పూజ విధానంలో అంతరార్థం
___________________________________________
1) గంటలు :---- పూజ సమయంలో బయట శబ్దాలు లోపలికి ప్రవేశించకుండా తద్వారా మనస్సును దేవుని మీదకు ఏకాగ్రత మళ్ళించడంలో తోడ్పడుతుంది.
___________________________________________
2) దీప హారతి :----- దీపాన్ని వెలిగించి దేవుని విగ్రహం ముందు తిప్పడం , దీనిలోని అంతరార్థం ఏమిటంటే దైవాన్ని జ్యోతి స్వరూపంగా భావించడం..స్వామి !! నీ దివ్య కాంతిచే మాలోని చీకటిని తొలగించి మంచి బుద్ధిని ప్రభావితం చేయండి...అని ... వేడుకొనటం...
___________________________________________
3) ధూపం :------ భగవంతుని ముందు పరిమళాలు వెదజల్లే అగరు వత్తులను వెలిగిస్తాం. వీటి సువాసనలు అన్ని దిక్కులా వ్యాపిస్తాయి. అలాగే భగవంతుడు విశ్వమంతా నిండి ఉన్నాడు అన్న భావన అందరిలో కలుగుతుందనే ఉద్దేశ్యం.
___________________________________________
4) కర్పూరహరతి :---- వ్యక్తిగతమైన అహంకారం కర్పూరం వలే కరిగిపోవాలని ఈ హారతి అంతరార్థం. జీవాత్మ పరమాత్మతో ఐక్యం కావాలని దీని ఉద్దేశ్యం.
___________________________________________
5) గంధపు సేవ:------- ఈ సేవలో చాలా అర్ధం ఉంది. భగవంతుని విగ్రహానికి పూయడానికి లేదా చల్లడానికి గంధాన్ని మెత్తగా నూరి శ్రమతో తయారు చేస్తారు. గంధం ఓర్పుకి చిహ్నం. ఎంతో కష్టపడి ఓర్పుతో గంధం చెక్కను అరగదీసి దానిని ఒక చిన్న గిన్నె లో తీసుకుని ..ఆ సుగంధ పరిమళ గంధాన్ని దేవునికి పూస్తారు లేదా చల్లుతారు. అందులో ఉన్న మంచి పరిమళం ఆహ్లాదాన్ని కలిగిస్తుంది మనస్సుకు. ఆ విధంగా ఎన్ని కష్టాలు వచ్చినా కూడా చలించకుండా ఓర్పుతో కష్టాలను చిరునవ్వుతో స్వీకరిస్తాడు. ఏ పరిస్థితులలో కూడా శత్రువుకు అపకారం తలపెట్టకూడదు..ఇదే దీని అంతరార్థం.
__________________________________________.
6) పూజ :----- దేవునికి పత్రం , పుష్పం , ఫలం , తోయం అనే వాటిని భక్తులు పూజలో సమర్పిస్తారు. కానీ భగవంతుడు ఇవేమీ కోరడు . భక్తుని నిర్మలమైన మనస్సుతో చేసిన పూజను చేతులతో జోడించే నమస్కారం ను స్వీకరిస్తాడు. 🌿💐✍🏻👏
నిజానికి పత్రం అంటే శరీరం ... దీనిలో త్రిగుణాలు వున్నాయి. పూజలో దీనిని భగవంతునికి సమర్పించాలి. ........... పుష్పం అంటే( హృదయం) చెట్లమీద పూసే పుష్పం కాదు. సుగంధ పరిమళాలు వెదజల్లే హృదయ కుసుమం దేవునికి అర్పింప చేయడమే దీని అర్థం. ......
___________________________________________
ఫలం (మనసు ) ...అంటే మనస్సు ద్వారా మనం చేసే కర్మల ఫలితాలను మనం ఆశించక దేవునికి అర్పితం చేయడమే ........
___________________________________________
తోయం ( నీరు ) .... భగవంతునికి అర్చించవలసిన నీరు అంటే మనలోని హృదయపూర్వకమైన ప్రేమ , ఆనందం , మొదలైన దివ్య భావాల వల్ల వెలువడే ఆనంద భాష్పాలు దేవునికి అర్పితంగా చేయడమే.
___________________________________________
కొబ్బరికాయలు (హృదయం ) , నమస్కారం , ప్రదక్షిణం ,....తరువాయి భాగంలో చర్చిద్దాం...
___________________________________________
ఓం శ్రీ మాత్రే నమః ✍🏻
____________________________________________
#హిందూ సంప్రదాయాలు #మన హిందూ సంప్రదాయాలు...💐💐💐 #🙏🕉️హిందూ దేవుళ్ళు-మన సంప్రదాయాలు🕉️🙏 #మన హిందూ ధర్మం సనాతన ధర్మం. మన భారతీయ సంస్కృతి. మన సంప్రదాయాలు.
