നീയാം ജീവൻ Part 18 💞💞💞💞💞💞💞 അങ്ങനെ ഞാൻ ചെറുതായി ഒന്ന് ചിരിച്ചിട്ട് ബാഗ് എടുത്ത് ഇറങ്ങാൻ നിൽക്കുമ്പോഴാണ് ആരോ കേറി വരുന്നത് പോലെ തോന്നിയത് പെട്ടന്ന് തിരിഞ്ഞു നോക്കിയപ്പോൾ മുമ്പിൽ നിൽക്കുന്നവരെ കണ്ട് ഞാൻ സംശയിച്ച് ഒന്ന് നെറ്റി ചുളിച്ചു എവിടെയോ ഒരു പേടി മനസ്സിൽ തോന്നിയിരുന്നു എങ്കിലും അത് പുറത്ത് കാണിക്കാതെ " എന്താ " എന്ന് അവരോട് ചോദിച്ചു അപ്പൊ തന്നെ അവര് ഒരു വൃത്തികെട്ട ചിരിയോടെ അടുത്ത് വന്നു. എന്ത് ചെയ്യണം എന്ന് അറിയാതെ ചുറ്റും ഒന്ന് നോക്കി കോളേജിൽ ഇപ്പൊ അധികം ആരും ഇല്ല ക്ലാസ്സ്‌ വിട്ടിട്ട് ഇപ്പൊ തന്നെ കുറെ സമയം ആയി അത് കൊണ്ട് കുറച്ച് പേരെ കാണു... " ആഹാ ഇപ്പൊ തന്നെ മോൾ ഇങ്ങനെ പേടിച്ചാലോ അപ്പൊ ചേട്ടന്മാര് ശെരിക്കും ഒന്ന് അറിഞ്ഞ് പേടിപ്പിച്ചാലോ " എന്ന് പറഞ്ഞ് കൊണ്ട് അവൻ നമ്മുടെ അടുത്ത് വന്നതും നമ്മൾ ഒരു ചുവട് ബാക്കിലേക്ക് വെച്ചു.... എന്ത് ചെയ്യണം എന്ന് ഒരു പിടിയും ഇല്ല..... എന്തിനോ അറിയാതെ കണ്ണ് നിറഞ്ഞു വരുകയാണ്..... 💞💞💞💞 " എന്താടി ഇപ്പൊ നിന്റെ ധൈര്യം ഒക്കെ പോയോ അന്ന് എന്തായിരുന്നു നിന്റെ ഒരു ഷോ അന്നേ നിന്നെ ഞാൻ നോട്ടം ഇട്ട് വെച്ചതാ.. എന്തായാലും പറയാതെ ഇരിക്കാൻ വയ്യ അടിപൊളി ഫിഗർ ആണല്ലോടി... " അത് കേട്ടതും നമ്മൾ അവരെ തുറിച്ചു നോക്കാൻ തുടങ്ങി....ഇങ്ങനെ പേടിച്ചിരുന്നിട്ട് കാര്യം ഇല്ല എന്തെങ്കിലും ചെയ്താലേ ഇവരുടെ കൈയിൽ നിന്നും രക്ഷപ്പെടാൻ പറ്റു..... ഒന്നും കൂടി ചുറ്റും ഒന്ന് നോക്കി ആരെങ്കിലും ഉണ്ടെങ്കിലോ നമ്മുടെ നോട്ടം കണ്ടിട്ട് ആണെന്ന് തോന്നുന്നു അവൻ ഒന്ന് പുച്ഛിച്ച് ചിരിച്ചത്.... " മോൾ ഇവിടെ ചുറ്റും നോക്കിയിട്ട് ഒരു കാര്യവും  ഇല്ല ഇവിടെ ഇനി ആരെങ്കിലും ഉണ്ടെങ്കിൽ പോലും ഒരുത്തനും എന്റെ കൈയിൽ നിന്നും നിന്നെ രക്ഷിക്കാൻ വരില്ല  " നിങ്ങൾക്ക് ഇവന്മാര് ആരാണെന്ന് മനസ്സിലായോ കുറച്ച് നേരം മുമ്പ് ഒരുത്തി ഇവിടെ നിന്നും പോയില്ലേ സമൃത അവളുടെ ഷാൾ പിടിച്ചു വെച്ചവന്മാരാണ് ഇത്.... " എന്താടി നീയി ആലോചിക്കുന്നേ എങ്ങനെ രക്ഷപെടാം എന്നാണോ അതിന് മോൾ അധികം ചിന്തിച്ചു കൂട്ടണ്ട നീ ഞങ്ങളുടെ കൈയിൽ ആണ് പെട്ടത് അത് കൊണ്ട് ഇനി രക്ഷപ്പെടണം എങ്കിൽ ഞങ്ങൾ തന്നെ വിചാരിക്കണം പക്ഷേ ഒരു പ്രശ്നം എന്താണെന്ന് വെച്ചാൽ ഞങ്ങൾ അങ്ങനെ വിചാരിക്കുക പോലും ഇല്ല അപ്പൊ മോൾ എന്ത് ചെയ്യും " അതും പറഞ്ഞ് വീണ്ടും അവൻ നമ്മുടെ അടുത്തേക്ക് നടന്ന് വരുകയാണ് ഇനി എന്ത് ചെയ്യും പേടിച്ചിട്ട് ആണെങ്കിൽ ഒരു രക്ഷയും ഇല്ല..... " ഡാ ആ വാതിൽ അങ്ങോട്ട് അടച്ചേക്ക് " അതും കൂടി കേട്ടപ്പോൾ ഇപ്പൊ എനിക്ക് അറ്റാക്ക് വരുന്ന ലക്ഷണം ഉണ്ട്.... "  എന്തിനാ ഡോർ അടക്കുന്നത് " പെട്ടന്നാണ് ആ ശബ്ദം കേട്ടത് അത് വരെ ഉണ്ടായിരുന്ന പേടി ഒക്കെ ഇപ്പൊ എവിടെക്കോ പോയത് പോലെ... " നീ ഇപ്പൊ എന്തിനാ ഇവിടെ വന്നത് നീ പോവാൻ നോക്ക് യാൻ.....  വെറുതെ ഒരു പ്രശ്നത്തിന് നീ വരണ്ട അത് നിനക്ക് തന്നെ നല്ലതിന് ആയിരിക്കില്ല " ( വേറൊരുത്തൻ ) ഇപ്പൊ വന്നത് ആരാ എന്ന് മനസിലായി കാണുമല്ലോ അതന്നെ നമ്മുടെ നായകൻ 😌 യാൻ : ഞാൻ നിൽക്കണോ പോണോ എന്ന് ഞാൻ തീരുമാനിച്ചോളാം നീ എന്തായാലും മുൻപിൽ നിന്ന് മാറാൻ നോക്ക്.... അതും പറഞ്ഞ് അവൻ മറ്റവനെ സൈഡിലേക്ക് മാറ്റിയിട്ട് അകത്തേക്ക് വന്നു.... യാൻ : ഓഹോ അപ്പൊ ഇതാണ് നിങ്ങളുടെ പരിപാടി അല്ലേ  എന്നെയും നിങ്ങളുടെ കൂടെ കൂട്ടോ ഞാനും ഒരു കമ്പനി തരാമെന്നേ " നീ എന്താടാ ഞങ്ങളെ കളി ആക്കാണോ " യാൻ : ശ്ശെടാ ഞാൻ എന്തിനാ നിങ്ങളെ കളി ആക്കുന്നെ നിങ്ങൾക്ക് അങ്ങനെ തോന്നിയോ അപ്പൊ അത് ശെരിയായിരിക്കും "  നീ മര്യാദക്ക് ഇവിടെ നിന്നും പോകുന്നത് ആയിരിക്കും നിനക്ക് നല്ലത് " യാൻ : ഞാൻ പോയില്ലെങ്കിൽ നിങ്ങൾ എന്ത് ചെയ്യും എന്ന് പറഞ്ഞ് യാൻ ഷർട്ട്‌ ഒക്കെ കേറ്റി വെച്ചു ഉഫ് എന്റെ സാറെ എന്നാ ലുക്ക്‌ ആണ്.... അവൻ അത് പറഞ്ഞതും പിന്നെ അവിടെ ഒരു അടി ഇടി പൂരം ആയിരുന്നു.... യാൻ : ഇനി നിന്നെ ഇവളുടെ പരിസരത്ത് എങ്ങാനും കണ്ടാൽ ഇപ്പൊ കിട്ടിയത് ഒന്നും ആയിരിക്കില്ല ബാക്കി ഉള്ളവന്മാരെയും വിളിച്ച് പോവാൻ നോക്കടാ.... അതും പറഞ്ഞ് അവൻ അലറിയതും അപ്പൊ തന്നെ ബാക്കി എല്ലാവരും പേടിച്ച് അനുസരണ ഉള്ള കുട്ടിയെ പോലെ തല ആട്ടി എന്നിട്ട് എങ്ങനെ ഒക്കെയോ അവിടെ നിന്നും പോയി നമ്മൾ അത് കണ്ട് മിഴിച്ചു നിൽക്കുകയാണ്.... യാൻ : ഡി നിനക്ക് എന്തായിരുന്നെടി ഇത്രയും നേരം ഇവിടെ പണി ഇവൻ എന്തിനാ അതിന് അലറുന്നത് പതുക്കെ പറഞ്ഞാൽ പോരെ എനിക്ക് കേൾക്കില്ലേ യാൻ : ഡി ഇപ്പൊ നിന്റെ നാക്കും ഇറങ്ങി പോയോ.... ആമി : എന്റെ നാക്കൊന്നും ഇറങ്ങി പോയിട്ടില്ല.... യാൻ : അത് കൊണ്ട് ആയിരിക്കും നേർത്തെ പേടിച്ച് വിറച്ച് കമാന്നൊരാക്ഷരം മിണ്ടാതെ ഇരുന്നത്....  അല്ലെങ്കിൽ എന്താ നിന്റെ നാക്കിന്റെ ഒരു നീളം ഇപ്പൊ എന്തെ അത് കുറഞ്ഞോ.... ആമി : ഞാൻ പേടിച്ചിട്ടൊന്നുമില്ല യാൻ : അത് കൊണ്ട് ആയിരിക്കും കൈ ഒക്കെ ഇപ്പോഴും വിറക്കുന്നത് എന്നും പറഞ്ഞ് അവൻ നമ്മളെ പുച്ഛിച്ചു തള്ളി... എന്നാലും ഇവന് ഇങ്ങനെ ഒക്കെ സംസാരിക്കാൻ അറിയോ.... എന്നാലും എന്റെ കൈ നീ എന്നെ ഇവന്റെ മുമ്പിൽ വെച്ച് നാണം കെടുത്തിയില്ലേ ബെസമം ഉണ്ട്...🤧 യാൻ : ഡി എന്റെ പൊന്നോ നമ്മുടെ ഉള്ള ജീവൻ ഇപ്പൊ പോയേനെ ഇവൻ എന്തിനാ ഇങ്ങനെ അലറുന്നെ യാൻ : ഇതിനും മാത്രം നീ എന്താ ഈ ചിന്തിച്ചു കൂട്ടുന്നെ നിനക്ക് വീട്ടിൽ ഒന്നും പോകണ്ടേ.... നീ വരുന്നുണ്ടെങ്കിൽ വാ ഞാൻ പോവാ അതും പറഞ്ഞ് അവൻ നടക്കാൻ തുടങ്ങി.... ഇതെന്തോന്ന് സാധനം.... അതും പറഞ്ഞ് നമ്മൾ അവന്റെ കൂടെ തന്നെ നടക്കാൻ തുടങ്ങി.... അങ്ങനെ പാർക്കിങ്ങിൽ എത്തിയതും അവൻ നിന്നു എന്നിട്ട് നമ്മളെ തിരിഞ്ഞു നോക്കി യാൻ : നീ എങ്ങനെയാ വന്നത് ആമി : അത് സ്കൂട്ടി കൊണ്ട് വന്നിട്ടുണ്ട് അതിലാണ് വന്നത് യാൻ : മ്മ് എന്നാ ഇനി ഇവിടെ നിൽക്കണ്ട പോവാൻ നോക്ക്.... ആമി : ഫ്രണ്ട്സ് എന്ന് പറഞ്ഞ് നമ്മൾ കൈ നീട്ടിയതും അവൻ ഒന്ന് നെറ്റി ചുളിച്ചു കൊണ്ട് നോക്കി ആമി : ഫ്രണ്ട്സ് ആയിക്കൂടെ.... പിന്നെ പ്രണയം എന്നൊക്കെ പറയുന്നത് ഒരാൾക്ക് തോന്നിയാൽ പോരല്ലോ രണ്ടാൾക്കും തോന്നണ്ടേ അതും പറഞ്ഞ് ഞാൻ അത് വിടാൻ ഒന്നും ഉദ്ദേശിച്ചിട്ടില്ല പക്ഷേ ഇതിന്റെ പേരിൽ ഞാൻ ഒരിക്കലും അൻഷിനെ ശല്യം ചെയ്യില്ല.... അതിന് ഞാൻ ഉറപ്പ് തരാം.... ഇനി ഫ്രണ്ട്സ് ആവുന്നത് കൊണ്ട് കുഴപ്പമുണ്ടോ.... യാൻ : അൻഷ് ? അവൻ ഒരു സംശയത്തോടെ ചോദിച്ചു ആമി : അത് എല്ലാവരും യാൻ എന്നൊക്കെ അല്ലെ വിളിക്കുന്നെ ഒരു വെറൈറ്റിക്ക് 😁 യാൻ : മ്മ് ആമി : ഫ്രണ്ട്സ് ആവാമോ..? യാൻ : ആലോചിക്കാം അതിന് ഇത്രയും ജാഡ വേണോ യാൻ  : എന്താടി വീണ്ടും ആലോചിക്കുന്നേ വീട്ടിൽ പോവാൻ നോക്കടി ആമി : ഞാൻ ദേ പോയി അതും പറഞ്ഞ് നമ്മൾ സ്കൂട്ടിയുടെ അടുത്തേക്ക് നടന്നു.... 💞💞💞💞💞💞💞 ആഷി : നീ എന്താ നേരം വൈകിയത് ആമി : അത് സ്പെഷ്യൽ ക്ലാസ്സ്‌ ഉണ്ടായിരുന്നു ആഷി : നിന്റെ കൈയിൽ ഫോണില്ലേ നേരം വൈകുമെങ്കിൽ നിനക്ക് ഒന്ന് വിളിച്ചു പറഞ്ഞൂടെ ആമി : അത് മറന്നു പോയി ആഷി : മ്മ് അപ്പു അവിടെ ഉണ്ടായിരുന്നു എങ്കിൽ അവനെ വിളിച്ചു ചോദിക്കാമായിരുന്നു അത് ആരാ എന്ന് മനസ്സിലായോ നമ്മുടെ ദീപുവിന്റെ ചേട്ടൻ രാഹുൽ അവിടത്തെ സാർ ആണല്ലോ ഇപ്പൊ ആള് അവിടെ ഇല്ല ആൾക്ക് മുംബൈയിൽ ഒരു കോളേജിൽ ജോബ് കിട്ടി അത് കൊണ്ട് ആള് ഇപ്പൊ അവിടെ ആണ് അത് കൊണ്ട് തന്നെ ഞങ്ങൾക്ക് ഒരു സമാധാനം ആഷി : ഡി നീ എന്താ ഈ ആലോചിക്കുന്നേ ആമി : അത്... ആ  അപ്പു ചേട്ടനെ കുറിച്ച് ആലോചിച്ചതാ ചേട്ടൻ ഉണ്ടായിരുന്നു എങ്കിൽ നല്ലതായിരുന്നു എന്തായാലും ഞാൻ ഫ്രഷ് ആയിട്ട് വരട്ടെ നല്ല വിശപ്പ് എങ്ങനെയോ അത്രയും പറഞ്ഞോപിച്ച് അകത്തേക്ക് കയറി പോയി..... പിറ്റേ ദിവസം നമ്മൾ  നേരത്തെ തന്നെ കോളേജിൽ പോയി കുറെ നേരം അവിടെ ചുറ്റി കറങ്ങി നിന്നു പക്ഷേ ഇത്രയും നേരം ആയിട്ടും ഇത് വരെ യാൻ വന്നില്ല അക്കു : എന്താണ് മോളെ ഉദ്ദേശം കുറെ നേരം ആയല്ലോ ഇവിടെ ഇങ്ങനെ ചുറ്റി കറങ്ങാൻ തുടങ്ങിയിട്ട് ആമി : ഉദ്ദേശം വെറും ദുരുദ്ദേശം തന്നെ 😁.... അല്ല ചേട്ടാ ചേട്ടന്റെ ചങ്ക് എന്താ ഇത്രയും നേരമായിട്ടും വരാത്തത്.... അക്കു : അവൻ ഇപ്പൊ എത്തും അല്ല എന്താണാവോ ആ ദുരുദ്ദേശം ആമി : ആ സാധനത്തിനെ എങ്ങനെയെങ്കിലും ഒന്ന് ഫ്രണ്ട് ആക്കി എടുക്കണം അക്കു : അപ്പൊ അവനോടുള്ള പ്രണയം....? ആമി : അത് ഹൃദയത്തിൽ തന്നെ ഉണ്ട് പക്ഷേ എനിക്ക് മാത്രം ഇഷ്ട്ടം ഉണ്ടായിട്ട് കാര്യം ഇല്ലല്ലോ അവനും കൂടി അത് തോന്നണ്ടേ.... അക്കു : അത് ശെരിയാണ് പെട്ടന്ന് എന്താ ഇങ്ങനെ ഒരു മാറ്റം... അത് ചോദിച്ചതും അവൾ ഇന്നലെ നടന്നത് എല്ലാം പറഞ്ഞു. അക്കു : അപ്പൊ അങ്ങനെയാണ് കാര്യങ്ങൾ ആഹാ ദേ യാൻ വന്നല്ലോ.... ഡി കുറച്ച് മയത്തിലൊക്കെ വായ്നോക്കടി ആമി : 😁 യാൻ : നീ എന്താ ഇവിടെ ആമി : അത്.... അത് പിന്നെ അക്കു ചേട്ടനെ കണ്ടപ്പോൾ വെറുതെ സംസാരിച്ചു നിന്നതാ യാൻ : മ്മ് ആമി : അൻഷ് യാൻ : എന്താടി ആമി : അപ്പൊ ഇങ്ങനെ വിളിക്കുന്നത് കൊണ്ട് കുഴപ്പമില്ലല്ലേ വിളി കേൾക്കുമോ എന്നറിയാൻ വേണ്ടി വിളിച്ചു നോക്കിയതാ...😁 പിന്നെ ഉണ്ടല്ലോ ആലോചിച്ചോ യാൻ : എന്ത് ആമി : ഫ്രണ്ട് ആക്കുമോ എന്ന് ചോദിച്ചത് യാൻ : അത് ഒന്നും കൂടി ആലോചിക്കട്ടെ എന്നിട്ട് പറയാം ആമി ആത്മ : ഇതിന് മാത്രം ആലോചിക്കാൻ എന്തിരിക്കുന്നു ജാഡ തെണ്ടി യാൻ : എന്താടി പിറുപിറുക്കുന്നെ ആമി :  ഒന്നുല്ല ഞാൻ എന്നാൽ പൊക്കോട്ടെ യാൻ : നിന്നോട് പോകണ്ട എന്ന് ആരെങ്കിലും പറഞ്ഞിരുന്നോ ആമി : ഇല്ല യാൻ  : എന്നാ പിന്നെ ക്ലാസ്സിൽ പോവാൻ നോക്കടി ഇതിനെ ഞാൻ ഇന്ന് 😬 അങ്ങനെ ഒരാഴ്ച പെട്ടന്ന് കടന്നു പോയി പൂച്ച ആണെങ്കിൽ തിങ്കളാഴ്ച ക്ലാസ്സിൽ വരുന്നൊള്ളു എന്ന് പറഞ്ഞ് ഈ ദിവസങ്ങളിൽ ഒന്നും അവൾ വന്നില്ല അവൾ വരാത്തത് കൊണ്ടും കുക്കു ഇല്ലാത്തത് കൊണ്ട് മാളുവും വന്നില്ല പിന്നെ ദീപുവും കുക്കുവും ആണെങ്കിൽ പെട്ടന്ന് വരാം എന്ന് പറഞ്ഞ് പോയിട്ട് അവർ വന്നത് ഇന്നലെയാണ് അത് കൊണ്ട് തന്നെ ആരോടും ഞാൻ മിണ്ടാൻ പോയില്ല അവർ മിണ്ടാൻ വന്നെങ്കിലും ഞാൻ അവരെ മൈൻഡ് പോലും ചെയ്തില്ല.... ഇനി ഇന്നാണ് ക്ലാസ്സിൽ പോകുന്നത് രാവിലെ തന്നെ ഞാൻ നേരത്തെ ഇറങ്ങി ഇത് ഇപ്പൊ ഒരു പതിവ് ആണല്ലോ പിന്നെ ഒരു കാര്യം എന്താ എന്ന് വെച്ചാൽ ഇത്രയും ദിവസം എന്താ സംഭവിച്ചത് എന്ന് ഞാൻ അവരോട് ആരോടും ഒന്നും പറഞ്ഞിട്ടില്ല 😌 ഇന്ന് അവർ ഞെട്ടും.... അങ്ങനെ അവരുടെ കൂടെ തന്നെയാണ് ഞാൻ ക്ലാസ്സിലേക്ക് പോയത് എങ്കിലും അവരോട് ആരോടും ഞാൻ മിണ്ടാൻ നിന്നില്ല.... ഞാൻ നേരെ പോയി യാൻ ഇരിക്കാറുള്ള മരച്ചുവട്ടിലേക്ക് പോയി അവർ ഓക്കേ എന്താ സംഭവം എന്ന് അറിയാതെ നിൽക്കുന്നുണ്ട് ആമി : ആഹാ ഇന്ന് നേരത്തെ ആണല്ലോ യാൻ : എന്തെടി എനിക്ക് നേരത്തെ വരാൻ പാടില്ല എന്നുണ്ടോ ആമി : അയ്യോ ഇല്ലായെ ഞാൻ പറഞ്ഞത് ഞാൻ തന്നെ തിരിച്ചെടുത്തു അവൾ കൈക്കൂപ്പി കൊണ്ട് പറഞ്ഞു ഇത് കേട്ട് യാൻ പൊട്ടി ചിരിച്ചു..... യാൻ : ഡി നിന്റെ ഫ്രണ്ട്സ് എന്താ ഇങ്ങനെ നോക്കുന്നെ അപ്പോഴാണ് ഞാൻ അവരെ ശ്രദ്ധിച്ചത് എന്തോ പോയ അണ്ണാനെ പോലെ അവർ നിൽക്കുന്നുണ്ട് ഞാൻ അവർക്ക് വെളുക്കെ ഒന്ന് ചിരിച്ചുകൊടുത്തു 😁 യാൻ : ഡി നിന്നോട് ആണ് ചോദിച്ചത് ആമി : അത് അവർക്ക് അറിയില്ല നമ്മൾ ഇപ്പൊ ഫ്രണ്ട്സ് ആണെന്ന് അതാ അവർ ഇങ്ങനെ നോക്കി നിൽക്കുന്നെ 😁 യാൻ : ആ ബെസ്റ്റ് അങ്ങനെ അത് പറഞ്ഞ് കൊണ്ട് നിന്നപ്പോൾ ആണ് അക്കു വന്ന് യാനിനെ വിളിച്ചത്.... യാൻ : ഡി ഞാൻ പോയിട്ട് വരാം അതും പറഞ്ഞ് അവൻ ഒരു പോക്ക് പോയി... അവൻ പോയതും ദേ വരുന്നു നമ്മുടെ പട മാളു : ഞാൻ കണ്ടത് തന്നെയാണോ നിങ്ങൾ കണ്ടത് ഞാൻ ഇപ്പോഴും സ്വപ്ന ലോകത്തിൽ ആണോ ദീപു : അത് തന്നെയാ ഞങ്ങളും ചിന്തിക്കുന്നെ പൂച്ച : എന്താടി ഇതൊക്കെ 🙄 ആമി : അത് ഉണ്ടല്ലോ 😁.... കുക്കു : നീ കാര്യം പറയുന്നുണ്ടോ 🤨 അങ്ങനെ ആമി ഉണ്ടായത് എല്ലാം അവരോട് പറഞ്ഞു മാളു : അപ്പൊ അങ്ങനെ ആണ് കാര്യങ്ങൾ ആമി : മ്മ് അങ്ങനെ തന്നെ അങ്ങനെ അധികം മാറ്റം ഒന്നും ഇല്ലാതെ ആ ആഴ്ചയും കടന്നു പോയി... ഇതിന്റെ ഇടയിൽ യാൻ ഇവരോടും കമ്പനിയായി..... 💞💞💞💞💞💞💞 ദീപു  : എടി ആരാടി യാനിന്റെ കൂടെ ആ ഇരിക്കുന്ന പെൺകുട്ടി ആമി : അതെങ്ങനെ എനിക്ക് അറിയാനാ നിന്റെ കൂടെ തന്നെ അല്ലെ ഞാനും വന്നത് അതും പറഞ്ഞ് കൊണ്ട് അവൾ ആ പെൺകുട്ടിയേ ഒന്ന് നോക്കി ഒരു ഉമ്മച്ചി കുട്ടി കാണാൻ തന്നെ നല്ല മൊഞ്ചാണ്. പൊന്മാൻ  നീല കളറിലുള്ള ലെങ്തി അനാർക്കലിയായിരുന്നു ആ പെൺകുട്ടിയുടെ വേഷം. അതെ കളർ ഹിജാബ് തലയിൽ റൗണ്ട് ചെയ്ത് ചുറ്റിയിട്ടുണ്ട് കണ്ണ് കട്ടിക്ക് കറുപ്പിച്ച് എഴുതിയിരിക്കുന്നു. വേറെ ചമയങ്ങൾ ഒന്നും തന്നെ മുഖത്തില്ല. ചുവന്ന കുഞ്ഞിചുണ്ടുകൾ. ഒരു കൈയിൽ വച്ചും മാറുകയിൽ പൊന്മാൻ നീല കളറിലുള്ള കുപ്പിവളകൾ ആണ് ഇട്ടേക്കുന്നത്. അവളുടെ വെളുത്ത കൈയിൽ അത് കിടക്കുന്നത് കാണാൻ തന്നെ വല്ലാത്തൊരു ഭംഗിയാണ്. അവളെ നോക്കിയതിന് ശേഷം ആമി തന്നെ തന്നെ ഒന്ന് നോക്കി മാമ്പഴമഞ്ഞ നിറത്തിലുള്ള ഒരു ഫ്രോക് ആണ് താൻ ഇട്ടേക്കുന്നത് മുട്ട് വരെയേ അതിന് ഇറക്കമുള്ളൂ... കാണാൻ വലിയ കുഴപ്പം ഒന്നും ഇല്ല എന്ന് സ്വയം ചിന്തിച്ചിട്ട് അവൾ ഒന്നും കൂടി ആ പെൺകുട്ടിയേ നോക്കി എവിടെയോ ഒരു കുഞ്ഞു കുശുമ്പ് അവളിൽ വന്ന് നിറയുന്നത് അവൾ അറിയുന്നുണ്ടായിരുന്നു. തുടരും.... #നോവൽ #📙 നോവൽ #📔 കഥ #💞 പ്രണയകഥകൾ