© ❣️മയിൽ‌പീലി ❣️(gopika gopz ) ഭാഗം -2 തിരഞ്ഞതെന്തോ കിട്ടിയ പോലെ അവളുടെ കണ്ണുകൾ തിളങ്ങി. ചുണ്ടിൽ ചെറു പുഞ്ചിരി വിരിഞ്ഞു. പെട്ടെന്ന് ഇത് ആദ്യമായി കണ്ടതും എടുക്കണോ വേണ്ടയോ എന്ന് സംശയിച്ചതും, പിന്നീട് ദിനവും തനിക്കായി ആരോ വച്ചപോലെ ഇത് എടുക്കാൻ തുടങ്ങിയതും മനസ്സിൽ തെളിഞ്ഞു വന്നു. വിളക്കും കയ്യിലെ പൊതിയുമായി തിരികെ നടന്നു. നേരം നന്നേ ഇരുട്ടിയിരിക്കുന്നു. ഇടവഴിയിലേക്കു കടക്കുമ്പോൾ കണ്ടു വഴി അവസാനിക്കുന്നിടത് നിൽക്കുന്ന ഒരാളെ. ''''''കുട്ടേട്ടൻ ന്തേ ഇവിടെ നിക്കണേ? '''' ""വെറുതേ നിന്നതാണെന്റെ ഭദ്രകുട്ട്യേ "" ""അധികം ഇവിടെ നിക്കണ്ടാട്ടോ....  ഇഴ ജന്തുക്കളുടെ  സ്വര്യവിഹാര കേന്ദ്രമാണ്!"" ""ആയിക്കോട്ടെ മേടം ഇവരൊക്കെ നിന്റെ കൂട്ടുകാരല്ലേ, ഞാൻ പറഞ്ഞോള  നിന്റെ കൂട്ടാ ഞാനെന്നും "കളിയാക്കണ്ട കുട്ടേട്ടാ ചുണ്ടിൽ ചിരി ഒളിപ്പിച്ചു പറയുന്നവനെ നോക്കി ചുണ്ട് കൂർപ്പിച്ചു ഭദ്ര. "ഞാൻ ചുമ്മാ പറഞ്ഞതാണ് പെണ്ണെ! അതെ ചിരിയോടെ അവൻ പറഞ്ഞു. "ദേവമ്മയ്ക്ക് സുഖല്ലേ കുട്ടേട്ടാ? ""ഹ്മ്മ്... നിന്നെ ഇപ്പൊ അങ്ങിടേക് കാണാറേ ഇല്ല്യാന്ന് അമ്മ പരാതി പറഞ്ഞു. ""നേരം ഇല്ല്യാഞ്ഞിട്ട കുട്ടേട്ടാ. മുത്തശ്ശിക്ക് മുട്ടിനു വേദന കൂടുതലാ  നടക്കാൻ പാട. അതോണ്ട് കയ്യെത്തുന്നടത് ഞാൻ വേണം. എന്നാ കുട്ടേട്ടൻ തിരികെ പോണേ? ""രണ്ടു മാസം ഇവിടെ ഇണ്ടാകും. എന്നിട്ടേ പോകുള്ളൂ ""ഞാൻ തിരക്കിന്നു പറയണേ ദേവമ്മയോട്... പിന്നെ അവി... ""ഡീ "" അപ്പോളേക്കും കേട്ടു പിന്നിലെന്ന് ഒരലർച്ച! തൊണ്ടയിൽ ഉമീനെരു പോലും വറ്റിപോയി ആ പെണ്ണിന്റെ..... ന്റെ മഹാദേവ, കാട്ടുപൂച്ച...! പറയുന്നതിനൊപ്പം കണ്ണുകൾ മിഴിഞ്ഞു വന്നവളുടെ.                           തുടരും..... #📝 ഞാൻ എഴുതിയ വരികൾ #📙 നോവൽ #💞 പ്രണയകഥകൾ #📔 കഥ #❤️ പ്രണയ കവിതകൾ

© ഭാഗം -1 ന്റെ മഹാദേവ.... നന്നേ താമസിച്ചിരിക്കണു. കാവിലേക് നടക്കുന്നതിനിടെ സ്വയം പിറുപിറുക്കുകയാണ് *ഭദ്ര * നീലയും പച്ചയും കലർന്ന ദാവണി ആണ് വേഷം.ഓടിനടക്കുന്നതിനാൽ നെറ്റിയിലും ചുണ്ടിനുമുകളിലും വിയർപ്പുകണങ്ങൾ പറ്റി പിടിച്ചിരിക്കുന്നു. നെറ്റിയിൽ ഒരു കുഞ്ഞു ചുവന്ന പൊട്ടുണ്ട്. കണ്ണിൽ കരിമഷി കൊണ്ട് കറുപ്പിച്ചിട്ടുണ്ട്. ഈറൻ മാറാത്ത മുടി കൊളിപിന്നൽ കെട്ടി നിവർത്തി ഇട്ടിരിക്കുന്നു കാതിൽ ഒരു കുഞ്ഞു ജിമ്മിക്കിയും കഴുത്തിൽ ഒരു നേർത്തമാലയും. മറ്റുചമയങ്ങൾ ഒന്നുമില്ലാതെ തന്നെ  അവൾ സുന്ദരിയായിരുന്നു. വീട്ടിൽ നിന്നും പകർന്ന ദീപത്തിലെ തിരി കെടാതെ ഒരു കയ്യാൽ പൊതിഞ്ഞു പിടിച്ചാണ് നടപ്പ്. ഇടവഴി കടന്നാണ് കാവിലേക്കു പോകേണ്ടത്. നേരം സന്ധ്യയായിരിക്കുന്നു. ആകാശത്ത് കുങ്കുമ ചുവപ്പ് പടർന്നിരിക്കുന്നു. രാത്രിയുടെയും പകലിന്റെയും സംഗമം! കാവിന്നുള്ളിലേക് നടക്കാൻ പാകത്തിന് നേർത്ത പാതയുണ്ട്. ഇലഞ്ഞിയും, വെട്ടിയും, താന്നിയും ഒക്കെ തലയെടുപ്പോടെ നിൽക്കുന്നു. പുല്ലാഞ്ഞി വള്ളികൾ പടർന്നു കിടക്കുന്നുണ്ട്. ഇല്ലാഞ്ഞിപൂക്കളുടെ ഗന്ധം നാസികയിലേക് തുളച്ചുകയറുന്നു. മഞ്ഞളിൽ കുളിച്ചു നിൽക്കുന്ന നാഗതന്മാർക് മുന്പിലെ വിളക്കിൽ കയ്യിൽ കരുതിയ ദീപത്തിൽ നിന്നും തീ പകർന്നു വിളക് തെളിയിച്ചു.തിരി നീട്ടി വച്ച് കയ്യിൽ പറ്റിയ എണ്ണ മുടിയിലേക് തുടച്ചു.കണ്ണടച്ച് പ്രാർത്ഥിച്ചു. ദീപത്തിന്റെ പ്രഭ അവളുടെ കുഞ്ഞു മുഖത്തിൽ പ്രതിഭലിക്കുന്നുണ്ട്. മെല്ലെ കണ്ണുകൾ തുറന്നു. പിന്നെ നാഗതറയ്ക്കു മുന്നിലെ കരിവിളക്കിനു പിന്നിലേക് എന്തോ തിരഞ്ഞു. തിരഞ്ഞതെന്തോ കിട്ടിയ പോലെ അവളുടെ കണ്ണുകൾ തിളങ്ങി. ചുണ്ടിൽ ഒരു ചെറു പുഞ്ചിരി വിരിഞ്ഞു. #💞 പ്രണയകഥകൾ #📙 നോവൽ #📔 കഥ #📝 ഞാൻ എഴുതിയ വരികൾ