Part 11 b അന്തമില്ലാത്ത വരികൾ - സഖിയുടെ സഖാവ് - പിന്നെ എന്തോ മനസ്സിൽ ഉറപ്പിച്ചപോലെ, ചെറിയൊരു നിശ്വാസമെടുത്ത് ഡിപ്പാർട്മെന്റിലേക്ക് നടന്നു. പെട്ടെന്ന് എന്തോ തീരുമാനിച്ചപോലെ, ഒരു നിമിഷം പോലും വൈകാതെ ലക്ഷ്മി ബാഗ് എടുത്തു. ക്ലാസിലുണ്ടായിരുന്നവർ ഓരോരുത്തരും തങ്ങളുടെ തിരക്കുകളിൽ മുഴുകിയിരുന്നു. ആരുടെയും ശ്രദ്ധ അവളിലില്ല. ആരെയും അറിയിക്കാതെ അവളും ക്ലാസിൽ നിന്ന് പുറത്തേക്ക് ഇറങ്ങി. അവൾ നടക്കുകയായിരുന്നില്ല… ഓടുകയായിരുന്നു. അവളുടെ കാലുകളെക്കാൾ വേഗത്തിൽ ഹൃദയം മിടിച്ചുകൊണ്ടിരുന്നു.” സമയം ഒച്ചിന്റെ വേഗത്തിൽ ഇഴഞ്ഞുനീങ്ങുന്നതുപോലെ” ദേവിന് തോന്നി. കൂട്ടുകാരുടെ കണ്ണുവെട്ടിച്ച്, ആരും ഇല്ലാത്ത ഒരു നിമിഷം നോക്കി പാർട്ടി ഓഫീസിലേക്ക് ഒന്ന് പോകണമെന്ന ആഗ്രഹം അവനിൽ ശക്തമായിക്കൊണ്ടിരുന്നു. ആ പുസ്തകം വീണ്ടും തുറക്കണം… ആ അക്ഷരങ്ങൾ ഒരിക്കൽക്കൂടി വായിക്കണം…അപ്പോഴാണ് ഫസ്റ്റ് ഇയറിൽ പഠിക്കുന്ന ഒരു വിദ്യാർത്ഥി അവരുടെ അടുത്തേക്ക് വന്നത്. ദേവേട്ടാ…” ദേവ് അവനെ നോക്കി. എനിക്ക് കൺവീനർ സ്ഥാനാർത്ഥിത്വത്തിന്റെ നോമിനേഷൻ ഫോം വേണമായിരുന്നു. പാർട്ടി ഓഫീസിലാണെന്ന് പറഞ്ഞു അവിടെ എത്തിയപ്പോൾ ഓഫീസ് പൂട്ടി കിടക്കുകയാണ് ദേവ് ഒരു നിമിഷം അവനെ നോക്കി, പിന്നെ കൂട്ടുകാരുടെ നേരെ തിരിഞ്ഞു. നിങ്ങൾ ഇരിക്കൂ… ചാവി എന്റെ കൈയിലുണ്ട് , ഞാൻ ഫോം എടുത്തിട്ട് ഇപ്പോൾ വരാം.” അതും പറഞ്ഞ് അവൻ എഴുന്നേറ്റു. ഫോം എടുക്കാനായി ദേവും ആ ഫസ്റ്റ് ഇയർ വിദ്യാർത്ഥിയും ഒരുമിച്ച് പാർട്ടി ഓഫീസിലേക്ക് നടന്നു. ലൈബ്രറിയുടെ മുന്നിലെത്തിയപ്പോൾ പിന്നിൽ നിന്ന് ഒരു വിളി. ആനന്ദേ…!” ആനന്ദ് തിരിഞ്ഞുനോക്കി. അവന്റെ ക്ലാസിലെ ഒരു സുഹൃത്ത് കൈകാണിച്ച് വിളിക്കുകയായിരുന്നു. ദേവേട്ടാ… ഒന്ന് ഫോം എടുത്തുവെക്കുമോ? ഞാൻ ഇപ്പോൾ വരാം.” ദേവ് ചെറുതായി തലയാട്ടി. ശരി… നീ വന്നോളൂ.” അതും പറഞ്ഞ് ദേവ് ഒറ്റയ്ക്ക് പാർട്ടി ഓഫീസിലേക്ക് നടന്നു. പുറമേ നോക്കുമ്പോൾ ഒരു ഫോം എടുക്കാൻ പോകുന്ന വിദ്യാർത്ഥി നേതാവ് മാത്രം. പക്ഷേ അവന്റെ മനസ്സിന് അറിയാമായിരുന്നു… ആ ചുവടുകൾ ഒരു ഫോമിലേക്കല്ല, ആ ചുവന്ന പുറംചട്ടയുള്ള പുസ്തകത്തിലേക്കാണെന്ന്. പാർട്ടി ഓഫീസിന് മുന്നിലെത്തിയ നിമിഷം അവളുടെ ഹൃദയം ഒന്ന് നിശ്ചലമായതുപോലെ തോന്നി. തുടരും പാർട്ട് 12 കാത്തിരിക്കൂ #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ