𝓥 𝓲 𝓷 𝓪 𝔂 𝓪 𝓷
2K views • 1 days ago
#📙 നോവൽ ആണെങ്കിൽ ഗംഗയേ വീണ്ടും നോക്കി. അപ്പോളും അവളുടെ കണ്ണുകൾ നിറഞ്ഞു തൂവി.
തന്റെ മനസ്സിലുള്ള കാര്യം എന്നോട് തുറന്ന് പറഞ്ഞു. അതിനു എന്തിനാടോ ഇങ്ങനെ കരയുന്നത്..
അനന്തൻ വളരെ നേർമയായി അവളോട് ചോദിച്ചു..
എനിക്ക്... അറിയില്ല അനന്തേട്ടാ.. ഞാൻ പറഞ്ഞത്ഒക്കെ തെറ്റാണു.. അറിയാം.. പക്ഷെ..
അവൾ പിന്നെയും വിതുമ്പി.
സാരമില്ല... നമ്മുടെ മനസ്സിന്റെ കടിഞ്ഞാൺ എന്ന് പറയുന്നത് നമ്മുടെ കയ്യിൽ തന്നെ ഉള്ളതാണ്. വെറുതെ വേണ്ടാത്ത ചിന്തകളെ ഒന്നും താലോലിച്ച് നടക്കാതെ, നല്ല കുട്ടിയായിട്ട് മുന്നോട്ട് ജീവിക്കണം. നമ്മൾ തമ്മിൽ ഒരിക്കലും ചേരില്ലെടോ, ഒരുപാട് അന്തരം ഉണ്ട് നമ്മൾക്കിടയിൽ,,, ഞാൻ പറയാതെ തന്നെ തനിക്ക് ഇതൊക്കെ അറിയാം,.
തെളിമയാർന്ന ശബ്ദത്തിൽ അനന്തൻ ഗംഗയെ നോക്കി പറഞ്ഞു..
ഗംഗ.. തനിക്ക് യോജിച്ച ഒരാളെ ഈശ്വരൻ വൈകാതെ തന്നെ തന്റെ മുൻപിൽ എത്തിക്കും. അയാളോടൊപ്പം വിവാഹമൊക്കെ കഴിച്ച് സന്തോഷമായിട്ട് ജീവിക്കുമ്പോൾ എന്റെ ഈ മുഖം പോലും തന്റെ മനസ്സിൽ വരില്ലടൊ..
അവനത് പറഞ്ഞു തീരും മുൻപ് ഗംഗ ആർത്തലച്ചുകൊണ്ട് ആ നെഞ്ചിലേക്ക് വീണു കഴിഞ്ഞിരുന്നു..
എന്റെ മനസ്സിൽ ഒരേയൊരു മുഖം മാത്രമേയുള്ളൂ. ഒരേയൊരാൾ മാത്രം ഒള്ളു.. അതു എന്റെ അനന്ദേട്ടനാണ്.. അനന്തേട്ടനെ സ്നേഹിക്കുവാനുള്ള അർഹതയുണ്ടോ എന്ന് മാത്രം എനിക്കറിയില്ല. മറ്റൊരുവനെ വിവാഹം കഴിച്ച് അവന്റെ കുഞ്ഞിനെ ഉദരത്തിൽ പേറിയവളാണ് ഞാൻ,,, അനന്തേട്ടൻ എന്നെപ്പോലെ ഒരു പെണ്ണിനെ സ്വന്തമാക്കണമെന്ന് കരുതിയിട്ടുണ്ടാവില്ലെന്നും എനിക്കറിയാം. പക്ഷെ... പക്ഷെ... എനിക്ക് ഒരുപാട് ഇഷ്ടമാണ്. തുറന്നു പറഞ്ഞില്ലെങ്കിൽ എന്റെ ചങ്ക് പൊട്ടും.അതുകൊണ്ട് ഞാൻ ഇപ്പൊ... ഏട്ടനോട്....
അവൾ പിന്നെയും വാക്കുകൾ കിട്ടാതെ വിതുമ്പി.
അപ്പോഴും അനന്തന്റെ നെഞ്ചിൽ മുഖം ചേർത്തു വിങ്ങി കരയുകയായിരുന്നു അവൾ.
അനന്തൻ അവളെ ചേർത്തു പിടിച്ചിരുന്നില്ല. എന്താണെന്നറിയില്ല അവൻ അപ്പോൾ അതിന് തോന്നിയില്ല. എന്നാൽ അവൻ അവളെ തന്നിൽ നിന്നും അടർത്തി മാറ്റിയതും ഇല്ല. അതും എന്തിനാണെന്ന് അവന് അറിയില്ല..
കുറച്ചുനേരം ഗംഗ അതേ കിടപ്പ് തുടർന്നു.ഒടുവിൽ മെല്ലെ അവൾ മുഖം ഉയർത്തി നോക്കി.
എന്നിട്ട് ഇത്തിരി പിന്നോട്ട് മാറി.
പെട്ടെന്ന് അനന്തൻ തന്റെ വലതു കൈ ഉയർത്തി അവളുടെ കണ്ണുനീർ തുടച്ചു മാറ്റി.
ഗംഗ...
താൻ കരയരുത്..കരഞ്ഞത് കൊണ്ട് യാതൊരു പ്രയോജനവും തനിക്കില്ല കെട്ടോ.
അനന്തേൻ എന്നോട് ഇങ്ങനെയൊക്കെ പറഞ്ഞതുകൊണ്ട് അല്ലേ ഞാൻ കരയുന്നത്..
"നമ്മൾ തമ്മിൽ ശരിയാവില്ലടോ"
"അതെന്താ അങ്ങനെ തോന്നുന്നത്, എനിക്ക് പഠിപ്പും ജോലിയും ഒക്കെ ഉള്ളത് കൊണ്ടാണോ...അതോ ഞാൻ ആദ്യം ഒരു കല്യാണം കഴിച്ചത് കൊണ്ടൊ"
പെട്ടന്ന് അവൾ ചോദിച്ചതും അവനൊന്നു പതറി..
രണ്ടാമത് പറഞ്ഞ കാര്യം ആയിരിക്കും അല്ലേ ഏട്ടാ...
അവൾ പിന്നെയും ചോദിച്ചു.
അതിനും അവൻ മിണ്ടാതെ നിന്നു.
പോയേക്കാം... നേരം ഒരുപാട് ആയി.
ഗംഗ പറഞ്ഞതും അനന്തൻ തല കുലുക്കി.
ഇരുവരും ചേർന്ന് പെട്ടെന്ന് തന്നെ ബൈക്ക് ഇരിക്കുന്ന ഭാഗത്തേക്ക് വന്നു.
തുടർന്നുള്ള യാത്രയിൽ രണ്ടാളുടെയും മനസ്സിലൂടെ പലപല ചിന്തകൾ ആയിരുന്നു കടന്നുപോകുന്നത്.
അനന്തനു തന്നേപോലെയൊരാൾ അവൾക്ക് ചേരില്ലന്നു തോന്നിയപ്പോൾ ഗംഗയ്ക്കു താൻ ഒരു രണ്ടാം ഭാര്യ ആകുമല്ലോ എന്നത് ആയിരുന്നു ചിന്ത..
ഗംഗ,,,
കാണാൻ അതീവ സുന്ദരി, ഉന്നത വിദ്യാഭ്യാസം, ഹൈ സാലറി..
ഇത്രയ്ക്കുള്ള ഒരു പെൺകുട്ടിയെ സംബന്ധിച്ചിടത്തോളം അവൾക്ക് അവളുടെ ഒപ്പത്തിനൊപ്പം നിൽക്കുന്ന ഒരു പയ്യനെ കിട്ടാൻ യാതൊരു ബുദ്ധിമുട്ടുമില്ല. പുതിയൊരാളുടെ കൂടെ എല്ലാവിധ സുഖസൗകര്യങ്ങളോടും കൂടി ജീവിക്കുമ്പോൾ തന്നെ അവൾ മറന്നുപോയിക്കോളും എന്നതാണ് അവന്റെ ധാരണ..
മറ്റൊരുവന്റെ കൂടെ ജീവിച്ചു എല്ലാ അർത്ഥത്തിലും അവന്റെ കൂടെ കഴിഞ്ഞശേഷം അവന്റെ കുഞ്ഞിനെ വരെ വയറ്റിൽ കയറിയ ഒരുവളെ എന്തിനാണ് ഇനി അനന്തേട്ടന് എന്നതായിരുന്നു ഗംഗയുടെ വിചാരങ്ങൾ.
രണ്ടാളുകളുടെയും ചിന്തകൾക്ക് വിരാമം ഇട്ടുകൊണ്ട് അവർ ടൗണിലേക്ക് പ്രവേശിച്ചപ്പോഴാണ് ഇത്ര ദൂരം യാത്ര ചെയ്തു വന്നുവല്ലോ എന്ന് പോലും ഇരുവരും ഓർത്തത്.
അത്യാവശ്യം കുഴപ്പമില്ലാത്ത ഒരു ഷോപ്പിലേക്ക് വണ്ടി ഒതുക്കി നിർത്തിയ ശേഷം അനന്തൻ ഗംഗയോട് പോയി ഡ്രസ്സ് എടുത്തിട്ട് വരാൻ പറഞ്ഞു.
അനന്തേട്ടനും കൂടി വരുന്നോ എന്ന് അവൾ ചോദിച്ചു.
തനിക്ക് ഇഷ്ടമുള്ളത് താൻ പോയി വാങ്ങി യ്ക്കു ഗംഗ..
അനന്തൻ പറഞ്ഞതും ഒന്ന് തലയാട്ടിക്കൊണ്ട് അവൾ കടയുടെ ഉള്ളിലേക്ക് കയറി.
ടെമ്പിൾ ബോർഡർ വരുന്ന കസവ് സെറ്റും മുണ്ടും ആയിരുന്നു ഗംഗ സെലക്ട് ചെയ്തത്. ഒരുപാടൊന്നും തിരയേണ്ടതായി വന്നില്ല പെട്ടെന്ന് തന്നെ അവൾക്ക് കിട്ടി.
ക്രീം കളർ ഉള്ള ഒരു കുർത്ത അനന്തന് വാങ്ങിക്കുവാൻ അവൾക്ക് ആഗ്രഹം തോന്നി.
അനന്തേട്ടൻ ഒന്ന് ഇട്ട് നോക്കിയിരുന്നെങ്കിൽ നന്നായിരുന്നു എന്നോർത്ത് അവൾ അവന്റെ അരികിലേക്ക് പെട്ടെന്ന് ഇറങ്ങി വന്നു.
അനന്തേട്ടാ, ഒന്ന് കയറി വരുമോ...
എന്താ തനിക്കുള്ളത് കിട്ടിയില്ലേ?
അതുകൊണ്ടല്ലന്നേ,, ഒരു ജുബ്ബ കണ്ടു മാച്ചാണ്. ജസ്റ്റ് ഒന്ന് ഇട്ട് നോക്കുമോ.
എനിക്ക് തൽക്കാലം ഒന്നും വേണ്ട. മാളു ഷർട്ട് വാങ്ങി വെച്ചിട്ടുണ്ട്.. ഞാൻ അതിട്ടോളം.
അതവിടെ ഇരിക്കട്ടെ ഇതിപ്പം ഞാൻ ഒരെണ്ണം വാങ്ങിയതല്ലേ, ഒന്ന് നോക്ക്.
വേണ്ടെന്ന് തന്നോട് മലയാളത്തിൽ അല്ലേ ഞാൻ പറഞ്ഞത്. തനിക്കെന്താ മനസ്സിലാകുന്നില്ലേ..
അനന്തൻ ഉച്ചത്തിൽ ചോദിച്ചതും ആളുകളൊക്കെ ശ്രദ്ധിക്കാൻ തുടങ്ങിയിരുന്നു.
ഒന്നും പറയാതെ കുനിഞ്ഞു മുഖത്തോടെ ഷോപ്പിന്റെ ഉള്ളിലേക്ക് കയറി പോയി.
സെറ്റും മുണ്ടും ഒരു അണ്ടർ സ്കേർട്ടും ഒക്കെ വാങ്ങിയശേഷം അവൾ ബില്ല് പേ ചെയ്തിട്ട് അവന്റെ അടുത്തേക്ക് വന്നു.
പോകാം...
അനന്തൻ ചോദിച്ചതും അതിനു മറുപടിയൊന്നും പറയാതെ ഗംഗ അവന്റെ പിന്നിലേക്ക് കയറിയിരുന്നു.
തുടരും
21 shares
