🚩 छत्रपती शिवाजी महाराजांनी मराठा साम्राज्याची स्थापना ही स्वतःच्या युद्धनीती, युद्धकौशल्य व लष्करी डावपेच यांच्या बळावर केली होती. त्यांनी वेगवेगळ्या युद्धांमध्ये अवलंबिलेले लष्करी डावपेच व युद्धनीती ही जगातील महान युद्धनेते व युद्धनिती तज्ञ यांच्यामध्ये प्रकर्षाने उठून दिसणारी आहे व तिचे जागतिक लष्करी इतिहासामध्ये अनन्यसाधारण असे स्थान आहे. पाश्चात्य लेखकांनी त्यांना अलेक्झांडर दि ग्रेट, हानिबल, ज्युलियस सिझर, नेपोलियन यांच्या दर्जाच्या किंबहुना त्यांच्यापेक्षा वरचढ सेनानी म्हणून गौरविले आहे. छत्रपती शिवाजी महाराजांनी वेगवेगळ्या मोहिमांमध्ये अवलंबिले डावपेच गनिमी युद्धातील उच्च कोटीचे डावपेच आहेत असे दिसून येते. त्यांची युद्धनीती ही एक यशस्वी युद्धनिती ठरली. वडिलोपार्जित लहानशा जहागिरीचे रूपांतर त्यांनी मराठा साम्राज्यामध्ये करून दाखविले व ते करण्यासाठी त्यांनी अवलंबिलेली युद्धनीती व यशस्वीपणे पार पाडलेल्या लष्करी मोहिमा याच कारणीभूत आहेत. त्यांनी जवळजवळ शून्यातून निर्माण केलेल्या मराठा साम्राज्याची निर्मिती ही त्यांच्या कुटनीतीचे एक यशस्वी योगदान आहे. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त