#😭'छावा'फेम अभिनेत्रीने संपवलं जीवन🙆♂️ धक्कादायक!.... छावा चित्रपट फेम मराठी अभिनेत्रीची राहत्या घरात आत्महत्या.....नालासोपारा येथील घरी आढळला मृतदेह... कुमकुम भाग्य, दिलवाली दुल्हा ले जायेगी, छावा अशा चित्रपट, मालिकेत झळकलेली मराठी अभिनेत्री संचिता उगाळे हिने गळफास घेऊन आत्महत्या केली आहे.
काल रविवारी १४ जून रोजी नालासोपारा (पूर्व) येथील आचोळे गावातील 'साई संतोषी' इमारतीमधील तिच्या निवासस्थानी संचिता मृत अवस्थेत आढळली. ही घटना सायंकाळी ७ ते ७:३० च्या दरम्यान घडली असावी, असा पोलिसांचा प्राथमिक अंदाज आहे.
आचोळे पोलीस ठाण्याचे सहाय्यक पोलीस निरीक्षक विनोद बाग यांनी दिलेल्या माहितीनुसार, संचिताने स्वतःला बेडरूममध्ये कोंडून घेतले होते. नंतर ती साडीच्या साहाय्याने छताच्या पंख्याला लटकलेल्या अवस्थेत आढळली. ही बाब लक्षात येताच कुटुंबीय आणि स्थानिक रहिवाशांनी तिला वसई-विरार महानगरपालिका रुग्णालयात नेले. मात्र तिथे डॉक्टरांनी तिला मृत घोषित केले. संचिता सोशल मीडिया वर ऍक्टिव्ह होती. संचिताचे आत्महत्या करण्यामागचे कारण अद्याप समोर आलेले नाही. मात्र कामाचा ताण आणि मानसिक त्रास यामुळे तीने आत्महत्या केली असावी असं म्हटलं जात आहे.
