#maiamoffcial #மக்கள்நீதிமய்யம் சட்டமன்றத்தில் இன்று தாக்கல் செய்யப்பட்ட 2026–2027 பட்ஜெட்டில், தவெக அரசு கடந்த கால திமுக ஆட்சியில் செயல்பாட்டில் இருந்த மக்கள் நல திட்டங்களின் பெயர்களை மட்டுமே மாற்றி அறிவித்திருக்கிறது. ஆனாலும் மக்களுக்கு அதே திட்டங்களை செயல் படுத்தியிருப்பது ஆறுதல் தான். வரி வருவாய் ஆதாரங்களைப் பெருக்க வழிவகை செய்யாமலும், தொலைநோக்குத் திட்டங்கள் குறித்த அறிவிப்பு ஏதுமின்றியும் இந்த பட்ஜெட் தாக்கல் செய்யப்பட்டுள்ளது. வேலைவாய்ப்புகளை உருவாக்கினாலே இளைஞர்களின் வாழ்வாதாரமும் சமூகக் கட்டமைப்பும் உயரும். ஆனால், இது குறித்து எந்தவொரு அறிவிப்பும் இந்த பட்ஜெட்டில் இடம் பெறவில்லை. வறட்சி மாவட்டங்களாக அறிவிக்கப்பட்ட பகுதிகளில் புதிய தொழில்களையும் தொழில்முனைவோர்களையும் உருவாக்க இனி அரசு திட்டமிட்டு செயல்படுத்த வேண்டும் என்ற கோரிக்கையை மக்கள் நீதி மய்யம் முன்வைக்கிறது. தவெக அறிவித்த தேர்தல் வாக்குறுதிகளில் சில திட்டங்கள் கூட இந்த பட்ஜெட்டில் சேர்க்கப்படாதது ஏமாற்றமளிக்கிறது. குறிப்பாக 6 கேஸ் சிலிண்டர்கள், பெண்களுக்கு இலவசப் பேருந்துப் பயணம், வேலையில்லா இளைஞர்களுக்கு ₹4,000 உதவித்தொகை போன்றவை குறித்த எந்த அறிவிப்பும் இதில் இல்லை. அதேவேளையில், விளையாட்டுத் துறையின் மேம்பாட்டிற்கு முக்கியத்துவம் அளித்திருப்பது பாராட்டுக்குரியது. மக்கள் நீதி மய்யத்தின் தலைவர் கமல்ஹாசன் 2021 தேர்தல் வாக்குறுதியில் கூறிய ‘சேவை பெறும் உரிமைச் சட்டம்’ குறித்த அறிவிப்பும் வரவேற்கத்தக்கது. இந்த நிதியாண்டில் இல்லாத செயல்திட்டங்களை அடுத்த பட்ஜெட்டில் முன் வைத்து தமிழகத்தின் வளர்ச்சியும் நலனும் சார்ந்ததாக இருக்க வேண்டும் என்பதை வலியுறுத்துகிறது. @CMOTamilnadu #Budget2026 #tamilnadupolitics #KamalHaasan_MP