#📙 നോവൽ #📔 കഥ #💞 പ്രണയകഥകൾ MY DOCTOR❤️34  ഏഥൻറെ തീക്ഷ്ണമായ മിഴികൾ അഞ്ജുവിന്റെ മിഴികളുമായി കൊരുത്തു. ആ കുഞ്ഞു ശരീരത്തെ തന്റെ നെഞ്ചിൽ അടക്കി പിടിക്കാൻ കഴിഞ്ഞിരുന്നെങ്കിൽ എന്നവന് തോന്നുന്നുണ്ടായിരുന്നു. ആ ക്യൂട്ട് ആയ മുഖത്തിനപ്പുറം ഒരുപാടു വേദനിക്കുന്നൊരു മനസുണ്ടെന്ന് താൻ അറിയാതെ പോയല്ലോ ........  അവൾ ഇപ്പോൾ തന്നെ കേൾക്കാൻ റെഡി ആയി ഇരിക്കുകയെണെന്നവന് മനസിലായി. ഏഥൻ അവൾക്കടുത്തായി നിലത്തേക്കിരുന്നു. നേർത്ത വെള്ളികൊലുസിട്ട , ലാവെണ്ടർ കളർ നെയിൽ പോളിഷിട്ട രണ്ടു കാൽപാദങ്ങളെയും ഏഥൻ കയ്യിലെടുത്തു തന്റെ മടിയിലേക്ക് വച്ചു. അഞ്ചു വിറച്ചു പോയി. ഏഥൻ പതുക്കെ ആ കാൽപാദങ്ങളിൽ തഴുകി തുടങ്ങി. ശരീരം വിറക്കുന്നുണ്ടെങ്കിലും അഞ്ചു ഒരു പ്രതികരണവും ഇല്ലാതെ അതെ ഇരിപ്പിരുന്നു.  " നിങ്ങളെ കേൾക്കാൻ പറഞ്ഞു എന്റെ ബുദ്ധിയോട് വഴക്കിടുന്ന ഹൃദയത്തിനോട് എനിക്ക് തന്നെ സഹതാപം തോന്നുന്നു ഏഥൻ." നിശബ്‌ദതയെ ബേദിച്ചു അഞ്ചു പതുക്കെ പറഞ്ഞു.  ഏഥൻ ചെറുതായൊന്ന് പുഞ്ചിരിച്ചു.അവളുടെ കൊലുസിലൂടെയും വിരലുകളിലൂടെയും തഴുകി കൊണ്ടിരുന്നു.  " ഞാൻ ജനിച്ചതും വളർന്നതും പ്ലസ്ടു വരെ പഠിച്ചതും ഇംഗ്ലണ്ടിൽ ആയിരുന്നു. ബ്രിസ്റ്റോളിൽ വലിയൊരു വീട്ടിൽ ഞങ്ങൾ നാലുപേർ അടങ്ങുന്ന ഒരു കുഞ്ഞു കുടുംബം. പപ്പാ ഇംഗ്ളണ്ട് സിറ്റിസൺ ആയിരുന്നു. പേര് ഡേവിസ് മില്ലർ , അമ്മ കേരളത്തിലെ ഒരു നാടൻ ബ്രാഹ്മിൻ സ്ത്രീ. നളിനി രാമസ്വാമി. അമ്മ യുകെയിലേക്ക് പഠിക്കാൻ വന്നതായിരുന്നു. പപ്പയുടെ കോളേജിൽ അവർ ഒരുമിച്ചായിരുന്നു. അവിടുന്ന് കണ്ടിഷ്ട്ടത്തിലായി പപ്പ അമ്മയെ കല്യാണം കഴിച്ചു.ഒരു ക്രിസ്ത്യാനിയെ കെട്ടിയതിന് നാട്ടിൽ അമ്മയുടെ വീട്ടുകാർ എല്ലാം നല്ല പ്രശ്നം ആയതുകൊണ്ട് 'അമ്മ പിന്നെ കേരളത്തിലേക്ക് തിരിച്ചു വന്നില്ല. പപ്പക്ക് അവിടെ ബിസിനെസ്സ് ആയിരുന്നു . അതുകൊണ്ട് പണത്തിന്റെ എല്ലാ അഹങ്കാരത്തോടെയും ആയിരുന്നു ഞങ്ങൾ വളർന്നത്. ഞങൾ എന്ന പറയുമ്പോൾ എനിക്കൊരു ഏട്ടൻ ഉണ്ട് നാഥൻ മില്ലർ. എന്നേക്കാൾ നാലുവയസിനു മൂത്തതാണവൻ. ഇംഗ്ലണ്ടിലെ സായിപ്പ് പിള്ളേർക്കൊപ്പം ഒരു റിച്ഛ് കുട്ടികാലം ആയിരുന്നു എന്റേത്. ചെറുപ്പം മുതലുള്ള എന്റെ ബെസ്റ് ഫ്രണ്ട് ആയിരുന്നു , പപ്പയുടെ പെങ്ങളുടെ മകൾ ജാനെറ്റ് വർഗീസ് എന്ന ജാൻ . ജാനും ഞാനും എല്ലാകാര്യത്തിനും ഒരുമിച്ചായിരുന്നു. സ്കൂൾ  , drawing ക്ലാസ് , ഡാൻസ് ക്ലാസ്, സ്പോർട്സ് അങ്ങനെ എല്ലാത്തിനും ഒരുമിച്ച്. ജാൻ താമസിച്ചിരുന്നതും എന്റെ വീട്ടിൽ ആയിരുന്നു. ഏകദേശം ഒരു ടെൻത് സ്റ്റാൻഡേർഡിൽ പടിക്കുമ്പോഴാണെന്ന് തോന്നുന്നു , ജാൻ proposed me. ആദ്യം ഒക്കെ ഞാൻ റിജെക്ട് ചെയ്തു. പിന്നീട് ഓർത്തപ്പോൾ എല്ലാം കൊണ്ടും അവളെനിക്ക് പെർഫെക്റ്റ് ആണെന്ന് തോന്നി. ഞങ്ങൾ പ്രണയിച്ചു തുടങ്ങി. the first love of my life. ഞങൾ ഹയർ സെക്കന്ററി പഠിക്കുന്ന സമയം. അതായത് 17 വയസ്. എക്സാം ഒക്കെ കഴിഞ്ഞു ഞാനും , നാഥനും , ജാനും കൂടെ ഒരുമിച്ചായിരുന്നു ഫുൾ ടൈം. അപ്പോഴേക്കും ഞങ്ങൾക്കിടയിലെ പ്രണയം അതിന്റെ അതിർവരമ്പുകൾ ഒക്കെ പതുക്കെ ബേധിച്ചു തുടങ്ങിയിരുന്നു. യുകെയിൽ ജനിച്ചു വളർന്ന ഞങ്ങളെ സംബന്ധിച്ച് അതെല്ലാം നോർമൽ ആയ കാര്യം ആയിരുന്നു. ഒരുദിവസം പപ്പയും അമ്മയും നാഥനും എന്തോ ആവിശ്യത്തിന് പുറത്തു പോയ ദിവസം . ഞാനും അവളും മാത്രം വീട്ടിൽ ഉണ്ടായിരുന്നുള്ളു. പപ്പക്ക് ആൽക്കോഹോളിന്റെ വലിയൊരു കളക്ഷൻ ഉണ്ടായിരുന്നു . അതിൽ നിന്നും ജാൻ ഒരു കുപ്പിയെടുത്തു . ഞങൾ രണ്ടുപേരും അത് ഷെയർ ചെയ്ത് കുടിച്ചു . ലഹരി തലക്ക് പിടിച്ചതും ചിന്തകൾ ഒക്കെ മാറി തുടങ്ങി.we had a physical relationship . എല്ലാം കഴിഞ്ഞു ബോധം വന്നപ്പോൾ ഞാൻ ആകെ പാനിക് ആയി പോയി. ഒരിക്കലും ചെയ്യാൻ പാടില്ലാത്തത് ചെയ്‌തെന്ന് മനസാക്ഷി പറയും പോലെ. പക്ഷെ ജാൻ എന്നെ സമാധാനിപ്പിച്ചു. അതൊന്നും എന്റെ കുറ്റബോധത്തെ കുറച്ചില്ല. പിന്നീട് അങ്ങനെയൊന്ന് സംഭവിക്കാതെ ഞാൻ സൂക്ഷിച്ചു . പക്ഷെ കുറച്ചു മാസങ്ങൾ കഴിഞ്ഞിട്ടും ജാനിന് പീരിയഡ്‌സ് വരാതായി. അവളുടെ പേരന്റ്സ് ഡോക്ടറെ കാണിച്ചു. അപ്പോഴാണറിയുന്നത് അവൾ പ്രെഗ്നന്റ് ആണെന്ന്. ആ കുഞ്ഞിനെ ഒഴിവാക്കാൻ അവർ ശ്രമിച്ചെങ്കിലും അതിനുള്ള സമയം കഴിഞ്ഞിരുന്നു. ഞങളെ രണ്ടുപേരെയും മെന്റലി എല്ലാവരും torture ചെയ്‌തു. അതിലുപരി ജാൻ എന്നെ ഒരു പകയോടെ ആയിരുന്നു പിന്നീടങ്ങോട്ട് നോക്കികണ്ടത് . ജാൻ ഒരു ആൺകുട്ടിയെ പ്രസവിച്ചു. എല്ലാം സീക്രെട് ആയിരുന്നു. പപ്പയുടെ ഇൻഫ്ലുവെൻസ് വച്ച് റിലേറ്റീവ്സ് അറിയാതെ അവർ എല്ലാം ഹൈഡ് ചെയ്‌തു. കുഞ്ഞിനെ ഉപേക്ഷിക്കാനായിരുന്നു പ്ലാൻ. പക്ഷെ ഞാൻ സമ്മതിച്ചില്ല. അത്രയും കാലം കണ്ട പോലെയായിരുന്നില്ല പിന്നീടുള്ള ജാനിന്റെ behaviour. കുഞ്ഞിനെ നോക്കാൻ പറ്റില്ലെന്നവൾ തീർത്തു പറഞ്ഞു. അവനെ മുലയൂട്ടുകയോ എന്തിനേറെ ആ മുഖം ഒന്ന് കാണാൻ പോലും ജാൻ തയാറായില്ല. എന്റെ കൂടെ ഒരു റിലേഷന്ഷിപ്പിന് താല്പര്യം ഇല്ലെന്നും പറഞ്ഞു ബ്രേക്പ് ചെയ്‌തു.ആ കുഞ്ഞിനെ അവൾ എന്റെ കയ്യിൽ വച്ച് തന്നു എന്നെന്നേക്കുമായി എന്റെ ജീവിതത്തിൽ നിന്നും പടിയിറങ്ങി. പക്ഷെ എനിക്കവനെ ഉപേക്ഷിക്കാൻ കഴിയുമായിരുന്നില്ല. എന്റെ സ്കൂൾ സെർട്ടിഫിക്കറ്റ് കിട്ടും വരെ ഞാൻ കാത്തിരുന്നു. അത് കിട്ടിയതും കേരളത്തിലേക്കുള്ള വിസ റെഡിയാക്കി ഞാൻ അവനെയും കൊണ്ട് അവിടെനിന്നും ഇങ്ങോട്ട് ഓടി പോരുകയായിരുന്നു. പപ്പക്കും അമ്മയ്ക്കും പോലും ഞങ്ങൾ ഒരു ശല്യമാകരുതെന്ന് ഞാൻ ചിന്തിച്ചു.  അവനു ഞാൻ സിറിയസ് സിയോൺ എന്ന് പേരിട്ടു. കേരളത്തിലെത്തുമ്പോൾ എവിടെ പോവണമെന്നോ എന്ത് ചെയ്യണമെന്നോ എനിക്കറിയില്ലായിരുന്നു. ആറുമാസം പ്രായമുള്ള ഒരു പൊടി കുഞ്ഞിനേയും വച്ച് കയറി ചെല്ലാൻ എനിക്കിവിടെ ഒരിടം മാത്രം ഉണ്ടായിരുന്നുള്ളു. നളിനി രാമസ്വാമി എന്ന എന്റെ അമ്മയുടെ അഗ്രഹാരം. സിറിയെയും കൊണ്ട് ഞാൻ അങ്ങോട്ട് ചെന്നു. എല്ലാവരും ഒന്ന് ഞെട്ടിയെങ്കിലും ഇരുകയ്യും നീട്ടി അവർ ഞങ്ങളെ സ്വീകരിച്ചു. എന്റെ മുത്തശ്ശനും മുത്തശ്ശിക്കും ഒപ്പമായിരുന്നു പിന്നീടുള്ള അഞ്ചുവർഷം ഞങ്ങളുടെ ജീവിതം. ഇംഗ്ളണ്ടിൽ നിന്നെന്നെ കോൺടാക്ട് ചെയ്യാൻ അവർ ഒരുപാട് ശ്രമിച്ചു. പക്ഷെ ഞാൻ പൂർണമായി അതൊക്കെ അവഗണിച്ചു. അവരുടെ ഒക്കെ ചിന്തകളിൽ ഒരിക്കലെങ്കിലും എന്റെ കുഞ്ഞ് ഒരു അധികപ്പറ്റായി മാറിയതല്ലേ. ഞാൻ നന്നായി പഠിക്കുമായിരുന്നു. മുത്തശ്ശിയുടെ നിർബദ്ധത്തിനാണ് ഞാൻ മെഡിക്കൽ എൻട്രൻസ് എഴുതുന്നത്. ആദ്യത്തെ attemptil തന്നെ എനിക്ക് തിരുവനന്തപുരത് അഡ്മിഷൻ കിട്ടി. രാവിലെ ക്ലാസ്സിന് പോകും. വൈകീട്ട് ഒരു ഹോട്ടലിൽ ജോലിക്കും പോകും. അതി രാവിലെ പത്രമിടാൻ പോകും. ആ വർഷങ്ങളിൽ പണത്തിന്റെ മൂല്യം ഞാൻ ശരിക്കും അറിഞ്ഞു തുടങ്ങി. പക്ഷെ എന്റെ മോന് വേണ്ടി എല്ലാം സഹിച്ചും ക്ഷമിച്ചും ഞാൻ പോരാടി. അവനെ ഒരു മുള്ളുകൊണ്ട് പോലും വേദനിപ്പിക്കാതെ ഞാൻ വളർത്തി. അതിനിടക്ക് എന്റെ ജീവിതത്തിനെ കുറിച്ചോ സന്തോഷങ്ങളെ കുറിച്ചോ ഞാൻ ഓർത്തിട്ടില്ല. പാസ് ഔട്ട് ആയി ജോലിക്ക് കയറി ഞാൻ ആദ്യം വാങ്ങിച്ചതാണ് അവന്റെ കയ്യിലുള്ള ബുള്ളറ്റ്. അതിൽ അവനെ മുന്നിലിരുത്തി എല്ലായിടത്തും ഞാൻ കറങ്ങും. അങ്ങനെ ഓരോന്ന് ഓരോന്ന് ഞാൻ അവനു വേണ്ടി നേടി കൊണ്ടിരുന്നു. അതിനിടക്ക് എന്റെ മുത്തശ്ശനും മുത്തശ്ശിയും ഞങ്ങളെ വിട്ട് പോയി. അതിൽ പിന്നെ ഞങ്ങൾ മറ്റൊരു വീട്ടിലേക്ക് താമസം മാറി. സിറി ഒരിക്കലും അവന്റെ അമ്മയെ കുറിച്ചെന്നോട് ചോദിച്ചിട്ടില്ല. അവനോട് ചോദിക്കുന്നവരോടൊക്കെ അമ്മ മരിച്ചു പോയെന്നാണ് അവൻ പറഞ്ഞു കൊണ്ടിരുന്നത്. അവന് അവന്റെ അമ്മയെ കുറിച്ചോ പാട്ടിയും താത്തയും ഒഴികെ എനിക്കുള്ള ബന്ധങ്ങളെ കുറിച്ചോ ഒന്നും അറിയില്ല. അവൻ ചോദിച്ചിട്ടും ഇല്ല ഞാൻ പറഞ്ഞിട്ടും ഇല്ല. ഇനി എന്തൊക്കെ സംഭവിച്ചാലും അവൻ എന്റെ ഫസ്റ്റ് പ്രിയോറിറ്റി ആണ്. അവന്റെ സന്തോഷങ്ങൾക്കപ്പുറം എനിക്കൊന്നും ഇല്ല.അവനും അങ്ങനെ തന്നെ ആയിരിക്കും.......  ഇതെല്ലാം അറിഞ്ഞു വരുന്നൊരാൾക്ക് മാത്രമേ എന്റെ ജീവിതത്തിൽ ഒരു സ്ഥാനം ഉണ്ടാവുകയുള്ളു എന്ന് ഉറപ്പിച്ചതായിരുന്നു . പക്ഷെ .................... "  അവസാനവാക്കുകൾ മുഴുവൻ ആകാതെ ഏഥൻ നിർത്തി . ആ നേരം ഏഥൻ അഞ്ജുവിന്റെ മുട്ടുകാലിനു മുകളിൽ തലവച്ചു കിടക്കുകയായിരുന്നു. സംസാരത്തിനിടയിൽ എപ്പോഴോ ചെയ്തതാണ്. അഞ്ജുവിന്റെ കാൽപാദങ്ങൾ അപ്പോഴും ഏഥൻറെ മടിയിലായിരുന്നു. ഏഥൻ തലയുയർത്തി അവളെ നോക്കി. അഞ്ജുവിന്റെ വലിയ കണ്ണുകളിൽ കണ്ണുനീർ തളം കെട്ടി നിൽക്കുന്നുണ്ടായിരുന്നു.  " നിങ്ങളൊരു നല്ല അച്ഛനാണ്. സിറി ഒരു നല്ല മകനും..." ഇടറിയ സ്വരത്തിൽ അവൾ പറഞ്ഞൂ.  ഏഥൻറെ കണ്ണുകളും നിറഞ്ഞു വന്നു. അഞ്ചു കാണാതവൻ അതൊളിപ്പിച്ചു.  ആ നേരം അഞ്ചു അവളുടെ അച്ഛനെ കുറിച്ചോർത്തു. സ്നേഹിച്ചു കൊതി തീരും മുൻപേ ദൈവം തട്ടി എടുത്തു കൊണ്ടുപോയില്ലായിരുന്നെങ്കിൽ എന്നവൾ കൊതിച്ചു പോയി.  " ഇനി ഞാൻ ഒരു കാര്യം ചോദിക്കട്ടെ? " ഏഥൻ ചോദിച്ചു. " ഹമ് .........."  " is there any chance you'll still love me ?" ഏഥൻ നിസ്സഹായതയോടെ ചോദിച്ചു. " എനിക്ക് സമയം വേണം ഏഥൻ. എല്ലാം sortout ചെയ്യാൻ എനിക്ക് സമയം വേണം. "  അഞ്ചു പറഞ്ഞു. ആ സമയം അവളുടെ മനസ് മുഴുവൻ ഏഥനോടുള്ള ബഹുമാനം ആയിരുന്നു. ആരുടേയും ഔതാര്യമില്ലാതെ ഒരു കുഞ്ഞിനെ വളർത്തി എടുത്തവനോട് വല്ലാത്ത ആരാധന തോന്നി പോകുന്നു.  അതിലപ്പുറം ഒന്നും അവൾക്ക് ആ നേരം ചിന്തിക്കാൻ കഴിയുന്നുണ്ടായിരുന്നില്ല. പക്ഷെ ഒരു കാര്യം തീർച്ചയായിരുന്നു. തന്റെ മനസ്സിനെ മറ്റൊരാൾക്ക് കൊടുക്കാൻ കഴിയാത്ത വിധം മുന്നിലിരിക്കുന്നവൻ സ്വന്തമാക്കിയിരിക്കുന്നു . ഇയാളിൽ നിന്നോ ഇയാളുടെ ജീവിതത്തിൽ നിന്നോ ഇനിയൊരു തിരിച്ചു പോക്ക് തനിക്ക് ഉണ്ടാവില്ലെന്നവൾക്ക് ഉറപ്പായിരുന്നു.  " എനിക്ക് ഉറക്കം വരുന്നു." ഏഥൻറെ മടിയിലിരിക്കുന്ന കാലുകളിലേക്ക് നോക്കിയവൾ പറഞ്ഞു.അവൻ കാലുകളെ തഴുകുന്നത് കാരണം അഞ്ജുവിന് നല്ല ഉറക്കം വന്നു തുടങ്ങിയിരുന്നു, ഏഥൻ പതുക്കെ ആ കാലുകളെ നിലത്തേക്ക് വച്ചു. ഇരുന്നിടത്ത് നിന്നെണീറ്റു. അഞ്ജുവും സോഫയിൽ നിന്നെണീറ്റു. അവൾ കിടന്നിരുന്ന റൂമിലേക്ക് നടന്നു. പുറകേയവനും . " ഗുഡ് നൈറ്റ് അഞ്ചു..." ഏഥൻ പറഞ്ഞതും അവൾക്ക് സങ്കടം വന്നു. നേരത്തെ ഇമോഷൻസിന്റെ പൊട്ടിത്തെറിയിൽ ബേബി എന്ന് വിളിക്കരുതെന്ന് പറഞ്ഞിരുന്നെങ്കിലും അവൻ തന്റെ പേര് വിളിച്ചതിൽ അഞ്ജുവിന് വല്ലാത്ത വിഷമം തോന്നി.  "ഹമ്....." അഞ്ചു മൂളി. വാതിൽ ചാരി ഏഥൻ പോയി. അഞ്ജുവിനു സങ്കടം വന്നു.താൻ ഓക്കേ ആണോ എന്ന് പോലും നോക്കാതെ ഏഥൻ പൊയ്ക്കളയും എന്നവൾ ചിന്തിച്ചിരുന്നില്ല. അത്രയും വലിയൊരു റൂമിൽ ഒറ്റപെട്ടു പോയത് അവളെ ഭയപ്പെടുത്തി. ചുറ്റും ഒന്ന് വീക്ഷിച്ചു അവൾ കട്ടിലിലേക്ക് കിടന്നു. പുറത്തു നിന്നും നായ്ക്കൾ ഓരിയിടുന്ന ശബ്‌ദങ്ങൾ കേൾക്കുന്നുണ്ടായിരുന്നു . തല വഴി മൂടി പുതച്ചവൾ വിറച്ചു കിടന്നു. പെട്ടന്ന് റൂമിലെ ലൈറ്റ് ഓഫ് ആയത് അവൾ പുതപ്പിനുള്ളിലൂടെ കണ്ടു. ആരോ തന്റെ റൂമിൽ ഉണ്ടെന്നവൾക്ക് മനസിലായി. ഏഥൻ ആയിരിക്കണേ എന്ന് പ്രാർത്ഥിച്ചു പതുക്കെ പുതപ്പ് താഴ്ത്തി അവൾ ചുറ്റും കണ്ണോടിച്ചു. നേരിയ ഡിം ലൈറ്റിന്റെ വെളിച്ചത്തിൽ കട്ടിലിനടുത്തേക്ക് പുതപ്പുമായി വരുന്ന ഏഥനെ കണ്ടവൾ ഞെട്ടി. ഏഥൻ കട്ടിലിന്റെ മറ്റേ അറ്റത്തു വന്നു കിടന്നു. അഞ്ജുവിന് ചെറുതായി ഭയം അനുഭവപെട്ടു . എന്ത് ചെയ്യണമെന്നറിയാതെ അവൾ കുഴങ്ങി.  " പരിചയമില്ലാത്ത സ്ഥലമല്ലേ ..... ഒറ്റക്ക് കിടന്നാൽ താൻ പേടിച്ചു പോവും. ഞാൻ വീട് ലോക്ക് ചെയ്‌തു ലൈറ്റ് എല്ലാം ഓഫ് ആകാൻ പോയതായിരുന്നു. ഇന്ന് ഞാൻ ഇവിടെ കിടന്നോളാം. താൻ പേടിക്കണ്ട ഞാൻ ഒന്നും ചെയ്യില്ല....... ഇവിടെ ഒരറ്റത്തു ഞാൻ ഉണ്ടാകും. എന്ത് ആവശ്യമുണ്ടെങ്കിലും വിളിച്ചാൽ മതി. " ഇതും പറഞ്ഞു തലവഴി പുതപ്പു മൂടി ഏഥൻ അവൾക്ക് എതിർ വശത്തേക്ക് ചെരിഞ്ഞു കിടന്നു....  അഞ്ജുവിന്റെ നെഞ്ചിൽ ഒരു തണുപ്പ് വീണു. അടുത്ത് കിടക്കുന്നവന്റെ ധൈര്യത്തിൽ അഞ്ചു കണ്ണുകൾ പതുക്കെ അടച്ചു. തുടരും.................. എല്ലാരും പറഞ്ഞത് കൊണ്ട് ഒരു പാർട്ടൂടെ ഇന്ന് ഇട്ടിട്ടുണ്ടേ.... ഇനിയെനിക്ക് കമന്റ്സ് വേണം 😌