ഡിററക്ടീവ് ബാററൺബോസ് (71) ഇൻഡ്യൻ നേവിയുടെ തീര സംരക്ഷണ സേനയുടെ ഒരു പടുകൂററൻ കപ്പൽ വിശാഖപ്പട്ടണത്ത് നിന്നും ബംഗാൾ ഉൾക്കടലിലൂടെ തീര നിരീക്ഷണത്തിനായി കന്യാകുമാരിയിലേക്ക് നീങ്ങി... തീര സംരക്ഷണം ഉറപ്പ് വരുത്താനായി തീരത്തോട് ചേർന്ന് അതീവ ജാഗ്രതയോടെ തീരപ്രദേശം സൂക്ഷ്മ പരിശോധനയ്ക്ക് വിധേയമാക്കി കപ്പൽ മെല്ലെ മുന്നോട്ട് നീങ്ങി. ഈ സമയം മീൻപിടുത്തക്കാർ ബംഗാൾ ഉൾക്കടലിലും, അറബിക്കടലിലും കാണരുതെന്ന് നാവിക സേന മുന്നറിയിപ്പ് നൽകിയിരുന്നു. പിടികൂടുന്നവരെ സൂക്ഷ്മ പരിശോധനയ്ക്കും, അതി കഠിന തടവിനും ഇരയാക്കുമെന്നും വാണിങങ്ങും നൽകിയിരുന്നു. ഇന്ത്യൻ സമുദ്രാതിർത്തിയിൽ മീൻ പിടിത്തത്തിന് വരുന്ന മററു രാജ്യക്കാരെ ഉദ്ദേശിച്ചാണ് അത്തരത്തിലുളള കർശനമായ മുന്നറിയിപ്പ് നൽകിയിരുന്നത്. അനധികൃതമായി ഇൻഡ്യൻ സമുദ്രാതിർത്തിയിൽ കാണുന്ന ബോട്ടുകളേയും വളളങ്ങളേയും കസ്ററഡിയിലെടുക്കാൻ കൂടി ആയിരുന്നു നാവിക സേനയുടെ ആ നീക്കം. കന്യാകുമാരി തീരത്തെത്തിയ കപ്പൽ ബംഗാൾ ഉൾക്കടൽ, ഇൻഡ്യൻ മഹാസമുദ്രം, അറബിക്കടൽ ത്രിവേണി സംഗമത്തിലെത്തിയതും ത്രിവേണി സംഗമത്തിൻ്റെ ചുഴിയിൽ കറങ്ങുന്ന ഒരു ചാക്ക്കെട്ട് ക്യാപ്ടൻ്റെ ശ്രദ്ധയിൽ പെട്ടു. അപകടകരമായ എന്തെങ്കിലുമാണോ എന്നറിയാൻ ക്യാപ്റ്റൻ കപ്പൽ നങ്കൂരമിട്ടതിന് ശേഷം കപ്പലിലുളള നാവിക സേനാ കമാൻഡർമാർക്ക് വിവരം കൈമാറുകയും അപായ സൂചന നൽകുകയും ചെയ്തു. ഉടനെ രക്ഷാ ദൗത്യത്തിൻ്റെ ഒരു ബോട്ട് അപായ സൈറൺ മുഴക്കി കടലിലിറക്കി... നാലഞ്ച് സായുധ കമാൻഡോകൾ, കമാൻഡോ നായകൾക്കൊപ്പം ആ ബോട്ടിൽ പ്രവേശിപ്പിച്ചു. ധൃതിയിൽ ബോട്ട് ആ ചാക്ക് കെട്ടിനടുത്തെത്തി... ഒരു കമാൻഡോ ലൈഫ് ജാക്കററ് ധരിച്ച് കടലിൽ ചാടി ചാക്ക് കെട്ടിനെ പിടിച്ചു... ചാക്ക് കെട്ടിന് പുറത്തേക്ക് കിടക്കുന്ന തലമുടി കണ്ടപ്പോൾ അതൊരു ശവശരീരമാണെന്ന് മനസ്സിലായി... കമാൻഡോ സിഗ്നൽ കൈമാറി... കപ്പലിൽ നിന്നും കയർ എറിഞ്ഞു കൊടുത്തു... കമാൻഡോ ആ ചാക്ക് കെട്ട് രക്ഷാ ബോട്ടിൽ കയററി... (തുടരും) #📔 കഥ #📙 നോവൽ #🍲 ഇന്നത്തെ രുചി #🕵️‍♀️ കുറ്റാന്വേഷണ കഥകൾ