Part 26 B അന്തമില്ലാത്ത വരികൾ - സഖിയുടെ സഖാവ് - തന്റെ സഖാവിന്റെ ശബ്ദം… “ലാൽ സലാം, സഖാവേ…” എന്ന ആ വിളിക്കായി അവളുടെ മനസ്സ് കാത്തിരുന്നു. “ഒരു കൂട്ടം വിദ്യാർത്ഥികൾ ലക്ഷ്മിയുടെ ക്ലാസിലെത്തി. ക്ലാസിലുണ്ടായിരുന്ന എല്ലാ കുട്ടികളുടെയും ശ്രദ്ധ അവരിലേക്കായി. എല്ലാവരും അവരെ തന്നെ ഉറ്റുനോക്കി. അവർ നിരനിരയായി ക്ലാസിന്റെ മുന്നിൽ വന്ന് നിന്നു.” രാഷ്ട്രീയ വിജയങ്ങളും ഭാവി വാഗ്ദാനങ്ങളും ഉയർത്തിക്കാട്ടി, പല തന്ത്രങ്ങളും കൈമുതലാക്കിയായിരുന്നു എം.എസ്.എഫ് പ്രവർത്തകർ ക്ലാസിലേക്ക് കടന്നുവന്നത്. പ്രവർത്തകർ വാചാലരായി. ഓരോ വാക്കിലും വിദ്യാർത്ഥികളുടെ പിന്തുണ തേടിയ അവരുടെ നീണ്ട പ്രസംഗം ക്ലാസ്മുറിയിൽ മുഴങ്ങിനിന്നു. പക്ഷേ ലക്ഷ്മി ഇതൊന്നും ശ്രദ്ധിച്ചിരുന്നില്ല. അവളുടെ മനസ്സും കണ്ണുകളും ഒരാളെ മാത്രം കാത്തിരിക്കുകയായിരുന്നു—തന്റെ പ്രിയസഖാവിനെ. ഒടുവിൽ, ഏറെ നേരം കാത്തിരുന്ന ആ നിമിഷം അവളുടെ മുന്നിലെത്തി. എം.എസ്.എഫ് പ്രവർത്തകർ പോയതിന്റെ തൊട്ടുപിന്നാലെ എസ്.എഫ്.ഐ പ്രവർത്തകർ ക്ലാസിലേക്ക് കടന്നുവന്നു. പത്തോ പതിനഞ്ചോ പേരടങ്ങുന്ന സംഘമായിരുന്നു അത്. വിപ്ലവഗാനത്തിന്റെ ഈണത്തിൽ അവർ തങ്ങളുടെ ആശയങ്ങൾ വിദ്യാർത്ഥികൾക്ക് മുന്നിലെത്തിച്ചുകൊണ്ടിരുന്നു. ആ തിരക്കിനിടയിൽ, നിയ പതിയെ ലക്ഷ്മിയുടെ അരികിലേക്ക് ചേർന്നുനിന്ന് അവളുടെ ചെവിയിൽ പതുങ്ങി ചോദിച്ചു…എടീ, ഇത്രയും പേരുടെ ഇടയിൽ നിന്റെ സഖാവ് ഏതാണെന്ന് എങ്ങനെ മനസ്സിലാക്കും?” എനിക്കറിയില്ല…” അവൾ ചെറിയൊരു സങ്കടത്തോടെ ആശങ്കയോടെയും മറുപടി പറഞ്ഞു. അതേ നിമിഷം അവൾ മുന്നിലേക്ക് നോക്കിയപ്പോൾ, ദേവിന്റെ കണ്ണുകളുമായി അവളുടെ നോട്ടം ഇടഞ്ഞു. ഹൃദയമിടിപ്പ് ഒരു നിമിഷം വേഗത്തിലായതുപോലെ തോന്നി. പരിഭ്രമത്തോടെ അവൾ പെട്ടെന്ന് തന്നെ നോട്ടം മാറ്റി. പിന്നെ മുന്നിൽ നിന്നിരുന്ന ഓരോരുത്തരുടെയും മുഖത്തേക്ക് മാറിമാറി നോക്കാൻ തുടങ്ങി. പ്രസംഗത്തിനിടയിലും ലക്ഷ്മിയുടെ ഓരോ ഭാവവും ദേവ് ശ്രദ്ധിച്ചു. ദേവ് ആവേശത്തോടെ സംസാരിക്കുമ്പോൾ, അവന്റെ കഴുത്തിലെ ഞരമ്പുകൾ തെളിഞ്ഞുനിന്നു. നെറ്റിയിലൂടെ ഒഴുകിയ വിയർപ്പുതുള്ളികൾ പോലും അവന്റെ ആവേശം വെളിപ്പെടുത്തി. അതെല്ലാം ലക്ഷ്മി അറിയാതെ നോക്കിയിരുന്നു. തുടരും part 26 C വായിക്കൂ… കൂടുതൽ വായിക്കാൻ ഇപ്പോൾ തന്നെ പ്രതിലിപിയിൽ നോക്കൂ #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ