#🔴Mumbai-Pune एक्स्प्रेस वे उद्यापासून 2 दिवस बंद🛣️
मुंबई–पुणे एक्सप्रेसवेवर दोन दिवस वाहतूक बंद; पर्यायी मार्ग कोणते?
गुरुवारी दुपारी मुंबईकडे जाणारी वाहने किवळे आणि देहूरोड मार्गे तळेगाववरून राष्ट्रीय महामार्ग ४८ वर वळवून पुन्हा कुसगाव टोल नाक्यावरून मुख्य मार्गावर येतील. तसेच, शुक्रवारी पुण्याकडे येणारी वाहतूक कुसगाव टोल प्लाझावरून जुन्या हायवेवर वळवली जाईल आणि पुन्हा किवळेमार्गे पुण्यात प्रवेश करेल. या मार्गावरील वाहतूक कोंडी टाळण्यासाठी वाहनचालकांनी पर्यायी मार्गांचा जास्तीत जास्त वापर करावा.
यशवंतराव चव्हाण मुंबई-पुणे द्रुतगती मार्गावरून प्रवास करणाऱ्या वाहनचालकांसाठी एक अत्यंत महत्त्वाची सूचना आहे. डोंगरगाव आणि कुसगाव परिसरातील एका नवीन पुलाच्या रंगकामासाठी आणि शटरिंग काढण्याच्या तांत्रिक प्रक्रियेसाठी महाराष्ट्र राज्य रस्ते विकास महामंडळाने दोन दिवसांचा विशेष ट्रॅफिक ब्लॉक जाहीर केला आहे. या तांत्रिक कामामुळे महामार्गावरील वाहतूक काही ठराविक तासांसाठी पूर्णपणे थांबवली जाणार आहे.महाराष्ट्र राज्य रस्ते विकास महामंडळाने दिलेल्या माहितीनुसार, गुरुवारी (२३ एप्रिल) आणि शुक्रवारी (२४ एप्रिल) या दोन दिवसांत दुपारी १२ ते ३ या वेळेत महामार्गावर कामे केली जातील. किमी ५८/५०० जवळ पुलाचे काम सुरू असल्यामुळे सुरक्षिततेचा उपाय म्हणून हा तीन तासांचा ब्लॉक घेण्यात येणार आहे. या कालावधीत मुंबई आणि पुण्याकडे जाणारी अवजड व हलकी वाहने महामार्गावर थांबवून ती पर्यायी रस्त्यांकडे वळवली जाणार आहेत.
#🔴आजचे ताजे अपडेट्स📰 #ताज्या बातम्या . #ब्रेकिंग न्यूज #1️⃣महाराष्ट्र अपडेट्स