बांदल घराण्याने आपल्या कर्तृत्वाने छत्रपती शिवरायांचे मन जिंकले त्यातले रायाजी नाईक बांदल...🚩 स्वराज्यासाठी अनेक मराठ्यांनी आपल्या प्राणाच्या आहुत्या दिल्या महाराजांनी प्रत्येकाला त्याचा उचित मान पान केला. या भीमपराक्रम नंतर जेधे घराण्याशी मसलत करून स्वराज्याचा सर्वात मोठा मान "धारेच्या पानाच्या पहिल्या समशेरीचा" रायाजी नाईक बांदल यांना देण्यात आला.. छत्रपती शिवाजी महाराजांच्या सैन्यातील रायाजी बांदल आणि बाजी बांदल हे बंधू भोर तालुक्यातील 'हिरडस मावळ' मधील पिसावरे गावचे रहाणारे होते. त्यांचे वडील 'कृष्णाजीराजे नाईक बांदल' हे देखील छत्रपती शिवाजी महाराजांचे शूर सेनापती होते. त्यांच्यावर मावळ भागातील ५३ गावांची वतनदारी करण्याची जबाबदारी सोपवण्यात आली होती. कृष्णाजीराजे यांनी आपल्या दोन्ही मुलांना स्वराज्य रक्षणाचं महत्व लहानपणीच पटवून सांगितलं होतं आणि धनुर्विद्येत त्यांना प्रवीण केलं होतं. १३ जुलै १६६० रोजी जेव्हा छत्रपती शिवाजी महाराज पन्हाळा गडावरून सिद्धी जोहरच्या वेढ्यातून निसटण्यात यशस्वी झाले होते, तेव्हा ‘रायाजी बांदल’ आणि 'बाजी बांदल' यांनी या मोहिमेचं नेतृत्व केलं होतं.. बांदल बंधू यांचं कौशल्य हे धनुष्य बाण चालवण्यात आणि तलवार बाजीत अद्वितीय होतं. घोडखिंडीत त्यांनी बाजीप्रभु देशपांडे यांच्या सहकार्याने तीन प्रहर गनिमांना रोखून ठेवलं होतं. त्यावेळी त्यांच्या सोबत शिंदे, गव्हाणे, चव्हाण, विचारे, खाटपे, सडे, धुमाळ, जाधव, शेलार, जगदाळे, भेलके, इंगळे, कोंढाळकर आणि इतर काही मावळे सुद्धा जीवाची बाजी लावून लढले होते.. बाजी बांदल आणि रायाजी बांदल हे छत्रपती शिवाजी महाराज विशाळगडावर पोहोचेपर्यंत लढत राहिले. या लढाईत बांदल बंधू, बाजीप्रभु देशपांडे हे धारातीर्थी पडले आणि त्यांनी घोडखिंड पावन केली. बांदल बंधूंच्या पराक्रमाची दखल घेत छत्रपती शिवाजी महाराज हे स्वतः पिसावरे येथील बांदल यांच्या निवासस्थानी त्यांच्या आई ‘श्रीमती दिपाही बांदल' यांचं सांत्वन करण्यासाठी गेले होते. छत्रपती शिवाजी महाराजांनी बांदल परिवाराची कर्तबगारी बघून त्यांना स्वराज्यात मानाची मानली जाणारी 'तलवार' देण्याचं ठरवलं होतं. आपला हा मनसुबा महाराजांनी कान्होजी जेधे यांना बोलून दाखवला होता. कान्होजी जेधे यांनी महाराजांच्या शब्दाचा मान ठेवला आणि त्वरित त्यांच्याकडे असलेली 'तलवार' त्यांनी बांदल कुटुंबियांना देऊन त्यांना पुरस्कृत केलं होतं.. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त