എന്നും കൂടെ Part2​ Ak Writes അഖിൽ ഫോണും എടുത്തു പുറത്തേക്ക് പോയപ്പോൾ നിവ്യ വീണ്ടും അവളുടെ ചിന്തകളിലേക്ക് മടങ്ങി. ഫോൺ സ്ക്രീനിൽ തെളിഞ്ഞ 'നവനീത്' എന്ന പേര് അഖിൽ മാത്രമേ കണ്ടിരുന്നുള്ളൂ. ഹോസ്പിറ്റലിന്റെ കോറിഡോറിലെ ഒഴിഞ്ഞ ഭാഗത്തേക്ക് മാറി നിന്നാണ് അവൻ ആ കോൾ എടുത്തത്. ​"ഹലോ നവനീത്..." ​"അഖിലേ... അവന് ഇപ്പോ എങ്ങനെയുണ്ട്? കുഴപ്പമൊന്നുമില്ലല്ലോ?" മറുതലക്കൽ നവനീതിന്റെ ശബ്ദത്തിൽ തന്റെ പെങ്ങളോടുള്ള ആവലാതിയും പേടിയും നിറഞ്ഞു നിന്നിരുന്നു. ​"വിനോദിന് കുഴപ്പമൊന്നുമില്ല. മൈനർ സ്ട്രോക്ക് ആയിരുന്നു, വൈകുന്നേരം റൂമിലേക്ക് മാറ്റും," അഖിൽ അവനെ ആശ്വസിപ്പിച്ചു. ​ഒരു വലിയ ആശ്വാസത്തിന്റെ നെടുവീർപ്പ് ഫോണിലൂടെ അഖിൽ കേട്ടു. "അവൾ... നിവി വല്ലാതെ പേടിച്ചിട്ടുണ്ടാകുമല്ലേ അഖിലേ? അവളോട് ഞാൻ വിളിച്ചെന്ന് പറയണ്ട. വെറുതെ ഈ സമയത്ത് അവൾക്കതൊരു അസ്വസ്ഥത ആകരുത്." ​"വരുന്നില്ലേ ഹോസ്പിറ്റലിലേക്ക്?" അഖിൽ ചോദിച്ചു. ​"ഞാൻ വന്നിട്ട് അവൾക്ക് എന്നെ കാണാൻ താല്പര്യമില്ലെങ്കിലോ? വിനോദിന്റെ അസുഖം മാറിയിട്ട് അവനെ ഞാൻ വന്ന് കണ്ടോളാം. അവളുടെ കണ്ണിൽ ഞാനെന്നും ഒരു വില്ലൻ അല്ലേ അഖിലേ... അമ്മക്ക് അവനെ ഒന്ന് കാണണം എന്ന് വല്ലാത്ത നിർബന്ധം, എന്നാലും ഞാൻ തടഞ്ഞു നിർത്തിയിരിക്കുവാ. അനഘയെയും കൂട്ടി ഞാൻ വൈകുന്നേരം അങ്ങോട്ട് വരാം. അവൾ കാണാതെ ദൂരെ നിന്ന് നിങ്ങളെ കണ്ടിട്ട് ഞങ്ങൾ പൊയ്ക്കോളാം. ഹോസ്പിറ്റലിലെ കാര്യങ്ങളൊക്കെ ഞാൻ നോക്കിക്കോളാം, അഖിൽ അവളൊന്നും അറിയാത്തത് പോലെ നിന്നാൽ മതി." ​തന്റെ ജീവന് തുല്യം സ്നേഹിക്കുന്ന പെങ്ങൾക്ക് ഒരു ബുദ്ധിമുട്ട് വന്നപ്പോൾ ഓടിയെത്താൻ കഴിയാത്ത ആ ചേട്ടന്റെ ഗതികേട് അഖിലിന് നന്നായി മനസ്സിലാകുന്നുണ്ടായിരുന്നു. ഫോൺ കട്ട് ചെയ്ത് തിരികെ റൂമിലേക്ക് വരുമ്പോൾ അവൻ മുഖത്തെ ഭാവങ്ങൾ മറച്ചുപിടിച്ചു. ​"ആരായിരുന്നു അഖിലേട്ടാ?" ശ്രീ ചോദിച്ചു. ​"ഓഫീസിൽ നിന്നാടി, ലീവിന്റെ കാര്യം പറയാൻ വിളിച്ചതാ..." അഖിൽ നിവ്യയെ നോക്കാതെ കള്ളം പറഞ്ഞു. ​വൈകുന്നേരത്തോടെ വിനോദിനെ ഐ സി യുവിൽ നിന്നും റൂമിലേക്ക് മാറ്റി. നിവ്യ അവനെ കണ്ടപ്പോൾ വീണ്ടും കരഞ്ഞു പോയി. ക്ഷീണം ഉണ്ടായിരുന്നിട്ടും വിനോദ് അവളുടെ കൈകൾ ചേർത്തുപിടിച്ചു. ​"ഞാൻ പറഞ്ഞില്ലേ എനിക്ക് കുഴപ്പമൊന്നുമില്ലെന്ന്... നീ ഇങ്ങനെ കരഞ്ഞാൽ എനിക്ക് അതാണ് ഏറ്റവും വലിയ വേദന," വിനോദ് അവളെ സമാധാനിപ്പിച്ചു. ​കുറച്ചു സമയത്തിന് ശേഷം, മുറിയിൽ അവർ രണ്ടുപേരും മാത്രമായപ്പോൾ വിനോദ് പതുക്കെ അവളോട് ചോദിച്ചു, "നിവി... നീ വീട്ടിൽ അറിയിച്ചിരുന്നോ? അമ്മയെയും ഏട്ടനെയും?" ​ആ ചോദ്യം കേട്ടതും അവളുടെ മുഖത്തെ അലിവ് പെട്ടെന്ന് ദേഷ്യത്തിന് വഴിമാറി. നിവ്യയുടെ കണ്ണുകൾ വല്ലാതെ മുറുകി. . . . ബാക്കി വായിക്കാൻ ലിങ്ക് നോക്കു 👇 . . https://aksharacheppuofficial.blogspot.com/2026/08/2.html . . . #📔 കഥ #📙 നോവൽ #💞 പ്രണയകഥകൾ #👨‍👩‍👧‍👦 കുടുംബം #📝 ഞാൻ എഴുതിയ വരികൾ