🚜ખેડૂત અધિકાર ટ્રેક્ટર રેલી

#🚜ખેડૂત અધિકાર ટ્રેક્ટર રેલી #Amdavad update #🔥 બિગ અપડેટ્સ #📃📰 એકદમ તાજા સમાચાર📰📝 #👀 વાયરલ સ્ટોરી અપડેટ 🎬

#🚜ખેડૂત અધિકાર ટ્રેક્ટર રેલી, ગુજરાતમાં ખેડૂતોના પ્રશ્નોને કેન્દ્રમાં રાખીને આજે કોંગ્રેસ અને વિવિધ ખેડૂત સંગઠનો દ્વારા વિશાળ સ્તરે ખેડૂત અધિકાર ટ્રેક્ટર યાત્રાનું આયોજન કરવામાં આવ્યું છે. અમદાવાદના શાંતિપુરા સર્કલથી શરૂ થયેલી આ યાત્રા ગાંધીનગર તરફ આગળ વધવાની હતી, જેમાં રાજ્યના વિવિધ જિલ્લાઓમાંથી મોટી સંખ્યામાં ખેડૂતો ટ્રેક્ટર સાથે જોડાયા છે.કોંગ્રેસે આ યાત્રાને ખેડૂતોના અધિકારો અને તેમની સમસ્યાઓને સરકાર સુધી પહોંચાડવા માટેનું મહત્વપૂર્ણ અભિયાન ગણાવ્યું છે. આંદોલનકારીઓના જણાવ્યા અનુસાર હાલની નીતિઓના કારણે ખેડૂતો આર્થિક અને સામાજિક રીતે મુશ્કેલી અનુભવી રહ્યા છે. સરકારના આયોજન અને જમીન સંબંધિત નિર્ણયો અંગે અસંતોષ વ્યક્ત કરીને ખેડૂત સંગઠનોએ દાવો કર્યો છે કે,ખેડૂતોના હિતોને પૂરતું મહત્વ આપવામાં આવતું નથી.કોંગ્રેસ અને કિસાન સંગઠનોના સંયુક્ત નેજા હેઠળ યોજાયેલી આ યાત્રામાં અંદાજે 20થી વધુ ખેડૂત સંગઠનો સહભાગી બન્યા છે. આયોજન મુજબ ટ્રેક્ટર રેલી શાંતિપુરાથી આગળ વધીને ગાંધીનગર સુધી પહોંચવાની હતી, જોકે ગાંધીનગર સુધી સીધી મંજૂરી ન મળતા કાર્યક્રમને લઈને રાજકીય ચર્ચા તેજ બની છે.ખેડૂતો દ્વારા સરકાર સમક્ષ વિવિધ માંગણીઓ રજૂ કરવાની તૈયારી દર્શાવવામાં આવી છે. તેમાં કૃષિ દેવા અંગે રાહત, ખેતી માટે વીજળી સંબંધિત મુદ્દાઓ, જમીન અધિગ્રહણ પ્રક્રિયામાં પારદર્શિતા તેમજ ખેતી ઉત્પાદનને યોગ્ય ટેકાના ભાવે ખરીદી જેવા મુદ્દાઓ મુખ્ય ગણાવવામાં આવ્યા છે. ખેડૂત સંગઠનોનું કહેવું છે કે જો આ પ્રશ્નોનું યોગ્ય નિરાકરણ નહીં આવે તો આગામી સમયમાં વધુ વ્યાપક આંદોલન થઈ શકે છે.યાત્રા દરમિયાન અનેક વિસ્તારોમાંથી ખેડૂતો પોતાના પ્રતીકાત્મક સંદેશા સાથે પહોંચ્યા હતા. મોરબીથી આવેલા એક ખેડૂત હળ સાથે યાત્રામાં જોડાયા હતા અને તેમના વાહન પર ખેડૂતોના સશક્તિકરણને દર્શાવતા સંદેશાઓ પણ પ્રદર્શિત કરાયા હતા, જે લોકોનું ધ્યાન આકર્ષિત કરી રહ્યા હતા.આંદોલન દરમિયાન કોંગ્રેસના આગેવાનોએ સરકાર પર ખેડૂતોની સમસ્યાઓ પ્રત્યે ગંભીરતા ન દાખવવાનો આરોપ લગાવ્યો હતો. નેતાઓએ જણાવ્યું હતું કે, ખેડૂતોને પોતાની વાત રજૂ કરવાનો બંધારણીય અધિકાર છે અને શાંતિપૂર્ણ રીતે માંગણીઓ રજૂ કરવી લોકશાહી પ્રક્રિયાનો ભાગ છે.વિપક્ષી રાજકીય સમર્થન પણ આ યાત્રાને મળ્યું છે. આમ આદમી પાર્ટીના કેટલાક નેતાઓએ ખેડૂતોના પ્રશ્નોને લઈને સમર્થન જાહેર કર્યું છે અને ખેડૂતોની માંગણીઓના નિરાકરણ સુધી સાથે રહેવાનો સંદેશ આપ્યો છે. રેલી દરમિયાન સરકાર અને ખેડૂત પ્રતિનિધિઓ વચ્ચે ચર્ચાની શક્યતાઓ અંગે પણ સંકેતો આપવામાં આવ્યા હતા. ખેડૂત આગેવાનોનું કહેવું છે કે, તેઓ સરકાર સાથે સંવાદ માટે તૈયાર છે પરંતુ ખેડૂતોના હિતોના મુદ્દે સમાધાન નહીં કરવામાં આવે. #📽 લેટેસ્ટ અપડેટ વીડિયો #👨‍🌾 ખેડૂત #🔥 બિગ અપડેટ્સ #🗞️ ગુજરાત અપડેટ્સ

#🚜ખેડૂત અધિકાર ટ્રેક્ટર રેલી, ખેડૂતોના જણાવ્યા મુજબ વીજ કંપનીઓની મનમાની, જમીન અધિગ્રહણ, દેવા માફી, પાક વીમો, મફત વીજળી અને પાકના પોષણક્ષમ ભાવ સહિતના અનેક પ્રશ્નોને લઈને આ રેલી યોજવામાં આવી છે. ખેડૂતોનો આરોપ છે કે અનેક વિસ્તારોમાં મંજૂરી અને યોગ્ય પ્રક્રિયા વિના ખેતરોમાં હેવી વીજપોલ અને વીજ ટાવર ઊભા કરવામાં આવી રહ્યા છે, જેના કારણે ખેતીની જમીનને નુકસાન થઈ રહ્યું છે.ખેડૂત આગેવાનોનું કહેવું છે કે વીજલાઈનના કામ દરમિયાન જમીનનો ઉપયોગ કરવામાં આવે છે પરંતુ તેના બદલામાં ખેડૂતોને યોગ્ય વળતર મળતું નથી. આ મુદ્દે સરકાર અને સંબંધિત કંપનીઓ સામે ખેડૂતોમાં ભારે રોષ જોવા મળી રહ્યો છે. ખેડૂતોની માગ છે કે જમીનના ઉપયોગ બદલ યોગ્ય વળતર ચૂકવવામાં આવે તેમજ ખેતી અને પશુપાલન ક્ષેત્રને વધુ સહાય આપવામાં આવે.રેલીમાં જોડાયેલા સંગઠનોએ ખેડૂતોને મફત વીજળી, દેવા માફી, પાકના યોગ્ય ભાવ, પાક વીમાની અસરકારક અમલવારી તેમજ પશુપાલકોને દૂધના ભાવમાં વધારો આપવાની માગ પણ ઉઠાવી છે. ઉપરાંત નકલી બિયારણ અને ખાતરના સતત વધી રહેલા ભાવના મુદ્દે પણ સરકારનું ધ્યાન દોરવાનો પ્રયાસ કરવામાં આવ્યો છે. #🗞️ ગુજરાત અપડેટ્સ #👨‍🌾 ખેડૂત #📽 લેટેસ્ટ અપડેટ વીડિયો #🔥 બિગ અપડેટ્સ

#🚜ખેડૂત અધિકાર ટ્રેક્ટર રેલી, ખેતરોમાં જબરદસ્તી હાઈટેન્શન લાઈન નાખવાનો ઉગ્ર વિરોધ: ખેડુતોના દેવા માફ કરવાની માંગણી, રાજ્યભરના ખેડુતો ઉમટ્યા ખેતરોમાં જબરજસ્તી સાથે નાખવામાં આવી રહેલી હાઈટેન્શન વીજ લાઈનના વિરોધમાં આજે ગાંધીનગરમાં કોંગ્રેસ દ્વારા વિશાળ ખેડુત સત્યાગ્રહ ટ્રેક્ટર રેલીનુ આયોજન કરવામાં આવ્યું છે. રાજ્યભરના ખેડુતો પાટનગર ખાતે ઉમટ્યા છે. કિસાન કોંગ્રેસ-કિસાન સંઘર્ષ સમિતિના સંયુક્ત નેજા હેઠળ ખેડુત અધિકાર ટ્રેક્ટર રેલી સવારે 11 કલાકે ખેડુતો શાંતિપુરા સર્કલથી કુચ કરીને ગાંધીનગર ખાતે 1111 ટ્રેક્ટરો સાથે એકઠા થશે. ટ્રેક્ટર માર્ચ રાજ્યની રાજધાની તરફ આગળ વધી હતી અને સરકાર સમક્ષ ખેડુતોની માંગણીઓ સીધી રજૂ કરી હતી. રેલીમાં એઆઈસીસી સેવાદળના અધ્યક્ષ લાલજીભાઈ દેસાઈ, પાલભાઈ આંબલિયા, જયેશભાઈ પટેલ, મહેશભાઈ રાજકોટીયા, પ્રદેશ કોંગ્રેસના કાર્યકારી જિગ્નેશભાઈ મેવાણી સહિતના મહાનુભાવો યાત્રાના સંકલન અને આયોજનમાં મહત્વપુર્ણ જવાબદારી સંભાળી રહ્યા છેખેડૂત સત્યાગ્રહ ટ્રેક્ટર રેલી ગુજરાત કિસાન કોંગ્રેસ અને કિસાન સંઘર્ષ સમિતિ દ્વારા સંયુક્ત રીતે આયોજિત કરવામાં આવી રહી છે, જે ભાજપ સરકારની ખેડૂત વિરોધી નીતિઓ સામે વિરોધ પ્રદર્શિત કરવા માટે છે. રાજ્યના વિવિધ વિસ્તારોમાંથી ખેડૂતો મોટી સંખ્યામાં ભાગ લેશે. સરકાર કહે છે જગતનો તાત પરંતુ તેને અવારનવાર પડે છે સરકારની લાત. સરકારની આયોજન વગરની નીતિના કારણે ખેડૂત પિસાઈ રહ્યા છે. ગુજરાત સરકારના મિનિસ્ટર આઈએએસ અને આઈપીએસ ઓફિસરો બળજબરીથી ખેડૂતોના ખેતરમાં કંપનીની લાઈનો નખાવી રહ્યા છે. ખેડૂતો શાંતિપુરા સર્કલથી કુચ કરીને ખેડૂત સત્યાગ્રહ ટ્રેક્ટર રેલી ગાંધીનગર ખાતે 1111 ટ્રેક્ટરો સાથે એકઠા થયા હતાં. ટ્રેક્ટર માર્ચ રાજ્યની રાજધાની તરફ આગળ વધી હતી અને સરકાર સમક્ષ ખેડૂતોની માંગણીઓ સીધી રજૂ કરી હતી. આ આંદોલન સંપૂર્ણપણે શાંતિપૂર્ણ અને લોકતાંત્રિક છે. મુખ્ય માંગણીઓ ગુજરાતના 56 લાખ ખેડૂતો પરના 96,000 કરોડ ના ખેતી દેવાની સંપૂર્ણ માફી, અન્ય રાજ્યોની જેમ. અન્ય રાજ્યોમાં આપવામાં આવતી સુવિધાઓની જેમ ખેતી માટે મફત વીજળી. જમીન માપણી અને કાપણી બંધ કરો. ખેડુતોને ન્યાય આપો. ખેડુતોની ખેત પેદાશો અને દૂધના પોષણક્ષમ ભાવો આપો, ખાતર-બીયારણ-ડીઝલ-જંતુનાશક દવા સહિત પૂરતા પ્રમાણમાં વ્યાજબી ભાવમાં ઉપલબ્ધ કરાવો. #📽 લેટેસ્ટ અપડેટ વીડિયો #👨‍🌾 ખેડૂત #🗞️ ગુજરાત અપડેટ્સ #🔥 બિગ અપડેટ્સ

#🚜ખેડૂત અધિકાર ટ્રેક્ટર રેલી, રાજ્યભરના ખેડૂતોના પ્રશ્નોને વાચા આપવા માટે આજે કોંગ્રેસ અને કિસાન સંઘર્ષ સમિતિના નેજા હેઠળ સંયુક્ત ઉપક્રમે ‘ખેડૂત અધિકાર ટ્રેક્ટર યાત્રા’નું આયોજન કરવામાં આવ્યું છે. અમદાવાદના શાંતિપુરા સર્કલથી પ્રારંભ થયેલી આ યાત્રા ગાંધીનગર તરફ કૂચ કરી રહી છે. આ યાત્રામાં ગુજરાતના વિવિધ વિસ્તારોમાંથી મોટી સંખ્યામાં ખેડૂતો પોતાના ટ્રેક્ટર સાથે જોડાયા હતા અને સરકાર સમક્ષ પોતાની માંગણીઓ રજૂ કરી હતી. તાજેતરના દિવસોમાં મોરબી જિલ્લાના જેતપર ગામ અને સુરેન્દ્રનગર જિલ્લાના કોંઢ ગામ સહિતના વિસ્તારોમાં ખાનગી કંપનીઓ દ્વારા ખેતરોમાં વીજ ટ્રાન્સમિશન લાઇનના થાંભલા ઊભા કરવાની કામગીરીને લઈને ખેડૂતોમાં ભારે અસંતોષ જોવા મળ્યો છે. આ મુદ્દે અનેક સ્થળોએ વિરોધ પ્રદર્શન અને તણાવની સ્થિતિ પણ સર્જાઈ હતી.ખેડૂતોના કહેવા મુજબ, કંપની દ્વારા કોઈપણ પ્રકારનું વળતર ચુકવણી કરવામાં આવ્યું નથી અને ખેતરોમાં આડેધડ ખોદકામ કરવામાં આવી રહ્યું છે. જો ખેડૂતો ખોદકામ કરવાની ના પાડે અને થાંભલા ઉભી કરવાની ના પાડે તો પોલીસનો ઉપયોગ કરીને આ કામગીરી આગળ વધારવામાં આવી રહી છે. બીજી તરફ ખેડૂતોને પોતાના ખેતરો સુધી પોલીસ દ્વારા બંદોબસ્ત ગોઠવીને પ્રવેશ આપવા દેવામાં આવી રહ્યો નથી. જેને લઈને હવે ખેડૂતો ગાંધીનગર તરફ આગેકૂચ કરવા માટે નીકળી ચૂક્યા છે. #🔥 બિગ અપડેટ્સ #📽 લેટેસ્ટ અપડેટ વીડિયો #👨‍🌾 ખેડૂત #🗞️ ગુજરાત અપડેટ્સ

#🚜ખેડૂત અધિકાર ટ્રેક્ટર રેલી, ગુજરાતના ખેડૂતો આજે કાંઈ નવાજૂની કરવાના મૂડમાં હોય તેમ વિવિધ જિલ્લાઓમાંથી અમદાવાદના શાંતિપુરા સર્કલ ખાતે પહોંચી ગયા છે. ખેડૂતોના અધિકાર માટે આજે ટ્રેક્ટર યાત્રા યોજવામાં આવી છે. જેમાં મોટી સંખ્યામાં ગુજરાતના ખેડૂતોએ ભાગ લીધો છે. ગુજરાતના તમામ તમામ જિલ્લાઓમાંથી 1,111 ટ્રેક્ટર સાથે ગાંધીનગર પહોંચવાનો દાવો હાલ તો કરવામાં આવી રહ્યો છે. આ ટ્રેક્ટર રેલી વિરમગામથી નીકળી શાંતીપુરા સર્કલ થઈ ઓગણજ સભા સ્થળે પહોંચવાની છે. તો બીજી બાજુ અમદાવાદથી ગાંધીનગરમાં પોલીસનો બંદોબસ્ત ગોઠવવામાં આવ્યો છે. નોંધનીય છે કે, પોલીસે ખેડૂતોની રેલીને ઓગણજ સુધીની જ મંજૂરી આપી છે.ખેડૂતોની રેલીને પગલે અમદાવાદ અને ગાંધીનગરના પોલીસ એલર્ટ મોડ પર આવી ગયા છે. ગાંધીનગર કૂચ એલાન લઈને પોલીસનો ચુસ્ત પોલીસ બંદોબસ્ત ખડકી દેવામાં આવ્યો છે. શહેરના વૈષ્ણોદેવી સર્કલ પાસે ચુસ્ત પોલીસ બંદોબસ્ત ગોઠવાયો છે. SP, PI તેમજ PSI સહિતના પોલીસ જવાનો બંદોબસ્તમાં તૈનાત કરવામાં આવ્યા છે. 50થી વધુ પોલીસ જવાનો બંદોબસ્તમાં તૈનાત છે. ગાંધીનગરના મુખ્ય માર્ગો પર પણ ચુસ્ત પોલીસ બંદોબસ્ત જોવા મળી રહ્યો છે. ગાંધીનગરના સેક્ટર-30 સર્કલ સહિતના વિસ્તારોમાં પોલીસનો કડક પહેરો ગોઠવવામાં આવ્યો છે. ખેડૂતોની રેલીને પગલે સુરક્ષા એજન્સીઓ સતર્ક થઈ ગઈ છે.આ રેલીમાં જોડાયેલા ખેડૂતોએ પોતાની વ્યથા જણાવતા કહ્યુ કે, "અમે વિકાસની સાથે છીએ પણ અમને યોગ્ય વળતર નથી મળી રહ્યું. અમારી મંજૂરી વગર જ અમારી જમીનોમાં કંપનીઓ ઘૂસી જાય છે. આ સાથે તેમણે એવા પણ આક્ષેપ કર્યા છે કે, પોલીસને ભાડે રાખીને ખેડૂતોને ડરાવવામાં આવે છે. આ રેલી સરકારને એક અલ્ટીમેટમ છે કે હજીપણ ખેડૂતોની વાત સાંભળો."ખેતીની જમીનોમાંથી પસાર થતી હાઈ-વોલ્ટેજ વીજ લાઈનો, જમીન સંપાદન સામે મળતું અપૂરતું વળતર અને ખેડૂતોના અન્ય પ્રશ્નોને લઈને રાજ્યભરના ખેડૂતો આજે ગાંધીનગર તરફ કૂચ કરી રહ્યા છે. ખેડૂત સંગઠનોના નેજા હેઠળ યોજાનારી આ રેલીમાં 1111 ટ્રેક્ટરો જોડાવાનો દાવો કરવામાં આવ્યો છે, જેને પગલે અમદાવાદ અને ગાંધીનગરમાં તંત્ર એલર્ટ મોડમાં આવી ગયું છે. મળતી માહિતી પ્રમાણે, રાજ્યના વિવિધ જિલ્લાઓમાંથી ખેડૂતો આજે સવારે અમદાવાદના શાંતિપુરા સર્કલ ખાતે એકત્ર થયા છે. ત્યાંથી ટ્રેક્ટર રેલી ગાંધીનગર તરફ પ્રસ્થાન કરશે. મોટી સંખ્યામાં ખેડૂતો અને ટ્રેક્ટરો જોડાવાની સંભાવનાને ધ્યાનમાં રાખીને પોલીસ અને ટ્રાફિક તંત્ર દ્વારા વિશેષ વ્યવસ્થા ગોઠવવામાં આવી છે. #🔥 બિગ અપડેટ્સ #📽 લેટેસ્ટ અપડેટ વીડિયો #🗞️ ગુજરાત અપડેટ્સ #👨‍🌾 ખેડૂત