക് ഇറങ്ങാൻ പറ്റില്ല... സാർ എന്നെ തന്നെ നോക്കിയെ... ബെഡ്ഷീറ്റ് പുതച്ചാണ് ഞാൻ നിൽക്കുന്നത്... അതേ അവസ്ഥയാണ് അവൾക്കും. അതായത് അവളെയും എന്നെയും നഗ്നരാക്കി ഈ മുറിയിലേക്ക് ആരോ തള്ളിയിട്ടു പോയതാണ്. ഞങ്ങളെ അപമാനിത ആക്കാനും മറ്റെന്തോ നേട്ടത്തിനും.. ഞങ്ങളുടെ വസ്ത്രങ്ങളോ മൊബൈലോ ഒന്നും തന്നെ നീ മുറിയിൽ ഇല്ല..." വിവാൻ വിശദീകരിച്ചു. " കൊള്ളാം നിന്റെ വിശദീകരണം.. ഞങ്ങളെ പറ്റിക്കാനുള്ള പുതിയ അടവ് ആണല്ലേ ഇത്... വിളിക്കെടാ അവളെ പുറത്തേക്ക്... " ജഗദീഷ് സ്വരം കടുപ്പിച്ചു പറഞ്ഞു കൊണ്ട് ആ മുറി ഒന്നാകെ വീക്ഷിച്ചു. അവൻ പറയുന്നത് നേര് ആണെന്ന് അദ്ദേഹത്തിന് ബോധ്യം വന്നുവെങ്കിലും, അത് പരിപൂർണ്ണമായി ഉൾക്കൊള്ളാൻ അദ്ദേഹം ശ്രമിച്ചില്ല. "ദയവായി വിശ്വസിക്കു സാറേ... ആ കുട്ടിയെ കണ്ട് പരിശോധിച്ചാൽ മാത്രമേ സാറിന് വിശ്വാസം വരുവെങ്കിൽ, please call your Lady officer inside the room... അവർ ബാത്റൂമിൽ കയറി അവളെ ചെക്ക് ചെയ്യട്ടെ..." അവൻ ദയനീയമായി കൈകൂപ്പി അദ്ദേഹത്തോട് അപേക്ഷിച്ചു. "ങ്ഹും..." ഒന്ന് ഇരുത്തി മൂളിയിട്ട് ജഗദീഷ് വാതിൽക്കലേക്ക് നടന്നു. " ആ മാഡം വരുമ്പോൾ ഞാനിവിടെ പതുങ്ങി ഒതുങ്ങി ഇരുന്നോളാം.. അവർ എന്നെ ഈ രൂപത്തിൽ കാണരുത്... " അതും പറഞ്ഞു കൊണ്ട് അവൻ അവിടെ കോർണറിൽ ഇരിക്കുന്ന അലമാരയുടെ ഇടയിലേക്ക് ഒതുങ്ങി നിന്നു. ജഗദീഷ് വാതിൽ തുറന്നു ഒരു വനിത കോൺസ്റ്റബിളിന് അകത്തേക്ക് വിളിച്ചു... " നിങ്ങൾ ആ ബാത്റൂമിലേക്ക് ചെന്ന് നോക്കൂ... അവിടെ ഒരു പെൺകുട്ടി ഇരിപ്പുണ്ട്... അവളുടെ അവസ്ഥ എന്താണെന്ന് അറിയണം." വനിതാ കോൺസ്റ്റബിൾ ബീന ജോസ് അകത്തേക്ക് വന്നതും ജഗദീഷ് അവർക്ക് നിർദ്ദേശം നൽകി. "Yes sir...." എന്നു പറഞ്ഞ് ഓർഡർ സ്വീകരിച്ചിട്ട് അവൾ ആ ബാത്റൂമിന് അകത്തേക്ക് കയറി. "മാഡം പ്ലീസ് എന്നെ ഒന്ന് രക്ഷിക്കൂ. എനിക്ക് ഒന്നും അറിയില്ല... ഇന്നലെ രാത്രി ഞങ്ങളുടെ സാറിന്റെ ബാച്ചിലേഴ്സ് പാർട്ടിക്കാണ് ഞാൻ ഇവിടെ വന്നത്... അതിനിടയിൽ എന്തൊക്കെയാണ് സംഭവിച്ചത് എന്ന് എനിക്ക് ഒന്നും അറിയില്ല... എന്റെ വസ്ത്രങ്ങൾ ഒന്നും തന്നെ കാണുന്നുമില്ല... എന്നോട് അല്പം കരുണ കാണിക്കണേ?" അവൾ ബെഡ്ഷീറ്റ് കൊണ്ട് പൊതിഞ്ഞ ശരീരം ഒന്നു കൂടി ശരിയാക്കി കൊണ്ട് തൊഴുകയോടെ അകത്തേക്ക് വന്ന് വനിത കോൺസ്റ്റബിനോട് പറഞ്ഞു. "എന്താ നിന്റെ പേര്?" "ദിയ... ദിയ മോഹൻ..." " നിന്റെ വസ്ത്രങ്ങൾ എവിടെ പോയി? ആരൊക്കെയാണ് ഈ മുറിയിൽ ഉണ്ടായിരുന്നത്? " "ഞാൻ ഈ മുറിയിൽ എങ്ങനെ വന്നു എന്നു പോലും എനിക്കറിയില്ല. ഇപ്പോൾ എന്റെ സാർ വിളിച്ച് എഴുന്നേൽപ്പിച്ചപ്പോഴാണ് ഞാൻ എഴുന്നേറ്റത്... അപ്പോൾ എന്റെ ദേഹത്തും സാറിന്റെ ദേഹത്തും ഒരു തരി വസ്ത്രവും ഉണ്ടായിരുന്നില്ല.." അവൾ ദയനീയമായി വിശദീകരിച്ചു. " ഓഹോ അപ്പൊ രണ്ടും കൂടി രാത്രി സുഖിക്കുകയായിരുന്നു ഇതിനകത്ത്. ഇപ്പോൾ വന്ന് പോലീസ് പിടിച്ചപ്പോൾ കിടന്നു കളിക്കുന്ന നാടകം കൊള്ളാമല്ലോടി." ബീന ജോസ് പുച്ഛത്തോടെ കളിയാക്കുന്ന രീതിയിൽ പറഞ്ഞു. " ദൈവത്തെ ഓർത്ത് അങ്ങനെ ഒന്നും പറയല്ലേ... ഞാനൊരു പാവപ്പെട്ട വീട്ടിലെ കുട്ടിയാണ്... എന്റെ ഈ അവസ്ഥ, മാഡത്തിന്റെ അനിയത്തിക്കോ മറ്റോ ഉണ്ടാവുകയായിരുന്നു എങ്കിൽ...? " ദിയ സങ്കടത്തോടെ ചോദിച്ചു "ഭ്ഹാ... പിഴച്ചവളെ...!" അതൊരു ആട്ട് ആയിരുന്നു. അതോടെ അവൾ പേടിച്ച് പിന്നിലേക്ക് മാറി ഭിത്തിയിൽ ചാരി നിന്നു. " എന്റെ വീട്ടുകാരെ പറയുന്നോടി.. അവരാരും ഇതുപോലെ അഴിഞ്ഞാടി നടക്കുന്നവരല്ല..." ബീന ജോസിന്റെ നിയന്ത്രണം വിട്ടു " മാഡം പ്ലീസ്, ഞാനഴിഞ്ഞാടി നടക്കുന്നവളല്ല... എന്നെ ഒരു അനിയത്തിയെ പോലെ കണ്ടു ഒന്ന് രക്ഷിക്കു മാഡം.. " അവൾ തൊഴുകയോടെ മുട്ടുകുത്തി അഭ്യർത്ഥിച്ചു. വിവാൻ ഭാസ് എന്ന വിവാൻ ഭാസ്കർ. 29 വയസ്സുള്ള handsome young business ikon. ചെറുകിട വ്യവസായ രംഗത്ത് ഭാസ് എന്ന രണ്ടക്ഷരത്തിൽ മാത്രം അറിയപ്പെട്ടിരുന്ന ഇലഞ്ഞിക്കൽ ഭാസ്കറിന്റെയും അമ്മ സ്നേഹലതയുടെയും മൂത്ത പുത്രൻ. MBA ഫിനാൻസ് അമേരിക്കയിൽ നിന്ന് പഠിച്ച് നാട്ടിലെത്തി, തന്റെ അച്ഛനായിട്ടു ഉണ്ടാക്കി വെച്ച ബിസിനസ് സാമ്രാജ്യത്തിലേക്ക് കടന്നു, അവിടെ തന്റെതായ ഒരു വ്യക്തി മുദ്ര പതിപ്പിച്ചു കഴിഞ്ഞു. വിവാന് ആകെ ഉള്ളത് ഒരു അനിയൻ മാത്രമാണ്. വിഹാൻ 23 വയസ്സ്. പഠനമെല്ലാം കഴിഞ്ഞ് എത്തി ചേട്ടനോടൊപ്പം നിന്ന് തങ്ങളുടെ ബിസിനസിന്റെ ബാലപാഠങ്ങൾ പഠിക്കുന്നു. ദിയ എന്ന് വിളിക്കുന്ന ദിയാമോഹൻ. 23 വയസ്സ് മാത്രം പ്രായമുള്ള അവൾ തന്റെ MBA ഡിഗ്രി എടുത്തതിന് ശേഷം ആദ്യമായി കയറിയ ജോലിയാണ് വിവാ ഇന്റർനാഷണൽ പ്രൈവറ്റ് ലിമിറ്റഡ് എന്ന കമ്പനിയുടെ HR അസിസ്റ്റന്റ് എന്നത്. ചീരങ്കാട്ട് മോഹനന്റെയും സൗമ്യ മോഹന്റെയും മൂത്ത പുത്രി ആണ് ദിയ മോഹൻ. അവൾക്ക് ഉള്ളത് പ്ലസ്ടുവിന് പഠിക്കുന്ന ഒരു അനിയത്തി ദിശ മോഹൻ. വെളുത്തു മെലിഞ്ഞ സുന്ദരിയാണ് ദിയ. അത്രയധികം വലിപ്പമില്ലാത്ത എന്നാൽ നല്ല ഭംഗിയുള്ള കരിനീല മിഴികൾ ആണ് അവളുടെത്. ഇടതൂർന്ന് തിങ്ങിയ കാർകൂന്തൽ. കവിളിൽ ചെറിയൊരു നുണക്കുഴി. സദാ പുഞ്ചിരിയോടെ നിൽക്കുന്ന മുഖം. പഠിക്കാൻ മിടുക്കിയായിരുന്നു ദിയ. തന്റെ സാമ്പത്തിക സ്ഥിതി മോശമായിരുന്നിട്ടു കൂടി. മോഹൻ രണ്ടു മക്കളെയും കഷ്ടപ്പെട്ടും കടമെടുത്തും, അവരെ പഠിപ്പിച്ചു. മെറിറ്റിലൂടെ സർക്കാർ കോളേജിൽ അഡ്മിഷൻ നേടിയാണ് ദിയ MBAക്ക് പഠിച്ചത്. അതിൽ അവൾ നല്ല മാർക്കോട് കൂടി വിജയിച്ചു. ഇവിടെ തുടങ്ങുകയാണ് വിവാന്റെയും ദിയയുടെയും കഥ. ❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥 "ഇറങ്ങി വാടി പുറത്തേക്ക് " ബാത്റൂമിൽ നിന്ന് പുറത്തേക്ക് ഇറങ്ങി വന്നിട്ട് വനിതാ കോൺസ്റ്റബിൾ ബീന ജോസ് അകത്തേക്ക് നോക്കി ആവശ്യപ്പെട്ടു. സബ് ഇൻസ്പെക്ടർ ജഗദീഷ് ആ കുട്ടിയുടെ രൂപം എങ്ങനെയാകും എന്ന് കാണാനുള്ള ആകാംക്ഷയോടെ ബാത്റൂമിന്റെ വാതിൽക്കലേക്ക് നോക്കി നിന്നു. ആ ഓഫീസർമാരുടെ പെരുമാറ്റം തീർത്തും അസഹനീയമായി തോന്നി വിവാന്. "മാഡം അരുത്..." അവൻ വേഗം മറഞ്ഞിരുന്ന ഭാഗത്ത്‌ നിന്ന് പുറത്തേക്ക് വന്നു കൊണ്ട് പറഞ്ഞു. അവന്റെ ശബ്ദം കേട്ടത്തോടെ വാതിൽക്കൽ വരെ എത്തിയ ദിയ അവിടെ തന്നെ നിന്നു. അതേ സമയം ആ ഓഫീസർമാർ രണ്ടു പേരും തിരിഞ്ഞു അവനെ നോക്കി. " അല്പം ദയ കാണിക്കണം ആ കുട്ടിയോട്.. അവൾക്കോ എനിക്കോ ഒന്നും തന്നെ അറിയില്ല. ഞങ്ങളെ ആരോ എന്തോ നൽകി മയക്കി കിടത്തിയതാണ് ഇവിടെ. ഞങ്ങൾ ബോധത്തോടെയാണ് ഇവിടെ വന്നതെങ്കിൽ, ഞങ്ങളുടെ വസ്ത്രങ്ങളും മൊബൈലും ഒക്കെ ഇവിടെ കാണില്ലേ..? സാറും മാഡവും ഒന്ന് ചിന്തിച്ചു നോക്കൂ... " അവൻ തൊഴുകയോടെ താഴ്മയായി പറഞ്ഞു. അവന്റെ സംസാരം കേട്ട് സബ് ഇൻസ്പെക്ടർ ജഗദീഷും വനിതാ കോൺസ്റ്റബിൾ ബീന ജോസും പരസ്പരം മുഖത്തോട് മുഖം നോക്കി. ഇവൻ പറയുന്നതിൽ എന്തോ സത്യമുണ്ടെന്ന് അവർക്കും ബോധ്യമായി. അവർ ആ മുറി മൊത്തത്തിൽ ഒന്ന് വീക്ഷിച്ചു. ഒപ്പം ബെഡിന് അടിയിലും കബോർഡിന് ഉള്ളിലും മുകളിലും എല്ലാം അവൻ പറഞ്ഞതു പോലെ വസ്ത്രങ്ങളോ മറ്റോ ഉണ്ടോയെന്ന് അവർ തിരഞ്ഞു. എങ്ങും ഒന്നും അവർക്ക് കാണാൻ ആയില്ല. " നിങ്ങൾ ഇവിടെ ഇരുന്നോളൂ. ഞങ്ങൾ ഇപ്പോൾ വരാം..." സബ് ഇൻസ്പെക്ടർ ജഗദീഷ് വിവാനോടും ബാത്റൂമിന്റെ വാതിൽക്കൽ വരെ എത്തി നിൽക്കുന്ന ദിയയെയും നോക്കി പറഞ്ഞു. " വരൂ ബീനേ... " സബ് ഇൻസ്പെക്ടർ ജഗദീഷ് വനിത കോൺസ്റ്റബിളിനെയും വിളിച്ച് പുറത്തേക്ക് നടക്കാൻ തുടങ്ങി. " മാഡം പ്ലീസ്, മാഡത്തിന് ഇവിടെ നിന്നു കൂടെ?" ദിയ അപേക്ഷ രൂപത്തിൽ ബീനയോട് ആവശ്യപ്പെട്ടു. അവളുടെ അപേക്ഷ കേട്ട് ജഗദീഷും ബീന ജോസും പരസ്പരം മുഖത്തോട് മുഖം നോക്കി. ഇവരുടെയും കണ്ണുകളിൽ അവരോടുള്ള തെറ്റിദ്ധാരണ മാറി വരുന്നതായി ദൃശ്യമായി കൊണ്ടിരുന്നു. "ബിനേ, താൻ ഇവിടെ നിന്നു കൊള്ളു. ഞാൻ ചെന്ന് സാറിനെ കണ്ട് കാര്യങ്ങളെല്ലാം ബോധിപ്പിച്ചിട്ട് വേണ്ട നടപടി സ്വീകരിക്കാം." "Yes sir" ബീന ജോസ് അത് സമ്മതിച്ചു. ഉടൻ തന്നെ സബ് ഇൻസ്പെക്ടർ ജഗദീഷ് പുറത്തേക്ക് ഇറങ്ങി. വിവാന്റെ സർവ്വ മനോബലവും നഷ്ടപ്പെട്ടു കൊണ്ടിരുന്നു. അതിനു പ്രധാന കാരണം തന്റെ മുമ്പിൽ ഒരു ബെഡ്ഷീറ്റും മാത്രം ദേഹത്ത് ചുറ്റി തലയും കുമ്പിട്ടിരിക്കുന്ന ദിയയുടെ അവസ്ഥ തന്നെ. അവൻ ആ ബെഡിന്റെ ഒരു അറ്റത്ത് പതുങ്ങി ഇരുന്നു. 'പ്രായപൂർത്തിയായ ഒരു സ്ത്രീ തന്റെ ഭർത്താവിനു മുന്നിലല്ലാതെ വിവസ്ത്രീയായി വരാറില്ല. അങ്ങിനെ ആർക്കെങ്കിലും സംഭവിക്കുകയാണെങ്കിൽ അത് അവരുടെ ഗതികേട് കൊണ്ട് തുണിയഴിക്കേണ്ടി വരുന്നതാണ്. അല്ലാതെ ഒരു സ്ത്രീയും അവരുടെ നഗ്നത പ്രദർശിപ്പിക്കാൻ ആഗ്രഹിക്കില്ല. എന്നാൽ ഇവിടെ സംഭവിച്ചതോ? താൻ അവളുടെ പരിപൂർണ്ണ നഗ്നതയും കണ്ടിരിക്കുന്നു. ഒപ്പം അവളും തന്റെ പരിപൂർണ്ണ നഗ്നത കണ്ടിരിക്കുന്നു. ഈശ്വരന്മാരെ എന്തിന് ഞങ്ങളെക്കൊണ്ട് ഈ പാവം ചെയ്യിച്ചിരിക്കുന്നു.' അവൻ അറിയാതെ അവന്റെ മനസ്സ് തേങ്ങിപ്പോയി. അതേ അവസ്ഥ തന്നെയായിരുന്നു അവളുടെയും. 'അറിവ് വെച്ച് കാലം മുതൽ പൊന്നു പോലെ പൊത്തിപ്പിടിച്ച് സൂക്ഷിച്ച തന്റെ നഗ്ന ശരീരം, തീർത്തും അന്യനായ ഒരു പുരുഷന്റെ മുന്നിൽ പ്രദർശിപ്പിക്കപ്പെട്ടിരിക്കുന്നു. എന്റെ കൃഷ്ണാ... എന്തിനീ ചതി നീ എന്നോട് ചെയ്തു...?' അവൾ ഉള്ളിന്റെയുള്ളിൽ മനം നുറുങ്ങി വിലപിച്ചു. ഏതാനും മാസങ്ങൾക്കു മുമ്പ് ജീവിതത്തിന്റെ വഴിത്താരയിലേക്ക് കടന്നു വന്ന മാറ്റത്തിന്റെ ദിനത്തെ അവൾ മനസ്സുകൊണ്ട് ശപിച്ചു. ആ ദിനം അവളുടെ മനസ്സിലേക്ക് തെളിഞ്ഞു വന്നു. 🖤🖤🖤🖤🖤🖤 ക്ഷേത്രത്തിൽ നിന്ന് വെളിയിലേക്ക് ഇറങ്ങിയപ്പോഴാണ് ദിയ, തന്നെ പത്താം ക്ലാസിൽ കണക്ക് പഠിപ്പിച്ച അരവിന്ദൻ സാറിനെ കാണുന്നത്. കുറെ നാളുകൾക്കു ശേഷമാണ് അവൾ സാറിനെ കാണുന്നത്. വെള്ളമുണ്ടു ഉടുത്തു തോൾ നാടനും ചുറ്റിയാണ് ആണ് സാറിന്റെ വരവ്. " ഗുഡ്മോണിങ് സർ..." കുമ്പിട്ട് നടന്നു വരികയായിരുന്ന അരവിന്ദൻ സാറിന്റെ മുമ്പിൽ എത്തിയതും അവൾ വിഷ് ചെയ്തു. " ഗുഡ് മോർണിംഗ്.. " പറഞ്ഞു കൊണ്ട് അദ്ദേഹം തലയുയർത്തി നോക്കി. ഒരു നിമിഷം ആ മുഖത്ത് അപരിചിതത്വം നിഴലിട്ടു. അദ്ദേഹം അവളെ അടിമുടി ഒന്ന് വീക്ഷിച്ചു. " സാറിന് എന്നെ മനസ്സിലായില്ല എന്ന് തോന്നുന്നു... " അവൾ പുഞ്ചിരിയോടെ ചോദിച്ചു. " ദിയ... ദിയ മോഹനൻ അല്ലേ? " അമാന്തിച്ച അമാന്തിച്ച് അദ്ദേഹം ചോദിച്ചു. "അതെ സർ.." അവൾ വിനയത്തോടെ പറഞ്ഞു. അദ്ദേഹം അത്ഭുതത്തോടെ അവളെ നോക്കി. " നീയങ്ങ് വളർന്നു പോയല്ലോടി കൊച്ചേ... ദാവണിയൊക്കെ ഉടുത്തപ്പോൾ വലിയ പെൺകുട്ടിയായി... സത്യത്തിൽ നിന്നെ കണ്ടപ്പോൾ എനിക്ക് മനസ്സിലായില്ല... ഞാൻ കാണുമ്പോൾ വളരെ ചെറിയ കൊച്ചായിരുന്നില്ലേ നീ, ക്ലാസിലെ തന്നെ ഏറ്റവും ചെറിയ കൊച്ച്... ഇപ്പോൾ വലിയ പെണ്ണായി... അതിരിക്കട്ടെ നീ എന്ത് ചെയ്യുന്നു? " അവളെ കണ്ടതിലുള്ള അതിശയം നിവർത്തിച്ചു കൊണ്ട് അദ്ദേഹം ചോദിച്ചു. അതെല്ലാം കേട്ട് അവർ നാണത്തോടെ പുഞ്ചിരിച്ചു നിൽക്കുകയായിരുന്നു. "MBA കഴിഞ്ഞു... ഇപ്പോൾ ജോലിക്ക് ശ്രമിച്ചു കൊണ്ടിരിക്കുകയാണ്..." അവൾ സാറിന് മറുപടി നൽകി. "ഇന്റേൺഷിപ്, ക്യാമ്പസ്‌ സെലെക്ഷൻ ഒന്നും നിനക്ക് കിട്ടിയില്ലേ?" സാർ തിരക്കി. " ഇന്റേൺഷിപ് കിട്ടിയിരുന്നു മൂന്നു മാസത്തേക്ക്... പക്ഷേ ക്യാമ്പസ് സെലക്ഷൻ ഒന്നും ഞങ്ങളുടെ കോളേജിൽ ഉണ്ടായിരുന്നില്ല... അതൊക്കെ വലിയ പ്രൈവറ്റ് കോളേജിൽ അല്ലേ ഉണ്ടാവു... " അവൾ അറിയിച്ചു. " ഓഹോ അങ്ങനെയാണോ. എന്നിട്ടു മോൾ എവിടെയെങ്കിലും ട്രൈ ചെയ്യുന്നുണ്ടോ? ഏതായിരുന്നു മെയിൻ സബ്ജെക്ട്? " സാർ ചോദിച്ചു " ഹ്യൂമൻ റിസോഴ്സ് (എച്ച് ആർ )... " അവൾ മറുപടി നൽകി. " ഗുഡ് നല്ല സ്കോപ്പുള്ള ഫീൽഡ് ആണല്ലോ...! ശ്രദ്ധിച്ച് നല്ല സ്ഥാപനം നോക്കി സെലക്ട് ചെയ്യുക... തുടക്കം നന്നായാൽ മാത്രമേ മുന്നോട്ടുള്ള യാത്ര സുഗമമാവു... " അദ്ദേഹം അവൾക്ക് വിശദമാക്കി കൊടുത്തു. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/52225/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ