पावसाळ्यात प्यायलाच हवे आमसुलाचे सार; आजीच्या बटव्यातला उपाय -गरमागरम सार प्या,पित्तासह आजार पळवा हे सार नेमके कसे करायचे आणि त्याचे आरोग्याला काय फायदे होतात पाहूया... उन्हाळ्याच्या दिवसांत ज्याप्रमाणे आपण जास्तीत जास्त गार आणि पाणी पोटात जाईल अशा पदार्थांचा आहारात समावेश करतो. त्याचप्रमाणे थंडीत आणि पावसाळ्यात गरम, ताजे आणि घशाला, पोटाला आराम देणारे पदार्थ करतो. विविध प्रकारची सूप, सार या पावसाळ्याच्या दिवसांत आवर्जून केल्या जाणाऱ्या रेसिपी. आपल्याला टोमॅटोचे सार माहित असते पण चिंचेचे किंवा आमसूलाचे सार काही जणांनाच माहित असते. तोंडाला चव आणणारी, झटपट होणारी आणि अतिशय चविष्ट असे हे आमसूल सार पावसाळ्याच्या दिवसांत आवर्जून प्यायला हवे. बाहेर गारवा असल्याने सर्दी, कफ झाला असेल तर घशाला आराम मिळावा म्हणून हे गरम सार अतिशय उपयुक्त ठरते. हे सार नेमके कसे करायचे आणि त्याचे आरोग्याला काय फायदे होतात पाहूया १. आमसूल - ८ ते १० २. गूळ - पाव वाटी ३. कोथिंबीर - पाव वाटी चिरलेली ४. तिखट - अर्धा चमचा ५. मीठ - चवीनुसार ६. लसूण - ४ ते ५ पाकळ्या ७. ओलं खोबरं - २ ते ३ चमचे ८. तूप - २ चमचे ९. जीरे - अर्धा चमचा १०. हिंग - चिमूटभर कृती - १. आमसूल स्वच्छ धुवून घ्या २. तूपाची फोडणी करा. त्यात जीरे, हिंग आणि लसूण घाला. ३. फोडणी झाली की त्यात अंदाजे पाणी घाला ४. पाण्यात धुतलेले आमसूल, गूळ, मीठ आणि तिखट आणि किसलेलं किंवा खोवलेले ओलं खोबरं घाला ५. आमसूलाचा रंग उतरायला सुरुवात होईपर्यंत चांगली उकळी येऊद्या. ६. उकळी आली की गॅस बारीक करा आणि वरुन बारीक चिरलेली कोथिंबीर घाला. ७. हे गरमागरम सार पुलाव, खिचडी, पराठा किंवा अगदी कशासोबतही छान लागते. #😋आम्ही खादाडी🥧