നീയാം ജീവൻ Part 27 ദീപു : എങ്കിൽ പിന്നെ നിങ്ങൾ ഇവിടെ നിൽക്കണം എന്നില്ല ഞങ്ങൾ ഇവിടെ ഉണ്ടാവും പിന്നെ ഇവരും ഉണ്ടല്ലോ അത് കൊണ്ട് നിങ്ങൾ നാളെ വന്നാൽ മതി അവൻ യദുവിനെയും യാനിനെയും നോക്കി കൊണ്ട് പറഞ്ഞു. അവർക്ക് പോവാൻ ഇഷ്ട്ടമല്ലെങ്കിലും പിന്നെ ഒന്നും പറയാതെ അവർ അവിടെ നിന്നും ഇറങ്ങി 💞💞💞💞💞💞💞 ഗംഗ ഹോസ്പിറ്റലിൽ നിന്നും നേരെ പോയത് അവളുടെ വീട്ടിലേക്ക് ആയിരുന്നു. അവൾ ഉള്ളിലേക്ക് കേറിയതും അവളെ കണ്ട അച്ഛൻ ഞെട്ടി പോയി ഗംഗയുടെ അച്ഛൻ : മോളെ.... എന്താ ഇത്.....നിന്നെ ആരാ തല്ലിയെ... മോൾ ഇവിടെ ഇരിക്ക് ഞാൻ ഫ്രിഡ്ജിൽ നിന്നും ഐസ് എടുത്തിട്ട് വരാം അതും പറഞ്ഞ് അയാൾ വേഗം തന്നെ ഐസ് എടുക്കാൻ പോയി. ഐസ് എടുത്ത് തിരിച്ചു വന്ന് അയാൾ പതിയെ അവളുടെ കവിളിൽ അത് വെച്ച് കൊടുത്തു. ഐസ് കവിളിൽ തൊട്ടപ്പോൾ അവൾ നീറി കൊണ്ട് എരിവ് വലിച്ചു കുറച്ച് നേരം രണ്ട് കവിളിലും ഐസ് വെച്ചതും അവൾ കുറച്ച് ഒന്ന് ഓക്കേ ആയി അത് വരെ അവൾക്ക് എന്തോ ഒരു മരവിച്ച അവസ്ഥയായിരുന്നു. " നിനക്ക് ഇത് എങ്ങനെയാ പറ്റിയെ ആരാ നിന്നെ അടിച്ചത് " ഗംഗ : ആ എരണം കെട്ടവളുടെ ആരോ ആണ്. അതും പറഞ്ഞ് അവൾ ഹോസ്പിറ്റലിൽ വെച്ച് ഉണ്ടായത് മുഴുവനും അദ്ദേഹത്തോട് പറഞ്ഞു. " അവൾക്ക് വേണ്ടിയല്ലേ അവരൊക്കെ നിന്നെ അടിച്ചത്... ആ അവൾ വേദനിക്കുന്നത് അവർ കാണണം... ഇതിനുള്ളത് നമ്മുക്ക് അവളെ കൊണ്ട് അനുഭവിപ്പിക്കാം... മോൾ വിഷമിക്കണ്ട ഈ അച്ഛന് അറിയാം എന്താ ചെയ്യേണ്ടത് എന്ന്... മോൾ കുറച്ച് നേരം പോയി കിടന്നോ " അതും പറഞ്ഞ് അവളെ സമാധാനിപ്പിച്ചു കൊണ്ട് അയാൾ ഫോൺ എടുത്ത് പുറത്തേക്ക് പോയി. 💞💞💞💞💞💞💞 യാനും യദുവും പോയതും കുക്കുവും ദീപുവും മാളുവിനെയും പൂച്ചയെയും നോക്കി കാരണം അവർക്ക് ഇവർ പറഞ്ഞതിൽ എന്തോ ഒരു പൊരുത്തക്കേട് ആദ്യമേ തോന്നിയതാണ്.കുക്കുവിന്റെയും ദീപുവിന്റെയും നോട്ടം കണ്ടതും മാളുവും പൂച്ചയും അവരെ നോക്കി വെളുക്കെ ഒന്ന് ചിരിച്ചു കൊടുത്തു 😁 ദീപു : മാളു എന്താ ഇതെല്ലാം മാളു : അത്... പിന്നെ ദീപു ആമിക്ക് എല്ലാം ഓർമ്മയുണ്ട് കുക്കു , ദീപു : എന്താ മാളു : അവൾക്ക് ഇപ്പൊ നമ്മളെ എല്ലാവരെയും ഓർമ്മയുണ്ട് പിന്നെ മാളു ആമിയെ ഐസിയൂവിൽ വെച്ച് കണ്ടതും ഞെട്ടിയതും പൂച്ചയേ വിളിച്ചതും ആമി സംസാരിച്ചതും പിന്നെ അവളുടെ ഇനിയുള്ള പ്ലാനിനെ കുറിച്ച് പറഞ്ഞതും എല്ലാം ദീപുവിനോടും കുക്കുവിനോടും അവൾ വിശദീകരിച്ച് പറഞ്ഞ് കൊടുത്തു. ഇതേ സമയം യാനും യദുവും കൂടി ആമിയെ കുറിച്ച് ചിന്തിക്കുകയാണ്. യദു : യാൻ അവർ പറഞ്ഞത് പോലെ ആമിയെ അവർ കൊണ്ട് പോവോ യാൻ : കൊണ്ട് പോവുകയാണെങ്കിൽ കൊണ്ട് പൊക്കോട്ടെ അത്രയും സമാധാനം കിട്ടും യദു : നീ എന്താടാ ഒരു മനസാക്ഷി ഇല്ലാതെ പറയുന്നേ യാൻ : പിന്നെ ഞാൻ എന്ത് പറയണം എന്നാ നീ പറയുന്നേ യദു : ഇത്രയും നാളും അവൾ നമ്മുടെ കൂടെ തന്നെ ആയിരുന്നില്ലേ പെട്ടന്ന് അവളെ വിട്ട് പിരിയേണ്ടി വരുന്നതിനെ കുറിച്ച് ആലോചിക്കുമ്പോൾ എന്തോ ഒരു സങ്കടം തോന്നുവാ... അവൾക്ക് ഓർമ്മ കിട്ടിയാൽ നമ്മളെ അവൾ തിരിച്ചറിയോ യദു ഇങ്ങനെ ഓരോന്നും പറയുന്നുണ്ടെങ്കിലും യാനിന്റെ ചിന്ത അത് ഒന്നും ആയിരുന്നില്ല. യദു : ഡാ... യാൻ നീ ഞാൻ പറയുന്നത് എന്തെങ്കിലും കേൾക്കുന്നുണ്ടോ യാൻ : നീ കുറച്ച് നേരത്തേക്ക് ഒന്ന് മിണ്ടാതെ പോയി എവിടെ എങ്കിലും ഇരിക്ക് യദു യദു : അല്ലെങ്കിലും ഇത്രയും നേരം നിന്നോടൊക്കെ ഇത് പറഞ്ഞ എന്നെ തല്ലാൻ ആള് ഇല്ലാഞ്ഞിട്ടാണ് അതും പിറുപിറുത്തു കൊണ്ട് അവൻ പുറത്തേക്ക് പോയി. യാനിന്റെ മനസ്സ് പലതിലും കുടുങ്ങി കിടക്കുകയായിരുന്നു അവസാനം അവന്റെ മുഖത്ത് മനോഹരമായൊരു പുഞ്ചിരി വിരിഞ്ഞു. ആരെയും മയക്കുന്ന വശ്യമായ ഒരു പുഞ്ചിരി. " എന്ന് ഞാൻ നിന്നെ കണ്ടെത്തിയോ അന്ന് മുതൽ നീ എന്റെ സ്വന്തം ആണ് മറ്റൊരാൾക്കും വിട്ട് കൊടുക്കാൻ ഇപ്പോൾ എന്റെ മനസ്സ് അനുവദിക്കുന്നില്ല രണ്ട് കൊല്ലം കഴിഞ്ഞു നിന്റെയാ മിഴികൾ എന്നിൽ കുടുങ്ങി കിടക്കാൻ തുടങ്ങിയിട്ട് ഇപ്പൊൾ എനിക്ക് അറിയാം എന്റെ ഉറക്കം കെടുത്തിയ ആ മിഴികളുടെ അവകാശിയെ എന്നെ കൊല്ലാതെ കൊന്ന് കൊണ്ടിരുന്ന ആ മിഴികളിൽ ഞാൻ പോലും അറിയാതെ സ്വയം ലയിച്ചു പോവുകയാണല്ലോ പെണ്ണെ ഇതിനും മാത്രം എന്ത് മായാജാലമാണ് ആ മിഴികൾക്കുള്ളത് " അത്രയും പറഞ്ഞ് കൊണ്ട് ഫോൺ എടുത്ത് അവൻ വരച്ച ആ കണ്ണുകളിലേക്ക് ഒന്ന് നോക്കി കുറച്ച് നേരം അത് നോക്കി ഇരുന്നതിന് ശേഷം അവൻ എന്തോ തീരുമാനിച്ച് ഉറപ്പിച്ചത് പോലെ ഒന്ന് ഗൂഢമായി ചിരിച്ചു. 💞💞💞💞💞💞💞 പിറ്റേ ദിവസം രാവിലെ തന്നെ യാനും യദുവും ഹോസ്പിറ്റലിൽ എത്തിയിരുന്നു ഈ സമയം അത്രയും യദു യാനിനോട് മിണ്ടിയിരുന്നില്ല. യാനിന് അറിയാമായിരുന്നു ആമി അവന് എത്രത്തോളം പ്രിയങ്കരി ആണെന്ന്. അവർ ഹോസ്പിറ്റലിൽ എത്തി കുറച്ച് മണിക്കൂറുകൾ കഴിഞ്ഞതിന് ശേഷമാണ് ആമിയേ റൂമിലേക്ക് മാറ്റിയത് ദീപുവിനും കുക്കുവിനും അവളോട് ഒറ്റക്ക് സംസാരിക്കണം എന്നുണ്ടായിരുന്നു എന്നിരുന്നാലും യാനും യദുവും ഉള്ളത് കൊണ്ട് അവർ സംയമനം പാലിച്ചു. അവളെ റൂമിലേക്ക് മാറ്റിയിട്ട് അവളുടെ ചുറ്റും ഇരിക്കുകയാണ് എല്ലാവരും അവൾ പതിയെ കണ്ണുകൾ ചിമ്മി തുറക്കാൻ ശ്രമിച്ചു എന്നാലും തലയിലെ വേദന കൊണ്ട് ആണെന്ന് തോന്നുന്നു അവൾക്ക് ആദ്യം കുറച്ച് ബുദ്ധിമുട്ട് തോന്നി അവളുടെ അവസ്ഥ കണ്ട് ദീപുവിന് സഹിക്കാൻ പറ്റുന്നുണ്ടായിരുന്നില്ല അത് പോലെ തന്നെ വേറെ ഒരു ഹൃദയവും നിശബ്ദമായി പിടയുകയായിരുന്നു. എന്നാൽ ഈ നേരമത്രയും യദു അവൻ കാണാൻ ആഗ്രഹിച്ച ആളെ കണ്ണ് കൊണ്ട് പരതുകയാണ് വന്നപ്പോൾ മുതൽ കുട്ടി തുടങ്ങിയതാ പക്ഷേ നമ്മുടെ പൂച്ചക്ക് ഒരു എമർജൻസി കേസ് ഉള്ളത് കൊണ്ട് അവൾക്ക് ആമിയെ കാണാൻ വരാൻ പറ്റിയിരുന്നില്ല. ആമി കണ്ണ് തുറന്നപ്പോൾ ആദ്യം നോക്കിയത് യാനിനെ ആയിരുന്നു അവളിൽ ഒരേ സമയം സങ്കടവും സന്തോഷവും നിറച്ചു. അതിന്റെ പ്രതിഫലനം എന്നത് പോലെ അവളുടെ കണ്ണുകൾ നിറഞ്ഞൊഴുകാൻ തുടങ്ങി. അവളുടെ കണ്ണ് നിറഞ്ഞത് കണ്ടതും മാളു പെട്ടന്ന് തന്നെ ആവലാതിയോടെ അവളോട് എന്തൊക്കെയോ ചോദിച്ചു കൊണ്ട് ഇരുന്നു പിന്നീടാണ് അവൾ ശ്രദ്ധിക്കുന്നത് എങ്ങോട്ടാ എന്ന് മാളു കണ്ടത്. പിന്നെ എന്തോ ഓർത്തത് പോലെ അവൾ പെട്ടന്ന് തന്നെ സ്വബോധത്തിലേക്ക് വന്നു. മാളു : ആമി എന്താടാ പറ്റിയെ ആമി : തല വേദനിക്കുന്നു അവൾ നേരിയ ശബ്ദത്തോടെ പറഞ്ഞു പക്ഷേ അതല്ല കാരണം എന്ന് അവിടെയുള്ള രണ്ടാൾക്ക് ഒഴിച്ച് ബാക്കി എല്ലാവർക്കും അറിയാം. അല്ലെങ്കിലും അവരോളം അവളെ മനസിലാക്കിയവർ വേറെ ആരുണ്ട്. ആമി : ഇതെല്ലാം ആരാ അവൾ യദുവിനെ ഒഴിച്ച് ബാക്കി എല്ലാവരെയും നോക്കി ചോദിച്ചു. അത് ഒരാളിൽ വേദന നിറച്ചെങ്കിലും അവളുടെ അവസ്ഥ അത് ആണല്ലോ എന്നോർത്ത് മിണ്ടാതെ ഇരുന്നു. മാളു അവരെ ഒന്ന് നോക്കി കൊണ്ട് ആമിയോട് പറയാൻ തുടങ്ങി മാളു : ആമിക്ക് ഇതാരാണെന്ന് അറിയില്ലേ അവൾ യദുവിനെ ചുണ്ടി കാണിച്ചു കൊണ്ട് ചോദിച്ചു. ആമി : ഇതെന്റെ ഏട്ടനാ മാളു : ആമിയുടെ ഏട്ടന്റെ ഫ്രണ്ട് ആണ് ഈ നിൽക്കുന്നത് അവൾ യാനിനെ ചൂണ്ടി കാണിച്ചു കൊണ്ട് പറഞ്ഞു അവൾ യാനിനെ തന്നെ ഒരു നിമിഷം കണ്ണെടുക്കാതെ നോക്കി നിന്നു പക്ഷേ അവൾ തിരിഞ്ഞ ഭാവം ആ മിഴികളിൽ ഇല്ലാത്തത് അവളെ ചെറുതായി വേദനിപ്പിച്ചു. മാളു : പിന്നെ ഇതെല്ലാം ഇവരുടെ ഫ്രണ്ട്സ് ആണ് അവൾ ദീപുവിനെയും കുക്കുവിനെയും ചൂണ്ടി കൊണ്ട് പറഞ്ഞു അതിന് ആമി ഒന്ന് ചിരിച്ചു കൊടുത്തു. കുറച്ച് നേരം എല്ലാവരോടും ചെറുതായി സംസാരിച്ചതിന് ശേഷം അവൾ വീണ്ടും മയക്കത്തിലേക്ക് പോയി. അവൾ ഉറങ്ങി എന്ന് കണ്ടതും മാളു യാനിനെയും യദുവിനെയും ഒന്ന് നോക്കി മാളു : ഞാൻ പറഞ്ഞത് മറന്നിട്ടില്ലല്ലോ അവളിൽ ഒരു ശ്രദ്ധ എപ്പോഴും വേണം. പിന്നെ യദു ഇപ്പൊ അവൾക്ക് നിന്നെ മാത്രമേ അറിയൊള്ളു അത് മാത്രം അല്ല നിങ്ങൾ മൂന്നാളും ഒരു വീട്ടിൽ അല്ലെ താമസിക്കുന്നെ അപ്പൊ അവൾ എന്താ അങ്ങനെ എന്നൊക്കെ ചോദിച്ചു എന്ന് വരാം അപ്പൊ കൃത്യമായ ഒരു മറുപടി നീ കണ്ടെത്തി വെക്കണം. പിന്നെ അവളുടെ മുൻപത്തെ അവസ്ഥ എന്താ എന്ന് അവളോട് പറയരുത് അത് അവളെ എങ്ങനെ എഫക്റ്റ് ചെയ്യുമെന്ന് നമ്മുക്ക് ചിന്തിക്കാൻ പറ്റില്ല. യദു : ഇതെല്ലാം ഞാൻ ശ്രദ്ധിച്ചോളാം.....നിങ്ങൾ ഒക്കെ അവളുടെ ആരാ യദു ഇന്നലെ തന്നെ ഈ ചോദ്യം ചോദിക്കണം എന്ന് കരുതിയത് ആയിരുന്നെങ്കിലും അതിന് പറ്റിയ ഒരു സിറ്റുവേഷൻ അതല്ലെന്ന് അവന് തോന്നിയിരുന്നു. അവന്റെ ആ ചോദ്യം കേട്ടതും അവരെല്ലാം അത് പ്രതീക്ഷിച്ച പോലെയാണ് നിൽക്കുന്നത് അവർ എല്ലാവരും യാനിനെ ഒന്ന് നോക്കി അവന്റെ മുഖത്ത് പ്രത്യേകിച്ച് ഭാവമാറ്റം ഒന്നും തന്നെ ഇല്ല തുടരും....... #📔 കഥ #📙 നോവൽ #നോവൽ #💌 പ്രണയം #💞 പ്രണയകഥകൾ