Part 15 A അന്തമില്ലാത്ത വരികൾ - സഖിയുടെ സഖാവ് - ഒടുവിൽ… ചുവന്ന മഷിപ്പേന കൈയിലെടുത്ത് അവൻ കുറച്ചു നേരം നിശ്ശബ്ദമായി നിന്നു. പിന്നെ, ലക്ഷ്മിക്കായി രണ്ട് വരികൾ കൂടി ആ താളിൽ ചേർത്തു… എന്നും സ്വപ്നങ്ങളിൽ വന്ന് എന്റെ ചാരത്തിരുന്ന് കഥകൾ പങ്കുവെക്കുമ്പോൾ… തിളങ്ങുന്ന നിന്റെ ചുവന്ന മൂക്കുത്തിയിലായിരുന്നു, സഖീ… എന്റെ നോട്ടം ആദ്യം ഉടക്കിയത്.” അവസാന അക്ഷരവും കുറിച്ച ശേഷം അവൻ ആ വരികളിലേക്ക് ഒരുനിമിഷം നോക്കി നിന്നു. അറിയാതെ ഒരു പുഞ്ചിരി അവന്റെ ചുണ്ടിൽ വിരിഞ്ഞു. പുസ്തകം മെല്ലെ അടച്ച് പഴയ സ്ഥാനത്ത് വെച്ച ശേഷം, ഒന്നും സംഭവിച്ചിട്ടില്ലെന്ന ഭാവത്തിൽ അവൻ പാർട്ടി ഓഫീസിൽ നിന്ന് പുറത്തിറങ്ങി. കോളേജിലെ പ്രഭാതം പതിവുപോലെ തിരക്കിലായിരുന്നു. ക്ലാസുകളിലേക്കോടുന്ന വിദ്യാർത്ഥികൾ… ഇടനാഴികളിൽ നിറയുന്ന ചിരികൾ… കാന്റീനിൽ നിന്ന് ഉയരുന്ന ചായയുടെ മണം… ഒരു പുതിയ ദിവസം ക്യാമ്പസിനെ വീണ്ടും സജീവമാക്കിയിരുന്നു. ലക്ഷ്മി നേരെ ക്ലാസിലേക്ക് നടന്നു. നിയയുടെ സീറ്റ് ഒഴിഞ്ഞുകിടക്കുന്നത് കണ്ടപ്പോൾ അവളുടെ മനസ്സിൽ എന്തോ ഒരു അസ്വസ്ഥത നിറഞ്ഞു. ഇവൾ ഇതുവരെ വന്നില്ലേ…?” അവൾ മനസ്സിൽ ചോദിച്ചു. ഒരു ചടുപ്പോടെ അവൾ തന്റെ സീറ്റിൽ ഇരുന്നു. കോളേജിൽ ബെൽ മുഴങ്ങിയതോടെ റഷീദ് സാർ ക്ലാസിലേക്ക് വന്നു. പതിവുപോലെ അദ്ദേഹം ക്ലാസ് എടുത്തു. സാർ ക്ലാസ് കഴിഞ്ഞ് പുറത്തുപോയതോടെ, അവൾക്ക് വയറ്റിൽ അസ്വസ്ഥത അനുഭവപ്പെട്ടു. കുറച്ചുനേരം കൂടി കഴിഞ്ഞപ്പോൾ, ആ അസ്വസ്ഥത കൂടിക്കൊണ്ടിരുന്നു. അതോടൊപ്പം നടുവിലും വേദന അനുഭവപ്പെടാൻ തുടങ്ങി. ക്ലാസിൽ ഇനിയും ഇരിക്കാൻ അവൾക്കായില്ല. അവൾ പതിയെ ബെഞ്ചിൽ നിന്ന് എഴുന്നേറ്റു. പെൺകുട്ടികൾക്ക് അസ്വസ്ഥത തോന്നുമ്പോൾ വിശ്രമിക്കാനായി കോളേജിൽ ഒരുക്കിയിരുന്ന ലേഡീസ് റെസ്റ്റ് റൂമിലേക്കായിരുന്നു അവളുടെ ചുവടുകൾ. നടക്കാൻ പോലും പ്രയാസപ്പെട്ടിരുന്നെങ്കിലും, അവൾ പതിയെ അങ്ങോട്ടേക്ക് നടന്നു. എങ്ങനെയൊക്കെയോ നടന്ന് അവൾ ലേഡീസ് റെസ്റ്റ് റൂമിന്റെ മുന്നിലെത്തി. പക്ഷേ. …. തുടരും part 15 B കാത്തിരിക്കൂ അക്കൗണ്ട് ഫോളോ ചെയു comment ചെയു#📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ