🗞देवेंद्र फडणवीस

राष्ट्रवादीचे बंडखोर नेते अजित पवार यांनी उपमुख्यमंत्री पदाचा राजीनामा दिल्यानंतर आता देवेंद्र फडणवीस यांनीदेखील मुख्यमंत्री पदाचा राजीनामा दिला आहे. पत्रकार परिषदेतून आपण राजीनामा देत असल्याची माहिती फडणवीसांनी दिली आहे. राष्ट्रवादीतील दिग्गज नेत्यांसह पवार कुटुंबातील अनेक सदस्यांनी समजूत काढल्यानंतर अखेर अजित पवार यांनी आपल्या पदाचा राजीनामा दिला. त्यानंतर आता फडणवीसांही मुख्यमंत्री पदाचा राजीनामा दिला आहे.

सुप्रीम कोर्टाने उद्याच खुल्या पद्धतीने बहुमत चाचणी घेण्याचा निर्णय घेतला आणि त्यानंतर बाजी पलटली. कोर्टाच्या या निकालानंतर मात्र देवेंद्र फडणवीस आणि अजित पवार यांची बहुमत चाचणीला सामोरं जाण्याची तयारी दिसली नाही.