Wisdom Media
📖നേർവായന
എപ്പിസോഡ് :1492
ഇന്നത്തെ വിഷയം:
ഇബ്രാഹിം മില്ലത്ത്
◼️ ഭാഗം - 01
➖➖➖ ➖➖➖➖➖➖
🔲വിശുദ്ധ ഖുർആനിൽ വിവിധ സ്ഥലങ്ങളിൽ മുഹമ്മദ് നബി ﷺ യോടും സത്യവിശ്വാസികളോടും ഇബ്രാഹിം മില്ലത്ത് പിന്തുടരണമെന്ന് അല്ലാഹു കൽപ്പിച്ചിട്ടുണ്ട്. ഒന്നാമതായി, അത് ഇബ്രാഹിം നബി عليه السلام യുടെ ശ്രേഷ്ഠതയെ അറിയിക്കുന്നു.
ثُمَّ أَوْحَيْنَآ إِلَيْكَ أَنِ ٱتَّبِعْ مِلَّةَ إِبْرَٰهِيمَ حَنِيفًا ۖ وَمَا كَانَ مِنَ ٱلْمُشْرِكِينَ
പിന്നീട്, നേര്വഴിയില് (വ്യതിചലിക്കാതെ) നിലകൊള്ളുന്നവനായിരുന്ന ഇബ്രാഹീമിന്റെ മാര്ഗത്തെ പിന്തുടരണം എന്ന് നിനക്ക് ഇതാ ബോധനം നല്കിയിരിക്കുന്നു. അദ്ദേഹം ബഹുദൈവവാദികളില് പെട്ടവനായിരുന്നില്ല. (ഖു൪ആന്:16/123)
ومن أعظم فضائله أن الله أوحى لسيد الخلق وأكملهم أن يتبع ملة إبراهيم، ويقتدي به هو وأمته.
ഇബ്റാഹീം നബിയുടെ മഹത്തായ ശ്രേഷ്ഠതകളിൽ പെട്ടതാണ്; അല്ലാഹു സൃഷ്ടികളിൽ ഏറ്റവും ഉത്തമനും പൂർണ്ണനുമായ മുഹമ്മദ് നബിക്ക്, അദ്ദേഹവും അദ്ദേഹത്തിന്റെ ഉമ്മത്തും ഇബ്റാഹീം നബിയുടെ മാര്ഗത്തെ പിൻപറ്റണമെന്നും അദ്ദേഹത്തെ മാതൃകയാക്കണമെന്നും വഹ്യ് നൽകി എന്നത്. (തഫ്സീറുസ്സഅ്ദി)
➖➖➖➖➖➖➖➖
Join Our WhatsApp Group:
https://qr1.be/4M9V
➖➖➖➖➖➖➖➖
രണ്ടാമതായി, ഇബ്രാഹിം മില്ലത്ത് പിന്തുടരുന്നവനേക്കാൾ ഉത്തമനായി മറ്റാരുമില്ല.
وَمَنْ أَحْسَنُ دِينًا مِّمَّنْ أَسْلَمَ وَجْهَهُۥ لِلَّهِ وَهُوَ مُحْسِنٌ وَٱتَّبَعَ مِلَّةَ إِبْرَٰهِيمَ حَنِيفًا ۗ وَٱتَّخَذَ ٱللَّهُ إِبْرَٰهِيمَ خَلِيلًا
സദ്വൃത്തനായിക്കൊണ്ട് തന്റെ മുഖത്തെ അല്ലാഹുവിന് കീഴ്പെടുത്തുകയും, നേര്മാര്ഗത്തിലുറച്ച് നിന്ന് കൊണ്ട് ഇബ്രാഹീമിന്റെ മാര്ഗത്തെ പിന്തുടരുകയും ചെയ്തവനേക്കാള് ഉത്തമ മതക്കാരന് ആരുണ്ട്? അല്ലാഹു ഇബ്രാഹീമിനെ സുഹൃത്തായി സ്വീകരിച്ചിരിക്കുന്നു. (ഖു൪ആന്:4/125)
മൂന്നാമതായി, മുഹമ്മദ് ﷺ പ്രബോധനം ചെയ്ത ദീൻ, ഇബ്രാഹിം നബി عليه السلام യുടെ ദീൻതന്നെയാണ്.
قُلْ إِنَّنِى هَدَىٰنِى رَبِّىٓ إِلَىٰ صِرَٰطٍ مُّسْتَقِيمٍ دِينًا قِيَمًا مِّلَّةَ إِبْرَٰهِيمَ حَنِيفًا ۚ وَمَا كَانَ مِنَ ٱلْمُشْرِكِينَ
പറയുക: തീര്ച്ചയായും എന്റെ രക്ഷിതാവ് എന്നെ നേരായ പാതയിലേക്ക് നയിച്ചിരിക്കുന്നു. വക്രതയില്ലാത്ത മതത്തിലേക്ക്. നേര്മാര്ഗത്തില് നിലകൊണ്ട ഇബ്രാഹീമിന്റെ ആദര്ശത്തിലേക്ക്. അദ്ദേഹം ബഹുദൈവവാദികളില് പെട്ടവനായിരുന്നില്ല. (ഖു൪ആന്:6/161)
➖➖➖➖➖➖➖➖
Like and Follow
Our Facebook page:
https://www.facebook.com/WisdomMediaChannel/
➖➖➖➖➖➖➖➖
يأمر تعالى نبيه صلى الله عليه وسلم، أن يقول ويعلن بما هو عليه من الهداية إلى الصراط المستقيم: الدين المعتدل المتضمن للعقائد النافعة، والأعمال الصالحة، والأمر بكل حسن، والنهي عن كل قبيح، الذي عليه الأنبياء والمرسلون، خصوصا إمام الحنفاء، ووالد من بعث من بعد موته من الأنبياء، خليل الرحمن إبراهيم عليه الصلاة والسلام، وهو الدين الحنيف المائل عن كل دين غير مستقيم، من أديان أهل الانحراف، كاليهود والنصارى والمشركين.
അല്ലാഹു തന്റെ മുഹമ്മദ് ﷺ യോട് താൻ നിലകൊള്ളുന്ന ആ നേർമാർഗ്ഗത്തെക്കുറിച്ചുള്ള (സ്വിറാത്തും മുസ്തഖീം) ഹിദായത്ത് ജനങ്ങളോട് പറയുവാനും പ്രഖ്യാപിക്കുവാനും കൽപ്പിക്കുന്നു. അത് ഉപകാരപ്രദമായ അഖീദകളും (വിശ്വാസങ്ങൾ), സൽക്കർമ്മങ്ങളും, എല്ലാ നന്മകളോടുള്ള കൽപ്പനകളും, എല്ലാ തിന്മകളിൽ നിന്നുമുള്ള വിലക്കുകളും ഉൾക്കൊള്ളുന്ന സന്തുലിതമായ ഒരു ദീനാണ്. എല്ലാ പ്രവാചകന്മാരും മുർസലുകളും നിലകൊണ്ട പാതയാണത്; പ്രത്യേകിച്ചും ഹനീഫുകളുടെ ഇമാമും, തന്റെ വഫാത്തിന് ശേഷം നിയോഗിക്കപ്പെട്ട എല്ലാ പ്രവാചകന്മാരുടെ പിതാവും, അല്ലാഹുവിന്റെ ഖലീലുമായ ഇബ്രാഹീം നബി عليه السلام നിലകൊണ്ട പാത. യഹൂദർ, ക്രിസ്ത്യാനികൾ, മുശ്രിക്കുകൾ തുടങ്ങിയ വക്രതയുള്ളവരുടെ (അഹ്ലുൽ ഇൻഹിറാഫ്) എല്ലാ മതങ്ങളിൽ നിന്നും തിരിഞ്ഞ്, നേരായ മാർഗ്ഗത്തിലേക്ക് മാത്രം ചരിഞ്ഞുനിൽക്കുന്ന ഹനീഫിയ്യത്തായ ദീനാണത്. (തഫ്സീറുസ്സഅ്ദി)
➖➖➖➖➖➖➖
Like and Follow
Our Instagram Page:
https://www.instagram
.com/wisdom_media_channel/
➖➖➖➖➖➖➖➖
നാലാമതായി, ഇബ്രാഹിം മില്ലത്ത് തെളിമയാര്ന്ന മാര്ഗമാണ്.
قُلْ صَدَقَ ٱللَّهُ ۗ فَٱتَّبِعُوا۟ مِلَّةَ إِبْرَٰهِيمَ حَنِيفًا وَمَا كَانَ مِنَ ٱلْمُشْرِكِينَ
(നബിയേ,) പറയുക: അല്ലാഹു സത്യം പറഞ്ഞിരിക്കുന്നു. ആകയാല് ശുദ്ധമനസ്കനായ ഇബ്രാഹീമിന്റെ മാര്ഗം നിങ്ങള് പിന്തുടരുക. അദ്ദേഹം ബഹുദൈവാരാധകരുടെ കൂട്ടത്തിലായിരുന്നില്ല. (ഖു൪ആന്:3/95)
ثم أمرهم باتباع ملة أبيهم إبراهيم عليه السلام بالتوحيد وترك الشرك الذي هو مدار السعادة
പിന്നീട്, വിജയത്തിന്റെയും സന്തോഷത്തിന്റെയും അച്ചുതണ്ടായ തൗഹീദ് മുറുകെപ്പിടിക്കാനും ശിർക്ക് പൂർണ്ണമായി ഉപേക്ഷിക്കാനും വേണ്ടി തങ്ങളുടെ പിതാവായ ഇബ്രാഹീം عليه السلام യുടെ മാർഗ്ഗത്തെ പിൻപറ്റാൻ അല്ലാഹു അവരോട് കൽപ്പിച്ചു. (തഫ്സീറുസ്സഅ്ദി)
➖➖➖➖➖➖➖➖➖
Source: Kanzul uloom
##peaceradio #wisdommedia #wisdomislam #wisdomglobaltv #wisdomislamicorganization
