അമ്പിളി 🌝
3K views • 2 days ago
MY DOCTOR ❤️52
ഒരു ചൊടിയും ചുണയുമില്ലാതെ റൂമിൽ അടച്ചിട്ടിരിക്കുന്ന ദേവികയെ അമ്മ നിർബന്ധിച്ചു കൊണ്ടുവന്നതാണ് അമ്പലത്തിലേക്ക്. ആകെ ക്ഷീണിച്ചുപോയ തന്റെ മകളെ കാണിക്കാത്ത ഡോക്ടർമാരില്ല, ജ്യോൽസ്യൻമാരില്ല.... എന്നിട്ടും ഒരു മാറ്റവുമില്ലാതെ റൂം അടച്ചിട്ടു ഒരേ കിടപ്പും ഇരിപ്പും.
അമ്മയുടെ കൈകോർത്ത് പിടിച്ചു പടവരമ്പത്തൂടെ ദേവിക നടന്നു. ചലിക്കുന്ന ശരീരവും ചത്ത മനസ്സുമുള്ളൊരു പെണ്ണ്. സൂര്യസ്തമയ സമയം ആയതുകൊണ്ട് തന്നെ നല്ല കാറ്റടിക്കുന്നുണ്ടായിരുന്നു. ചുവന്ന വെയിലിന്റെ കിരണങ്ങൾ തട്ടിയിട്ടെന്തോ വിളഞ്ഞ ഞാറുകൾ തെളിഞ്ഞു നിൽപ്പുണ്ടായിരുന്നു.
ദേവീക്ഷേത്രത്തിൽ നല്ല തിരക്കായിരുന്നു. ദീപാരാധന തൊഴാൻ പതിവിൽ കൂടുതൽ ആളുകൾ. അതിന് കാരണമുണ്ട് ചൊവ്വാഴ്ച ഉത്സവമാണ്. ഉത്സവപരിപാടികൾ ശനിയാഴ്ച അതായത് ഇന്ന് രാവിലെ മുതൽ തുടങ്ങും. രാത്രി സ്റ്റേജ് പരിപാടികൾ ഒക്കെ ഉണ്ട്. പണ്ട് ഇതുപോലെ എല്ലാ ഉത്സവങ്ങൾക്കും ദേവികയുടെ വക ഒരു ഡാൻസ് ഉണ്ടാകുമായിരുന്നു. അഞ്ജുവായിരിക്കും ഏറ്റവും വലിയ സപ്പോർട്ടർ....
അമ്മയുടെ കൂടെ നിർവികരമായ മനസ്സോടെ ദേവിക തൊഴുതിറങ്ങി.
" ആ... അമ്മേം മോളും തൊഴുതിറങ്ങിയോ?" അമ്പല മുറ്റത്തേക്കിറങ്ങിയതും ആരോ പറയുന്നത് കേട്ട് ദേവിക തലയുയർത്തി നോക്കി.
" ആ ഇറങ്ങി രാധേച്ചി.... നിങ്ങള് വൈകിയോ? " ദേവികയുടെ അമ്മ ചോദിച്ചു. ദേവിക ഒന്ന് നെടുവീർപ്പിട്ടു പോയി. ഇനിയിപ്പോ ഈ സംസാരം എത്രനേരം നീളുമെന്ന് അവർക്ക് തന്നെ അറിയില്ല.
" ആന്നേ... ഞാൻ നമ്മുടെ സുജിതയോട് സംസാരിച്ചു നിന്നങ് നേരം പോയെടി സന്ധ്യേ ... "
" ഇതിനും മാത്രം എന്താ നിങ്ങൾക്ക് സംസാരിക്കാനുള്ളത്, ഞാനും കൂടെ അറിയട്ടെ.. " സന്ധ്യക്ക് ആവേശമായി.
" നീ ഇന്നലെന്തേ കുടുംബശ്രീ മീറ്റിംഗിന് വരാതിരുന്നേ... നല്ലൊരു ചൂട് വാർത്തയുണ്ട്.. അതിന്റെ ചർച്ചയായിരുന്നു ഇന്നലെ മൊത്തം."
അവർ ആവേശത്തോടെ പറഞ്ഞു തുടങ്ങി.
" ഞാൻ കുറച്ചു തിരക്കിൽ പെട്ടു പോയെന്നെ... നിങ്ങള് കാര്യം പറ.. "
" നമ്മുടെ വിശ്വേട്ടൻ ഇല്ലേടി... ആ പാലകടവത്തെ... അങ്ങേരുടെ കല്യാണം ഉറപ്പിച്ച മോളില്ലേ.. മഹിമ.. ആ പെണ്ണിന്റെ വയറ്റിൽ കൊച്ചൊണ്ടെന്ന്... നാലുമാസം എങ്ങാണ്ടോ ആയിട്ടുണ്ട്."
" ഉള്ളതാണോ .. ആരുടെ കൊച്ചാ.... " സന്ധ്യ വിശ്വസിക്കാനാവാതെ ശബ്ദം താഴ്ത്തി ചോദിച്ചു.
അത്ര നേരം വേറെ എങ്ങോട്ടോ നോക്കി നിൽക്കുകയായിരുന്ന ദേവിക അത് കേട്ടതും ഞെട്ടലോടെ അവരുടെ സംസാരത്തിലേക്ക് ശ്രദ്ധ തിരിച്ചു.
" അത് അവളുടെ ചെക്കൻ അർജുന്റെ തന്നെയാണെന്ന്... പെണ്ണ് വയറ്റിൽ ഉണ്ടായത് അറിഞ്ഞിട്ടും ആരോടും പറഞ്ഞിട്ടില്ല... അവള് പറഞ്ഞില്ലെങ്കിലും വയറ് പൊങ്ങാതിരിക്കുവോ... ലയ കള്ളം കയ്യോടെ പൊക്കി. അവളുടെ ആങ്ങളേടെ കയ്യിന്ന് രണ്ടു കിട്ടിയെന്നൊക്കെയാ കരക്കമ്പി.. എന്തായാലും അടുത്ത ഞായറാഴ്ച ഈ ക്ഷേത്രത്തിൽ വച്ച് അവരുടെ കല്യാണമാണ്... " രാധ ചേച്ചി പറഞ്ഞു.
" അല്ല മാറ്റകല്യണം അല്ലേ. അപ്പൊ മറ്റവരുടെ കാര്യം? " അമ്മ ചോദിക്കുന്നത് കേട്ടതും ദേവികയുടെ ഹൃദയം പൊട്ടും വിധം ഇടിച്ചു തുടങ്ങി.
" അതറിയില്ല. അഞ്ചുപെണ്ണിന്റെ പഠിപ്പ് കഴിഞ്ഞാണ് കല്യാണം എന്നല്ലേ പറഞ്ഞിരുന്നേ.ഇനിയിപ്പോ ഇതിന്റെ കൂടെ നടത്താനും മതി... " അവരുടെ മറുപടി കേട്ട് ദേവികയുടെ സകല പേശികളും തളരുന്ന പോലെ തോന്നി.
" അതിന് അഞ്ജു അങ്ങ് തിരുവനന്തപുരത്തല്ലേ... ദേവൂന്റെ കൂട്ടുകാരിയല്ലായിരുന്നോ? " ആദ്യം രാധേച്ചിയെയും പിന്നെ ദേവികയേയും നോക്കി സന്ധ്യ ചോദിച്ചു. ദേവിക ഒന്ന് തലചലിപ്പിച്ചു.
" നാളെയോ മറ്റന്നാളോ എങ്ങാണ്ട് അവള് വരുന്നുണ്ടെന്ന് നിർമല പറഞ്ഞിരുന്നു... " അതിന്റെ വാലുപിടിച്ചു അവരെന്തൊക്കെയോ പറഞ്ഞു കൊണ്ടിരുന്നു.. എന്നാൽ ദേവിക പൂർണമായും തകർന്നു പോയിരുന്നു. അഞ്ജുവിന്റെ കാര്യമോർക്കും തോറും ദേവികയുടെ തളർച്ച കൂടി.
അമ്മയുടെ കൂടെ വീട്ടിൽ എത്തുന്നവരെ അവളൊന്നും മിണ്ടിയില്ല. നേരെ റൂമിൽ പോയി കതകടച്ചു. എന്ത് ചെയ്യണമെന്നറിയാതെ ദേവികയുടെ തല പുകഞ്ഞു. മഹേഷിന്റെ മുഖം ഓർക്കാൻ പോലുമവൾ ധൈര്യപ്പെട്ടില്ല. കട്ടിലിലേക്ക് കമഴ്ന്നു വീണു കുറച്ചുനേരം കിടക്കാമെന്നോർത്തു. ഉറങ്ങാതെ ആ കിടപ്പ് മണിക്കൂറുകൾ നീണ്ടു പോയി. പെട്ടന്ന് ബാൽക്കണി ഡോർ തുറക്കുന്ന ശബ്ദം കേട്ടവളുടെ നെഞ്ചോന്നാളി...
" മഹേഷ്.... " ആരാണെന്ന് അറിയാവുന്നത്കൊണ്ട് നിറഞ്ഞ കണ്ണുകളോടെയവൾ സ്വയം പറഞ്ഞു.
മഹേഷ് പതുക്കെ നടന്നവളുടെ അടുത്തേക്കെത്തി. കമഴ്ന്നു കിടക്കുകയായിരുന്ന ദേവികയുടെ അടുത്തേക്ക് കിടന്നു വയറ്റിൽ കൈച്ചുറ്റി. ദേവിക നിസ്സഹായതയോടെ കണ്ണുകളടച്ചു. നിമിഷം നേരം കൊണ്ടവൻ അവളെ മറിച്ചിട്ടു അവൾക്ക് മുകളിലേക്ക് ചേക്കേറി. യാതൊരു എതിർപ്പുകളുമില്ലാതെ ദേവിക ശവം പോലെ കിടക്കുകയായിരുന്നു.
വേദന സഹിക്കാനാവാതെ ആർത്തുക്കരയണമെന്ന് തോന്നുന്നുണ്ടെങ്കിലും അവളാ തോന്നൽ ചുണ്ടുകൾ കൂട്ടിപിടിച്ചു അടക്കി വച്ചു. എത്രനേരം അത് തുടരനെന്ന് അറിയില്ല. അവന്റെ ആവശ്യം കഴിഞ്ഞതും മഹേഷ് അവളുടെ ശരീരത്തിൽ നിന്നും കിടക്കയിലേക്ക് മറിഞ്ഞു.വസ്ത്രം എടുത്തിട്ട് ഒരു സിഗരറ്റ് കത്തിച്ചു വായിൽ വച്ചു. ദേവിക കണ്ണുകൾ അടച്ചു തിരിഞ്ഞു കിടന്നു. അവൻ എണീറ്റ് പൊക്കോളുമെന്നോർത്തെങ്കിലും അനക്കമൊന്നും കാണാതായപ്പോൾ അവൾ ചെരിഞ്ഞു നോക്കി. സിഗരറ്റിൽ നിന്നും ഓരോ പുകയുമെടുത്തു മുകളിലേക്കൂതി എന്തോ ചിന്തയിൽ കിടക്കുകയണവൻ.
" നീ അറിഞ്ഞോ... നിന്റെ കൂട്ടുകാരി വരുന്നുണ്ട്.. " അവനവളുടെ നോട്ടം തിരിച്ചറിഞ്ഞ പോലെ പറഞ്ഞു. ദേവികയുടെ ഉള്ളൊന്ന് പിടഞ്ഞു.
" അവളുടെ ആങ്ങള... ആ നാറി പണിപറ്റിച്ചു. അതുകൊണ്ടെന്താ അവർക്ക് വേഗം കെട്ടിയങ്ങു പൊറുക്കാലോ...." ദേവിക അവൻ പറഞ്ഞത് കേട്ടതല്ലാതെ ഒരു മൂളൽ പോലും തിരിച്ചു കൊടുത്തില്ല.
പിന്നെ കുറച്ചു നേരത്തേക്ക് അവനൊന്നും മിണ്ടിയില്ല....
" നിനക്ക് തോന്നുന്നുണ്ടോ അവളിവിടെ കാലുകുത്തിയാൽ ഇനിയൊരു തിരിച്ചുപോക്കണ്ടാകുമെന്ന്? " അവന്റെ ശബ്ദതിന് വല്ലാത്തൊരു ഭീകരതയുണ്ടായിരുന്നു.
" എൻഗേജ്മെന്റ് കഴിഞ്ഞു ആറ് മാസമായി... അന്നൊരു പോക്ക് പോയതാണവള്... അവിടെ കിടന്ന് കണ്ടവന്റെ കൂടെ അഴിഞ്ഞാടുമ്പോൾ ഇങ്ങോട്ടൊരു തിരിച്ചുവരവ് അവളോർത്തുകാണില്ല.... ഈ മഹേഷേട്ടൻ കാത്തിരുന്നു കാത്തിരുന്നു മടുത്തു പോയെടി.... എന്റെ കാത്തിരിപ്പിനവസാനം വരാൻ പോകുന്നു... അവളെ എന്നെന്നേക്കുമായി എനിക്ക് കിട്ടാൻ പോകുന്നു...." ദേവിക ഭയന്നു. ശരിക്കും ഭയന്നു. തന്റെ ജീവിതം നശിപ്പിച്ചപോലെ അവൻ അഞ്ജുവിന്റെ ജീവിതവും നശിപ്പിക്കാൻ പോവുകയാണെന്നോർക്കേ അവൾക്ക് ഹൃദയം പൊട്ടി....
പിന്നെയും എന്തൊക്കെയോ മഹേഷ് പുലമ്പിക്കൊണ്ടിരുന്നു.എന്നാൽ അതൊന്നുമവൾ കേട്ടില്ല. അയാൾ അഞ്ജുവിനോട് ചെയ്തുകൂട്ടിയ പാപങ്ങൾ ഓരോന്നായി അവളുടെ ഉള്ളിൽ തികട്ടി വന്നു അതെല്ലാം ഓർക്കേ നിസ്സഹായായി ദേവിക ഇരുന്നു...... ആ നേരം മഹേഷിന്റെ ചുണ്ടിൽ ഒരു വല്ലാത്ത ചിരിയുണ്ടായിരുന്നു.ആരെയും ഭയപ്പെടുത്തുന്നൊരു ചിരി.
***************
തണുപ്പുകാലം തുടങ്ങിയത്കൊണ്ട് തന്നെ അന്തരീക്ഷം വല്ലാതെ ആർദ്രമായിരുന്നു. ഇന്നലെ രാത്രി കാലം തെറ്റിയൊരു മഴ ചാറി പോയതുകൊണ്ടാണെന്ന് തോന്നുന്നു ചുറ്റും ചെറുതായി കോടമഞ്ഞു മൂടിയിട്ടുണ്ട്. നല്ല തണുത്ത കാറ്റടിച്ചുകൊണ്ടിരുന്നു.. അഞ്ജു പുതച്ചിരിക്കുന്ന പുതപ്പ് ഒന്നൂടെ വലിച്ചു പുതച്ചു ബാൽക്കണിയിൽ നിന്ന് റേഡിലേക്ക് നോക്കി നിന്നു. ഒരുപാട് നേരമായി ഈ നിൽപ്പ് നിൽക്കുന്നു ... ഏകദേശം വെളിച്ചം വരുന്നതിന് മുന്നേ ഓരോ ചിന്തയോടെ എണീറ്റ് വന്നതാണവൾ.
പെട്ടന്ന് പുറകിൽ നിന്നും ഏഥൻ ആ പുതപ്പ് വലിച്ചെടുത്തു. എന്നിട്ടവളുടെ പുറകിലേക്ക് ചേർന്ന് നിന്നു അവനെ കൂടെ ചേർത്ത് മൂടി. അഞ്ജുവിനെ വയറിൽ ചുറ്റി പിടിച്ചു തോളിലേക്ക് മുഖം വച്ചു.
" good morning sweetheart... " ഉറക്കം തങ്ങി നിൽക്കുന്ന husky വോയ്സിൽ ഏഥൻ പറഞ്ഞു.
" ഗുഡ് മോർണിംഗ്.... " അവളൊരു കൈകൊണ്ടവന്റെ കവിളിൽ ഒന്ന് തഴുകി. ഏഥൻ കണ്ണടച്ചു.
"ഇന്ന് വൈകീട്ട് ഞാൻ പോകും..." അവൾ പറഞ്ഞതിന് ഏഥൻ അമർത്തി ഒന്ന് മൂളി. ആ മൂളലിൽ ഉണ്ടായിരുന്നു ഇഷ്ടക്കേട് മുഴുവൻ. പക്ഷെ അവളുടെ വീട്ടിൽ പോകുന്നത് അവളുടെ തീരുമാനമല്ലേ, അതിനെ എതിർക്കാൻ ആർക്കും അവകാശം ഇല്ലല്ലോ....
" എന്താണ്... മൂളലിനിത്ര കനം... " അഞ്ജു ഒരു മന്ദാഹാസത്തോടെ ചോദിച്ചു.
" ഒന്നുല്ല... " അവൻ മുഖമുയർത്തി.
അവൾക്കറിയാം ഏഥനും സിറിക്കും തനിക്ക് ഒരു വാല്യൂ തരാത്ത വീട്ടിലേക്ക് പറഞ്ഞുവിടാൻ ഒട്ടും ഇഷ്ട്ടമില്ലെന്ന്. ഇത് പറഞ്ഞപ്പോ തൊട്ടു രണ്ടിന്റേം മുഖം തെളിഞ്ഞിട്ടില്ല..
അന്നത്തെ പ്രശ്നങ്ങൾ ഒക്കെ തീർന്ന് ഇപ്പോൾ അഞ്ച് മാസത്തോളമായിട്ടുണ്ട്. രണ്ടാഴ്ച സിറിക്ക് റസ്റ്റ് ആയിരുന്നു. അതൊക്കെ കഴിഞ്ഞാണവൻ കോളേജിൽ വരാൻ തുടങ്ങിയത്.
പിന്നീടങ്ങോട്ട് ജീവിതം ഏറ്റവും ഭംഗിയുള്ള ഒന്നായിരുന്നു. അഞ്ജു, ഐഷു,സിദ്ധു,സിറി, വൈശാഖ്,ആരോൺ. ഈ ആറ്പേരും കൂടെ മനോഹരമായൊരു കോളേജ് ജീവിതം തന്നെ ജീവിക്കാൻ തുടങ്ങി. ഏഥനും തിരക്കായിരിക്കും അവളും തിരക്കിലായിരിക്കും അതുകൊണ്ട് എപ്പോഴും കാണലും വിളിക്കലും ഒന്നും നടക്കാറില്ല അതുകൊണ്ട് ശനിയാഴ്ച ഒരു അവസരം കിട്ടിയാൽ അവളോടി അവന്റടുത്തേക്ക് വരും. ഇതിപ്പോ ഏകദേശം ഒരുമാസമായി ഏഥനെ കണ്ടിട്ട്. സേം എക്സാം ആയത്കൊണ്ട് അഞ്ജു മനഃപൂർവം കാണാൻ അവസരം ഉണ്ടാക്കാത്തതാണ്. അത് മനസിലായപ്പോൾ ഏഥനും അവളെ നിർബന്ധിച്ചില്ല.
വെള്ളിയാഴ്ച ലാസ്റ്റ് എക്സാം കഴിഞ്ഞു വർക്കും കഴിഞ്ഞു ഹോസ്റ്റലിൽ പോവാൻ ഇറങ്ങുമ്പോഴുണ്ടെടാ മുന്നിൽ കയ്യും കെട്ടി മനുഷ്യനെ കൊല്ലുന്ന നോട്ടവുമായി ഏഥൻ നിൽക്കുന്നു.....
പിന്നൊരു ഓട്ടമായിരുന്നു. ഓടിച്ചെന്ന് ഏഥന്റെ നെഞ്ചിലേക്ക് അങ്ങ് വീണപ്പോൾ ഒരുമാസത്തെ കാത്തിരിപ്പിന്റെ മഞ് ഉരുകിയൊലിച്ചു. ഒരുപാട് ദിവസത്തിന് ശേഷം വന്നതുകൊണ്ട് ഇന്നലെ ഏഥൻ ലീവ് എടുത്തു.
സീമേച്ചിയോട് വരണ്ടാന്നു പറഞ്ഞു. സിറി രാവിലെ തന്നെ എങ്ങോട്ടോ പോവാനുണ്ടെന്നും പറഞ്ഞു പോയി. ഇന്നലെ മുഴുവൻ അഞ്ജുവും ഏഥനും തനിച്ചായിരുന്നു.
ഒരുമിച്ച് കുക്ക് ചെയ്ത് ക്ലീൻ ചെയ്ത് കഴിച്ചും സംസാരിച്ചും കൊതി തീരുംവരെ ചുംബിച്ചും കുസൃതികൾ കാണിച്ചും അങ്ങനെ അങ്ങനെ ഒരുദിവസം. അതിനിടക്കാണ് അമ്മ അവളെ വിളിക്കുന്നത്.
വിളിച്ച കാര്യം കേട്ടപ്പോൾ അവൾ ഞെട്ടിപ്പോയി. നാട്ടിൽ ഉത്സവം ആണെന്ന് അറിഞ്ഞിട്ടും പോവാതെ ഇരുന്നതായിരുന്നു. എക്സാം കഴിഞ്ഞത് കൊണ്ട് 1 വീക്ക് ഹോളിഡേ ഉണ്ട്. അത് മുഴുവൻ ഏഥന്റെ കൂടെ തീർക്കാൻ ആയിരുന്നു പ്ലാൻ. പക്ഷെ ഏട്ടന്റെ കല്യാണമാണെന്ന് പറഞ്ഞാൽ അവൾക്ക് പോവാതിരിക്കാൻ ആവില്ലല്ലോ. ഇങ്ങനൊരു കല്യാണം അവൾ സ്വപ്നത്തിൽ പോലും വിചാരിച്ചിട്ടുണ്ടായിരിന്നില്ല. അങ്ങോട്ട് പോവുന്നത് കേട്ടപ്പോൾ മുതൽ ഏഥൻ ഗൗരവത്തിൽ ആണ്. മഹേഷ് ഉള്ളിടത്തേക്ക് അവളെ ഒറ്റക്ക് വിടാൻ അവർക്ക് പേടി ഇല്ലാതിരിക്കില്ലല്ലോ.അവളുടെ വീട്ടുകാരെയും മഹേഷിനെയും ഇന്ന് അവളോളമോ അല്ലെങ്കിൽ അതിൽ കൂടുതലോ അവർ വെറുക്കുന്നുണ്ട്.
" ഈ കുറുമ്പ് മാറ്റിയാൽ ഞാനൊരു കാര്യം പറയാം..." അഞ്ജു മുഖം ചെരിച്ചവനെ നോക്ക് പറഞ്ഞു.
" പറ... " അവൻ സൈഡിലേക്ക് നോക്കി നിൽപ്പാണ്...
" ഓ പറയുന്നില്ല.... " അവൾ കുറുമ്പോടെ മുഖം വെട്ടിച്ചു.
ഏഥൻ വീണ്ടുമവളുടെ തോളിലേക്ക് മുഖം ചേർത്ത് വച്ചു. എന്നിട്ട് വയറ്റിൽ ഇക്കിളിയാക്കി.
" പറ.. Babygirl... " ഇക്കിളിപ്പെട്ട് ചിരിക്കുന്ന അഞ്ജുവിന്റെ കവിളിൽ ഒരു ഉമ്മകൂടെ കൊടുത്തവൻ പതുക്കെ പറഞ്ഞു.
"ഇന്ന് ഞാൻ പോയാൽ... നാളെ നിങ്ങളെല്ലാവരും കൂടെ അങ്ങോട്ട് വരോ? ഉത്സവം കൂടാൻ?" അഞ്ജു തിരിഞ്ഞു നിന്നവനോട് ചേർന്ന് ചോദിച്ചു.
ഏഥന്റെ മുഖം നന്നയൊന്ന് തെളിഞ്ഞു.
" വരാം... " അവനെങ്ങനെ വരാതിരിക്കാനാകും... അവന്റെ പ്രിയപെട്ടവൾ ഉള്ളിടതല്ലേ അവന്റെ ലോകം തന്നെ.
അഞ്ചുവിനും സന്തോഷം... അവളവനെ ഇറുക്കി കെട്ടിപിടിച്ചു കൊണ്ട് റൂമിലേക്കോടി കതകും തുറന്നു പുറത്തേക്ക് പോയി. ആ ഓടിയുള്ള പോക്ക് സിറിയുടെ അടുത്തേക്കാണ്.
ഏഥൻ അവളെ ഒന്ന് നോക്കി വീണ്ടും പുറത്തേക്ക് ശ്രദ്ധ തിരിച്ചു. അവൾ വന്നതിനു ശേഷമുള്ള പ്രഭാതങ്ങൾക്കെല്ലാം വല്ലാത്തൊരു ഭംഗിയുണ്ടെന്നവന് തോന്നി. അവളെന്തൊരു പെണ്ണാണ്... പ്രണയം തോൽപ്പിച്ചു കളഞ്ഞ ഒരുത്തനെ പ്രണയംകൊണ്ട് പൂക്കാൻ പഠിപ്പിച്ചൊരു പെണ്ണ്. ഒരു പെണ്ണ് വന്നാൽ നശിച്ചുപോകുമെന്ന് ചിന്തിച്ച തന്റെ കുടുംബം ഇന്നേറ്റവും കൂടുതൽ സന്തോഷിക്കുന്നത് ആ ഒരുത്തിയുടെ സന്തോഷങ്ങളിൽ ആണ്.
************
സിറി നല്ല ഉറക്കമായിരുന്നു. പെട്ടന്നെന്തോ വന്ന് മേലേക്ക് വീഴുന്നപോലെ തോന്നിയവൻ ഞെട്ടി.
" അപ്പാ... പുലി പുലി.... " അവൻ അലറിക്കൊണ്ട് പുതപ്പ് കുടഞ്ഞു ചാടി എണീറ്റു കട്ടിലിലേക്ക് നോക്കി. അപ്പോഴതാ മിഴിച്ച കണ്ണുകളോടൊരുതി അവനെ ഞെട്ടി നോക്കി കിടക്കയിൽ കിടക്കുന്നു.
" എന്റെ പൊന്നേ... നീയായിരുന്നോ... ഞാനങ്ങു പേടിച് പോയി... " അഞ്ജുവാണെന്ന് മനസിലായതും ചെറിയൊരു ജാള്യതയോടെ പറഞ്ഞുകൊണ്ടവൻ വീണ്ടും കയറി കിടന്നു. അഞ്ജു നീട്ടിയൊരു ചിരി ചിരിച്ചു.
" കേട്ടോ മിഷ്ടർ സിറിയസ് സിയോൺ.. ഇന്ന് വൈകുന്നേരം ഞാൻ എന്റെ വീട്ടിലോട്ട് പോകും... ഒരാഴ്ച കഴിഞ്ഞു തിരിച്ചു വരുള്ളൂ... " അഞ്ജു ഗൗരവം നടിച്ചു പറഞ്ഞു.
" പൊക്കോ... എങ്ങോട്ടാന്നുവച്ച പൊക്കോ... പോകുമ്പോ നിന്റെ ഡോക്ടറേ കൂടെ കൊണ്ട് പോ... അല്ലെങ്കി അങ്ങേരെനിക്കൊരു സമാധാനം തരത്തില്ല... " സിറി വീണ്ടും പുതപ്പ് വലിച്ചിട്ടു ചുരുണ്ടുകൂടി.
" അങ്ങേരെ മാത്രമല്ല.. നിന്നേം കൊണ്ടുപോകുന്നുണ്ട്... നാളെ അങ്ങ് പുറപ്പെട്ടു പോരെ. മറ്റന്നാൾ ഉത്സവം കൂടി തിരിച്ചു വരാം.. " അഞ്ചു പറഞ്ഞത് കേട്ട് ശരിക്കും എന്നപോലെ സിറി കണ്ണ് മിഴിച്ചു. അവൾ ഇതൊക്കെ എന്ത് എന്നപോലെ ഒരു റിയാക്ഷൻ തിരിച്ചു കൊടുത്തു.
സിറിക്ക് ഒരു ആശ്വാസം തോന്നി. അവളെ അങ്ങോട്ട് വിടാൻ അവനു നല്ല പേടിയുണ്ടായിരുന്നു. ഇതിപ്പോ ചൊവ്വ വരെ കൂടെ നിൽക്കലോ അത് കഴിഞ്ഞു 5 ദിവസം കൂടെ കഴിഞ്ഞു കിട്ടണം. മഹേഷിന്റെ പ്രതികാരം നിറഞ്ഞ നോട്ടം അന്നവൻ വ്യക്തമായി കണ്ടതാണല്ലോ...
തുടരും......
ഹേയ് ഷുട്ടുമണിസ്.... ഓണം ഒക്കെ എങ്ങനെ പോകുന്നു.happy അല്ലേ എല്ലാവരും. എന്നെ മിസ്സ് ചെയ്തോ......
ഞാൻ ഒരു ഫാമിലി ട്രിപ്പും ഓണവും ഒക്കെയായി തിരക്കായി പോയെന്നെ.... ഇപ്പൊ തിരക്കൊക്കെ ഒന്ന് ഒതുങ്ങി, ഇനി മുതൽ പഴയ പോലെ പോസ്റ്റ് ചെയ്യാമേ.... 😌
Love you my girls 😍
#📙 നോവൽ #📔 കഥ #💞 പ്രണയകഥകൾ
• 21 shares
