saravanan.
• 4 months ago
Enn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam #irav vanakkam
![irav vanakkam - நாளை நல்ல நாB ஆம்பூர் வேல் @Uట6 దరఆబు 8415C) [3852026 @@ விசுவபவசு வள்ளிகீகிழறை ஐ்நாள் மாதம் மாசி தேய்பிறை வட்டிற்கு தேவையான திதி நாள் முழுவதும் தசமி பொருட்ட பூராடம் நட்சத்திரம் இரவு களை வாங்க பிறகு 3.03 வரை; தெய்வீக மற்றும் த்திராடம் நவக்கிரக சாந்தி யோகம் சித்த யோகம் பரிகாரங்கள் செய்ய நல்ல நேரம் 9.00 4.30 5.30 10.00: நெருப்பு தொடர்பான காலை 10.30 ராகு காலம் ]2.00. பணிகளை எமகண்டம் மாலை 300 4.30. ஸ்ரீஆண்டாளை மேற்கொள்ள நன்று. மேற்கு; பரிகாரம் வணங்குங்கள் வெல்லம் சூலம்: ஸ்ரீவில்லிபுத்தூர் ஆண்டாள் புறப்பாடு துலாம் திட்டம் நிறைவேறும் எதிர்பாராத சந்திப்பு மேஷம் விருச்சிகம் ரிஷபம் சிக்கனம் தேவை நேர்மறை எண்ணம் மிதுனம் விஜபியின் நட்பு வீண் விவகாரம் தனுசு கடகம் துணிச்சலான செயல் நிம்மதியின்மை மகரம் GlLI৩ சிம்மம் புது பொறுப்புகள் வருமானம் உயரும் கன்னி சிந்தனைத் திறன் மீனம் எதிர்பாராத -தவி சந்திராஷ்டமம்: ரோகிணி மிருகசீரிடம் நாளை நல்ல நாB ஆம்பூர் வேல் @Uట6 దరఆబు 8415C) [3852026 @@ விசுவபவசு வள்ளிகீகிழறை ஐ்நாள் மாதம் மாசி தேய்பிறை வட்டிற்கு தேவையான திதி நாள் முழுவதும் தசமி பொருட்ட பூராடம் நட்சத்திரம் இரவு களை வாங்க பிறகு 3.03 வரை; தெய்வீக மற்றும் த்திராடம் நவக்கிரக சாந்தி யோகம் சித்த யோகம் பரிகாரங்கள் செய்ய நல்ல நேரம் 9.00 4.30 5.30 10.00: நெருப்பு தொடர்பான காலை 10.30 ராகு காலம் ]2.00. பணிகளை எமகண்டம் மாலை 300 4.30. ஸ்ரீஆண்டாளை மேற்கொள்ள நன்று. மேற்கு; பரிகாரம் வணங்குங்கள் வெல்லம் சூலம்: ஸ்ரீவில்லிபுத்தூர் ஆண்டாள் புறப்பாடு துலாம் திட்டம் நிறைவேறும் எதிர்பாராத சந்திப்பு மேஷம் விருச்சிகம் ரிஷபம் சிக்கனம் தேவை நேர்மறை எண்ணம் மிதுனம் விஜபியின் நட்பு வீண் விவகாரம் தனுசு கடகம் துணிச்சலான செயல் நிம்மதியின்மை மகரம் GlLI৩ சிம்மம் புது பொறுப்புகள் வருமானம் உயரும் கன்னி சிந்தனைத் திறன் மீனம் எதிர்பாராத -தவி சந்திராஷ்டமம்: ரோகிணி மிருகசீரிடம் - ShareChat](https://cdn4.sharechat.com/bd5223f_s1w/compressed_gm_40_img_434264_28958ec5_1773335126729_sc.jpg?tenant=sc&referrer=pwa-sharechat-v2&f=729_sc.jpg)
More like this
saravananEnn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam . #irav vanakkam
1118
saravanan.◄•───✧ உ ✧───•► (Enn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam) #irav vanakkam 🙏 ஶ்ரீ மார்க்கண்டேய புராணம் 🙏 பாகம்_30 பலவந்தன் மகன் வத்சந்திரன் ..!! குகையில் புகை வத்சந்திரன் இளவரசனாய் இருந்த போது ஒரு சமயம் காட்டிற்கு வேட்டை ஆடச் சென்றான். அங்கு ஆள்நடமாட்டமில்லா ஒரு குகையிலிருந்து புகை வருவதைக் கண்டு அதன் காரணத்தை அறிய அருகிலிருந்த சுவீரன் என்னும் ஆசிரமத்தை அடைந்து அங்கிருந்த முனிவரிடம் அதுபற்றி விசாரித்தான். முனிவர் அவனிடம் நாட்டு நடப்புகளைச் சாரணர்கள் மூலம் அறிந்திருக்க வேண்டும் மன்னன். அந்தக் கடமை சரியாக நடைபெறவில்லை. எனினும், உலக நலன் குறித்து இந்தப் புகை பற்றிக் கூறுகிறேன் என்றார். முனிவர் கூறிய செய்தி அந்தக் குகை குசும்மன் என்னும் அரக்கன் பாதாள லோகத்தில் வசிக்கும் இடத்திற்குச் செல்வதற்கான வழி. அவன் துவஷ்டா என்ற சிற்பி செய்து கொடுத்த பயங்கரமான இரும்புலக்கை ஒன்றை வைத்திருந்தான். அதைக்கொண்டு பல அக்கிரமங்களைச் செய்து தொல்லைகளைத் தேவர்களுக்கும் அளித்து வந்தான். இவன் விதூரதன் என்னும் அரசனின் மகள் முதாவதியை பலவந்தமாய்த் தூக்கிச் சென்றுவிட்டான். விதூரதன் தன் மக்கள் சுனீதி, சுமதி என்ற இருவரையும் அந்த அரக்கனை அழிக்க அனுப்பி வைத்தான். ஆனால், அவர்கள் அரக்கனால் தோற்கடிக்கப்பட்டுச் சிறையில் வைக்கப்பட்டுள்ளனர். இனி தன்னால் அரக்கனை வெல்ல முடியாது என்றறிந்த மன்னன் அரக்கனை வென்று தன் மக்களை மீட்டுத் தருவோர்க்கு பாதி நாட்டைத் தருவதாகப் பறை அறைவித்தான். அசுரனும் உலக்கையும் அதுகேட்ட வத்சந்திரன் விதூரதனிடம் சென்று அரக்கனைப் பற்றி அவனறிந்த விஷயங்களைக் கேட்டுக் கொண்டதுடன், பாதாள உலகத்திற்குச் செல்லும் வழியையும், இரும்புலக்கையின் சிறப்பையும், அதனை ஒரு பெண் தொட்டுவிட்டால் அது தன் சக்தியை இழந்துவிடும் என்றும் அறிந்து கொண்டான். வத்சந்திரன் பெரும்படையுடன் குசும்மனை எதிர்த்துப் போர் மேற்கொண்டான். தேவர்களும் அவனுக்கு உதவிபுரிய குசும்மனால் வத்சந்திரனை வெல்ல முடியவில்லை. அவன் அரண்மனைக்குச் சென்று இரும்புலக்கைக்குப் பூசை செய்தான். பெண்கள் தொட்டால் இரும்பு உலக்கை தனது சக்தியை இழந்து விடும் என்று இரகசியத்தை அறிந்திருந்த முதாவதி அதைத் தொட்டுக் கும்பிடுவது போல் பலமுறை தொட்டாள். இதனால் சக்தி இழந்த உலக்கையுடன் போரிட்ட குசும்மன் வத்சந்திரனால் கொல்லப்பட்டான். வெற்றியும் விடுதலையும் வத்சந்திரன் முதாவதியை, அவனது மூத்த சகோதரர்கள் சுனீதி, சுமதி ஆகியோரை விடுவித்துக் கொண்டு வந்து விதூரதனிடம் ஒப்புவித்தான். விதூரதன், முதாவதியை வத்சந்திரனுக்கு மணம் செய்வித்து பாதி நாட்டையும் கொடுத்தான். பாதாள உலகிலிருந்து வந்திருந்த ஆதிசேஷன், முதாவதியை இரும்புலக்கையைப் பலமிழக்கச் செய்ததால், அவளுக்குச் சுனந்தை என்ற பெயரையும் இட்டு ஆசீர்வதித்தார். தொடரும்...✍ 🌹 வாழ்க வளமுடன் 🌹 🪐 வாழ்க வையகம் 🪐 🔥சிவ சிவ 🌙 🙏 ஓம் சிவய நம ஓம் 🌷
108- saravanan.◄•───✧ உ ✧───•► (Enn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam) #irav vanakkam 🙏 இன்றைய கோபுர தரிசனம் 🙏 திருவாரூர் மாவட்டம் தமிழ்நாடு கோயில் கண்ணாப்பூர் அருள்மிகு நடுதறியப்பர் ஆலயம். கோபுர தரிசனம் - கோடி புண்ணியம் கோபுர தரிசனம் - பாவ விமோசனம் மூலவர் : நடுதறியப்பர், வஸ்ததம்பபுரீஸ்வரர், நடுதறிநாதர் உற்சவர் : பிடாரியம்மன் அம்மன்/தாயார் : ஸ்ரீ வல்லிநாயகி, மாதுமைநாயகி தல விருட்சம் : கல்பனை (பனைமரத்தில் ஒருவகை) தீர்த்தம் : கங்காமிர்தம், சிவகங்கை (எதிரில் உள்ளது), ஞானாமிர்த்தம், ஞானகுபம் பழமை : 1000-2000 வருடங்களுக்கு முன் புராண பெயர் : திருக்கன்றாய்பூர் ஊர் : கோயில் கண்ணாப்பூர் மாவட்டம் : திருவாரூர் மாநிலம் : தமிழ்நாடு பாடியவர்கள் : திருநாவுக்கரசர் தேவாரபதிகம்: விடிவதுமே வெண்ணீற்றை மெய்யிற் பூசி வெளுத்தமைந்த கீளொடுகோ வணமுந் தற்றுச் செடியுடைய வல்வினைநோய் தீர்ப்பாய் என்றும் செல்கதிக்கு வழிகாட்டும் சிவனே என்றும் துடியனைய இடைமடவாள் பங்கா என்றும் சுடலைதனில் நடமாடும் சோதீ என்றும் கடிமலர்தூய்த் தொடுமடியார் நெஞ்சி னுள்ளே கன்றாப்பூர் நடுதறியைக் காண லாமே. தேவார பாடல் பெற்ற காவிரி தென்கரைத் தலங்களில் இது 120வது தலம். திருவிழா: 5 கால பூஜை. வைகாசி விசாகத்தில் மூன்று நாட்கள் பெருவிழா நடைபெறுகிறது. இங்கு உற்சவராக எழுந்தருளியிருக்கும் மாரியம்மனுக்கு (சீதளாம்பிகை) ஆண்டுதோறும் சித்திரை மாதத்தில் பத்து நாட்கள் சிறப்பாக பெருவிழா நடைபெறுகிறது. தல சிறப்பு: இங்கு மூலவர் சுயம்புமூர்த்தியாக அருள்பாலிக்கிறார். நடுதறிநாதர் திருமுடியில் கோடரியின் வெட்டுக்காயம் இன்றும் உள்ளதைக் காணலாம். சிவனின் தேவாரப்பாடல் பெற்ற 274 சிவாலயங்களில் இது 184 வது தேவாரத்தலம் ஆகும். திறக்கும் நேரம்: காலை 7 மணி முதல் 12.30 மணி வரை, மாலை 4 மணி முதல் இரவு 8.30 மணி வரை திறந்திருக்கும். முகவரி: அருள்மிகு நடுதறியப்பர் திருக்கோயில், கோயில் கண்ணாப்பூர்(வழி) அஞ்சல் வலிவலம் - 610 207.திருவாரூர் மாவட்டம். போன்: +91 -4365 - 204 144, 94424 59978 பொது தகவல்: உள்பிரகாரத்தில் விநாயகர், சுந்தரேசுவரர், அறுவகை விநாயகர், முருகன், துர்க்கை, இலிங்கோத்பவர், கற்பகநாதர் முதலிய சன்னதிகள் உள்ளன. சனிபகவானை அடுத்துள்ள நால்வர்களுள் இருவர் சம்பந்தராகவும் இருவர் அப்பராகவும் காட்சி தருகின்றனர்- மற்றிருவர் இல்லை. பிரார்த்தனை: கண் நோய் நீங்க ஞானகுப தீர்த்தத்தில் நீராடியும், குழந்தைப்பேறு, புகழ் பெற இங்குள்ள சிவகங்கை தீர்த்தத்தில் நீராடியும் பிரார்த்தனை செய்துகொள்கின்றனர். நேர்த்திக்கடன்: பிரார்த்தனை நிறைவேறியதும் இறைவனுக்கு அபிஷேகம் செய்தும் வஸ்திரம் சாத்தியும் நேர்த்திக்கடன் நிறைவேற்றுகின்றனர். தலபெருமை: இவ்வூரில் உள்ள எல்லா நிலங்களும் அருள்மிகு நடுதறிநாதர் பெயரிலேயே பட்டாவாக உள்ளன. தனிப்பட்ட எவருக்கும் சொந்தமாக வேறு பட்டா நிலங்கள் இல்லையாம். சிதம்பரம், திருக்காளத்தி, கீழ்வேளூர், நாகைக்காரோணம் முதலிய தலங்களில் மேம்பட்டு கன்றாப்பூர். இத்தலத்தை இருமுறை வழிபட்டால் உலகிலுள்ள எல்லா சிவத்தலங்களையும் வழிபட்ட பலன் கிடைக்கும். இத்தலத்தின் வழியே நடந்துசென்றால் இத்தலத்தில் தங்கி வாழ்ந்த புண்ணியத்தைப் பெறலாம். இத்தலத்தில் தங்கி அறம் புரிவோர் நல்ல மனைவி - நல்ல மகள் எய்தப்பெற்று, எல்லா நலங்களையும் பெறுவர். கன்றாப்பூர் என்று ஒருமுறை சொன்னாலேயே பாவம் கெடும். நோய் நீங்கும். நல்வாழ்வு கிட்டும். தல வரலாறு: (கன்று - பசுங்கன்று. ஆப்பு - அக்கன்றைக் கட்டும் சிறு முளை, நடுதறி - நடப்பட்ட தறி. தறி - முளை) ஒரு காலத்தில் சிவபெருமான் உமாதேவியாருடன் கயிலாய மலையில் வீற்றிருந்தார். படைத்தல் முதலிய தொழில்கள் பிரமதேவனை முதலாகக் கொண்ட தேவர்களால் நடத்தப்பெற்றன. அப்பொழுது இறைவன் முன்பு சுதாவல்லி என்னம் வித்யாதரப் பெண் உமை உருவம் தாங்கி நடித்து இறைவனுக்கு மகிழ்ச்சி உண்டாக்கினாள். இதைக்கண்ட உமாதேவியார் சுதாவல்லியை நோக்கி தன்னுருக்கொண்ட அவளிடத்தில் சினங்கொண்டு, ""நீ மண்ணுலகத்தில் பிறக்க' எனச் சபித்தார்.பின் நிகழ்ச்சி அறியாது நடித்த சுதாவல்லி கண்கலங்கினாள். என்ன செய்வேன் என பதறினாள். அப்பொழுது இறைவி, ""நீ மண்ணுலகம் அடைந்து சிவனை பூஜித்து எம்மை அடைவாய்' எனக்கூறி அருள்பாலித்தாள். அப்படியே சுதாவல்லி தென்தமிழ் நாட்டை அடைந்து, தேவூருக்குத் தென்பால் திகழ்கின்ற இத்திருத்தலத்தில் பரம்பரை சைவ வேளாளர் மரபில் சிவஞானம் நிரம்பப் பெற்று பிறந்து கமலவல்லி என்னும் திருப்பெயருடன் வளர்ந்துவந்தாள். இடையறாது சிவபெருமானை சிந்தித்து வந்தாள். கமலவல்லி சைவ நெறியில் வளர்ந்து வந்தாள். பழவினைத் தொடர்பால் சிவபூசனை செய்துவந்தாள். திருமுண பருவத்தை அடைந்தாள். பெற்றோர் கோத்ரம் - குலம் பார்த்து தக்கவன் என்று கருதிய ஒருவனுக்கு கமலவல்லியை மணம் செய்வித்தனர். அந்த ஊரிலேயே தனி மாடம் மருங்கமைத்து பெற்றோர் இல்லறத்தை நடத்தச் செய்தனர். கமலவல்லி காரைக்கால் அம்மையாரைப் போன்று இவ்விறைவனுக்கு இனியளாய் நடந்துவந்தாள். எனினும் உயிரிறைவனாகிய சிவபெருமானிடத்து பேரன்பு பூண்டு, தக்க அறங்ளை செய்து வாழ்ந்துவந்தாள். சிவனை இடைவிடாது பூஜை செய்தாள். கணவன் கமலவல்லியின் உயர்வை உணராமல் அவள் சிவனை பூஜிப்பதில் வெறுப்புகொண்டு சிவலிங்கத்தை ஒரு கிணற்றில் எறிந்துவிட்டான். கமலவல்லி இதை உணர்ந்து, இல் இறைவனுக்கு மாறாக சிவனை பூஜிப்பதா அல்லது சிவபூஜையை விடுவதா என சிந்தித்தாள். கணவன் அறியாதவாறு சிவபூஜை செய்வது என்ற முடிவிற்கு வந்தாள். தன் வீட்டு பசுங்கன்று கட்டும் தறி ஒன்றை சிவலிங்கமாக பாவித்து பூஜை செய்துவந்தாள். இப்படி இவள் தன் கருத்துக்கு மாறாக நடக்கிறாள் என்பதை அறிந்த கணவன் சினம்கொண்டு, அக்கன்று கட்டும் தறியை கோடறி கொண்டு தாக்கினான்.உதிரம் வெளிப்பட்டது. கமலவல்லியின் பக்தியை உலகவரும் அவள் கணவரும் அறிய இறைவன் அக்கட்டுத்தறியில் லிங்க வடிவம் கொண்டு காட்சியளித்தார். கமலவல்லியும், கணவனும் சிவலோகம் அடைந்தனர். கன்று கட்டும் தறி லிங்கமாக மாறியதால் இத்தலம் கன்றாப்பூர் என வழங்கப்பெற்றது. இந்த லிங்கத்திருமேனி சுயம்பு மூர்த்தியாகத் தோன்றினாலும் தறியிலிருந்து தோன்றியதால் இறைவன் நடுதறிநாதர் எனப்பட்டார். அந்த கன்றுக்குட்டியின் நடுதறி இருந்த இடமே இன்று நடுதறிநாதர் கோயிலாக விளங்குகின்றது. இன்றும் மூலவரது உச்சியில் கோடறி வெட்டு உள்ளதைக் காணலாம். இடும்பன் என்னும் அசுரன் இத்தலத்தில் நடுதறி நாதரை வழிபட்டு அருள்பெற்றான். சிறப்பம்சம்: அதிசயத்தின் அடிப்படையில்: இங்கு மூலவர் சுயம்புமூர்த்தியாக அருள்பாலிக்கிறார். நடுதறிநாதர் திருமுடியில் கோடரியின் வெட்டுக்காயம் இன்றும் உள்ளதைக் காணலாம். அமைவிடம்: திருவாரூரிலிருந்து திருத்துறைப்பூண்டி செல்லும் வழியில் மாவூர் ஸ்டாப்பில் இறங்கி கிழக்கே 7 கி.மீ. தூரத்தில் கோயில் உள்ளது. திருவாரூரிலிருந்து எட்டுக்குடி செல்லும் வழியில் கோயில் கண்ணாப்பூர் ஸ்டாப்பில் இறங்கி கோயிலுக்கு செல்லலாம். அருகிலுள்ள ரயில் நிலையம்: திருவாரூர் அருகிலுள்ள விமான நிலையம்: திருச்சி தங்கும் வசதி: திருவாரூர் 🌹 வாழ்க வளமுடன் 🌹 🪐 வாழ்க வையகம் 🪐 🔥சிவ சிவ 🌙 🙏 ஓம் சிவய நம ஓம் 🌷
1310 - saravanan.*சமையல் குறிப்புகள்:* 〰️〰️〰️〰️〰️〰️〰️〰️〰️〰️ *கல்யாண வீட்டு ஸ்டைல்காரக்குழம்பு:* (Enn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam) #irav vanakkam கல்யாண வீட்டு ஸ்டைல் வத்த குழம்பு அல்லது காரக்குழம்பு செய்ய, சின்ன வெங்காயம், பூண்டு, சுண்டக்காய் வத்தல் ஆகியவற்றை நல்லெண்ணெயில் வதக்கி, புளித் தண்ணீர் மற்றும் வறுத்தரைத்த மசாலா (மல்லி, சீரகம், மிளகு, காய்ந்த மிளகாய், வெந்தயம்) சேர்த்து, எண்ணெய் பிரிந்து வரும் வரை சுண்ட வைத்தால் கமகமக்கும் குழம்பு தயார். இது நீண்ட நாட்கள் கெடாது, தேங்காய் சேர்க்காமல் செய்வது சிறந்தது. *தேவையான பொருட்கள்:* வத்தல்: சுண்டக்காய் அல்லது மணத்தக்காளி வத்தல் - கிராம் அரைக்க: தனியா (வர மல்லி), சீரகம், மிளகு, வரமிளகாய், சிறிதளவு வெந்தயம் (வறுத்து அரைக்க) தாளிக்க: நல்லெண்ணெய் - தேவையான அளவு (அதிகமாக இருந்தால் சுவை கூடும்), கடுகு, வெந்தயம் காய்கறி: சின்ன வெங்காயம் (பொடியாக நறுக்கியது), பூண்டு (நிறைய - 20-30 பற்கள்) மற்றவை: புளி கரைசல் (எலுமிச்சை அளவு), தக்காளி - 1 (விருப்பப்பட்டால்), குழம்பு மிளகாய் தூள், உப்பு, கருவேப்பிலை *செய்முறை:* வறுத்தல்: ஒரு வாணலியில் எண்ணெய் ஊற்றி, வத்தலை மொறுமொறுப்பாக வறுத்து தனியாக எடுத்து வைக்கவும். தாளிப்பு: அதே எண்ணெயில் கடுகு, வெந்தயம், கருவேப்பிலை தாளித்து, பூண்டு மற்றும் சின்ன வெங்காயத்தை சேர்த்து பொன்னிறமாகும் வரை வதக்கவும். மசாலா சேர்ப்பது: வறுத்து அரைத்த மசாலா தூள் அல்லது குழம்பு மிளகாய் தூள் சேர்த்து பச்சை வாசனை போக வதக்கவும். புளி தண்ணீர்: கரைத்து வைத்துள்ள புளித் தண்ணீரை ஊற்றி, உப்பு சேர்த்து, குழம்பு நன்கு கொதித்து திக்காகும் வரை வேகவைக்கவும். முடித்தல்: எண்ணெய் பிரிந்து மேலே வரும்போது, வறுத்து வைத்துள்ள வத்தலை சேர்த்து ஒரு நிமிடம் கொதிக்க வைத்து இறக்கவும். டிப்ஸ்: நல்லெண்ணெய் மற்றும் சின்ன வெங்காயம் அதிக சுவையை தரும். வத்தலை இறுதியில் சேர்ப்பது மொறுமொறுப்பு தன்மையை தக்கவைக்கும். தேங்காய் சேர்க்காமல் செய்தால் பல நாட்கள் கெடாமல் இருக்கும். 🟥🟠🟥🟠🟥🟠🟥🟠🟥🟠🟥🟥🟠🟥🟠🟥🟠🟥🟠🟥🟠🟥
1512 - saravanan.*🙏முருகன் பாமாலை⚜️🦚...!* (Enn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam. #irav vanakkam *பாடல்:15..!* திருவொற்றியூர்ப் புராணம் - செம்மல் (சாதிப்பூ) மலராகச் செவ்வேள் அடிகளில்: தன் நிகர் உயர்ச்சித்தாய சடக்கர மனுவை எண்ணித் துன்னிய தூய வாய்மைத் தொண்டர்தம் வேட்கையெல்லாம் இன்னிதின் யாண்டுமீதற்கு இருகை அமையா என்று பன்னிருகரம் படைத்த பரம்பொருள் பதங்கள் போற்றி. *பொருள்:* தன்னிகர் தானென விளங்கும் முருகனுக்குரிய ஆறெழுத்து மந்திரத்தை நினைத்து தன்னைவந்தடைந்த அடியார்கள் விரும்புகின்ற எல்லாவற்றையும் இனிதாக எவ்விடத்தும் தர இருகைகள் போதாது என்று பன்னிரண்டு கைகளைக் கொண்டுள்ள முருகனது திருவடிகளுக்கு வணக்கம். *மலரும்...* 🟫🧡🟫🧡🟫🧡🟫🧡🟫🧡🟫🟫🧡🟫🧡🟫🧡🟫🧡🟫🧡🟫
209 - saravanan.#irav vanakkam மறையாத நினைவலைகள்: உலகை மாற்றிய ஒரு பாதிரியாரின் வீர வரலாறு!_* _ஜனவரி 15 - மார்ட்டின் லூதர் கிங் ஜூனியர் பிறந்த தினம்!_ * 🌹🌹🌹அனைத்து உயிா்களிடமும் அன்பு பாசம் காட்டுதல், இயேசுவின் கொள்கையான ஒரு கன்னத்தில் அறைந்தால் மறு கன்னத்தைக் காட்டு என்ற தத்துவத்தை கடைபிடித்ததோடல்லாமல் காந்திய வழியில் வன்முறையற்ற அறவழிப்போராட்டத்தில் தன்னை ஈடுபடுத்திக் கொண்டே, கொள்கை நெறியோடு வாழ்ந்தவர். அமொிக்க மத குருமாா்களில் தலை சிறந்த ஒருவர்தான் மாா்ட்டின் லூதர் கிங் ஜூனியர். அவரது பிறந்த நாளான ஜனவரி 15ம் நாள் அவரது நினைவலைகளோடு தொடர்வோம். (15/01/1929-04/04/1968) தந்தை மாா்ட்டின் லூதர் - தாயாா் அல்பெர்டா அட்லான்டாவில் பிறந்தவர். வாஷிங்டன் உயர் நிலைப்பள்ளியில் தொடக்கக் கல்வி பயின்றாா். 1948ல் மோா்ஹவுசில் சமுகவியல் இளங்கலை பட்டம். அதைத் தொடர்ந்து 1951ல் பென்சில்வேனியாவில் சமயக்கல்வி பட்டம் பயின்றிருந்தாலும், பாஸ்டன் பல்கலையில் சமயக்கல்வியில் முனைவர் பட்டம் பெற்றதும் குறிப்பிடத்தக்கது. ஆரம்பகாலத்தில் மாா்ட்டின் லூதர் கிங் ஜூனியர், ஐக்கிய அமொிக்காவில் சமூக உாிமைக்காக போராடிய மாபெரும் ஆப்ரிக்க - அமொிக்க தலைவராவாகவே வாழ்ந்திருக்கிறாா். வன்முறையற்ற அறவழிப்போராட்டமே தன் கொள்கை என கடைபிடித்து வாழ்ந்து வந்த அமொிக்க குருமாா்களில் இவரும் ஒருவர். ஆப்ரிக்க, அமெரிக்க மனித உாிமைக் கழகத்தின் தலைவராகவும் பதவி வகித்துள்ளாா். இளமைக்காலத்தில் சமூக உாிமை வாதியாகவே வாழ்ந்திருக்கிறாா். அதோடு கிறிஸ்துவத்தின் கொள்கையில் ஐயம் ஏற்பட பின்னர் விவிலியத்தில் ஆய்வு மேற்கொண்டு அதன் கருத்தை ஏற்றுக்கொண்டாா். 1953 ல் திருமணம் முடித்தாா். இருபத்தி ஐந்தாம் வயதில் பாதிாியாராக பொறுப்பேற்றாா். 1955ல் மாண்ட்கோமரியில் பேருந்து புறக்கணிப்பு போராட்டத்திற்கு தலைமை தாங்கி வழிநடத்தியதோடு தொடர்ச்சியாக தெற்காசிய தலைவர் மாநாடு நடத்த உதவி செய்தவகையில் அந்த மாநாட்டின் தலைவராக நியமிக்கப்பட்டாா். 1957ல் ஜாா்ஜியாவில் நடைபெற்ற நிறப்போராட்டம் தோல்வியில் முடிந்தது. அதேநேரம் 1962ல் அலபமாவில் நடந்த வன்முறையற்ற போராட்டம் அனைவரையும் கவர்ந்தது என்பதே வரலாறு. 1963ல் வேலை சுதந்திரம் வேண்டி வாஷிங்டனில் மிகப்பொிய பேரணியை நடத்தினாா். பெருந்திரளான மக்கள் கலந்து கொண்டதன் மூலம் அது ஒரு திருப்பு முனையாகவே அமைந்தது. அமெரிக்க வரலாற்றில் இந்த பேரணி ஒரு திருப்பு முனையாகவே அமைந்தது என்பதும் சிறப்பு வாய்ந்த ஒன்றாகும். அதே நேரம் அமைதிக்கான நோபல் பரிசும் மாா்ட்டின் லூதர் கிங் ஜூனியருக்கு வழங்கப்பட்டது. அவர் தனது உரைகளில் எல்லாம் மனிதநேயத்தை வலியுறுத்தியே பேசினாா். அன்டை அயலாரையும் உன்னைப்போலவே நேசி, அனைவரிடமும் அன்பு காட்டு, பகைவனையும் நேசி, அவர்களுக்காக வேண்டுதல் செய், அவர்களையும் ஆசீா்வதி போன்ற அருமையான, அனைவரும் ஏற்றுக்கொள்ளும் வகையில் அவரது கொள்கைப்பிடிப்பானது மிகவும் சிறப்பு வாய்ந்த ஒன்றாகும். இப்படி வன்முறையில்லாமல் போராடும் தன்மையை இந்தியாவைப் பார்த்தே புாிந்து கொண்டேன் என இந்தியா வந்தபோது பேசியிருக்கிறாா். இப்படிப்பட்ட நல்ல உள்ளம் கொண்ட மனிதநேய பன்பாளர் 04/04/1968ல் டென்னசி மாநிலத்தில் மெம்ஃபிஸ் நகரில் சுட்டுக்கொல்லப்பட்டாா். அப்போது அவருக்கு அகவை முப்பத்தி ஒன்பது என்பது ஜீரணிக்க முடியாத ஒன்று. 🌹🌹🌹
2413 - saravanan.உ ✧───•► 🙏(Enn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam) இன்றைய கோபுர தரிசனம் 🙏 திருவாரூர் மாவட்டம் தமிழ்நாடு மணக்கால் ஐயம் பேட்டை அருள்மிகு அபிமுக்தீஸ்வரர் ஆலயம். கோபுர தரிசனம் - கோடி புண்ணியம் கோபுர தரிசனம் - பாவ விமோசனம் மூலவர் : அபிமுக்தீஸ்வரர் ( பிரிய நாதர்) அம்மன்/தாயார் : அபினாம்பிகை (ஏழவார் குழலி) தல விருட்சம் : வன்னி தீர்த்தம் : சரவணப்பொய்கை ஆகமம்/பூஜை : காரண ஆகமம் பழமை : 1000-2000 வருடங்களுக்கு முன் புராண பெயர் : பெருவேளூர், காட்டூர் ஐயன்பேட்டை ஊர் : மணக்கால்ஐயம்பேட்டை மாவட்டம் : திருவாரூர் மாநிலம் : தமிழ்நாடு பாடியவர்கள் : அப்பர், சம்பந்தர் தேவாரப்பதிகம்: குணக்கும் தென்திசைக் கண்ணும் குடபாலும் வடபாலும் கணக்கென்ன அருள்செய்வார் கழிந்தோர்க்கும் மொழிந்தோர்க்கும் வணக்கம்செய் மனத்தராய் வணங்காதார் தமக்கென்றும் பிணக்கம் செய் பெருமானார் பெருவேளூர் பிரியாரே. திருஞானசம்பந்தர் தேவாரப்பாடல் பெற்ற காவிரி தென்கரைத்தலங்களில் இது 92வது தலம். திருவிழா: கந்த சஷ்டியும், வைகாசி விசாகமும் இத்தலத்தின் முக்கிய திருவிழா ஆகும். இது தவிர சிவனுக்குரிய அனைத்து விசேஷ நாட்களும் சிறப்பாக கொண்டாடப்படுகிறது. தல சிறப்பு: இத்தல இறைவன் சுயம்பு லிங்கமாக அருள்பாலிக்கிறார். சிவனின் தேவாரப்பாடல் பெற்ற 274 சிவாலயங்களில் இது 155 வது தேவாரத்தலம் ஆகும். திறக்கும் நேரம்: காலை 8 மணி முதல் 11 மணி வரை, மாலை 6 மணி முதல் இரவு 8 மணி வரை திறந்திருக்கும். முகவரி: அருள்மிகு அபினாம்பிகை சமேத அபிமுக்தீஸ்வரர் திருக்கோயில், பெருவேளூர்,மணக்கால் அய்யம்பேட்டை - 610 104குடவாசல் தாலுக்கா,திருவாரூர் மாவட்டம். போன்: +91- 4366 - 325 425 பொது தகவல்: இத்தல விநாயகர் கணபதி என்ற திருநாமத்துடன் அருள்பாலிக்கிறார். கங்கை, முருகன், பிருங்கி முனிவர், கவுதம முனிவர் ஆகியோர் இத்தல இறைவனை வழிபட்டுள்ளனர். சுமார் 70 சென்ட் பரப்பளவில் கிழக்குநோக்கிய 5 நிலை ராஜ கோபுரத்துடன் கோயில் அமைந்துள்ளது. கோச்செங்கண்ணன் என்ற சோழமன்னன் கட்டிய மாடக்கோயில்களில் இதுவும் ஒன்று. கோயில் கீழ்பகுதியில் விநாயகரும், அர்த்தநாரீஸ்வரரும் அருள்பாலிக்கிறார்கள். இடதுபக்கம் சிவன் சன்னதியும், நடுவில் முருகன் சன்னதியும், வலது பக்கம் அம்மன் சன்னதியுமாக கோயில் சோமாஸ்கந்த அமைப்பில் உள்ளது. கால பைரவர், ஸ்ரீ பைரவர், வடுக பைரவர் என மூன்று பைரவர்கள் அருள்பாலிக்கிறார்கள். பிரார்த்தனை: திக்குவாய் உள்ளவர்கள், பேசும் ஆற்றல் இல்லாதவர்கள் இங்கு வந்து வழிபாடு செய்தால் பலன் நிச்சயம். சுக்கிரனுக்குரிய பரிகார ஸ்தலம். கடன் பிரச்னை உள்ளவர்கள் வழிபாடு செய்கிறார்கள். நேர்த்திக்கடன்: சிவனுக்கும், அம்மனுக்கும் புது வஸ்திரம் சாற்றி வழிபடுகின்றனர். அன்னதானம் செய்கின்றனர். தலபெருமை: சிவபெருமானின் தேவாரப்பாடல் பெற்ற தலங்களுள், முருகன் பூஜை செய்த தலங்கள் வைத்தீஸ்வரன் கோவில், கீவளூர், பெருவேளூர், திருவிடைக்கழி ஆகியன. அதேபோல், முருகன் இத்தலத்தில் தங்கி தவம் செய்து தன்பெயரால் தீர்த்தம் உண்டாக்கி, சிவனை வழிபட்டு வேலாயுதமும், அருளாற்றலும் பெற்ற தலம். முருகன் பூஜை செய்த தலமாதலால் இத்தலம் "பெருவேளூர்' எனப்பட்டது. அருணகிரிநாதர் திருப்புகழ் பாடிய தலம். தேவ அசுரர்கள் பாற்கடலை கடைந்து அமுதம் எடுத்த போது, அது அசுரர்களின் கையில் கிடைக்காமல் செய்ய பெருமாள் மோகினி அவதாரம் எடுத்தார். இவர் தனது அவதார நோக்கம் நிறைவேறிய பின், மீண்டும் தனது ஆண் உருவத்தை பெறுவதற்காக இத்தலத்து இறைவனை வேண்டினார் என தல வரலாறு கூறுகிறது. பெருமாள் இங்கு தனி சன்னதியில் அருள்பாலிக்கிறார். சரஸ்வதீஸ்வரர் கோயிலின் கீழ் பிரகாரத்தில் ஆறு சிவலிங்கங்கள் பிரதிஷ்டை செய்யப்பட்டுள்ளது. இதில் ஒரு லிங்கம் "சரஸ்வதீஸ்வரர்' என்ற திருநாமத்துடன் விளங்குகிறது. முன்பு ஒரு முறை ஊமைச்சிறுவன் ஒருவனை அவனது பெற்றோர் இந்த சரஸ்வதீஸ்வரர் சன்னதிக்கு அழைத்து வந்து வழிபாடு செய்தனர். இவர்களது வழிபாட்டில் மனமிறங்கிய சிவன் சிறுவனுக்கு பேசும் சக்தியை தந்தார் என கோயில் வரலாறு கூறுகிறது. தல வரலாறு: ஒரு முறை கங்காதேவி சிவபெருமானிடம்,""இறைவா! இவ்வுலக உயிர்கள் எல்லாம் தங்களது பாவங்களை போக்கி கொள்வதற்காக என்னிடம் வருகின்றன. இதனால் அனைத்து பாவங்களும் என்னிடம் சேர்ந்து விட்டன. இதை தாங்கள் தான் போக்கி அருளவேண்டும்,''என வேண்டினாள். கங்கையின் வேண்டுதலை ஏற்ற இறைவன்,""கங்கா! முருகன் தோற்றுவித்த தீர்த்தம் கொண்ட காவிரித் தென்கரைத்திருத்தலத்தில் நீராடி உனது பாவங்களை போக்கி கொள்,''என்றார். அதன்படி கங்கை இத்தலத்தில் நீராடி இறைவனை வழிபட்டு தன் பாவங்களை போக்கி கொண்டதாக வரலாறு கூறுகிறது. எனவே தான் அம்மன் இங்கு ராஜராஜேஸ்வரியாக அமர்ந்த தவக்கோலத்தில் அருள்பாலிக்கிறார். தேவாரப்பாடல் பெற்ற கோயில்களில் காஞ்சிபுரம், திருமீயச்சூர் ஆகிய தலங்களில் அமர்ந்த கோலத்தில் அருள்பாலிக்கும் அம்மன் இத்தலத்திலும் அமர்ந்த கோலத்தில் அருள்பாலிப்பது சிறப்பம்சமாகும். இத்தலத்தில் தான் "லலிதா திரிசதை' பாடப்பட்டது. சிறப்பம்சம்: அதிசயத்தின் அடிப்படையில்: இத்தல இறைவன் சுயம்பு லிங்கமாக அருள்பாலிக்கிறார். அமைவிடம்: திருவாரூரிலிருந்து (10 கி.மீ.) கும்பகோணம் செல்லும் வழியில் மணக்கால் அய்யம்பேட்டை உள்ளது. அருகிலுள்ள ரயில் நிலையம்: திருவாரூர் அருகிலுள்ள விமான நிலையம்: திருச்சி தங்கும் வசதி: திருவாரூர் 🌹 வாழ்க வளமுடன் 🌹 🪐 வாழ்க வையகம் 🪐 🔥சிவ சிவ 🌙 🙏 ஓம் சிவய நம ஓம் 🌷 #irav vanakkam
1019 - saravanan.◄•───✧ உ ✧───•► (Enn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam) #irav vanakkam 🙏 இன்றைய கோபுர தரிசனம் 🙏 திருவாரூர் மாவட்டம் தமிழ்நாடு மன்னார்குடி அருள்மிகு ராஜகோபாலசுவாமி ஆலயம். கோபுர தரிசனம் - கோடி புண்ணியம் கோபுர தரிசனம் - பாவ விமோசனம் மூலவர் : வாசுதேவப்பெருமாள் உற்சவர் : ராஜகோபாலர் அம்மன்/தாயார் : செங்கமலத்தாயார் தல விருட்சம் : செண்பகமரம் தீர்த்தம் : 9 தீர்த்தங்கள் ஆகமம்/பூஜை : பாஞ்சராத்ரம் பழமை : 1000-2000 வருடங்களுக்கு முன் புராண பெயர் : ராஜமன்னார்குடி ஊர் : மன்னார்குடி மாவட்டம் : திருவாரூர் மாநிலம் : தமிழ்நாடு திருவிழா: பங்குனியில் பிரம்மோற்ஸவம், சித்திரை, வைகாசியில் கோடை உற்சவம், ஆடிப்பூரம், நவராத்திரி, மாசியில் ராஜகோபாலருக்கு ஊஞ்சல் உற்சவம். தல சிறப்பு: ராஜகோபாலர் இக்கோயிலில் இடையன் கோலத்தில் பாலகனாக காட்சி தருகிறார். ஒரு வேஷ்டி அணிந்து அதையே தலைப்பாகையாக சுருட்டி, வலது கையில் வெண்ணெய் மற்றும் சாட்டை வைத்து காட்சி தருகிறார். இடுப்பில் சலங்கை, சாவிக்கொத்து, கையில் வளையல், காலில் தண்டை, கொலுசு ஆகிய "குழந்தை' அணிகலன்கள் அணிந்திருக்கிறார். உடன் ஒரு பசுவும், இரண்டு கன்றுகளும் உள்ளன. தாயார் சன்னதி அருகே பெருமாள் சன்னதி எதிரே பெண் வடிவ கருடாழ்வார் இருக்கிறார்.மதுரை கள்ளழகர் கோயில் போல, தினமும் மாலையில் மட்டும் தோசை நைவேத்யம் படைக்கப்படுகிறது. திறக்கும் நேரம்: காலை 6.30 மணி முதல் 12 மணி வரை, மாலை 4.30 மணி முதல் இரவு 9 மணி வரை திறந்திருக்கும். முகவரி: அருள்மிகு ராஜகோபாலசுவாமி திருக்கோயில்,மன்னார்குடி - 614 001.திருவாரூர் மாவட்டம். போன்: +91- 4367 - 222 276, +91- 94433 43363. பொது தகவல்: இந்த கோயிலில் 16 கோபுரங்கள், 18 விமானங்கள், 7 பிரகாரங்கள், 7 மண்டபங்கள், 9 தீர்த்தங்கள் உள்ளன. பொதுவாக ராஜகோபுரத்தில், எல்லா நிலைகளிலும் சுதை சிற்பங்கள் இருக்கும். ஆனால், இங்குள்ள 11 நிலை ராஜகோபுரத்தில், கீழிருந்து மேலாக முதல் ஆறு நிலைகளில் சுதை, சிற்பங்கள் எதுவும் இல்லை. ஏழாவது நிலையில் இருந்தே சுவாமி சிலைகள் வடிக்கப்பட்டிருக்கிறது. இத்தகைய வித்தியாசமான அமைப்பில் கோபுரத்தை காண்பது அரிது. திருவாரூர் தேரழகு என்பதுபோல, "மன்னார்குடி மதிலழகு' என்பது சொல் வழக்காக உள்ளது. இங்கிருந்து சற்று தூரத்தில் தீர்த்தக்குளம் இருக்கிறது. கிருஷ்ணனின் தரிசனம் வேண்டிய முனிவர்கள் தவமிருந்த குளம் இது. இதனை யமுனை நதியாகவே கருதுவதால், "ஹரித்ரா நதி' என்றே அழைக்கிறார்கள். குளமாக இருந்தாலும் நதியின் பெயரில் அழைக்கப்படும் தீர்த்தம் இது. ஆனி பவுர்ணமியில் இந்த தீர்த்தத்தில் தெப்பத்திருவிழா நடக்கிறது. பிரார்த்தனை: சுவாமியிடம் வேண்டிக்கொள்ள குடும்பத்தில் ஐஸ்வர்யம் உண்டாகும், திருமண, புத்திர தோஷம் நீங்கும் என்பது நம்பிக்கை. கால்நடைகள் நோயின்றி வாழ இவரிடம் வேண்டிக்கொள்கிறார்கள். நேர்த்திக்கடன்: சுவாமி, தாயாருக்கு விசேஷ திருமஞ்சனம் செய்தும், பசுக்களை தானம் செய்தும் நேர்த்திக்கடன் செலுத்தலாம். தலபெருமை: கிருஷ்ண லீலை:கிருஷ்ணரின் பெற்றோர் வசுதேவர், தேவகி. இவ்விருவரையும் கம்சன் சிறையில் அடைத்தபோது பெருமாள் அவர்கள் முன்பு தோன்றி தானே அவர்களுக்கு பிள்ளையாக பிறக்கப்போவதாக கூறினார். இதுவே அவரது முதல் லீலை. தனது லீலைகளை காண விரும்பிய கோபிலர், கோபிரளயர் என்ற முனிவர்களுக்கு முதலில் வாசுதேவராக காட்சி தந்தார். 32ம் லீலையாக கோகுலத்தில் பசுக்கள் மேய்க்கும் இடையனாக காட்சி தந்தார். இந்நிகழ்வின் அடிப்படையில் இக்கோயிலில் மூலவர் "வாசுதேவர்' என்ற பெயரிலும், உற்சவமூர்த்தி ராஜகோபாலசுவாமியாகவும் காட்சி தருகிறார். தினமும் காலையில் வாசுதேவர் சன்னதி திறக்கும்போது பசு, யானைக்கு பூஜை செய்யப்படுகிறது. உற்சவருக்கு ராஜமன்னார் என்றும் பெயர் உண்டு. இப்பெயரே பிரசித்தி பெற்றதால், ஊருக்கும் "மன்னார்குடி' என்ற பெயர் ஏற்பட்டது. சுவாமி அமைப்பு:ராஜகோபாலர் இக்கோயிலில் இடையன் கோலத்தில் பாலகனாக காட்சி தருகிறார். ஒரு வேஷ்டி அணிந்து அதையே தலைப்பாகையாக சுருட்டி, வலது கையில் வெண்ணெய் மற்றும் சாட்டை வைத்து காட்சி தருகிறார். இடுப்பில் சலங்கை, சாவிக்கொத்து, கையில் வளையல், காலில் தண்டை, கொலுசு ஆகிய "குழந்தை' அணிகலன்கள் அணிந்திருக்கிறார். உடன் ஒரு பசுவும், இரண்டு கன்றுகளும் உள்ளன. கிருஷ்ண, பலராமரை அழிக்க கம்சன் குவலயாபீடம் என்னும் யானையை ஏவிவிட்டான். கிருஷ்ணன், யானையின் தந்தத்தை ஒடித்து அதனை அடக்கினார். இதன் அடிப்படையில் இவர் இடது கையில் தந்தமும் இருக்கிறது. ஒருசமயம் கிருஷ்ணன், யமுனையில் நீராடிக்கொண்டிருந்த கோபியருக்கு இடையே ஒரு போட்டி வைத்தார். கோபியர் நீராடிவிட்டு தங்களது ஆடை, ஆபரணங்களை சரியாக அணிந்து கொள்ள வேண்டும் என்பதே போட்டி! போட்டி துவங்கியதும், கிருஷ்ணர், ஒரு கோபியின் தாடங்கத்தை (காதணி) எடுத்து அணிந்து கொண்டார். கோபியர்களோ அதைக் கவனிக்காமல் தேடிக் கொண்டே இருந்தனர். இறுதியில் கண்ணனின் காதில் அது இருக்கும் அழகைப் பார்த்து நகைத்து, ஆனந்தம் கொண்டனர். இதன் அடிப்படையில் இங்கு ராஜகோபாலர் வலது காதில் குண்டலமும், இடது காதில் தாடங்கமும் அணிந்திருக்கிறார். இவருக்கு பால் பிரதான நைவேத்யமாக படைக்கப்படுகிறது. இதையே பிரசாதமாகவும் தருகின்றனர். மதுரை கள்ளழகர் கோயில் போல, தினமும் மாலையில் மட்டும் தோசை நைவேத்யம் படைக்கப்படுகிறது. வெண்ணெய் கண்ணன்:பங்குனியில் 18 நாட்கள் பிரம்மோற்ஸவம் நடக்கிறது. கிருஷ்ணருக்காக அமைந்த கோயில் என்பதால் 18க்கு முக்கியத்துவம் கொடுத்து இவ்விழா நடத்தப்படுகிறது (குருக்ஷேத்ர யுத்தம் நடந்த நாட்கள் மற்றும் கீதையின் அத்தியாயம் 18). இவ்விழாவை, "பார் புகழும் பங்குனி பிரம்மோற்ஸவம்' என்று குறிப்பிடுகிறார்கள். இவ்விழா நடக்கும் நாட்களில் கிருஷ்ணனின் 32 லீலைகளில், சுவாமியை அலங்காரம் செய்வது விசேஷம். பிரம்மோற்ஸவத்தின் 16ம் நாளில் "வெண்ணெய் தாழி' உற்சவம் நடக்கிறது. அப்போது சுவாமியை தவழ்ந்த கோலத்தில், கையில் வெண்ணெய்ப்பானையுடன் வீதியுலா செல்கிறார். அந்நேரத்தில் சுவாமிக்கு வெண்ணெயை பிரதான நைவேத்யமாக படைக்கின்றனர். அலங்காரம் முடிந்து இவர், ஊருக்குள் உள்ள மண்டபத்திற்கு செல்கிறார். அப்போது வழிநெடுகிலும் பக்தர்கள் இவர் மீது வெண்ணெயை வீசுகிறார்கள். அன்று மாலையில் இவர் குதிரை வாகனத்தில் அங்கிருந்து சன்னதிக்கு திரும்புகிறார். இவ்விழாவில் ஆண்டாள் கோலத்திலும், இரண்டு முகமுடைய "கண்டபேரண்ட பட்சி' என்னும் பறவை வாகனம், பஞ்சமுக ஆஞ்சநேயர் வாகனத்தில் மரவுரி தரித்த ராமர் வேடத்தில் எழுந்தருளுவது விசேஷம். கோயில் சிறப்பு: செங்கமலத்தாயார் தனிச்சன்னதியில் காட்சி தருகிறார். இவரது அவதார நட்சத்திரமான பூசத்தன்று விசேஷ திருமஞ்சனம் நடக்கிறது. தை 4ம் நாள் மட்டும் சுவாமி, தாயாருடன் சேர்ந்து "ஏக சிம்மாசனத்தில்' காட்சி தருகிறார். இவரது சன்னதி எதிரே பெண் வடிவ கருடாழ்வார் இருக்கிறார். திருமண, புத்திரதோஷம் உள்ள பெண்கள் இந்த கருடனுக்கு நெய்தீபம், எலுமிச்சை தீபம் ஏற்றி வழிபடுகிறார்கள். இது பெருமாள் தலமாயினும், கண்ணனுக்குரியது என்பதால் அவருக்கு முன்பிறந்த "மாயா', "துர்க்கை' என்னும் பெயரில் அருளுகிறாள். இவள், வாசுதேவப்பெருமாள் சன்னதி கோஷ்டத்தில் இருக்கிறாள். ராகு காலத்தில் இவளுக்கு விசேஷ பூஜை, வழிபாடு நடக்கிறது. புத்திர பாக்கியத்திற்காக இவளிடம் தொட்டில் வளையம் கட்டும் வழக்கமும் உள்ளது. தல வரலாறு: திருமால், கிருஷ்ணாவதாரம் எடுத்தபோது தென்பகுதியில் கோபிலர், கோபிரளயர் என்னும் இரண்டு முனிவர்கள் இருந்தனர். இவ்விருவரும் கண்ணனின் லீலைகளைக் கேட்டு, அவரைப் பார்க்க துவாரகை கிளம்பினர். வழியில் அவர்களை சந்தித்த நாரதர், கிருஷ்ணாவதாரம் முடிந்துவிட்டதாக கூறினார். அதைக்கேட்டதும் முனிவர்கள் மயக்கமாயினர். நாரதர் அவர்களை எழுப்பி தேற்றினார். கண்ணனைக் காண அவரது ஆலோசனைப்படி தவமிருந்தனர். பகவான் "கிருஷ்ணராக' அவர்களுக்கு காட்சி தந்தார். அவரிடம் தங்களுக்கு கிருஷ்ணலீலையைக் காட்டும்படி வேண்டினர். அவர் தனது 32 லீலைகளைக் காட்டியருளினார். அவர்களது வேண்டுதலுக்காக இத்தலத்தில் எழுந்தருளினார். சிறப்பம்சம்: அதிசயத்தின் அடிப்படையில்: தாயார் சன்னதி அருகே பெருமாள் சன்னதி எதிரே பெண் வடிவ கருடாழ்வார் இருக்கிறார். அமைவிடம்: திருவாரூரில் இருந்து 28 கி.மீ., தூரத்தில் உள்ள மன்னார்குடி நகரின் மத்தியில் கோயில் அமைந்துள்ளது. அருகிலுள்ள ரயில் நிலையம்: திருவாரூர் அருகிலுள்ள விமான நிலையம்: திருச்சி தங்கும் வசதி: திருவாரூர் 🌹 வாழ்க வளமுடன் 🌹 🪐 வாழ்க வையகம் 🪐 🙏 ஓம் நமோ நாராயணாய நமஹ🌷
1316 - saravanan.◄•───✧ உ ✧───•► (Enn iniya share shart nanbargalkkum thangal inimayaana kudumbathaarukkum irav vanakkam mukkiyamaaga thangal thaai thanathay avargalukkum irav vanakkam) #irav vanakkam 🙏 இன்றைய கோபுர தரிசனம் 🙏 திருவாரூர் மாவட்டம் தமிழ்நாடு திருக்கொள்ளம்புதூர் அருள்மிகு வில்வாரண்யேஸ்வரர் ஆலயம். கோபுர தரிசனம் - கோடி புண்ணியம் கோபுர தரிசனம் - பாவ விமோசனம் மூலவர் : வில்வாரண்யேஸ்வரர் (வில்வநாதர், திருக்கொள்ளம்பூதூருடையார்) அம்மன்/தாயார் : சவுந்தர நாயகி (அழகிய நாச்சியார்) தல விருட்சம் : வில்வம் தீர்த்தம் : பிரம்ம, அக்னி, கங்கா தீர்த்தம் ஆகமம்/பூஜை : காமிக ஆகமம் பழமை : 1000-2000 வருடங்களுக்கு முன் புராண பெயர் : கூவிளம்பூர், செல்லூர், திருக்களம்பூர் ஊர் : திருக்கொள்ளம்புதூர் மாவட்டம் : திருவாரூர் மாநிலம் : தமிழ்நாடு பாடியவர்கள் : சம்பந்தர் தேவாரப்பதிகம்: ஓடம்வந் தணையும் கொள்ளம் பூதூர் ஆடல்பேணிய அடிகளை யுள்கச் செல்ல வுந்துக சிந்தையார் தொழ நல்கு மாறருள் நம்பனே. தேவாரப்பாடல் பெற்ற காவிரி தென்கரைத்தலங்களில் இது 113வது தலம். திருவிழா: சித்திரை பிரமோற்சவம், கார்த்திகை பிரதோஷ நாளில் சுவாமி புறப்பாடு, சித்ரா பவுர்ணமியில் பஞ்ச மூர்த்திபுறப்பாடு. நவராத்திரியில் அம்மன் புறப்பாடு. ஐப்பசி அமாவாசையில் திருஞான சம்பந்தர் திருவிழா, கந்த சஷ்டி, கார்த்திகை சோமவாரம், மார்கழி தனுர்பூஜை, தைப்பூசம். தல சிறப்பு: இத்தல இறைவன் சுயம்பு லிங்கமாக அருள்பாலிக்கிறார்.சிவனின் தேவாரப்பாடல் பெற்ற 274 சிவாலயங்களில் இது 177 வது தேவாரத்தலம் ஆகும். திறக்கும் நேரம்: காலை 7 மணி முதல் 11.30 மணி வரை, மாலை 6 மணி முதல் இரவு 8.30 மணி வரை திறந்திருக்கும். முகவரி: அருள்மிகு வில்வாரண்யேஸ்வரர் திருக்கோயில், திருக்கொள்ளம்புதூர்,செல்லூர் - 613 705குடவாசல் வழி,திருவாரூர் மாவட்டம். போன்: +91- 4366 - 262 239. பொது தகவல்: கோயில் 5 நிலை ராஜகோபுரத்துடன் கிழக்கு நோக்கி 75 அடி உயரத்தில் 2 பிரகாரங்களுடன் அமைந்துள்ளது. உள்பிரகாரங்களில் பொய்யாத விநாயகர், வலம்புரிவிநாயகர், முருகன், ஆதிவில்வநாதர், கஜமுக்தீஸ்வரர், பஞ்சலிங்கம், கஜலட்சுமி ஆகிய சன்னதிகள் உள்ளன. பிரம்மா, அகத்தியர், அர்ச்சுனன் ஆகியோர் வழிபாடு செய்துள்ளனர். கோயில் மூன்றாம் குலோத்துங்க சோழன், மூன்றாம் ராஜராஜசோழன் இவர்கள் காலத்தில் கட்டியிருக்க வேண்டும் என கல்வெட்டுகள் கூறுகிறது. பிரார்த்தனை: சித்த சுவாதீனம் இல்லாதவர்கள் இங்குள்ள பிரம்ம தீர்த்தத்தில் நீராடி இறைவனை வழிபாடு செய்வது சிறப்பு. நேர்த்திக்கடன்: சுவாமிக்கு அபிஷேகம் செய்து புது வஸ்திரம் சாற்றி வழிபடுகின்றனர். தலபெருமை: பிரம்மா தனக்கு ஏற்பட்ட பிரம்மஹத்தி தோஷம் நீங்க வழிபாடு செய்த தலங்களில் இதுவும் ஒன்று. தலவிருட்சம் வில்வம். கூவிளம் என்பதற்கு வில்வம் என்பது பெயர். கூவிளம்புதூர் என்ற பெயர் மருவி காலப்போக்கில் கொள்ளம்புதூர் ஆனது. தல வரலாறு: பல சிவத்தலங்களை தரிசித்து பாடி வந்த ஞானசம்பந்தர், இத்தலம் வரும் போது வழியில் உள்ள வெட்டாறில் வெள்ளம் ஏற்பட்டது. இதனால் ஓடம் ஓட்டுபவர்களால் ஓடம் செலுத்த முடியாமல் ஆற்றின் கரையிலேயே ஓடத்தை விட்டு சென்றனர். ஆனால் சிவனை தரிசிக்காமல் செல்ல கூடாது என்பதில் தீவிரமாக இருந்தார் சம்பந்தர். எனவே ஆற்றின் கரையில் இருந்த ஓடம் ஒன்றை அவிழ்க்க செய்து அதன் மீது தன் அடியவர்களுடன் ஏறினார். தமது நாவையே ஓடக்கோலாக கொண்டு, "கொட்டமே கமழும் கொள்ளம்பூதூர் நட்டமாடிய நம்பனை யுள்கச் செல்வுந்துக சிந்தை யார்தொழ நல்கு மாறரு ணம்பனே' எனும் திருப்பதிகம் பாடினார். இறைவனின் திருவருளால் ஓடம் ஆற்றின் மறுகரையை அடைந்தது. திருஞான சம்பந்தர் கோயிலை அடைந்து மீதி பதிகங்ளை பாடி இறைவனை வழிபட்டு, அங்கேயே தங்கினார் என்பது வரலாறு. இந்த ஓடத்திருவிழா ஆண்டு தோறும் ஐப்பசி அமாவாசைக்கு மறுநாள் சிறப்பாக நடக்கிறது. சிறப்பம்சம்: அதிசயத்தின் அடிப்படையில்: இத்தல இறைவன் சுயம்பு லிங்கமாக அருள்பாலிக்கிறார். அமைவிடம்: கும்பகோணத்திலிருந்து (24 கி.மீ.,) கொரடாச்சேரி செல்லும் பஸ்சில் செல்லூரில் இறங்கி அங்கிருந்து மேற்கே ஒரு கி.மீ. தூரத்தில் திருகொள்ளம்புதூர் உள்ளது. அருகிலுள்ள ரயில் நிலையம்: கொரடாச்சேரி அருகிலுள்ள விமான நிலையம்: திருச்சி தங்கும் வசதி: கும்பகோணம் 🌹 வாழ்க வளமுடன் 🌹 🪐 வாழ்க வையகம் 🪐 🔥சிவ சிவ 🌙 🙏 ஓம் சிவய நம ஓம் 🌷
1011