*ఇది మామూలు ఆర్టికల్ కాదు.. లైట్ తీసుకోకండి.. యోగులు అనుసరించిన అరుదైన ప్రక్రియ!!* *Believe.. Behave.. Become..* క్లుప్తంగా చెప్పాలంటే ఇది ఓ ఫార్ములా! డబ్బు సంపాందించాలనో, ఒక లక్ష్యానికి చేరుకోవాలనో, నచ్చిన విధంగా జీవించాలనో.. ఇలా అందరికీ చాలా కోరికలు ఉంటాయి. అయినా అవి కోరికలుగానే ఎందుకు మిగిలిపోతాయో తెలుసా? ఫార్ములా మిస్ అవడం! Mindని ఒకటే పాయింట్ మీద ఫోకస్ చేస్తే.. అది మనిషికి ఇవ్వబడిన గొప్ప వరం! అదే మైండ్ ఒక్కో క్షణానికి ఒక్కో ఆలోచనలో ఉంటే అదే మైండ్ మనిషికి ఇవ్వబడిన అతి పెద్ద శాపం. భయాలు, ఇన్ సెక్యూరిటీ, అనుకున్న పని అవుతుందా లేదా అని సందేహం మనిషి మానసిక శక్తిని హరిస్తాయి. నేను కొన్ని ధారణ (కాళీ మాత ఉపాసకులు, ఇతర ఉపాసన చేసేవారు చేసే పద్ధతులు)లు చేస్తుంటాను. హృదయ స్థానంలో (అనాహత స్థానంలో) అత్యంత శక్తివంతమైన ఎలక్ట్రో మాగ్నటిజం ఉంటుంది. అక్కడ సాఫ్ట్ ఫోకస్ పెట్టాలి. అంటే బలంగా వత్తిడిగా కాదు.. జస్ట్ చాలా సుతిమెత్తగా గమనిస్తూ ఉండాలి. అక్కడ నుండి దృష్టి చెదరకూడదు. అక్కడే మీరు అనుకున్న ప్రతీ దృశ్యం స్థిరమైపోవాలి. అంటే కదలని దీపంగా నిశ్చలంగా మీరు కోరుకున్నది నమ్మడం (పైన నేను చెప్పిన ఫార్ములాలో believe) జరగాలి. అందరూ జరిగిన వాటినే నమ్ముతారు. జరగాలని కోరుకుంటున్న వాటిపై నమ్మకం కుదరదు. సరిగ్గా ఇక్కడే సీక్రెట్ దాగుంది. మీరు ఎంత నమ్మకంగా హృదయ స్థానంపై దృష్టి పెట్టాలంటే.. మీరు అనుకున్నది ఆల్రెడీ జరిగిపోయినట్లు.. అది సజీవంగా మీ మనస్సులో ఉండాలి. అలా ఉంచేటప్పుడు.. మైండ్ ఓ మాయ చేస్తుంది.. "ఇది జరగలేదు కదా, నువ్వు ఊరికే ఊహించుకుంటున్నావు" అని ఒక పుల్ల వేస్తుంది. మనిషికి ఇమాజినేషన్ శక్తి పోయాక మనుషులు రాళ్లలా తయారయ్యారు. అన్నీ రోబోటిక్ గా మారిపోయాయి. మైండ్ నిన్ను తప్పు దారి పట్టించినా మళ్లీ సుతిమెత్తగా నువ్వు అనుకున్న మానసిక స్థితిలో ఉన్నట్లు దాంట్లో కలిసిపో! మంచి జాబ్ కోసం చూస్తుంటే.. పెద్ద ఆఫీస్‌లో నీ ఛాంబర్ లో కూర్చుని చాలా రిలాక్స్‌డ్‌గా ఉన్నట్లు చివరకు అక్కడ వచ్చే AC ఎయిర్.. ఛాంబర్ బయట ఉన్న ఇతర ఉద్యోగులు.. అంతా సజీవంగా కనిపిస్తున్నట్లు ఆ మానసిక స్థితిలోకి వెళ్లిపో! నీ నడక, నీ ఫేసియల్ ఎక్స్‌ప్రెషన్స్ అన్నీ నీకు జాబ్ వస్తే ఎలా ఉంటావో ఆ స్థితిలోకి వెళ్లాలి. లేదా నీకు ఇతర ప్రాంతాలకు వెళ్లిన ఆత్మీయులతో ఉండాలనుకుంటే.. వారితో ఉన్న స్థితి సజీవంగా నీ మనస్సు, శరీరంలో నిండిపోవాలి. Lack.. అంటే లోటు ఫీల్ కావడం మేనిఫెస్టేషన్‌కి అతి పెద్ద అడ్డంకి. డబ్బు సంపాదించాలనుకున్న వ్యక్తి.. పైన చెప్పినట్లు డబ్బు కోసం ఊహించుకుంటాడు.. కానీ మరుసటి క్షణంలోనే నా దగ్గర డబ్బు లేదు కదా, నేను అనుకున్న పని అవుతుందా లేదా, నాకు నచ్చిన విధంగా లైఫ్ ఉంటుందా లేదా అని సెల్ఫ్ డౌట్ పెట్టుకుంటూ ఉంటాడు. అంటే అర్థం.. నీకు కావలసిన దానిపై 100% పెట్టాల్సిన mental energyని పైప్ లీక్ చేసినట్లు నువ్వే లీక్ చేసుకుంటున్నావు. నీ నమ్మకం ఎలా ఉండాలంటే.. శ్రీకృష్ణుడు లేకపోయినా భక్తియోగాలో మీరాబాయి అతనినే మనస్సు నిండా ధరించినంత సంపూర్ణమైన స్థితి ఉండాలి. వత్తిడి ఫీల్ కావద్దు. డబ్బు కావాలంటే.. డబ్బు ఉన్నప్పుడు ఎంత ప్లెజెంట్ గా ఉంటావో అలా ఉండాలి. ఇలా ఒక నెలరోజులు.. ఒకే మానసిక స్థితితో ధారణ చేసి చూడండి.. రోజంతా మీరు ఆఫీస్ వర్క్ చేస్తున్నా, టివి చూస్తున్నా, వంట చేస్తున్నా, స్నేహితులతో ఉన్నా అదే మానసిక స్థితి స్థిరంగా మీ మనస్సులో ఉండాలి. ఖచ్చితంగా అయి తీరుతుంది. #తెలుసుకుందాం #😃మంచి మాటలు