വെണ്ടക്കിഷ്ടം മഴക്കാലം
🌿🌿🌿🌿🌿🌿🌿🌿🌿
വേനൽക്കാലത്തും മഴക്കാലത്തും വെണ്ട കൃഷി ചെയ്യാമെങ്കിലും ഏറ്റവും അനുയോജ്യമായത് മഴക്കാലമാണ്.
മഴക്കാലത്ത് വളർച്ച കൂടുതലായതിനാൽ ചെടികൾ തമ്മിലുള്ള അകലം കൂട്ടണം. വരികൾ തമ്മിൽ രണ്ടടിയും വരിയിലെ ചെടികൾ തമ്മിൽ ഒന്നര അടിയെങ്കിലും വേണം.
മഴക്കാലത്ത് നടുമ്പോൾ വെള്ളക്കെട്ട് ഇല്ലാതിരിക്കാൻ വാരം എടുത്ത് വേണം നടാൻ.
അമ്ലംശം കൂടുതലുള്ള മണ്ണിൽ നടുന്നതിന് മുമ്പ് സെന്റിന് ഒരു കിലോ മുതൽ 3 കിലോ വരെ കുമ്മായം ചേർക്കാം. മറ്റു പച്ചക്കറി വിളകളെ അപേക്ഷിച്ച് അമ്ലംശം ഉള്ള മണ്ണിലും വളരാൻ വെണ്ടയ്ക്കു പ്രത്യേക കഴിവുണ്ട്.
അടി വളമായി സെന്റിന് 50 കിലോഗ്രാം ജൈവവളം ചേർക്കണം. നടീൽ സമയത്ത് ഒരു സെന്റിന് 470 ഗ്രാം യൂറിയ, 770 ഗ്രാം രാജ്ഫോസ്, 470 ഗ്രാം പൊട്ടാഷ് എന്നിവ ചേർക്കണം.
പറിച്ച് നട്ട് ഒരു മാസം കഴിഞ്ഞ് മേൽവളമായി സെന്റിന് 470 ഗ്രാം യൂറിയ കൂടി ചേർക്കണം.
വീട്ടാവശ്യത്തിന് കൃഷി ചെയ്യുമ്പോൾ ആഴ്ച്ചയിലൊരിക്കൽ കടലപ്പിണ്ണാക്ക് -ചാണക സ്ലറിയോ മറ്റ് ദ്രാവക രൂപത്തിലുള്ള ജൈവവളങ്ങളോ ഒഴിച്ചുകൊടുത്ത് മണ്ണ് കൂട്ടി കൊടുക്കാം.
ഇലചുരുട്ടി പുഴുവാണ് വെണ്ടയിലെ പ്രധാന കീടം.
തുടക്കത്തിൽ തന്നെ ചുരുട്ടിയ ഇലകൾ പറിച്ചെടുത്ത് നശിപ്പിക്കണം. നൈട്രജൻ വളങ്ങളുടെ അമിത ഉപയോഗം ഒഴിവാക്കണം.
വിത്ത് നട്ട് വെറും ഒന്നരമാസം കൊണ്ട് വിളവെടുക്കാൻ കഴിയുന്ന വിളയാണ് വെണ്ട.
മൂപ്പ് എത്തുന്നതിന് മുമ്പ് കായകൾ പറിച്ചെടുക്കണം.
🌿🌿🌿🌿
#വെണ്ട🌱🌱🌱 #മഴക്കാലം ## പച്ചക്കറി നടാം
