നെഞ്ചോരമായ്.... 4 ശോ.. എന്തൊരു തങ്കപ്പെട്ട ചേട്ടൻ.. എടാ.. ഷാനു ഈ ചേട്ടനാണോ ഇവിടത്തെ ബഡാ സ്റ്റാർ... ചില്ലു അർജുൻ പോയ വഴിയേ നോക്കിക്കൊണ്ട് ചോദിച്ചു... ഇതൊരു ബഡാ സ്റ്റാർ തന്നെയാ.. പക്ഷെ ഇതിനെക്കാളും വല്യൊരു ബഡാസ്റ്റാർ ഉണ്ട്... ആള് മുന്നിൽ വന്നു നിന്നാൽ നിന്ന നിൽപ്പിൽ മൂത്രമൊഴിക്കും... ഷാനു പറഞ്ഞു തുടങ്ങി.. ആൾക്ക് അതിന്റെ അസുഖം ഉണ്ടോ.. പവിയാണ് ചോദിച്ചത്... ആളല്ല.. ഇപ്പൊ വന്ന കൊമ്പന്മാർ... അവരുടെ കാര്യാ ഞങ്ങൾ പറഞ്ഞത്....ഇവർക്കൊക്കെ ആളെ ഭയങ്കര പേടിയാ... കൂടെ ഞങ്ങൾക്കും  വിക്കി പറയുന്നത് ശ്രദ്ധിച്ചു കേൾക്കുകയാണ് പവിയും ചില്ലുവും... അതേ ഇപ്പോ ഇവിടുന്ന് ചവിട്ടിത്തുള്ളി പോയ ലവളില്ലേ ലവളുടെ സഹോദരനാണ്  ഞാനീ പറഞ്ഞ ബഡാ സ്റ്റാർ..... ഇനി എന്തൊക്കെ നടക്കും എന്തോ...... കണ്ടറിയാം..ഷാനുവിന്റെ പറച്ചിൽ കേട്ട് ചില്ലുവും പവിയും പരസ്പരം മുഖത്തോട് മുഖം നോക്കി... 🍀🍀🍀🍀🍀🍀🍀🍀🍀🍀🍀🍀🍀🍀🍀 അന്ന് വൈന്നേരം സിദ്ധു ലിവിങ് റൂമിലെ സെറ്റിയിൽ വിശാലമായി കിടന്നു അമ്മയുണ്ടാക്കിയ പലഹാരവും കൊറിച്ചു സിനിമ കാണുകയാണ്... അന്നേരത്താണ് നന്ദന കോളേജിൽ നിന്നു വരുന്നത്.... ഹായ്...നന്ദൂസ്... നീ വന്ന..ക്ലാസ്സ്‌ ഒക്കെയും എങ്ങനെയുണ്ടായിരുന്നു.. നല്ലോണം പഠിച്ചല്ലോ അല്ലെ...എടീ.. തമുന്റെ പടം ആണെടി.. അടിപൊളി മൂവി...കൂടുന്നോ.. സിദ്ധിവിന്റെ പറച്ചിൽ കേട്ട് നന്ദന തന്റെ ബാഗ് എടുത്ത് സെറ്റിയിലേക്ക് വലിച്ചെറിഞ്ഞു.. എന്ത് പറ്റിയെടി..അവളുടെ പ്രവർത്തി കണ്ട് സിദ്ധു ചോദിച്ചു.. ഇനി എന്തോന്ന് പറ്റാൻ.... ചേട്ടൻ ഇവിടെ സിനിമയും കണ്ടിരുന്നോ... കോളേജിൽ ആൺപിള്ളേർ കളി തുടങ്ങി.. അതാരാടി അവിടെ ഞാനറിയാത്ത ആൺപിള്ളേർ...സിദ്ധു ഒരീണത്തിൽ ചോദിച്ചു.. മാറ്റാരാ... ആ അർജുനുംകൂട്ടരും. നിങ്ങൾ നാലെണ്ണം സസ്‌പെൻഷനിൽ ആയതോടെ ആ മെക്ക്കാര് കയറി വിലസാൻ തുടങ്ങി.. അതും പോരാഞ്ഞു അവരുടെ കൂട്ടത്തിലേക്ക് രണ്ടു പെൺപിള്ളേർ കൂടി വന്നിട്ടുണ്ട്...അവന്മാർ എല്ലാവരും കൂടി അവളുമാരെ തലയിൽ കയറ്റി വെച്ചിരിക്കുവാ അതും അല്ല അവളുമാരുടെ മുന്നിൽ ഞാനിന്ന് നാണം കെട്ടില്ലേ... നീയൊന്ന് തെളിച്ചു പറ നന്ദു... സിദ്ധു അവളുടെ അരികിലേക്ക് നീങ്ങിയിരുന്നുകൊണ്ട് പറഞ്ഞു.. അന്നേരം നന്ദു ഇന്ന് നടന്നതൊക്കെയും പറഞ്ഞു.. അത് ശരി അപ്പോ അങ്ങനെയാണ് കാര്യങ്ങൾ.....അടുത്ത പഴം പൊരി അകത്താകുന്നതിനിടയിൽ അവൻ പറഞ്ഞൂ.. ഹ്മ്മ്..അത് മാത്രമല്ല ആ അർജുൻ ഏട്ടനെ കുറിച്ച് എന്തൊക്കെയാ പറഞ്ഞതെന്നറിയോ... നിന്റെ ഏട്ടന്റെ ഹീറോയിസം ഒന്നും മെക്കിലെ പിള്ളേരോട് വേണ്ട... നിന്റെ ഏട്ടൻ ഹീറോയല്ല സീറോയാണ്... വെറും സീറോ അല്ല ബിഗ് സീറോ ആണത്രേ.... ഏട്ടൻ ഇനി  കോളേജിൽ വന്നാൽ തലയിൽ മുണ്ടിട്ടു നടക്കേണ്ടി വരുമെന്ന്...അവരുടെ ഡിപ്പാർട്മെൻറിൽ cse ക്കാരെ കണ്ടാൽ മുട്ടുകാല് തല്ലിയൊടിക്കും പോലും..നന്ദു നിഷ്കുവായ് പറഞ്ഞു... ഓഹോ.. അവന് അങ്ങനെ പറഞ്ഞാ.. പറഞ്ഞു.. എന്റെ ഏട്ടനാണേ സത്യം.. അതെ ഏട്ടാ എനിക്ക് അവളുമ്മാരോട് പ്രതികാരം ചെയ്യണം... ഞാനിപ്പോ എന്താ വേണ്ടത്..?? മറ്റന്നാൾ സസ്പെഷൻ കഴിഞ്ഞു ഏട്ടൻ വരുവല്ലേ ഏട്ടൻ എന്റെ കൂടെ ഒന്ന് വന്നാൽ തി ബാക്കി ഒക്കെയും എനിക്ക് വിട്ടേക്ക്... ശരി.. സമ്മതിച്ചു..ഞാൻ വരാം...നിനക്ക് മുകളിൽ അവിടെ ഒരു മെക്ക് റാണി മാരും വാഴണ്ട വാഴിക്കത്തില്ല ഞാൻ.. താങ്ക് യൂ ഏട്ടാ.... ഏട്ടൻ മുത്താണ് മുത്ത്‌...നന്ദു തന്റെ ഏട്ടന്റെ കവിളിൽ ചുംബിച്ചു കൊണ്ടവൾ പറഞ്ഞു. അതേ ഏട്ടാ എന്റെ ക്ലാസ്സിലെ പെൺകുട്ടിയോൾ ഒക്കെയും ഏട്ടനെ അന്വേഷിച്ചിരുന്നുട്ടൊ... മോളെ നന്ദൂട്ടാ.. ദാറ്റ് പതപ്പിക്കൽ ഇവിടെ നടക്കില്ല മോള് ചെല്ല്... സിദ്ധു പറയുന്നത്‌ കേട്ട് നന്ദു ഒന്നിളിച്ചു കാണിച്ചു അകത്തേക്ക് നടന്നു... രണ്ട് ദിവസത്തിന് ശേഷം... ഇന്നാണ് സിദ്ധുവും കൂട്ടുകാരും സസ്‌പെൻഷൻ കഴിഞ്ഞു കോളേജിലേക്ക് തിരിച്ചെത്തുന്നത്.. തേജയും അഭിയും ജീവയും എല്ലാവരും കൂടി സിദ്ധുവിന്റെ വീട്ടിലേക്ക് വന്നതാണ്.. അഭിയും ജീവയും മുറ്റത്തു വണ്ടി നിർത്തി സിദ്ധുവിനെ വെയിറ്റ് ചെയ്യുന്നുണ്ട്...അവനെ വിളിച്ചിട്ട് വരാമെന്ന് പറഞ്ഞു തേജ അകത്തേക്ക് നടന്നു... ഇതേ സമയത്താണ് സിദ്ധുവും നന്ദുവും പുറത്തേക്ക് വരുന്നത്..നാളുകൾക്ക് ശേഷമാണ്‌ അവൾ തേജയെ കാണുന്നത്.. അന്നേരം നന്ദനയുടെ കണ്ണുകൾ വിടർന്നു.....ഉള്ളിലെ സന്തോഷം പുറത്ത് കാണിക്കാതെ നന്ദു സിദ്ധുവിന്റെ കൂടെ പുറത്തേക്ക് നടന്നു.. നന്ദു നീ നിന്റെ വണ്ടിയിൽ പൊയ്ക്കോ ഞാൻ ജീവയുടെ വണ്ടിയിൽ വന്നോളാം എന്നുള്ള സിദ്ധുവിന്റെ പറച്ചിൽ കേട്ട് നന്ദുവിന്റെ മുഖം വാടിയെങ്കിലും പൊടുന്നനെ എന്തോ ഓർത്തപ്പോലെ അവളുടെ മുഖം തിളങ്ങി... അത് ഏട്ടാ എന്റെ സ്കൂട്ടിക്ക് ചെറിയ കംപ്ലയിന്റ്... ഞാനും കൂടെ നിങ്ങളുടെ കൂടെ വരാം... ഞാൻ തേജുവേട്ടന്റെ പിറകിൽ ഇരുന്നോളാം എന്നുള്ള നന്ദുവിന്റെ പറച്ചിലിൽ അവർക്ക് ആർക്കും ആസ്വഭാവികത തോന്നിയില്ല..സിദ്ധു ജീവയുടെ കൂടെ  പോയപ്പോൾ നന്ദു തേജയുടെ ബുള്ളറ്റിന്റെ പിറകിലിരുന്നു.. അപ്രതീക്ഷിതമായി വീണു കിട്ടിയ അവസരം നന്ദു ശരിക്കും മുതലാക്കി.. അവൾ തേജയുടെ ബൈക്കിന്‌ പിറകിൽ ഒട്ടിച്ചേർന്നിരുന്നു..... അവളുടെ കണ്ണുകൾ അവനിൽ മാത്രമായിരുന്നു...എന്നാൽ തേജ ഇതൊന്നും ശ്രദ്ധിച്ചതേയില്ല.. സിദ്ധുവിന്റെ പെങ്ങൾ അവനും പെങ്ങൾ ആയിരുന്നു.... ഇതേ സമയം നമ്മുടെ പവിയും ചില്ലുവും കോളേജ് യൂണിഫോം ഒക്കെയും ധരിച്ചു സ്റ്റൈലിൽ വന്നതായിരുന്നു.. ഇരുവരും തങ്ങളുടെ ക്ലാസ്സിലെ ആൺപിള്ളേരുമായി വട്ടമേശ സമ്മേളനം നടത്തുന്നുണ്ട്.. അതിനിടയിൽ ഷാനുവും വിക്കിയും തമ്മിലുള്ള പഞ്ചഗുസ്തി മത്സരം നടക്കുന്നുമുണ്ട്... പവി ഷാനുവിനെ സപ്പോർട്ട് ചെയ്യുന്നുണ്ട് ചില്ലു വിക്കിയെയും.... ഇതേ സമയത്താണ് സിദ്ധുവും കൂട്ടരും ഫസ്റ്റ് ഇയർ മെക്ക് ലക്ഷ്യം വെച്ചു നടക്കുന്നത്.. കൂടെ നന്ദുവും ഉണ്ട്...നാളുകൾക്കു ശേഷം സിദ്ധുവിനെയും പിള്ളേരെയും കണ്ടപ്പോൾ എല്ലാവരു മാളത്തിലൊളിച്ചു...ചിലർ ശ്വാസം അടക്കി പിടിച്ചു അവരുടെ പോക്ക് നോക്കി നിന്നു... ഫസ്റ്റ് ഇയർ മെക്ക് ക്ലാസിനു മുന്നിൽ എത്താറായതും സിദ്ധു തന്റെ കൂട്ടുകാരെ തടഞ്ഞു.. നിങ്ങൾ ഇവിടെ നിൽക്ക്.. ഇത് ഞാനും ഇവളും മാനേജ് ചെയ്തോളമെന്ന് പറഞ്ഞു സിദ്ധു നന്ദുവിനെയും കൂട്ടി അകത്തേക്ക് നടന്നു... അതിനിടയിൽ സിദ്ധു കൂളിംഗ് ഗ്ലാസ്‌ ധരിച്ചു ഒരെണ്ണം നന്ദുവിനും കൊടുത്തു.....  ഇരുവരും ക്ലാസ്സിലേക്ക് ചെല്ലുമ്പോൾ  പിള്ളേർ ക്ലാസ്സിൽ അര്മാദിക്കുന്നുണ്ട്.. സിദ്ധുവും നന്ദുവും വന്നത് പോലും അവരാരും അറിഞ്ഞില്ല...എല്ലാവരും വട്ടം കൂടി നിന്നതിനാൽ ആരുടെയും മുഖം വ്യക്തമല്ല... .... സ്റ്റോപ്പിറ്റ്.... സിദ്ധു മുന്നിൽ കാണുന്ന ഡസ്കിലേക്ക് ആഞ്ഞടിച്ചു കൊണ്ട് പറഞ്ഞു...ശബ്ദം കേട്ട് എല്ലാവരും തിരിഞ്ഞു നോക്കി.. മുന്നിൽ നിൽക്കുന്ന ആളെ കണ്ടതും പവിയുടെ മുഖം ചുളുങ്ങി.. ഒപ്പം ചില്ലിവിന്റെയും...ഇതേ അവസ്ഥ തന്നെ ആയിരുന്നു സിദ്ധുവിന്റെയും..... ഇനിയിപ്പോ കൂളിംഗ് ഗ്ലാസ് വെച്ചതിന്റെ കുഴപ്പം ആണോന്നറിയാൻ കൂളിംഗ് ഗ്ലാസ്സ് എടുത്ത് നോക്കി...... ഇല്ല തെറ്റിയിട്ടില്ല... ഇത് ലവൾ തന്നെ..... "മഞ്ഞക്കിളി "....സ്വപ്നത്തിൽ എന്റെ ചോര കുടിച്ച വടയക്ഷി.... സിദ്ധുവാണേൽ ജാങ്കോ നീയറിഞ്ഞ ഞാൻ പെട്ട് എന്ന എക്സ്പ്രശനിട്ട് നിൽകുവാണ്...മെക്ക് റാണിമാരെ ഒതുക്കാൻ വന്നിട്ട് താൻ സ്വയം ഒതുങ്ങി പോവേണ്ടി വരുമോ എന്ന ചിന്തയിലാണ് സിദ്ധു.... ഇങ്ങനെ പന്തം കണ്ട പെരുചാഴിയെ പോലെ നിൽക്കാതെ അങ്ങട് ചോദിക്ക് ഏട്ടാ... നന്ദന അവനെ ഉന്തിത്തള്ളി വിട്ടു..... ആഹാ..പഞ്ചഗുസ്തി മത്സരം ആണല്ലേ.. ... നൈസ്.. വെരി നൈസ്...എല്ലാവരെയും കണ്ടതിൽ സന്തോഷം.... ഞാൻ അങ്ങട് ചെല്ലട്ടെ......എന്നാൽ നിങ്ങളുടെ കളി നടക്കട്ടെ...  You carry on guys... അതേ എനിക്ക് പ്രിൻസിയെ ഒന്ന് കാണാനുണ്ട്... ചെയർമാൻ ആയിപ്പോയില്ലേ..എന്നും പറഞ്ഞു  പവിയിലേക്ക് നീളുന്ന കണ്ണിനെ ശാസിച്ചു നിർത്തി സിദ്ധു എങ്ങനെയൊക്കെയോ പുറത്തേക്ക് നടക്കാക്കാനൊരുങ്ങവേ  എന്താ ഇവിടെ സംഭവിക്കുന്നത് അറിയാതെ നന്ദന സിദ്ധുവിനെ നോക്കി....നന്ദനയുടെ കൂർപ്പിച്ചുള്ള നോട്ടവും പവിയുടെ പുച്ഛിച്ചുള്ള നോട്ടവും കണ്ടു ഈ ഭൂമിയോന്ന് പിളർന്നു താഴേക്ക് പോയിരുന്നെങ്കിലെന്ന് സിദ്ധു അന്നേരം ആഗ്രഹിച്ചു പോയി..അല്ലേലും മനുഷ്യൻ ആഹ്രഹിക്കുമ്പോൾ ഒരു ഭൂകമ്പം ഉണ്ടാക്കിത്തരരുത്ട്ട എന്നും ദൈവത്തിനോട് പരാതി പറഞ്ഞു ഇവിടുന്ന് എങ്ങനേലും രക്ഷപെടണമല്ലോ എന്ന് കരുതി സിദ്ധു ഫോണും ചെവിയോട് അടുപ്പിച്ചു ആർക്കോ കോൾ ചെയ്യുന്നത് പോലെ നടിച്ചു അവിടുന്ന് സ്കൂട്ടായതും പവി നന്ദനയ്ക്ക് നേരെ പുച്ഛം വാരി വിതറി....ഛെ... എന്നും പറഞ്ഞുകൊണ്ട്  നന്ദന ക്ലാസ്സ് മുറിയിൽ നിന്നും ഇറങ്ങിനടന്നു.... എടീ...ഇതാണ് ഞാൻ പറഞ്ഞ ആ ബഡാ സ്റ്റാർ.... ഷാനു പവിയോട് പതിഞ്ഞ സ്വരത്തിൽ പറഞ്ഞു.. ഇവനാണോ അത്.... ഇടിയറ്റ്..എന്നുള്ള പവിയുടെ മറുപടി കേട്ട് ഷാനുവും വിക്കിയും പരസ്പരം മുഖത്തോട് മുഖം നോക്കി.. പുലിപോലെ പോയ സിദ്ധു എലിപോലെ വരുന്നത് കണ്ട് തേജയും അഭിയും ജീവയും വായും പൊളിച്ചു നിൽപ്പുണ്ട്..അവന്മാർ സിദ്ധുവിനോട് കാര്യം തിരക്കി.. എടാ.. ഇത് അവളാടാ എന്റെ മഞ്ഞക്കിളി എന്നും പറയുമ്പോഴേക്കും പിന്നാലെ നന്ദു വരുന്നുണ്ടായിരുന്നു... ദേ നന്ദു വരുന്നുണ്ട്...തത്കാലം അവളൊന്നും അറിയണ്ട....ഞാൻ വണ്ണിന് പോയെന്ന് പറഞ്ഞേക്ക് അല്ലേൽ വേണ്ട ചായകുടിക്കാൻ പോയെന്ന് പറഞ്ഞാൽ മതി.....ദൈവമേ എന്നോട് ഈ ചതി വേണ്ടായിരിന്നുട്ടോ... അപ്പോ ഇതായിരുന്നുല്ലേ മിനിഞ്ഞാന്ന് ആ സ്വപ്നം കാണിച്ചതിന് പിന്നിൽ.. എന്നും പറഞ്ഞു സിദ്ധു അവിടുന്നും എസ്‌കേപ്പ് ആവാനൊരുങ്ങി.. ഏട്ടാ നിൽക്ക്.. ഞാനൊന്ന് ചോദിക്കട്ടെ... നന്ദു പിന്നാലെ ചെന്നു.. നന്ദു..ഞാനൊരു ചായ കുടിച്ചിട്ട് വരാടി...അതേ നമുക്ക് വീട്ടിൽ നിന്നും സംസാരിക്കാം എനിക്കിത്തിരി തിരക്കുണ്ടെന്ന് പറഞ്ഞു സിദ്ധു സ്ഥലം വിട്ടു...അന്നേരം നന്ദു നിരാശയോടെ തന്റെ ക്ലാസ്സിലേക്ക് നടന്നു....സിദ്ധു പറഞ്ഞ പെണ്ണ് മഞ്ഞക്കിളി ആണോന്ന് ഉറപ്പിക്കാൻ വേണ്ടി തേജയും അഭിയും ജീവയും ക്ലാസ്സിൽ ചെന്ന് നോക്കി.... മഞ്ഞ മാത്രമല്ല പച്ചയും കൂടി ഉണ്ടെന്ന് കണ്ടതും അഭിയും ജീവയും നിന്ന് പരുങ്ങി.... എന്നാൽ തേജ ചില്ലുവിനെ തുറിച്ചു നോക്കുന്നുണ്ടായിരുന്നു... അവന്റെ ആ നോട്ടം കണ്ടതും അവൾ ഷാനുവിന്റെ പിന്നിലൊളിച്ചു...... സിദ്ധുവിന്റെയും കൂട്ടരുടെയും പോക്കും വരവും വ  രണ്ടാമത്തെ നിലയിലെ വരാന്തയിൽ നിന്നുകൊണ്ട് അർജുനും കൂട്ടരും കാണുന്നുണ്ടായിരുന്നു.... അർജുൻ അപ്പൊ തന്നെ പവിയുടെയും ചില്ലുവിന്റെയും അരികിൽ ചെന്ന് കാര്യം തിരക്കി.... സിദ്ധുവിനെ തനിക്ക് നേരത്തെ പരിജയമുണ്ടെന്നും അവൻ തന്റെ ശത്രുവാണെന്നും പവി പറഞ്ഞതും അർജുന്റെ കണ്ണുകൾ കൂടുതൽ തിളങ്ങി... തുടരും.... #📙 നോവൽ #📔 കഥ #💞 പ്രണയകഥകൾ

💜നെഞ്ചോരമായ് 💜... 3 വിശ്വനാഥന്റെയും വിമലയുടെയും നോട്ടവും ഭാവവും കണ്ടു ചില്ലുവും പവിയും ഡീസന്റ് ആയി...വിശ്വനാഥൻ ചില്ലുവിന്റെ അച്ഛനാണ്.. അമ്മയുടെ പേര് ലതിക... പവിയുടെ അമ്മയാണ് വിമല..അച്ഛൻ ഹരിദാസ്... അവൾ കുഞ്ഞായിരിക്കുമ്പോഴേ അവളുടെ അച്ഛൻ മരിച്ചു... പിന്നീട് അവളുടെയും അമ്മയുടെയും കാര്യങ്ങൾ നോക്കിയത് മാമനായ വിശ്വനാഥനായിരുന്നു... അവരുടെ വീട്ടിലായിരുന്നു പവിയുടെ ബാല്യവും കൗമാരവും ഒക്കെയും.. അതിനാൽ ചില്ലുവുമായി  അവൾക്ക് അത്രയ്ക്ക് ആത്മബന്ധമുണ്ടായിരുന്നു.. അവർക്കിടയിൽ രഹസ്യങ്ങൾ ഒന്നും ഇല്ലായിരുന്നു...... പവി.. മോളെ.. എന്താ മോളുടെ ഉദ്ദേശം.. ഇനിയും നിന്റെ അമ്മയെ വിഷമിപ്പിക്കണോ....... ജീവിതത്തിലെ എല്ലാ സന്തോഷങ്ങളും നിനക്ക് വേണ്ടി മാറ്റി വെച്ചു  നിനക്ക് വേണ്ടി മാത്രമാണ് നിന്റെ അമ്മയിന്നു ജീവിക്കുന്നത്..... അത് നീ മറന്നു പോവരുത്.... വിശ്വനാഥന്റെ വാക്കുകൾ പവിയുടെ ഹൃദയത്തിൽ തറഞ്ഞു പോയിരുന്നു... അവൾ തന്റെ അമ്മയെ നോക്കിയപ്പോൾ അമ്മ സാരിത്തലപ്പ് കൊണ്ട് കണ്ണുനീർ തുടയ്ക്കുന്നു.. എന്തോ ആ കാഴ്ച അവളെ  വേദനിപ്പിച്ചു..... ഞാൻ.. ഞാനിനി നന്നായിക്കോളാം വിശ്വമാമേ.. ഞാനിനി ഒരു പ്രശ്നത്തിനും പോവില്ല.. നല്ല കുട്ടിയായി പഠിച്ചോളാം.....ഞാനിനി എന്റെ അമ്മയെ വിഷമിപ്പിക്കില്ല.. ഞാൻ വാക്ക് തരുവാ...പവി തന്റെ അമ്മയുടെ കരം കവർന്നു കൊണ്ട് പറഞ്ഞു.... പവിയുടെ വാക്കുകൾ ഇടുത്തീ പോലെ ചില്ലുവിന്റെ നെഞ്ചിൽ തുളച്ചു കയറി... ഇവള്  നന്നായിക്കോളാമെന്ന് വാക്ക് കൊടുത്ത സ്ഥിതിക്ക് ഞാനും വാക്ക് കൊടുത്തേക്കാം ഇല്ലെങ്കിൽ അച്ഛന്റെ വായിലിരിക്കുന്നത് മുഴുവൻ ഞാൻ കേൾക്കേണ്ടി വരുമെന്ന് കരുതി അവളും തന്റെ അച്ഛന്റെ കരം കവർന്നു.. ഞാനും നന്നായി അച്ഛാ... ഇനി മുതൽ ഈ മോളെ ഓർത്തു എന്റെ അപമാനിക്കാം..അല്ല അഭിമാനിക്കാം... ചില്ലുവിന്റെ പറച്ചിൽ കേട്ട് വിശ്വനാഥൻ അവളെ കൂർപ്പിച്ചു നോക്കി.. സോറി അച്ഛാ നാക്കുളുക്കി പോയതാ.. എന്താന്നറിയില്ല ഈയിടെയായി ഉളുക്കലോഡ് ഉടുക്കലാണ്... ദേ പിന്നേം ഉടുക്കി... ഛെ.. ഉളുക്കി.. ഹ്മ്മ്.. ഹ്മ്മ്... മതി... നീയാണ് ഇവളെ ഇങ്ങനെ ചീത്തയാക്കുന്നത്... നിനക്കൊന്ന് നന്നായിക്കൂടെ ചില്ലു.. തന്റെ അച്ഛൻ പറയുന്നത് കേട്ടതും ചില്ലു പവിയെ ഒന്നിരുത്തി നോക്കി... ഡീ... മഹാപാപി question paper അടിച്ചു മാറ്റാൻ ഞാനില്ലെന്ന് ഞാൻ എന്തോരം പറഞ്ഞതാ... എന്നിട്ടിപ്പോ കുറ്റം മുഴുവൻ എനിക്ക്..... ചില്ലു  ആത്മഗതം പറഞ്ഞോണ്ട്  ചില്ലുവിനെ നോക്കി പല്ല്  ഞെരിച്ചതും ഞാനൊന്നും അറിഞ്ഞില്ലേ എന്ന ഭാവത്തിൽ പവി തന്റെ അമ്മയുടെ പിന്നിലൊളിച്ചു.. ഹ്മ്മ്..കഴിഞ്ഞതൊക്കെ കഴിഞ്ഞു... നാളെ മുതൽ നിങ്ങൾ  പുതിയൊരു കോളേജിലാ പഠിക്കുന്നത്.....മിക്സഡ് കോളേജാണ്.... വിശ്വനാഥൻ പറഞ്ഞതും.. ഞങ്ങൾ എല്ലാം അറിഞ്ഞു എന്ന ഭാവത്തിൽ രണ്ടും കാലുകൊണ്ട് കളം വരക്കുന്നുണ്ട്.... പിന്നെ വീണ്ടും സ്വപ്നത്തേരിലേരി ചെയർമാന്റെ കൂടെയുള്ള duet അടിക്കാൻ തുടങ്ങി.. ഞാൻ പറയുന്നത് വല്ലതും നിങ്ങൾ കേൾക്കുന്നുണ്ടോ..?? രണ്ടിന്റേം പ്രവർത്തി കണ്ടു് വിശ്വനാഥൻ കനപ്പിച്ചു ചോദിച്ചു....അന്നേരം രണ്ടും ഡീസന്റ് ആയി അയാളുടെ വാക്കുകൾ കാതോർത്തു.. അവിടെ നിങ്ങളുടെ ഒരു കുരുത്തക്കേടും നടക്കില്ല.....ചില്ലു നിന്റെ ചെറിയമ്മാവൻ ഹരി അവിടത്തെ സാറാണ്....അതുകൊണ്ട് അവിടെ ഒരില അനങ്ങിയാൽ ഞാനറിയും... നേരെ ചൊവ്വേ നിന്നാൽ നിങ്ങൾക്ക് കൊള്ളാം.... ഇല്ലേൽ രണ്ടിനെയും കെട്ടിച്ചു വിടും..വിശ്വനാഥൻ പിള്ളേർക്ക് വാണിങ്ങും കൊടുത്ത് അകത്തേക്ക് പോയതും മോനെ മനസ്സിൽ ലഡ്ഡുപൊട്ടി എന്നപോലെ രണ്ടും മുഖത്തേക്ക്‌ മുഖം നോക്കി നാണിച്ചു നിന്നു... അമ്മേ.. നിങ്ങളുടെയൊക്കെ ആഗ്രഹം അങ്ങനെ ആണെങ്കിൽ അത് തന്നെ നടക്കട്ടെ.. ഞങൾ എതിര് നില്കുന്നില്ല..എന്നുള്ള പവിയുടെ പറച്ചിൽ കേട്ട് വിമല അവളെ വല്ലാത്ത ഭാവത്തിൽ നോക്കി... എന്തോന്നാ പവി നീ പറഞ്ഞു വരുന്നത്..?? അല്ല വിശ്വമാമയല്ലേ പറഞ്ഞത് കെട്ടിച്ചു വിടുമെന്ന്.. കെട്ടിച്ചു വിട്ടൊ... ഞങ്ങൾക്ക്  എതിർപ്പൊന്നുല്ല... ഡീ..വായടക്കി അവിടെ ഇരുന്നോണം. കെട്ടിച്ചു വിടണം പോലും... മുട്ടയിൽ നിന്നു വിരിഞ്ഞില്ല... അതേ രണ്ടും കേൾക്കാൻ വേണ്ടി പറയുവാ..മുപ്പത് കഴിയാതെ ഇവിടെ ആരും കെട്ടിപോണില്ല.... ഇത് കേട്ടതും മിഴിഞ്ഞ കണ്ണാലെ മുഖത്തോട് മുഖം നോക്കി.. അയ്യോ അപ്പച്ചി അങ്ങനെയുള്ള കടുത്ത തീരുമാനങ്ങൾ ഒന്നും എടുക്കരുത്....മുപ്പത് എന്നത് നമുക്ക് ഒരു ഇരുപത്തി അഞ്ചു ആക്കാൻ പറ്റുമോ... 25 ഫിക്സഡ്..അങ്ങോട്ടും ഇല്ല ഇങ്ങോട്ടും ഇല്ല ചില്ലു വിമലയുടെ സാരിത്തുമ്പ് ചുഴറ്റികൊണ്ട് പറഞ്ഞു.... പൊക്കോണം രണ്ടും അവിടുന്ന്.. വിമല രണ്ടിനെയും നോക്കി ദഹിപ്പിച്ചുകൊണ്ട് പറഞ്ഞൂ.... പിന്നെ എന്തിനാ കെട്ടുന്നത്... പവി പതിയെ പറഞ്ഞതാണെങ്കിലും വിമല കേട്ടിരുന്നു.. മുപ്പത്.. മുപ്പത് മതി... അമ്മയുടെ നോട്ടം കണ്ടു് പവി അറിയാതെ പറഞ്ഞുപോയി..... വിമല ഇരുവരെയും ഒന്നിരുത്തി നോക്കി അകത്തേക്ക് നടന്നു..... എന്ത് വിധിയിത് വല്ലാത്ത ചതിയിത്.. എന്നപോലെ ഇരുവരും മുഖത്തോട് മുഖം നോക്കി.... പിറ്റേന്ന് രാവിലെ....... ഇന്നാണ് ചില്ലുവും പവിയും പുതിയ കോളേജിലേക്ക് പോവുന്നത്... അലാറം അടിക്കുന്നത് കേട്ടിട്ടാണ്.. ചില്ലു ഉണരുന്നത്...അവൾ എഴുന്നേറ്റ ഉടനെ പവിയെ വിളിച്ചുണർത്തി... ഡീ... പല്ലി... എഴുന്നേൽക്ക് സമയം ഏഴു കഴിഞ്ഞു....ചില്ലു പവിയെ ഉണർത്തി..പിച്ചും പെയ്യും പറഞ്ഞുകൊണ്ട് പവി എഴുന്നേറ്റു.. പവിയും ചില്ലുവും കോളേജിലേക്ക് പോവാനുള്ള ഒരുക്കത്തിലാണ്.. രണ്ടു പേരും ജീൻസും ടോപ്പും ധരിക്കാനുള്ള ഒരുക്കത്തിലാണ്... അതിനിടയിലാണ് പവിയുടെ 'അമ്മ വിമലയും ചില്ലുവിന്റെ അമ്മ ലതികയും മുറിയിലോട്ട് കയറി വരുന്നതും ഇരുവരും എടുത്ത് വെച്ച ജീൻസും ടോപ്പും മാറ്റി ഇരുവർക്കും ദാവണി സെറ്റ് കൊടുക്കുന്നത്... രണ്ടും ഒരുപാട് പറഞ്ഞു നോകിയെങ്കിലും അമ്മമാർ രണ്ടും വിടുന്ന മട്ടില്ല... ദാവണിക്ക് ചേരുന്ന ഓർണമന്റ്സും ഹെയർ സ്റ്റൈലും ഒക്കെയും അമ്മമാർ തന്നെ സെറ്റാക്കി രണ്ടിനെയും കോളേജിലേക്ക് പറഞ്ഞു വിട്ടു... പോവുന്ന വഴിക്ക് അമ്പലത്തിൽ കയറി പ്രാർത്ഥിക്കാനും അമ്മമാർ പ്രത്യേകം പറഞ്ഞിരുന്നു..... പിള്ളേർക്ക് കണ്ടക ശനിയാണത്രെ.. കുടുംബ ജ്യോൽസ്യൻ കവടി നിരത്തിയപ്പോൾ  കണ്ടതാണ് പോലും.......ഈ പടക്കം പോലെയാണ് ആളുടെ പ്രവചനവും ഒന്ന് രണ്ടെണ്ണം അങ്ങ് ചീറ്റിപ്പോയാലും ബാക്കി ഒക്കെയും ശരിയായിക്കോളും.. അതാണ് അമ്മമാർക്ക് അത്രയ്ങ്ങട് വിശ്വാസം....സ്കൂട്ടിയിലാണ് ഇരുവരുടെയും യാത്ര... പവിയാണ് വണ്ടിയോടിക്കുന്നത്... ചില്ലു പിറകിൽ ഇരുന്നിട്ടുണ്ട്... അമ്മമാർ പറഞ്ഞത് പോലെ മഹാദേവ ക്ഷേത്രം എത്തിയതും ഇരുവരും വണ്ടി നിർത്തി.. പവിക്ക് പീരീഡ്‌സ് ആയതിനാൽ അമ്പലത്തിൽ കയറാൻ പാടില്ലായിരുന്നു.... അതിനാൽ തനിക്കുള്ളത് കൂടി പ്രാർത്ഥിച്ചിട്ട് പോന്നോളാൻ ഏല്പിച്ചു പവി ചില്ലുവിനെ പറഞ്ഞു വിട്ടു.....  ആ നേരത്താണ് സിദ്ധുവിന്റെ കൂട്ടുകാരൻ തേജസും അമ്മയും അമ്പലത്തിലേക്ക് വരുന്നത്..  തേജ അമ്മ മാധവിയുമൊത്താണ് അമ്പലത്തിലേക്ക് വന്നത്..... ഡാ.. നീ ചെന്ന് പ്രാർത്ഥിക്ക്.... ഞാൻ അർച്ചന കഴിപ്പിച്ചിട്ട് വരാം... ദൈവമേ ഇതോടെയെങ്കിലും ഇവൻ നന്നായാൽ മതിയായിരുന്നു..... ഈശ്വരാ ഭഗവാനെ.. ഇവനെ നല്ലൊരു എഞ്ചിനീയർ ആയിട്ട് എന്റെ മുന്നിൽ നിർത്തിയാൽ...ഞാൻ മാധവി എന്തോ പറയാൻ വന്നതും തേജ അമ്മയുടെ വാ പൊത്തിപിടിച്ചു... പ്ലീസ് അമ്മ നേരരുത്... ഞാൻ വേണേൽ അമ്മയുടെ കാൽ പിടിക്കാം....തേജ യാജനയുടെ സ്വരത്തിൽ പറഞ്ഞു.. ശിവ.. ശിവ.. എന്താ ഈ കുട്ടി കാണിക്കണേ... വേഗം പോയി പ്രാർത്ഥിച്ചിട്ട്  വരിക... എന്നിട്ട് വേണം ശയനപ്രദക്ഷണം നടത്തി വഴിപാട് പായസം വിതരണം നടത്താൻ...തന്റെ അമ്മയുടെ പറച്ചിൽ കേട്ട് തേജ വല്ലാത്ത ഭാവത്തിൽ അമ്മയെ നോക്കി മുന്നോട്ട് നടന്നു... എന്റെ കൈലാസ നാഥാ.. എന്നെയും പവിയെയും കാത്തോളണേ... എങ്ങനെയെങ്കിലും ഞങളെയൊന്ന് കരകയറ്റി വിടണേ.. ഞങ്ങൾക്ക് നന്നാവണം.. അതിന് അങ്ങു കൂടി മുൻകൈ എടുക്കണം... ചില്ലു ദൈവത്തിനോട് ഓരോന്ന് പറയുന്നുണ്ട്.. അങ്ങനെ പ്രാർത്ഥനയൊക്കെ കഴിഞ്ഞു തലയുഴിഞ്ഞു നാണയവും സമർപ്പിച്ചു   ചില്ലു ധൃതിയിൽ തിരിഞ്ഞു നടന്നു..അന്നേരമാണ് തേജയുമായി കൂട്ടിമുട്ടുന്നത്.. ഇരുവരുടെയും നെറ്റി തമ്മിൽ കൂട്ടി മുട്ടി.. രണ്ടു പേരും പരസ്പരം മുഖത്തോട് മുഖം നോക്കി.. അന്നേരം ഇരുവർക്കും എവിടെയോ കണ്ട പരിചയം.. പക്ഷെ എവിടെയാണെന്ന് ഒരു പിടിത്തവും ഇല്ലായിരുന്നു...രണ്ട് പേരും അങ്ങോട്ടും ഇങ്ങോട്ടും ഒരു സോറിയും പറഞ്ഞു മുന്നോട്ട് നടന്നു.. അതിനിടയിലാണ് ചില്ലുവിന് കത്തുന്നത്.. ഇത് അവനല്ലേ പല്ലിയെ ഉമ്മിച്ച അവന്റെ കൂട്ടുകാരൻ... ഇവന്മാർ അല്ലെ അവനെ തിരി കൊളുത്തി വിട്ടു ഓരോന്ന് ചെയ്യിപ്പിച്ചേ.... തെണ്ടികൾ.. അന്നവൾ എന്തോരം കരഞ്ഞതാ.. ഇവനെ അങ്ങനെ വിട്ടാൽ ശരിയാവില്ല എന്നും പറഞ്ഞു ചില്ലു തിരിഞ്ഞു നോക്കി അന്നേരം അവൻ മുന്നോട്ട് നടക്കുന്നുണ്ട്.... ചുറ്റിലും ആരും ഇല്ലെന്ന് ഉറപ്പ് വരുത്തി ഒച്ചയുണ്ടാക്കാതെ തിരിഞ്ഞു നടന്നു അവന്റെ പുറം നോക്കി ഒരിടി കൊടുത്തതും അവൻ ദേഷ്യത്തോടെ തിരിഞ്ഞു നോക്കി.. അന്നേരം അവൾ ഒരൊറ്റ ഓട്ടമായിരുന്നു... ഡീ... അവനവളുടെ പിടിക്കാനായി ചെന്നപ്പോഴേക്കും അവൾ എത്തേണ്ടിടത്തു എത്തിയിരുന്നു.. ഓടുന്നതിനിടയിൽ ചെന്ന് പെട്ടത് തേജയുടെ അമ്മ മധുവിന്റ മുന്നിലും.. ദാ കുട്ടി കഴിച്ചോളൂ.. എന്റെ മകന് വേണ്ടി നേർന്ന വഴിപാടാണ്.. അതിനിടയിൽ മധു  ഒരു ഗ്ലാസ്‌  പായസം നൽകികൊണ്ട് പറഞ്ഞതും അവൾ ഒറ്റ വലിക്കു പായസം അകത്താക്കി അമ്മയുടെ മോന് നല്ലതേ വരൂ ഞാൻ പ്രാർത്ഥിക്കാം...എന്നും പറഞ്ഞു ഓട്ടം തുടർന്നു.. പാർക്കിംഗ് ഏരിയയിൽ ചില്ലുവിനെയും കാത്തു വണ്ടിയുടെ മണ്ടയിൽ ഇരിക്കുകയാണ് പവി...പല്ലി മോളെ വണ്ടി വിട്  എന്നുള്ള ചില്ലുവിന്റെ പറച്ചിൽ കേട്ട് പവി വണ്ടി പറപ്പിച്ചു.. അതിനിടയിൽ അവൾ കാര്യങ്ങൾ ഒക്കെയും പവിയോട് പറഞ്ഞിരുന്നു... അന്നേരം പവിയുടെ മനസ്സിൽ സിദ്ധിവിന്റെ മുഖം തെളിഞ്ഞു. ഒപ്പം അവനെ കൊല്ലാനുള്ള ദേഷ്യവും തോന്നി... കോളേജ് കവാടത്തിനുള്ളിലൂടെ പവി യുടെ സ്കൂട്ടി കടന്നു പോയി.. വണ്ടി പാർക്ക് ചെയ്ത് ഇരുവരും ആ കോളേജ് മുറ്റത്തുകൂടെ പ്രിൻസിയുടെ മുറി ലക്ഷ്യം വെച്ചു നടന്നു... അവിടെ ചില്ലുവിന്റെ മാമൻ ഹരി ശങ്കർ ഉണ്ടാവുമെന്നും ഇരുവരോടും അങ്ങോട്ട് ചെല്ലാനും  പറഞ്ഞിട്ടുണ്ടായിരുന്നു... ഇരുവരും പരിസരം ഒക്കെയും വീക്ഷിച്ചുകൊണ്ട് മുന്നോട്ട് നടന്നു..... കണ്ണെത്താ ദൂരത്തോളം നീണ്ടു  കിടക്കുന്ന കോളേജ് കെട്ടിടവും ക്യാമ്പസും.... അങ്ങിങ്ങായി പിള്ളേർ  കൂട്ടം കൂടി നിന്നിട്ടുണ്ട്.. അതിൽ പെൺപിള്ളേരും ഉണ്ടായിരുന്നു... എല്ലാവരും കോളേജ് യൂണിഫോം ധരിച്ചിട്ടുണ്ട്.. ബ്ലാക്ക് കളർ പാന്റും purple colour plain full സ്ലീവ് ഷർട്ടും ആയിരുന്നു യൂണിഫോം.. ഷർട്ട് ഇൻ ചെയ്ത് വെച്ചു ആൺപിള്ളേരും പെൺപിള്ളേരും  ഒരുപോലെ സ്റ്റൈൽ ചെയ്തിട്ടുണ്ട്..  പിന്നെ രണ്ടു കൂട്ടരുടെ കഴുത്തിലും ഐഡി കാർഡ് കൂടി ഉണ്ട്..ഒരു ഭാഗത്തു നിരനിരയായി  ബൈക്ക് പാർക്ക് ചെയ്തിട്ടുണ്ട്... അതിൽ പല കമ്പനികളുടെ ബൈക്കും സ്കൂട്ടിയും എല്ലാം ഉണ്ട്.... ചിലവന്മാർ ബൈക്കിന്റെ മണ്ടയിൽ കയറിയിരുന്നു  സംസാരിക്കിന്നുണ്ട്.... ചിലയിടത്ത് പെൺപിള്ളേർ മാത്രം കൂട്ടം കൂടിയിട്ടുണ്ട്...ചിലയിടത്ത് ആണും പെണ്ണും ഒരുമിച്ചു കത്തിയടിക്കുന്നുണ്ട്... തണൽമരത്തിനു കീഴെയും സിമന്റ് ബെഞ്ചിലും ചില ഇണക്കുരുവികൾ സ്ഥാനം പിടിച്ചിട്ടുണ്ട്.. ഇതൊക്കെയും നോക്കി കൊണ്ട് വരികയാണ് ചില്ലുവും പവിയും.. രണ്ടിന്റെയും costume കണ്ടിട്ടാവണം എവിടെന്നോ ഒരു വിളിവന്നു... ഹേയ്.. ചിന്താമണീസ് ഇങ് വാ... എവിടുന്നാ ആ വിളി എന്നറിയാൻ രണ്ടും തിരിഞ്ഞും മറിഞ്ഞും നോക്കി.. നോക്കുമ്പോൾ തൊട്ടരികിലെ ഒരു കൂട്ടം ചേച്ചിമാരായിരുന്നു വിളിച്ചത്.. ഡീ...പല്ലി നമ്മളെ വിളിക്കുന്നു..ദേ ഇത് അത് തന്നെ റാഗിങ്.... എനിക്ക് പേടിയാവുന്നു...നമുക്ക് മലർ മിസ്സുകൾ ആണെന്ന് പറഞ്ഞു രക്ഷപ്പാപെട്ടാലോ. ചില്ലു നേരിയ ഭയത്തോടെ പറഞ്ഞു.. "മലർമിസ്സുകൾ."... പവി അവളെ ഒന്നിരുത്തി നോക്കി..... നീ വാടി അവരെക്കാൾ വലിയ രാജവെമ്പാലയെയാണ് അവര് ചവിട്ടിയതെന്ന് അറിയില്ലല്ലോ... പവി ചില്ലുവിനെ സമാധാനിപ്പിച്ചുകൊണ്ട് മുന്നോട്ട് നടന്നു.. എന്താ നിങ്ങളുടെ പേര്.. നാലു പെൺപിള്ളേരിലൊരുത്തി അല്പം ഗൗരവത്തിൽ ചോദിച്ചു... പല്ലവി... ചിലങ്ക... ഇരുവരും യഥാക്രമം പേര് പറഞ്ഞു. നിങ്ങളിവിടെ അരങ്ങേറ്റത്തിന് വന്നതാ..അല്ല ലുക്കും costume കണ്ടിട്ട് ചോദിച്ചതാ... മറ്റൊരുത്തി പരിഹാസത്തോടെ പറഞ്ഞു... വേണേൽ അങ്ങനെയും പറയാം.. പവി ഒരീണത്തിൽ പറഞ്ഞു... എന്നാൽ പിന്നെ അരങ്ങേറ്റം ഇവിടെ തന്നെ ആയിക്കോട്ടെ അല്ലെ കൂട്ടത്തിലെ ജാഡക്കാരിയാണ് ആ പറഞ്ഞത്.. ഒരാള് പാടട്ടെ മറ്റെയാൾ ആടട്ടെ.. അല്ലെ നന്ദു ... ജാഡക്കാരിയുടെ കൂട്ടുകാരി ഏറ്റു പിടിചു... റാഗിങ് ആണോ ചേച്ചിമാരുടെ ഉദ്ദേശം..അതേ ഞങ്ങൾ ട്രാൻസ്ഫർ സ്റ്റുഡന്റസ് ആണ് ചേച്ചിമാരെ.... പവി പറഞ്ഞു.. ട്രാൻസ്ഫർ സ്റ്റുഡന്റസ് ആണെങ്കിലും  നിങ്ങളിവിടെ ഫ്രഷേഴ്‌സ് ആണ് ഞങൾ സീനിയേഴ്‌സും.. സോ ഞങ്ങളെ അനുസരിച്ചേ പറ്റു... ജാഡക്കാരി നന്ദന അല്പം തലക്കനത്തോടെ പറഞ്ഞു.. ശരി... ഞങ്ങൾ അനുസരിക്കാം...ഈ പാട്ടും ഡാൻസും ഒക്കെയും ഔട്ട്‌ ഓഫ് ഫാൻഷൻ അല്ലെ.. നമുക്ക് വെറൈറ്റി പിടിച്ചൂടെ... ഞാൻ വേണേൽ ഇവിടെയുള്ള ഏതേലും ചേട്ടന്മാരെ പ്രൊപ്പോസ് ചെയ്ത് കാണിക്കാം... അതൊക്കെയാവുമ്പോല്ലേ കാണുന്ന നിങ്ങൾക്കും ഒരു ത്രില്ലുണ്ടാവുള്ളു... ചില്ലുവാണ് പറഞ്ഞത്.. എടീ യെ...ത്രില്ലും വെറൈറ്റിയും ആണുട്ടോ ലവളുമാരുടെ മെയിൻ... എന്തായാലും ഒരുപോലത്തെ ഡ്രെസ്സും ഇട്ട് വന്ന ഈ പരട്ടകൾക്ക് നമുക്ക് വെറൈറ്റി തന്നെ കൊടുക്കാം അല്ലിയോ... ലവളുമാരുടെ couple  ramp walk വിത്ത് ലിപ് lock... എങ്ങനെയുണ്ടാവും... ജാഡക്കാരി ഇരുവരെയും നോക്കി വല്ലാത്ത ഭാവത്തിൽ പറഞ്ഞു...അവളുടെ പറച്ചിൽ കേട്ട് പവിയും ചില്ലുവും പരസ്പരം മുഖത്തോട്  മുഖം നോക്കി.. സെച്ചിമാർ ഞങ്ങൾക്ക് ലെസ്ബിയൻ പട്ടം നേടിത്തരാനുള്ള പുറപ്പാടിലാണോ...പവി ജാഡക്കാരിയെ നോക്കിക്കൊണ്ട് പറഞ്ഞു.. അപ്പൊ നിങ്ങൾ ലെസ്ബിയൻ ആണെന്ന് സമ്മതിച്ചു അല്ലെ.. തന്റെ കഴുത്തിലെ ഐഡി കാഡ് നേരെയിട്ട് കൊണ്ട് ജാഡക്കാരി മറുപടി പറഞ്ഞൂ.. അന്നേരമാണ്  പവി അവളുടെ ഐഡികാർഡിലെ പേരും ബാച്ചും ഇയർ ഒക്കെയും. കാണുന്നത്.. അന്നേരം പവിയുടെ മുഖത്ത് ഒരു തരം ചിരി വിരിഞ്ഞു..പവി ജാഡക്കാരിയുടെ ഐഡികാർഡ് തനിക്ക് കാണും വിധത്തിൽ ഉയർത്തി പിടിച്ചു കുറച്ചു ഉറക്കെ വായിച്ചു.. നന്ദന പരമേശ്വർ.. ഫസ്റ്റ് ഇയർ cse... എടീ ചില്ലുവെ.. ലവൾ സീരിയറല്ല ജൂനിയറാടി..... പവി പറയുന്നത് കേട്ടതും ചില്ലു എല്ലാവരുടെയും ഐഡികാർഡ് എടുത്ത് നോക്കി... ആൻ മരിയ, ഹിബ, ശ്വേത..മൂന്ന് പേരും  cse ഫസ്റ്റ്  ഇയഴ്‌സ്.... അതേ സേച്ചിമാരെ..... ഇപ്പോ മനസ്സിലായി ആരാ ലെസ്ബിയനെന്ന്.... ലിപ് ലോക്ക്  കാണാൻ അത്രയ്ക്ക് പൂതിയാണെങ്കിൽ നാലുപേരില്ലേ അങ്ങട് ഉമ്മിച്ചു അർമാദിക്കുന്നെ... എന്നാൽ ഞങൾ പോട്ടെ... നമുക്ക് ഇനിയും കാണാം.. അല്ല കാണണം... എന്നും പറഞ്ഞു പവി അവൾക്ക് നേരെ ഒരു ലോഡ് പുച്ഛം വാരി വിതറി  ചില്ലുന്റെ കയ്യും പിടിച്ചു  സ്ലോ മോഷനിൽ മുന്നോട്ട് നടന്നു... അതിനിടയിൽ ബാഗിൽ നിന്നും കൂളിംഗ് ഗ്ലാസ് എടുത്ത് മുഖത്ത് വെക്കാൻ മറന്നില്ല.. ദാവണിയും ഉടുത്ത് കൂളിംഗ് ഗ്ലാസും വെച്ചു ഓഫീസിലേക്ക് കയറി പോവുന്ന പെൺപിള്ളേരെ ഇതേതാ യുദ്ധഭൂമിയിൽ പുതിയ ഭടികൾ എന്നപോലെ പലരും നോക്കി നിന്നു...ചില്ലുവും പവിയും പ്രിൻസിയുടെ ഓഫീസിനു മുന്നിലെത്തി... ഓഫീസിനു അകത്തേക്ക് കയറാൻ നേരം ഇരുവരും കൂളിംഗ് ഗ്ലാസ്‌ മാറ്റി നിഷ്‌ക്‌വായി അകത്തു കയറി.. അവിടെ അവരെയും കാത്തു പ്രിൻസിപ്പലും    ചില്ലുവിന്റെ മാമനായ ഹരി ശങ്കറും ഉണ്ടായിരുന്നു....ആള് അവിടത്തെ  അസിസ്റ്റന്റ് പ്രൊഫസർ ഇൻ കമ്പ്യൂട്ടർ സയൻസ് ആൻഡ് എഞ്ചിനീയറിംഗ് ആയിരുന്നു... അങ്ങനെ അവിടത്തെ ഫോർമാലിറ്റീസ് ഒക്കെയും കഴിഞ്ഞു ഹരി സാർ തന്നെ ഇരുവരെയും ഫസ്റ്റ് ഇയർ മെക്കിലേക്ക് കൊണ്ട് വിട്ടു... മാമനെ സോപ്പിടാൻ വേണ്ടി ഇരുവരും അനുഗ്രഹം ഒക്കെയും വാങ്ങിയിട്ടാണ് ക്ലാസ്സിൽ കയറിയത്... ഹരി സാർ അവിടത്തെ യങ് ആൻഡ് ഹാൻഡ് സം അധ്യാപകനാണ് പോരാത്തതിന് ബാച്ച്ലറും.... ഹരി സാർ തിരികെ മടങ്ങും നേരം പിടക്കോഴികൾ ഒക്കെയും വരാന്തയിൽ ഹാജരായിരുന്നു...... തങ്ങളുടെ കോളേജിൽ  ഇതിപ്പോ ആദ്യമായിട്ടാണ് പെൺ പിള്ളേർ മെക്കാനിക്കൽ എഞ്ചിനീയറിംഗിൽ ജോയിൻ ചെയ്യുന്നത്...മെക്കിലെ നാലു ക്ലാസ്സിലും ഒരൊറ്റ പെൺപിള്ളേർ പോലും ഇല്ലായിരുന്നു... അതിൽ നിന്നും തങ്ങൾക്കൊരു മോചനം കിട്ടിയല്ലോ എന്ന എക്സയിട്മെന്റിലാണ് ഫസ്റ്റ് ഇയറിലെ ആൺ ക്ലാസ്സിലെ ആൺകുട്ടികൾ.. അവന്മാർ ആവേശവും ആർത്തിയും മൂത്ത് ഇരുവരെയും തങ്ങളുടെ ബെഞ്ചിലേക്ക് ഇൻവൈറ്റ് ചെയ്യ്തു... തങ്ങൾ ആരുടെയും ക്ഷണം നിരസിക്കുന്നില്ലെന്നും ഓരോ ദിവസം ഓരോ ബെഞ്ചിൽ ഇരിക്കാമെന്ന് പറഞ്ഞു ചിലവിമാർ എല്ലാവരെയും നൈസ് ആയി കയ്യിലെടുത്തു... ഒടുവിൽ ഇരുവരും സെക്കന്റ്‌ ബെഞ്ചിൽ  ഷാനിബെന്ന ഷാനുന്റെയും  വിഖിൽ എന്ന വിക്കിയുടെയും നടുവിൽ ഇരുന്നു....പവിയും ചില്ലുവും പെട്ടെന്ന് തന്നെ  അവരുമായി കൂട്ടായി....... ഫസ്റ്റ് ഇയർ മെക്കിൽ രണ്ട് പെൺപിള്ളേർ വന്നത് അറിഞ്  ഒരുനോക്ക്‌ കാണാൻ വേണ്ടി എല്ലാവരും വരാന്തയിലൂടെ അങ്ങോട്ടും ഇങ്ങോട്ടും പരക്കം പാച്ചിലായിരുന്നു...ഹരിസാറിന് വേണ്ടപെട്ട കുട്ടികൾ എന്ന നിലയിൽ എല്ലാവരും നല്ല രീതിയിൽ തന്നെ ഇരുവരോടും പെരുമാറി... ഇതേ സമയം തന്നെ ഫ്രണ്ട്സിന്റെ മുന്നിൽ വെച്ചു അപമാനിച്ച പവിയ്ക്കും ചില്ലുവിനുമിട്ട് ഒരു പണികൊടിക്കാൻ വേണ്ടി തന്ത്രം മെനയുകയായിരുന്നു നന്ദന... ലഞ്ച് ടൈമിൽ അവൾ  computer സയൻസിലെ ഫൈനൽ ഇയർസ് പെൺകുട്ടികളെ കൂട്ടുപിടിച്ചു ഫസ്റ്റ് ഇയർ മെക്കിൽ ചെന്ന്  പവിയെയും ചില്ലുവിനെയും ചെറുതായി വിരട്ടാൻ നോക്കി... അന്നേരമാണ് മെക്കിലെ പുലികുട്ടികളായ  അർജുൻ റിജിൻ ധനജ്ഞയ്  എന്നിവർ വരുന്നത്... മൂവരെയും കണ്ടതും നന്ദുവും സീനിയർ പിള്ളേരും ചെറുതായൊന്നു പതറി... അശ്വതി.. ഇവിടെ റാഗിങ് നടക്കില്ലെന്നു നിനക്ക് അറിയാല്ലോ.... വല്ലവരുടെയും വാക്ക് കേട്ട് ഇറങ്ങി പുറപ്പെടുന്നതിനു മുൻപ് നിനക്ക് ഇതൊന്ന് ചിന്തിച്ചൂടെ...അർജുൻ മാന്യമായ രീതിയിൽ പറഞ്ഞു.. അർജുൻ പറയുന്നത് കേട്ട് അശ്വതിയും കൂട്ടുകാരും മറുപടിയൊന്നും പറയാതെ തലയും താഴ്ത്തി ക്ലാസ്സ് മുറിവിട്ടിറങ്ങി... അന്നേരം നന്ദന മാത്രം ക്ലാസ്സിൽ ബാക്കിയായി.... പവി വിജയീ ഭാവത്തിൽ അവളെ നോക്കി കൂളിംഗ് ഗ്ലാസ്‌ എടുത്ത് വെച്ച് സ്റ്റൈലിൽ അങ്ങനെ ഇരുന്നു...വീണ്ടും പവിയുടെയും ചില്ലുവിന്റെയും മുന്നിൽ തോൽക്കേണ്ടി വന്നതും നന്ദനയ്ക്കത് വല്ലാത്ത കുറച്ചിലായി.. എല്ലാവരെയും ദഹിപ്പിച്ചു നോക്കി  പോവുന്ന നന്ദനയെ കണ്ടു് അർജുൻ പിന്നിൽ നിന്ന് വിളിച്ചു.. ഹെലോ ഒന്ന് നിന്നെ....നിന്റെ ചൊറിച്ചിലെ മെക്കിലെ പിള്ളേരോട് വേണ്ട...ഈ നില്കുന്നത് മെക്ക് ക്വീൻസ് ആണ്..ഇനി കാളിമാറാൻ പോവുകയാ... അവനോട് പോയി പറഞ്ഞേക്ക്...പിന്നെ ഹീറോയിസം  കാണിക്കാൻ അവനിങ്ങോട്ട് വരികയും വേണ്ട... അർജുൻ ന്റെ പറച്ചിൽ നന്ദനയെ പിന്നെയും അപമാനത്തിലാഴ്ത്തി... അവൾ ദേഷ്യത്തോടെ ചവിട്ടിതുള്ളി പോവുന്നത് കണ്ടതും പവിയും ചില്ലുവും പരസ്പരം ഹൈഫൈ കൊടുത്തു..ഈ സമയം അർജുന്റെയും കൂട്ടരുടെയും നോട്ടം തങ്ങൾക്ക് നേരെ നീളുന്നത് തിരിച്ചറിഞ്ഞ പവി ചമ്മലോടെ കൂളിംഗ് ഗ്ലാസ് മാറ്റി അവരെ നോക്കി നന്നായിട്ടൊന്ന് ഇളിച്ചു കാണിച്ചു...ഇരുവർക്കും ഒരു ചെറു പുഞ്ചിരി സമ്മാനിച്ചു കൊണ്ട് അർജുൻ അവിടുന്ന് നടന്നു നീങ്ങി.... തുടരും..... #📙 നോവൽ #📔 കഥ #💞 പ്രണയകഥകൾ

💜നെഞ്ചോരമായ്.💜. 2 സിദ്ധു വിന്റെ കയ്യിലെ ഐ. ലവ് യു കണ്ട് പല്ലവി  കണ്ണ് മിഴിച്ചു നോക്കി.... അവൾ എങ്ങനെയൊക്കെയോ ഫോട്ടോ എടുത്ത് കൊടുത്ത് ഫോൺ തിരികെ കൊടുക്കാൻ നേരം അവനവൾക്ക് മാത്രം കേൾക്കാൻ പാകത്തിൽ ഐ ലവ് യു പറഞ്ഞതും അവൾ വല്ലാത്ത ഭാവത്തിൽ അവനെ നോക്കി.. അതിനിടയിൽ ചില്ലു അവളുടെ കയ്യിൽ പിടിച്ചു വലിച്ചതും അവളവനെ ഒന്ന് തിരിഞ്ഞു നോക്കിക്കൊണ്ട് മുന്നോട്ട് നടന്നു...പിന്നീട് വിവാഹ ആഘോഷം കഴിയും വരെ സിദ്ധു അവളെ കണ്ണിമചിമ്മാതെ നോക്കി നിന്നു.. വധുവരാന്മാരുടെ കൂടെ നിന്നു ഫോട്ടോ എടുക്കുമ്പോഴും ചില്ലുവിന്റെ കൂടെ സ്റ്റേജിൽ ഡാൻസ് കളിക്കുമ്പോഴും സിദ്ധുവിന്റെ കണ്ണുകൾ അവളിൽ മാത്രമായിരുന്നു... എപ്പോഴൊക്കെയോ പവിയും അത് ആസ്വദിക്കുന്നുണ്ടായിരുന്നു..ഒടുവിൽ ആഘോഷം ഒക്കെയും കഴിഞ്ഞു എല്ലാവരും അവിടുന്ന് മടങ്ങാനൊരുങ്ങവെ ചാലഞ്ച് സമയം കഴിയാറായി എന്നും പറഞ്ഞു സിദ്ധുവിനെ കൂട്ടുകാർ കളിയാക്കി തുടങ്ങി... എന്നാൽ സിദ്ധു തന്റെ അവസാനത്തെ അടവ് പയറ്റാനുള്ള  ഒരുക്കത്തിലായിരുന്നു... അവൻ ഒരു പേപ്പറിൽ എന്തോ എഴുതി ഒരു കൊച്ച് കുട്ടിയുടെ കയ്യിൽ ഏല്പിച്ചു അത് പവിക്ക് കൊടുക്കാൻ പറഞ്ഞു.. ആ കുട്ടി അത് പവിയെ ഏല്പിച്ചു സിദ്ധുവിനെ കാട്ടി ആ ചേട്ടൻ തന്നതാണെന്ന് പറഞ്ഞു... പവി അത് ആകാംഷയോടെ തുറന്നു നോക്കി.. ഹായ്.. എന്റെ പേര് സിദ്ധു എനിക്ക് തന്നെ ഒരുപാടിഷ്ടാ.. ഇവിടുന്ന് പോവുന്നതിനു മുൻപ് എനിക്ക് തന്നോട് ഒന്ന് സംസാരിക്കണം.. ഞാൻ പിന്നാമ്പുറത്തെ ബീച്ചിനരികിൽ ഉണ്ടാവും.. താൻ ഒറ്റയ്ക്ക് വന്നാൽ മതി.. എന്ന് സ്വന്തം....അത്രയുമായിരുന്നു ആ ലെറ്ററിൽ ഉണ്ടായിരുന്നത്... അനുവാദത്തിനെന്നാവണം പവി ചില്ലുവിനെ നോക്കിയതും ചില്ലു പൊയ്ക്കോളാൻ  പറഞ്ഞു.... പവി സിദ്ധുവിനെയും പ്രതീക്ഷിച്ചു വിജനമായ കടലോരത്തു  കാത്തു നിന്നു....കുറച്ചു നേരം കഴിഞ്ഞതും സിദ്ധു അങ്ങോട്ട് വന്നു.. കണ്ണിൽ പ്രണയം നിറച്ചു തന്റെ അരികിലേക്ക് വരുന്ന സിദ്ധുവിനെ കണ്ടതും എന്തിനെന്നറിയാതെ അവളുടെ ഹൃദയം ഉച്ചത്തിൽ മിടിച്ചു...അവൾ സിദ്ധുവിനൊരു പുഞ്ചിരി കൈമാറി.... താൻ വന്നിട്ട് കുറേ നേരം ആയോ എന്നുള്ള അവന്റെ ചോദ്യത്തിന് അവൾ ഇല്ലെന്ന് തലയനക്കി.. താങ്ക്സ്.. താൻ വരുമെന്ന് ഞാൻ ഒട്ടും പ്രതീക്ഷിച്ചില്ല... എന്താ തന്റെ പേര് അവൻ ചോദിച്ചു... പല്ലവി... അവൾ പതിഞ്ഞ സ്വരത്തിൽ മറുപടി പറഞ്ഞു.. സിദ്ധാന്ത്.... പല്ലവി...നല്ല മാച്ച് ആണല്ലേ... മിസിസ് പല്ലവി സിദ്ധാന്ത് കല്യാണം കഴിഞ്ഞാൽ അങ്ങനെയാണല്ലോ അറിയപെടുക.... എനിവേ എനിക്കിഷ്ടായി...അവൻ ചെറു ചിരിയാലേ പറഞ്ഞു.. എന്തിഷ്ടായെന്ന്..അവൾ ചോദിച്ചു.. തന്റെ പേര്.. പിന്നെ തന്നെയും.. അല്ല താൻ മറുപടി ഒന്നും പറഞ്ഞില്ല... എന്തെ എന്നെ ഇഷ്ടായില്ല.... അത് പിന്നെ..അവൾക്ക് എന്ത് പറയണം എന്നറിയാതെയായി.. അപ്പോ ഇഷ്ടായില്ല...??? അയ്യോ ഇഷ്ടക്കുറവൊന്നും ഇല്ല... അപ്പൊ ഇഷ്ടാണ്.... സിദ്ധു ചെറുചിരിയാലേ പറഞ്ഞു.. അത്.. പിന്നെ...അവൾക്ക് വ്യകതമായ ഉത്തരം കിട്ടിയില്ല... അത് പിന്നെ... ബാക്കി പറ.... അത് പിന്നെ എനിക്കൊന്നു ആലോചിക്കണം.... പവി എങ്ങനെയൊക്കെയോ പറഞ്ഞൊപ്പിച്ചു.. അപ്പൊ ഇഷ്ടക്കുറവൊന്നും ഇല്ല... അതായത് ഇഷ്ടാണെന്ന്.. അല്ലെ.... നിഗൂഢമായ ചിരിയോടെ സിദ്ധു ചോദിച്ചു.. അന്നേരം അവൾ തലയനക്കികൊണ്ട് നേർമയായി ഒന്ന് പുഞ്ചിരിച്ചു... ഞാൻ ഉറപ്പിക്കാൻ പോകുവാ തനിക്ക് എന്നെ ഇഷ്ടാണെന്ന്... അവളുടെ അരികിലായ് വന്നുകൊണ്ട് സ്വകാര്യം പോലെയവൻ പറഞ്ഞു.... അത്രയും തൊട്ടരികിൽ അവനെ കണ്ടപ്പോൾ അവളുടെ ഉള്ളിലൂടെ ഒരു വിറയൽ കടന്നുപോയി.. ആ നിമിഷം ഇരുവരുടെയും കണ്ണുകൾ തമ്മിൽ കൊരുത്തു...... ഒരു നിമിഷത്തിൽ കൂടുതൽ അവൾക്കാ കണ്ണിലേക്കു നോക്കി നിൽക്കാനായില്ല... അവൾ ഒരു തരം പിടച്ചിലോടെ നോട്ടം മാറ്റിക്കളഞ്ഞു..... ഉള്ളിലൂറിയ ചിരി മറച്ചു പിടിച്ചുകൊണ്ടവൻ അവളുടെ മുഖത്ത് വിരിയുന്ന ഭാവങ്ങൾ ഒപ്പിയെടുക്കുന്നുണ്ട്.....തന്റെ മുഖത്ത് നോക്കാതെ മിഴികൾ താഴ്ത്തി നിൽക്കുന്ന പെണ്ണ്... അവളുടെ മുഖത്തുകൂടെ അവന്റെ കണ്ണുകൾ അലഞ്ഞു നടന്നു.... അവളുടെ കണ്ണുകൾ പറയുന്നുണ്ട് തന്നോടുള്ള പ്രണയം... അവനാ നിമിഷം കുറ്റബോധം തോന്നി... പക്ഷെ കൂട്ടുകാർക്ക് മുന്നിൽ ബെറ്റ് വെച്ചതല്ലേ.. പകുതി മീശ വെച്ച് കോളേജിൽ ചെല്ലുന്നത് ഓർത്തപ്പോൾ അവൻ മറ്റെല്ലാം മറന്നു... അടുത്ത നിമിഷം അവന്റെ അധരങ്ങൾ അവളുടെ കവിളിൽ അമർന്നതും ഒരുതരം ഞെട്ടലോടെ അവളവനെ നോക്കി....അതേ സമയത്ത് തന്നെയാണ് കൈകൾ കൂട്ടിയടിക്കുന്ന ശബ്ദം കേൾക്കുന്ന... അവൾ  ശബ്ദം കേൾക്കുന്ന ഭാഗത്തേക്ക്‌ തിരിഞ്ഞു നോക്കി..... അവന്റെ കൂട്ടുകാർ കയ്യടിച്ചുകൊണ്ട് അങ്ങോട്ട് വരുന്നത് കണ്ടതും കാര്യം മനസ്സിലാവാതെ അവളുടെ കണ്ണുകൾ അവനിലേക്ക് നീണ്ടു.. കലക്കി മോനെ... സമ്മതിച്ചു തന്നിരിക്കുന്നു.... ഇവളെ വളച്ചു വീഴ്ത്തും എന്ന് പറഞ്ഞപ്പോൾ ഞങ്ങൾ k കരുതി മയിലെണ്ണ ഒഴിച്ച്   വീഴ്ത്തി വളക്കുമെന്ന്....ഇതിപ്പോ വളച്ചൊടിച്ചു കളഞ്ഞല്ലോ.......ബെറ്റിൽ നീ ജയിച്ചു.. കുപ്പി ഓർഡർ ചെയ്യട്ടെ അവന്റെ കൂട്ടുകാരനായ അഭി പറഞ്ഞു... അന്നേരം സിദ്ധു വിജയീ ഭാവത്തിൽ അവരെ നോക്കി...ശേഷം അവളിലേക്ക് നോട്ടം പായിച്ചപ്പോൾ ചുവന്നു കലങ്ങിയ കണ്ണുകളോടെ  അവളവനെ കടുപ്പിച്ചു നോക്കി...അവളുടെ  തീക്ഷണമായ ആ നോട്ടം കണ്ടതും അവനൊന്ന് പതറി... സോറി... ഞാൻ ഇവന്മാരുമായി  ചെറുതായി ബെറ്റ് വെച്ചിരുന്നു.. ഇവിടുന്ന് പോവുന്നതിനു മുൻപ് നിന്നെ വളക്കുമെന്നും നിന്റെ ഈ സുന്ദരമായ കവിളിൽ  ഒരുമ്മ തരുമെന്നും..... ജയിക്കാൻ വേണ്ടി ഏതറ്റവും പോവാൻ മടിയില്ലാത്തവനാണ് ഈ സിദ്ധാന്ത് പരമേശ്വർ.....ഞാൻ നേരത്തെ പറഞ്ഞതൊക്കെ താൻ മറന്നേക്ക്.. അതൊക്കെ ബെറ്റിന്റെ ഭാഗമാണ്.. പിന്നെ ഈ കിസ്സ്.....ഇതിപ്പോ ഞാനും താനും പിന്നെ ഇവന്മാരും മാത്രമേ കണ്ടുള്ളു....ഇവന്മാർ ആരോടും പറയില്ല..... ഇത്രയും നേരം ഒന്നും മിണ്ടാതെ നിന്നുവെങ്കിലും ഇത്തവണ അവളുടെ സകല നിയന്ത്രണവും നഷ്ടപ്പെട്ടുപോയിരുന്നു... യു....അപ്പോ താൻ.....തനിക്കെന്നെ ശരിക്കും അറിയില്ല... അതും പറഞ്ഞു കൊണ്ട് ഇരുകയ്യാലെ അവളവന്റെ കോളറിൽ പിടിത്തമിട്ടതും   ഒരു തരം ചിരിയോടെ വല്ലാത്ത ഭാവത്തിൽ അവനവളുടെ കൈകൾ രണ്ടും മുറുക്കി പിടിച്ചു....അവന്റെ ആ പിടിയിൽ അവളുടെ കയ്യിലെ കുപ്പിവളകൾ പൊട്ടി കയ്യിൽ നിന്നു രക്തം വരാൻ തുടങ്ങി... ആ നിമിഷം അവൾ വേദനയോടെ കൈ പിൻവലിച്ചു ..അവനെയവൾ ദഹിപ്പിച്ചു നോക്കികൊണ്ട് പിന്നിൽ കാണുന്ന കടലിലേക്ക് പിടിച്ചു തള്ളി...പ്രതീക്ഷിക്കാതെയുള്ള പ്രവർത്തി ആയതോണ്ട് അവൻ വെള്ളത്തിലേക്ക് മലർന്നടിച്ചു വീണു.....അവന്റെ വീഴ്ച്ച കണ്ടു അവന്റെ കൂട്ടുകാർ അവന്റെ അരികിലേക്ക് ഓടി....അപ്പോഴും അവളുടെ ദേഷ്യം അടങ്ങിയില്ല... ഡീ..... വീണിടത്തു നിന്നും എഴുന്നേൽക്കാൻ ശ്രമിച്ചുകൊണ്ട് അവൻ ദേഷ്യത്തോടെ അലറി വിളിച്ചു. പോടാ... എന്നും പറഞ്ഞു അവനെ ശ്രദ്ധിക്കാതെ അവൾ മുന്നോട്ട് നടക്കുമ്പോൾ അവളുടെ കണ്ണിൽ നിന്നും ഒരു തുള്ളി കണ്ണുനീർ അടർന്നു വീണു കവിളിനെ തലോടി.. ഇതേ സമയം തന്റെ ഡ്രെസ്സും ഫോണും വെള്ളത്തിലായ തിന്റെ ദേഷ്യത്തിൽ അവളുടെ അരികിലേക്ക് പോവാനൊരുങ്ങിയ സിദ്ധുവിനെ കൂട്ടുകാർ ഒക്കെയും ചേർന്ന് പിടിച്ചു വെച്ചു...... സിദ്ധു ചിന്തകളിൽ നിന്നുണർന്നു.. ഇതാണ് അന്നുണ്ടായത്...അന്നേരത്തെ ഒരാവേശത്തിന്റെ പുറത്ത് ചെയ്തു പോയതാ.. അല്ലാതെ മറ്റൊരു ഉദ്ദേശവും ഇല്ലായിരുന്നു... പിന്നീട് ആലോചിക്കുമ്പോൾ ഞാൻ ചെയ്തത് തെറ്റാണെന്ന് തോന്നിയിരുന്നു... ആ കുരിപ്പിനെ പിന്നെ ഞാൻ കണ്ടിട്ടേയില്ല... ഇന്നിപ്പോ ആദ്യായിട്ടാ സ്വപ്നത്തിൽ പോലും വരുന്നത്.... തമുന്റെ കൂടെ ഒരു ഐറ്റം ഡാൻസ് സ്വപ്നം കണ്ട് കിടന്ന ഞാനിപ്പോ ആരായി... സിദ്ധു... നീ എന്തെടുക്കുവാടാ...  ഭക്ഷണം എടുത്ത് വെച്ചിട്ടുണ്ട് പെട്ടെന്ന് വാ...ദേ പെട്ടെന്ന് വന്നില്ലേൽ നിന്റെ ചിക്കെൻ പീസ് ഞാൻ പോപോയ്ക്ക് കൊടുക്കും കേട്ടോ...അടുക്കളയിൽ നിന്നും 'അമ്മ വിളിച്ചു പറഞ്ഞു.. ദേ... അമ്മയുടെ വിളി വന്നിട്ടുണ്ട്...എന്നാൽ ഞാൻ പോയി വല്ലതും കഴിച്ചിട്ട് വരാം...പിന്നെ ഈ പോപ്പോ എന്ന് പറയുന്നത് എന്റെ അമ്മായീടെ മോൻ ഒന്നും അല്ല... ഇവിടത്തെ പട്ടിയാ.. കണ്ടില്ലേ ഇവിടത്തെ പട്ടിയ്ക്ക് പോലും എന്നേക്കാൾ വിലയുണ്ട്... ഇനി ഇങ്ങനെ വിട്ടാൽ ശരിയാവില്ല... ചോദിച്ചിട്ട് തന്നെ ബാക്കി കാര്യം..ഒരു ധൈര്യത്തിന് കൂടെ നിങ്ങളും പോര്... ശേഷം സിദ്ധു അടുക്കളയിലോട്ട് നടന്നു...അവന്റെ വരവ് കണ്ടതും അമ്മ അവനുള്ള ഭക്ഷണം എടുത്ത് ടേബിളിൽ വെച്ചു..... അല്ല അമ്മ.. അറിയാന്മേലാഞ്ഞിട്ട് ചോദിക്കുവാ എന്നെ എവിടുന്നേലും കളഞ്ഞു കിട്ടിയതാണോ...??? ഹ്മ്മ്.. എന്തെ നിനക്ക് സംശയം ഉണ്ടോ...അമ്മ ചോദിച്ചു.. ഉണ്ട്.. നല്ല സംശയം ഉണ്ട്... അങ്ങനെ ആയിരുന്നേൽ ഞാൻ വല്ല എലിവിഷവും തന്നു എന്നെ നിന്നെ കൊന്നേനെയല്ലോ.. ഇതിപ്പോ പെറ്റിട്ടു പോയില്ലേ വളർത്തിയല്ലേ പറ്റു.. നിന്നെ  പോറ്റി വളർത്തിയ എനിക്ക് ബെസ്റ്റ് മദർ ഓഫ് ദി വേൾഡ് പുരസ്‌കാരം തന്നു ആദരിക്കണം...അമ്മയുടെ പറച്ചിൽ കേട്ട് സിദ്ധു അമ്മയെ വല്ലാത്ത ഭാവത്തിൽ നോക്കി.. ഇതിലും ബേധം ഞാൻ സ്വയം എലി വിഷം കഴിച്ചു ചാകുന്നതായിരുന്നു.. സിദ്ധു ഒരീണത്തിൽ പറഞ്ഞു... ഇനിയും സമയം വൈകിയിട്ടില്ല സിദ്ധു ട്ടാ... അമ്മാ.... ദിസ് ഈസ്‌ ടൂ മച്ചേ... പോട്ടെടാ... 'അമ്മ ചുമ്മാ പറഞ്ഞതല്ലേ..മോൻ കഴിക്ക്.. ഗീത തന്റെ മകന്റെ അരികിൽ വന്നിരുന്നു കൊണ്ട് പറഞ്ഞു...അന്നേരം അവൻ വാരി താ എന്നപോലെ അമ്മയുടെ അരികിലേക്ക് പ്ളേറ്റ് നീക്കി വെച്ചതും അമ്മയുടെ ചുണ്ടിൽ സ്നേഹവും വാത്സല്യവും ഇടകലർന്നൊരു പുഞ്ചിരി വിരിഞ്ഞു... 🍀🍀🍀🍀🍀🍀🍀🍀🍀🍀🍀🍀🍀🍀🍀 ഇതേ സമയം മറ്റൊരിടത്ത്.....പഴയ മോഡളിലുള്ള ഓടിട്ട ഇരു നില വീട്...മുറ്റത്തു കൊപ്രയും മുളകും ഉണക്കാനിട്ടിട്ടുണ്ട്.. കൂട്ടത്തിൽ രണ്ട് പെൺപിള്ളേരെയും... ഈ നട്ടുച്ച നേരത്ത് ആ പാവത്തൂങ്ങളെ എന്തിനാ ഉണ്ടാക്കാനിട്ടതെന്ന് നമുക്ക് നോക്കാം.. എടീ ചില്ലു ഞാൻ സൺസ്‌ക്രീൻ ഇട്ടിട്ടില്ലെടി... പോയിട്ട് ഇട്ടിട്ട് വരട്ടെ...കൂട്ടത്തിലൊരുവൾ മറ്റൊരുവളോട് പറഞ്ഞു.... ഹ്മ്മ് ചെല്ല്.. ചെല്ല്.. അകത്തോട്ടു കയറിയാൽ കാൽ വെട്ടും എന്നാണ് അപ്പച്ചിയുടെ ഓർഡർ.. മറ്റവൾ പറഞ്ഞു ശോ എന്തൊരു കഷ്ടാണെന്നോ... എത്ര നേരായി ഈ വെയിൽ കൊള്ളാൻ തുടങ്ങിയിട്ട്... എന്താടി നമുക്ക് മാത്രം കണ്ണിൽ ബ്ലഡില്ലാത്ത വീട്ടുകാരെ കിട്ടിയെ.. അവൾ ദീർഘമായി നിശ്വസിച്ചുകൊണ്ട് പറഞ്ഞു....നിങ്ങൾക്കറിയോ ഞങ്ങളെ പോലെ പാവം കുട്ടികൾ ഈ പഞ്ചായത്തിൽ  ഇല്ലെന്നാ ഈ നാട്ടുകാർ പറയുന്നത്‌.....ഈ ഞങൾ ആരെന്നല്ലേ....... ഞാനും ദോ ഇവളും... ഏന്റെ പേര് പല്ലവി...ഇവളെന്നെ പല്ലീന്ന് വിളിക്കും.. ഇവള് മാത്രം.. ഇനിയിപ്പോ വേറെ വല്ലോരും വിളിച്ചാൽ അവരുടെ പല്ല് ഞാൻ അടിച്ചു തെറിപ്പിക്കും.... ഈ ഇവളാരാന്നല്ലേ എന്റെ ചങ്ക് ലിവർ കിഡ്നി ഹാർട്ട്‌ കം കസിൻ.. ദതായത് എന്റെ മാമന്റെ മോള്... പേര് ചിലങ്ക... ചില്ലുന്നു ഞാൻ വിളിക്കും....ഞങ്ങളെയിങ്ങനെ ഉണക്കാനിട്ട ഗോതമ്പ് പോലെ വെയിലത്ത്‌ നിർത്തിയിരിക്കുന്നത് എന്തിനാന്നറിയോ.... ചെറിയ.. വെറും ചെറിയ തെറ്റ് ചെയ്തതിനാണ്... എന്താന്നല്ലേ.. ഇന്ന് നടക്കാനിരുന്ന എക്സാമിന്റെ question paper ഞങ്ങൾ നൈസ് ആയിട്ടൊന്ന് അടിച്ചു മാറ്റാൻ നോക്കി.......പക്ഷെ പ്ലാൻ അങ്ങട് വിചാരിച്ചപോലെ വർക്ക്‌ ആയില്ല വാച്ച്മാൻ കൈയ്യോടെ പൊക്കി പ്രിൻസിയുടെ മുന്നിൽ നിർത്തി.. .. അല്ലേലും ഞങ്ങൾ എവിടെ പരിപാടി അവതരിപ്പിച്ചാലും ദതാണ് അവസ്ഥ.... വരാനുള്ളത്  വനത്തിൽ തങ്ങില്ലല്ലോ ല്ലേ.....നിലവിൽ ലാസ്റ്റ് വാണിംഗ് കിട്ടി നിൽക്കുന്ന ഞങ്ങൾക്ക് അപ്പോ തന്നെ ഡിസ്മിസ്സൽ ഓർഡർ കിട്ടി.. കൂടെ ടി സിയും തന്നു പറഞ്ഞു വിട്ടു..... അതിനുള്ള പണിഷ്മെന്റ് ആണിത്..... പാവം ഞങ്ങളെ വെയിലത്ത്‌ നിർത്തി അൽഫഹാം ചിക്കൻ പോലെ പൊരിച്ചെടുക്കുവാ... അല്ലേലും എഞ്ചിനീയറിംഗ് പഠിക്കാൻ ഞങ്ങൾക്ക് തീരെ താല്പര്യം ഇല്ലായിരുന്നു...എവിടെ നോക്കിയാലും എഞ്ചിനീയർസ്.. ഈ എഞ്ചിനീയർമാരെ തട്ടി നടക്കാൻ പറ്റാത്ത അവസ്ഥയാ... ഞങ്ങൾക്ക് ഫാഷൻ ഡിസൈനിങ് പഠിക്കാനായിരുന്നു ആഗ്രഹം....  എന്നിട്ട് ചില്ലവി എന്നപേരിൽ ഒരു boutique തുടങ്ങണം ... അങ്ങനെ ഞങളുടെ ബൊട്ടിക്ക്‌  പടർന്നു പന്തലിച്ചു  ഞങ്ങൾ അറിയപ്പെടുന്ന ഡിസൈനർസ് ആയി  ബോള്ളിവുഡ് ഇൻഡസ്ട്രിയൽ  costume ഡിസൈൻങ്ങിലേക്ക് കാലെടുത്തു വെക്കുന്നു...അന്ന് എവിടെ നോക്കിയാലും ചില്ലവിമാരായിരിക്കും ചർച്ചാ വിഷയം....അതായിരുന്നു ഞങളുടെ ഡ്രീം...ഹ്മ്മ്.. എന്ത് ചെയ്യാം..എല്ലാം വെള്ളത്തിൽ വരച്ച വര പോലെ ആയില്ലേ.....വീട്ടുകാർ നിർബന്ധിച്ചു എഞ്ചിനീയറിംഗ്ന് വിട്ടു.....  അതും വിമെൻസ് കോളേജിൽ..... പ്ലസ് ടു കഴിഞ്ഞു കോളേജിൽ ചെന്ന് പ്രേമിക്കാൻ നിന്ന ഞങ്ങൾ ആരായി........ഞങളിപ്പോ മെക്കാനിക്കൽ എഞ്ചിനീയറിംഗ് ഫസ്റ്റ് ഇയർ ആണുട്ടോ......ഞങളുടെ ഇഷ്ടത്തിന് പഠിക്കാൻ വിടാതെ ഞങളുടെ മെക്കിട്ട് കേറിയ വീട്ടുകരോടുള്ള revenge മെക്കെടുത്തു അങ്ങട് വീട്ടി..... പക അതു വീട്ടനുള്ളതാ.....ഡിസ്മിസ്സൽ കിട്ടിയപ്പോൾ ഞങൾ ഹാപ്പിയാ.. എന്താന്നറിയോ ഇവളുടെ മാമൻ വർക്ക്‌ ചെയ്യുന്ന മിക്സ്ഡ് കോളേജിലേക്ക് ഞങ്ങൾക്ക്  ട്രാൻസ്ഫർ റെഡിയാക്കുന്നുണ്ട് എന്നൊരു കരക്കമ്പി കിട്ടിയിട്ടുണ്ട്..നടന്നാൽ മതിയായിയിരുന്നു..എന്റെ ആഞ്ജനേയ സ്വാമി കാപ്പാത്തുങ്കോ.... വിമൻസ് കോളേജിൽ നിന്നും മിക്സ്ഡ് കോളേജിലേക്ക്. ഹോ... ആ ഒരു എക്സൈറ്റ്മെൻറ്റിലാണ് ഞങൾ ഈ വെയിൽ മൊത്തം കൊള്ളുന്നത്..... അവിടെ ചെന്നിട്ട് വേണം എനിക്കും ചില്ലുനും അങ്ങ് ചിൽ ചെയ്യാൻ....അപ്പൊ നമുക്ക് ബാക്കി വിശേഷം goverment എഞ്ചിനീയറിംഗ് കോളേജ് *******യിൽ വെച്ചു കാണാം...ഇനി അവിടെ ചെന്നിട്ട് വേണം ഞങ്ങൾക്ക് മെക്ക് റാണിമാരായി വിലസാൻ.. അതും നടന്നാൽ മതിയായിരുന്നു....ഡീ ചില്ലു നിനക്കെന്തേലും പറയാനുണ്ടോ...?? പല്ലവി തൊട്ടടുത്തു നിൽക്കുന്ന ചിലങ്കയോട് ചോദിച്ചു.. ഹേയ് എനിക്കെന്തു പറയാൻ.. നീ തന്നെ അങ്ങ് പറഞ്ഞാൽ മതി... ഞാനിപ്പോ  GECT യിലെ ചെയർമാന്റെ കൂടെ ഡ്യൂയറ്റ് അടിക്കുവാടി.. നീയെന്റെ കോൺസെൻട്രേഷൻ കളല്ലേ പല്ലി... അഹാ നീ അങ്ങനെ  ചെയർമാന്റെ കൂടെ ഒറ്റയ്ക്ക് ഡ്യൂയറ്റ് അടിക്കണ്ട ഞാനും ഉണ്ട്....പവി പറഞ്ഞു... പക്ഷെ ചെയർമാനെ ഞാൻ വിട്ടു തരില്ല..കേട്ടോ.. ചെയർമാൻ എന്റെയാ... ചെയർമാനെ ഞാനങ്ങു എടുക്കുവാ ....എടീ എന്റെ മനസ്സിലെ ചെയർമാന് ആരുടെ മുഖമാണെന്ന് അറിയോ... ആരുടെ...??? ചില്ലുവിന്റെ വാക്കുകൾ കേട്ട് പല്ലവി ആകാംഷയോടെ ചോദിച്ചു... അന്നേരമാണ് ചില്ലുന്റെ അച്ഛനും  പല്ലി യുടെ അമ്മയും  അങ്ങോട്ട് വരുന്നത്....വിത്ത്‌ കലിപ്പ് മോഡ്.. ഡീ  പ്രപഞ്ചത്തിലെ ഏറ്റവും വലിയ പോരാളിയും പോരാളിയുടെ  ആങ്ങള വീരാളിയും  വരണ്  ഡീസന്റ് ആവ്..ഡീസന്റ് ആവ്.. ബാക്കി സ്വപ്നം നമുക്ക് ഒരുമിച്ചു  രാത്രി കാണാം പല്ലവി പതിയെ പറഞ്ഞു...ശേഷം ഇരുവരും നിഷ്കളങ്കതയുടെ നിറകുടമായി അങ്ങ് നിന്നു.... ചില്ലു പറഞ്ഞു നിർത്തിയില്ല അപ്പോഴേക്കും  പോരാളിയും നീരാളിയും സോറി വീരാളിയും അവരുടെ അടുത്തെത്തിയിരുന്നു... തുടരും... #💞 പ്രണയകഥകൾ #📔 കഥ #📙 നോവൽ

#🤩 എന്റെ ആദ്യ പോസ്റ്റ് 💜നെഞ്ചോരമായ് 💜...story by crazy girl the story teller.. വിജനമായ മലയുടെ മുകളിലെ.. .....ഭീതി നിറഞ്ഞ അന്തരീക്ഷം.. രാത്രിയുടെ ഇരുട്ടും ചീവിടുകളുടെ കാതടപ്പിക്കുന്ന ഒച്ചയുമല്ലാതെ മറ്റൊന്നും അവിടെയില്ല മരച്ചില്ലകൾ കാറ്റിൽ ആടുകയാണ്.. ഇതളറ്റ മലരുകൾ മണ്ണിനു പുതപ്പ് നൽകിയിരിക്കുന്നു....ഇരുണ്ട മേഘത്തിനിടയിൽ ചന്ദ്രൻ ഒളിമറ തീർത്തു...ആ ഇരുട്ടിലും അവനെല്ലാം വ്യക്തമായി കാണാമായിരുന്നു..അവനു കൂട്ടായ് മിന്നാമിനുങ്ങുകൾ വായുവിൽ പറന്നുയരുന്നുണ്ട്..... കുളിരുള്ള കാറ്റിനൊപ്പം ഒരു സുഗന്ധവും അവനെ തേടിയെത്തി...ഇതുവരെ അനുഭവിച്ചിട്ടില്ലാത്ത മനം മയക്കുന്ന സുഗന്ധം... എവിടെ നിന്നാണ് ഈ സുഗന്ധം വരുന്നത് അവൻ ചിന്തിച്ചു...ആ സുഗന്ധത്തിന്റെ ഉറവിടം തേടി കല്ലും മുള്ളും നിറഞ്ഞ വഴിയിലൂടെ അവൻ മലയിറങ്ങി.. ഒടുവിൽ എത്തിച്ചേർന്നത് വലിയൊരു മനയിലാണ്....പഴമയുടെ പാരമ്പര്യം വിളിച്ചോതുന്ന നാലുകെട്ട് തറവാട്..... മഞ്ചാടികുരുകളും മയിപീലികളും കൊണ്ട് മറയ്ക്കപ്പെട്ട വഴിയിലൂടെ അവൻ വീടിനു മുന്നിലെത്തി..അടഞ്ഞു കിടക്കുന്ന മുവശത്തെ ഡോർ തുറന്നു അവൻ അകത്തു കയറി.. വലിയൊരു ശബ്ദത്തോടെ ഡോർ ശക്തമായി അടഞതും അവനിൽ ഭയം നിറഞ്ഞു.. ജനലിലൂടെ ആർത്തിരമ്പി വരുന്ന കാറ്റിനും അതേ സുഗന്ധമുണ്ടായിരുന്നു... ആ സുഗന്ധം ഒന്നുകൂടെ ഉള്ളിലേക്ക് ആവാഹിച്ചുകൊണ്ട് അവൻ മുന്നോട്ട് നടന്നു... സുഗന്ധവും ഇളം കാറ്റും അവനെ തഴുകിയും തലോടിയും  വലിയൊരു കുളപ്പടവിൽ എത്തിച്ചു.......പടവിലാകെ വെളുത്തം നിറത്തിലുള്ള പൂക്കൾ നിരന്നു കിടപ്പുണ്ട്. കൊഴിഞ്ഞു വീണ ഓരോ പൂക്കലളിലും അവനവളെ തേടി പടവുകൾ ഇറങ്ങി.. നിലാവിന്റെ വർണ്ണ ശോഭയിൽ  മുലക്കച്ച കെട്ടി മുഖം തിരിഞ്ഞു നിൽക്കുന്ന സ്ത്രീ രൂപം... ഇടതൂർന്ന ചുരുണ്ട കാർകൂന്തൽ അവളുടെ അവളുടെ നിതംബം മറയ്ക്കുന്നുണ്ട്..... സ്വർണകൊലുസ്ണിഞ്ഞ തന്റെ മൃദുലമായ കല്പാദത്തിലേക്കവൾ  മഞ്ഞളും രക്തചന്തനവും പുരട്ടുന്നുണ്ട്....നനഞ്ഞൊട്ടി നിൽക്കുന്ന അവളിലെ സൗന്ദര്യം അവനെ വല്ലാതെ ആകർഷിപ്പിക്കുന്നുണ്ട്...അവളുടെ വശ്യമായ സൗന്ദര്യത്തിൽ അവൻ അടിമപ്പെട്ടുപോയിരുന്നു.... അവന്റെ വരവ് തിരിച്ചറിഞ്ഞ അവൾ തിരിഞ്ഞു നോക്കാതെ അവന്റെ കയ്യിലേക്ക് മഞ്ഞൾ അരച്ച പാത്രം വെച്ചു കൊടുത്തു....ഒരിളം പുഞ്ചിരിയാലേ അവനത്  വാങ്ങിച്ചു തന്റെ കയ്യിൽ അല്പം  മഞ്ഞൾ  എടുത്തു.....അവളുടെ മൃദുലമായ നഗ്നമായ മേനിയിലൂടെ അവന്റെ കൈകൾ ഒഴുകി നടന്നു...... എന്താ നിന്റെ പേര്.... അവനവളുടെ കാതോരം  തഴുകി കൊണ്ട് പതിയെ ചോദിച്ചു..... എന്റെ പേര് നിനക്ക് അറിയില്ലേ... മൃദുലവും മനോഹരവുമായിരുന്നു അവളുടെ ശബ്ദം...... നീ ആരാണ്.. എന്താ ഇവിടെ തനിച്ചിരിക്കുന്നത്.... എനിക്കിവിടം ഇഷ്ടമാണ്..... അവൾ അത്രമാത്രമേ പറഞ്ഞുള്ളു... അന്നേരം തണുത്ത കാറ്റ് വന്നു ഇരുവരെയും വന്നു പൊതിഞ്ഞു... ഹേയ് സുന്ദരി ഞാൻ നിന്റെ മുഖമൊന്നു കണ്ടോട്ടെ..... അവളുടെ വശ്യമായ സൗന്ദര്യത്തിൽ മയങ്ങി കിടക്കുന്ന അവൻ അവളുടെ മുഖം കാണാനുള്ള അതിയായ ആഗ്രഹത്തോടെ ചോദിച്ചു....അവളെ മയക്കാൻ പാകത്തിൽ ആയിരുന്നു അവന്റെ ആ ചോദ്യംവും... അവനവളെ പിന്നിലൂടെ പുണർന്നു തന്നോട് അടുപ്പിച്ചു......ആ നിമിഷം അവൾ തിരിഞ്ഞു നോക്കിയതും അവളുടെ മുഖം കണ്ടു അവന്റെ ഉള്ളിൽ ഭയം നിറഞ്ഞു... ഭയം അവന്റെ ഹൃദയ മിടിപ്പുകളെ വേഗത്തിലാക്കി....എഴുന്നേറ്റ് ഓടാനൊരുങ്ങിയതും തണുത്തതും മൃദലവുമായ കരങ്ങൾ കൊണ്ട് അവൾ അവന്റെ കല്പാദങ്ങൾ തടവിലാക്കിയിരിക്കുന്നു.....മിഴികളിൽ പ്രേമവും കാമവും നിറച്ചു അവനിലേക്ക് അമരുന്ന നഗ്നമേനി....ഒരുവേള അവനിൽ നിന്നും ഭയം അകന്നു മാറിയത് പോലെ.... വശ്യതയോടെ തന്നിലേക്കവൾ മുഖം പൂഴ്ത്തുമ്പോൾ അവളുടെ കണ്ണുകളിൽ അന്നേരം എന്തൊക്കെയോ ഭാവങ്ങളായിരുന്നു.... അവനിലെ പുരുഷനെ കൊതിപ്പിക്കും വിധത്തിൽ അവളവനിൽ മായാജാലം തീർത്തു... ആ നിമിഷം അവളിൽ അടിമപ്പെട്ടുപോയ അവൻ ഒരു നിമിഷം അവളെ തന്നിലേക്ക് അടുപ്പിച്ചു......അവളുടെ അധരങ്ങൾ അവന്റെ മുഖത്തും കഴുത്തിലും നെഞ്ചിലും ഇടതടവില്ലാതെ അമർന്നു... അടുത്ത നിമിഷം അവളവന്റെ കഴുത്തിലെ ഞരമ്പിനെ കടിച്ചു മുറിച്ചു  അവന്റെ കഴുത്തിലെ രക്തം ഊറ്റിക്കുടിക്കാൻ തുടങ്ങിയതും അവൻ ഉറക്കെ നിലവിളിച്ചു..... അയ്യോ.. അമ്മേ.. അച്ഛാ..യക്ഷി.....യക്ഷി എന്നെ കൊല്ലുന്നേ...ഓടി വായോ.. അകത്തെ മുറിയിൽ നിന്നുള്ള നിലവിളി കേട്ടതും അടുക്കളയിൽ പാത്രം കഴുകുകയായിരുന്ന ഗീത അങ്ങോട്ടോഡി... മുകളിലത്തെ മുറിയിൽ നിന്നും അജിത്തും ഭാര്യ അഖിലയും ശബ്ദം കേട്ടിട്ട് തന്നെയാണ് അങ്ങോട്ട് ഓടിയത്......പാതി ചാരിയാ ഡോർ തുറന്നു അകത്തു കയറിയതും അപ്പോഴേക്കും അവൻ ഉറക്കത്തിൽ നിന്നും ഞെട്ടിയുണർന്നിരുന്നു.....താനിപ്പോ ഉള്ളത് തന്റെ വീട്ടിലാണെന്ന് ഉറപ്പ് വരുത്തി അവൻ തന്റെ കഴുത്തു മുഴുവൻ തൊട്ട് നോക്കിക്കൊണ്ട് ദീർഘമായി നിശ്വസിക്കുന്ന നേരത്താണ് മുന്നിൽ നിൽക്കുന്ന അമ്മയെയും ഏട്ടനെയും ഏട്ടത്തിയെയും  കാണുന്നത്... അവരെ കണ്ടതും ചമ്മൽ മറച്ചു പിടിച്ചു കൊണ്ട് അവനൊന്നു ഇളിച്ചു കാണിച്ചു... അപ്പോഴേക്കും താൻ കണ്ടത് സ്വപ്നമാണെന്ന് അവൻ തിരിച്ചറിഞ്ഞിരുന്നു... എന്താടാ...നട്ടുച്ചയ്ക്ക് കിടന്നുറങ്ങിയിട്ട് കിടന്നു മോങ്ങുന്നത് എന്നുള്ള ഏട്ടന്റെ പരിഹാസവും ഏട്ടത്തിയമ്മയുടെ  ചിരിയും അമ്മയുടെ ആധിയോടെയുള്ള നോട്ടവും കണ്ട് താനൊരു സ്വപ്നം കണ്ടതാണെന്ന് പറഞ്ഞു അവനവരെ പറഞ്ഞു വിടാൻ നോക്കി.... ഒരു സ്വപ്നം കണ്ടത്തിനാണോ സിദ്ധു ഇങ്ങനെ കിടന്നു കാറിയത്....ഏട്ടത്തി ചെറു ചിരിയാലേ പറഞ്ഞു അയ്യോ ഏട്ടത്തി അത് വെറും സ്വപ്നമായിരിന്നില്ല... ഒരു ഹൊറർ ഡ്രീം ആയിരുന്നു.. ഹോ അതിലെ യക്ഷി യുണ്ടല്ലോ... വെറും യക്ഷിയല്ല... എന്റെ ഏട്ടത്തി ഓർക്കാൻ പോലും വയ്യ.. അത്രയ്ക്കും ഒറിജിനാലിറ്റി ഉണ്ടായിരുന്നു....മനുഷ്യന്റെ നല്ല ജീവനങ്ങു പോയി.... കണ്ണിൽ കണ്ട സിനിമയൊക്കെ കണ്ട് ഈ നട്ടുച്ചക്ക് കിടന്നുറങ്ങിയിട്ട്.. നിന്നോട് പറഞ്ഞിട്ടില്ലേ ഇങ്ങനെ വീട്ടിൽ മടിപിടിച്ചിരിയ്ക്കാതെ എന്റെ കൂടെ പോന്നോളാൻ...അരവിന്ദ് അവനെ ശാസിച്ചു.. എനിക്കെങ്ങും വയ്യ....എനിക്ക് എന്തോരം പഠിക്കാനുണ്ട് അവൻ താല്പര്യമില്ലാത്ത മട്ടിൽ പറഞ്ഞു... നിന്റെ പഠിത്തം ഒക്കെയും ഞാൻ കാണുന്നുണ്ട്... എപ്പഴാടാ നിന്റെ സസ്‌പെൻഷൻ തീരുന്നത്..... അരവിന്ദിന്റെ നോട്ടവും സംസാരവും കേട്ട് സിദ്ധു തന്റെ വിരൽ ഉയർത്തി കാണിച്ചു.. ഓ...ഇനിയും രണ്ടു ദിവസം ഉണ്ടോ... എന്നും പുച്ഛിച്ചു കൊണ്ട് അരവിന്ദ് മുറിവിട്ടിറങ്ങി പിന്നാലെ അഖിലയും... ഡാ.. നീ കഴിച്ചില്ലല്ലോ പെട്ടെന്ന് വാ എന്നും പറഞ്ഞു അമ്മ പോയതും അവൻ ഒന്നുകൂടെ ആ സ്വപ്നം ഓർത്തെടുക്കാൻ ശ്രമിച്ചു.... എന്നാലും എന്റെ സ്വപ്നദേവതെ ഞാൻ ശരിക്കും ഒന്ന് ആസ്വദിച്ചു വരികയായിരുന്നു... അതിനിടയിൽ കൊലട്വിസ്റ്റിട്ട് എന്നെ കൊന്ന് കളഞ്ഞേനെയല്ലോ.....അവൾ....ആ യക്ഷി പെണ്ണ്... അത് അവളല്ലേ.. അപ്പൊ അവൾ ചത്താ... ദൈവമേ ഇനിയിപ്പോ പ്രേതമായിട്ട് വന്നിട്ട് എന്നോട് പ്രതികാരം വീട്ടാനാണോ... ഞാൻ പറഞ്ഞല്ലോ അന്നൊരു തമാശക്ക് ചെയ്തതാ അല്ലാതെ.... അന്നത്തെ സംഭവത്തിന്‌ ശേഷം ഞാൻ അവളെ കണ്ടിട്ടേയില്ല...കാണാൻ ആഗ്രഹിക്കുന്നല്ല്യ... എന്നാലും ഇവിടെ കിടന്നുറങ്ങിയ ഞാൻ എങ്ങനെ ഒറ്റപ്പാലത്തുള്ള വരിക്കാശേരി മനയിലെത്തി...വരിക്കാശ്ശേരി നമ്മുടെ മംഗലശ്ശേരി നീലകണ്ഠന്റെ തറവാട്..നിങ്ങൾക്കൊന്നും മനസ്സിലായില്ലല്ലേ.. മനസ്സിലാക്കി തരാം.. ആദ്യം ഞാൻ എന്നെ പരിചയപെടുത്താം.. ഞാൻ സിദ്ധാന്ത് പരമേശ്വർ.... ബിസിനസ്സുകാരനായ  ഗോവിന്ദ് പരമേശ്വറിന്റെയും ഗീതയുടെയും മൂന്ന് മക്കളിൽ രണ്ടാമത്തെ മകൻ... മൂത്ത ആളാണ് എന്നെയിപ്പോ ഊക്കിയിട്ട്  പോയ ഈ വീട്ടിലെ സൽപുത്രൻ.. അരവിന്ദ് പരമേശ്വർ...ഇളയ ആള്  നന്ദന പരമേശ്വർ..  ലവൾ കോളേജിൽ പോയിരിക്കുവാ..എനിക്ക് പിന്നെ സസ്‌പെൻഷൻ ആണല്ലോ... ഞാനിവിടെ ചുമ്മാ സിനിമയും സ്വപ്നവും കണ്ടു സമയം തള്ളിനീക്കുന്നു... ഞങ്ങൾ സെയിം കോളേജ് സെയിം ഡിപ്പാർട്മെന്റ്.. Cse.. അവൾ ഫസ്റ്റ് ഇയർ ഞാൻ ലാസ്റ്റ് ഇയർ.... മെക്കിലെ പിള്ളേരുമായി ചെറിയ അടിയുണ്ടാക്കിയതിന് പത്തു ദിവസത്തെ സസ്‌പെൻഷൻ കിട്ടി.. അതൊന്ന് ആഘോഷിക്കാൻ വേണ്ടിയാണ് ഞാനിങ്ങോട്ട് വന്നത്... ഇനി നമുക്ക് സ്വപ്നത്തിലോട്ട് തിരിച്ചു പോവാം.... ഞാൻ  കണ്ട സ്വപ്നത്തിലെ ഈ അവൾ ആരാന്നല്ലേ... അവൾ ആരാന്നു എനിക്കും അറിയില്ല... ഒരിക്കൽ മാത്രമേ ഞാനവളെ കണ്ടിട്ടുള്ളു... പക്ഷെ അവൾക്ക് ഞാനൊരു ഉമ്മ കൊടുത്തു.. അത് പിന്നെ അവന്മാർ വാശി കയറ്റിയപ്പോൾ ഒരു അവേശത്തിന് ചെയ്ത് പോയതാ... എന്നാലും ആ കുരിപ്പിന് ഇത്രേം ഗ്ലാമർ ഉണ്ടായിരുന്നോ..ഒന്നും നേരാവണ്ണം അങ്ങട് കാണാൻ പറ്റില്ല....സ്വപ്നത്തിന്റെ ക്ലാരിറ്റി തീരെ പോരായിരുന്നു...... ഇനി നമുക്ക് ഫ്ലാഷ് ബാക്കിലേക്ക് പോവാം..രണ്ട് മാസം മുൻപ് എന്റെ കസിൻ ബ്രദർ രമേശിന്റെ കല്യാണത്തിനിടയിൽ വെച്ചാ ഞാൻ അവളെ ആദ്യമായും അവസാനമായും കാണുന്നത്..അവന്റെ ഓർമ്മകൾ അന്നേ ദിവസത്തിലെത്തി... ബീച്ച് റിസോർട്ടിൽ വെച്ചായിരുന്നു വിവാഹം നടക്കുന്നത്......വിവാഹത്തിന് സിദ്ധു തന്റെ ഫ്രണ്ട്സിനെയും ക്ഷണിച്ചിരുന്നു..... മുഹൂർത്തം ആവുന്നതെയുള്ളു.. ചെറുക്കനും പെണ്ണും ഫോട്ടോ ഷൂട്ടിലാണ്... സിദ്ധുവും കൂട്ടുകാരും വായിനോക്കാൻ വേണ്ടി റിസോർട്ടിന്റെ ഫ്രണ്ടിൽ തന്നെ പോസ്റ്റായിട്ടുണ്ട്..... ഓ.. വിചാരിച്ചത്ര പോര അല്ലേടാ.... എല്ലാം ഒരുമാതിരി പുട്ടിയും അടിച്ചു പട്ടി കോലത്തിൽ വന്നിരിക്കുവാ....എന്തോ ഒരു ദർശന സുഖം കിട്ടുന്നില്ല.. ഇതിനേക്കാൾ ബേധം നമ്മുടെ കോളേജ് തന്നെയാ..  ഇവന്റെ വാക്കും കേട്ട് ഇല്ലാത്ത കാശുണ്ടാക്കി  വിളിക്കാത്ത കല്യാണത്തിന് കെട്ടിയൊരുങ്ങി വന്നതാ... സിദ്ധുവിന്റെ കൂട്ടുകാരിൽ ഒരുവനായ അഭിജിത് പറഞ്ഞു.... എടാ അഭി അങ്ങോട്ട് നോക്കിക്കെടാ ആ പച്ച ചുരിദാർ കൊള്ളാല്ലേ.... മറ്റൊരു കൂട്ടുകാരനായാ ജീവൻ പറയുന്നത്‌ കേട്ടതും അഭി എവിടെ എന്നപോലെ നോക്കുന്നുണ്ട്. എവിടെ ഡാ....അഭി ചുറ്റും നോക്കിക്കൊണ്ട് ചോദിച്ചു.. എടാ അവിടെ ദേ ഗാർഡൻ ബെഞ്ചിനരികിൽ ഇരുന്നു സെൽഫിയെടുക്കുന്ന ആ പെണ്ണ്... എടാ   ജീവ പച്ച ചുരിദാർ മാത്രമല്ല കൂടെയുള്ള മഞ്ഞചുരിദാരും അടിപൊളിയാ.. എനിക്ക് മഞ്ഞ മതി നീ പച്ച എടുത്തോ... രണ്ടിന്റെയും സംസാരം കേട്ടിട്ടാണ് തൊട്ടരികിൽ നിൽക്കുന്ന സിദ്ധു ഫോണിൽ നിന്നും മുഖമുയർത്തി അങ്ങോട്ട് നോക്കുന്നത്....അവന്റെ തോളിൽ കയ്യിട്ട് കൊണ്ട് മറ്റൊരു കൂട്ടുകാരൻ തേജസും ഉണ്ട്... ശരിയാടാ രണ്ടും ഒരുപോലെ സുന്ദരിയാ.. പക്ഷെ രണ്ടിനും ഒടുക്കത്തെ ജാടയാ...നമ്മൾ നോക്കുന്നത് കണ്ടിട്ടും ഒന്ന് നോക്കുന്നത് പോലും ഇല്ല തേജുവാണ് പറഞ്ഞത്.. എന്നാൽ നമുക്ക് അങ്ങോട്ട് പോയി ഒന്ന് മുട്ടിയാലോ.....അഭി അക്ഷമയോടെ പറഞ്ഞു.. ഡാ പോടാ..... പെൺപിള്ളേരെ അങ്ങോട്ട് പോയി മുട്ടിയാൽ നമ്മുടെ വില പോവും... അവളുമാര് ഇങ്ങോട്ട് വന്നു മുട്ടണം അപ്പോഴല്ലേ ഒരു ത്രില്ലുള്ളു...സിദ്ധു പച്ചയെയും മഞ്ഞയെയും മാറി മാറി നോക്കികൊണ്ട് പറഞ്ഞു.. അപ്പോഴേക്കും കല്യാണവും കഴിഞ്ഞു സദ്യയും ഉണ്ട് അവളുമാർ വല്ലോടത്തും എത്തിയിട്ടുണ്ടാവും...ശോ. പോവുന്നതിനു മുൻപ് ഒന്ന് ചിരിച്ചാൽ മതിയായിരുന്നു.....വാച്ച് അടക്കം ഔട്ട്‌ ഫിറ്റ്‌ കോസ്റ്റ് മൊത്തം പതിനായിരമാണ്...അഭി നഖം കടിച്ചു കൊണ്ട് പറഞ്ഞു ..മ. അയ്യേ നീയെന്താ ഡാ പെൺപിള്ളേരെ കണ്ടിട്ടില്ലേ.. ഓടുന്ന ബസ്സിന്റെയും ചിരിക്കുന്ന പെണ്ണിന്റെയും പിറകെ പോവരുത് എന്നാണ് കാർണോന്മാർ പറയുന്നത്.... സിദ്ധു ചെറു ചിരിയാലേ പറഞ്ഞു... കാർണോന്മാർ അങ്ങനെ പലതും പറയും.. നമ്മളത് മൈൻഡ് ചെയ്യണ്ട.. ഡാ... ഡാ..അവര് നമ്മളെ കണ്ടു്... അഭി ജീവനെ നോക്കിക്കൊണ്ട് പറഞ്ഞു... നീ പറഞ്ഞത് ശരിയാടാ തേജു എന്തൊരു ജാഡയാടാ രണ്ടിനും...ആ മഞ്ഞയ്ക്കാണ് ഒടുക്കത്തെ ജാഡ ഒന്ന് ചിരിച്ചാൽ അവളുമാരുടെ വായിലെ മുത്ത് കോഴിയുമോ..... എടാ നാറികളെ ഇങ്ങനെ വായിനോക്കി ആണുങ്ങളുടെ വില കളയല്ലേ..... വായി നോക്കുന്നതിന് ഒരു നാക്കോക്കെ വേണം വായി നോക്കാൻ എന്തിനാടാ നാക്ക് കണ്ണുണ്ടായാൽ പോരെ സിദ്ധുവിനെ നോക്കിക്കൊണ്ട് ജീവൻ പറഞ്ഞു. എടാ നാക്കല്ല .,. Knack... തത്കാലം പച്ചമീൻ കണ്ട പൂച്ചയെ പോലുള്ള നിങ്ങളുടെ ആ നോട്ടം നിർത്ത്... ഞാൻ കാണിച്ചു തരാം എങ്ങനെയാ നോക്കേണ്ടതെന്ന്...മഞ്ഞയിട്ട പെണ്ണിനല്ലേ ജാഡ കൂടുതൽ ആണെന്ന് പറഞ്ഞത്.. .. നിങ്ങൾ നോക്കിക്കോ നമ്മൾ ഇവിടുന്ന് പോവുന്നതിനു മുൻപ് അവളെന്നെ നോക്കി ചിരിച്ചിരിക്കും... സിദ്ധുവാടാ പറയുന്നത്‌... പിന്നേ ഒരു ചിരി..പറ്റുമെങ്കിൽ നമ്മൾ പോവുന്നതിനു മുൻപ് നീ അവളെ വളച്ചു കാണിക്ക്....ജീവൻ സിദ്ധുവിനെ വെല്ലുവിളിച്ചു.. എന്താ വെല്ലുവിളിക്കുകയാണോ..?? വേണേൽ വെല്ലുവിളിയായി കൂട്ടിക്കോ..ജയിച്ചാൽ രണ്ടായിരം രൂപ ഞാൻ നിനക്ക് റൊക്കം കാശ് തരും..തോറ്റാൽ നിന്റെ പകുതി മീശ ഞാൻ വടിച്ചെടുക്കും...... ക്യാഷ് നീ തന്നെ നീ തന്നെ വെച്ചോ എനിക്കൊരു കുപ്പി ബിയർ വാങ്ങി തന്നാൽ മതി...അവളെ വളയ്ക്കുക മാത്രമല്ല അവൾക്കൊരു ഉമ്മ കൊടുത്തിട്ടേ ഞാൻ ഇവിടുന്ന് മടങ്ങുള്ളൂ....ഇല്ലേൽ മീശ മാത്രമല്ല ഞാൻ വെട്ടുന്നത്..എന്റെ തലകൂടി ഞാൻ മൊട്ടയടിക്കും..... ഇനിയങ്ങോട്ട് നിങ്ങൾ അവളെ നോക്കാൻ പാടില്ല ഞാൻ മാത്രമേ നോക്കുന്നുള്ളു.... അതും പറഞ്ഞുകൊണ്ട് സിദ്ധു മഞ്ഞ ചുരിദാറിട്ട പെണ്ണിലേക്ക് മാത്രം ശ്രദ്ധ കൊടുത്തു.. സിദ്ധുവിന്റെ ആവേശം കണ്ടു ബാക്കി മൂവരും ഞെട്ടലോടെ അവനെ നോക്കി..മൊട്ടയടിച്ചു പകുതി മീശ വെച്ചു നിൽക്കുന്ന സിദ്ധുവിന്റെ മുഖം ഓർത്തു മൂവരും ഉറക്കെ ചിരിച്ചു.. സിദ്ധു വേണ്ട.. നീ വിട്ടേക്ക് തേജസ്‌ അവനെ പിന്തിരിപ്പിക്കാൻ നോക്കി..പക്ഷെ അവൻ പിന്തിരിയാൻ ഒരുക്കമല്ലായിരുന്നു..... ഇതേ സമയം  ഫോട്ടോ എടുക്കുന്ന ആ പെൺപിള്ളേർ സിദ്ധുവിന്റെയും കൂട്ടുകാരുടെയും നോട്ടം ആസ്വദിച്ചു ഇരിക്കുകയാണ്... ഡീ ..ദേ അവന്മാർ കുറേ നേരമായി ഇങ്ങോട്ട് തന്നെ നോക്കുന്നു....നമുക്കൊന്ന് ചിരിച്ചാലോ... പച്ച ചുരിദാർ മഞ്ഞ ചുരിദാറിനോട് പതിയെ  പറഞ്ഞു...മഞ്ഞ ചുരിദാറിട്ട പെണ്ണിന്റെ പേര് പല്ലവി എന്നും മറ്റേതിന്റെ ചിലങ്ക എന്നും ആയിരുന്നു... ഡീ ഒരൊറ്റ വീക്ക് വെച്ച് തരുട്ടോ....  അങ്ങനെ ചാടിക്കയറി ചിരിക്കരുത്.. എല്ലാത്തിനും അതിന്റെതായ സമയമുണ്ട്..... നമ്മളിങ്ങനെ എയറും പിടിച്ചു അവരുടെ നോട്ടം  ആസ്വദിച്ചു നിൽക്കണം..... അപ്പഴല്ലേ ഒരു ത്രില്ലുണ്ടാവുള്ളു......പവി പറഞ്ഞത് ശരിയാണെന്നു ചില്ലുവിനും തോന്നി....രണ്ടും ഒന്നും അറിയാത്ത പോലെ ജാഡയിട്ട്  നിന്നും. അതിനിടയിൽ ക്യൂട്ട്നെസ് വാരി വിതറി ഇടം കണ്ണിട്ട് അവന്മാരെ നോക്കുന്നുണ്ട്..... താലികെട്ട്  കഴിഞ്ഞു ഫോട്ടോ എടുപ്പൊക്കെ നടക്കുന്നുണ്ട്... സിദ്ധു പല്ലവിയെ വളക്കാൻ വേണ്ടി ആവുന്നത്ര ശ്രമിക്കുന്നുണ്ട്.....മഞ്ഞയും പച്ചയും എവിടെ പോയാലും തമിഴ് സിനിമയിലെ പാട്ട് സീൻ പോലെ അവരുടെ പിന്നാലെ സിദ്ധുവും ഉണ്ടായിരുന്നു....റിസൾട്ട്‌ അറിയാനായി അവനു പിന്നാലെ  അവന്റെ കൂട്ടുകാരും ചെല്ലും....  സിദ്ധുവിന്റെ നോട്ടം രണ്ടു പെൺപിള്ളേരും ശ്രദ്ധിച്ചിരുന്നു എന്ന് മാത്രമല്ല പവി അതിൽ  മൂക്കും കുത്തി വീഴുകയും ചെയ്തു...അത്രയ്ക്കും ഒറിജിനാലിറ്റി ഉണ്ടായിരുന്നു അവന്റെ ആ നോട്ടത്തിൽ..... എടീ... ആ കോഫി കളർ കുർത്തയിട്ട അവൻ കുറേ നേരമായി നിന്നെ തന്നെ നോക്കുന്നു..... സിദ്ധുവിനെ ഉദ്ദേശിച്ചായിരുന്നു ചില്ലുവത് പറഞ്ഞത്.. എടീ ഞാൻ തിരിച്ചും അങ്ങോട്ട് ഒന്ന് നോക്കിയാലോ... എന്തോ എനിക്കവനെയെങ്ങു ബോധിച്ചു...നല്ല സ്റ്റൈലൻ ചെക്കൻ.... ഏതാണ്ട് ഞാൻ ഉദ്ദേശിച്ച എന്റെ future ഹസ്ബൻഡ് അവനെപ്പോലെയാ. അവന്റെ നോട്ടം കണ്ടിട്ട് സീരിയസ്  ആണെന്ന് തോന്നുന്നു.....ഞാനും അങ്ങട് സീരിയസ് ആയാലോ.എനിക്ക് ലവ് മാര്യേജ് ആണ് ഇഷ്ടം....കല്യാണം കഴിഞ്ഞു കുട്ടികളൊക്കെ ആവുമ്പോൾ എനിക്ക് എനിക്കവരോട് പറയാൻ ഒരു കിടിലൻ സ്റ്റോറി വേണം... ഞാനവരോട് പറയും അവരുടെ പപ്പയും  മമ്മയും ആദ്യമായി മീറ്റ്ചെയ്തത് ഇങ്ങനെ ആണെന്ന്.... എക്സ്ക്യൂസ്‌ മി... ഞങ്ങളുടെ ഒരു ഫോട്ടോ എടുത്തു തരുമോ എന്നുള്ള ശബ്ദം കേട്ടിട്ടാണ്  ഇരുവരും തിരിഞ്ഞു നോക്കുന്നത്... അന്നേരം മുന്നിൽ നിൽക്കുന്നു സിദ്ധു....അവനെ തൊട്ടരികിൽ കണ്ടതും പവിയുടെ കണ്ണുകൾ വിടർന്നു.. വിരോധം ഇല്ലെങ്കിൽ ഞങ്ങളുടെ ഒരു ഫോട്ടോ എടുത്ത് തരുമോ എന്നും പറഞ്ഞു സിദ്ധു  പവിക്ക് നേരെ തന്റെ ഫോൺ നീട്ടിയതും അവൾ കൂട്ടുകാരിയെ ഒന്ന് നോക്കി.. അന്നേരം അവൾ കണ്ണുകൊണ്ട് അനുവാദം കൊടുത്തതും പവി ഫോൺ വാങ്ങി അവന്മാരുടെ ഗ്രൂപ്പ് ഫോട്ടോ എടുത്ത് കൊടുക്കാൻ തുടങ്ങി.. അതിനിടയിൽ  രണ്ടു വിരലുകൾ കൊണ്ടുള്ള സിദ്ധുവിന്റെ ഹാൻഡ് പോസ് കണ്ട് പവിയുടെ കണ്ണ് മിഴിഞ്ഞു വന്നു.... ഐ ലവ് യു എന്നെഴുതി അവൾക്ക് കാണാൻ പാകത്തിൽ ഉവർത്തി പിടിച്ചിട്ടുണ്ട്.....ഒപ്പം അവളെ നോക്കി കണ്ണിറുക്കി കാണിച്ചതും അവളുടെ കിളികൾ മുഴുവനും പറന്നുപോയി... തുടരും........ #📙 നോവൽ #📔 കഥ #💞 പ്രണയകഥകൾ