അമേരിക്കൻ രാഷ്ട്രീയത്തോടുള്ള വെറുപ്പ്, ഉയർന്ന ജീവിതച്ചെലവ്; രാജ്യം വിടാൻ ഒരുങ്ങി അമേരക്കയിലെ ഇന്ത്യക്കാർ
ᚙᚙᚙᚙᚙᚙᚙᚙᚙᚙᚙᚙᚙᚙᚙ
അമേരിക്കയെന്നത് കഴിഞ്ഞ കുറേ നാളുകളായി മിക്ക ഇന്ത്യക്കാരുടേയും സ്വപ്നരാജ്യമായിരുന്നു. ടെക് മേഖലയിലേയും മറ്റ് പ്രഫഷണലുകളേടേയും ഇഷ്ട രാജ്യമായ അമേരിക്കയിൽ ഏകദേശം 52 ലക്ഷം ഇന്ത്യക്കാരാണുള്ളത്. എന്നാൽ ഈ അടുത്ത് നടത്തിയ ഒരു സർവേയിൽ ഇന്ത്യക്കാരായ അമേരിക്കക്കാർ രാജ്യം വിടാൻ ഒരുങ്ങുന്നു എന്നാണ് റിപ്പോർട്ട് ചെയ്തിട്ടുള്ളത്. അമേരിക്കയിൽ ട്രംപിൻ്റെ നിലപാടുകൾ പലരേയും വെറുപ്പിക്കുന്നുവെന്നാണ് റിപ്പോർട്ടുകൾ ചൂണ്ടിക്കാണിക്കുന്നത്. അമേരിക്ക, അമേരിക്കക്കാർക്ക് വേണ്ടിയുള്ളതാണെന്നുൾപ്പെടെയുള്ള ട്രംപിൻ്റെ വാക്കുകൾ ഇന്ത്യക്കാരേയും മറ്റ് രാജ്യക്കാരേയും വിഷമിപ്പിച്ചിട്ടുണ്ടെന്നും ചിലർ പറയുന്നു. ഇതിന് പുറമെ ഉയർന്ന് ജീവിത ചെലവാണ് അമേരിക്കയിൽ നിന്നും ഇന്ത്യക്കാരെ പിന്നോട്ടടിപ്പിക്കാനുള്ള മറ്റൊരു കാരണം. അമേരിക്കയിലെ ഉയർന്ന നികുതി നിരക്കും വാടകയും നിത്യോപയോഗ സാധനങ്ങളുടെ വില വർധനവും താങ്ങാൻ കഴിയുന്നില്ലെന്നും ജനങ്ങൾ പറയുന്നു. അമേരിക്കയിലെ ആകെ ഇന്ത്യക്കാരുടെ 58 ശതമാനവും അമേരിക്കൻ രാഷ്ട്രീയത്തോടുള്ള അതൃപ്തി ചൂണ്ടിക്കാട്ടുന്നുണ്ട്. സർവേയിൽ പങ്കെടുത്തവരിൽ 14 ശതമാനവും അമേരിക്ക വിട്ട് പോകുന്നതിനെപ്പറ്റി നിരന്തരം ചിന്തിക്കാറുള്ളവരാണെന്ന് പറയുന്നു. 26 ശതമാനം പേരും എപ്പോഴെങ്കിലും അമേരിക്ക വിടുന്നതിനെപ്പറ്റി ചിന്തിച്ചിട്ടുള്ളവരാണ്. അമേരിക്ക വിട്ട് ഇന്ത്യയിലേക്ക് മടങ്ങാനോ താരതമ്യേന ജീവത ചെലവ് കുറഞ്ഞ മറ്റേതെങ്കിലും രാജ്യത്തേക്ക് മാറാനെ ആണ് പലരും ചിന്തിക്കുന്നത്.
𝄃𝄂𝄂𝄀𝄁𝄃𝄂𝄂𝄃𝄃𝄃𝄂𝄂𝄀𝄁𝄃𝄂𝄂𝄃𝄃𝄃𝄂𝄂𝄀𝄁𝄃𝄂𝄂𝄃
#ഫ്ലാഷ് ന്യൂസ് 📯📯📯 #ഇന്നത്തെ പ്രധാന വാർത്തകൾ #NEWS TODAY💢💢💢 #ഇന്ത്യക്കാർ അമേരിക്ക വിടുന്നു