சகோ சுதாகர் காட்வின்

🌿 *இன்றைய தேவ வார்த்தை* 🌿 📖 *தேவ வசனம்* *“நீ கடலுக்குப் போய் தூண்டில் போடு; முதலில் பிடிக்கப்படும் மீனை எடுத்துக் கொண்டு அதன் வாயைத் திறந்தால் ஒரு நாணயம் கிடைக்கும்; அதை எடுத்துக் கொண்டு என்னுக்காகவும் உனக்காகவும் அவர்களுக்கு கொடு.”* — *மத்தேயு 17:27* 🎙️ *செய்தி* தேவன் அதிசயங்களை செய்ய இயலாத இடம் எதுவும் இல்லை. வரி செலுத்த வேண்டிய நேரத்தில், இயேசு ஒரு அதிசயமான வழியை ஏற்படுத்தினார். கடலில் இருக்கும் ஒரு மீனின் வாயிலே தேவையான காசை ஏற்பாடு செய்தார். இதனால் நாம் அறிய வேண்டியது என்னவென்றால்: *தேவன் நமக்கு தேவையானதை ஏற்படுத்த பல வழிகளை வைத்திருக்கிறார்.* *மனிதர்களால் நினைக்க முடியாத வழிகளில்கூட அவர் உதவி செய்ய முடியும்*. நாம் வாழ்க்கையில் சிரமங்களையும் தேவைகளையும் சந்திக்கும் போது பயப்பட தேவையில்லை. ஏனெனில், தேவன் எங்கு இருந்தாலும் நம்முடைய தேவைகளை அறிந்து அதற்கான ஏற்பாடுகளை செய்வார். ஆகையால், நம்பிக்கையோடு தேவனை நம்புங்கள். மீனின் வாயிலே காசை வைத்த தேவன், உங்கள் வாழ்க்கையிலும் தேவையான ஆசீர்வாதங்களை ஏற்படுத்த வல்லவராக இருக்கிறார். 💡 *இன்றைய நினைவு:* தேவன் அதிசயமான வழிகளில் நமக்காக ஏற்பாடு செய்கிறார். — ✍️*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #நம்பிக்கையுடன் வாழ்த்து செய்தி #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள்

🌿 *இன்றைய தேவ வார்த்தை* 🌿 📖 *தேவ வசனம்* *“அப்பொழுது மரியா மிகவும் விலையுள்ள சுத்தமான நார்து தைலத்தை ஒரு பவுண்டு எடுத்துக்கொண்டு, இயேசுவின் கால்களில் பூசி, தன் தலைமயிரினால் அவருடைய கால்களைத் துடைத்தாள்; அந்த தைலத்தின் வாசனையினால் வீடு முழுவதும் நிரம்பியது.”* — *யோவான் 12:3*( புதிய தமிழ் மொழிபெயர்ப்பு வேதாகமம் ) 🎙️ *செய்தி* *மரியா இயேசுவுக்குக் காட்டிய அன்பு சாதாரணமானது அல்ல. அவள் மிகவும் விலையுள்ள நார்து தைலத்தை எடுத்துக் கொண்டு கர்த்தரின் கால்களில் பூசினாள். அது ஒரு வருட சம்பளத்திற்குச் சமமான மதிப்புடையதாக இருந்தது. ஆனால் மரியாவிற்கு அதன் விலை முக்கியமில்லை; இயேசுவுக்கான அன்பே முக்கியம்.* *அவள் தனது தலைமயிரால் கர்த்தரின் கால்களைத் துடைத்தது மிகுந்த தாழ்மையையும் அர்ப்பணிப்பையும் காட்டுகிறது.* உண்மையான ஆராதனை என்பது வெளிப்புற நிகழ்ச்சி அல்ல; அது இதயத்தின் ஆழத்திலிருந்து வரும் அன்பும் அர்ப்பணிப்பும் ஆகும். அந்த தைலத்தின் வாசனை வீடு முழுவதும் நிரம்பியது போல, *நாம் கர்த்தருக்குக் காட்டும் உண்மையான அன்பும் அர்ப்பணிப்பும் தேவனுக்கு இனிய வாசனையாக இருக்கும்.* இன்று நாமும் மரியாவைப் போல கர்த்தரை முழு மனதுடன் நேசித்து, நம்முடைய வாழ்க்கையையே அவருக்குப் பரிசாக அர்ப்பணிப்போமாக. -- ✍️ *சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்

🌿 *இன்றைய தேவ வார்த்தை* 🌿 📖 *தேவ வசனம்* *"அன்பு: சகலத்தையும் தாங்கும், சகலத்தையும் விசுவாசிக்கும், சகலத்தையும் நம்பும், சகலத்தையும் சகிக்கும். அன்பு ஒருக்காலும் ஒழியாது..”* — *1 கொரிந்தியர் 13:7–8* 🎙️*செய்தி* *கிறிஸ்துவின் அன்பு மனித அன்பைப் போல அல்ல. அது தற்காலிகமான உணர்ச்சி அல்ல; அது தியாகத்திலும் பொறுமையிலும் வெளிப்படும் தெய்வீக அன்பாகும்.* பைபிள் சொல்லுகிறது: உண்மையான *அன்பு சகலத்தையும் தாங்கும்*. அதாவது சோதனை, துன்பம், துரோகம் போன்றவற்றிலும் கூட அன்பு நிலைத்திருக்கும். *அன்பு சகலத்தையும் நம்பும்* — தேவன் மனிதர்களை மாற்ற முடியும் என்ற நம்பிக்கையை அது இழக்காது. *அன்பு சகலத்தையும் சகிக்கும்* — கஷ்டங்கள், குற்றங்கள், தவறுகள் இருந்தாலும் மன்னித்து பொறுமையாய் நிலைத்திருக்கும். *இப்படிப்பட்ட அன்பு தான் கிறிஸ்து சிலுவையில் காட்டிய அன்பு.* நாமும் அந்த அன்பில் நடந்தால், நிரப்பப்பட்டால் உலகினை வெல்ல முடியும். குடும்பத்தில், சபையில், சமுதாயத்தில் உண்மையான சமாதானமும் ஆசீர்வாதமும் உண்டாக காரணமாக முடியும். 🙏 இன்று நாம் தேவனிடம் ஜெபிக்க வேண்டியது: *“கர்த்தாவே, உம்முடைய அன்பை என் இருதயத்தில் நிரப்பும். நான் மற்றவர்களை உம்மைப்போல் அன்பு செய்ய உதவி செய்யும்.”* ஆமேன். ✝️ *அன்பே கிறிஸ்துவின் வாழ்க்கையின் அடையாளம்*. *அன்பு இருக்கும் இடத்தில் தேவ பிரசன்னமும் இருக்கும்.* — 👉*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்

🌿 *இன்றைய தேவ வார்த்தை* 🌿 📖 *தேவ வசனம்* *“இவைகளை நான் உங்களுக்குச் சொன்னது என்னில் உங்களுக்கு சமாதானம் உண்டாகும்படியாகத்தான். உலகத்தில் உங்களுக்கு உபத்திரவம் உண்டு; ஆனாலும் திடன் கொள்ளுங்கள்; நான் உலகத்தை ஜெயித்தேன்.”* -- *யோவான் 16:33* 🎙️*செய்தி* இந்த உலகத்தில் வாழும் ஒவ்வொரு மனிதனும் சோதனைகள், கஷ்டங்கள், துன்பங்கள் மற்றும் உபத்திரவங்களை சந்திக்கிறான். அதைப் பற்றி முன்பே ஆண்டவர் Jesus Christ தெளிவாகச் சொல்லுகிறார்: “உலகத்தில் உங்களுக்கு உபத்திரவம் உண்டு.” ஆனால் அதோடு அவர் நம்மை தனியாக விடவில்லை. அவர் ஒரு பெரிய நம்பிக்கையையும் கொடுக்கிறார்: *“திடன் கொள்ளுங்கள்; நான் உலகத்தை ஜெயித்தேன்.”* இதன் அர்த்தம்: உலகத்தின் பாவத்தை அவர் ஜெயித்தார் சாத்தானின் அதிகாரத்தை அவர் முறியடித்தார் மரணத்தையும் அவர் வென்றார் அதனால் நாம் எந்த சோதனையிலும் பயப்பட வேண்டியதில்லை. நம்முடைய ஜெயம் நம்முடைய சக்தியால் அல்ல; கிறிஸ்து ஏற்கனவே பெற்ற ஜெயத்தின் மூலம் தான். இன்று நீங்கள் எந்த பிரச்சனையிலும் இருந்தாலும் நினைவில் கொள்ளுங்கள்: 👉 பிரச்சனை பெரியதாக இருக்கலாம்,ஆனால் நீங்கள் அதை காட்டிலும் மிகவும் பெரியவர்கள் தேவனால் விசேஷமாய் படைக்கப்பட்டவர்கள் 👉 நம்மோடு இருக்க்கும் இயேசுவோடு ஒரு நெருக்கமான உறவை நீங்கள் ஏற்படுத்தும் போது . 👉 இயேசுவின் பிரசன்னம் உங்களை நிரப்பும் போது 👉சர்வ வல்லமை பொருந்திய தேவன் உங்கள் பட்சத்தில் இருக்கிறார் என்பதை நீங்கள் தெரியப்படுத்தும் போது 👉 பிரச்சனைகள் மறைவதையும் உங்கள் எல்லைகளில் கூட வராது தடுத்து நிறுத்தப்படுவதையும் காண்பீர்கள் ஆகையால் மனம் தளராமல் தைரியமாய் திடன் கொண்டு விசுவாசத்தில் நிலைத்து நிற்போம். அப்பொழுது *ஆண்டவர் கொடுக்கும் சமாதானமும் ஜெயமும் நம்முடைய வாழ்க்கையில் நிலைத்திருக்கும்*. 🙏 *ஜெபம்* கர்த்தாவே, உலகத்தில் வரும் சோதனைகளால் எங்கள் மனம் தளராமல் இருக்க உதவி செய்யும். நீர் உலகத்தை ஜெயித்தவராக இருப்பதால் எங்களுக்கும் ஜெயம் கொடுங்கள். அந்த ஜெயத்தை எங்கள் வாழ்வில் நிரந்தரமாக்கி தாருங்கள் இயேசுவின் நாமத்தில் ஜெபிக்கிறோம். ஆமேன். -- ✍️*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்

🌿 *இன்றைய தேவ வார்த்தை – Perissos (அதிகமான வாழ்க்கை)* 🌿 📖 *தேவ வசனம்* *“திருடன் திருடவும் கொல்லவும் அழிக்கவும் வருகிறான்;* *நான் வந்தது அவர்கள் ஜீவனைப் பெறவும், அதையும் பரிபூரணமாக (Perissos) பெறவும் வந்தேன்.”* — *John 10:10* 🎙️*செய்தி* இந்த வசனத்தில் *“பரிபூரணமாக”* என்று மொழிபெயர்க்கப்பட்ட கிரேக்க வார்த்தை Perissos (περισσός) ஆகும். இதன் அர்த்தம்: *மிகுந்தது* *அதிகமாக நிறைந்தது* *எல்லைகளைத் தாண்டி பெருகுவது* தேவனுடைய ஆசீர்வாதம் நிறைந்த வாழ்க்கை இயேசு கிறிஸ்து நமக்கு வெறும் உயிர் (Life) மட்டும் கொடுக்க வரவில்லை. அவர் நிறைவான, ஆசீர்வாதம் நிரம்பிய, ஆனந்தம் நிரம்பிய வாழ்க்கையை கொடுக்க வந்தார். Perissos வாழ்க்கை என்றால்: தேவனுடைய சமாதானம் நிறைந்த வாழ்க்கை தேவனுடைய கிருபை அதிகரிக்கும் வாழ்க்கை ஆவிக்குரிய வளர்ச்சி காணும் வாழ்க்கை பிறருக்கு ஆசீர்வாதமாக இருக்கும் வாழ்க்கை நாம் இயேசுவோடு நடக்கும்போது, நமது வாழ்க்கை சாதாரண வாழ்க்கையாக இருக்காது. அது Perissos வாழ்க்கை — தேவனுடைய நிறைவான வாழ்க்கை ஆக மாறும். 🙏 *ஜெபம்* கர்த்தாவே, நீர் வாக்குத்தத்தம் செய்த Perissos வாழ்க்கையை எங்கள் வாழ்க்கையில் அனுபவிக்க கிருபை தாரும். எங்கள் வாழ்க்கை உமது ஆசீர்வாதத்தால் நிறைந்து, பலருக்கு ஆசீர்வாதமாக இருக்க உதவி செய்யும். ஆமென். — ✍️*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்

🌿 *இன்றைய தேவ வார்த்தை – உயிர்த்தெழுந்த வாழ்க்கை (ZOE Life)* 🌿 📖 *தேவ வசனம்* *“இயேசு அவளிடம்: ‘நான் உயிர்த்தெழுதலும் ஜீவனும் (ZOE) ஆக இருக்கிறேன்; என்னை விசுவாசிக்கிறவன் சாவினாலும் உயிர்வான்.’ என்று சொன்னார்.”* — *யோவான் 11:25* 🎙️*தேவ செய்தி* *“ZOE” (ஜோயே)* என்ற கிரேக்க வார்த்தை பைபிளில் *தேவனுடைய நித்திய ஜீவன்,* *மரணத்தை ஜெயிக்கும் வாழ்க்கை,* *பரிசுத்த ஆவியால் நிறைந்த வாழ்க்கை என்று அர்த்தம் தருகிறது.* *இயேசு கிறிஸ்து சிலுவையில் மரித்து மூன்றாம் நாளில் உயிர்த்தெழுந்தது ஒரு வரலாற்று சம்பவம் மட்டுமல்ல; அது மனிதகுலத்திற்கு ZOE வாழ்க்கையை வழங்கிய மகத்தான வெற்றி நாள் ஆகும்.* *இயேசுவின் உயிர்த்தெழுதல் நமக்கு மூன்று பெரிய ஆசீர்வாதங்களை தருகிறது:* 1️⃣ பாவத்தின் மீது ஜெயம் – சிலுவையில் சிந்திய இரத்தத்தின் மூலம் பாவத்தின் அடிமைத்தனம் உடைக்கப்பட்டது. 2️⃣ மரணத்தின் மீது ஜெயம் – இயேசு உயிர்த்தெழுந்ததால், அவரை விசுவாசிக்கிறவர்களுக்கு நித்திய ஜீவன் (ZOE) கிடைக்கிறது. 3️⃣ புதிய வாழ்க்கை – உயிர்த்தெழுந்த கிறிஸ்து நம்முள் வாழும்போது, பழைய வாழ்க்கை மாறி ஆவிக்குரிய புதிய வாழ்க்கை ஆரம்பமாகிறது. *அதனால் தான் பைபிள் சொல்லுகிறது:* 📖*“குமாரனை உடையவன் ஜீவனை (ZOE) உடையவன்.”* — *1 யோவான் 5:12* *இன்று நாம் நினைவில் கொள்ள வேண்டியது:* *இயேசுவின் உயிர்த்தெழுதல் நமக்கு நம்பிக்கை, புதிய தொடக்கம், மற்றும் நித்திய ஜீவன் கொடுக்கிறது.* 🙌 ஆகையால், உயிர்த்தெழுந்த ஆண்டவரை விசுவாசித்து, ZOE வாழ்க்கையில் நடந்து தேவனுடைய மகிமையை அனுபவிப்போம். 🙏 *ஜெபம்:* “உயிர்த்தெழுந்த ஆண்டவரே, உங்கள் உயிர்த்தெழுதல் சக்தி எங்கள் வாழ்க்கையில் செயல்படட்டும். பாவம், பயம், மரணம் எல்லாவற்றையும் ஜெயிக்கும் ZOE வாழ்க்கையை எங்களுக்கு அருளும். ஆமென்.” — ✍️*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்

🌿 *இன்றைய தேவ வார்த்தை* 🌿 📖 *தேவ வசனம்* *யோவான் 19:30* *“இயேசு அந்த காடியை பெற்றுக்கொண்டு:* *‘எல்லாம் முடிந்தது’ என்று சொல்லி, தலையை வளைத்து ஆவியை ஒப்புக்கொடுத்தார்.”* ✨*“எல்லாம் முடிந்தது”*– ஆழமான தியானம் *இயேசு சிலுவையில் சொன்ன இந்த வார்த்தை கிரேக்க மொழியில்* *Tetelestai (Τετέλεσται) என்று உள்ளது*. இந்த வார்த்தையின் அர்த்தம்: *“முழுமையாக நிறைவேறியது / பூரணமாக முடிந்தது / கடன் முழுவதும் செலுத்தப்பட்டது.”* பழைய காலத்தில் ஒரு மனிதன் கடனை முழுவதும் செலுத்தினால், ரசீதில் *Tetelestai என்று எழுதுவார்கள். அதாவது “Paid in Full – முழுக் கடன் செலுத்தப்பட்டது”* என்று அர்த்தம். இயேசு சிலுவையில் இந்த வார்த்தையைச் சொன்னபோது, மனிதகுலத்தின் பாவக் கடன் முழுவதும் அவருடைய இரத்தத்தால் செலுத்தப்பட்டது என்று அறிவித்தார். 📖 Colossians 2:14 “நமக்கெதிராக இருந்த கடன்பத்திரத்தை அவர் சிலுவையில் அறைந்து அகற்றினார்.” ✨ சிலுவையில் முடிந்தவை 1️⃣ பாவத்தின் கடன் முடிந்தது மனிதன் செய்த எல்லா பாவங்களுக்கும் இயேசு விலையாக தம்மை கொடுத்தார். 📖 Isaiah 53:5 *“நம்முடைய அக்கிரமங்களினிமித்தம் அவர் குத்தப்பட்டார்.”* 2️⃣ சாபத்தின் அதிகாரம் உடைந்தது 📖 Galatians 3:13 *“கிறிஸ்து நமக்காக சாபமாகி நம்மை நியாயப்பிரமாணத்தின் சாபத்திலிருந்து மீட்டார்.”* 3️⃣ சாத்தானின் அதிகாரம் தோற்கடிக்கப்பட்டது 📖 Colossians 2:15 *“அதிகாரங்களையும் ஆட்சிகளையும் அவர் வெட்கப்படுத்தி சிலுவையில் ஜெயித்தார்.”* 4️⃣ இரட்சிப்பின் வாசல் திறக்கப்பட்டது 📖 Hebrews 10:19 *“இயேசுவின் இரத்தத்தினாலே பரிசுத்தஸ்தலத்திற்குள் செல்ல தைரியம் பெற்றிருக்கிறோம்.”* 🙏 *தியானம்* “எல்லாம் முடிந்தது” என்பது தோல்வி வார்த்தை அல்ல. அது இரட்சிப்பின் வெற்றி அறிவிப்பு. இயேசு சிலுவையில் கூறியது: 👉 பாவத்தின் கடன் செலுத்தப்பட்டது 👉 சாபம் உடைக்கப்பட்டது 👉 சாத்தான் தோற்கடிக்கப்பட்டான் 👉 இரட்சிப்பு வழி திறக்கப்பட்டது ஆகையால் இன்று நாமும் விசுவாசத்தோடு சொல்லலாம்: *“கிறிஸ்துவின் சிலுவையினால் எனது வாழ்க்கையில் வெற்றி ஆரம்பமாகியுள்ளது.”* 📖 1 John 5:12 *“குமாரனை உடையவன் ஜீவனை உடையவன்.”* -- ✍️ *சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்

🌿 *இன்றைய தேவ வார்த்தை – புனித வெள்ளி தியானம்* 🌿 📖 *தேவ வசனம்* *“தேவன் உலகத்தை அப்படியே அன்புகூர்ந்ததால் தம்முடைய ஒரேபேறான குமாரனைத் தந்தருளினார்; அவர்மேல் விசுவாசமாயிருக்கும் யாவரும் கெட்டுப்போகாமல் நித்தியஜீவனை அடையும்படிக்கு.”* — *யோவான் 3:16* 📖 மேலும் *“நாம் இன்னும் பாவிகளாயிருந்தபோதே கிறிஸ்து நமக்காக மரித்ததினாலே, தேவன் நம்மீது வைத்திருக்கிற தமது அன்பை வெளிப்படுத்துகிறார்.”* — *ரோமர் 5:8* 🎙️ *செய்தி* புனித வெள்ளி என்பது வெறும் துக்க நாளல்ல; *அது தகப்பனின் அளவில்லாத அன்பு வெளிப்பட்ட நாள்.* மனிதன் பாவத்தில் விழுந்தபோது, அவன் தேவனிடமிருந்து தூரமானான். நீதியும் பரிசுத்தமும் உள்ள தேவனுக்கும் பாவமுள்ள மனிதனுக்கும் நடுவே பெரிய பிரிவு உருவானது. ஆனால் தேவன் மனிதனை விட்டுவிடவில்லை. தகப்பனின் அன்பு ஒரு தீர்மானம் எடுத்தது — *அந்த அன்பு இயேசுவை உலகத்திற்கு அனுப்பியது.* *சிலுவையில் இயேசு அனுபவித்த வேதனை ஒரு சாதாரண மரணம் அல்ல*. இன்று ஒரு நாள் மட்டும் நினைவு கூறப்பட வேண்டியதும் அல்ல, அது நம்முடைய பாவத்தின் தண்டனையை இயேசு கிறிஸ்து தம்மேல் ஏற்றுக்கொண்ட தருணம். வாழ்நாள் முழுவதும் நினைவு கூறவேண்டிய தியாகம். *முட்கிரீடம், அடிகள், இரத்தம், சிலுவை — இவை எல்லாம் தகப்பனின் அன்பின் மொழிகள்.* சிலுவை நமக்கு சொல்லும் மிகப் பெரிய உண்மை: 👉 தேவன் மனிதனை தண்டிக்க விரும்பவில்லை; மனிதனை மீட்க விரும்பினார். 👉 அதற்காகவே தன் குமாரனை அர்ப்பணித்தார். அதனால் தான் புனித வெள்ளி நமக்கு ஒரு நினைவூட்டல்: - நாம் அன்பால் வாங்கப்பட்டவர்கள் - நாம் இரத்தத்தால் மீட்கப்பட்டவர்கள் - நாம் கைவிடப்பட்டவர்கள் அல்ல இன்று சிலுவையை நோக்கி பார்க்கும் ஒவ்வொருவரும் ஒரு உண்மையை உணர வேண்டும்: *“இது என் பாவத்திற்காகவும், என் இரட்சிப்பிற்காகவும் நடந்தது.”* சிலுவையில் சிந்தப்பட்ட அந்த இரத்தம் இன்று வரை சொல்லிக்கொண்டே இருக்கிறது: *“தகப்பன் உங்களை இன்னும் அன்புகூர்கிறார்.”* 🙏 *ஜெபம்* பரலோகத் தகப்பனே, நம்மை அன்புகூர்ந்து உமது குமாரனை நமக்காக அர்ப்பணித்த உமது அளவில்லாத கிருபைக்காக நன்றி. சிலுவையின் அர்த்தத்தை உணர்ந்து உம்முடைய அன்பில் வாழும் கிருபையை எங்களுக்கு தாரும். ஆமேன். ✝️ *புனித வெள்ளியின் உண்மை:* சிலுவை என்பது தேவனின் கோபம் அல்ல — தேவனின் அன்பின் உச்சம். -- ✍️*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்

🌿 *இன்றைய தேவ வார்த்தை* 🌿 📖 *தேவ வசனம்* *“கர்த்தர் உங்களைச் சகல ஜனங்களிலும் அதிகமானவர்கள் என்பதற்காக உங்கள்மேல் அன்பு வைத்து உங்களைத் தெரிந்துகொள்ளவில்லை; நீங்கள் எல்லா ஜனங்களிலும் மிகச் சிறியவர்களாயிருந்தீர்கள். ஆனால் கர்த்தர் உங்கள்மேல் அன்பு கூர்ந்ததினாலும், உங்கள் பிதாக்களுக்கு அவர் செய்த சத்தியத்தை காக்கும்படியும், பலமான கரத்தினால் உங்களை வெளியே கொண்டு வந்து அடிமைத்தனத்தின் வீட்டிலிருந்தும் எகிப்து ராஜாவாகிய பார்வோனின் கையிலிருந்தும் உங்களை மீட்டார்.”* — *உபாகமம் 7:7–8* 🎙️ *செய்தி* அன்பானவர்களே, இந்த வசனம் தேவன் மனிதரைத் தேர்ந்தெடுப்பது மனிதரின் பெருமை, சக்தி அல்லது எண்ணிக்கையைப் பார்த்து அல்ல என்பதை நமக்கு நினைவூட்டுகிறது. இஸ்ரவேல் ஜனங்கள் மற்ற ஜாதிகளை விட பெரியவர்களாக இருந்ததால் தேவன் அவர்களைத் தேர்ந்தெடுக்கவில்லை. *அவர்கள் சிறியவர்களாக இருந்தபோதும் தேவன் அவர்களை அன்பினால் தேர்ந்தெடுத்தார்.* அதேபோல் இன்று உங்கள் வாழ்க்கையிலும் *தேவன் உங்களைத் தேர்ந்தெடுத்தது உங்கள் திறமையினால் அல்ல, அவருடைய அன்பினால்தான்.* மனிதர்கள் உங்களை மதிக்காமல் இருக்கலாம், உங்கள் சூழ்நிலை சிறியதாகத் தோன்றலாம், ஆனால் தேவன் உங்களை அறிந்திருக்கிறார், நேசிக்கிறார், தன்னுடைய ஜனமாக அழைத்திருக்கிறார். *நீங்கள் தேவனுக்குப் பிரியமானவர்.* *அவருடைய அன்பு உங்கள் வாழ்க்கையை மாற்றும் சக்தி கொண்டது.* *அவர் தேர்ந்தெடுத்தவர்களை ஒருபோதும் கைவிடமாட்டார்.* இன்று உங்கள் இதயத்தில் உறுதியாக நினைவில் கொள்ளுங்கள்: *“தேவன் என்னை அன்பினால் தேர்ந்தெடுத்தார்.”* ✨ தேவன் உங்களை நேசிக்கிறார், அவர் உங்களை ஒரு நோக்கத்திற்காகத் தேர்ந்தெடுத்திருக்கிறார். — ✍️*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்

🌿 *இன்றைய தேவ வார்த்தை* 🌿 📖 *தேவ வசனம்* *“உன் தேவனாகிய கர்த்தர் நீ செய்த எல்லா கிரியைகளிலும் உன்னை ஆசீர்வதித்தார்; இந்தப் பெரிய வனாந்தரத்தில் நீ நடந்ததை அவர் அறிந்தார்; இந்த நாற்பது ஆண்டுகளாக உன் தேவனாகிய கர்த்தர் உன்னோடிருந்தார்; உனக்கு எதுவும் குறைவாயிருக்கவில்லை.”* — *உபாகமம் 2:7* 🎙️ *செய்தி* அன்பானவர்களே, இந்த வசனம் நமக்கு ஒரு ஆழமான உண்மையை நினைவூட்டுகிறது — *தேவன் நம்மை ஒருபோதும் மறந்துவிடமாட்டார்.* இஸ்ரவேல் ஜனங்கள் வனாந்தரத்தில் சுற்றித் திரிந்தார்கள். மனிதரின் பார்வையில் அது வீணான காலமாக தோன்றலாம். ஆனால் *தேவனின் பார்வையில் அது தயாரிப்பு காலம்.* 👉 நீங்கள் கடந்த பாதையை தேவன் அறிந்திருக்கிறார் 👉 உங்கள் போராட்டங்களை தேவன் பார்த்திருக்கிறார் 👉 நீங்கள் அனுபவித்த கஷ்டங்களில் கூட அவர் உங்களோடு இருந்தார் *“உனக்கு எதுவும் குறைவாயிருக்கவில்லை”* — இது ஒரு சாதாரண வாக்கியம் அல்ல, இது தேவனின் சாட்சியம்! இன்று நீங்கள் நினைக்கலாம்: *“என் வாழ்க்கையில் இன்னும் பல குறைகள் இருக்கிறது…”* ஆனால் தேவன் சொல்லுகிறார்: 👉 நான் உன்னை நடத்தினேன் 👉 நான் உன்னை காத்தேன் 👉 நான் உன்னை விட்டுவிடவில்லை நீங்கள் சந்தித்த ஒவ்வொரு சோதனையும், உங்கள் விசுவாசத்தை வளர்க்க தேவன் அனுமதித்தது. ✨ ஆகையால், இன்று மனம் தளர வேண்டாம் ✨ உங்கள் வாழ்க்கை வீணாகவில்லை ✨ தேவன் இன்னும் உங்களோடு இருக்கிறார் 🙏 *ஜெபம்* கர்த்தாவே, நாங்கள் கடந்த பாதையை நீர் அறிந்திருக்கிறீர். எங்களின் வாழ்க்கையில் எதுவும் குறையாமல் நீர் காத்ததற்கு நன்றி. இனிமேலும் எங்களை வழிநடத்தும் கிருபையை தாரும். இயேசு கிறிஸ்துவின் நாமத்தில் ஜெபிக்கிறோம், ஆமேன். -- ✍️ *சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்