மேட்டூர் அணையில் தெரியும் நந்தி சிலை! 90 ஆண்டு கால அதிசயம்! 300 வருட வரலாறு! டெல்டா மக்களின் ஜீவநாடி மேட்டூர் அணையின் நீர் மட்டம் 58 அடியாக சரியும் போது தெரியும் நந்தி சிலை குறித்த வரலாறை பார்க்கலாம். இந்த மேட்டூர் அணையில் எப்படி நந்தி சிலை வந்தது என்பதையும் தெரிந்து கொள்ளலாம். சேலம் மாவட்டம் மேட்டூர் அருகே பண்ணவாடி என்ற கிராமம் உள்ளது. இங்கு அப்பகுதி மக்கள் வழிபட்ட ஜலகண்டேஸ்வரர் கோயில் மற்றும் தேவாலயம் இருந்தது. மேட்டூர் அணை 1934 ஆம் ஆண்டு கட்டிய நிலையில் இந்த பகுதி மக்கள் வெளியேற்றப்பட்டு அணையில் நீர் தேக்கப்பட்டு வருகிறது. இதனால் பண்ணவாடி மட்டுமின்றி கோட்டையூர் செட்டிப்பட்டி கிராமங்கள் அணை நீர்த்தேக்க பகுதிகளாக மாறி, இவை தண்ணீரிலும் மூழ்கின. இதனால் அந்த மக்கள் வழிபட்டு வந்த ஜலகண்டேஸ்வரர் கோயில், நாயம்பாடி இரட்டை கோபுர தேவாலயம் உள்ளிட்டவைகளும் நீரில் மூழ்கின. மேட்டூர் அணை நீர்மட்டம் சரியும் போது தேவாலய கோபுரம், ஜலகண்டேஸ்வரர் கோயில் நந்தி சிலையும் தெரியும். அதாவது மேட்டூர் அணையின் நீர் மட்டம் 58 அடியாக இருக்கும் போது நந்தி சிலை தெரியும். அது போல் தேவாலயத்தின் கோபுரமும் தெரியும். இந்த நந்தி சிலை கிட்டதட்ட 90 ஆண்டுகளுக்கு மேலாக நீரில் மூழ்கியும் கம்பீரமாக நிற்பது நம் கட்டடக் கலைக்கு சிறந்த எடுத்துக்காட்டாகும். அது போல் ஜலகண்டேஸ்வரர் கோயிலும் சிதிலமடையாமல் அப்படியே இருக்கிறது. இந்த பண்ணவாடி பகுதியில் கட்டப்பட்ட ஜலகண்டேஸ்வரர் கோயில் 300 ஆண்டுகளுக்கு முன்பு மைசூர் மன்னர்கள் காலத்தில் கட்டப்பட்டது. இந்த நந்தி சிலை சுமார் 20 அடி உயரம் கொண்டதாகும். பொதுவாக சிவபெருமானை பார்த்தபடி நந்தி சிலை அமைந்திருக்கும். ஆனால் இந்த கோயிலில் கருவறைக்கு பின்புறம் முதுகை காட்டியபடி நந்தி சிலை அமைந்துள்ளது. இந்த மேட்டூர் அணை அன்றைய சென்னை மாகாண ஆளுநராக இருந்த ஸ்டேன்லியால் கட்டப்பட்டது. இதனால் இது ஸ்டேன்லி நீர்த் தேக்கம் என்றும் அழைக்கப்படுகிறது. இந்த அணை 1925 ஆம் ஆண்டு தொடங்கி 1934 ஆம் ஆண்டு முடிக்கப்பட்டது. இது கட்டி முடிக்கப்பட்ட காலத்தில் உலகிலேயே மிகப் பெரிய அணையாகவும் ஆசியாவின் மிக உயரமான அணையாகவும் அறியப்பட்டது. இந்த அணையின் மொத்த உயரம் 120 அடி. அணையின் மொத்த கொள்ளளவு 93.4 டிஎம்சி. இவ்வாறு நந்தி சிலை தெரியும் போது அந்த காலகட்டத்தில் பரிசல் மூலம் கோயிலுக்கு மக்கள் அழைத்துச் செல்லப்பட்டு வந்ததாக சொல்லப்படுகிறது. தற்போதும் நந்தி சிலை தெரிந்தால் வெளியே இருந்தபடியே மக்கள் பார்த்து வருகிறார்கள் என்பது குறிப்பிடத்தக்கது. இந்த மேட்டூர் அணைக்கு வரும் காவிரி, டெல்டா மக்களின் குடிநீர் தேவையையும் விவசாய பாசனத்திற்காகவும் பயன்படுகிறது. ஆனால் காவிரியில் எவ்வளவு தண்ணீர் இருந்தாலும் இல்லை இல்லை என பஞ்சப்பாட்டு பாடும் கர்நாடகா, காவிரி நடுவர் மன்றம் உத்தரவிட்டும் தமிழகத்திற்கு தண்ணீரை திறக்க மறுக்கிறது. இதனால் விவசாயிகள் கடுமையாக பாதிக்கப்பட்டுள்ளனர். #உண்மையை அறிவோம்

*ராஜ யோகத்தை அளிக்கும் சனீஸ்வரனுக்கு பிடித்த எளிய பரிகாரங்கள்* . ஒருவருக்கு அவரவர் கர்ம வினைப்படி, பூர்வ புண்ணிய பலத்திற்கேற்ப நன்மை, தீமைகளை வழங்குவதில் சனிக்கு நிகர் சனியே. சர்வ முட்டாளைக்கூட மிகப்பெரிய பட்டம், பதவி என்று அமர வைத்து விடுவார். அதே நேரத்தில் அதிபுத்திசாலி, பெரிய ராஜதந்திரியைக்கூட தெருவில் தூக்கி வீசிவிடுவார். ஏழை, பணக்காரன், படித்தவன், படிக்காதவன், பதவியில் இருப்பவன், பதவி இல்லாதவன் என்ற வித்தியாசம் எதுவும் சனி பகவானுக்கு கிடையாது. பல காரியங்களை கண் இமைக்கும் நேரத்தில் நடத்திக் காட்டும் சர்வ வல்லமை படைத்த, ஈஸ்வரன் பட்டம் பெற்ற ஒரே கிரகம் சனியாகும். ஒருவருக்கு கெட்ட நேரம் வந்துவிட்டால் அவர் எவ்வளவு பெரிய ஆளாக இருந்தாலும் சரி, என்ன நடக்கிறது என்று அவர் யூகிக்கும் முன்பே எல்லாம் நடந்து முடிந்து இருக்கும். அதே நேரத்தில் சனியால் யோக பலன்கள் அனுபவிக்க வேண்டும் என்று ஜாதகத்தில் இருந்தால் அவரை எந்த உயரத்திற்கும் கொண்டு செல்லும் ஆற்றல், வல்லமை சனி பகவானுக்கு உண்டு. ஆகையால்தான் ‘சனியைபோல் கொடுப்பவனும் இல்லை, கெடுப்பவனும் இல்லை’ என்றும், ‘சனி கொடுத்தால் அதை யார் தடுப்பார்’ என்ற ஜோதிட சொற்றொடர்களும் ஏற்பட்டன. *சிம்மாசனத்தை விட்ட தேவேந்திரன்* ஒரு சமயம் தேவேந்திரன், சனி பகவானிடம் சென்று, ‘நான் தேவர்களுக்கெல்லாம் தலைவன். என்னை நீ எப்படி பிடிக்கலாம்?’ என்று கேட்டான். அதற்கு சனி பகவான், ‘நான் நீதிமான். எல்லோரையும் சமமாக பாவித்துத்தான் கிரக பரிபாலனம் செய்து வருகிறேன். என் பார்வையில் இருந்து எவரும் தப்ப முடியாது’ என விளக்கம் சொன்னார். ‘அப்படியென்றால் நீ என்னை பிடிக்கும் நேரத்தையாவது சொல்லி விடு’ என்று தேவேந்திரன் வேண்டினான். சனீஸ்வரர் அந்த கால நேரத்தை தெரிவித்தார். சனீஸ்வரர் தெரிவித்த அந்த நேரம் வந்ததும் தேவேந்திரன் பெருச்சாளி உருக்கொண்டு சாக்கடையில் போய் ஒளிந்துகொண்டான். சனி குறிப்பிட்ட கால நேரம் கடந்த பிறகு வெளியே வந்த தேவேந்திரன், சனீஸ்வரரிடம் சென்று, ‘உங்கள் பார்வையில் இருந்து தப்பி விட்டேன் பார்த்தீர்களா’ என்று பெருமையடித்துக் கொண்டான். சனீஸ்வரர் சிரித்துக்கொண்டே, ‘நீங்கள் சிம்மாசனத்தை விட்டு சாக்கடையில் உழன்றீர்களே.. அதுகூட என் பார்வை, பீடிப்பினால்தான்’ என்றார். இதன்மூலம் சனீஸ்வரர் ஓர் சமத்துவ நாயகன் என்பதை அறிய முடிகிறது. *உச்ச நேரம் ராஜ யோகத்தை அளிக்கும் சனிபகவான்* எல்லா கிரகங்களுக்கும் ஜாதகத்தில் திசா, புக்தி, அந்தரம் என்று உண்டு. ஆனால் சனீஸ்வரருக்கு மட்டும் திசா புக்திகளுடன், கோச்சார பலமும் அதிகமாகும். ஒருவர் பிறந்த ராசிக்கு 12, 1, 2 ஆகிய வீடுகளில் சனிபகவான் வரும்போது ஏழரை சனி என்ற அமைப்பை ஏற்படுத்துகிறார். அதேபோல் ராசிக்கு நான்காம் வீட்டில் வரும்போது அர்த்தாஷ்டம சனியாக பலன் தருகிறார். ராசிக்கு ஏழாம் வீட்டில் வரும்போது கண்ட சனியாகவும் ராசிக்கு எட்டாம் வீட்டில் வரும்போது அஷ்டம சனியாகவும் பலன்களை தருகிறார். நமக்கு குடும்பத்தில் கஷ்ட நஷ்டங்கள், உடல்நல குறைவு, விபத்துகள், வியாபாரத்தில், தொழிலில் கடன், நஷ்டம், ஏற்பட்டாலும் அலுவலகத்தில் ஏதாவது பிரச்னை, இடமாற்றம் போன்றவை நடந்தாலும் வீட்டில் பிள்ளைகள் சொல் பேச்சு கேட்காமல், படிக்காமல் விஷமத்தனங்கள் செய்தாலும், ‘சனியனே! உன்னை ஏழரை சனி பிடித்து ஆட்டுது’ என்று சொல்லி திட்டுவார்கள். உன்னை புதன் பிடித்து ஆட்டுகிறது. கேது ஆட்டுவிக்கிறான் என்று யாரும் சொல்வதில்லை. எந்த கிரக திசா புக்தி மூலம் ஒருவருக்கு கெடுதல் வந்தாலும் சனீஸ்வரரின் தலைதான் உருளும். இதில் சிறிதளவும் உண்மை கிடையாது. எல்லா கிரகங்களுக்கும் நன்மை, தீமை செய்கின்ற அதிகாரம் உண்டு. சனி மட்டுமே கெடுபலன்கள் தருவார் என்ற எண்ணம் நம்மிடையே தவறாக ஏற்பட்டு விட்டது. இப்படி சர்வ வல்லமை பெற்ற சனி கிரகம் ஒரு ராசியை கடக்க ஏறத்தாழ இரண்டரை ஆண்டுகள் ஆகின்றது. அந்த வகையில் சனிபகவான் தன் உச்ச ராசியை அடைய சுமார் 30 ஆண்டுகள் பிடிக்கும். இதனால் ரிஷபம், மிதுனம், கன்னி, துலாம், விருச்சிகம், மகரம், கும்ப ராசிகளில் பிறந்தவர்களுக்கு இந்த உச்ச சனியால் சகல யோக அதிர்ஷ்டங்கள், சுப விசேஷங்கள் கூடிவரும். யோக பாக்யத்தை அருள்வார். மற்ற ராசிக்காரர்களுக்கு ஏற்ற இறக்கங்கள், நிறை, குறைகள், கஷ்ட-நஷ்டங்கள் இருந்தாலும் உச்ச பலம் காரணமாக சில சாதகமான பலன்கள் உண்டாகும். ஜாதகத்தில் சனி திசை நடப்பவர்களுக்கு இந்த உச்ச நேரம் மிகப் பெரிய ராஜ யோகத்தை அளிக்கும். *சனீஸ்வரனுக்கு பிடித்த எளிய பரிகாரங்கள்* பார்வையற்றோர், மாற்றுத் திறனாளிகள், நோயாளிகள், முதியோர்கள், ஆதரவற்றோர், கடின உழைப்பாளிகள், தொழிலாளிகள், பாரம் தூக்குவோர், துப்புரவு தொழிலாளிகள் போன்றவர்களுக்கு செய்யும் உதவியும், தொண்டும் சனீஸ்வரருக்கு மிகவும் பிடித்தமானதாகும். - சனி ஸ்தலமான திருநள்ளாறு சென்று வழிபட்டு அன்னதானம் செய்யலாம். - நவ திருப்பதிகளில் பெருங்குளம் சனி பரிகார ஸ்தலமாகும். - சனிக்கிழமை வரும் பிரதோஷ தினத்தில் சிவனுக்கு வில்வ இலைகளால் அர்ச்சனை செய்து வழிபடலாம். - சனிக்கிழமை ஆஞ்சநேயருக்கு வடைமாலை சாற்றி வணங்கலாம். - சங்கடஹர சதுர்த்தியன்று விநாயகருக்கு நல்லெண்ணெய் தீபம் ஏற்றி, 8 சிதறு தேங்காய் உடைத்து வழிபடலாம். - வேலாயுதம் செ . - ஏழைகளுக்கு, குறிப்பாக வீட்டு வேலை செய்யும் பெண்களுக்கு நல்லெண்ணெய் தானம் செய்யலாம். - இல்லாதோர், இயலாதோர், சாலையோரம் வசிப்பவர்களுக்கு இரும்பு சட்டி வாங்கி தரலாம். - சனியின் நட்சத்திரமான பூசம், அனுஷம், உத்திரட்டாதி நட்சத்திரம் வரும் நாட்களில் அன்னதானம், வஸ்திர தானம் செய்வது சிறப்பு.✍🏼🌹 #உண்மையை அறிவோம் #😎வரலாற்றில் இன்று📰

*🇮🇳🌎 வரலாற்றில் இன்று 🌎🇮🇳* *✍️ பதிவு நாள்* *🌎17 - 07 - 2026🌎* *_🔹🔸 FRIDAY 🔸🔹_* *🏛️🔹🔸🌹✍️🌹🔸🔹🏛️* *✍️திருவள்ளுவர் ஆண்டு 𝟮𝟬𝟱𝟳* *🏵️ ஆடி 💎 01-ந் தேதி🏵️* *🧿 வெள்ளிக்கிழமை 🧿* *_✍️கிரிகோரியன் ஆண்டின் 198 ஆம் நாளாகும். நெட்டாண்டுகளில் 199 ஆம் நாள். ஆண்டு முடிவிற்கு மேலும் 167 நாட்கள் உள்ளன._* *🔷🔸 நிகழ்வுகள் 🔸🔷* 180 – வடக்கு ஆப்பிரிக்காவில் சில்லியம் நகரில் (இன்றைய தூனிசியாவில்) கிறித்தவர்களாக இருந்தமைக்காக 12 பேர் தூக்கிலிடப்பட்டனர். 1048 – இரண்டாம் தமாசசு திருத்தந்தையாகத் தேர்த்ந்டுக்கப்பட்டார். 1203 – நான்காம் சிலுவைப் படையினர் கான்ஸ்டண்டினோபில் நகரைத் தாக்கிக் கைப்பற்றினர். பைசாந்தியப் பேரரசர் மூன்றாம் அலெக்சியசு ஆஞ்செலசு தலைநகரை விட்டுத் தப்பியோடினார். 1429 – நூறாண்டுப் போர்: ஜோன் ஆஃப் ஆர்க்கின் வெற்றிகரமான சமரை அடுத்து ஏழாம் சார்லசு பிரான்சின் மன்னராக முடிசூடினார். 1453 – நூறாண்டுப் போரின் இறுதிச் சமர் இடம்பெற்றது. பிரெஞ்சுப் படையினர் ஆங்கிலேயரைத் தோற்கடித்தனர். சுரூசுபரியின் முதலாம் கோமகன் சமரில் கொல்லப்பட்டார். 1755 – கிழக்கிந்தியக் கம்பனிக்குச் சொந்தமான டொடிங்டன் என்ற கப்பல் இங்கிலாந்தில் இருந்து திரும்பும் வழியில் தாண்டதில் பல பெறுமதியான தங்க நாணயங்கள் கடலில் மூழ்கின. 1762 – உருசியப் பேரரசர் மூன்றாம் பீட்டர் கொல்லப்பட்டதை அடுத்து அவரது மனைவி இரண்டாம் கேத்தரீன் முடிசூடினார். 1771 – இங்கிலாந்தின் சாமுவேல் ஹேர்னுடன் பயணம் செய்த கனடாவின் சிப்பேவியப் பழங்குடிகளின் தலைவன் இனுவிட்டு மக்களின் ஒரு கூட்டத்தை நுனாவுட்டில் படுகொலை செய்தான். 1791 – பிரெஞ்சுப் புரட்சியின் போது பாரிசில் இடம்பெற்ற துப்பாக்கிப் பிரயோகத்தின் போது பெண்கள், குழந்தைகள் உட்பட 50 பேர் வரையில் கொல்லப்பட்டனர். 1794 – பிரெஞ்சுப் புரட்சியின் பயங்கர ஆட்சி முடிவடைவதற்கு பத்து நாட்களுக்கு முன்னர் 16 கார்மேலியப் புனிதர்கள் தூக்கிலிடப்பட்டார்கள். 1902 – வில்லிசு கேரியர் முதலாவது குளிரூட்டியை நியூயோர்க்கில் உருவாக்கினார். 1911 – யாழ்ப்பாணத்தில் தேசவழமைச் சட்டத்தின் திருமண விதிகளுக்கு மாற்றாக "யாழ்ப்பாண திருமண சிறப்புச் சட்டம்" கொண்டுவரப்பட்டது.[1] 1917 – பிரித்தானிய அரச குடும்பத்தினரின் ஆண் வாரிசுகள் மட்டுமே வின்சர்ரென்ற பெயரைப் பெறுவார்கள் என்ற ஆணையை ஐக்கிய இராச்சியத்தின் ஐந்தாம் ஜோர்ஜ் மன்னர் பிறப்பித்தார். 1918 – போல்செவிக்குகளின் உத்தரவின் பேரில் உருசியப் பேரரசர் இரண்டாம் நிக்கலாசும் அவரது முழுக் குடும்பத்தினரும் எக்கத்தரீன்பூர்க் நகரில் கொல்லப்பட்டனர். 1918 – டைட்டானிக் கப்பலில் இருந்து 705 பேரைக் காப்பாற்றிய கர்பாத்தியா என்ற கப்பல் அயர்லாந்துக்கருகில் செருமானிய யூ-55 மூழ்கடிக்கப்பட்டதில் 5 பேர் உயிரிழந்தனர். 1932 – நாட்சிக் குழுக்களுக்கும், எசுஎசு, எஸ்ஏ, மற்றும் செருமானியக் கம்யூனிசக் கட்சி உறுப்பினரக்ளுக்கும் இடையே கலவரம் மூண்டது. 1936 – எசுப்பானிய உள்நாட்டுப் போர்: எசுப்பானியாவில் அண்மையில் அமைக்கப்பட்ட இடதுசாரி அரசுக்கெதிராக இராணுவக் கிளர்ச்சி ஆரம்பமாகியது. 1944 – இரண்டாம் உலகப் போர்: கலிபோர்னியாவில் ஆயுதங்கள் ஏற்றிச் சென்ற இரண்டு கப்பல்கள் வெடித்ததில் 320 பேர் உயிரிழந்தனர். 1945 – இரண்டாம் உலகப் போர்: நேச நாடுகளின் மூன்று முக்கிய தலைவர்கள் வின்ஸ்டன் சர்ச்சில், ஹாரி எஸ். ட்ரூமன், ஜோசப் ஸ்டாலின் ஆகியோர் போரில் தோல்வியடைந்த செருமனியின் எதிர்காலத்தை நிர்ணயிக்க செருமனியின் போட்சுடாம் நகரில் உச்சி மாநாட்டை நடத்தினர். 1953 – அமெரிக்காவில் புளோரிடா மாநிலத்தில் விமானம் ஒன்று விபத்துக்குள்ளாகியதில் 44 பேர் உயிரிழந்தனர். 1955 – வால்ட் டிஸ்னி கலிபோர்னியாவில் டிஸ்னிலாண்ட்டைத் திறந்து வைத்தார். 1967 – நாசாவின் சேர்வயர் 4 ஆளில்லா விண்கலம் சந்திரனில் "சைனஸ் மெடை" என்ற இடத்தில் மோதியது. 1968 – ஈராக்கில் இடம்பெற்ற புரட்சியில் அரசுத்தலைவர் அப்துல் ரகுமான் ஆரிஃப் பதவியில் இருந்து அகற்றப்பட்டு அகமது அசன் அல்-பாக்கர் தலைவரானார். 1973 – ஆப்கானித்தான் மன்னர் முகமது சாகிர் ஷா கண் சிகிச்சைக்காக இத்தாலி சென்றிருந்த போது பதவியில் இருந்து அகற்றப்பட்டு அவரது உறவினர் முகமது தாவுத் கான் மன்னரானார். 1975 – அமெரிக்காவின் அப்பல்லோ விண்கலமும் சோவியத்தின் சோயுசு விண்கலமும் விண்வெளியில் ஒன்றாக இணைந்தன. இரண்டு நாடுகளின் விண்கலங்கள் ஒன்றாக இணைந்தது இதுவே முதற் தடவையாகும். 1976 – கனடாவின் மொண்ட்ரியால் நகரில் கோடை ஒலிம்பிக் விளையாட்டுகள் ஆரம்பமாயின. இனவொதுக்கல் காலத்தில் தென்னாப்பிரிக்காவில் நடந்த போட்டிகளில் கலந்து கொண்ட நியூசிலாந்து அணிக்கு எதிர்ப்புத் தெரிவித்து 25 ஆபிரிக்க நாடுகள் இப்போட்டிகளைப் புறக்கணித்தன. 1976 – கிழக்குத் திமோர் இந்தோனேசியாவுடன் இணைக்கப்பட்டு, அதன் 27வது மாகாணமானது. 1979 – நிக்கராகுவா அரசுத்தலைவர் அனஸ்தாசியோ சமோசா டெபாயில் பதவியில் இருந்து விலகி மயாமிக்குத் தப்பி ஓடினார். 1979 – இலங்கையில் பயங்கரவாதத் தடைச் சட்டம் நாடாளுமன்றத்தில் நிறைவேற்றப்பட்டது. அடுத்த மூன்று நாட்களில் 47 தமிழ் இளைஞர்கள் கைது செய்யப்பட்டனர்.[2] 1981 – அமெரிக்காவில் கேன்சசு நகரில் நடைப் பாலம் ஒன்று இடிந்ததில் 114 பேர் உயிரிழந்தனர். 1984 – ஐக்கிய அமெரிக்காவில் மது அருந்துவோருக்கான குறைந்த பட்ச வயது 18 இலிருந்து 21 ஆக அதிகரிக்கப்பட்டது. 1989 – திரு ஆட்சிப்பீடத்திற்கும் போலந்துக்கும் இடையே உறவுகள் புதுப்பிக்கப்பட்டன. 1994 – பிரேசில் இத்தாலியை வென்று உலக உதைபந்து உலகக்கிண்ணத்தைப் பெற்றது. 1996 – நியூயோர்க்கில் லோங் தீவில் பாரிசு சென்றுகொண்டிருந்த போயிங் 747 அமெரிக்க விமானம் வெடித்துச் சிதறியதில் அனைத்து 230 பேரும் உயிரிழந்தனர். 1998 – பப்புவா நியூ கினியில் 7.0 அளவு நிலநடுக்கம் மற்றும் ஆழிப்பேரலை காரணமாக 10 கிராமங்கள் அழிந்தன. 2,700 பேர் உயிரிழந்தனர். 1998 – பன்னாட்டு குற்றவியல் நீதிமன்றம் ஒன்றை நிரந்தரமாக அமைப்பதற்கான உடன்பாடு ரோம் நகரில் எட்டப்பட்டது. 2000 – பாட்னாவில் அலாயன்சு ஏர் வானூர்தி 7412 செயப் பிரகாஷ் நாராயண் பன்னாட்டு வானூர்தி நிலையத்தை அண்மித்தபோது, குடியிருப்புப் பகுதியில் மோதியதில் 60 பேர் உயிரிழந்தனர்.[3] 2001 – சூலை 2000 விபத்தின் பின்னர் கான்கோர்டு மீண்டும் சேவையில் விடப்பட்டது. 2006 – இந்தோனேசியா, ஜாவாவில் 7.7 அளவு நிலநடுக்கம் மற்றும் ஆழிப்பேரலை காரணமாக 668 பேர் உயிரிழந்தனர். 2006 – இந்தியா சத்தீஸ்கர் மாநிலத்தில் தந்தேவாடா மாவட்டத்தில் எர்ராபோரே நிவாரண முகாம் மீது தீவிரவாதிகள் நடத்திய தாக்குதலில் 30 பேர் கொல்லப்பட்டனர். 2007 – பிரேசிலில் விமானம் ஒன்று தரையில் மோதியதில் 199 பேர் உயிரிழந்தனர். 2014 – ஆம்ஸ்டர்டாமில் இருந்து கோலாலம்பூர் நோக்கிச் சென்று கொண்டிருந்த மலேசியா எயர்லைன்சு விமானம் 17 உக்ரைன்-உருசிய எல்லையில் ஏவுகணைத் தாக்குதல் மூலம் சுட்டு வீழ்த்தப்பட்டதில் அதில் பயணம் செய்த அனைத்து 298 பேரும் கொல்லப்பட்டனர். 2015 – ஈராக், தியாலாவில் நடத்தப்பட்ட தற்கொலைக் குண்டுத் தாக்குதலில் 120 பேர் கொல்லப்பட்டனர். *🔷🔸 பிறப்புகள் 🔸🔷* 1827 – பிரெடெரிக் ஏபெல், பிரித்தானிய வேதியியலாளர் (இ.1902) 1881 – அலெக்சாண்டர் சவீனொவ், உருசிய சோவியத் ஓவியர் (இ. 1942) 1894 – ஜார்ஜஸ் இலமேத்ர, பெல்ஜிய மதகுரு, வானியலாளர் (இ. 1966) 1898 – பெரினிசு ஆபாட், அமெரிக்கப் படப்பிடிப்பாளர் (இ. 1991) 1899 – ஜேம்ஸ் காக்னி, அமெரிக்க நடிகர் (இ. 1986) 1941 – பாரதிராஜா, தமிழ்த் திரைப்பட இயக்குநர், நடிகர், தயாரிப்பாளர் (இ. 2026) 1954 – அங்கெலா மேர்க்கெல், செருமனியின் 8வது அரசுத்தலைவர் 1957 – வெண்டி இலவுரல் பிரீடுமன், கனடிய-அமெரிக்க வானியலாளர் 1969 – கேரி கிரே, அமெரிக்க நடிகர் 1979 – மைக் வோகெல், அமெரிக்க நடிகர் *◼️இறப்புக்கள் ◼️* 1588 – சினான், உதுமானியக் கட்டிடக்கலைஞர் (பி. 1489) 1762 – உருசியாவின் மூன்றாம் பீட்டர் (பி. 1728) 1790 – ஆடம் சிமித், இசுக்கொட்டிய மெய்யியலாளர், பொருளியலாளர் (பி. 1723) 1918 – உருசியாவின் இரண்டாம் நிக்கலாசு (பி. 1868), மற்றும் அவரது குடும்பம்: அலெக்சாந்திரா பியோதரொவ்னா, அரசி (பி. 1872) ஒல்கா, இளவரசி (பி. 1895) தத்தியானா, இளவரசி (பி. 1897) மரீயா, இளவரசி (பி. 1899) அனஸ்தாசியா, இளவரசர் (பி. 1901) அலெக்சி, இளவரசர் (பி. 1904) 1919 – டி. எம். நாயர், இந்திய அரசியல்வாதி (பி. 1868) 1972 – ஜெரோம் எமிலியானுஸ்பிள்ளை, யாழ்ப்பாண ரோமன்-கத்தோலிக்க ஆயர் (பி. 1901) 1997 – இரா. கிருஷ்ணன், இந்தியத் திரைப்பட இயக்குநர் (பி. 1909) 2001 – கேத்தரின் கிரகாம், அமெரிக்கப் பதிப்பாளர் (பி. 1917) 2012 – மிருணாள் கோரே, இந்திய அரசியல்வாதி (பி. 1928) 2014 – சுபா ஜெய், மலேசியத் தொலைக்காட்சி, திரைப்பட நடிகை, (பி. 1976) 2015 – இழூல்சு பியான்கி, பிரெஞ்சு வாகன ஓட்ட வீரர் (பி. 1989) *🌎சிறப்புநாள்🌍* விடுதலை நாள் (சிலோவாக்கியா) சர்வதேச நீதிக்கான உலக நாள் (ஐநா) #உண்மையை அறிவோம் #😎வரலாற்றில் இன்று📰

*🇮🇳🌎 வரலாற்றில் இன்று 🌎🇮🇳* *✍️ பதிவு நாள்* *🌎15 - 07 - 2026🌎* *_🔹🔸 WEDNESDAY 🔸🔹_* *🏛️🔹🔸🌹✍️🌹🔸🔹🏛️* *✍️திருவள்ளுவர் ஆண்டு 𝟮𝟬𝟱𝟳* *🏵️ ஆனி 💎 31-ந் தேதி🏵️* *🧿 புதன்கிழமை 🧿* *_✍️கிரிகோரியன் ஆண்டின் 196 ஆம் நாளாகும். நெட்டாண்டுகளில் 197 ஆம் நாள். ஆண்டு முடிவிற்கு மேலும் 169 நாட்கள் உள்ளன._* *🔷🔸 நிகழ்வுகள் 🔸🔷* 70 – உரோமைப் பேரரசர் டைட்டசும் அவரது இராணுவமும் எருசலேமின் சுவர்களை உடைத்து ஊடுருவினர். 1099 – முதலாம் சிலுவைப் போர்: கிறித்தவப் போர் வீரர்கள் கடினமான முற்றுகையின் பின்னர், எருசலேம் திருக்கல்லறைத் தேவாலயத்தைக் கைப்பற்றினர். 1149 – திருக்கல்லறைத் தேவாலயம் எருசலேமில் புனிதத் தலமாக்கப்பட்டது. 1240 – அலெக்சாந்தர் நெவ்ஸ்கி தலைமையிலான நோவ்கோரத் படைகள் சுவீடன் படைகளை "நேவா" என்ற இடத்தில் இடம்பெற்ற சமரில் தோற்கடித்தனர். 1381 – இங்கிலாந்தில் உழவர்களின் கிளர்ச்சிக்குத் தலைமை வகித்த ஜோன் போல் என்ற மதகுரு இரண்டாம் ரிச்சார்ட் மன்னரின் முன்னிலையில் தூக்கிலிடப்பட்டு, நான்கு துண்டுகளாக வெட்டப்பட்டு மரண தண்டனைக்குள்ளாக்கப்பட்டார். 1741 – உருசியக் கப்பல் கலபதி அலெக்சி சிரிக்கோவ் தென்மேற்கு அலாஸ்காவைக் கண்ணுற்று தனது ஆட்கள் சிலரை படகில் அங்கு அனுப்பினார். இவர்களே அலாஸ்காவில் தரையிறங்கிய முதலாவது ஐரோப்பியர் ஆவர். 1799 – நெப்போலியனின் எகிப்தியப் படையெடுப்பின் போது, எகிப்தின் ரொசெட்டா என்ற இடத்தில் பிரெஞ்சுக் கப்பல் கலபதி ரொசெட்டாக் கல் ஒன்றைக் கண்டெடுத்தார். 1815 – நெப்போலியப் போர்கள்: பிரான்சின் முதலாம் நெப்போலியன் பெலரபோன் என்ற கப்பலில் வைத்து சரணடைந்தான். 1816 – பிரெஞ்சு இயற்பியலாளர் அகத்தீன் பிரெனெல் ஒளியின் விளிம்பு விளைவுக்கான பின்னிணைப்பாகத் தனது புகழ் பெற்ற பிரெனெல் வலயங்கள் பற்றி அறிமுகப்படுத்தினார். 1823 – உரோமை நகரில் பண்டைய சுவர்களுக்கு வெளியே அமைந்த புனித பவுல் பேராலயம் தீயில் சேதமடைந்தது. 1834 – எசுப்பானிய திரிபுக் கொள்கை விசாரணை மன்று 356 ஆண்டுகளின் பின்னர் கலைக்கப்பட்டது. 1857 – சிப்பாய்க் கலகம்: கான்பூரில் இரண்டாவது படுகொலைகள் இடம்பெற்றன. 1860 – இலங்கையின் பிரதம நீதியரசராக சேர் எட்வேர்ட் செப்பர்ட் கிறீசி நியமிக்கப்பட்டார்.[1] 1870 – அமெரிக்க உள்நாட்டுப் போர்: ஜோர்ஜியா அமெரிக்கக் கூட்டணியில் மீண்டும் இணைந்தது. அமெரிக்க மாநிலங்களின் கூட்டமைப்பு கலைக்கப்பட்டது. 1870 – ரூபர்ட்சுலாந்தும் வட-மேற்கு பிராந்தியமும் கனடாவுக்குக் கொடுக்கப்பட்டன. இப்பெரும் நிலப்பகுதிகளில் இருந்து மானிட்டோபா, வடமேற்கு நிலப்பகுதிகள் ஆகிய கனடிய மாநிலங்கள் உருவாக்கப்பட்டன. 1888 – சப்பானின் பண்டாய் சுழல்வடிவ எரிமலை வெடித்ததில் 500 பேர் உயிரிழந்தனர். 1916 – வாசிங்டன், சியாட்டில் நகரில் வில்லியம் போயிங், ஜோர்ஜ் வெஸ்டர்வெல்ட் இணைந்து போயிங் விமான நிறுவனத்தை ஆரம்பித்தனர். 1927 – வியென்னாவில் 89 ஆர்ப்பாட்டக்காரர் ஆத்திரியக் காவற்துறையினரால் சுட்டுக் கொல்லப்பட்டனர். 1946 – ஐக்கிய இராச்சியம் வடக்கு போர்னியோவை (இன்றைய மலேசியாவின் சபாவில்) தனதாக்கியது. 1955 – அணுவாயுதங்களுக்கு எதிராக 18 நோபல் விருதாளர்கள் உடன்படிக்கையில் கையெழுத்திட்டனர். பின்னர் மேலும் 34 பேர் கையெழுத்திட்டனர். 1959 – ஐக்கிய அமெரிக்காவில் எஃகுத் தொழிலாளர்களின் பணி நிறுத்தம் ஆரம்பமானது. இது அமெரிக்க வரலாற்றில் முதற்தடவையாக வெளிநாட்டு எஃகு இறக்குமதிக்கு வழிவகுத்தது. 1974 – சைப்பிரசு, நிக்கோசியாவில் கிரேக்க ஆதரவு தேசியவாதிகள் இராணுவப் புரட்சியை ஆரம்பித்து அரசுத்தலைவர் மக்காரியோசைப் பதவியில் இருந்து அகற்றி நிக்கோசு சாம்ப்சனைத் தலைவராக்கினார்கள். 1975 – விண்வெளிப் போட்டி: முதலாவது அமெரிக்க-சோவியத் இணைந்த விண்வெளித் திட்டம் அப்பல்லோ-சோயூசு விண்கலம் ஐந்து அமெரிக்க-சோவியத் விண்வெளி வீரர்களுடன் ஏவப்பட்டது. 1983 – பாரிசில் ஓர்லி விமானநிலையத்தில் ஆர்மீனியத் தீவிரவாதிகள் மேற்கொண்ட தாக்குதலில் 8 பேர் கொல்லப்பட்டு 55 பேர் காயமடைந்தனர். 1991 – இலங்கை இராணுவத்தின் எறிகணை வீச்சில் ஈழத்து எழுத்தாளர் நெல்லை க. பேரன் குடும்பத்தோடு கொல்லப்பட்டார். 1998 – இலங்கை, வவுனியாவில் இடம்பெற்ற கண்ணிவெடித் தாக்குதலில் புளொட் நாடாளுமன்ற உறுப்பினர் எஸ். சண்முகநாதன் கொல்லப்பட்டார்.[2] 2002 – அமெரிக்க ஊடகவியலாளர் டேனியல் பெர்ல்லைப் படுகொலை செய்த குற்றத்துக்காக பிரித்தானியாவில் பிறந்த அகமது சேக் கிற்கு பாக்கித்தான் நீதிமன்றம் தூக்குத் தண்டனை வழங்கித் தீர்ப்பளித்தது. 2003 – டைம் வார்னெர் நெட்சுகேப் நிறுவனத்தைக் கலைத்தார். இதே நாளில் மொசில்லா நிறுவனம் ஆரம்பிக்கப்பட்டது. 2006 – டுவிட்டர் சமூக வலைத்தளம் ஆரம்பிக்கப்பட்டது. 2014 – மாஸ்கோவில் தொடருந்து ஒன்று தடம் புரண்டதில் 24 பேர் உயிரிழந்தனர், 160 பேர் காயமடைந்தனர். *🔷🔸 பிறப்புகள் 🔸🔷* 1606 – ரெம்பிரான்ட், டச்சு ஓவியர் (இ. 1669) 1858 – எம்மலின் பான்கர்ஸ்ட், ஆங்கிலேய செயற்பாட்டாளர் (இ. 1928) 1873 – ஹென்றி புய்சன், பிரெஞ்சு வளிமண்டல ஆய்வாளர் (இ. 1944) 1876 – மறைமலை அடிகள், தனித்தமிழ் இயக்கத்தை ஆரம்பித்தவர் (இ. 1950) 1903 – காமராசர், தமிழ்நாட்டின் முன்னாள் முதலமைச்சர் (இ. 1975) 1915 – ஆல்பர்ட் கியோர்சோ, அமெரிக்க அறிவியலாளர் (இ.2010) 1918 – பிரெண்டா மில்னெர், ஆங்கிலேய-கனடிய உளவியலாளர் 1922 – பி. ராஜம் ஐயர், கருநாடக இசைக் கலைஞர் (இ. 2009) 1922 – என். சங்கரய்யா, தமிழக விடுதலைப் போராட்ட செயற்பாட்டாளர், இடதுசாரி அரசியல்வாதி 1930 – ஜாக்கஸ் தெரிதா, அல்சீரிய-பிரான்சிய மெய்யியலாளர் (இ. 2004) 1933 – எம். டி. வாசுதேவன் நாயர், மலையாள எழுத்தாளர் (இ. 2024) 1935 – திலகன், இந்திய நடிகர் (இ. 2012) 1937 – கானாயி குஞ்ஞிராமன், கேரள சிற்பி 1943 – ஜோசெலின் பெல் பர்னல், வடக்கு அயர்லாந்து வானியற்பியலாளர், வானியலாளர் 1946 – ஹஸனல் போல்கியா, புருணை சுல்தான் 1947 – லிடியா டேவிசு, அமெரிக்க எழுத்தாளர் 1949 – முகமது பின் ராஷித் அல் மக்தூம், ஐக்கிய அரபு அமீரகத்தின் முதலமைச்சர் 1953 – முத்தையா முதலியார், இந்திய அரசியல்வாதி (பி. 1883) 1956 – ஜோ சத்ரியானி, அமெரிக்க பாடகர் 1959 – ரமேசு போக்கிரியால், இந்திய அரசியல்வாதி, இந்தி மொழிப்புலவர் 1961 – பொரஸ்ட் விடேகர், அமெரிக்க நடிகர், இயக்குநர் 1965 – பெ. கருணாகரன், தமிழக எழுத்தாளர் 1970 – அனு ஹாசன், தமிழ்த் திரைப்பட நடிகை, தொலைக்காட்சி தொகுப்பாளர் 1973 – பிறையன் ஆஸ்டின் கீரின், அமெரிக்க நடிகர் 1976 – சுபா ஜெய், மலேசியத் தொலைக்காட்சி, திரைப்பட நடிகை (இ. 2014) *◼️இறப்புக்கள் ◼️* 998 – அபுல் வபா, பாரசீக கணிதவியலாளர்,. வானியலாளர் (பி. 940) 1274 – பொனெவெந்தூர், இத்தாலிய ஆயர், புனிதர் (பி. 1221) 1868 – வில்லியம் டி. ஜி. மோர்ட்டோன், அமெரிக்க மருத்துவர் (பி. 1819) 1904 – ஆன்டன் செக்கோவ், உருசிய எழுத்தாளர் (பி. 1860) 1907 – சியூ சின், சீனப் புரட்சியாளர், பெண்ணிய எழுத்தாளர் (பி. 1875) 1919 – எர்மான் எமில் பிசர், நோபல் பரிசு பெற்ற செருமானிய வேதியியலாளர் (பி. 1852) 1953 – முத்தையா முதலியார், தமிழக அரசியல்வாதி (பி. 1883) 1976 – சுபா ஜெய், மலேசியத் தொலைக்காட்சி, திரைப்பட நடிகை (இ. 2014) 1991 – நெல்லை க. பேரன், ஈழத்து எழுத்தாளர் (பி. 1946) 2002 – எம். எச். எம். ஷம்ஸ், இலங்கையின் ஊடகவியலாளர் (பி. 1940) 2003 – என். கே. பத்மநாதன், ஈழத்தின் நாதசுவரக் கலைஞர் (பி. 1931) 2013 – எம். கே. ஆத்மநாதன், தமிழ்த் திரைப்பட இசையமைப்பாளர், பாடலாசிரியர் 2016 – கந்தீல் பலோச்சு, பாக்கித்தானிய நடிகை, பெண்ணிய செயற்பாட்டாளர் (பி. 1990) 2020 – பத்மா சோமகாந்தன், ஈழத்து எழுத்தாளர் (பி. 1934) 2022 – பிரதாப் போத்தன், தென்னிந்தியத் திரைப்பட இயக்குநர், நடிகர், எழுத்தாளர், தயாரிப்பாளர் (பி. 1952) *🌎சிறப்புநாள்🌍* முதியோர் நாள் (கிரிபட்டி) கல்வி வளர்ச்சி நாள் (தமிழ்நாடு) #உண்மையை அறிவோம் #😎வரலாற்றில் இன்று📰

*போதாயன அமாவாசை* *என்றால் என்ன*? சதுர்த்தசி திதி அன்றே அமாவாசை வரும் பட்சத்தில் அது, ’போதாயன அமாவாசை’ என அழைக்கப்படுகிறது. இந்த போதாயன அமாவாசை எப்படி உருவானது என அறிவோமா? போதாயன சூத்திரம்: போதாயனர் என்று ஓர் மகரிஷி. விந்திய மலைக்கு தெற்கில் வாழ்ந்ததாகப் புராண, இதிகாச நூல்களில் காணப்படுகிறது. இவரது வம்சத்தைச் சேர்ந்தவர்களே போதாயன சூத்ரத்தைச் சேர்ந்தவர்கள் என்று அழைக்கப்படுகின்றனர். ’கோத்திரம் தெரியாதவர்களுக்கு காசியப கோத்திரம்; சூத்திரம் தெரியாதவர்களுக்கு போதாயன சூத்திரம்’ என்று காஞ்சி பெரியவர் மிக உயர்வாக இதைப் பற்றிக் கூறியிருக்கிறார். போதாயன மகரிஷி: ’போதாயன சூத்ரம்' என்ற நூலில் அமாவாசை பற்றி எழுதியவர் போதாயனர் ரிஷி. இவருக்கும், இவரது சீடரான ஆபஸ்தம்பருக்கும் திதிகளை நிர்ணயம் செய்வதில் கருத்து வேறுபாடு ஏற்பட்டது. இதனால் ஆபஸ்தம்பர் குருவிடமிருந்து விலகி, தனியாக சூத்திரம் இயற்றினார். இதுவே, ’ஆபஸ்தம்ப சூத்ரதிம்’ எனப்பட்டது. இருவர் வழியிலும் வைதீகக் கிரியைகளைச் செய்யும் முறை இன்றளவும் உள்ளது. போதாயன அமாவாசை: போதாயனரின் சீடரே ஆபஸ்தம்ப மகரிஷி என்றுகூட சொல்வதுண்டு. இந்த போதாயன சூத்திரத்தைச் சேர்ந்தவர்கள் அமாவாசை தர்ப்பணம் செய்ய வேண்டிய நாளே போதாயன அமாவாசை என்று கூறப்படுகிறது. பொதுவாக, மற்றவருக்கான அமாவாசை நாளுக்கு முதல் நாள் போதாயன அமாவாசை நிகழும். இந்த போதாயன அமாவாசை முதன் முதலாக ஏற்பட்ட சரித்திரம் மஹாபாரதத்தில் காணப்படுகிறது. மகாபாரதத்தில் அமாவாசை: மகாபாரதத்தில் கௌரவர்களுக்கும் பாண்டவர்களுக்கும் சமாதானம் ஏற்படாமல், ’இனி, யுத்தம்தான் ஒரே தீர்வு’ என்று தீர்மானமானவுடன் துரியோதனன் யுத்தத்தில் தனக்கே வெற்றி கிடைக்க வேண்டும் என்று ஆசைப்பட்டான். ’எந்த நாளில் போர் துவங்கினால் எனக்கு வெற்றி கிட்டுமோ அந்த நல்ல நாளை குறித்துத் தா’ என்று பஞ்சபாண்டவர்களில் ஒருவனான சகாதேவனிடம் கேட்டான். சகாதேவனும் தர்மத்துக்குக் கட்டுப்பட்டு, ’அமாவாசை திதி நாளன்று யுத்தத்தை ஆரம்பித்தால் தாங்கள் படைகளுக்கு நிச்சயம் வெற்றி கிட்டும்’ என்று அறிவுரை கூறினான். ஸ்ரீ கிருஷ்ணர் செய்த லீலை: இதை அறிந்துகொண்ட பஞ்சபாண்டவர்கள் கவலையுறுகின்றனர். ஸ்ரீ கிருஷ்ணரிடம் சென்று, ’இனி என்ன செய்வது?’ என்று கேட்க, ஸ்ரீ கிருஷ்ணரும் ’கவலைப்படாதீர்கள்! நான் பார்த்துக்கொள்கிறேன்’ என அவருக்கே உரிய புன்னகையுடன் கூறிவிட்டு, அமாவாசைக்கு முதல் நாளே கிருஷ்ணர் நதிக்கரையில் அமர்ந்து திதி கொடுப்பதற்குத் தயாராகி விடுகிறார். சூரியனும் சந்திரனும்: அதைக்கண்டு திகைத்துப்போன சூரியனும் சந்திரனும், ’அடடா, ஸ்ரீமன் நாராயணரே தவறுதலாக அமாவாசையை கணித்து விட்டார்கள் போலிருக்கிறதே. நாளைதானே அமாவாசை என்ன செய்யலாம்? நாமே அவரிடம் சென்று விவரத்தைச் சொல்லுவோமே’ என நினைத்து, ’பகவானே! நாளை அல்லவா அமாவாசை?’ எனக் கேட்கின்றனர். அதைக்கேட்ட ஸ்ரீகிருஷ்ணர், "நீங்கள் இருவரும் ஒன்றாக இருக்கும் தினம்தானே அமாவாசை?" என்றார். "ஆமாம்" என்று இருவரும் பதில் அளித்தனர். புன்னகைத்த ஸ்ரீ கிருஷ்ணர், "இப்போது நீங்கள் இருவரும் ஒன்றாகத்தானே இருக்கிறீர்கள்?" என்று சொன்னார். அப்போதுதான் அவ்விருவருக்கும் அந்த மாயக் கண்ணனின் லீலை புரிந்தது. மகாபாரத வெற்றி: ஸ்ரீ கிருஷ்ணர் சொன்னதை அவர்கள் இருவரும் ஏற்றுக்கொண்டனர். ’ஸ்ரீ கிருஷ்ணர் அமாவாசை தர்ப்பணம் செய்வதால் இன்றுதான் அமாவாசை’ என்று துரியோதனன் முதலான கௌரவர்களும் அமாவாசைக்கு முதல் நாளே பித்ரு தர்ப்பணம் செய்தனர். மேலும், அன்றே அதாவது அமாவாசைக்கு முதல் நாளே களப்பலி கொடுத்து மகாபாரத யுத்தத்தை ஆரம்பித்தனர். ஆகவேதான், மஹாபாரத யுத்தத்தில் துரியோதனன் படைகளுக்கு வெற்றி கிடைக்காமல், பாண்டவர்கள் வெற்றி பெற்றனர். இந்த நிகழ்ச்சி நடந்தது முதல் அமாவாசை என்பது இரண்டு விதமாகி. போதாயன அமாவாசை புதிதாக ஆரம்பமாயிற்று. போர் துவங்க ஏற்ற சதுர்த்தசி திதி: ’காலப்பிரகாசிகை’ போன்ற ஜோதிட நூல்களில் சதுர்த்தசியை சண்டையிட (போர் துவங்க) ஏற்ற திதியாகக் கூறப்பட்டுள்ளது. அதை நன்றாக அறிந்த ஸ்ரீ கிருஷ்ணர் சதுர்த்தசியுடன் கூடிய அமாவாசையன்று போர் துவங்க வேண்டும் என்பதற்காகவே கபட நாடகம் ஆடியதை மகாபாரதக் கதை மூலம் அறிய முடிகிறது. அதனால்தான் நமது முன்னோர்கள் சதுர்த்தசி திதியில் எந்த முகூர்த்தமும் வைப்பதை தவிர்த்ததைக் காணும்போது, ’நாள் செய்வதை நல்லோர் செய்யார்’ என்பதை உணர முடிகிறது. *போதாயன அமாவாசை* *கணிதம்* சதுர்தசி திதி அன்று இரவு 4ம் ஜாமத்தில் அமாவாசையின் தொடர்பு இருப்பின் அன்று போதாயன அமாவாசை. அமாவாசையன்று அஸ்தமன காலத்தில் பிரதமை திதியின் தொடர்பு இருப்பின் அன்றைய தினம் போதாயன அமாவாசை எனப்படும் இன்று ஆனி (13.7.2026) திங்கள் கிழமை மாலை 6-52 மணிக்கு சதுர்தசி திதி முடிந்து முதல் ஜாமத்தில் அமாவாசை ஆரம்பித்து இன்று இரவு முழுமையாக அமாவாசை வியாபித்துள்ளது. மேலும் அமாவாசை திதி நாளை 14-7-26 மாலை 4-33 மணிக்கு முடிவடைந்து அதன்பிறகு பிரதமை திதி வருவதால் இன்றைய(13-7-26) அமாவாசை போதாயன அமாவாசை நாளாகும். #god #உண்மையை அறிவோம்

தமிழகத்தில் எத்தனையோ பழமையான கோவில்கள் இருந்தாலும், சென்னைக்கு மிக அருகில் திருவள்ளூர் மாவட்டத்தில் உள்ள "ஞாயிறு" புஷ்பரதேஸ்வரர் கோயில் பல அரிய பொக்கிஷங்களைத் தன்னுள் கொண்டுள்ளது. இந்தப் பதிவில் அங்குள்ள அதிசயங்களை விரிவாகக் காண்போம். 1. கிரீடம் இல்லாத 'பல்லவ விநாயகர்' - ஒரு மருத்துவ அதிசயம்! 🐘 பொதுவாக விநாயகர் சிலைகளில் அலங்காரமான கிரீடம் இருக்கும். ஆனால் இங்குள்ள விநாயகர் கிரீடம் இல்லாமல், மண்டை ஓடு போன்ற அமைப்பில் இயற்கையான யானை முகத்துடன் காட்சியளிக்கிறார். பல் வலி தீர்க்கும் தலம்: பல் தொடர்பான நோய்களால் அவதிப்படுபவர்கள், இங்குள்ள விநாயகருக்கு நெய் தீபம் ஏற்றி வழிபட்டால் வியக்கத்தக்க பலன் கிடைப்பதாகக் கூறப்படுகிறது. மன நிம்மதி: பதவி மற்றும் பொருளின் மீதுள்ள அதீத மோகம் நீங்கி, மனத் தெளிவு பெற இந்த 'பல்லவ விநாயகரை' வழிபடுவது சிறப்பு. 2. சூரியன் வழிபட்ட 'ஞாயிறு' தலம் ☀️ இவ்வூரின் பெயரே 'ஞாயிறு' (சூரியன்). ஒருமுறை பிரம்மதேவர் யாகம் செய்தபோது, அதில் ஏற்பட்ட தவறால் சூரியனின் ஒளி மங்கியது. தன் ஒளியை மீண்டும் பெற சூரியன் இத்தலத்து ஈசனை வழிபட்டார். சூரிய பூஜை: ஒவ்வோர் ஆண்டும் சித்திரை மாதம் முதல் 7 நாட்களில், சூரிய ஒளி நேரடியாக கருவறை சிவலிங்கத்தின் மீதும், சொர்ணாம்பிகை அம்மன் மீதும் விழுகிறது. அபிஷேகம் கிடையாது: சூரிய ஒளி லிங்கத்தின் மீது விழும் அந்த 7 நாட்களில், சூரியனே பூஜை செய்வதாக ஐதீகம் என்பதால், உச்சிக்காலத்தில் இறைவனுக்கு அபிஷேகம் செய்யப்படுவதில்லை. 3. கண் நோய்களைத் தீர்க்கும் மருந்தீஸ்வரர் 👀 சூரியன் பார்வைக்கு அதிபதி. எனவே, பார்வை குறைபாடு உள்ளவர்கள், கண் சம்பந்தப்பட்ட அறுவை சிகிச்சை செய்துகொள்பவர்கள் இங்குள்ள ஈசனுக்கும், சூரிய பகவானுக்கும் நெய் விளக்கு ஏற்றி வழிபடுகிறார்கள். இதனால் பார்வைத் திறன் மேம்படும் என்பது நம்பிக்கை. 4. சங்கிலி நாச்சியார் பிறந்த மண் 🌸 சுந்தரமூர்த்தி நாயனாரின் பெரும் அன்பிற்குப் பாத்திரமான சங்கிலி நாச்சியார் அவதரித்த ஊர் இதுவே. இவர் இக்கோயிலில் உள்ள புஷ்பரதேஸ்வரரைத் தொழுது சிவப்பணியில் ஈடுபட்டு வந்தவர். இவருக்கு இக்கோயிலில் தனிச் சன்னதி உள்ளது. 5. தனித்துவமான நவக்கிரக அமைப்பு 🌌 இக்கோயிலில் நவக்கிரக சன்னதி கிடையாது. சூரிய பகவானே இங்கு பிரதானமாக இருப்பதால், அவரை வழிபட்டாலே ஒன்பது கிரகங்களையும் வழிபட்ட பலன் கிடைக்கும். பிரிந்த தம்பதியினர் மீண்டும் இணைய இங்கு கோதுமைப் பொங்கல் படைத்து வழிபடுகின்றனர். கோயில் விபரங்கள்: 📍 ஊர்: ஞாயிறு கிராமம் (சோழாவரம் வழி), திருவள்ளூர் மாவட்டம். ⏰ நேரம்: காலை 7.30 - 11.00; மாலை 4.30 - 7.30. (ஞாயிற்றுக்கிழமைகளில் காலை 6 மணி முதல் மதியம் 1 மணி வரை). நமது பாரம்பரியத்தையும், அறிவியலும் ஆன்மீகமும் கலந்த இத்தலத்தின் பெருமைகளையும் உலகறியச் செய்வோம்! 🚩 #GnayiruTemple #SunTemple #Ganesha #AncientTamilnadu #TamilHeritage #Pushparadeswarar #ஆன்மீகதகவல்கள் #பல்லவவிநாயகர் #ஞாயிறு #தமிழ்நாடுசிவஆலயங்கள் #உண்மையை அறிவோம்

*🎼 48,000 பாடல்கள்... எப்படி சாத்தியமானது?* ஒரு நாளைக்கு ஒரு பாடல் என்று கணக்கிட்டால், 48,000 பாடல்களைப் பாட சுமார் 131 ஆண்டுகள் தேவைப்படும். ஆனால், அன்றைய காலகட்டத்தின் தொழில்நுட்பம் (Recording Technology) மற்றும் ஜானகி அம்மாவின் அசாத்திய திறமை காரணமாகவே இது சாத்தியமானது. இதன் பின்னணியில் உள்ள முக்கிய காரணங்கள் இதோ: 1. ஒரே நாளில் பல பாடல்கள் (Multiple Songs a Day) 70கள், 80கள் மற்றும் 90களில் மெட்ராஸ் (சென்னை) தான் ஒட்டுமொத்த தென்னிந்திய சினிமாவிற்கும் மையமாக இருந்தது. ஏவிஎம் (AVM), பிரசாத் ஸ்டுடியோஸ் போன்ற இடங்களில் ஒரே நாளில் அடுத்தடுத்த ஷிப்ட்டுகளில் ரெக்கார்டிங் நடைபெறும். * ஜானகி அம்மா காலையில் ஒரு தமிழ் பாடலையும், மதியம் ஒரு தெலுங்கு பாடலையும், மாலையில் ஒரு கன்னடம் அல்லது மலையாள பாடலையும் பாடுவார். * சில நாட்களில் அவர் ஒரே நாளில் 4 முதல் 6 பாடல்கள் வரை கூட பாடியுள்ளார். 2. Live Recording (நேரடி ரெக்கார்டிங் முறை) இன்றைய காலத்தில் ஒரு பாடலை வரிகள் வாரியாக (Track Recording) பிரித்து, பல நாட்கள் எடிட் செய்து பதிவு செய்கிறார்கள். ஆனால் அன்று அப்படி இல்லை. * இசையமைப்பாளர், பாடகர்கள் மற்றும் 30 முதல் 50 பேர் கொண்ட ஆர்கெஸ்ட்ரா (Musicians) அனைவரும் ஒரே அறையில் அமர்ந்து ஒன்றாகவே வாசித்துப் பாடுவார்கள். * ஜானகி அம்மா போன்ற தேர்ந்த பாடகிகள், பாடலின் மெட்டையும் வரிகளையும் ஒரே முறையில் கேட்டு உள்வாங்கி, ஒரே டேக்கில் (Single Take) பாடி முடித்துவிடுவார்கள். ஒரு பாடல் பதிவாக வெறும் 30 நிமிடங்கள் முதல் 1 மணி நேரம் மட்டுமே ஆகும். 3. ஐந்து மொழிகளில் ஒரே நேரத்தில் ஆதிக்கம் அவர் தமிழ் மட்டுமல்லாது தெலுங்கு, கன்னடம், மலையாளம் மற்றும் இந்தி ஆகிய ஐந்து மொழிகளிலும் முன்னணி பாடகியாக இருந்தார். குறிப்பாக, * கன்னடத்தில்: டாக்டர் ராஜ்குமார் காலகட்டத்தில் இவர்தான் முன்னணி பாடகி. * மலையாளத்தில்: எம்.எஸ். பாபுராஜ் இசையில் நூற்றுக்கணக்கான பாடல்களைப் பாடியுள்ளார். * இந்தியிலும்: பல திரைப்படங்களில் பாடி, தனது தனித்துவமான குரலால் கவனம் பெற்றார். * ஐந்து மொழிகளிலுமே முன்னணி கதாநாயகிகளுக்கு இவரே பின்னணிப் பாடகியாகப் பாடியதால், வருடம் முழுவதும் ஓய்வில்லாமல் பாடிக்கொண்டே இருந்தார். 4. 60 ஆண்டு கால திரையுலகப் பயணம் அவர் 1957-இல் தொடங்கி 2016-இல் ஓய்வு பெறும் வரை, கிட்டத்தட்ட 60 ஆண்டுகள் தொடர்ச்சியாகப் பாடினார். ஒரு சிறிய உதாரணம்: ஒரு வருடத்தில் சராசரியாக 800 பாடல்கள் பாடினால் (அதாவது ஒரு நாளைக்கு 2 அல்லது 3 பாடல்கள், சில நாட்கள் இடைவெளியுடன்), 60 ஆண்டுகளில் 48,000 பாடல்களை எளிதாகக் கடந்துவிட முடியும். அவருடைய அசாத்தியமான குரல் வளம், அதிவேகமாக பாடல்களைக் கற்றுக்கொள்ளும் திறன் மற்றும் அன்றைய திரையுலகின் அசுர வேக உழைப்பு ஆகியவைதான் இந்த இமாலய சாதனையைச் சாத்தியமாக்கியது. #உண்மையை அறிவோம்

*ஆஞ்சநேயர் வாலில் ஏன் மணி கட்டி இருக்கிறார் என்பதைப் பற்றி தெரிந்து கொள்வோம்* .... 👁️👁️👁️👁️👁️ அனுமன் என்றாலே நம் மனதில் தோன்றுவது பக்தி, வீரம், புத்தி கூர்மை, பேச்சில் வல்லமை, பணிவு, தன்னலமற்ற சேவை. ஸ்ரீராமர் மீது இவர் கொண்ட அளவிட முடியாத பக்தியால் இவரை, “ராம பக்த ஹனுமான்” என்றே பக்தர்கள் அழைக்கிறார்கள். அனுமனை பற்றி பல கதைகள் புராணங்களில் சொல்லப்படுகிறது. இவற்றில் சில கதைகள் பலரும் அறியாத விஷயங்கள் ஆகும். அவற்றில் ஒன்று தான், அனுமன் தனது வாலில் ஒரு பெரிய மணியைத் தூக்கி நிற்கும் திருக்கோலம். இந்தத் திருக்கோலத்தை தரிசிப்பவர்களுக்கு ஞானமும், வைராக்கியமும் கிடைக்கும் என்று ஸ்ரீராமர் அருளியதாக பக்தி மரபில் கூறப்படுகிறது. ஆஞ்சநேயர் வாலில் மணி வந்த கதை : புராண கதைகளின் படி, இலங்கையை நோக்கி புறப்பட்ட வானரப் படை , சீதாதேவியை ராவணனிடமிருந்து மீட்க, ஸ்ரீராமர், சுக்ரீவன் தலைமையில் இருந்த வானரப் படையை ஒன்றிணைத்தார். அந்தப் படையில், உயரமான வானரங்களும், வலிமைமிக்க வீரர்களும், வேகமாகச் செயல்படும் சிறிய வானரங்களும் இருந்தனர். அந்தப் படையில் “சிங்கலிகா” என்று அழைக்கப்பட்ட சிறிய உடல் அமைப்புடைய வானரக் குழுவும் இருந்ததாகச் சொல்லப்படுகிறது. அவர்கள் எண்ணிக்கையில் ஆயிரம் பேர். உடல் சிறியதாக இருந்தாலும், அவர்களின் தைரியம் அளவிட முடியாதது. எதிரிகளின் மீது பாய்ந்து, பற்களாலும் நகங்களாலும் போரிட்டு வெற்றி பெறும் வீரர்களாக அவர்கள் போற்றப்பட்டனர். ஸ்ரீராமன் வரவில்லையே: போருக்குப் புறப்படும் முன், அனைத்து வானர வீரர்களின் குடும்பத்தினரும், கண்களில் கண்ணீருடன், “பத்திரமாகத் திரும்பி வாருங்கள்” என்று வேண்டிக் கொண்டனர். அந்தக் காட்சியைப் பார்த்த ஸ்ரீராமர், அனைவரையும் நோக்கி கூறினார். “கவலைப்பட வேண்டாம். என்னுடன் வரும் ஒவ்வொரு வீரரையும் பாதுகாப்பாகத் திரும்பக் கொண்டு வருவது என் கடமை.” அந்த வார்த்தைகள், வீரர்களின் மனதில் அளவற்ற தைரியத்தை ஏற்படுத்தின. இலங்கைப் போரில், ராவணனின் சகோதரன் கும்பகர்ணன் போர்க்களத்திற்கு வந்தான். ஸ்ரீராமரின் அம்பால் கும்பகர்ணன் வீழ்ந்தான். கும்பகர்ணன் வீழ்ந்த போது, அவனது தேரில் இருந்த ஒரு பெரிய மணி உருண்டு வந்து, அந்த ஆயிரம் சிங்கலிகா வானரங்களை முழுவதுமாக மூடி விட்டது. அவர்கள் வெளியே வர முடியாமல் சிக்கிக் கொண்டனர். நாட்கள் கடந்தன. யாரும் வரவில்லை. அப்போது, சில வானரங்கள் மனம் உடைந்து பேசத் தொடங்கின. “சுக்ரீவனும் வரவில்லை…” ,”அனுமனும் வரவில்லை…”, “நம்மைக் காப்பாற்றுவேன் என்று சொன்ன ராமரும் வரவில்லையே…” என்று வருந்தினர். அப்போது, அவர்களுள் வயதில் மூத்த ஒரு சிங்கலிகா எழுந்து கூறியது, “இப்படி பேசாதீர்கள். ஸ்ரீராமர் கொடுத்த வாக்கு ஒருபோதும் பொய்யாகாது. நிச்சயமாக அவர் நம்மைக் காப்பாற்ற வருவார். அதுவரை அனைவரும் கண்களை மூடி, ‘ஸ்ரீ ராம்… ஸ்ரீ ராம்…’ என்று ஜபிப்போம்.” என்றது. அனைவரும் அமைதியாக ராமநாமத்தை ஜபிக்கத் தொடங்கினர். ஸ்ரீராமரின் வாக்கு பொய்யாகவில்லை : போர் முடிந்தது. சீதாதேவியை மீட்டுக் கொண்டு, அனைவரும் திரும்பத் தயாரானார்கள். அப்போது ஸ்ரீராமர், சுக்ரீவனை நோக்கி, “எல்லா வானர வீரர்களும் பாதுகாப்பாக இருக்கிறார்களா என்று மீண்டும் எண்ணிப்பார்.” என்று கூறினார். சுக்ரீவன் எண்ணிப் பார்த்த போது, ஆயிரம் சிங்கலிகாக்கள் காணவில்லை. மீண்டும் எண்ணினார். அதே எண்ணிக்கை குறைவாக இருந்தது. உடனே ஸ்ரீராமர், அனுமனை அழைத்துக் கொண்டு போர்க்களத்திற்குச் சென்றார். எங்கு தேடியும், சிங்கலிகாக்கள் கிடைக்கவில்லை. அப்போது, அந்தப் பெரிய மணியைப் பார்த்த ஸ்ரீராமர், அனுமனை நோக்கி, “அந்த மணியை அகற்றி பார்.” என்று கூறினார். வாலால் மணியைத் தூக்கிய அனுமன் : அனுமன், தனது வலிமையான வாலைப் பயன்படுத்தி, அந்தப் பெரிய மணியை மெதுவாக உயர்த்தினார். மணியின் கீழிருந்து, அனைத்து சிங்கலிகா வானரங்களும் உயிருடன் வெளியே வந்தனர். அவர்கள், முதலில் ஸ்ரீராமரின் திருவடிகளில் விழுந்து, கண்ணீர் மல்க மன்னிப்பு கேட்டனர். “சில நொடிகள் நாங்கள் உங்களைப் பற்றி தவறாக நினைத்து விட்டோம். எங்களை மன்னித்தருளுங்கள்.” என்று கதறினர். ராமபிரான் அருளிய வரம் : அவர்களின் மனநிலையைப் பார்த்த ஸ்ரீராமர், அன்புடன் புன்னகைத்து, அனுமனை நோக்கி, “இன்று நீ வாலில் மணியை ஏந்தி, என் பக்தர்களைக் காப்பாற்றினாய். இந்தக் கோலத்தில் உன்னை தரிசிப்பவர்களுக்கு, ஞானமும், வைராக்கியமும், இறை நம்பிக்கையும் வளரட்டும்.” என்று அருளியதாக கூறப்படுகிறது. அதனால் சில ஆலயங்களில், வாலில் மணியை ஏந்திய அனுமன் திருக்கோலத்தை தரிசிக்க முடிகிறது. இந்தத் திருக்கோலம் சொல்லும் ஆன்மிகப் பாடம் : வாழ்க்கையில் சில நேரங்களில், “இறைவன் என்னைக் கைவிட்டுவிட்டாரோ?” என்று தோன்றலாம். ஆனால், அது உண்மையல்ல. நமக்குத் தெரியாமல், இறைவன் நம்மை காத்துக் கொண்டிருப்பார். சில நேரங்களில், நாம் காத்திருக்க வேண்டும். சில நேரங்களில், நாம் நம்பிக்கையை இழக்கக் கூடாது. அதுவே இந்தக் கதையின் மிகப் பெரிய செய்தி. தெரிந்து கொள்ளுங்கள்.... 🙏🏻🙏🏻🙏🏻🙏🏻🙏🏻 #உண்மையை அறிவோம் #god

*திருவள்ளூர், செங்கரை காட்டுச் செல்லியம்மன்: அம்மனுக்கு வடை மாலை... பிள்ளைவரம் நிச்சயம்* .... 👏🏼👏🏼👏🏼👏🏼👏🏼 😟❌😟❌😟 தமிழகம் முழுவதும் மாறுபட்ட திருக்கோலங்களில் அம்மன் அருள்பாலிக்கும் கோயில்கள் நிறைந்துள்ளன. அப்படி ஏரிக்கரையில் செக்கச் செவேல் என அம்மன் காட்சி தரும் ஒருதலம் தான் `செங்கரை.’ திருவள்ளூர் மாவட்டம், பெரியபாளையத்தில் இருந்து ஊத்துக்கோட்டை செல்லும் நெடுஞ்சாலையில், தண்டலம் எனும் ஊர் வரும். இதையடுத்து வரும் ஊர் சூலைமேனி. இங்கிருந்து தேர்வாய் கண்டிகை - சிப்காட் தொழிற்பேட்டைக்குச் செல்லும் சாலையில் சுமார் 6 கி.மீ தொலைவில் உள்ளது செங்கரை கிராமம். 👁️👁️👁️👁️👁️ இங்கே கோயில் எனப் பெரிய கட்டுமானங்கள் இல்லை. கோபுரங்கள் இல்லை. அன்னை காட்டின் நடுவே வேதைக் கொடி யின் கீழ் அருள்கிறாள். இவர் திருப்பெயர் காட்டுச்செல்லி அம்மன். சிறிய வெற்றிலையைப் போன்ற தோற்றத்துடன் சற்றுத் தடிமனான இலைகளைக் கொண்டது வேதைக் கொடி. இதுவே படர்ந்து பந்தல் போல் அமைந்து அம்மனுக்கும் பக்தர்களுக்கும் நிழல் தருகிறது. ஒருமுறை, அம்மனுக்குக் கோயில் கட்ட விரும்பி, அவளிடம் உத்தரவு கேட்டார்கள் பக்தர்கள். அப்போது மூதாட்டி ஒருத்தி அருள் வந்து ஆடினாள். `எனக்குப் பொங்கல் வைத்து, பொங்கல் பொங்குமுன் கோயில் கட்ட வேண்டும். தவறினால், கட்டிய கோயில் இடிந்து விழும். காடு தீப்பற்றி எரியும்’ என்று அருள்வாக்கு சொன்னாள் அம்மன். அன்னையின் விருப்பம் என்னவென்று மக்கள் புரிந்து கொண்டார்கள். ஆகவே, புற்றுக்குள் இருந்த அவளிடம், புற்றுமண் நீக்கி தரிசனம் செய்ய அனுமதி வேண்டினர். அனுமதி கிடைத்தது. வியாழக்கிழமை அன்று புற்றைச் சிறிது சிறிதாக நீக்கிட... தீச்சுடர் மகுடம் தரித்து, நான்கு கரங்களுடன், அமர்ந்த கோலத்தில் சர்வாபரணங்களும் சூடியவளாக அம்மன் அற்புத தரிசனம் தந்தாள்! இந்த அம்மனுக்கு வியாழக்கிழமைதோறும் பகலில் வந்து பொங்கலிட்டுப் படைத்து, தங்களின் குலசாமியாகக் கருதி வழிபடத் தொடங்கினர். மாலை 6 மணிக்குக் காட்டை விட்டு வெளியேறுவதையும் வழக்கமாக்கினர். வேதைக்கொடிப் பந்தலின் கீழ் ஜன்னி, கொஞ்சை, கருங்காலி, வில்வம், தும்பி போன்ற மூலிகைச் செடிகள் சூழ்ந்து திகழ, தன் சந்நிதியை நாடி வரும் பக்தர்களின் வேதனை களைத் தீர்த்து, அவர்களின் நல்லெண்ணங்கள் ஈடேற அருள்செய்து வருகிறாள். இவள் மாலை 6 மணிக்குமேல் காட்டைச் சுற்றி உலவி, மக்களின் துன்பம் தீர்த்து ரட்சிப்பதாக நம்பிக்கை. ஆங்கிலேயரின் ஆட்சிக்காலத்தில் ஓர் ஆங்கிலேய அதிகாரிக்கு அம்மன் அருள் செய்த கதை இந்தப் பகுதியில் பிரசித்தம். ஒருமுறை அந்த அதிகாரிக்கு உடல்நலக்குறைவு ஏற்பட அம்மனின் அபிஷேக நீரைத் தெளித்தும் கையில் அம்பாளின் பிரசாதமான எலுமிச்சைக் கனியைக் கொடுத்தும் காப்பாற்றினர் ஊர் மக்கள். இதனால் அம்மன் மீது அந்த துரைக்கு பக்தி உண்டானது என்கிறார்கள். இந்தக் கோயிலில் தினமும் அபிஷேகமும், ஒரு கால பூஜையும் நடைபெறுகின்றன. அம்மன் முதலில் இங்கு வந்து அமர்ந்ததும், புற்றிலிருந்து வெளிப்பட்டதும் வியாழக்கிழமையே என்பதால், அன்றைய தினம் அம்மனை வழிபடுவதை விசேஷமாகக் கருது கிறார்கள் பக்தர்கள். ஆடி மாதத்தில் `காய்கறி சீர்கட்டு’ எனும் காய்கறி அலங்காரமும், கூழ் வார்த்தலும் நடை பெறுகின்றன. சித்திரை முதல் நாள் - தமிழ்ப் புத்தாண்டு தினத்தில், அம்மனுக்கு உளுந்து வடை மாலை சாத்தி வழிபடுகின்றனர். பக்தர்களுக்கும் ஊருக்கும் வடை விநியோகம் செய்கிறார்கள். பிணிகள் தீர விரும்புவோர் அம்மனுக்கு வெற்றிலை மாலை சமர்ப்பித்து வழிபடுகிறார்கள். குழந்தை வரம் வேண்டுவோர் தொடர்ந்து 9 வாரங்கள் இங்கு வந்து அம்மனை வழிபடு கிறார்கள். அன்னையின் அருளால் குழந்தை வரம் பெற்றவர்கள், குழந்தைக்கு `செல்லன்’ என்றோ `செல்லி’ என்றோ பெயர் சூட்டி, இங்கே மொட்டைப் போட்டு காதுகுத்தும் வைபவமும் நிகழ்த்துகிறார்கள். திருமணத் தடைகள் நீங்கிட, அம்மனை வணங்குவதுடன், வஸ்திரத்தைக் கிழித்துப் பீரை மரத்தில் கட்டி விட்டுச் செல்கிறார்கள்! இப்படி அற்புதமாக அருள்பாலிக்கும் இந்த சுயம்பு செல்லி அம்மனை வாய்ப்பிருப்பவர்கள் ஒருமுறை சென்று தரிசனம் செய்துவாருங்கள். உங்கள் பிரச்னைகள் அனைத்தும் தீரும். வாழ்க்கை வளமாகும் நலமாகும். தெரிந்து கொள்வோம்..... 🙏🙏🙏🙏🙏 #உண்மையை அறிவோம் #god

365 நாட்களும் தண்ணீருக்குள் இருக்கும் அதிசயம்! ஸ்ரீ அர்த்தநாரீஸ்வரர் கோயில் ரகசியங்கள் இக்கோவிலின் மூலவர் சுயம்பு லிங்கம், நமஸ்கார மண்டபம் மற்றும் பிரகாரப் பாதைகள் வருடம் முழுவதும் தண்ணீருக்குள் மூழ்கியிருக்கும். மலைக்கோயில், குகை கோயில் ,பாதாள கோயில், குடைவரைக்கோயில் என இப்படி இந்து மதத்தில் மக்கள் வழிபாடு செய்யும் கோயில் திருத்தலங்கள் பல அமைந்திருக்கும். ஆனால் நாம் பார்க்க இருக்கும் இந்தக் கோவிலில் தண்ணீர் சூழ்ந்திருக்கும் கோவில்., சிவனும் சக்தியும் சேர்ந்து அர்த்தநாரீஸ்வரராக இங்கு காட்சி தருகிறார்கள். 365 நாட்களும் முழுவதும், கோவில் பிரகாரம் முதல் கோவில் கருவறை வரை" தண்ணீர் சூழ்ந்து இருக்கும். . மேலும் இந்தக் கோயிலில் இருக்கும் பிரதான தெய்வத்தின் சிலை இங்கேயே சுயம்புவாக தோன்றியதாக நம்பப்படுகிறது. கோயிலின் தெற்குப் பகுதியில் 'நைவேத்தியம்' மற்றும் பிரசாதங்கள் செய்யப்படுகின்றன. சிவராத்திரி விழாவின் போது, ​​தண்ணீர் வெளியேற்றப்பட்டு, நள்ளிரவில் சிலைக்கு 'அபிஷேகம்' செய்யப்படுகிறது.வழிபாடு: பக்தர்கள் நீரில் நடந்து சென்றுதான் இறைவனை தரிசிக்க வேண்டும்; அப்போது மீன்களும் உடன் வருவது தனித்துவமான அனுபவமாகும். இந்த தனித்துவமான அர்த்தநாரீஸ்வர கோயில் மலப்புரம் மாவட்டத்தில் உள்ள பிரேரிந்தல்மன்னா தாலுகாவில், அரக்குபரம்பா கிராமத்தில் உள்ள வெளிகொண்டுவில் அமைந்துள்ளது. கருவறை, 'நமஸ்கார மண்டபம்' மற்றும் வழிபாட்டுத் தலத்தைச் சுற்றி தண்ணீரில் உள்ளன என்பதே இந்த கோயிலின் தனித்துவம். சரியான மணமகன் அல்லது மணமகளைக் கண்டுபிடிப்பதில் பல்வேறு தடைகளை எதிர்கொள்பவர்களுக்கு கோவிலில் உமாமஹேஸ்வர பூஜை நடத்தப்படுகிறது. எங்கு பார்த்தாலும் பச்சை போர்வை போர்த்தியதுபோல் காட்சி தரும் இந்த அர்த்தநாரீஸ்வரர் கோவிலில் உள்ள கருவறை, 'நமஸ்கார மண்டபம்', 'அஷ்டதிக்பாலகர்கள்', சுற்றி வருவதற்கான பாதை மற்றும் கேரளாவின் கட்டிடக்கலை, சுற்றுச்சுவர் ஆகியவை என மொத்த கோவிலும் தண்ணீரில் இருப்பதாலும் இங்கு நிலவும் அமைதியான மற்றும் அற்புதமான சூழல் கண்களுக்குக் குளிர்ச்சியளித்து பக்தி வெள்ளத்தில் பக்தர்கள் மயங்கிப் போவார்கள். நேரம்: தினமும் காலை 06:00 மணி முதல் 09:30 மணி வரையிலும், மாலை 04:00 மணி முதல் 07:00 மணி வரையிலும் நடை திறந்திருக்கும்.அமைவிடம்: பாலக்காட்டிலிருந்து சுமார் 35 கி.மீ தொலைவிலும், பெரிந்தல்மண்ணைக்கு அருகிலும் அமைந்துள்ளது. #உண்மையை அறிவோம் #god