✍️ लाहोरमध्ये शंभर वर्षांपूर्वी प्रसिध्द झालं उर्दू भाषेतील शिवचरित्र ‘हालात महाराजा सिवाजी मरहटा’ या नावाचे पुस्तक लाला दयारामांनी लिहिलेले चरित्र छत्रपती शिवाजी महाराजांबद्दल देश-परदेशातील लोकांना नेहमीच आकर्षण आणि कुतुहल वाटत आले आहे. जगभरातील विविध भाषांमध्ये शिवरायांचे कार्य प्रसिध्द झाले आहे. सुमारे शंभर वर्षांपूर्वी लाहोर येथील लाला दयाराम या चरित्रकाराने ‘हालात महाराजा सिवाजी मरहटा’ या नावाचे उर्दू भाषेतील शिवचरित्र लिहून ठेवले आहे. लाहोरमधील ‘उर्दू अखबार’ या नियतकालिकाच्या कार्यालयातून हे शिवचरित्र प्रसिध्द करण्यात आले. सन 1917 साली लिहिलेल्या या चरित्रात शिवरायांच्या शौर्याचे वर्णन केले असून त्यांच्या कारकिर्दीतील प्रमुख प्रसंगाची माहिती दिली आहे. शिवरायांचे वर्णन करताना त्यांना ▶️ ‘मुल्क ए महाराष्ट्र के मशहूर, ▶️बहादूर, उलूल अज्म, ▶️जाँबाज, ▶️अपने वक्तके बेनझीर’ अशी चपखल विशेषणे लावण्यात आली आहेत. उर्दू भाषेतील शिवरायांचे हे पहिलेच चरित्र असावे. सुमारे शंभर वर्षांपूर्वी लाहोर शहरातील काही विद्वान शिवरायांच्या कार्याने प्रभावीत झाले होते. शिवरायांचे चरित्र उर्दू भाषेत लिहावे अशी कल्पना त्यांना सुचली. लाला दयाराम हे त्याकाळी लाहोरमधील प्रसिध्द चरित्रकार, लेखक होते. लाहोरमध्ये अनारकली भागात असणाऱ्या ‘उर्दू अखबार’ या नियतकालीकामध्ये ते कार्यरत होते. त्यांनी भगवान बुध्द, गुरू नानक यांची चरित्रे आणि विधवांचे दुःख, मंत्रतंत्रविद्या यांसारखी पुस्तके उर्दू भाषेत लिहिली होती. तत्कालीन पंजाब प्रांताच्या पाठ्यपुस्तक मंडळाचे सदस्य आणि ‘ उर्दू अखबार’ या साप्ताहिकाचे मालक मुन्शीराम अगरवाल यांच्या प्रोत्साहनाने लाला दयाराम यांनी शिवरायांचे 78 पानांचे छोटेखानी चरित्र उर्दू भाषेत लिहिले. उर्दू भाषेत प्रसिध्द झालेलं हे शिवरायांचं पहिलं चरित्र असावं. 🙇✍️ #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त