#📙 നോവൽ -മുറ ചെറുക്കൻ...... 🔻ഭാഗം _44 ✍️ രചന -Aysha akbar ആ സ്ത്രീ തന്റെ കയ്യിൽ പിടിച്ചു കൊണ്ട് എന്തൊക്കെയോ ചോദിക്കുമ്പോഴും ഒരു പുഞ്ചിരി മുഖത്തണിഞ് വളരെ സ്വാഭാവികമായി മറുപടി കൊടുത്തവൾ....... അപ്പോഴും വൈശാഖിന്റെ നോട്ടം അവളിൽ തന്നെയായിരുന്നു ...... മോള് അവിടെ പോയിരുന്നോ..... ഗായത്രി ഏറെ സ്നേഹത്തോടെ അവളുടെ കയ്യിൽ പിടിച്ചു കൊണ്ടത് പറയുമ്പോൾ അവരെ കാണിക്കാൻ വേണ്ടിയാണെന്ന് അറിയുന്നത് കൊണ്ട് തന്നെ കൂടുതലൊന്നും അതിലേക്ക് ആഴ്ന്നിറങ്ങിയിരുന്നില്ലള്ളവൾ.... ആ ടേബിളിൽ ചെന്നിരുന്നിട്ടും അവളുടെ മനസ്സ് അവനിൽ തന്നെയായിരുന്നു....... കേട്ടോ. രവി..... ഇവന് ഏത് പെൺ കുട്ടിയെ കണ്ടാലും പിടിക്കുന്നില്ലായിരുന്നു..... ഇതിപ്പോ ഇവനായിട്ട് ഇങ്ങോട്ട് വന്നു പറഞ്ഞതിൽ ഞങ്ങൾക്ക് നല്ല സന്തോഷമാണുണ്ട്..... ഞങ്ങൾക്കും ഇഷാനിയെ ഇഷ്ടമായി...... അത്‌ കൊണ്ട് നമുക്ക് ഉടനെ തന്നെ ഇതങ്ങു ഉറപ്പിക്കാം....... രാജീവൊരു ചിരിയോടെ അത്‌ പറയുമ്പോൾ രവിയും ഗായത്രിയും അടക്കാൻ പറ്റാത്ത സന്തോഷത്തോടെ പരസ്പരം നോക്കി.... ആദ്യമായി അവർക്ക് ഇശാനിയോട് എന്തെന്നില്ലാത്തോരു സ്നേഹം തോന്നി...... രവിയും ഗായത്രിയും കഴിക്കാനുള്ളതെടുത്തു ചെന്നിരുന്നത് ഇഷാനി ഇരുന്ന അതേ ടേബിളിലായിരുന്നു..... മോളെന്താ കഴിക്കാത്തത്.... ദേ കഴിക്ക്.... അവർ രണ്ട് പേരും അവിടെ വന്നിരുന്നപ്പോൾ അവൾക്കൊരു പ്രയാസം തോന്നിയെങ്കിൽ കൂടി രവി അതും പറഞ്ഞു കയ്യിലെ പാത്രം അവൾക്ക് മുമ്പിൽ വെച്ചു കൊടുത്തപ്പോൾ അവൾ ശെരിക്കും ഞെട്ടിയിരുന്നു...... ഇത്ര വർഷങ്ങൾക്കിടയിൽ ഇങ്ങനെയൊന്ന് ആദ്യമാണ്....... അവൾക്ക് വല്ലാത്തൊരു അത്ഭുതം തോന്നി...... ഇത്ര പെട്ടെന്ന് പപ്പ ഇങ്ങനെ മാറാൻ കാരണമെന്തായിരിക്കുമെന്ന് അവൾക്കൂഹിക്കാൻ പോലും കഴിഞ്ഞില്ല.... കഴിക്ക്... അന്തം വിട്ട് രവിയെ നോക്കിയിരിക്കുന്ന അവളോട് അയാൾ വീണ്ടുമത് പറയുമ്പോൾ ആ കണ്ണുകളിലുള്ള വാത്സല്യത്തെ അവൾ തിരഞ്ഞു പിടിക്കാൻ ശ്രമിച്ചു..... അത്ര മേൽ കൊതിച്ചിട്ടുണ്ട് ഇത് പോലൊരു വാക്കിനു.... അതിലേറെ സ്നേഹം ചാലിച്ചൊരു നോട്ടത്തിന്.... അവൾ ഭക്ഷണത്തിലേക്ക് വിരൽ വെക്കുമ്പോൾ കണ്ണുകൾ നിറഞ്ഞു കാഴ്ച മറഞ്ഞു തുടങ്ങിയിരുന്നു.... അവൾ ഗായത്രിയെ ഒന്ന് നോക്കി...... അവരും ഏറെ സ്നേഹത്തോടെ അതിലേറെ നിറഞ്ഞൊരു സന്തോഷത്തോടെ അവളെ നോക്കി തന്നെയിരിക്കുകയാണ്..... ഈ ചുരുങ്ങിയ നിമിഷങ്ങൾ കൊണ്ടിവർക്കെന്ത് പറ്റിയെന്നു എത്ര ആലോചിച്ചിട്ടും ഇഷാനിക്ക് മനസ്സിലായതേയില്ല...... എങ്കിലും ഇത് വരെയുള്ള അവഗനണകളെല്ലാം അവൾ പാടേ മറന്ന് തുടങ്ങിയിരുന്നു.... കാരണം ഇങ്ങനെയൊരു നിമിഷം എത്രത്തോളം ആഗ്രഹിച്ചിരുന്നുവെന്ന് ഇപ്പൊ കിടന്നു പിടക്കുന്ന ഹൃദയത്തിന് അത്ര ബോധ്യമുണ്ട്....... അവൾക്കാ ഭക്ഷണം തൊണ്ടയിൽ നിന്നിറങ്ങുന്നില്ലായിരുന്നു..... പെട്ടെന്ന് ഋതിൻ അങ്ങോട്ട് വന്നവർക്കടുത്തേക്കിരിക്കുമ്പോൾ അവന്റെ മുഖത്ത് അത്ഭുതം നിറഞ്ഞു നിന്നിരുന്നു.... അവൻ ദൂരെ നിന്ന് അവരുടെ പെരുമാറ്റം കണ്ടാണ് അങ്ങോട്ട് വന്നതെന്ന് ആ അത്ഭുതത്തിൽ നിന്നും വ്യക്തമാണ്....... അവനൊന്നും മിണ്ടാതെ അങ്ങനെ ഇരിക്കുമ്പോഴും രവിയോ ഗായത്രിയോ അവനെ കണ്ട ഭാവം പോലും നടിക്കാത്തത് അവളിലൊരു അസ്വസ്ഥത തീർത്തു..... അതിലേറെ ഇഷാനിയെ അവർ കൂടുതലായി ശ്രദ്ധിക്കുന്നത് കാണുമ്പോൾ അവനത് സഹിക്കാൻ കഴിയുന്നതിലും അപ്പുറമായിരുന്നു....... സംഭവിക്കുന്നതെന്തെന്നറിയാതെ ഇഷാനിയും അങ്ങനെയിരുന്നു..... അപ്പോഴും മനസ്സ് നിറഞ്ഞൊരു സന്തോഷത്തിന്റെ കൈ പിടിയിലാകുന്നത് അവളറിഞ്ഞു...... അവർ അവിടെ നിന്ന് പുറപ്പെടുമ്പോഴും രവിയും ഗായത്രിയും ഇഷാനിയെ കൂടെ നിർത്തിയിരുന്നു... ഋതിന്റെ മുഖം വീർത്തു തന്നെയിരുന്നു.... എന്തെങ്കിലും പർച്ചെയ്‌സ് ചെയ്യാനുണ്ടെങ്കിൽ ചെയ്തോളു..... കാറിൽ കയറി അൽപ ദൂരം കഴിഞ്ഞതും ഒരു വലിയ ഷോപ്പിംഗ് കോംപ്ലക്സിന്റെ മുമ്പിൽ നിർത്തി രവിയത് പറയുമ്പോൾ ഇഷാനിയെ പോലെ തന്നെ ഋതിനും അമ്പരന്നിരുന്നു..... കാരണം അവളെ കൂട്ടി ഷോപ്പിങ്ങിനൊന്നും പോകാറില്ലെന്ന് അവർക്കും അറിയുന്നതാണല്ലോ.... അന്നത്തെയാ ദിവസം അവളോട് ചോദിച്ചു അവൾക്ക് വേണ്ടതെല്ലാം വാങ്ങി കൊടുക്കാൻ ധൃതി കൂട്ടുന്ന രവിയെയും ഗായത്രിയെയും അവൾ അമ്പരപോടെ നോക്കി.... ഇതാണ് താൻ ആഗ്രഹിച്ചത്...... അവൻ തന്റെ ജീവിതത്തിലേക്ക് കടന്ന് വരും വരെ തനിക്കൊരോറ്റ സ്വപ്നമേ യുണ്ടായിരുന്നുള്ളു..... അതാണ്‌ ഇന്ന് പൂവണിഞ്ഞത്.... ഒരു പക്ഷേ തന്റെ വേദനകളെല്ലാം തീരാൻ പോകുകയായിരിക്കുമെന് അവൾക്ക് തോന്നി...... പപ്പക്കും മമ്മക്കും തന്നോട് സ്നേഹമായി തുടങ്ങിയാൽ പിന്നേ തന്റെ പ്രണയവും അവർ അംഗീകരിക്കുമല്ലോ..... അവൾക്ക് നിറഞ്ഞോരു ആശ്വാസം തോന്നി തുടങ്ങിയിരുന്നു.... അവസാനം ദൈവം തന്റെ പ്രാർത്ഥന കേട്ട് തുടങ്ങിയിരിക്കുന്നു.... അവളുടെ യുള്ളിൽ ഒരു നനുത്ത പുഞ്ചിരി മൊട്ടിട്ടു.... അവൾ അവരോടൊപ്പമുള്ള സ്നേഹ നിമിഷങ്ങളെ ആവോളം നുകർന്നു..... ആ ദിവസം കഴിയാതിരുന്നെങ്കിൽ എന്നവൾ അതിയായി ആഗ്രഹിച്ചിരുന്നു... ഋതിൻ ഇതെല്ലാം കണ്ട് സഹിക്ക വയ്യാതെ കാറിൽ തന്നെ പോയിരുന്നു....... വീട്ടിലെത്തും വരെ അവളുടെ ഉള്ളിൽ ഒരിളം കുളിര് നിറഞ്ഞു നിന്നിരുന്നു....... വീട്ടിലെത്തി ബെഡിലേക്ക് കിടക്കുമ്പോൾ പതിവ് പോലെയുള്ള യാതൊരു മനപ്രയാസങ്ങളും അവളിലുണ്ടായിരുന്നില്ല.... മറിച് നിറഞ്ഞു നിന്നൊരു സന്തോഷമായിരുന്നു.... അവനെ കണ്ട സന്തോഷവും നെറ്റിയിൽ പതിഞ്ഞ ആ ചുടു ചുംബനവും പപ്പയുടെയും മമ്മയുടെയും മാറ്റങ്ങളുമെല്ലാം അവളെ അതീവ സന്തോഷത്തിലാക്കിയിരുന്നു ......... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷 ഇഷാനി ഉറക്കിൽ നിന്ന് ഉണർന്നതും തലേന്ന് സംഭവിച്ച കാര്യങ്ങളെല്ലാം ഒന്നോർത്തു നോക്കി.... അത്‌ സുഖമുള്ള തന്റെയൊരു സ്വപ്നം മാത്രമാണോ എന്നവൾക്ക് സംശയം തോന്നി.... അവൾ പതിയെ താഴേക്ക് നടന്നു...... ഓഹ്...നമുക്ക് പിന്നേ അങ്ങോട്ട് പോയി ബന്ധുമുണ്ടാക്കേണ്ട കാര്യമൊന്നുമില്ലല്ലോ.... ഇന്നലെ മോളെ കണ്ടപ്പോഴേ അവർക്കിഷ്ടമായി ഇങ്ങോട്ട് വന്നു ചോദിക്കുകയായിരുന്നു..... രവി ഏറെ സന്തോഷത്തോടെ ആരോടോ ഫോണിൽ സംസാരിക്കുന്നത് കേട്ട് കൊണ്ടാണ് ഇഷാനി താഴെക്കിറങ്ങി വന്നത്.... അപ്പോഴും അവൾ സ്വപ്നത്തിന്റെ യും യാഥാർഥ്യ ത്തിന്റെയും ഇടയിൽ തന്നെയായിരുന്നു..... അവളെ കണ്ടതും ഫോൺ ചെയ്യുന്നതിനിടയിലും അയാളോന്ന് പുഞ്ചിരിച്ചു... അതവളിലും ഒരു ചെറു ചിരി വിരിയിച്ചിരുന്നു.... കാരണം ഇന്നലത്തെ സംഭവം തന്റെ സ്വപ്നമാണ് എന്ന സംശയത്തിലായിരുന്നു ഇത് വരെയും താൻ നിന്നിരുന്നത്.... അതങ്ങനെയല്ലെന്ന് തിരിച്ചറിഞ്ഞതും അവൾക്ക് വല്ലാത്തൊരു ആനന്ദം തോന്നി..... ആ.... നീയെഴുന്നേറ്റോ.... വാ.... വന്നെന്തെങ്കിലും കഴിക്ക്.... ആകെ ക്ഷീണിച്ചിട്ടുണ്ട്.... കണ്ട പാടെ ഗായത്രി അതും പറഞ്ഞു കൊണ്ടവളെ വിളിക്കുമ്പോൾ അവളാഗ്രഹിച്ചത് പോലൊരു അമ്മയെ അവൾക്ക് കിട്ടുകയായിരുന്നു... ലാലി പോലും അല്പം അത്ഭുതത്തോടെ അവരെ നോക്കി.... ഇഷാനിയിൽ അതൊരു തരം അഭിമാനം നിറച്ചിരുന്നു...... മമ്മ കഴിക്കുന്നില്ലേ..... ടേബിലിലേക്കിരിക്കുന്ന ഇഷാനി ഗാആത്രിയോടത് ചോദിക്കുമ്പോൾ ആ ചോദ്യം ആ വീട്ടിൽ അത്രയേറെ അപരിചിതമായിരുന്നു.... ഓഹ്.... ഞാൻ കഴിച്ചു.... നീ കഴിക്ക്..... ഗായത്രി അതും പറഞ്ഞു കൊണ്ട് കഴിക്കുന്ന അവൾക്കടുത്തേക്കിരിക്കുമ്പോൾ അവൾക്ക് എന്തെന്നില്ലാത്ത സന്തോഷം തോന്നി... ഇന്നലെ കണ്ട ആ രാജീവ് അങ്കിളിന്റെ മോൻ വൈശാഖില്ലേ..... അവന് മോളെ കണ്ടപ്പോ തന്നെ ഇഷ്ടമായത്രേ...ഉടനെ കല്യാണം നടത്താമെന്നാ അവർ പറഞ്ഞിരിക്കുന്നത്.... ദേ നോക്കിയേ... പപ്പയുടെ സന്തോഷം കണ്ടോ....... ഗായത്രി ഒറ്റ ശ്വാസത്തിൽ തന്നെ യതും പറഞ്ഞു രവിയെ നോക്കുമ്പോൾ ചെവിയിലെന്തോ കിടന്നു മൂളുന്നത് പോലെ തോന്നി ഇഷാനിക്ക്...... അക്ഷരങ്ങൾക്കൊന്നും ഒട്ടും വ്യക്തതയില്ലാത്തത് പോലെ... എന്നാൽ ആ പറഞ്ഞത് ഹൃദയത്തെ നന്നായി മുറി പ്പെടുത്തിയിട്ടുണ്ടെന്നത് സത്യവുമാണ് ....... അവളുടെ ശ്വാസം ഒരു നിമിഷമൊന്ന് നിശ്ചലമായി..... അവൾ ഞെട്ടലോടെ ഗായത്രിയെ നോക്കി..... നീനക്കും ദിയക്കും അധീന ക്കുമടക്കം ഇവിടെയുള്ള ഒട്ടു മിക്ക പെൺപിള്ളേർ ക്കും വേണ്ടി രാജീവിനോട് അങ്ങോട്ട് പോയി ആലോചിട്ടുണ്ടത്രേ ഇവരൊക്കെ.... എന്നാൽ ആ പയ്യന് ആരെയും ഇഷ്ടപ്പെട്ടില്ല..... നമുക്കാണെങ്ങിൽ ഇങ്ങോട്ട് വന്ന പ്രപ്പോസിലാണ്....പപ്പയും ഞാനുമെല്ലാം അതിന്റെ ത്രില്ലിലാണ്..... നിന്റെ ഭാഗ്യമാ ഇതെല്ലാം...... ഗായത്രി കണ്ണുകൾ വിടർത്തി കൊണ്ടത് പറയുമ്പോൾ ഇഷാനിക്കവരോട് പുച്ഛം തോന്നി..... ഇതായിരുന്നു അവരുടെ സ്നേഹത്തിന്റെ കാരണം എന്നറിയും തോറും അവൾക്ക് തൊണ്ട ക്കുഴിയിൽ ഒരു തേങ്ങൽ തടഞ്ഞു നിന്നു..... പക്ഷെ കരഞ്ഞിരുന്നാൽ തനിക്ക് നഷ്ടപ്പെടുന്നത് തന്റെ പ്രണയമാണെന്നത് അവളുടെ തിരിച്ചറിവായിരുന്നു..... നീ ദൈര്യം കാണിച്ചേ മതിയാവു ഇഷാനിയെന്ന അവന്റെ വാക്ക് കാതിൽ അലയടിച്ചു....... ഇത്.... ഇത് നടക്കില്ല മമ്മാ...... അല്പം ചിലമ്പിച്ചൊരു ശബ്ദത്തോടെയാണ് അവളിൽ നിന്നാ വാക്കുകൾ പുറത്ത് വന്നതെങ്കിലും അതിനു അത്രയേറെ കനമുണ്ടായിയുന്നു..... ഒരു നിമിഷം ഒരു ഞെട്ടലോടെയാണ് ഗായത്രി അവളെ നോക്കിയത് ..... അവളിൽ നിന്ന് എതിർത്ത് അങ്ങനെയൊരു വാക്ക് പ്രതീക്ഷിക്കുന്നില്ലെന്ന പോൽ... എന്താടി അസത്തെ നീ പറഞ്ഞത്....... എന്നോട് പറഞ്ഞത് പറഞ്ഞു.... ഇത് പപ്പയെങ്ങാൻ അറിഞ്ഞാലുണ്ടല്ലോ.. ഗായത്രി ഒരു നിമിഷം അവളെ യൊന്നു നോക്കിയ ശേഷം പല്ലിറുമ്മി കൊണ്ട് അവളുടെ കൈ തണ്ടയിൽ വിരലമർത്തിയത് പറയുമ്പോൾ വേദനിച്ചെങ്കിലും അവൾ പറഞ്ഞതിൽ മാറ്റമില്ലെന്ന പോലങ്ങനെ യിരുന്നു..... എനിക്ക്.... എനിക്ക് പരീക്ഷയൊക്കെ എഴുതി പാസ്സാവണം..... അവൾ അവരെ നോക്കിയത് പറഞ്ഞപ്പോഴേക്കും കണ്ണുകൾ നിറഞ്ഞൊഴുകിയിരുന്നു... നീ പരീക്ഷ എഴുതുകയും പാസ്സാവുകയും ഒന്നും ചെയ്തില്ലെങ്കിലും കുഴപ്പമില്ല.... അതെല്ലാം പപ്പാ അവരോട് പറഞ്ഞിട്ടുണ്ട്....... അതൊന്നും കുഴപ്പമില്ലെന്നാണ് അവർ പറഞ്ഞിട്ടുള്ളത്...... ഇന്ന് വൈകുന്നേരം അവരിങ്ങോട്ട് വരും ...... എതിർത്ത് പറയാനാണെങ്കിൽ പപ്പയുടെ സ്വഭാവം അറിയാമല്ലോ..... ഇപ്പൊ നിന്റെ മറ്റു കാര്യങ്ങളെല്ലാം മറന്ന് അങ്ങേരോന്ന് സ്‌നേഹിച്ചു വരുവാണ്..... അത്‌ നീയായിട്ട് ഇല്ലാണ്ടാക്കരുത്... പറഞ്ഞേക്കാം...... നീ തന്ന മാനക്കേടൊക്കെ ഇതിലൂടെ അങ്ങ് തീരട്ടെ..... ഗായത്രി അതും കൂടി പറഞ്ഞു ദേഷ്യത്തോടെ അവിടെ നിന്നെഴുന്നേറ്റ് പോകുമ്പോൾ ചലിക്കാൻ പോലും കഴിയാതെ ഒരു ജീവ ചവമായി അവളങ്ങനെയിരുന്നു..... കണ്ണുകളിൽ കൃഷ്ണ കിരീടപൂക്കൾ തെളിഞ്ഞു കണ്ടു....... ധൈര്യത്തിനായെന്ന വണ്ണം അവന്റെ മുഖം മനസ്സോർമ്മിപ്പിക്കുമ്പോഴും തോറ്റു പോകരുത് ഇഷാനിയെന്നവൾ സ്വയം ധൈര്യം നൽകുകയായിരുന്നു ...... (തുടരും) Aysha Akbar #📔 കഥ

#📙 നോവൽ - പ്രളയം. 🔻 പാർട്ട് _12 ✍️ രചന - Aniprasad. കൊടുവത്തൂർ കടവ് മുതൽ ചെമ്പൻ മലനിരകൾക്ക് താഴെയുള്ള കൃഷിഭൂമിയിലേക്ക് പോകുന്ന പാതയും, അതിന് സമീപത്തായുള്ള പീലിപ്പോസ് മുതലാളിയുടെ പുല്ലാട്ട് വീടും വിവിധ വർണ്ണങ്ങളിലുള്ള വൈദ്യുതപ്രഭയാൽ സർവാലoകൃതമായപ്പോൾഅക്കരെയുള്ള പുല്ലാ മല കടവിൽ നിന്നുള്ള കാഴ്ചയിൽഅവിടം ജ്വലിയ്ക്കുന്ന ഒരു ചെറു ദ്വീപ് പോലെകാണപ്പെട്ടു. കൊടുവത്തൂർ പള്ളിയിൽ വച്ച് ആദ്യമായാണ് ഇത്ര ആഘോഷത്തോടെ ഒരു മനസമ്മത ചടങ്ങ് നടത്തപ്പെടാൻ പോകുന്നത്. അനവധി കല്യാണങ്ങളും, വിളിച്ചു ചൊല്ലലും, മാമോ ദീസയുമൊക്കെ അവിടെ നടത്തപ്പെട്ടിട്ടുണ്ടെങ്കിലും അതെല്ലാം പേരിന് വേണ്ടിയുള്ള ഒരു ചടങ്ങ് മാത്രം ആയിരുന്നു. കൊടുവത്തൂരിലേക്ക് വരാനും പോകാനുമൊക്കെ പുറത്തുള്ളവർക്കുള്ള ബുദ്ധിമുട്ട് മൂലമാണ് അവിടെ പള്ളിയിൽ വലിയ ചടങ്ങുകളൊന്നും നടത്താൻ കഴിയാതിരുന്നത്. ഷെറിന്റെ മനസ്സമ്മത ചടങ്ങ് കഴിഞ്ഞാൽ കെട്ടു കല്യാണവും റിസപ്‌ഷനുമൊക്കെ വച്ചിരിയ്ക്കുന്നത് കുളമുടി യിലെ പള്ളിയിലും അതിനോടനുബന്ധിച്ചുള്ള ഹാളിലുമാണ്. നാളെ രാവിലെ ഷെറിന്റെ മനസമ്മത ചടങ്ങിൽ പങ്ക് കൊള്ളാനായി കൊടുവത്തൂരിലെ ഒറ്റ വീട് വിട്ടു പോകാതെ പീലിപ്പോസ് മുതലാളിയുടെ ക്ഷണo ഉണ്ട്. എല്ലാവർക്കും തങ്ങളുടെ നാട്ടിൽ വച്ച് ഇങ്ങനൊരു ചടങ്ങിൽ പങ്കെടുക്കാൻ കഴിയുന്നതിന്റെ സന്തോഷത്തിലും, ആവേശത്തിലും, ആവേശത്തിലും ആണ്. സാധാരണ ഏഴു മണിയോടെ കട അടയ്ക്കുന്ന ഗോപിയാശാൻ ഇന്ന്‌ എട്ടുമണിയായിട്ടും ചായ തട്ടിയിലെ തീ കെടുത്തിയിട്ടില്ല. കൊടുവത്തൂർ നിന്ന് നിമിഷത്തിന് നിമിഷത്തിന് പീലിപ്പോസ് മുതലാളിയുടെ യന്ത്രം ഘടിപ്പിച്ച ചെറു ബോട്ട് അക്കരയിക്കരെ സർവീസ് നടത്തി ആൾക്കാരേ കൊണ്ട് വരികയും പുല്ലാമല കടവിലേക്ക് തിരികെ എത്തിയ്ക്കുകയും ചെയ്യുന്നുണ്ട്. വരുന്നതും പോകുന്നതുമൊക്കെ നാളെ എന്തെങ്കിലുമൊക്കെ അസൗകര്യങ്ങളാൽ മനസമ്മത ചടങ്ങിൽ പങ്കെടുക്കാൻപറ്റാത്തവരാണ്. ഗോപിയാശാന്റെ കടയ്ക്ക് മുൻപിലൂടെ പോകുന്ന പാതയ്ക്ക് ഇരു വശവും മാലകൾ പോലെ വർണ്ണ വിളക്കുകൾ കത്തിയണഞ്ഞുകൊണ്ടിരുന്നു. കടയിൽ ഗോപിയാശാനേ കൂടാതെ കുഞ്ഞച്ഛനും കുട്ടൻ പിള്ളയും, നാരായണനും ഒക്കെ ഇരിപ്പുണ്ട്. അവരുടെയെല്ലാം സംസാരങ്ങൾ നാളെ നടക്കാൻ പോകുന്ന ചടങ്ങിനെ പറ്റി തന്നെയായിരുന്നു. "ഒരു ദിവസം ഒന്ന് മഴമാറിനിന്നെങ്കിലും വൈകുന്നേരത്തോടെ പടിഞ്ഞാറ് നല്ല കോള് കേറുന്നുണ്ടായിരുന്നു. രാത്രിയിലോ, നാളെയോ മഴപെയ്യാതിരുന്നാൽ മതിയായിരുന്നു. മഴ പെയ്താൽ ആകെ അലമ്പാകും.." കുഞ്ഞച്ചൻ കടത്തിണ്ണയിൽ ഇട്ടിരുന്ന കസേരയിൽ ഇരുന്നുകൊണ്ട് പുറത്തെ ക്ക് കാണാവുന്ന പടിഞ്ഞാറൻ മാനത്തേയ്ക്ക് നോക്കി . "മഴ തീർന്നിട്ടൊന്നുമില്ല.. ഇടവപ്പാതി ഒന്നോ രണ്ടോ ആഴ്ചകൊണ്ട് പെയ്തു തീരുന്നതാണോ... പ്രതീക്ഷിയ്ക്കാത്ത നേരത്താവും ഇനി മഴയുടെ വരവ്..അല്ലെങ്കിൽ കണ്ടോ.. അത് നാളെയാണോ മറ്റന്നാളാണോ എന്ന് നോക്കിയാൽ മതി." ഗോപിയാശാൻ തന്റെ ചുണ്ടത്തിരുന്നു കെട്ടു പോയ ബീഡി തീക്കനലിൽ കുത്തി തെളിയിച്ചു. അക്കരെ നിന്നും കല്ലാറിലൂടെ ബോട്ട് വരുന്ന ശബ്ദം അവർക്ക് കേൾക്കാമായിരുന്നു.നിമിഷനേരം കൊണ്ട് ബോട്ടിന്റെ ഹെഡ് ലൈറ്റിൽ നിന്നുള്ള വെളിച്ചം ഒരു മിന്നൽ പോലെ അവർക്ക് മുൻപിലൂടെ തെളിഞ്ഞു മാഞ്ഞു പോയി. "ആരെങ്കിലും പുല്ലാട്ടേക്ക് പോയിട്ടുണ്ടായിരുന്നോ ഇന്ന്‌..." ഗോപിയാശാൻ അവരോടെല്ലാം ആയി തിരക്കി. "ഓ.. അങ്ങോട്ടേക്കൊന്നും ചെല്ലാൻ പറ്റാത്തോണം തിരക്കാ ആശാനേ.. പീലിപ്പോസ് മുതലാളിയ്ക്ക് ഇത്രേം ബന്ധുക്കാരൊക്കെ എവിടെ കിടക്കുന്നെന്നാ ഞാനോർക്കുന്നത്.. പുല്ലാട്ട് വീടിന്റെ മുമ്പിലൂടെ പോകുമ്പോ എനിയ്ക്ക് കാണാം.." നാരായണൻ പറഞ്ഞു. "അത് ബന്ധുക്കാര് മാത്രം ആയിരിയ്ക്കില്ല നാരായണാ. ഇവിടാ താമസിയ്‌ക്കുന്നതെങ്കിലും മുതലാളിയ്ക്ക് കൂട്ടുകാരും, നഗരത്തിലെ ബിസിനസ് കാരുമൊക്കെയായി നല്ല ബന്ധങ്ങൾ ഉള്ളതല്ലേ. അവരൊക്കെ വരാതിരിയ്ക്കുവോ അദ്ദേഹത്തെ കാണാൻ..." "പെങ്കൊച്ചിന്റെ കല്യാണം കൂടി കഴിയുന്നതോടെ മുതലാളി ഇവിടംവിട്ടു പോകുമെന്നാ പറയുന്നത്. മുതലാളിയുടെ മോൻ ഷാജന് ഇവിടേയ്ക്ക് വരുന്നത്പോലും ഇഷ്ടമല്ലെന്നാ കേൾക്കുന്നത്. ഈ ചടങ്ങ് പോലും ഇവിടെ വച്ച് നടത്താൻ ഷാജന് സമ്മതമേഅല്ലാരുന്നു. മുതലാളി ഒറ്റയാളുടെ പിടിവാശിയാ മനസ്സമ്മത ചടങ്ങ്ഇവിടെ തന്നെ വച്ച് നടത്തുന്നത്. അല്ലെങ്കിലും പീലിപ്പോസ് മുതലാളി പണ്ട് മുതലേ പറയുവാരുന്നു, എന്റെ നാട്ടുകാരേ പങ്കെടുപ്പിച്ചു കൊണ്ട് എന്റെ മോടെ കല്യാണം ഞാൻ നമ്മുടെ പള്ളിയിൽ വച്ചേ നടത്തൂ എന്ന്... അത്രയ്ക്കും നല്ല മനസും, പറഞ്ഞ വാക്കിന് വില കല്പിയ്ക്കുന്നവനും വേറേ ആര് കാണും നമ്മുടെ കൂട്ടത്തിൽ... ഇവിടുള്ള പലരും സൗകര്യം പോരാന്ന് പറഞ്ഞിട്ട് പുറത്തുള്ള ആഡിറ്റോറിയത്തിലും, അമ്പലത്തിലും, പള്ളിയിലും ഒക്കെ വച്ചല്ലേ മക്കടെ കല്യാണങ്ങളും വീട്ടിലെ പ്രധാന ചടങ്ങുകളുമൊക്കെ നടത്തുന്നത്.. അക്കാര്യത്തിൽ പീലിപ്പോസ് മുതലാളിയെ അംഗീകരിച്ചു കൊടുക്കാതിരിയ്ക്കാൻ വയ്യ." കുഞ്ഞച്ഛന് ഇപ്പോഴെന്നല്ല എപ്പോഴും പീലിപ്പോസ് മുതലാളിയെ പുകഴ്ത്താൻ നൂറ്‌ നാവാണ്. "എന്നാലും മുതലാളിയും മകളുടെ കല്യാണം നടത്താൻ പോകുന്നത് കൊടുവത്തൂരിന് പുറത്ത് വച്ചല്ലേ കുഞ്ഞച്ചാ..അപ്പോൾ അതും നാട്ടുകാര് വെളിയിൽ കൊണ്ട് വച്ച് കല്യാണം നടത്തുന്നതും തമ്മിൽ എന്താ വ്യത്യാസം കുഞ്ഞച്ചാ." നാരായണൻ ചോദിച്ചു. "നിങ്ങടെ ജാതിയിലെ കല്യാണ നിശ്ചയ ചടങ്ങ് പോലല്ല നാരായണാ ഞങ്ങടെ മനസ്സമ്മത ചടങ്ങ്.. ഒരു കണക്കിന് കല്യാണത്തിന് തുല്യമോ, അതിനും തൊട്ടടുത്തു തന്നെയോ ആണ് മനസ്സമ്മതം.. പ്രതി ശ്രുത വധൂ വരന്മാർക്ക് വിവാഹത്തിന് സമ്മതമാണോ എന്ന് സഭയുടെ അധികാരികൾ സാക്ഷികളുടെ മുൻപിൽ വച്ച് ഉറപ്പ് വരുത്തുന്ന ചടങ്ങാണ് അത്. ആദ്യം വധൂ വരന്മാർ അവരുടെ ഇടവകയിലെ പള്ളി പുരോഹിതനെ വിവാഹത്തിനുള്ള സമ്മതം അറിയിയ്ക്കുന്നു. അതിന് ശേഷം ഇരുവർക്കും സമ്മതമാണെന്ന് ദൈവ നാമത്തിൽ ഉറപ്പിച്ച് പറയുന്നു. അത് കഴിഞ്ഞു പള്ളിയിൽ സൂക്ഷിയ്ക്കുന്ന രേഖയിൽ വധൂ വരന്മാരും രണ്ട് സാക്ഷികളും ഒപ്പ് വയ്ക്കുന്നു. അതുകൊണ്ട് തന്നെ മനസ്സമ്മതം വിവാഹത്തിന്റെ ഒരു ഭാഗമായി തന്നെയാണ് കണക്കാക്കുന്നത്." കുഞ്ഞച്ചൻ അവർക്ക് വിശദമാക്കി കൊടുത്തു. "നാളെ എല്ലാർക്കും കാണാല്ലോ അത്.. എന്നാലും ഞാൻപറഞ്ഞെന്നേയുള്ളൂ." കുഞ്ഞച്ചൻ ഒന്നിളകി ഇരുന്നു. "ആശാനേ.. ഗൗരി എവിടെ. ഞാൻ കുറെ നേരമായി നോക്കുന്നു. കടയടയ്ക്കുന്ന നേരമാകുമ്പോ സാധാരണ ഇവിടെ കാണാറുള്ളതാണല്ലോ അവളെ.." കുട്ടൻപിള്ള അവിടെ ഇരുന്നുകൊണ്ട് അകത്തേയ്ക്ക് പാളി നോക്കികൊണ്ട് തിരക്കി. "അവളകത്ത്‌ കാണും. അല്ലാതെ എവിടെ പോകാൻ.. ഇന്നലെ രാത്രി ആ കാലൻ വന്നു പേടിപ്പിച്ചിട്ട്പോയതിന്റെ ആഘാതം ഇപ്പോഴും അവളിൽ നിന്നും വിട്ടു പോയിട്ടില്ലെന്ന് തോന്നുന്നു. അതിന്റെ കൂടെയല്ലേ റെയ്ച്ചലും കെട്ടിയോനും കൂടി വന്ന് ഉറഞ്ഞു തുള്ളി ഭീഷണിയും മുഴക്കിയിട്ട് പോയിരിയ്ക്കുന്നത്.. എന്തെങ്കിലും സംഭവിച്ചു പോയാൽ ഞങ്ങളെ സഹായിയ്ക്കാൻ അയൽക്കാർ ആരെങ്കിലും എത്തേണ്ടി വരും.. ആ ഒരു പേടി അവളിലും ഉണ്ടെന്നാ എനിയ്ക്ക് തോന്നുന്നത്." ഗോപിയാശാനിൽ നിന്നും നിരാശയും, സങ്കടവും, പ്രതി ഷേധവും എല്ലാം കലർന്ന ഒരു നെടു വീർപ്പുയർന്നു. "ഇന്ന്‌ പകല് മുഴുവൻപിള്ളേര് വടിയും, ആയുധങ്ങളുമായി ഈ കൊടു വത്തൂരിൽആ എസ്തപ്പാൻ എന്ന പിശാചിനെ തിരയാൻ ഒരിടം ബാക്കിയില്ല ആശാനേ.. അവനെ നേരിട്ട് കണ്ടാൽആ നിമിഷം അവൻറെ ഒരു കാൽ അടിച്ചൊടിച്ചിടാനായിരുന്നു കൊച്ചന്മാരുടെ തീരുമാനം. എന്തോ.. അവനിന്നലെ രാത്രി തന്നെ ഇവിടം വിട്ടു പോയിട്ടുണ്ടെന്നാ എനിയ്ക്ക് തോന്നുന്നത്. ഇത്രയൊക്കെ പോക്രിത്തരം കാണിച്ചതിന് ശേഷവും തന്നെ പകൽ വെട്ടത്തിൽആരെങ്കിലും കണ്ടാൽ സംഗതി വശപ്പെശകാകുംഎന്ന് അവന് തനിയേ തോന്നിയിട്ടുണ്ടാകും." "കാലൻ എവിടെങ്കിലും പോയി ചത്തെന്നു കേട്ടാൽ മതിയാരുന്നു.. മനുഷ്യന്റെ സമാധാനം കളയാനായി പിറവിയെടുത്ത ജന്മം.." നാരായണൻ തലയിൽ കൈ വച്ചു. അവർ സംസാരിച്ചിരിയ്ക്കെ ഒരു സ്റ്റീൽ കപ്പും കയ്യിൽ പിടിച്ചു ശ്രീമയി അവരുടെ അടുത്തേയ്ക്ക് വന്നു. ശ്രീമയിയെ ഇപ്പോൾ കാണുമ്പോൾ ഗോപിയാശാന് മനസ്സിൽ ദേഷ്യമാണ് വരുന്നത്. ഇത്രനാളും മായമ്മയോട് മനസ്സ് കൊണ്ട് വലിയ താൽപ്പര്യമൊന്നും അയാൾക്ക് ഇല്ലായിരുന്നെങ്കിലും ഒരു കൊച്ച് പെൺകുട്ടി എന്ന പരിഗണനയിൽ തന്റെ മനസ്സിൽ അവളോട് തോന്നിയിരുന്ന അമർഷം അയാൾ പുറമെ കാട്ടിയിരുന്നില്ല. മായമ്മ അടുത്തേയ്ക്ക് വന്നെങ്കിലും ഗോപിയാശാൻ അവളെ ശ്രദ്ധിയ്ക്കാൻ പോയില്ല. ശ്രീമയി തന്റെ കയ്യിലിരുന്ന കപ്പ് ഗോപിയാശാന് നേരെ നീട്ടി. "പാല് തരാംമ്പ റഞ്ഞു" അവൾ മടിച്ച് മടിച്ചെന്നോണം അയാളെ നോക്കി പറഞ്ഞു. "പാലോ.. ആർക്ക്.." ഗോപിയാശാൻ അവളെ ശ്രദിയ്ക്കാതെ ഒരു ബീഡിയെടുത്ത്‌ ചുണ്ടിൽവച്ചു കടിച്ചു പിടിച്ചു. "എനിയ്ക്കാ.. ബിസ്ക്കറ്റ് തിന്നാൻ." "ബിസ്കറ്റ് തിന്നാനോ.നീപാലും കൂട്ടിയേ ബിസ്ക്കറ്റ് തിന്നത്തൊള്ളോ.. അല്ലാതെ നിനക്ക് ബിസ്ക്കറ്റ് തൊണ്ടയ്ക്ക് കീഴോട്ട് ഇറങ്ങത്തില്ലേ പെണ്ണേ.. പാല് തീർന്നു. ഞാൻ കലം തേച്ചു കഴുകാൻ പോവാ.. നീ ചെന്ന് ഗൗരിയോട് പറയ്‌ നിനക്ക് ബിസ്കറ്റ് ഞണ്ണാൻ കടും കാപ്പി ഇട്ടു തരാൻ.. പാതിരാത്രി അവൾക്ക് പാലുംകൂട്ടിയേ ബിസ്ക്കറ്റ് വിഴുങ്ങാൻ പറ്റത്തൊള്ളൂ പോലും..." ഗോപിയാശാൻ പറയുന്നത് കേട്ട് ശ്രീമയി അയാളെ ഒന്ന് നോക്കിയ ശേഷം കപ്പ് കയ്യിൽ തന്നെ പിടിച്ചു കൊണ്ട് തിരികെ പോയി. "അതിന് സങ്കടം ആയീന്ന് തോന്നുന്നു. ആ പോക്ക്‌ കണ്ടില്ലേ. പാവം." നാരായണൻ പറഞ്ഞു. "എന്തോന്ന് പാവം.. സങ്കടം ആയെങ്കിൽ പോയി സംഘടിച്ചിട്ട് വരട്ടെ.എന്റെ കൊച്ചിന്റെ ജീവിതം പോയത് ഈ നശൂലം കാരണമാ.." "അതെന്ത് പിഴച്ചു ഗോപിയാശാനേ..അറിവുള്ളവർ ചെയ്ത തെറ്റിന് ആ കുഞ്ഞിനോടാണോ പക തോന്നേണ്ടത്." "എന്ത് പക.. ആർക്ക് ആരോട് പക തോന്നിയെന്നാ. എനിയ്ക്കാ പെണ്ണിനോട് ഒരു പകയും ഇല്ല. ഇല്ലാത്ത പാല് ഞാൻ അവൾക്ക് എങ്ങിനെ ഉണ്ടാക്കി കൊടുക്കാനാ. അല്ലെങ്കിൽ തന്നെ രാത്രിയിൽ പിള്ളേര് ബിസ്കറ്റ് തിന്നാണോ വളരേണ്ടത്. നിങ്ങടെയൊക്കെ വീട്ടിൽ അങ്ങിനെയാണോ നാരായണാ." നാരായണൻ അതിനെന്തെങ്കിലും മറുപടിപറയും മുൻപേ മായമ്മ തിരികെ കൊണ്ട് പോയ കപ്പുമായി ഗൗരി അങ്ങോട്ടെത്തി. "അടുപ്പിലെ വെള്ളത്തിനു മീതെ ചൂടാവാൻ പാൽ വച്ചിട്ടുണ്ടായിരുന്നല്ലോ അച്ഛാ. അതെന്താ ഇത്ര പെട്ടന്ന് തീർന്നു പോയോ... ആര് വന്നു അതിനിടയിൽ ഇവിടെ ചായ കുടിയ്ക്കാൻ.." ഗൗരി ചെന്ന് പാൽ പാത്രത്തിന്റെ മൂടി തുറന്ന് നോക്കി. "ഇതിനെയാണ് അച്ഛാ പാൽ എന്ന് പറയുന്നത്. ഇത്രയും പാൽ കലത്തിൽ ഇരുന്നിട്ടാണോ അച്ഛൻ മായമ്മയോട് പാലില്ലെന്ന് പറഞ്ഞത്.. കഷ്ടം.." ഗൗരി അയാളെ പുച്ഛത്തോടെ ഒന്ന് നോക്കിയ ശേഷംകലത്തിൽ നിന്നും തവി കൊണ്ട് പാൽ കോരി കപ്പിലേക്ക് ഒഴിച്ചു. "എന്തോന്ന് കഷ്ടം. ഒരു കഷ്ടവുമില്ല. രാത്രിയിൽ പിള്ളേര് ചോറ് തിന്നാ വളരേണ്ടത്. അല്ലാതെ കുപ്പി പാൽ കുടിച്ചിട്ടില്ല. അച്ഛനെ വെല്ലുവിളി ച്ചും കൊണ്ട് എന്റെ മോള് പാല് കോരി അവൾക്ക് ഊട്ടിക്കൊടുക്ക്.. കിട്ടിയ്ക്കോളും അതിനുള്ള കൂലി അവളുടെ തന്നെ കയ്യിൽ നിന്ന്. പാല് കൊടുക്കുന്ന കൈക്ക് തന്നെ അവൾ കൊത്തിയില്ലെങ്കിൽ നിന്റെ ഭാഗ്യമെന്ന് കൂട്ടിയ്ക്കോ.ഥ്ഭൂ.." അയാൾ ഒറ്റ തുപ്പ് തുപ്പി. ഗൗരി എന്തോ പറയാൻ വന്നിട്ട് മറ്റുള്ളവർ അവിടെ ഇരിയ്ക്കുന്നതിനാൽ അത് മനസിൽ തന്നെ അടക്കി. "ആ.. പോട്ട് മോളേ. നീയങ്ങു ക്ഷമിച്ചു കള. ആശാൻ അത് മനഃപൂർവം ഒന്നും പറഞ്ഞതായിരിയ്ക്കില്ല.. അങ്ങേരെടെ മനസിന്റെ വിഷമം കൊണ്ട് പറഞ്ഞു പോയതാവും. അതങ്ങു വിട്ടേരെ." അവളെ ആശ്വസിപ്പിയ്ക്കാൻ എന്ന മട്ടിൽ കുഞ്ഞച്ചൻ പറഞ്ഞു. "അച്ഛന് മാത്രമേയുള്ളോ കുഞ്ഞച്ചൻ ചേട്ടാ മനസിന്‌ വിഷമം.ബാക്കിയുള്ളവർക്കാർക്കും അതില്ലേ.. അതോ അതൊരു പിഞ്ചു കുഞ്ഞായത് കൊണ്ട് അതിനോട് എന്തും ആകാമെന്നോ.ഇതിത്തിരി കൂടിപ്പോയി അച്ഛാ.." ഗൗരി തിരിഞ്ഞു ഗോപിയാശാനേ നോക്കി. "പോട്ടെ മോളേ. അതങ്ങു വിട്ടേരെ നീ.. നിന്റെ മോളേ എന്തെങ്കിലും പറഞ്ഞിട്ടുണ്ടെങ്കിൽ അതുമറ്റാരും അല്ലല്ലോ മോളേ...പിന്നെന്താ. നീ പാല് കൊണ്ട് ചെന്ന് കുഞ്ഞിന് കൊടുക്ക്‌. അതിനേ വിശന്നിരിപ്പിയ്ക്കണ്ട.." രംഗം ഒന്ന് ശാന്തമാക്കാനായി കുഞ്ഞച്ഛന്റെ ശ്രമം. "കൂടിപ്പോയോ.. എന്തോന്ന് കൂടിപ്പോയെന്ന്.. കൂടിപ്പോയെന്ന് നിനക്ക് മാത്രം തോന്നുന്നതാ.ഇത്തിരി കുറഞ്ഞു പോയിട്ടുണ്ടെങ്കിലേ ഉള്ളൂ..ഞാനെന്റെ വയസു കാലത്ത്‌ വീട്ടിൽ സമാധാനത്തോടെ കിടന്നുറങ്ങാതിരിയ്ക്കാൻ ഇങ്ങോട്ട് ഇടിച്ചു കേറി വന്നതല്ലേ അത്. അത് വളർന്നു വരുന്നതനുസരിച്ചു ഈ വീട്ടില് ഉണ്ടായിരുന്ന മനസമാധാനം മുഴുവൻപോയിക്കൊണ്ടിരിയ്ക്കുവാ. അതൊന്നും കാണാൻമാത്രം അവൾക്ക് കണ്ണില്ല. അച്ഛന്റെ വായിൽ നിന്നെന്തെങ്കിലും ഒന്ന് വീണാൽ മതി, ഉടൻ അവൾ അതിൽ പിടിച്ചു കയറിക്കോളും.. കിട്ടും മക്കളേ നിനക്ക് ഇതിനുള്ള കൂലി.. അവള് നിനക്കുള്ളത് കയ്യോടെ തന്നിട്ടേ ഇവിടുന്ന് പോവുകയുള്ളു. അക്കാര്യത്തിൽ എന്റെ മോള് പേടിയ്ക്കേണ്ട." "ഒരു പേടിയും ഇല്ല അച്ഛാ. അച്ഛന്റെ മോള് ആരിൽ നിന്നും ഒന്നും പ്രതീക്ഷിച്ചിട്ടല്ല ഓരോന്ന് ചെയ്യുന്നത്.. അതുകൊണ്ട് കൂലിക്കണക്കൊന്നും ആരും എന്നോട് പറയാൻ വരില്ല. കിട്ടുന്നത് ലാഭമായാലും, നഷ്ടമായാലും ഗൗരിയ്ക്ക് പരാതിയും ഇല്ല." "സമയം കുറെയായല്ലോ.." അത്രയുംപറഞ്ഞിട്ട് കുഞ്ഞച്ചൻ കൂട്ടുകാരെ നോക്കി. "എന്നാലിനി നമ്മൾക്കും പോയേക്കാം നാരായണാ. ഗോപിയാശാന് കട പൂട്ടാൻ നേരമായി കാണും." കുഞ്ഞച്ചൻ കസേരയിൽ നിന്ന് എണീറ്റതോടെ മറ്റുള്ളവരും കൂടെ എണീറ്റു. പിന്നെ അവർ ഒന്നൊന്നായി പുറത്തെ വേലി വെളിച്ചത്തിലേക്ക് ഇറങ്ങി. ഗൗരി അകത്തേയ്ക്ക് പോയതോടെ ഗോപിയാശാൻ എണീറ്റ് ചായത്തട്ടിന് അരികിലേക്ക് ചെന്നു. പാൽക്കലത്തിൽ കുറച്ച് വെള്ളം ഒഴിച്ചു വച്ച ശേഷം അയാൾ വലിയ കലത്തിൽ തിളച്ച് കിടന്ന വെള്ളം പുറത്ത് കൊണ്ട് പോയി ഒഴുക്കി കളഞ്ഞു. പിന്നീട് വന്ന് കട അടയ്ക്കാനുള്ള ജോലികൾ ഒന്നൊന്നായി ചെയ്തു തുടങ്ങി. (തുടരും.) #📔 കഥ

#📙 നോവൽ - പ്രളയം 🔻 പാർട്ട് _11 ✍️രചന - Aniprasad തുള്ളിയ്ക്കൊരു കുടം പെയ്യുന്ന പേമാരിയിലൂടെ, കയ്യിലൊരു കുട പോലുമില്ലാതെ കൊടുവത്തൂർ കടവിൽ കടത്തിറങ്ങി വരുന്ന ഒരു പെൺകുട്ടി. അവളുടെ തോളിൽ ഒന്നോ ഒന്നരയോ വയസുള്ള ഒരു പെൺകുഞ്ഞ് തല ചായ്ച്ചു കിടക്കുന്നുണ്ട്. മഴയുടെ എറിച്ചിൽ അടിയ്ക്കാതിരിയ്ക്കാനായി ആ പെൺകുട്ടി താൻ ധരിച്ചിരുന്ന സാരിയുടെ മുന്താണി കുഞ്ഞിന്റെ ശിരസിലൂടെ വാരി ചുറ്റിയിരിയ്ക്കുന്നു. ആ കുഞ്ഞിന് പെരുമഴ തുള്ളികളുടെ തലോടൽ ഏൽക്കാതിരിയ്ക്കാൻ അതൊന്നും മതിയാകുമായിരുന്നില്ല.ഇടയ്ക്കിടെയെത്തുന്ന കാറ്റ് സാരിത്തുമ്പ് പറപ്പിച്ചു കളയുമ്പോൾബലമായി അവൾ ആ തുണി തുമ്പ് പിടിച്ചു വീണ്ടും കുഞ്ഞിനെ പുതപ്പിയ്ക്കുന്നു. സ്വന്തംകുഞ്ഞിനോടുള്ള ഒരു കരുതലും ജാഗ്രതയുമൊക്കെ ആ പെൺകുട്ടിയിൽ കാണാവുന്നതാണ്. കാറ്റിൽ, തണുപ്പിന്റെ സൂചിക്കുത്ത്‌ ഏറ്റതോടെയാവാം ഇടയ്ക്കിടെ കുഞ്ഞ് ഞെട്ടിപ്പിടഞ്ഞുകൊണ്ടിരുന്നു. മഴ നനഞ്ഞു കുതിർന്ന് മകൾ കയ്യിലൊരു കുഞ്ഞുമായി കയറി വരുന്നത് കണ്ട് തനിയ്ക്ക് പകച്ചിരിയ്ക്കാൻ മാത്രമേ കഴിഞ്ഞുള്ളൂ. ഗോപിയാശാന്റെ കണ്മുമ്പിലൂടെ ഒരു മായക്കാഴ്ച്ചപോലെ അയാളുടെ ഓർമ്മകൾ അഞ്ച് വർഷത്തിനപ്പുറത്തേയ്ക്ക് പിന്തിരിഞ്ഞു നടന്നു. കല്യാണപ്രായം തികഞ്ഞ പെണ്ണാണ്.. ഗൗരിയ്ക്ക് അവിടെയും, ഇവിടെയും നിന്ന് ആലോചനകൾ വന്നുകൊണ്ടിരിയ്ക്കുന്ന നേരം. മകൾ വീടിന്റെ ആദ്യ പടവിലേക്ക് കാൽ വച്ചതും അവളുടെ വഴി വിലങ്ങി താൻ അവൾക്ക് മുൻപിലേക്ക് നിന്നു. "ഏതാടീ ഈ കുഞ്ഞ്... ഇതിനെ നീയെന്തിനാ ഇവിടേയ്ക്ക് കൊണ്ട് വന്നത്..." എന്തൊക്കെയോ അനർത്ഥങ്ങൾജീവിതത്തിൽ സംഭവിച്ചു തുടങ്ങാൻ പോകുന്നതിന്റെ സൂചനകൾ ആശങ്കകളായി തന്റെ മനസ്സിൽ നിറഞ്ഞു. "ഇവൾക്ക് പോകാൻ ഒരിടമില്ല അച്ഛാ... നമ്മൾ ഇവളെ കൈ വിട്ടാൽ ഏതെങ്കിലും അനാഥ മന്ദിരത്തിൽ ചെന്ന് ചേരാനായിരിയ്ക്കും ഈ കുഞ്ഞിന്റെ വിധി..അതല്ലെങ്കിൽ എവിടെയെങ്കിലും നരകിച്ചുതീരും ഈ ജീവിതം." "അതിന് നിനക്കെന്താ മോളേ...അതിനാണോ നീഇതിനെ ഇങ്ങോട്ട് ദെത്തെടുത്തും കൊണ്ട് വന്നത്..അനാഥ ജന്മങ്ങൾക്ക് ചെന്ന് ചേരാനുള്ള ഇടമാടീ അനാഥ മന്ദിരങ്ങൾ.അവിടുത്തെ നാട്ടുകാരോ, പൊതു പ്രവൃത്തകരോ ഒക്കെ നോക്കിയ്ക്കോളും ഇതിന്റെ കാര്യം. നമ്മൾ അതിൽ ഇടപെടേണ്ട.. നീ ഇവളെ അവിടെ കൊണ്ട് വിട്ടേരെ. ഇത് അവിടെ കിടന്ന് ജീവിയ്ക്കുവോ, മരിയ്ക്കുവോ എന്ത് വേണേൽ ചെയ്യട്ടെ... ഇതിനെ ഈ വീട്ടിൽ കയറ്റാൻ പറ്റില്ല..ജീവനോടിരിയ്ക്കുമ്പോ ഞാൻ അതിന് സമ്മതിയ്ക്കത്തും ഇല്ല." "അച്ഛൻ മുമ്പിൽ നിന്ന് മാറി നിൽക്ക്. കരുണേട്ടന്റെ ഈ കുഞ്ഞ്നമ്മുടെ വീട്ടിൽ വളരാൻ അച്ചൻ സമ്മതിച്ചില്ലെങ്കിൽ ഈ കുഞ്ഞ് മാത്രമല്ല, ഞാനും ഇറങ്ങിയിരിയ്ക്കും ഈ വീട്ടിൽ നിന്ന്.. പിന്നീട് ജന്മത്തിൽ ഒരിയ്ക്കൽ പോലും നമ്മൾ തമ്മിൽ കാണില്ല അച്ഛാ.." ഗൗരിയുടെ മുഖത്തേയ്ക്ക്നോക്കിയാൽ അറിയാം അവൾ അത് തന്നെ മനസ്സിൽ ഉറപ്പിച്ചാണ് ഈ കുഞ്ഞുമായി ഇങ്ങോട്ട് വന്നിരിയ്ക്കുന്നതെന്ന്. താൻ എതിർത്താൽ, തന്റെ എതിർപ്പിനെ എങ്ങിനെ നേരിടണമെന്ന ഗൃഹ പാഠം അവൾ നേരത്തെ എടുത്തു കഴിഞ്ഞിരിയ്ക്കുന്നു. "നീ പൊട്ടൻ കളിയ്ക്കുന്നോ അതോ, ആർക്കെങ്കിലും വേണ്ടി പൊട്ടിയായി നടിയ്ക്കുന്നോ..വകതിരിവ് എന്നത് നിന്റെ ഏഴയലത്ത്‌കൂടെ പോയിട്ടില്ലേ കൊച്ചേ... മോളേ നിനക്കൊരു ജീവിതമുണ്ട് കുഞ്ഞേ. അത് മറന്നുകൊണ്ടാകരുത് നിന്റെയീ ചെയ്തികൾ.ഇത് കരുണന്റെ മകൾ ആണെങ്കിൽ അവൻ ഈ ദേശം വിട്ടു പോയിക്കഴിഞ്ഞതോടെ ആ ബന്ധവും അവസാനിച്ചു കഴിഞ്ഞതാണ്. വീണ്ടും ആ ബന്ധം നീയീ കുഞ്ഞിലൂടെ വിളക്കി ചേർക്കാൻ നോക്കേണ്ട. കൂടി ചേരില്ല മോളേ അത്."." "അറിയാം അച്ഛാ.. അച്ഛൻ പറയും മുമ്പേ എന്റെ മനസ്സിൽ നൂറ്‌ തവണ അതിനേ കുറിച്ചുള്ള ഒരു വടം വലി നടന്നു കഴിഞ്ഞു. നമ്മുടെ കരുണേട്ടന്റെ ഈ കുഞ്ഞിനെ പെരുവഴിയിൽ ഉപേക്ഷിച്ചിട്ട് പോരാൻ എന്റെ മനസ്സ് അനുവദിച്ചില്ല അച്ഛാ..." "ഇത് പെരുവഴിയിലൊന്നും ആയിപ്പോകില്ല മോളേ.. നീ ഇതിനെ കൊണ്ട് പോയി കരുണന്റെ ഭാര്യ വീട്ടുകാരെ ഏൽപ്പിച്ചിട്ട് പോരെ.. അവരാണ് ഇനി ഇതിന്റെ അവകാശികൾ. അല്ലാതെ നീ കരുതും പോലെ ഈ കുഞ്ഞ് അനാഥ ജന്മം ആയി പോയിട്ടൊന്നുമില്ല.ആരൊക്കെ ഈ കുഞ്ഞ് അനാഥയെന്ന് പറഞ്ഞാലും ഇതിനെ പ്രസവിച്ച ജീനയുടെ മാതാപിതാക്കൾ ജീവിച്ചിരിയ്ക്കുന്നിടത്തോളം കാലം ഇത് അനാഥയല്ല മോളേ. അച്ഛൻപറയുന്നത് കേൾക്ക് മോളേ... നിന്റെ ഒറ്റയൊരാളുടെ നന്മയെ കരുതിയാ അച്ഛനിത് പറയുന്നത്. എന്റെ പൊന്ന് മോൾ അനുസരിച്ചേക്ക്..." അവസാനം അവൾക്ക് മുൻപിൽ നിന്ന് താൻ കൈ കൂപ്പി. ഗൗരിയുടെ മുഖത്ത്‌ അചഞ്ചലമായ ഒരു ഭാവമല്ലാതെ താൻ പറഞ്ഞത് കേട്ട മട്ടില്ല. അവളുടെ മുഖത്തും ശിരസ്സിലും പറ്റിപ്പിടിച്ചിരുന്ന മഴത്തുള്ളികൾ നിലത്തേയ്ക്ക് പൊഴിഞ്ഞു വീണുകൊണ്ടിരുന്നു. "നിനക്ക് ഈ കുഞ്ഞിനെ കൊണ്ട് പോയി റെയ്ച്ചലിനെ ഏൽപ്പിയ്ക്കാൻ മടിയാണെങ്കിൽ എന്റെ കയ്യിലേക്ക് താ. ഞാൻ കൊണ്ട് പോയി കൊടുത്തേക്കാം. റെയ്ച്ചലിന്റെയും,,ജോസഫിന്റെയും വീട്ടിലാ ഈ കുഞ്ഞ് വളരേണ്ടത്. അല്ലാതെ നമ്മുടെ വീട്ടിലല്ല.. നമുക്ക് ഈ കുഞ്ഞിനെ പോറ്റേണ്ട ഒരാവശ്യവുമില്ല.. നീ കുഞ്ഞിനെ എന്റെ കയ്യിലേക്ക് താ മോളേ.." താൻ കൈ നീട്ടിയെങ്കിലും ഗൗരിയിൽ യാതൊരു വിധ ചലനവും കാണാനില്ല. അവസാനം ഗൗരിയുടെ കയ്യിൽ നിന്ന് ബലമായി താൻ ആ കുഞ്ഞിനെ പിടിച്ചെടുക്കാൻ നോക്കുമ്പോൾ അവൾ കുതറി.. "നടക്കില്ല അച്ഛാ.. അച്ഛൻ ശ്രീമയിയെ അവിടേയ്ക്ക് കൊണ്ട് ചെന്നാൽ അവർ ഇതിനെ കയ്യേൽക്കില്ല. അവർ ഈ കുഞ്ഞിനെ കരുണേട്ടന്റെ വീട്ടിൽ ഉപേക്ഷിച്ചിട്ട് പോന്നതാണ്.." "ഉപേക്ഷിച്ചിട്ട് പോന്നോ.. അത് ശരിയാവില്ലല്ലോ. ഈ കുഞ്ഞ് അവരുടെ മകളുടെ കുഞ്ഞല്ലേ.. ജീന പ്രസവിച്ച കുഞ്ഞിനെ എങ്ങിനെ അവർക്ക് അവിടെ ഉപേക്ഷിച്ചിട്ട് പോരാൻ കഴിഞ്ഞു.." "അവർക്ക് ഇതിനെ വേണ്ടെന്ന്. അവരുടെ മകളുടെ ഘാതകന്റെ കുഞ്ഞിനെ വളർത്തേണ്ട ഗതികേട് അവർക്ക് വന്നിട്ടില്ലെന്ന്.." "അത് കേട്ടയുടൻ നീ ഇതിനെയും ശിരസ്സിലേറ്റി ഇങ്ങോട്ട് വച്ച് പിടിച്ചു. അല്ലേ.. നീ ഇതിനെ കയ്യേൽക്കും മുമ്പ് എന്നോടൊരു വാക്ക് ചോദിച്ചോടീ.. എടീ, ചോദിച്ചോ എന്ന്.." "അപ്പോൾ എനിയ്ക്ക് അതിന് കഴിഞ്ഞില്ല അച്ഛാ. ഈ കുഞ്ഞിന്റെ മുഖത്ത്‌ നോക്കിയിട്ട്, കരുണേട്ടനെ ഓർമ്മവരുമ്പോ ഇതിനെ അവിടെ കളഞ്ഞ ശേഷം എനിയ്ക്ക് മടങ്ങി പോരാൻ പറ്റുവോ അച്ഛാ.." "നീ പോരണമായിരുന്നു. നീ അങ്ങിനെ തന്നെ മടങ്ങി പോരണമായിരുന്നു... അതിന് പകരം നീ എന്താ ശിരസ്സിലേക്ക് എടുത്ത്‌ വച്ചിരിയ്ക്കുന്നതെന്ന് നിനക്ക് അറിയുമോ മോളേ.. നിന്റെ ജീവിതമാകും ഈ പ്രവൃത്തി മൂലം ഇല്ലാതായി പോവുകയെന്ന് മനസിലാക്കാനുള്ള കഴിവ് പോലും നിനക്കില്ലാതായി പോയോ മോളേ..അവർക്ക് അവരുടെ രക്തത്തെ വേണ്ടെങ്കിൽ നിനക്കാണോടീ പിന്നെ ഇതിനെ കൊണ്ടുള്ള ആവശ്യം..." ഉത്തരമില്ല.. ശിരസ്സ് കുനിച്ചു നിൽക്കുന്ന അവളുടെ തോളിൽ കിടന്ന് ആ പിഞ്ചു കുഞ്ഞ് ഞെളിപിരി കൊള്ളുമ്പോഴും അവൾക്ക് ചലനമില്ല. എല്ലാം, എല്ലാം മനസിലാക്കികൊണ്ട് തന്നെയാണ് ഗൗരി ഈ ബാധ്യതയെടുത്തു ചുമലിൽ ഏറ്റി യിരിയ്ക്കുന്നത്. അവളുടെ മനസിന്റെ ഏതോ കോണിൽ കരുണനെ കുറിച്ചുള്ള ഓർമ്മകൾ ചാരം മൂടിയ കനലുകൾ പോലെ ഇപ്പോഴും നീറിപ്പിടയുന്നുണ്ടാവണം. അവനറിയാതെയാണെങ്കിലും അവളുടെ മനസ്സിൽ ജീവന്റെ ജീവനായി കൊണ്ട് നടന്ന രൂപമല്ലേ കരുണന്റേത്... ആ മോഹം കൈക്കുമ്പിളിൽ നിന്നും ദാഹജലം ഊർന്നു പോകുന്നത് പോലെ ഒഴുകി തീരുന്നത് അവൾക്ക് നിസ്സഹായയായിനോക്കിനിൽക്കേണ്ടി വന്നതാണ്.. ആരൊക്കെ പറഞ്ഞിട്ടും, എന്തൊക്കെ പറഞ്ഞു മനസിലാക്കാൻ ശ്രമിച്ചിട്ടും ഗൗരി തന്റെ തീരുമാനം മാറ്റാൻ തയ്യാറല്ലായിരുന്നു. "ജീനയെന്ന അവന്റെ ഭാര്യയെ കൊന്ന കുറ്റത്തിനാണ് കരുണൻ ജയിലിലേക്ക് പോയിരിയ്ക്കുന്നത്.. അവൻ ഒരു ജീവപര്യന്തമോ അതിലും കുറവോ തടവ് ശിക്ഷ തീർന്ന് ഇറങ്ങി വരുമ്പോൾ അവന്റെ മകളെ അന്വേഷിച്ചാവും ആദ്യം വരിക.. അപ്പോൾ നീ എന്ത് ചെയ്യും മോളേ. കുഞ്ഞിനെ നിനക്ക് അവന് വിട്ടു കൊടുക്കാതിരിയ്ക്കാൻ പറ്റുവോ.. കൊടുത്തില്ലെങ്കിൽ ബലമായി തന്നെ അവൻ അവളെ വിളിച്ചിറക്കി കൊണ്ട് പോകില്ലേ..." എങ്ങിനെയെങ്കിലും അവളുടെ മനസ്സ് ഒന്ന് മാറ്റാൻ വേണ്ടിയാണ് താൻ ചോദിയ്ക്കുന്നത്. "ആര് തടയുന്നു കരുണേട്ടനെ.. അച്ഛൻ തടയുമോ.. ഇല്ലല്ലോ.. നമ്മുടെ കൂടെ ഈ കുഞ്ഞ് കുറച്ച് നാൾ വളർന്നെന്ന് കരുതി ഈ കുഞ്ഞിൽ നമുക്ക് എന്തെങ്കിലും അവകാശം ഉണ്ടാകാൻ പോകുന്നോ അച്ഛാ.. കരുണേട്ടൻ വന്നു വിളിയ്ക്കുമ്പോൾ ഈ കുഞ്ഞ് കരുണേട്ടന്റെ കൂടെ പൊയ്ക്കോട്ടെ. അവളുടെ അച്ഛനല്ലേ അവളെ വന്നു വിളിക്കുന്നത്.. കരുണേട്ടൻ ശിക്ഷാ കാലാവധി കഴിഞ്ഞു തിരിച്ച് വരും വരെ കരുണേട്ടന്റെ കുഞ്ഞിനെ ഒരു പോറൽ പോലും പറ്റാതെ സംരക്ഷിക്കണം. അത്രയേ വേണ്ടൂ നമ്മൾക്ക്.." "ഞാനിനി എങ്ങിനെയാ മോളേ നിന്നെ പറഞ്ഞു മനസിലാക്കേണ്ടത്.. ഈ കുഞ്ഞിനൊരു പോറൽ പോലും പറ്റാതെ സംരക്ഷിയ്ക്കേണ്ടത് നമ്മളല്ല... അത് ജീനയുടെ അച്ഛനും അമ്മയുമായ റെയ്ച്ചലും, ജോസപ്പും ആണെന്ന് നൂറ്‌ തവണ പറഞ്ഞില്ലേ കുട്ടീ നിന്നോട് ഞാൻ.." ഇണങ്ങിയും, പിണങ്ങിയും പറഞ്ഞിട്ടൊന്നും ഗൗരി അത് കേൾക്കാനോ, അനുസരിയ്ക്കാനോ തയ്യാറായില്ല. അവസാനം അവളുടെ ആഗ്രഹത്തിന് മനസ്സില്ലാ മനസോടെ വഴിപ്പെടുമ്പോൾ മനസ്സിൽ പ്രത്യാശയുടെ ചെറിയൊരു നിഴൽ മായാതെ കിടപ്പുണ്ടായിരുന്നു. രണ്ടോമൂന്നോ ദിവസങ്ങൾ കൊണ്ട് ഗൗരിയുടെ മനസ്സ് ഒന്ന് ശാന്തമാകുമ്പോൾ റെയ്ച്ചലിനെ യോ ജോസഫിനെയോ പോയി കാണുക.. അപ്പോഴേക്കും അവരുടെ മനസ്സും ശാന്തമായിട്ടുണ്ടാകും.അവരോടു കാര്യങ്ങൾ പറഞ്ഞു മനസിലാക്കി കുഞ്ഞിനെ കയ്യേൽക്കാൻ ആവശ്യപ്പെടുക.. അവർ നേരിട്ടത്തി കുഞ്ഞിനെ കൊണ്ട് പോകാൻ തയ്യാറായാൽ ഗൗരിയ്ക്കും അതിനേ എതിർക്കാൻ കഴിയില്ല. നാലോ അഞ്ചോ ദിവസം കഴിഞ്ഞു കാണും.. കുഞ്ഞിന്റെ കാര്യം ഇനിയും വൈകുന്നത് ബുദ്ധിമോശം ആയിപ്പോകുമോ എന്നോർത്തിട്ട് താൻ തനിയേ ആണ് ജോസഫിനെ കാണാൻ ചെന്നത്.. കാര്യം പറഞ്ഞു കഴിഞ്ഞപ്പോഴേയ്ക്കും ജോസഫിന്റെ മുഖം ഇരുണ്ടു. അതുവരെ തനിയ്ക്ക്മുഖം തരാതെ മാറി നിന്ന റേയ്ച്ചൽ ഒറ്റ ആട്ട് ആട്ടി. "താനും തന്റെ മോളും കൂടി കൊണ്ട് പോയി പുഴുങ്ങി തിന്നോടോ അതിനേ.. പാവം പിടിച്ച എന്റെ മോളുടെ ജീവനെടുക്കാൻ കാരണക്കാരിയല്ലോടോ തന്റെ മോൾ.. അവൾക്ക് അവനോട് അസ്ഥിയിൽ പിടിച്ച പ്രേമമാരുന്നെങ്കിൽ അവനെ കൊണ്ട് അവളെ കെട്ടിയ്ക്കാൻ മേലാരുന്നോടോ തനിയ്ക്ക്... എന്റെ ജീനമോളെയുംകെട്ടി അവൾക്കൊരു കൊച്ചിനെയും ഉണ്ടാക്കി കൊടുത്തു കഴിഞ്ഞപ്പോഴാണോടോ അവൾക്ക് അവനോടുള്ള പൂതി കൂടിയത്... ഇപ്പോൾ തൃപ്തിയായി കാണുവല്ലോ തന്റെ മോൾക്ക്... എന്റെ മോളേ അവൻ കൊല്ലാൻ കാരണക്കാരി അവൾ ഒറ്റയൊരുത്തിയാ.. മറക്കില്ല ഞങ്ങൾ അത്.. അവൻ ഇറങ്ങി വരുമ്പോ അവന്റെ കൂടെ പോയി പൊറുക്കാം എന്ന് കരുതിയാ തന്റെ മോൾ ഇയ്ക്കുന്നതെങ്കിൽ പോയി പറഞ്ഞേക്ക് അവളോട്.. എന്റെ മോളുടെ ഉദരത്തിൽ കയറിയത് പോലൊരു പിച്ചാത്തി അവളുടെ ഉദരത്തിൽ കയറാനും കാത്തിരിപ്പുണ്ടെന്ന്.. എന്റെ മോളുടെ ഗർഭ പാത്രത്തിൽ പിറവിയെടുത്തതാണെങ്കിലും ആ കരുണൻ എന്ന നായിന്റെ മോന്റെ ചോരയെ ഞങ്ങൾക്ക് വേണ്ട. വേണ്ടെന്ന് മാത്രമല്ല അതിനേ ഞങ്ങളുടെ മുമ്പിലേക്ക് കൊണ്ട് വന്നും പോകരുത്... ഞങ്ങടെ കുഞ്ഞിനെ ഇല്ലാതാക്കിയ അവന്റെ മുഖം ഓർമ വരുമ്പോൾ ആ കൊച്ചിനെ പോലും ഞങ്ങൾ എന്തേലും ചെയ്തു പോകും.. പൊക്കോ.. ഇനി ഈ ആവശ്യവും പറഞ്ഞു മേലിൽ ഈ വീട്ടിന് മുമ്പിൽ വന്നു പോകരുത്... വല്ല പെണ്ണിന്റെയും കഴുത്തിലെ താലി തട്ടിപ്പറിച്ചല്ലെടോ തന്റെ മകളുടെ കഴുത്തിൽ താലി കേറ്റേണ്ടത് എന്നും കൂടി അവളോടൊന്നു പറഞ്ഞു കൊടുത്തേക്ക്.. ഞങ്ങടെ ജീന മോളേ പോലെ കരുതി അവളെ ഞങ്ങൾ സ്നേഹിച്ചതിന് ഞങ്ങടെ മകളുടെ ജീവനെടുത്തുകൊണ്ട് വേണമായിരുന്നോ അവൾക്ക് ഞങ്ങളെ ശിക്ഷിയ്ക്കാൻ...ഗതി പിടിയ്ക്കാതെ പോകയേ ഉള്ളൂ.. നെഞ്ച് പൊട്ടി ശപിയ്ക്കുവാ ഞാൻ അവളെ... " റെയ്ച്ചലിന്റെ കണ്ണീർ കണ്ടു തിരിഞ്ഞു നടക്കാൻ കഴിഞ്ഞില്ല. ആശാപം ചിലപ്പോൾ തിരികെ ചെന്നേക്കാം. അത് തന്റെ മകളുടെ ശിരസ്സിൽ വീഴാൻ പോകുന്നില്ല.. "വെറുതേ തെറ്റിദ്ധരിയ്ക്കല്ലേ റെയ്ച്ചലെ എന്റെ മോളേ... അവൾക്ക് കരുണനോട് അങ്ങനൊരു ആശയേ ഇല്ലായിരുന്നു. എനിയ്ക്കറിയാവുന്നതല്ലേ എന്റെ മോളേ.." "ഇത്ര നാളും നല്ലവളാണെന്ന് കരുതി അവളെ തെറ്റിദ്ധരിച്ചിരുന്നതാ ഞാൻ.. ഇപ്പോളാ അവളെ ശരിയ്ക്കും ഞങ്ങൾക്കുമനസിലാക്കാൻ പറ്റിയത്.. അതിന് ഞങ്ങടെ പൊന്ന് മോൾടെ ജീവൻ ബലി കൊടുക്കേണ്ടി വന്നെന്ന് മാത്രം... ചതിയ്ക്കാനും, കൂടെ നിന്ന് കുതികാൽ വെട്ടാനും തന്റെ മകളെ കഴിഞ്ഞേ ഉള്ളെടോ ഈ ഭൂമിയിൽ മറ്റൊരാൾ.. കർത്താവ് തമ്പുരാൻ മുകളിലിരുന്നു എല്ലാം കാണുന്നുണ്ടെന്ന് പറഞ്ഞേക്ക് അവളോട്‌.. എന്റെ മോടെ കെട്ടിയോനെ തട്ടിയെടുക്കാൻ വേണ്ടി അവള് കാണിച്ച ഈ കൊല ചതിയ്ക്ക് കർത്താവ് അവളോട് പകരം ചോദിച്ചിരിയ്ക്കും.. താൻ നോക്കിയ്ക്കോ.. അന്ന് തന്റെ കണ്ണിലൂടെ കണ്ണീരിന് പകരം ചോര ചാടിയിരിയ്ക്കും... അല്ലെങ്കിൽ പിന്നെ ഈ പെറ്റമ്മയുടെ കണ്ണീരിന് ദൈവ സമക്ഷം എന്ത് വിലയാ ഉള്ളത്.." മറിഞ്ഞും തിരിഞ്ഞും ഉള്ള ശാപ വചസ്സുകൾ കേട്ട് തലയും കുനിച്ച് അവിടെ നിന്നും ഇറങ്ങി പോരേണ്ടി വന്നു. "പോലീസുകാർക്ക് അവൻ മൊഴി നൽകിയിട്ടുണ്ടെന്ന്, ഒരു പെണ്ണിന് വേണ്ടിയാ അവന് സ്വന്തം ഭാര്യയെ കൊലപ്പെടുത്തേണ്ടി വന്നതെന്ന്. ജീന അവന്റെ ആ ബന്ധത്തെ എതിർത്തപ്പോൾ അവന് അവളെ കൊന്നുകളയുകയല്ലാതെ വഴി ഇല്ലായിരുന്നെന്ന്..." താൻ തിരികെ വന്നു പറഞ്ഞത് കേട്ട് ഗൗരി ഭിത്തിയോട് ചാരി ചലനം നഷ്ടപ്പെട്ടു നിൽക്കുകയായിരുന്നു. "റെയ്ച്ചലിന്റെ മകളുടെയും, ഭർത്താവിന്റെയും ജീവിതത്തിലേക്ക് കടന്നു വന്ന മൂന്നാമത്തെ ആ സ്ത്രീ നീയാണെന്നാണ് മോളേ അവർ പറയുന്നത്... പണ്ടെങ്ങോ നിനക്ക് കരുണനോട് ഒരു സ്നേഹം മനസ്സിൽ തോന്നിയിട്ടുണ്ടെന്ന് അവൻ ജീനയോട് പറഞ്ഞിട്ടുണ്ടായിരുന്നു." ഗൗരിയുടെ മുഖത്തേയ്ക്ക് നോക്കുമ്പോൾ അവളുടെ കണ്ണുകളിലോ, മുഖത്തോ പ്രത്യേകിച്ചൊരു ഭാവമാറ്റവും വന്നിട്ടില്ല. "നിന്റെ പേരും പറഞ്ഞു കരുണനും, ജീനയും നിരന്തരം വഴക്കിടാറുണ്ടായിരുന്നത്രെ... അവരുടെ മനസ്സിൽ തോന്നിയത് സംശയമാണെങ്കിൽ ആ സംശയത്തിലേക്ക് ആരൊക്കെയോ ചേർന്ന് കാള കൂട വിഷം പകർന്ന് നൽകിയിട്ടുണ്ടെന്ന് വേണം കരുതാൻ. അവർക്ക് വേണ്ടെന്ന് പറഞ്ഞിട്ടും അവർക്ക് മുമ്പിലൂടെ നീ കരുണന്റെ കുഞ്ഞിനേയും കൊണ്ട് പോന്നത് അവനോട് നിന്റെ മനസ്സിൽ ഒടുങ്ങാത്ത ആഗ്രഹമുള്ളത് കൊണ്ടാണെന്നാണ് അവരുടെ ഭാഷ്യം. അതിനെ വെല്ലാൻ നമ്മുടെ കയ്യിൽ തെളിവുകളൊന്നും ഇല്ലല്ലോ... ജോസഫിന്റെ ആ വാക്കുകൾക്ക് മുമ്പിൽ അച്ഛന് തല കുനിച്ചിറങ്ങി പോരാനേ കഴിഞ്ഞുള്ളൂ മോളേ.." തന്റെ ഹൃദയം വെന്തു നീറുന്നത് മകൾ കാണാതിരിയ്ക്കാനായി താൻ തിരിഞ്ഞു നിന്നു. ഗൗരിയുടെ കണ്ണുകളിൽ നിന്ന് മരവിച്ച ഒരു നോട്ടം മാത്രം തന്റെ നേർക്ക് വന്നു. ഒരച്ഛന്റെ നിസ്സഹായത എന്താണെന്ന് അന്നാണ് തനിയ്ക്ക് മനസിലായത്. അതിൽ എന്തെങ്കിലും സത്യമുണ്ടോ മോളേ എന്ന് ചോദിയ്ക്കാൻ നാവുയരുന്നില്ല.. നിനക്കെന്തെങ്കിക്കും മനസ്സറിവുണ്ടോ മോളേ എന്ന് ചോദിയ്ക്കണമെന്ന് തോന്നുമ്പോൾ ചങ്ക് പിടയും.. സ്വന്തം മകളാണ് പ്രതി സ്ഥാനത്ത്‌ നിൽക്കുന്നത്. അവളുടെ ജീവിതത്തിനു മേൽ ഒരമ്മയുടെ കണ്ണീർ തോരാതെ വീണുകൊണ്ടിരിയ്ക്കയാണ്.. ഏതാണ് ശരിയെന്നോ, ഏതാണ് തെറ്റെന്നോ തിരിച്ചറിയാൻ പറ്റാതെ പോയ അഞ്ച് വർഷങ്ങൾ... ആരും ഒന്നും മറന്നിട്ടില്ലെന്നും, ആരുടേയും കണ്ണിലെ പകയുടെകനലുകൾ കെട്ടു പോയിട്ടില്ലെന്നും മനസിലാക്കാൻ ഒരു പ്രളയ കാലം തന്നെ വേണ്ടി വന്നു.. കല്ലാറിന്റെ മാറിലൂടെ നീന്തിക്കയറി വന്ന ഒരു അജ്ഞാതൻ തന്റെ മകളുടെ ജീവിതത്തിന്റെ കടയ്ക്കലാണ് പിടിച്ചു കുലുക്കിയിരിയ്ക്കുന്നതെന്ന് ഗോപിയാശാന് തോന്നി. അതിന്റെ അനന്തര ഫലങ്ങൾ തന്റെ മകളുടെ ജീവിതത്തെ അടിമുടി ഉലച്ചു കളയാൻ പോലും പ്രാപ്തമാണ്.. എവിടെ നിന്നോ, എവിടേയ്‌ക്കോ പോകുന്ന ജീവിത പാതയിൽ കുറച്ച് ശരി തെറ്റുകൾ ഒളിച്ചിരിയ്ക്കുന്നുണ്ട്.. കാലത്തിന് മാത്രമേ അതിലെ ശരികൾ കണ്ടെത്താൻ കഴിയുകയുള്ളൂ.. അത് ഒരു ജീവിതത്തിന്റെതായാലും, ഒരുപാട് ജീവിതങ്ങളുടേതായാലും.. (തുടരും) #📔 കഥ

#📙 നോവൽ -മുറ ചെറുക്കൻ...... 🔻 ഭാഗം _43 ✍️രചന - Aysha akbar ചുറ്റുമുള്ള എൽ ഈ ഡി ബൾബുക ളുടെ പ്രകാശത്തേക്കാൾ അവളുടെ കണ്ണുകൾ തിളങ്ങി...... ചുവന്ന ഡ്രെസ്സിൽ അതി സുന്ദരിയായി നിൽക്കുന്ന ഇഷാനിയെ കണ്ടവനും അങ്ങനെ നോക്കി നിന്നു..... അവനടുത്തേക്ക് ഓടി പോകണമെന്ന് തോന്നി അവളെഴുന്നേൽക്കുമ്പോൾ അടുത്തേക്ക് വരേണ്ടെന്ന തരത്തിൽ അവനൊരു സൂചന നൽകി........ അവൾ കണ്ണുകൾ കൂർപ്പിച്ചു കൊണ്ടവനെയൊന്ന് നോക്കി....... ആരെങ്കിലും ശ്രദ്ധിക്കു ന്നുണ്ടോയെന്നൊരു ഭാവത്തിൽ അവൻ ചുറ്റും നോക്കുമ്പോൾ അവൾക്കും ചെറിയൊരു ഭയം തോന്നി.... അത്‌ വരെ ഒന്നും ഓർത്തിട്ടില്ല താൻ...... അവൻ മാത്രമേ മനസ്സിലുള്ളുണ്ടായിരുന്നുള്ളു........ എന്നാൽ പപ്പയും മമ്മയും എല്ലാം അവിടെ തന്നെയുണ്ടെന്ന തോന്നൽ അവളുടെ ഉള്ളിലോരു ആശങ്ക നിറച്ചു.... അപ്പോഴും കണ്ണുകൾ അവനിലേക്ക് മാത്രം നീണ്ടു പോയി........ അവന്റെ കണ്ണുകളും അവളെ മാത്രം കണ്ടു..... തന്നെ നോക്കുന്ന ആ കണ്ണുകളിലെ ഭാവം ഇഷാനിയുടെ ചുണ്ടിലൊരു പുഞ്ചിരി നിറച്ചു.... അവൾക്ക് കൂടുതൽ നേരം ആ മിഴികളെ നേരിടാൻ കഴിഞ്ഞില്ല..... അവൾ ചുണ്ടുകൾ കൂട്ടി പ്പിടിച്ചു പെട്ടെന്ന് നോട്ടം വെട്ടിച്ചു....... അൽപ നേരം കഴിഞ്ഞ് ഇടം കണ്ണാൽ അവൾ വീണ്ടും അവനെ നോക്കുമ്പോഴും അവനവളെ നോക്കി അതേ നിൽപ്പ് തന്നെയായിരുന്നു.. അവൾക്കാകെ കൂടി ഒരു വിറയൽ തോന്നി... അവൾ ഗൗണിന്റെ തലപ്പ് വിരലുകളാൽ തെരു പ്പിടിച്ചു........ കൂട്ടി പിടിച്ചിട്ടും ചുണ്ടുകളിൽ ഒതുങ്ങാത്തോരു പുഞ്ചിരി അവളെ കീഴ്പ്പെടുത്തി...... കുറച്ചപ്പുറത്തായി ആളുകൾ അല്പം ഒഴിഞ്ഞ ഭാഗത്തേ ക്ക് കണ്ണുകൾ കൊണ്ടൊന്നു ചൂണ്ടി അവനാഗ്യം കാണിച്ചു കൊണ്ട് അങ്ങോട്ട് നടക്കുമ്പോൾ പിറകെ ചെല്ലാനുള്ള സൂചനയാണ് അതെന്ന് അവൾക്ക് മനസ്സിലായിരുന്നു..... അവളുടെ ഹൃദയം വല്ലാതെ മിടിച്ചു...... മമ്മ അവിടെ സംസാരിക്കുന്ന തിരക്കിലാണ്...... പപ്പയാണെങ്കിൽ ഡ്രിങ്ക്സ് കഴിക്കുകയാണ്...... ഋതിനെ അവിടെയൊന്നും നോക്കിയിട്ട് കാണാനെയില്ല...... ആവശ്യത്തിലധികം പിടക്കുന്ന ഹൃദയവുമായി അവൾ പതിയെ എഴുന്നേറ്റ് അവൻ പോയ വഴിയേ നടക്കുമ്പോൾ ഉള്ളിലെ ഭയത്തെക്കാളേറെ അവന്റെ മുഖമായിരുന്നു മനസ്സിൽ തിളങ്ങി നിന്നത് ..... അലങ്കരിച്ച ആ വലിയ മുറ്റം കടന്ന് പിറക് വശത്തേക്കെന്ന പോൽ ഇരുട്ടിലേക്ക് അവൾ നടക്കുമ്പോൾ പെട്ടെന്നായിരുന്നു കയ്യിലാരോ പിടിച്ചു വലിച്ചത്....... അവൾ ഞെട്ടലോടെ മുഖമുയർത്തി നോക്കിയപ്പപ്പഴേക്കും തന്റെ ശ്വാസത്തോട് ചേർന്നു നിൽക്കുന്നവനെയാണ് അവൾ കണ്ടത്...... അതിര് കവിഞ്ഞൊരു ആനന്ദം അവളെ വന്നു മൂടി....... ശ്വാസമിടിപ്പ് കൂടുന്നതിനനുസരിച്ചു അവളുടെ മാറിടം ഉയർന്നു താഴ്ന്നു......... അവനപ്പോഴും അവളുടെ കണ്ണുകളിലേക്കെന്ന പോൽ നോക്കി ഒരു കള്ള ചിരിയോടെ അങ്ങനെ നിൽക്കുകയാണ്....... അവൾ ചുറ്റുമോന്ന് നോക്കി... ആരെങ്കിലും കാണുമോയെന്ന ഭയം അവളുടെ കണ്ണുകളിൽ തെളിഞ്ഞു... അപ്പോഴാണ് അവൻ തന്നെ വലിച്ചത് ഒരു ചുമരിന് മറവിലേക്കാണെന്ന് അവൾക്ക് മനസ്സിലായത്..... ആ ചുമരിനോട് തന്നെ ചേർത്ത് നിർത്തിയാണ്‌ അവൻ തന്റെ മുമ്പിൽ നിൽക്കുന്നതെന്ന് അവൾക്ക് മനസ്സിലായി.... എങ്ങനെ..... ഇവിടെ......? അവൾ പിടക്കുന്ന കണ്ണുകൾ മുകളിലേക്കുയർത്തി യത് ചോദിക്കുമ്പോൾ അവനൊന്നും മിണ്ടിയില്ലെന്ന് മാത്രമല്ല അവന്റെ കണ്ണുകളിലെ ഭാവത്തിന് ഒന്ന് കൂടി തീവ്രതയേറിയത് പോലെ.... അവനവളെ മതി വരുവോളമെന്ന പോൽ കാണുകയായിരുന്നു...... മ്മ്......? അവന്റെ നോട്ടം നേരിടാൻ കഴിയുന്നില്ലെന്ന വണ്ണം മിഴികളൊന്ന് നീക്കി അവൾ പതിയെ ചോദ്യ ഭാവത്തോടെ വീണ്ടും മൂളി....... നിന്നേ കാണാൻ..... അവൻ അത്രയേറെ അടക്കി പ്പിടിച്ച ശബ്ദത്തിലത് പറയുമ്പോൾ ആ സ്വരത്തിന് വല്ലാത്തൊരു ഭാവമുണ്ടായിരുന്നു...... അതവളുടെ ഉള്ളിലൊന്നാകെ ഒരു വിറയൽ തീർത്തു...... ഈ നിറത്തിൽ സുന്ദരിയായിട്ടുണ്ട്...... അവൻ വീണ്ടും അതേ ശബ്ദത്തോടെ യത് പറയുമ്പോൾ അവന്റെ നേർത്ത ശബ്ദവും ആ നോട്ടവും ഇരുട്ടുമെല്ലാം കൂടി അവളിലൊരു പ്രത്യേക വികാരത്തെ നിറച്ചു....... അവൾ പതിയെ മിഴികളൊന്ന് അവനിലേക്ക് നീക്കി..... അവന്റെ ആഡംസ് ആപ്പിൾ ഒരു താളത്തിൽ ഉയർന്നു താഴുന്നുണ്ട്...... ഇപ്പൊ തന്നെ കൊണ്ട് പോയാലോ ഞാൻ നിന്നെ..... അവൻ വല്ലാത്തൊരു ഭാവത്തോടെ അത്‌ ചോദിക്കുമ്പോൾ നാണം കൊണ്ടവളുടെ കണ്ണുകൾ കൂമ്പിയടഞ്ഞു പോയ്.... അവന്റെ നോട്ടം തെന്നി മാറാനെന്ന വണ്ണം അവൾ അവന്റെ വയറ്റിലേക്ക് ഒരു കുത്ത് കൊടുത്തതും അവനൊന്ന് ചിരിച്ചു പോയിരുന്നു...... അവളുടെ ചുണ്ടിലും ഏറെ ഭംഗിയുള്ളൊരു പുഞ്ചിരി തെളിഞ്ഞു...... ഞാൻ.....നവീന്റെ കൂടെ വന്നതാ..... അവൻ ജോലി ചെയ്യുന്നത് ഈ പാർട്ടി നടത്തുന്ന ഡാനിയേലിന്റെ കമ്പനിയിലാണ്........ ഞാൻ ഇറങ്ങാൻ നില്കുകയായിരുന്നു.... അപ്പോഴാണ് ഇന്നത്തേയീ പാർട്ടിയിൽ താനെന്തായാലും ഉണ്ടാവുമെന്ന് അവൻ പറഞ്ഞത്......... തന്റെ പപ്പയും ആളും ഫ്രണ്ട്‌സാണല്ലേ...... അവനത് പറയുമ്പോൾ അവൾ ചിരിയോടെ ഒന്ന് തല കുലുക്കി.... അപ്പൊ പിന്നേ ഒന്ന് കൂടി നിന്നേ കണ്ടിട്ട് പോകാമെന്നു കരുതി..... അവൻ അവളിലേക്കൊന്ന് കൂടി അണഞ്ഞു കൊണ്ടത് പറയുമ്പോൾ അവളുടെ ശ്വാസമിടിപ്പ് ഏറിയേറി വന്നു...... അവന്റെ ശരീരം അവളോട് ചേർന്നു നിന്നു..... അവന്റെ ചുടു നിശ്വാസം അവളുടെ മൂക്കിൻ തുമ്പിലൊന്നു പതിച്ചു...... അവളുടെ ശ്വാസ മിടിപ്പ് കൂടും തോറും ആ കൃഷ്ണ മണികൾ തെന്നി നീങ്ങി കൊണ്ടിരുന്നു...... ആ മുഖത്ത് നിറഞ്ഞു നിൽക്കുന്ന ആവലാതികളുണ്ട്...... പുരികമോന്ന് ചുളിച്ചു കൊണ്ടവൾ അവനെ നോക്കുമ്പോൾ ആ ഹൃദമിടിപ്പ് എത്രത്തോളമെന്ന് അവനളക്കാൻ കഴിഞ്ഞിരുന്നു.... ഉള്ളിൽ നിറഞ്ഞൊരു ഭയം അവളുടെ കണ്ണുകളിൽ നിറഞ്ഞതും മുറുകി നിന്നിരുന്ന അവന്റെ ഭാവത്തിനൊരയവ് വന്നിരുന്നു.... അവനേറെ നേർമയായി ഒന്ന് പുഞ്ചിരിച്ചു.... അവളുടെ ശ്വാസം ഒന്ന് നേരെ വീണത് പോലെ തോന്നിയവൾക്ക്..... അവൻ മുഖമൊന്നു താഴ്ത്തി ചുണ്ടുകൾ അവളുടെ നെറ്റിയിലൊന്ന് മുട്ടിക്കുബോൾ അതിൽ നിറഞ്ഞു നിന്നിരുന്നത് വാത്സല്യം മാത്രമായിരുന്നു..... ഒരു നിമിഷം അവളുടെ മനസ്സ് നിറഞ്ഞൊരു ആനന്ദത്തെ പുൽകി. അവൾ മിഴികളുയർത്തി അവനെയൊന്ന് നോക്കി.. ആനന്ദാശ്രുക്കൾ തൊണ്ടക്കുഴിയിൽ തടഞ്ഞു നിന്നത് പോലെ..... അവന്റെ സാമീപ്യം നൽകുന്ന സുരക്ഷിതത്വമാണ് അവന് തന്നോടുള്ള പ്രണയത്തിന്റെ ഏറ്റവും ഉന്നത തലമെന്ന് അവൾ തിരിച്ചറിയുകയായിരുന്നു.... പോട്ടെ..... ഇനിയും നിന്നാൽ ആരെങ്കിലും കാണും..... പ്രത്യേകിച്ച് നിന്റെ മമ്മ........ നിന്നേ വെറുതെ ഒന്ന് കാണാൻ വേണ്ടി വന്നുവെന്നേയുള്ളു.... അപ്രതീക്ഷിതമായി കാണുമ്പോൾ ഈ കണ്ണിലുണ്ടാകുന്ന പിടപ്പൊന്ന് കൂടി കാണണമെന്ന് തോന്നി..... അവനതും പറഞ്ഞു കൊണ്ട് അവളുടെ വിരലുകളിൽ വിരലൊന്ന് കോർത്തു.... ആ ചൂടിൽ അവളും അലിഞ്ഞു ചേർന്നു....... അവൻ വിരലുകൾ വേർപ്പെടുത്തി പോകാൻ നിൽക്കുമ്പോൾ അവളാ വിരലുകൾ ഒന്ന് കൂടി പിടി മുറുക്കി....... അവൻ തലയൊന്ന് ചെരിച്ചവളെ നോക്കി..... ആ കണ്ണുകൾ വല്ലാത്തൊരു ഭാവത്തോടെ അവനേ നോക്കുകയാണ്...... ഈ വരവ് തന്നെ റിസ്ക്കെടുത്തതാണ്.... ഇനിയും വേണ്ടാ.... ആരെങ്കിലും കാണും.... അവൻ പതിയെ അത്‌ പറഞ്ഞതും അവൾ പതിയെ വിരലുകൾ അയച്ചു........ അവൻ ഒരു പുഞ്ചിരിയോടെ അവളുടെ കവിളിലൊന്ന് തഴുകി അവിടെ നിന്നും പോകുമ്പോൾ അവൾ അവനെന്ന ലോകത്ത് കുരുങ്ങി ക്കിടക്കുകയായിരുന്നു...... അടുത്ത തവണ കാണും വരേക്കുമെന്നോണം ഓർമകളെ അവൾ മനസ്സിന്റെ ഉള്ളറകളിൽ സൂക്ഷിച്ചു വെക്കുകയായിരുന്നു.... എവിടെയായിരുന്നെടി...... നിന്നെയല്ലേ അന്ന്വേഷിക്കുന്നത്..... അവൾ ഇരുട്ടിൽ നിന്നും വെളി ച്ചത്തിലേക്ക് കടന്നതും ഗായത്രി അതും പറഞ്ഞു പല്ല് ഞെരിക്കുമ്പോൾ താൻ വന്നത് വെളിച്ചത്തിൽ നിന്ന് ഇരുട്ടിലേക്കാണെന്ന് തോന്നി പ്പോയവൾക്ക്..... ഞാൻ..... വാഷ് റൂമിൽ പോയതാ..... അവൾ അവരുടെ മുഖത്ത് നോക്കാതെ വെറുതെ ഒരു മറുപടി കൊടുത്തു...... നിന്നേ പപ്പ വിളിക്കുന്നുണ്ട്.... വാ...... അതും പറഞ്ഞു ഗായത്രി മുമ്പിൽ നടക്കുമ്പോൾ പപ്പ പാർട്ടിയിൽ വെച്ചു തന്നെ വിളിക്കുന്നത് ആർക്കെങ്കിലും പരിചയപ്പെടുത്താൻ മാത്രമാവുമെന്ന് അറിയുന്നത് കൊണ്ട് തന്നെ അവൾ യാന്ത്രികമായി അവർക്ക് പിറകെ നടന്നു....... രാജീവ്...... ഇതാണെന്റെ മകൾ.....ഇഷാനി....... താനങ്ങോട്ട് കടന്ന് ചെന്നപ്പോഴേ പപ്പ അതും പറഞ്ഞൊരു പുഞ്ചിരിയോടെ മുമ്പിൽ നിൽക്കുന്ന ഗസ്റ്റിന് തന്നെ പരിചയ പ്പെടുത്തിയപ്പോൾ അവൾ ശെരിക്കും ഞെട്ടി പോയിരുന്നു..... ഇപ്പൊ അടുത്തൊന്നും ഇത്രയും സന്തോഷത്തിൽ പപ്പാ തന്റെ പേര് പറഞ്ഞിട്ട് പോലുമില്ല..... ഇതവരുടെ മുമ്പിലുള്ള ഒരു ഷോ ഓഫ് അല്ലായിരുന്നെങ്കിൽ എത്ര നന്നായേനെയെന്നവൾക്ക് തോന്നി.... ഉള്ളിൽ നിന്നൊരു വിങ്ങൽ തികട്ടി വന്നവൾക്ക്...... അവൾ മുഖമുയർത്തിയൊന്ന് നോക്കുമ്പോൾ ആ ആളുകൾ തന്നെ ഉറ്റു നോക്കി നിൽക്കുകയാണ്.. ഏകദേശം തന്റെ പപ്പയെയും മമ്മയെയും പോലെ തന്നെ തോന്നിക്കുന്നൊരു കപ്പിൾ സാണവർ..... അവളുടെ ഭംഗി യിൽ അവർ കണ്ണിമ ചിമ്മാതെ അങ്ങനെ നോക്കി നിന്നു.... അവരുടെ മുഖത്തൊരു പുഞ്ചിരി വിടർന്നിരുന്നന്നേരം..... അവർ അവളെ കണ്ട് പരസ്പരം മുഖത്തോട് മുഖം നോക്കി....... ഗായത്രിയും രവിയും ഏറെ പ്രതീക്ഷയോടെയാണ് അവരെ നോക്കി നിൽക്കുന്നത്....... ഇഷാനി അവരോടൊന്നു പുഞ്ചിരിച്ചു..... വൈശാഗ്....... രാജീവ് അപ്പുറത്തേക്ക് നോക്കി വിളിച്ചതും വിളിക്കാൻ കാത്തെന്ന പോൽ നിന്നിരുന്ന ആ ചെറുപ്പക്കാരൻ അങ്ങോട്ട് വന്നു..... സീ മിസ്റ്റർ രവി..... ഇതാണെന്റെ മകൻ വൈശാഖ്‌....... ഞങ്ങളുടെ കമ്പനിയുടെ ആൾ ഇൻ ആളാണ്‌...... രാജീവ് അതും പറഞ്ഞു പരിചയപ്പെടുത്തുമ്പോൾ രവി ഏറെ സന്തോഷത്തോടെ അവനെ കെട്ടി പ്പിടിച്ചു...... അവനും ഒരു പുഞ്ചിരിയോടെ അങ്ങനെ നിൽക്കുകയാണ്..... പക്ഷെ അപ്പോഴും അവന്റെ നോട്ടം ഇടക്കിടക്ക് ഇഷാനിയിലേക്ക് പാറി വീഴുന്നുണ്ടായിരുന്നു....... എന്നാൽ അവളുടെ കണ്ണുകൾ അവനെ വെറുതെ ഒന്ന് കണ്ടെന്നല്ലാതെ കൂടുതലൊന്നും ശ്രദ്ധ പതിഞ്ഞിരുന്നില്ല..... അവളുടെ മനസ്സ് ആ വെളിച്ചത്തിലായിരുന്നു.... ആ ചുടു നിശ്വാസത്തിന്റെ കീഴെയായിരുന്നു...... ആ വിരലുകളുടെ ചൂടിലായിരുന്നു..... (തുടരും) Aysha Akbar #📔 കഥ

#📙 നോവൽ - മുറ ചെറുക്കൻ..... 🔻 ഭാഗം..42 ✍️ രചന -Aysha akbar കാറ് വന്നു കാത്ത് നിൽപ്പുണ്ടാവും....... അയാൾക്കൊരു സംശയത്തിനിടം കൊടുക്കേണ്ട.... ഇറങ്ങാം.... അവനത് പറഞ്ഞതും അവൾ പതിയെ തലയൊന്നുയർത്തി..... അവൻ പോകുകയാണെന്ന് ഓർക്കുമ്പോൾ തന്നെ നെഞ്ച് വിങ്ങുന്നുണ്ട്..... പക്ഷെ അവൻ വഴക്ക് പറഞ്ഞാലോ എന്നത് കൊണ്ട് തന്നെ അവൾ പുറമെ ഒരു പുഞ്ചിരി എടുത്തണിയാൻ ശ്രമിച്ചു....... ആ മുഖത്തുള്ള പുഞ്ചിരി ഒരു ആവരണം മാത്രമാണെന്ന് അവനറിയാമായിരുന്നെങ്കിലും കൂടുതൽ താനെന്തെങ്കിലും പറഞ്ഞാൽ അവൾ കരഞ്ഞു പോകുമെന്നും അവന് ബോധ്യമുണ്ടായിരുന്നു...... അത്ര പാവമാണവൾ...... അടുത്ത തവണ കാണും വരേയും ഈ മുഖം ഇങ്ങനെ തിളങ്ങി നിൽക്കണം...... കേട്ടല്ലോ..... അവനതും പറഞ്ഞു അവളുടെ കൈകളിൽ ഒന്ന് കൂടി പിടി മുറുക്കി..... തന്റെ ഹൃദയം ഇപ്പൊ പൊട്ടി പോകുമെന്ന് തോന്നി പ്പോയവൾക്ക്.... ഇനിയും അവിടെയിരുന്നാൽ താൻ കരയുമെന്നുറപ്പാണ്...... അവൾ പതിയെ എഴുന്നേറ്റു....... സോഫയിലിരിക്കുന്നവന് നേരെ പോട്ടെ എന്ന തരത്തിൽ തലയൊന്ന് കുലുക്കി...... അവനും അതേ ഭാവത്തോടെ തല കുലുക്കി.... മുമ്പോട്ട് നടക്കാനെന്ന വണ്ണം തിരിഞ്ഞ അവൾ പെട്ടെന്നാണ് പിറകിലേക്ക് തിരിഞ്ഞു സോഫയിലായിരിക്കുന്ന അവന്റെ കഴുത്തിലൂടെ ചുറ്റി പ്പിടിച്ചത്........ അവളുടെയാ പ്രവർത്തിയിൽ അവനൊരു നിമിഷം ഞെട്ടിയെങ്കിലും ഒരു ദീർഘ നിശ്വാസത്തോടെ അങ്ങനെയിരുന്നു...... അവളുടെ ഉള്ളിലെ വേദന തനിക്ക് നന്നായറിയാം.... അത്‌ തന്റെ കൂടി വേദനയാണല്ലോ..... അവൾ അവനിൽ നിന്ന് അകന്ന് മാറി അവനെയൊന്ന് നോക്കി പുഞ്ചിരിച്ചു കൊണ്ട് വീണ്ടും കണ്ണുകൾ കൊണ്ട് പോകുകയാണെന്ന് ആംഗ്യം കാണിച്ചു നടക്കുമ്പോൾ ആ കണ്ണുകളിൽ വൈഡൂര്യം കണക്കെ തിളങ്ങി നിന്നൊരു നീർ തുള്ളി അവന്റെ മനസ്സിനെ അസ്വസ്ഥമാക്കി....... വേദന നിറച്ചുള്ള ആ പുഞ്ചിരി അവന്റെ ഉള്ളിലങ്ങനെ തങ്ങി നിന്നു.... ഈ ലോകം മുഴുവൻ അവളെ എന്നിൽ നിന്ന് പിടിച്ചു വെച്ചാലും അവളെ താൻ സ്വന്തമാക്കുമെന്നവൻ മനസ്സിലുറപ്പിച്ചിരുന്നന്നേരം......... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷 അവനെ പിരിയുന്ന ദുഖമുണ്ടായിരുന്നെങ്കിൽ കൂടി അവനെ കണ്ട സന്തോഷം ഇഷാനിയിൽ പതിവില്ലാത്തൊരു ഊർജ്ജം നൽകിയിരുന്നു..... ശെരിക്കും അവൻ വന്നാൽ താൻ ഫുൾ ചാർജ് ആവുമെന്ന് അവൾക്കറിയാമായിരുന്നു ...... വിട്ടിലെത്തിയിട്ടും ചുണ്ടിൽ വിട്ട് മാറാത്തൊരു ചിരിയുണ്ടായിരുന്നവളുടെ..... കട്ടിലിൽ മലർന്ന് കിടന്നു കൊണ്ടവൾ അവനോടൊപ്പമുള്ള ഓരോ നിമിഷവും ഓർത്തെടുത്തു നാണം കൊണ്ടു..... അവൻ പറഞ്ഞ ഓരോ വാക്കുകളും മനസ്സിൽ നിറഞ്ഞു നിന്നു...... ഓർത്തോർത്തു ചിരിക്കാൻ പാകത്തിലുള്ള മധുരമുള്ള ഓർമകളുമായി അങ്ങനെ കിടക്കുമ്പോഴാണ് വാതിൽ തുറന്നകത്തേക് ഗായത്രി വന്നത്........ അവൾ പെട്ടെന്ന് എഴുന്നേറ്റു..... ഇഷാനി.....വേഗം ഒരുങ്ങിക്കോ....... ഇന്ന് നമുക്കൊരു പാർട്ടിയുണ്ട്.... പപ്പ വന്നാൽ ഉടനെ ഇറങ്ങണം........ ഗായത്രി അത്‌ പറഞ്ഞതും അത്‌ വരെയുള്ള അവളുടെ പുഞ്ചിരി മങ്ങി പ്പോയി....... ആ.... പിന്നേ.......പുതിയൊരു ഗൗൺ ഞാൻ ഷെൽഫിൽ വെച്ചിട്ടുണ്ട്.... അതിട്ടാൽ മതി.......... തിരിഞ്ഞു നിന്ന് ഗായത്രി അതും കൂടി പറഞ്ഞു നടക്കുമ്പോൾ അവൾക്കാകെ കൂടി ഒരു പ്രയാസം തോന്നി...... ഓരോ പൊങ്ങച്ചക്കാർ ഇടയ്ക്കിടെ തങ്ങളുടെ പൊങ്ങച്ചം കാണിക്കാൻ ഇങ്ങനെ പാർട്ടി വെക്കും..... അതിൽ തങ്ങളാണ് വലുതെന്നു കാണിക്കാൻ ഓരോരുത്തരും മത്സരിക്കും...... ഇവിടെ നിന്ന് തന്നെ കെട്ടിയെഴുന്നള്ളിച്ചു കൊണ്ട് പോകുന്നതും അതിനൊക്കെ വേണ്ടി തന്നെയാണ്..... അവളൊരു നെടു വീർപ്പോടെ കട്ടിലിലേക്ക് തന്നെ കിടന്നു....... വീണ്ടും അവന്റെ ഓർമകളിലേക്ക് തന്നെ ഊളിയിടാൻ അവൾ ശ്രമിച്ചു........ അൽപ നേരം അങ്ങനെ കിടന്ന ശേഷം അവളെഴുന്നേറ്റ് ഫ്രഷായി അലമാര തുറന്നതും അതിൽ വെച്ച കടും ചുവപ്പ് നിറത്തിലുള്ള ഗൗൺ എടുത്തു....... മുടി കെട്ടാൻ നിന്നപ്പോഴേക്കും തന്നെ ഒരുക്കാൻ ബ്യൂട്ടി ഷൻ വന്നിട്ടുണ്ടായിരുന്നു...... ഒരു പ്രതിമയെ പോലെ ഇരുന്ന് കൊടുത്തു.... അപ്പോഴും മനസ്സിലൊരു കുളിര് നിറഞ്ഞു തന്നെ നിൽപ്പുണ്ട്..... വലിയ ടേബിൾ മിററിനു മുമ്പിലിരിക്കുമ്പോൾ ഒരുങ്ങുന്നത് തങ്ങളുടെ കല്യാണത്തിനാണെന്ന് വെറുതെ ഒന്ന് സ്വപ്നം കണ്ട് പോയവൾ...... അതവളിലൊരു പുഞ്ചിരി നിറച്ചു...... ഒരുങ്ങി ക്കഴിഞ് കണ്ണാടിയിൽ നോക്കുമ്പോൾ ആ റെഡ് കളർ തനിക്ക് നന്നായി ചേരുന്നുണ്ടെന്ന് തോന്നാൻ മാത്രം അവൾ സുന്ദരിയായി മാറിയിരുന്നു..... തള്ള വിരലും ചൂണ്ടും വിരലും കൂട്ടി പ്പിടിച്ചു തന്റെ പിറകിൽ നിന്നവൻ സൂപ്പറെന്ന് പറയുന്നത് അവളുടെ മനസ്സ് വെറുതെ വരച്ചെടുത്തു..... അതവളിലാകെ യൊരു നാണം നിറച്ചിരുന്നു.... അന്ന് ഐസക് അങ്കിളിന്റെ ഹോസ്പിറ്റലിൽ നിന്ന് വന്ന ശേഷം പിന്നേ ഇപ്പോഴാണ് എല്ലാവരും കൂടി ഒരു യാത്ര...... സത്യം പറഞ്ഞാൽ അത്‌ നന്നേ മടുപ്പുണ്ടാക്കുന്ന ഒന്നാണ്....... അവൾ പിറക് വശത്തെ ഡോർ തുറന്ന് അകത്തേക്ക് കയറി..... നേരം ഇരുട്ടി തുടങ്ങിയിട്ടുണ്ട്....... വലിയ ആ ഹോസ്പിറ്റലിന്റെ മുറ്റത്തുള്ള മരത്തിലേക്ക് വെള്ള കൊക്കുകൾ കൂട്ടമായി പറന്നു കയറുന്നത് അവളൊന്നു നോക്കി........ അവരവിടെ എത്തിയപ്പോഴേക്കും എൽ ഈ ഡി ബുൾബുകൾ അവിടമാകെ പ്രകാശത്താൽ നിറച്ചിരുന്നു...... പല തരത്തിലുള്ള ആളുകൾക്കിടയിൽ അവളോന്ന് ചൂളിയിരുന്നു.... എന്നാൽ കടും ചുവപ്പ് നിറത്തിലുള്ള ഗൗണിട്ട അവളെന്ന സുന്ദരിയിൽ എല്ലാവരുടെയും മിഴികളൊരു നിമിഷം തറഞ്ഞു നിന്നിരുന്നു..... മുമ്പ് കാണുന്നവർ പോലും അവളെ ആദ്യമായി കാണും പോലെ നോക്കുമ്പോൾ അവൾക്ക് വല്ലാത്തൊരു മടുപ്പ് തോന്നി..... അതൊരു നിമിഷം ഗായത്രി യേയും രവി യെയും ഒരു പോലെ അഹങ്കാരത്തിലാക്കിയിരുന്നു.... അവൾ തങ്ങളുടെ മകളാണെന്നുള്ള അഹങ്കാരം..... എന്നാൽ ഇഷാനിയുടെ കണ്ണുകൾ തന്നെ ഉറ്റ് നോക്കുന്നവരെയൊന്നും കണ്ടിരുന്നില്ല..... അവളുടെ മനസ്സ് മുഴുവൻ മറ്റേതോ ലോകത്തായിരുന്നു..... പൊങ്ങച്ചം പറയുന്ന തിരക്കിലേക്ക് ഗായത്രി നീങ്ങിയപ്പോൾ ഇഷാനി അവിടെയൊരു ടേബിളിൽ ഇരിപ്പുറപ്പിച്ചു..... അവൾക്ക് പൊതുവെ എവിടെ ചെന്നാലും കൂട്ടുകാരൊന്നും ഉണ്ടാവാറില്ല.... അവൾ നിറഞ്ഞു വന്ന വിരസതയോടെ അവിടെയങ്ങനെ യിരിക്കുമ്പോൾ ആ നിമിഷത്തിൽ നിന്നവൾ പറന്നു പോകാൻ ശ്രമിച്ചു..... ദൂരെ...അവനിലേക്ക്..... അവന്റെ കൂടെയുള്ള നിമിഷങ്ങളിലേക്ക്... അവളുടെ ചുണ്ടിലൊരിളം പുഞ്ചിരി പറ്റി പ്പിടിച്ചു നിന്നിരുന്നു........ ആരോ തന്നെ ഉറ്റ് നോക്കി നിൽക്കുന്നതറിഞ്ഞെന്ന വണ്ണം മിഴികൾ വെറുതെ ഒരു വശത്തേക്ക് ചലിച്ചപ്പോഴാണ് കണ്ണുകളിൽ അവൻ പതിഞ്ഞത്....... മനസ്സ് അവനെ മാത്രം ഓർത്തത് കൊണ്ട് തോന്നുന്നതാകുമെന്ന് ഒരു നിമിഷം അവളോർതെങ്കിലും അവന്റെ കൃഷ്ണ മണികളിൽ തട്ടി എൽ ഈ ഡി ബൾബിന്റെ പ്രകാശം പ്രതി ഫലിക്കുന്നത് പോലെ..... അവളൊന്നും കൂടി നോക്കി അവൻ തന്നെയാണോ എന്നുറപ്പ് വരുത്തി...... സ്വപ്നത്തിലാണോ യാഥാർഥ്യത്തിലാണോ അവളെന്നറിയാതെ അവൾ കുഴപ്പത്തിലായി...... കണ്ണുകളിൽ വല്ലാത്തൊരു ഭാവം നിറച്ചു നിൽക്കുന്നവൻ കയ്യിൽ പിടിച്ച ജ്യൂസ് ഗ്ലാസ്സ് തനിക് നേരെ നീട്ടി വേണോ എന്ന അർത്ഥത്തിലൊന്ന് തല കുലുക്കുമ്പോൾ അവൾക്കത്ഭുതം തോന്നി...... കണ്ണുകളെ അവൾക്ക് സ്വയം വിശ്വസിക്കാൻ കഴിഞ്ഞില്ല.... അവനിവിടെ എങ്ങനെ എന്ന ചോദ്ധ്യത്തോടൊപ്പം നിറഞ്ഞു നിന്നൊരു ആനന്ദം അവളുടെ കണ്ണുകളിൽ തിളങ്ങി നിന്നു.... അടുത്ത് നിൽക്കുന്ന നവീനേ കൂടെ കണ്ടതോടെ അതവൻ തന്നെയാണെന്ന് മനസ്സുറപ്പിച്ചതും അവളുടെ ശ്വാസം വിലങ്ങുന്നത് പോലെ തോന്നിയിരുന്നവൾക്ക്...... (തുടരും) Aysha Akbar #📔 കഥ

#📙 നോവൽ - പ്രളയം. 🔻 പാർട്ട് _9 ✍️ രചന -Aniprasad താൻ മുൻപിൽ നിന്ന് മാറിയാൽ അയാൾ വീട്ടിനുള്ളിലേക്ക് കയറുമെന്ന് തന്നെ ഗൗരിയ്ക്ക് തോന്നി. വടക്കേ മാനത്ത്‌ തെളിഞ്ഞ മിന്നലിന്റെ വെളിച്ചത്തിൽ അയാളുടെ മുടിയിൽ നിന്നും വെള്ളം ഇറ്റ് വീഴുന്ന കാഴ്ച അവൾ കണ്ടു. ആകെ നനഞ്ഞു കുതിർന്ന് നിൽക്കുന്ന ആ രൂപത്തിൽ നിന്നും മഴവെള്ളം ഒലിച്ചു നിലത്തേയ്ക്ക് വീണുകൊണ്ടിരുന്നു. ഗൗരി തന്റെ കയ്യിലിരുന്ന ടോർച്ച് അയാളുടെ മുഖത്തേയ്ക്കടിച്ചു. വെളിച്ചം മുഖത്ത് വീണതോടെ അയാൾ ഇടതുകൈത്തണ്ട ഉയർത്തി കണ്ണുകൾക്ക് മറയായി വച്ചു. ഗൗരി അയാളുടെ മുഖം കണ്ട് നടുങ്ങിപ്പോയി. ആറ്റു വെള്ളത്തിൽ ഒഴുകി വന്നപ്പോൾ തങ്ങൾ രക്ഷപ്പെടുത്തി കരയ്ക്ക് എത്തിച്ച, എസ്തപ്പാൻ എന്ന് സ്വയം പേര് പറഞ്ഞ ശേഷം എണീറ്റ് നടന്ന് അപ്രത്യക്ഷമായ ആൾ... ഇയാളെങ്ങിനെ ഇവിടെ... ഇന്ന്‌ പകൽ പോലീസുകാരും നാട്ടുകാരും മുഴുവൻ തിരഞ്ഞിട്ടും എവിടെയോ മറഞ്ഞിരുന്നതാണോ ഈ മനുഷ്യൻ... "നിങ്ങളാരാ.. നിങ്ങളെന്തിനാ ഇവിടേയ്ക്ക് വന്നത്.. ഇറങ്ങി പോ പുറത്ത്..." ഗൗരി പുറത്തേയ്ക്ക് വിരൽ ചൂണ്ടി ചീറി. അവൾ വാതിലടയ്ക്കാൻ നോക്കിയെങ്കിലും ബൂട്ടിട്ട ഒരു കാൽ അയാൾ വാതിൽ പടിയുടെ അകത്തേയ്ക്ക് വച്ചു കഴിഞ്ഞിരുന്നു. "ഞാൻ പൊക്കോളാം..." അയാൾ പറഞ്ഞു. "പോകാനാ പറഞ്ഞത്.." അയാൾക്ക് എന്ത് പറയാനുണ്ടെങ്കിലും അതൊന്നും തനിയ്ക്ക് കേൾക്കേണ്ട എന്ന അർത്ഥത്തിൽ ഗൗരി പറഞ്ഞു. "ഒരു തീപ്പെട്ടി വേണം.." അയാൾ വായ തുറന്നപ്പോൾ മിന്നലിന്റെ വെളിച്ചത്തിൽ അയാളുടെ തിളങ്ങുന്ന ഉളിപ്പല്ലുകൾ അവൾ കണ്ടു. മുമ്പിൽ ഒരു പ്രേതം നിൽക്കുന്നത് പോലെ ഭയത്തിന്റെ ഒരു തണുപ്പ് അരിച്ചു അവളുടെ നെറുകയിലേക്ക് കയറി വന്നു. "ഇവിടെ തീപ്പെട്ടിയില്ല. ഈ രാത്രിയിലാണോടോ തീപ്പെട്ടി അന്വേഷിച്ചിറങ്ങുന്നത്. പൊക്കോ വേഗം. അല്ലെങ്കിൽ ഞാൻ അച്ഛനെ വിളിയ്ക്കും.." മനസ്സിൽ ഒരു ഭയം തോന്നിയെങ്കിലും അതവൾ പുറമെ കാട്ടിയില്ല. "ഇതൊരു കടയല്ലേ.. ഒരു തീപ്പെട്ടി തന്നാൽ ഞാനങ്ങ് പൊക്കോളാം.." അവൾക്ക് മുൻപിൽ നിന്ന് മാറാൻ അയാൾ തയ്യാറായിരുന്നില്ല. "ഇത് കടയല്ല വീടാ.. യാതൊരു മര്യാദയുമില്ലാതെ രാത്രി വന്ന് വീട്ടുവാതിലിൽ തട്ടി വിളിച്ചു ആൾക്കാരേ ഉണർത്തിയിട്ട് തീപ്പെട്ടി ചോദിയ്ക്കുന്നോ. ഒരു മര്യാദയില്ലിയോടോ തനിയ്ക്ക്.." "ഇല്ല.." കാറ്റ് ചൂളം വിളിയ്ക്കും പോലെ ആ വാക്കുകൾ വന്ന് അവളുടെ മുഖത്ത് തട്ടി. "ഇതിനപ്പുറമുള്ള മര്യാദയൊന്നും എസ്തപ്പാന് അറിയില്ല. ഇതൊരു കടയാണെങ്കിൽ ഇവിടെ തീപ്പെട്ടി കാണും.. ഞാനത് വാങ്ങിച്ചും കൊണ്ടേ പോകൂ. നീയത് എനിയ്ക്ക് തരികയും ചെയ്യും.." "ഇവിടെ തീപ്പെട്ടിയില്ലെന്ന് ഞാൻ പറഞ്ഞാൽ ഇല്ലെന്ന് തന്നെയാ അതിന്റെ അർത്ഥം. നീ എന്റെ വീട്ടിൽ നിന്ന് തീപ്പെട്ടി കൊണ്ട് പോകുവോ. എന്നാൽ എനിയ്ക്കതൊന്നു കാണണമല്ലോ. ഇറങ്ങെടാ എന്റെ വീട്ടിൽ നിന്ന്." ഗൗരിയുടെ ഒച്ചയുയർന്നതോടെ വരാന്തയിൽ കരിമ്പടം കൊണ്ട് തലയിലൂടെ മൂടിക്കിടന്ന മണിയൻ പുതപ്പ് അൽപ്പം താഴേയ്ക്ക് മാറ്റി വാതിൽക്കലേക്ക് നോക്കി. വാതിൽക്കൽ വെളിച്ചവും, ആരോ ഒരാൾ നിൽക്കുന്നതിന്റെ നിഴലുo കണ്ടതോടെ അവൻ അവിടെ കിടന്നു കൊണ്ട് തന്നെ "ആരാ ചേച്ചീ "എന്ന് തിരക്കി. "നിങ്ങളോടെന്റെ വീട്ടിൽ നിന്നിറങ്ങിപ്പോകാനാ പറഞ്ഞത്... വീടിനകത്തേയ്ക്ക് കയറിയാൽ കൊടുവാളെടുക്കും ഞാൻ.." ഗൗരി പറയുന്നത് കേട്ടതോടെ കരിമ്പടം വലിച്ചുമാറ്റി മണിയൻ ചാടി എണീറ്റു. "കൊടുവാളോ, വടി വാളോ എന്താണ് വച്ചാൽ എടുത്തോ നീ.." എസ്തപ്പാൻ അകത്തേയ്ക്ക് കാൽ വച്ചതും ഗൗരി ഒരടി പിന്നിലേക്ക് മാറി. അവൻ ശരീരം നനയാതിരിയ്ക്കാനായി ഒരു റെയിൻ കോട്ട് ധരിച്ചിട്ടുണ്ടായിരുന്നു. അവ്യക്ത ചിത്രങ്ങൾ പോലെ അതിലെമ്പാടും മഴത്തുള്ളികൾ പതിഞ്ഞിട്ടുണ്ട്. മണിയൻ ഓടി വന്ന് എസ്തപ്പാന്റെ മഴക്കോട്ടിൽ പിടിച്ചു പിന്നിലേക്ക് വലിച്ചു. "പുറത്തിറങ്ങെടാ തെണ്ടീ.." എസ്തപ്പാൻ തിരിഞ്ഞു നിന്ന് കൈ വീശി അവന്റെ മുഖത്തടിച്ചു. മുഖത്തടിയേറ്റ ആ ചെറുക്കൻ "അമ്മേ"എന്ന് അലറിക്കരഞ്ഞുകൊണ്ട് പുറത്തേയ്ക്ക് തെറിച്ചു വീണു.@ "അച്ഛാ.." അവിടെ നിന്നുകൊണ്ട് മുഖം തിരിച്ച് അകത്തേയ്ക്ക് നോക്കി ഗൗരി വിളിച്ചു. ഗൗരിയുടെ രണ്ടാമത്തെ വിളിയ്ക്ക് ഗോപിയാശാൻ എണീറ്റ് അവരുടെ അടുത്തേയ്ക്ക് വന്നു മുറിയ്ക്കുള്ളിലേക്ക് ഒരു അവ്യക്ത രൂപം കയറി വരുന്നത് കണ്ടതോടെ ഗോപിയാശാൻ പെട്ടന്ന് മേശപ്പുറത്ത്‌ വച്ചിരുന്ന എമർജൻസി ലൈറ്റ് ഓൺ ചെയ്തു. "മോളേ ഗൗരീ.." മുറിയ്ക്കുള്ളിൽ ഗൗരിയേ കാണാഞ്ഞ് അയാൾ ഭീതിയോടെ വിളിച്ചു. "അച്ഛാ.. ആരെയെങ്കിലും വിളിയ്ക്ക് അച്ഛാ.. ഇയാള് മണിയനെ തല്ലി..." അവൾ നിലത്തേയ്ക്ക് വീണുപോയ മണിയനെ പിടിച്ചുയർത്തിക്കൊണ്ട് പറഞ്ഞു. "നീ.. നീ..." എസ്തപ്പാന്റെ മുഖത്തേയ്ക്ക് വിരൽ ചൂണ്ടിയ ഗോപിയാശാന്റെ കണ്ണുകൾ മിഴിഞ്ഞു.. "നീ പോയില്ലേ.. നീ ഇവിടം വിട്ട് പോയില്ലേ.." ഗോപിയാശാൻ പറയുന്നത് കേട്ട് എസ്തപ്പാൻ ചിരിച്ചു. തന്റെ മുൻപിൽ നിന്നൊരു പിശാച് പല്ലിളിയ്ക്കും പോലെയാണ് അയാൾക്ക് തോന്നിയത്. "പോകാനോ.. എവിടേയ്ക്ക് പോകാനാ ഗോപിയാശാനേ ഞാൻ.. ഞാൻ വന്നത് ഇവിടേയ്ക്കാ.. എനിയ്ക്കിവിടെ കുറെ നാൾ ജീവിയ്ക്കണം. നിങ്ങൾക്കൊപ്പം.. നിങ്ങളുടെ കൂടെ ജീവിയ്ക്കാൻ വന്ന ഞാൻ എവിടേയ്ക്കും മടങ്ങി പോകില്ല.." അയാൾമദ്യപിച്ചിട്ടാണ് വന്നിരിയ്ക്കുന്നതെന്ന് ഗോപിയാശാന് തോന്നി. എസ്തപ്പാൻ മേശപ്പുറത്തിരുന്ന തീപ്പെട്ടിയ്ക്ക് നേരെ കൈ നീട്ടവേ അയാളുടെ പുറത്ത് കവിളൻ മടല് കൊണ്ടുള്ള അടിവീണു. "പട്ടി, നായിന്റെ മോനേ.. നീയെന്റെ മുഖത്തടിച്ചോടാ തെണ്ടീ.." മണിയൻ തന്റെ കയ്യിലിരുന്ന ഉണങ്ങിയ മടൽ വീണ്ടും എസ്തപ്പാന്റെ തലയ്ക്ക് നേരെ വീശാൻ തുടങ്ങിയതും മിന്നൽ പോലെ തിരിഞ്ഞ് അയാൾ അവന്റെ കയ്യിൽ പിടിച്ചു. "വിടെടാ.. വിടെടാ എന്റെ കയ്യിൽ നിന്ന്." മണിയൻ അവന്റെ കരുത്താർന്ന കൈകൊണ്ടുള്ള തന്റെ കയ്യിലെ പിടിവിടുവിയ്ക്കാൻ മറു കൈയാൽ ശ്രമിച്ചെങ്കിലും അവനതിനു സാധിച്ചില്ല. എസ്തപ്പാന്റെ കയ്യിൽ മണിയൻ മാന്താനും, കടിയ്ക്കാനും നോക്കിയപ്പോൾ അയാൾ അവന്റെ കയ്യിലെ പിടി വിട്ടിട്ട് കഴുത്തിന് പിടിച്ചു. "അയ്യോ.. ആ കുഞ്ഞിനെ ഒന്നും ചെയ്യല്ലേടാ മഹാപാപീ.." ഗോപിയാശാൻ വന്ന് മണിയന്റെ കഴുത്തിലെ, എസ്തപ്പാന്റെ പിടി വിടുവിയ്ക്കാൻ നോക്കിയപ്പോൾ അയാൾ ഗോപിയാശാനേ പിന്നിലേക്ക് തള്ളി. ഗോപിയാശാൻ ചെന്ന് ഭിത്തിയിൽ തട്ടി നിലത്തേയ്ക്ക് വീണു. എസ്തപ്പാൻ,മണിയന്റെ കഴുത്തിലെ പിടി വിട്ട ശേഷം മേശപ്പുറത്തിരുന്ന തീപ്പെട്ടി എടുത്ത്‌ ചുണ്ടിൽ വച്ച ബീഡി കത്തിച്ചു. മണിയൻ നിലത്തേയ്ക്കിരുന്നു ചുമയ്ക്കാൻ തുടങ്ങിയിരുന്നു. എസ്തപ്പാൻ അവിടെ നിന്നുകൊണ്ട് മണിയനെ നോക്കി. "എസ്തപ്പാന്റെ മുൻപിലല്ല പിന്നിൽ പോലും വന്ന് നിന്ന് പോകരുത്.. ജീവിതത്തിൽ ഒരിയ്ക്കൽ പോലും... ഇനി വന്നാൽ നിന്റെ ജീവൻ പോലും ഞാൻ തിരിച്ച് തരില്ല.." നിലത്തേയ്ക്ക് മുട്ട് കുത്തിയിരുന്ന മണിയനെ അവൻ പിന്നിലേക്ക് ചവിട്ടി ഇട്ടു. അതിന് ശേഷം അവൻ ഗോപിയാശാനേ നോക്കി. അയാൾ ഭയന്നു വിറച്ച് നിലത്ത്‌ തന്നെ ഇരിയ്ക്കയായിരുന്നു. രണ്ട് തവണ ബീഡി പ്പുക ഊതി വിട്ട ശേഷം എസ്തപ്പാൻ കയ്യിലിരുന്നതീപ്പെട്ടി മേശപ്പുറത്തേയ്ക്ക് തന്നെ തിരികെ വച്ചു. അവൻ കൈ പിൻ വലിയ്ക്കും മുൻപ് മിന്നൽ പോലൊരു വെളിച്ചം തന്റെ കൈപ്പത്തിയ്ക്ക് നേർക്ക് ചീറി വരുന്നത് കണ്ടു. അവൻ കൈപിൻ വലിച്ചില്ലായിരുന്നെങ്കിൽ ഗൗരിയുടെ വെട്ടേറ്റ് അവന്റെ കൈ രണ്ട് കഷണങ്ങൾ ആയിപ്പോകുമായിരുന്നു. മേശപ്പുറത്ത്‌ കുടുങ്ങിയ കൊടുവാൾ വലിച്ചൂരി ഗൗരി അവന്റെ വലതു കയ്യുടെ നേർക്ക് വീണ്ടും വീശിയെങ്കിലും എസ്തപ്പാൻ പെട്ടന്ന് പിന്നിലേക്ക് മാറി ക്കളഞ്ഞു. "തെണ്ടീ.. എന്റെ വീട്ടിനുള്ളിൽ കാൽ കുത്താൻ നിനക്ക് എങ്ങിനെ ധൈര്യം വന്നെടാ നാറീ.." വരാന്തയിലേക്ക് ചാടിയ എസ്തപ്പാന്റെ നെഞ്ചിന് നേർക്ക് വീണ്ടും അവൾ കൊടുവാൾ വീശിയെങ്കിലും അതിൽ നിന്നെല്ലാം അയാൾ അതി വിദഗ്ദമായി ഒഴിഞ്ഞു മാറിക്കൊണ്ടിരുന്നു. എമർജൻസി യുടെ വെളിച്ചം വീഴുന്ന വാതിലിന്റെ നേർ രേഖയിൽ നിന്ന് അവൻ ഇരുട്ടിലേക്ക് മാറി നിന്നത് തന്നെ ആക്രമിയ്ക്കാനാണെന്ന് മനസിലായപ്പോൾ ഗൗരി തുരു തുരാ കൊടുവാൾ വീശിക്കൊണ്ട് പതിയെ പിന്നിലേക്ക് മാറി എമർജൻസി എടുത്തു വെളിയിലേക്ക് കൊണ്ട് വന്നു. അവൻ തന്നെ ആക്രമിയ്ക്കാൻ മുതിർന്നാൽ എമെർജെൻസിലാമ്പ് നിലത്തിട്ട ശേഷം അവനെ വെട്ടി കീറുക തന്നെ ചെയ്യും എന്ന് ഉറപ്പിച്ചാണ് ഗൗരിയുടെ നിൽപ്പ്. വരാന്തയിൽ എസ്തപ്പാനെ കാണാഞ്ഞിട്ട് അവൾ എമെർജെൻസി ലാമ്പ് മുന്നിലേക്ക് നീട്ടി പ്പിടിച്ചു. പുറത്തെ ചാറ്റൽ മഴയിൽ ശത്രു നിൽക്കുന്നത് അവൾ കണ്ടു. "നീ.. ആണായി പിറന്നവനാണെങ്കിൽ ഈ വരാന്തയിലേക്ക് ഒറ്റ തവണ കൂടി കാൽ കുത്ത്‌.. ഒരു തവണ കൂടി." പല്ലുകൾ ഞെരിച്ചു കൊണ്ട് അവൾ അവനെ നോക്കി വെല്ലുവിളിച്ചു. "നിന്റെയീ വെല്ലുവിളി ഞാനേറ്റെടുക്കുവാ.. ഞാൻ ആണായി പിറന്നവനാണെന്ന് നിന്റെ മുമ്പിൽ തെളിയിച്ചിട്ടേഎസ്തപ്പാൻ ഈ നാട് വിട്ടു പോകൂ.. അന്ന് നിന്റെ രക്ഷയ്ക്ക് നിന്റെ കയ്യിൽ വെട്ടു കത്തി പോയിട്ട് ഒരു വാഴ നാരു പോലും ഉണ്ടാകാൻ പോണില്ല. ചെവിയിൽ നുള്ളിയ്ക്കോടീ നീ.. നിന്റെയീ ഉശിരും വീറും എല്ലാം കെട്ടടങ്ങി ഒരു സാധാരണ പെണ്ണായി നീ വന്ന് എനിയ്ക്ക് കിടക്ക വിരിയ്ക്കുന്ന ഒരു ദിവസം വരും.. വരുവല്ല, എസ്തപ്പാൻ വരുത്തും..." "ഭ്ഫ..." അവൾ ഒറ്റ ആട്ട് ആട്ടിയ ശേഷം തന്റെ കയ്യിലിരുന്ന കൊടുവാൾ അവന് നേർക്ക് നീട്ടി പിടിച്ചു. "നിന്നെഞാൻ വിടില്ലെടാ. ഗൗരിയുടെ ഒരു തലമുടി നാരി ഴയിലെങ്കിലുംതൊട്ടിട്ട് ഈ കല്ലാറിന്റെ മറുകര കാണാമെന്നുള്ളത് നിന്റെ വെറും വ്യാമോഹം മാത്രമാ... അതിനെങ്ങാനും നീ മുതിർന്നാൽ ഈ ആയുധത്തിൽ നിന്റെ ചോര കൊണ്ട് ഞാൻ അഭിഷേകം നടത്തും.." "കാണാമെടീ നമുക്ക്..." അവൻ വെല്ലുവിളിയ്ക്കും പോലെ പറഞ്ഞ ശേഷം അവൾക്ക് മുന്നിലേക്ക് കാറി തുപ്പിയിട്ട് ഇരുട്ടിലേക്ക് നടന്നു മറഞ്ഞു. ചെറിയൊരു മിന്നൽ വെളിച്ചത്തിൽ അവൻ ചെമ്പൻ മലയുടെ നേർക്ക് നടന്നു പോകുന്ന കാഴ്ച അവൾക്ക് കാണാമായിരുന്നു. ഗൗരി തിരികെ മണിയന്റെ അടുത്തേയ്ക്ക് ചെന്നു. അവന് ശരിയ്ക്ക് ശ്വാസം എടുക്കാൻ തുടങ്ങുന്നതേ ഉണ്ടായിരുന്നുള്ളൂ. "ഡാ.. നിനക്ക് വല്ലതും പറ്റിയോ മോനേ.." എമർജൻസി ലാമ്പ് നിലത്തേയ്ക്ക് വച്ചിട്ട് ഗൗരി അവന്റെ പുറം തടവി കൊടുത്തു. "വിടില്ല കള്ള നായേ ഞാൻ.. ചത്താലും വിടില്ല.." അവൻ കിതപ്പിനിടയിൽ പിറു പിറുത്തു. "നീ ഇനി അവന്റെ മുമ്പിലെങ്ങും ചെന്ന് നിൽക്കല്ലേടാ.. അവൻ പറഞ്ഞത് കേട്ടില്ലേ അവൻ ഇവിടെ തന്നെ കാണുമെന്ന്.." "എന്നുകരുതി അവനെ പേടിച്ച് നമ്മളെല്ലാം ഈ നാട് വിട്ട് പോകണമെന്നാണോ ചേച്ചീ... അവനല്ലേ പോകേണ്ടത് ഇവിടെ നിന്നും.." അവന്റെ ചോദ്യമാണ് ശരിയെന്നറിയാവുന്നതിനാൽ ഗൗരി അതിന് മറുപടി പറഞ്ഞില്ല. "എന്താ മോളേ അവൻ ആ പറഞ്ഞിട്ട് പോയതിന്റെ അർത്ഥം.. അവന് നിന്നോടെന്തോ പകയുള്ളത് പോലെ തോന്നുന്നല്ലോ.. നിനക്കവനെ അറിയോ മോളേ.." ഗോപിയാശാൻ അവളുടെ അടുത്തേയ്ക്ക് വന്ന് ചോദിച്ചു. അയാൾ നരച്ച രോമങ്ങൾ ചിതറി കിടന്ന തന്റെ നെഞ്ച് തടവുന്നുണ്ടായിരുന്നു. "അച്ഛനറിയോ അയാളെ.. അച്ഛനറിയുമെങ്കിൽ എനിയ്ക്കും അറിയും..." "ഞാൻ ആദ്യമായി കാണുവാ ആ കാലനെ..." "ഞാനും.. അയാൾക്കെന്നോട് വിരോധം തോന്നാൻ എന്താണ് കാരണം എന്ന് എനിയ്ക്ക് അറിയില്ല അച്ഛാ.." ഗൗരി ശാന്തമായി പറഞ്ഞു. "എന്തിനാണോ ഈ മാരണം വന്ന് ഈ കരയിൽ തന്നെ അടിഞ്ഞത്.. ഉള്ള മനഃസമാധാനം കൂടി പോയല്ലോ ദൈവമേ.." "അച്ഛൻ വിഷമിയ്ക്കാതിരിയ്ക്ക്. അവന്റെ ഓലപ്പാമ്പ് കണ്ട് പേടിയ്ക്കുന്നവരാണോ അച്ഛാ നമ്മൾ.. അവന്റെ ഭീഷണി കേട്ട് പേടിച്ചിരുന്നാൽ നമ്മൾക്ക് ജീവിയ്ക്കാൻ പറ്റുവോ.." "എന്നാലും രണ്ടും കെട്ടു നടക്കുന്നവനല്ലേമോളേ അവൻ..രാത്രിയുടെ മറവിൽ സർവ്വ തോന്നിവാസത്തിനും നടക്കുന്നവൻ. അതുപോലാണോ നമ്മൾ.. രാത്രിയിൽ പതുങ്ങി വന്ന് ഒരു തീപ്പെട്ടി കമ്പുരച്ചു കടയ്ക്കുള്ളിലേക്ക് ഇട്ടാൽ തീർന്നില്ലേ എല്ലാം.. പിന്നെന്തു ജീവിതമാ നമ്മൾക്കുള്ളത്." അച്ഛൻ പറയുന്നത് സംശയമല്ല സത്യങ്ങൾ ആയേക്കാവുന്ന സംഗതികളാണെന്ന് തോന്നിയപ്പോൾ ഗൗരി എണീറ്റ് ചെന്ന് ഫോണെടുത്ത്‌ റോബിനെ വിളിച്ചു. "ചേച്ചി എന്നിട്ടിപ്പോഴാണോ വിളിയ്ക്കുന്നത്." റോബിൻ കിടക്കയിൽ നിന്ന് ചാടി എണീറ്റു. അവൻ കോൾ കട്ട് ചെയ്ത ശേഷം തന്റെ സുഹൃത്തുക്കളെ വിളിച്ചു. നൊടി നേരം കൊണ്ട് വീടിന് വെളിയിൽ വന്നു റോബിൻ തന്റെ ആക്ടിവ സ്റ്റാർട്ട്‌ ചെയ്തു. പന്ത്രണ്ട് മണിയായിട്ടും റോബിൻ ഫോൺ ചെയ്തു വിളിച്ച വീടുകളിലെല്ലാം വെളിച്ചം തെളിഞ്ഞു തുടങ്ങിയിരുന്നു. (തുടരും) #📔 കഥ

#📙 നോവൽ - മുറ ചെറുക്കൻ...... 🔻 ഭാഗം _41 ✍️ രചന - Aysha akbar അങ്ങോട്ട് പോയതിനേക്കാൾ വേഗത്തിൽ തന്റെയടുത്തേക്ക് ഓടി വരുന്നവളുടെ കണ്ണുകൾ പ്രകാശിക്കുന്നത് അവന് കാണുന്നുണ്ടായിരുന്നു..... അപ്പുറത്തുള്ള ആ കോഫി ഷോപ്പിലേക്ക് പതിവ് പോലെ അവർ നടക്കുമ്പോൾ അവന്റെ വിരലുകൾ പതിയെ അവളുടെ വിരലുകളിൽ കോർത്തു പിടിച്ചു..... അതത്ര മേൽ ആഹ്രഹിച്ചിരുന്നെന്ന വണ്ണം ആ കണ്ണുകളേറെ വിടർന്നത് മുഖത്തേക്ക് നോക്കാതെ തന്നെ അവനറിയാമായിരുന്നു...... അവന്റെ വിരലുകളുടെ ചൂട് അവളുടെ ഹൃദയത്തിലേക്ക് പടർന്നു..... ബലമുള്ള ആ വിരലുകൾ ഒരിക്കലും വിടാതെ പിടിച്ചു നടക്കാൻ തോന്നിയവൾക്ക്....... അവരുടെ സീറ്റെന്ന വണ്ണം മുമ്പിരുന്ന അതേ സീറ്റിലേക്ക് അവരിരിക്കുമ്പോഴും കൈ വിരലുകൾ വേർപ്പെട്ടിരുന്നില്ല....... പിന്നെ...... പിന്നേ യാരെങ്കിലും തല്ലിയോ നിന്നേ........ കഴിക്കാനുള്ളത് ഓർഡർ കൊടുത്ത ശേഷം അവൾക്ക് നേരേ തിരിഞ്ഞു കൊണ്ടവന്നത് ചോദിച്ചതും അവൾ ഇല്ലെന്ന അർത്ഥത്തിലൊന്ന് തലയാട്ടി........ പിന്നെന്താ..... ആകെ ക്കൂടി മുഖം വല്ലാണ്ടായിരിക്കുന്നല്ലോ.... അവനത് ചോദിക്കുമ്പോൾ അവളൊന്നും മിണ്ടിയില്ല.... പകരം അവന്റെ തോളോട് ചേർന്നു ചാരി ക്കിടന്നു..... ഉള്ളിലെ എല്ലാ വിങ്ങലും ഇറക്കി വെക്കാനെന്ന പോൽ അവൾ കണ്ണുകളാന്ന് ചിമ്മി... അവനും ഒന്നും മിണ്ടിയില്ല...... അവർക്കിടയിൽ കനത്തു നിന്ന നിശബ്ദത ഏറെ വാചാലമായിരുന്നു.... അതിന് പല വിധ ഭാവങ്ങളുണ്ടായിരുന്നു.... ഓർഡർ ചെയ്ത ഭക്ഷണം ടേബിളിലേക്ക് കൊണ്ട് വെക്കുമ്പോൾ അവൾ പതിയെ യൊന്നു തലയുയർത്തി.... അവളുടെ ഉള്ളിലെ വിങ്ങലറിഞ്ഞെന്ന വണ്ണം അവനിലുമുണ്ടൊരു വേദന....... അവന്റെ ചെറു വിരലിലിട്ട വെള്ളി മോതിരത്തിൽ അവൾ വിരൽ കൊണ്ടൊന്നു തെരു പ്പിടിച്ചു...... മനസ്സ് വേറെ എവിടെയോ ആണെന്നത് വ്യക്തം....... നിന്റെ പഠിത്തമൊക്കെ എങ്ങനെ പോകുന്നു...... അവൻ അത് ചോദിക്കുമ്പോഴും അവൾ മുഖമുയർത്തിയിട്ടില്ല..... മ്മ്..... കുഴപ്പമില്ല...... അവളതും പറഞ്ഞു കൊണ്ട് വീണ്ടും ആ മോതിരത്തിലൊന്ന് കറക്കി........ കുഴപ്പമില്ലാതിരുന്നാൽ പോരാ.....പാസ്സാവണം..... എന്നിട്ട് വേണ്ടേ നമുക്ക് പോകാൻ....... അവനത് പറഞ്ഞതും പെട്ടെന്ന് അവളുടെ കണ്ണുകളിലെ ഭാവം മാറി.... ആ വിടർന്ന കണ്ണുകളിൽ ആനന്ദം പടർന്നു. ..... അവൾ തലയുയർത്തി അവനെയൊന്ന് നോക്കി.... അവൻ കണ്ണുകളിൽ കുസൃതി നിറച്ചു കൊണ്ട് അവളെയൊന്ന് നോക്കുമ്പോൾ അവളിലൊരു നാണം പടർന്നിരുന്നു....... ഇത്...... ഇത് അമ്മ യുണ്ടാക്കിയതാ....... അവളുടെ മൂഡ് മാറിയെന്നു തോന്നിയപ്പോൾ അവനതും പറഞ്ഞു അവന്റെ ബാഗിൽ നിന്നൊരു കവറേടുത്തവൾക്ക് നേരെ നീട്ടി....... അവൾ വിടർന്ന കണ്ണുകളാൽ ആ കവർ തുറന്നു നോക്കുമ്പോൾ അതിൽ കണ്ട ഉണ്ണിയപ്പം അവളുടെ നാവിൽ വെള്ളം നിറച്ചു..... അവൾ അതിൽ നിന്നോന്നെടുത്തു നാവിലേക്ക് വെക്കുമ്പോൾ കൃഷ്ണ കിരീട പ്പൂക്കൾ കണ്ണിൽ തെളിഞ്ഞു..... അവളൊരു നോവോടെ അവനെ നോക്കി....... അവനൊന്നും മീണ്ടിയില്ല.....പുറത്തേക്ക് കണ്ണ് നട്ടങ്ങനെയിയുന്നു.... കാരണം അവൾ അവിടെ യില്ലാത്തതിന്റെ ശൂന്യത അവനിൽ നിന്നും വിട്ട് മാറിയിട്ടില്ലായിരുന്നു..... വീട്ടിൽ ച്ചെന്ന് ആരും കാണാതെ ഒന്നാസ്വാധിച്ചു കഴിക്കണം.... അവൾ ആ കവർ ബാഗിലേക്ക് വെക്കുമ്പോൾ അത്‌ പറഞ്ഞതും അവൻ അവളെ വെറുതെ നോക്കിയിരുന്നു.... എക്സാമൊക്കെ നല്ല രീതിയിൽ എഴുതി പാസ്സായാൽ വൈകാതെ ദിവസവും കഴിക്കാം.... വിടർന്ന കണ്ണുകൾ ഒന്ന് കൂടി കാണാനെന്ന വണ്ണം അവനത് പറയുമ്പോൾ ആ കണ്ണുകളിൽ സന്തോഷം നിറഞ്ഞെങ്കിൽ കൂടി എന്തോ ഒന്ന് മൂടി വന്നത് അവനറിഞ്ഞു.... ഒരു പക്ഷേ ഞാൻ പാസ്സായില്ലെങ്കിലോ..... അവൾ കണ്ണുകൾ ചുരുക്കിയത് ചോദിക്കുമ്പോൾ അവളുടെ ചുണ്ടുകൾ ഏറേ വരണ്ടത് പോലെ...... കണ്ണുകളിൽ ഏതോ ഒരു നിഴൽ വീണു കിടക്കുന്നെന്ന വണ്ണം പ്രകാശം പാടേ മങ്ങി പ്പോയിരിക്കുന്നു....... ഒരു പരീക്ഷയാണോ എല്ലാം...... അത്‌ നമ്മുടെ മുന്നിലുള്ള വെറുമൊരു കുറുക്കു വഴി മാത്രമാണ്.... മുമ്പോട്ടുള്ള ജീവിത്തേ എളുപ്പമാക്കാൻ മാത്രം....... അതില്ലെങ്കിലും നമ്മൾ ജീവിക്കും...... എന്റെ പെണ്ണൊരു പരീക്ഷയിൽ തോറ്റെന്നു വെച്ചു കറങ്ങുന്ന ഭൂമി നിശ്ചലമാവില്ലെന്ന നല്ല ബോധ്യം എനിക്കുണ്ട്....... പോരെ...... അവനത് ചോദിച്ചു കൊണ്ട് അവളുടെ തോളിലൂടെ കയ്യിട്ടതും അവൾ നിറഞ്ഞൊരു സമാധാനത്തോടെ അവന്റെ നെഞ്ചിലേക്ക് ചാഞ്ഞു........ അവന്റെ ഹൃദയ താളത്തിലേക്ക് ചെവി ചേർത്തെന്ന വണ്ണം അവളവനോട് ചേർന്നു കിടന്നു....... അവന്റെ ഹൃദയവും ഇപ്പോ പൊട്ടി പോകുമെന്ന വണ്ണമൊരു മുറുകലോടെ മിടിക്കുമ്പോൾ തന്റെ സാമീപ്യം അവനിലുണ്ടാക്കുന്നതും തനിക്കുള്ള അതേ പിടപ്പാണെന്ന് അവൾക്ക് തോന്നി...... അവളിൽ അവൾ പോലുമറിയാതൊരു പുഞ്ചിരി മൊട്ടിട്ടു....... നിന്നേ തോൽവിയെ ന്ന് പറഞ്ഞവർക്ക് മുമ്പിൽ നീ ജയിച്ചു കാണിക്കണം.....അത്ര മാത്രമേ ഞാൻ ചിന്തിച്ചിട്ടുള്ളു..... ഇനി അതല്ലാ പറ്റില്ലെന്ന് തോന്നുകയാണെങ്കിൽ ഇനിയും നിന്ന് തല്ലു കൊള്ളേണ്ട ഒരാവശ്യവുമില്ല.... ഒരൊറ്റ വിളി വിളിച്ചാൽ മതി .... ഞാൻ കൊണ്ട് പൊക്കോളാം നിന്നേ... അവളെ ഒന്ന് കൂടി തന്നിലേക്ക് ചേർത്ത് പിടിച്ചു കൊണ്ട് അവനത് പറയുമ്പോൾ അവളുടെ ഉള്ളാകെ തണുത്തിരുന്നു .... അവളൊന്നു കൂടി അവന്റെ നെഞ്ചിലേക്ക് ചാഞ്ഞു...... അൽപ നേരം അങ്ങനെ തന്നെയിരുന്നു ഇരുവരും..... കൂടുതൽ സംസാരങ്ങളോന്നുമില്ല.... അല്ലെങ്കിലും സംസാരിച്ചാൽ കൂടുതൽ കരയാനുള്ളതാകുമെന്ന് അവൾക്കറിയാമായിരുന്നു..... നാളത്തെ കുറിച്ചോർത്തു ആശങ്ക പ്പെടുന്നതിനേക്കാൾ അവനോടൊപ്പമുള്ള നിമിഷങ്ങൾ ഹൃദയത്തിൽ സൂക്ഷിച്ചു വെക്കാൻ അവൾ ശ്രമിച്ചു....... ആ കൈകൾക്കുള്ളിൽ നിന്ന് പുറത്ത് കടക്കാനെന്തോ മനസ്സനുവദിക്കാത്തത് പോൽ അവൾ അനങ്ങിയില്ല.... സമയം..... സമയം കഴിയാറായി....... നമുക്ക്.... ഇറങ്ങിയാലോ...... അവന്റെ ഗൗരവമേറിയ ശബ്ദം കേട്ടപ്പോഴാണ് അവൾ പതിയെ യൊന്നു തലയയുയർത്തിയത്........ അവന്റെ കൈകൾ പതിയെ അവളിൽ നിന്ന് അയഞ്ഞതും അവൾക്ക് കണ്ണുകൾ നിറഞ്ഞു വരും പോലെ തോന്നി...... ഏയ്.... ഇങ്ങനെ കണ്ണുകൾ നിറക്കാനാണെങ്കിൽ ഞാനിനി വരില്ല കേട്ടോ..... അവൻ അല്പം ദേഷ്യത്തോടെ അത്‌ പറഞ്ഞതും അവൾ ഒരു ധൃതിയോടെ ഇരു കൈകൾ കൊണ്ടും കണ്ണുകൾ അമർത്തി തുടച്ചു........ അവനവളോട് വല്ലാത്തൊരു അലീവ് തോന്നി..... ഈ നിറഞ്ഞ കണ്ണുകൾ കണ്ട് ഞാനെന്ത് സമാധാനത്തിലാടോ തിരിച്ചു പോകുക...... അവനതും പറഞ്ഞു കൊണ്ട് അവളുടെ മുഖം ഇരു കൈകൾ കൊണ്ടും ചേർത്ത് പിടിച്ചു ചൂണ്ട് വിരലുകൾ കൊണ്ടവളുടെ കണ്ണ് നീർ തുടച്ചു....... അവന്റെ കൈ ചൂടിൽ അവളൊന്നു പുഞ്ചിരിക്കാൻ ശ്രമിച്ചു...... ഇനി ഒന്നിനെ കുറിച്ചും ആലോചിക്കേണ്ട..... വിളിക്കാനും കാണാനും ധൃതി കൂട്ടേണ്ട.....നിന്നേ കൊണ്ടാവും വിധം നന്നായി പഠിക്ക്......... അവനാർദ്രമായി അത്‌ പറഞ്ഞതും അവൾ ശെരിയെന്ന അർത്ഥത്തിൽ തല കുലുക്കി......... തന്റെ കൈകൾക്കുള്ളിൽ ഒതുങ്ങി നിൽക്കുന്ന അവളുടെ യാ കുഞ്ഞു മുഖത്തോട് അവന് വല്ലാത്തൊരു വാത്സല്യം തോന്നി...... പ്രണയമെന്നാൽ സ്നേഹത്തിന്റെ എല്ലാ ഭാഗങ്ങളും കൂടി കലർന്നതാണെന്ന് അവനറിയുകയായിരുന്നു.... അവൻ പതിയെ അവളുടെ നെറ്റിയിൽ ഒന്ന് ചുണ്ടമർത്തുമ്പോൾ പെട്ടെന്നുണ്ടായ ആ പ്രവർത്തിയിൽ അവളൊന്നു പിടഞ്ഞു..... ഹൃദയമിടിപ്പ് എന്തിനോ ഏറി യേറി വന്നു....... അവൾക്ക് മുഖമുയർത്തി അവനേ നോക്കാൻ കഴിയുന്നില്ല..... നാണം കൊണ്ടാ മിഴികാൾ കൂമ്പിയടഞ്ഞു പോകും പോലെ....... എന്നാൽ സച്ചു അവളെ തന്നെ നോക്കിയിരുന്നു.... അവളുടെ ഭാവങ്ങളെല്ലാം കണ്ടൊരു കുസൃതി ചിരിയോടെ അവനിരിക്കുമ്പോൾ അവൾ പതിയെ യോന്നു തല യുയർത്തി..... അവനും ആ കണ്ണുകളെ നേരിടാനൊരു പ്രയാസം തോന്നി..... അവൻ ചുണ്ടോന്ന് ഉള്ളിലേക്ക് കടിച്ചു പിടിച്ചു അവളിൽ നിന്ന് നോട്ടം വെട്ടിക്കുമ്പോൾ അവളും അവന്റെ മുഖത്ത് നോക്കാതെ അവന്റെ തോളിലേക്ക് ചാഞ്ഞു.... അപ്പോഴും പിടിച്ചു നിർത്താൻ പറ്റാത്തോരു പുഞ്ചിരി അവളുടെ ചുണ്ടുകളിൽ പറ്റി പ്പിടിച്ചു നിൽപ്പുണ്ടായിരുന്നു...... (തുടരും) Aysha Akbar #📔 കഥ

✍️ രചന - ജിഫ്ന നിസാർ എത്ര പെട്ടന്നാണ് ഷോൾഡർ പെയിനുമായി ഹോസ്പിറ്റലിൽ പോയ ഞാൻ മരണഭയം കൊണ്ട് തിരിച്ചിറങ്ങി പോന്നത് 😀 ഓർക്കുമ്പോൾ എനിക്ക് തന്നെ ചിരി വരും.. പിന്നെ അത്ഭുതവും. മരണത്തെ നിഴൽ പോലെ പ്രതീക്ഷിക്കണമെന്നൊക്കെ അറിഞ്ഞാലും.. നമ്മളത് അറിവ് മാത്രമായല്ലേ കാണുന്നത്. എന്റെ കാര്യത്തിലും അത് അങ്ങനെ തന്നെയായിരുന്നു. ജീവിക്കാൻ ഇനിയും അനേകം വർഷങ്ങൾ മുന്നിലുണ്ടെന്ന് തോന്നി പോകും വിധമൊരു അഹങ്കാരിയായിരുന്നു ഞാനും എന്റെ കയ്യിലെ ചികിത്സകളെല്ലാം കഴിഞ്ഞിട്ടും ഒരുമാതിരി വാശി പിള്ളേരെ പോലെ ഇറങ്ങി പോവാത്ത.. സഹിക്കാൻ വയ്യാത്ത ഷോൾഡർ പെയിനുമായി ഡോക്ടറേ കാണാൻ പോകുന്നയിടത്താണ് കഥയുടെ തുടക്കം.. ഒടിഞ്ഞ ഇടത് കയ്യിൽ ഇടയ്ക്കിടെ ഇങ്ങനൊരു വേദന പതിവുള്ളത് കൊണ്ടായിരുന്നു തുടക്കത്തിൽ ഞാനത് മൈന്റ് ചെയ്യാതെ വിട്ടത്.. പക്ഷേ എങ്കിൽ കാണിച്ചു തരാട്ടാ എന്നൊരു ഭാവത്തിൽ വേദന പിടി മുറുക്കുമ്പോൾ ഞാനും തോൽവി സമ്മതിച്ചു. ജസ്റ്റ്‌ ഡോക്ടറെ കാണുന്നു മൂപ്പര് മരുന്ന് തരുന്നു. തിരികെ പോരുന്നു. ഇതായിരുന്നു എന്റെ മനസ്സിലെ തിരക്കഥ.. പക്ഷേ ഹോസ്പിറ്റലിൽ ചെന്നപ്പോൾ കഥ മാറി.. ഇടതു ഭാഗത്തെ വേദന എന്ന് കേട്ടതും ഡോക്ടർ അലർട്ടായി.. ഒടിഞ്ഞ കയ്യാണ്.. ഇങ്ങനെ ഉണ്ടാവാറുണ്ട് എന്നൊക്കെ ഞാൻ ആവുന്നതും പറയുന്നുണ്ട്.. പക്ഷേ എംബിബിഎസ് പഠിച്ച എന്നോടോ ബാല എന്നൊരു ഭാവമാണ് ആൾക്ക്. ഇയ്യ് ഇസിജി എടുത്തിട്ട് പോയാൽ മതി എന്നൊരു വാക്കും നോട്ടവും.. തൃപ്തിയായി.. അതിന് മുൻപ് കിതപ്പുണ്ടോ.. വേദന ഉണ്ടോ എന്നൊക്കെ ചോദിച്ചു.. ഇതൊന്നും ഇല്ലെന്ന് പറഞ്ഞിട്ടും പിന്നെന്തിന് ഈ ഇസിജി എന്നൊക്കെ ഓർത്താണ് ഞാൻ അതിന് പോയി കിടന്നത്. അതൂടെ കഴിഞ്ഞു വീട്ടിൽ പോകാലോ എന്നായിരുന്നു മനസ്സിൽ.. പക്ഷേ വീണ്ടും ട്വിസ്റ്റ്‌.. അതിലൊരു വേരിയേഷൻ.. അതോടെ സീൻ മാറി.. അവിടുത്തെ മെഷീൻ ശെരിയല്ല എന്നായിരുന്നു അപ്പോഴും ന്റെ മനസ്സിൽ.. അല്ലാതെ എനിക്ക് വേറെ കുഴപ്പമൊന്നും ഉണ്ടാവാൻ സാധ്യത ഞാൻ നോക്കിയിട്ട് കാണുന്നില്ലല്ലോ.. അഞ്ചോ ആറോ ഗുളിക തന്നിട്ട് അത് അപ്പോൾ തന്നെ കഴിക്കാൻ പറഞ്ഞു.. ഇൻജെക്ഷൻ.. ബ്ലേഡ് ടെസ്റ്റ്‌.. കയ്യിൽ ക്യാനുല.. മൊത്തത്തിൽ ജഗപൊക. എനിക്കപ്പോഴും ചിരി വന്നു.. ഇവരുടെ ഓരോ പ്രഹസനം ന്ന് അടുത്തിരിക്കുന്ന കെട്ട്യോനോട് പറയുകയും ചെയ്തു.. ഒബ്സർവേഷൻ വേണം ആറു മണിക്കൂർ എന്നും പറഞ്ഞു കൊണ്ടൊരു മുറിയിലേക്ക് പറഞ്ഞു വിട്ടു.. സുഖമായി ഫോണിൽ നോക്കി അങ്ങനെ കിടക്കുന്നതിനിടയിലാണ് ഇനിയിപ്പോ ഡോക്ടർ പേടിച്ചത് പോലെ എന്തെങ്കിലും പ്രശ്നം ഉണ്ടാവോ മൂപ്പര് എംബിബിഎസ് ഒക്കെ എടുത്ത വല്ല്യ ആളല്ലേ എന്നുള്ളൊരു ഒലക്കമ്മലെ ചിന്ത എന്റെ ഉള്ളിൽ വന്നത്.. അതോടെ അത് വരെയുമുണ്ടായിരുന്ന സമാധാനം മൊത്തം പോയി..ന്ന് പറഞ്ഞ മതിയല്ലോ. വീട്ടിൽ ഉറങ്ങി കിടക്കുന്ന പിള്ളേരെ ഓർത്തു.. സ്കൂളിൽ നിന്നു വരുമ്പോൾ വാതിൽ തുറക്കാൻ ഒരഞ്ചു മിനിറ്റ് ലേറ്റായാൽ എന്നെ കാണാതെ കരയുന്ന ചെറിയ മോൻ.. ഡോക്ടർ ചോദിക്കും വരെയും ഇല്ലായിരുന്ന ശ്വാസം മുട്ടൽ എനിക്കപ്പോൾ മുതൽ തോന്നി തുടങ്ങി. വല്ലാത്തൊരു ഭയം.. മരിക്കാനല്ല.. ഞാൻ മരിച്ചാൽ എന്റെ കുഞ്ഞുങ്ങൾ.. പ്രിയപ്പെട്ടയിടങ്ങൾ..പ്രിയപ്പെട്ട മനുഷ്യർ.. പ്രിയപ്പെട്ട സൗഹൃദങ്ങൾ.. പാതിയിൽ ഞാനെഴുതി വെച്ച എന്റെ കഥകൾ.. ഇനി എഴുതാൻ വേണ്ടി മനസ്സിൽ ഒതുക്കി വെച്ചത് വേറെ.. മൊത്തത്തിൽ ഞാനൊരു വല്ലാത്ത അവസ്ഥയിലേക്ക് മാറി തുടങ്ങി. സ്വസ്തമായി ഉറങ്ങാൻ പോയി കിടന്നിട്ട് അൽപ്പം പോലും കണ്ണടക്കാൻ പറ്റാത്ത അവസ്ഥ.. രാവിലെ വീണ്ടും ടെസ്റ്റ്‌ ഇസിജി.. ഇൻജെക്ഷൻ.. ഒടുവിൽ കുഴപ്പമില്ല ന്നുള്ള റിസൾട്ട്.. 😀 വീട്ടിൽ തിരിച്ചു വന്നു കയറുമ്പോൾ ഇറങ്ങി പോകാത്ത മരണ ഭയം കൂടി എന്റെ കൂടെ പോന്നിട്ടുണ്ട്. ഷോൾഡർ പെയിനോക്കെ വിട്ട് പോയിട്ടും അത് പോകുന്നില്ല. ഞാനിപ്പഴും വല്ലാത്തൊരു അവസ്ഥയിലാണ്.. ഇത് വരെയും ഇല്ലാത്ത" ഞാനില്ലെങ്കിൽ" എന്നൊരു ചിന്ത എന്നെ വിട്ട് പോകുന്നെ ഇല്ല. ആരില്ലേലും എല്ലാവരും ജീവിക്കും..അതെനിക്കറിയാം. പക്ഷേ..എനിക്കാ പഴയ നിലയിലേക്ക് തിരിച്ചു പോകാൻ കഴിഞ്ഞിട്ടില്ല. ഡാ.. എനിക്ക് വയ്യെടാ ന്നും പറഞ്ഞു വിളിച്ചപ്പോ.. "ഇയ്യ് പേടിക്കേണ്ട ഡീ.. അത്രയും പെട്ടന്നൊന്നും ഇയ്യ് തീർന്ന് പോവൂല. നല്ല മനുഷ്യരെയല്ലേ പടച്ചോൻ നേരത്തേ വിളിക്കുന്നതെന്ന്" എന്റെയൊരു പരട്ട കൂട്ടുകാരൻ പറഞ്ഞതാണ് ഇപ്പൊ അൽപ്പം ആശ്വാസം 😀 വളരെ കുറച്ച് ആഗ്രഹങ്ങളെ എനിക്കിനി ബാക്കിയുള്ളൂ.. അതിൽ ഏറ്റവും പ്രാധാന്യം.. എന്റെ അക്ഷരങ്ങൾക്കാണ്.. കുഞ്ഞുങ്ങൾക്കൊപ്പം തന്നെ. അവരില്ലെങ്കിൽ ഞാനില്ലല്ലോ🥰 അതെല്ലാം നേടി എടുക്കണം.. കാണാൻ ആഗ്രഹിക്കുന്ന കുറച്ചു മനുഷ്യരുണ്ട്.. ഒരിക്കലും കാണാരുതേ എന്നാഗ്രഹിക്കുന്ന കുറച്ചു പേരുണ്ട്. ഒരു സെക്കന്റ് ചാൻസ് പോലും തരാതെ ഇറങ്ങി പോയവർ.. ഒരു ഉപാദികളുമില്ലാതെ സ്നേഹിച്ചവർ.. കൂട്ട് കൂടിയവർ..സഹായിച്ചവർ.ഒപ്പം നിന്നവർ.. അതിനിടയിൽ വേദനിപ്പിക്കാൻ വേണ്ടി മാത്രം അടുത്ത് വന്നവർ.. ഹോസ്പിറ്റലിൽ നിന്നും തിരികെ വന്നതിനു ശേഷം ഒരിക്കൽ കൂടി ഞാനെന്നിലേക്ക് തിരിഞ്ഞു നോക്കി. എനിക്കെന്നോട് തന്നെ പാവം തോന്നി പോയി.. 😀 പ്രത്യക്ഷത്തിൽ കുഴപ്പമില്ല. പക്ഷേ മെന്റലി ഞാൻ വീക്കായി പോയിരിക്കുന്നു.. അറിഞ്ഞോ അറിയാതെയോ നിങ്ങൾക്ക് ഞാൻ കാരണമൊരു സങ്കടമുണ്ടായിട്ടുണ്ടെങ്കിൽ.. ക്ഷമിച്ചേക്കണേ.. ഇനി ഏറ്റു പറയാൻ പറ്റിയില്ലെങ്കിലോ.. 🥰 ഇതിപ്പോ ഇവിടെ പറയുന്നത് എന്തിന് എന്ന് തോന്നുന്നുണ്ടോ 😀 ഇവിടെ ഇട്ടാൽ അടുത്ത കൊല്ലം ജീവനോടെ ഉണ്ടെങ്കിൽ സൂക്കറണ്ണൻ കൃത്യമായി ഓർമ്മിപ്പിക്കും. ഇന്നത്തെ എന്റെ മൈന്റ് ഓർത്തിട്ട് അന്ന് കുറെ ചിരിക്കാലോ 😎 അത്രേം ഒള്ളു 😌 ( ആ പരട്ട കൂട്ടുകാരൻ നമ്മുടെ 'Shafeek Mohammed' ആണ് ട്ടോ 😀😇 ) #📙 നോവൽ #📔 കഥ