దక్షిణాయణ పుణ్యకాలః ప్రారంభః - ప్రాముఖ్యత . *≈≈≈❀┉┅━❀ 🕉️ ❀┉┅━❀≈≈≈* . *దక్షిణాయణ పుణ్యకాలః ప్రాముఖ్యత* దక్షిణాయణం అంటే దక్షిణ దిశగా ప్రయాణం చేయడమనే అర్ధం వస్తుంది. సూర్యుడు తూర్పు దిశలో ఉదయిస్తాడని తెలుసు. కానీ సూర్యోదయాన్ని గమనిస్తే, అది తూర్పు దిక్కున జరగదు. సూర్యుడు సరిగ్గా తూర్పు దిశ మధ్యలో ఉదయించేది ఏడాదిలో 2 రోజులు మాత్రమే. అవి మార్చి 21, సెప్టెంబరు 23. మిగతా ఆరు నెలలు కాస్త ఈశాన్యానికి దగ్గరగా, మరో 6 నెలల ఆగ్నేయానికి దగ్గరగా సూర్యోదయం జరుగుతుంది. సూర్యుడు ఈశాన్యానికి దగ్గరగా ఉదయించే కాలాన్ని 'ఉత్తరాయాణం' అని, ఆగ్నేయానికి దగ్గరగా ఉదయించే కాలాన్ని 'దక్షిణాయణం' అని అంటారు. *దేవతలకు పగలు ఎప్పుడు రాత్రి ఎప్పుడు?* ఈ దక్షిణాయణంలో సూర్యుడు భూమధ్య రేఖకు దక్షిణ దిశలో పయనిస్తాడు. ఆధ్యాత్మిక పరంగా ఉత్తరాయణం దేవతలకు పగలు అయితే, దక్షిణాయణం దేవతలకు రాత్రి కాలం. ఈ కాలంలో శ్రీమహావిష్ణువు యోగనిద్రలో ఉంటాడు. ఇలాంటి సమయంలో మనిషి ఎదుగుదలకు దైవశక్తి సాయం ఎంతో అవసరం. అందుకే దేవతల శక్తిని ప్రేరేపించడనికి ఈ కాలంలో ఉపాసనలు, యజ్ఞాలు, జపాలు, అభిషేకాలు చేస్తారు. అందువల్ల ఇది ఉపాసన కాలం అయినది. శ్రీహరి ఆషాడ శుద్ద ఏకాదశి రోజున యోగ నిద్రలోకి వెళ్లి కార్తీక శుద్ధ ఏకాదశి నాడు నిద్రలేస్తారు. ఈ సమయంలో యోగులు, మఠాధిపతులు చాతుర్మాస దీక్షను చేపడతారు. శాస్త్రీయంగా దక్షిణాయణంలో సూర్యకాంతి భూమి మీద తక్కువగా ప్రసరిస్తుంది. ఫలితంగా జీవులలో రోగనిరోధకశక్తి క్షీణించి రోగాల బారిన పడతారు. వీటిని నిరోధించడానికి ఈ కాలంలో బ్రహ్మచర్యం, ఉపసాన, తరుచుగా ఉపవాసాలు, పూజలు, వ్రతాల పేరుతో పాటించే నియమాలు రోగనిరోధక శక్తిని పెంచి, ఆరోగ్యాన్ని కలిగిస్తాయి. *దేవతలకు రాత్రికాలం* దేవతల కాలమానం వేరు, మానవుల కాలమానం వేరు అన్నమాట తరచుగా వింటూ ఉంటాం. అయితే మనం ఎప్పుడైనా మన కాలమానాన్ని అనుసరించే పనులను చక్కబెట్టుకోగలం. కాబట్టి మన కాలమానం ప్రకారమే.... ఏ సమయంలో ఎటువంటి సత్కర్మలు చేస్తే ఏయే దేవతలు స్వీకరిస్తారో తెలుసుకోవాలి. ఎప్పుడైనా.... 1. సూర్యుడు ఉన్నరాశి : సూర్యోదయం. 2. నాలుగోరాశి : మధ్యాహ్నం 3. ఏడోరాశి : సాయంత్రం 4. పదోరాశి : అర్థరాత్రి ...అవుతాయి. ఇవన్నీ ఆకాశంలో సహజంగా ఏర్పడతాయి. అయితే ఉత్తర, దక్షిణాయనాలలో ఈ నాలుగుకాలాలు ఏఏ రాశుల్లో ఏర్పడతాయంటే... దక్షిణాయనం కాలమానం ఉత్తరాయణం 1. కర్కాటక రాశి సూర్యోదయం మకరరాశి 2. తులారాశి మధ్యాహ్నం మేషం 3. మకరరాశి సాయంత్రం కర్కాటకం 4. మేషరాశి అర్థరాత్రి తుల రాశిచక్రం మేషంతో మొదలై మీనంతో పూర్తవుతుంది. మేషంలో సూర్యోదయం ఉగాది తరువాతి నుంచి చూడగలం. రాశిచక్రంలో నాలుగోదైన కర్కాటక రాశిలో సూర్యోదయం జరిగితే దక్షిణాయనం మొదలైనట్లు. కానీ మొదటి పట్టిక ప్రకారం అది దేవతలకు మధ్యాహ్నకాలం. మామూలుగా మనం మధ్యాహ్న సమయంలో నిర్వహించేది పితృదేవతారాధనే. కనుక దక్షిణాయనం పితృదేవతారాధనకు, ఉగ్రదేవతారాధనకు శ్రేష్ఠమని పెద్దలు చెబుతారు. *దక్షిణాయన ప్రాముఖ్యత* కాలాన్ని లెక్కించే క్రమంలో ప్రతి సంవత్సరాన్ని రెండు అయనాలుగా విభజించారు. ఒకటి ఉత్తరాయణం, రెండోది దక్షిణాయనం. నిజానికి రాశీచక్రంలో దక్షిణాయనమే ముందుగా వస్తుంది. కారణం ఏమంటే మకరం కంటే కర్కాటకం రాశిచక్రంలో ముందుగా వస్తుంది. కానీ మనవారు ఉత్తరాయణాన్ని ముందుగా చెప్పి తరువాత దక్షిణాయనం చెబుతారు. ఎందుకంటే మానవ కార్యాలకు ఉత్తరాయణం శుభప్రదమైనది. పితృదేవతారాధనకు దక్షిణాయనం ప్రశస్తమైనది. పితృపక్షాలు దక్షిణాయనంలోనే వస్తాయి. శ్రీమహావిష్ణువు శయనించేది దక్షిణాయనంలోనే. రుద్రారాధన, గణనాయకుడైన వినాయకుని ఆరాధనతో పాటు విశేషమైన పండుగలన్నీ దక్షిణాయనంలో వస్తాయి. శక్త్యారాధన ప్రధానమైన విజయదశమి దక్షిణాయనంలోనే వస్తుంది. ఉగ్రదేవతారాధనకు దక్షిణాయనం ప్రశస్తమైనది. అలాగే దేవతలకు రాత్రికాలం, రాక్షసులకు రోజు మొదలయ్యే కాలంగా చెప్పడం వల్ల కూడా విశేషంగా ఉత్సవాలు చేయరు. కానీ దేవతారాధన, పితృదేవతారాధన ప్రధానంగా నిర్వహిస్తారు. . *_𝕝𝕝 లోకాస్సమస్తాః సుఖినో భవన్తు 𝕝𝕝_* #తెలుసుకుందాం