അയോധ്യയിലെ രാമക്ഷേത്ര നിർമാണവുമായി ബന്ധപ്പെട്ട് പുറത്തുവരുന്ന വാർത്തകൾ ഭക്തലക്ഷങ്ങളെപ്പോലും ഞെട്ടിക്കുന്നതാണ്. ഏകദേശം 5 കോടി രൂപ വിലമതിക്കുന്ന, സ്വർണം പൂശിയ രാമചരിതമാനസിന്റെ പ്രതി കാണാനില്ലെന്ന വാർത്ത കേവലം ഒരു കാണാതാവൽ മാത്രമല്ല, അതിന് പിന്നിൽ വൻ കൊള്ള നടന്നിട്ടുണ്ടെന്ന സംശയങ്ങളാണ് ബലപ്പെടുത്തുന്നത്. 'രാമന്റെ പേരിൽ' വോട്ട് പിടിക്കുകയും രാഷ്ട്രീയം കളിക്കുകയും ചെയ്യുന്നവരുടെ തനിനിറം ഇതോടെ പുറത്തായിരിക്കുകയാണ്. ഇപ്പോൾ ബിജെപി നേതൃത്വത്തിന്റെയും അണികളുടെയും അവസ്ഥ കാണുമ്പോൾ പണ്ടൊരു നാടൻ പാട്ടാണ് ഓർമ്മ വരുന്നത്: കള്ളൻ ചക്കയിട്ടു, ആരും കണ്ടാൽ മിണ്ടണ്ട... കൊണ്ടോയ് കൊണ്ടോയ് കൊണ്ടോയ് തിന്നോട്ടെ..." ക്ഷേത്രത്തിന്റെ സുരക്ഷയെക്കുറിച്ചും വിശ്വാസത്തെക്കുറിച്ചും രാപ്പകൽ വാചാലരായിരുന്ന ഒരു 'സംഘി'ക്ക് പോലും ഇപ്പോൾ നാവനക്കാൻ വയ്യാത്ത അവസ്ഥയാണ്. മൗനത്തിന്റെ രാഷ്ട്രീയം കേരളത്തിൽ ശബരിമല വിഷയമുണ്ടായപ്പോൾ വിശ്വാസസംരക്ഷണത്തിന്റെ പേരിൽ തെരുവിലിറങ്ങി തൊണ്ടപൊട്ടുമാറാണ് ഇവർ മുദ്രാവാക്യം വിളിച്ചതും അന്യരുടെ നെഞ്ചിലേക്ക് ആഞ്ഞടുത്തതും. എന്നാൽ അയോധ്യയിൽ കോടികളുടെ സ്വർണ്ണഗ്രന്ഥം അപ്രത്യക്ഷമായപ്പോൾ ആ 'നീട്ടിയ നാവുകളെല്ലാം' കഴുകി വെയിലത്ത് ഉണക്കാൻ ഇട്ടിരിക്കുകയാണ്! അന്ന്: വിശ്വാസസംരക്ഷണം പറഞ്ഞ് വൈകാരിക പ്രകോപനങ്ങൾ സൃഷ്ടിച്ചു. ഇന്ന്: സ്വന്തം കോട്ടയ്ക്കുള്ളിൽ കോടികളുടെ അഴിമതി നടന്നിട്ടും കുറ്റകരമായ മൗനം പാലിക്കുന്നു. രാമന്റെ പേരിൽ അധികാരം പിടിച്ചവർക്ക്, ആ രാമന്റെ ചരിത്രം കുറിച്ച സ്വർണ്ണഗ്രന്ഥം പോലും സംരക്ഷിക്കാൻ കഴിയുന്നില്ല എന്നത് ഇവരുടെ ആത്മാർത്ഥതയില്ലായ്മയുടെ ഏറ്റവും വലിയ തെളിവാണ്. ഭക്തിയെ വെറും രാഷ്ട്രീയ ആയുധമാക്കുന്നവരുടെ ഇരട്ടത്താപ്പാണ് ഈ മൗനത്തിലൂടെ ഒരിക്കൽ കൂടി ജനങ്ങൾക്ക് മുന്നിൽ തുറന്നു കാട്ടപ്പെടുന്നത്. കൊള്ളയുടെ ആഴം ഇനിയും എത്രത്തോളമുണ്ടെന്ന് വരും ദിവസങ്ങളിൽ കണ്ടറിയണം. #🗳️ രാഷ്ട്രീയം #💪🏻 സിപിഐഎം #🔴 എൽഡിഎഫ് #🔵 യുഡിഎഫ് #🔶 BJP