ഗാർഹിക പീഡന പരാതിയിൽ ബിജെപി തൃശൂർ ജില്ലാ പ്രസിഡൻ്റ് എ.ആർ ശ്രീകുമാറിനെ ഉടൻ അറസ്റ്റ് ചെയ്യുക... ​സ്വന്തം ഭാര്യയെ ക്രൂരമായി മർദ്ദിച്ച് കൊലപ്പെടുത്താൻ ശ്രമിച്ച ബിജെപി തൃശൂർ സൗത്ത് ജില്ലാ പ്രസിഡന്റ് എ.ആർ. ശ്രീകുമാറിനെതിരെ പോലീസ് വധശ്രമത്തിന് ജാമ്യമില്ലാ വകുപ്പ് പ്രകാരം കേസെടുത്തിട്ടും, അറസ്റ്റ് ചെയ്യാൻ പോലീസ് തയ്യാറായിട്ടില്ല. വീട്ടിലെത്താൻ വൈകിയത് എന്താണെന്ന് ചോദിച്ച് ശ്രീകുമാർ ഭാര്യ പ്രിയങ്കയെ ക്രൂരമായി മർദ്ദിച്ച് അവശയക്കുകയായിരുന്നു. തല ഭിത്തിയിലിടിപ്പിച്ച് കൊലപ്പെടുത്താൻ ശ്രമിച്ചതായും മുൻപും പലകാരണങ്ങൾ പറഞ്ഞ് നിരന്തരമായി മർദ്ദിച്ചിരുന്നതായും പ്രിയങ്ക പ്രതികരിച്ചു. ​മർദ്ദനത്തെത്തുടർന്ന് പരിക്കുകളോടെ കൊടുങ്ങല്ലൂർ താലൂക്ക് ആശുപത്രിയിൽ ചികിത്സ തേടിയെത്തിയ പ്രിയങ്കയെ ബിജെപിയുടെ സ്വാധീനത്തിന് വഴങ്ങി ഡ്യൂട്ടിയിലുണ്ടായിരുന്ന ഡോക്ടർ ചികിത്സിക്കാൻ തയ്യാറാകാതെ മടക്കി അയക്കാൻ ശ്രമിച്ചു. കൊടുങ്ങല്ലൂർ എംഎൽഎയും യുവജനക്ഷേമ - കായീക വകുപ്പ് മന്ത്രികൂടിയായ ഒ.ജെ. ജനീഷിനെ വിളിച്ചറിയിച്ചിട്ടും യാതൊരുവിധ സഹായവും ഉണ്ടായില്ല. ​ സ്ത്രീ സുരക്ഷയെക്കുറിച്ച് വാചാലമാവുകയും സ്വന്തം വീട്ടിലെ സ്ത്രീകളെ ക്രൂരമായി വേട്ടയാടുകയും ചെയ്യുന്ന ബിജെപി നേതാക്കളുടെ ഇരട്ടത്താപ്പ് ഇതോടെ ജനങ്ങൾക്ക് മുൻപിൽ തുറന്നു കാട്ടപ്പെട്ടിരി ക്കുകയാണ്. പരാതി നൽകിയ പ്രിയങ്കയ്ക്കെതിരെ സോഷ്യൽ മീഡിയയിലൂടെ ക്രൂരമായ സൈബർ ആക്രമണം അഴിച്ചുവിട്ട് പ്രതി യായ ശ്രീകുമാറിനെ സംരക്ഷിക്കുന്ന നിലപാടാണ് ബിജെപി നേതൃത്വം സ്വീകരിക്കുന്നത്. ക്രിമിനൽ കുറ്റകൃത്യങ്ങൾക്ക് കുടപിടിക്കുന്ന ബിജെപി സാംസ്കാരിക കേരളത്തിന് അപമാനമാണ്. മന്ത്രിയുടെ മൗനം ബിജെപി - കോൺഗ്രസ് ഡീലിൻ്റെ തുടർച്ചാണെന്നത് പകൽ പോലെ വ്യക്തമാവുകയാണ്. കൊലപാതക കേസിൽ ഉൾപ്പെടെ നിരവധി ക്രിമിനൽ കേസുകളിൽ പ്രതിയായ ശ്രീകുമാറിനെ ഉടൻ അറസ്റ്റ് ചെയ്യണം. സ്വയംരക്ഷയ്ക്ക് സഹായം അഭ്യർത്ഥിച്ച സ്ത്രീയോട് അവഗണന കാണിച്ച മന്ത്രി ജനീഷിന്റെ നിലപാട് അങ്ങേയറ്റം പ്രതിഷേധാർഹമാണ്. #🔵 കോൺഗ്രസ്സ് #🗳️ രാഷ്ട്രീയം #🔶 BJP #🟩 മുസ്ലിം ലീഗ് #💪🏻 സിപിഐഎം