మన ఆరోగ్యాన్ని పదికాలాల పాటు కాపాడుకోవాలంటే ' యోగా సాధన ' మనకు ఓ శ్రీరామరక్ష వంటిది!
లేదా
మన నిత్య జీవితంలో ఎదురయ్యే అనేక ఒత్తిడుల నుంచి దూరం చేసే ఓ మంత్రదండం ఈ యోగా సాధన!
ఇటీవల కాలంలో యోగా సాధన పట్ల మన దేశంలోనే కాదు,యావత్తు ఈ విశ్వ ప్రపంచంలోని ప్రజలు సైతం ఎనలేని ఆసక్తిని కనబరుస్తున్నారు అనే మాట అక్షర సత్యం.ఈ రోజున అంటే జూన్ 21 యోగా దినోత్సవాన్ని పురస్కరించుకొని మనమంతా యోగా సాధన యొక్క ప్రాముఖ్యతను,అది మన దైనందిక జీవితంలో ఓక దివ్య ఔషదంలా పని చేస్తున్న నేపథ్యాన్ని,దాని వల్ల ఓనగారే ప్రయోజనాలను గురించి ఒక్కసారి మనమంతా తెలుసుకొని ఆచరిస్తే మాత్రం మనకు ఎనలేని లాభం చేకూరడం తథ్యం. ఎందుకంటే మారుతున్న జీవన విధానంలో ప్రతి ఒక్కరూ ఎంతో కొంత ఒత్తిడికి గురవుతూ అనేక ఆరోగ్య సమస్యలను కొనితెచ్చుకుంటున్న నేపథ్యంలో మనం యోగా సాధన చేయడాన్ని మన నిత్య జీవితంలో ఓక భాగంగా చేసుకుంటే మన ఆరోగ్యం మరో పది కాలాల పాటు అత్యంత దిగ్విజయంగా వర్ధిల్లడం తథ్యం.ముఖ్యంగా ప్రస్తుత కాలంలో మనం ఎదుర్కొంటున్న ప్రదాన ఆరోగ్య సమస్యలు అయిన బీపీ,షుగర్,థైరాయిడ్,గుండె జబ్బులు,అస్తమా, గ్యాస్ట్రిక్ ట్రబుల్,సయాటిక,సర్వికల్ స్పెయిన్, వెన్నునొప్పి,మోకాళ్ళ నొప్పులు,మలబద్ధకం, స్తూలకాయం వంటి సమస్యల,జబ్బుల సుడిగుండం నుంచి మనం తక్షణమే బయట పడాలంటే మాత్రం ఏకైక మార్గంగా మనకు ఈ యోగా సాధనే కళ్ళముందు సాక్షాత్కరిస్తుంది అనే మాట సత్య దూరం కాదు. అంతేకాదు ప్రతి రోజూ క్రమం తప్పకుండా తెల్లవారుజామునే నిద్ర లేచి గంట నుంచి గంటన్నర పాటు యోగాసనాలు చేస్తే మాత్రం మన శారీరక దారుడ్యం అమాంతం పెరిగి మనకు ఎలాంటి జబ్బులు సంప్రాప్తించకుండా మన శరీరం మన మాట వినడంతో పాటు, మనం నిత్య యవ్వనంగా,ఉత్సహవంతంగా మన అమూల్యమైన జీవితాన్ని గడపవచ్చు అనడంలో ఎలాంటి సందేహం లేదు.అంతేకాదు ఆధునిక జీవితంలో అనేక మంది శారీరక వ్యాయామం లేక,సీట్ల కే పరిమితమైన ఉద్యోగాలు చేస్తూ,స్తూలకాయులై పోవడంతో పాటు,కల్తీ ఆహారం,జంక్,ఫాస్ట్ ఫుడ్ లు మన శరీరాన్ని నాశనం చేయడంతో పాటు,వీటి ద్వారా వచ్చే రోగాలను తగ్గించుకొనేందుకు వైద్యుల దగ్గరికి వెళ్లి వేలాది రూపాయలు ఖర్చు చేస్తున్న వైనం మనందరికీ విధితమే.అయితే ఎలాంటి ఖర్చు లేకుండా యోగాసనాలు ఓక గంట పాటు వేస్తే మాత్రం రోగాలు ఏవి మన దరికిచేరకుండా మనం సుదీర్ఘ కాలం పాటు సుఖ సంతోషాలతో జీవించేందుకు ఈ యోగా సాధన ఓక వరంలా,ఓక వజ్రాయుధంలా మనకు ఉపయోగపడటం అనేది ఎంతైనా హర్షణీయం.
ఏదిఎమైన మనకున్న అన్ని ఆరోగ్య సమస్యలు మట్టుమాయం కావాలంటే,రోజంతా మన మనస్సు ఉల్లాసభరితంగా సాగిపోవాలంటే మాత్రం యోగా సాధన ను మించిన సాధనం ఈ విశ్వప్రపంచంలో మరొకటి ఉండదు కాక ఉండదు అని ప్రస్తుతం ప్రతి ఒక్కరి నోళ్లలో నానుతుంది అనే మాట జగమెరిగిన సత్యం.ఏమైనా దీర్ఘకాలిక వ్యాధులు అయిన బీపీ, షుగర్,మానసిక వ్యాధులు అయిన ఒత్తిడి,డిప్రెషన్, ఆందోళన,నిద్ర లేమి వంటి జబ్బులను యోగా సాధన అనేది దూరం చేయడంతో పాటు, మనం సంపూర్ణ ఆరోగ్యవంతులుగా మారడానికి ఓ ఆయుధంలా, మచ్చుతునక లాగా ఈ యోగా సాధన ఉపయోగపడుతుంది అనడంలో ఎలాంటి అవాస్తవానికి తావు లేదు.అంతేకాదు యోగాసనంలో ఓక ముఖ్య భాగమైన ప్రాణాయామాన్ని సాధన చేయడం వల్ల మన ఊపిరితిత్తుల సామర్థ్యం మరింతగా పెరిగి ఓక దృడమైన మనస్సుతో మనమంతా జీవించడానికి ఓ ఊతకర్రలా ఈ యోగా సాధన మనకు ఓక మంచి భవిష్యత్ ను ఇవ్వడం తథ్యం.కాబట్టి భారతదేశ సంస్కృతి,సంప్రదాయాలలో ఓక ముఖ్య బాగమైన ఈ యోగా సాధనకు మనమంతా జై కొడదాం!జైహింద్! మేరా హిందూస్తాన్ మహాన్!🧘♂️🧘♂️🧘♂️🧘♀️🧘♀️🧘♀️!
- బుగ్గన మధుసూదనరెడ్డి,సామజిక విశ్లేషకుడు, బేతంచెర్ల,నంద్యాల జిల్లా!
#అంతర్జాతీయ యోగా దినోత్సవం
