part 25 അർജുൻ പറഞ്ഞ വാക്കുകൾ അഭിയുടെ മനസ്സിൽ തന്നെ കിടന്നു. “അത് അവളുടെ personal matter ആണ്.” ശരിയാണ്. പക്ഷേ മാളവിക പറഞ്ഞ ഓരോ വാക്കും ഓർത്തപ്പോൾ അഭിക്ക് വെറുതെ ഇരിക്കാൻ കഴിഞ്ഞില്ല. അവൻ ആദ്യം അവളുടെ വീട്ടിലേക്ക് പോകാൻ തീരുമാനിച്ചു. വഴിയിലുടനീളം അവന്റെ മനസ്സിൽ ഒരേയൊരു ചിന്തയായിരുന്നു— “ചേച്ചിക്ക് ഈ കല്യാണം വേണ്ടെങ്കിൽ… ആരെങ്കിലും അവളുടെ കൂടെ നിൽക്കണം.” വീട്ടിനടുത്തെത്തിയപ്പോൾ തന്നെ വിവാഹത്തിന്റെ തിരക്ക് കാണാമായിരുന്നു. മുറ്റത്ത് പന്തൽ. ആളുകളുടെ സംസാരം. വീടിനുള്ളിൽ നിന്ന് കേൾക്കുന്ന ചിരികൾ. അഭിയുടെ നെഞ്ച് പിടഞ്ഞു. ഇത്രയും ആളുകൾക്കിടയിൽ ഒരാൾ മാത്രം സന്തോഷത്തിലല്ല. മാളവിക. അവൻ പതുക്കെ അകത്തേക്ക് കയറി. അവളെ കണ്ടതും അവന്റെ കാലുകൾ നിശ്ചലമായി. കല്യാണവേഷത്തിൽ ഇരിക്കുകയായിരുന്നു അവൾ. മുഖത്ത് ചിരിയില്ല. കണ്ണുകൾ മാത്രം… എന്തോ തിരയുന്നതുപോലെ. അഭിയെ കണ്ടതും അവൾ പെട്ടെന്ന് എഴുന്നേറ്റു. “അഭി… നീ ഇവിടെ?” അവൻ ഒന്നും പറയാതെ അവളെ നോക്കി. “ചേച്ചി…” “എന്താ?” അഭി പതുക്കെ ചോദിച്ചു. “ചേച്ചിക്ക് ശരിക്കും ഈ കല്യാണം വേണ്ടേ?” മാളവികയുടെ കണ്ണുകൾ നിറഞ്ഞു. അവൾ മറുപടി പറയാതെ തല താഴ്ത്തി. അത് തന്നെയായിരുന്നു അഭിക്ക് വേണ്ടിയിരുന്ന മറുപടി. അവൻ പതുക്കെ പറഞ്ഞു— “എങ്കിൽ കരയാതെ ഇരിക്ക് ചേച്ചി.” മാളവിക അവനെ നോക്കി. “ഞാൻ എന്ത് ചെയ്യും അഭി?” അഭി ഒരു നിമിഷം മിണ്ടാതെ നിന്നു. പിന്നെ അവൻ ഉറച്ച ശബ്ദത്തിൽ പറഞ്ഞു— “ചേച്ചി ഒന്നും ചെയ്യണ്ട. ബാക്കി ഞാൻ നോക്കാം.” അവൾ അത്ഭുതത്തോടെ അവനെ നോക്കി. അഭിക്ക് അപ്പോൾ അറിയില്ലായിരുന്നു മുന്നിൽ എന്തൊക്കെയാണ് കാത്തിരിക്കുന്നതെന്ന്. പക്ഷേ അവൻ ഒരു കാര്യം തീരുമാനിച്ചിരുന്നു— മാളവികയുടെ സമ്മതമില്ലാതെ ആ താലി അവളുടെ കഴുത്തിൽ വീഴാൻ പാടില്ല. തുടരും അഭിപ്രായം അറീക്കണേ. അഭിയ്ക്ക് കയ്യുമോ കല്ല്യാണം തടയാൻ നമുക്ക് അടുത്ത പാർട്ടിൽ നോകാം 🥰 #📙 നോവൽ #📔 കഥ #പ്രണയം #തുടർകഥ #കഥ #തുടർകഥ #mallu stories #പ്രണയം #പ്രണയ കഥ