#స్నేహం_ప్రేమ_శృంగారం కాలం మారింది మనుషులు మారారు కానీ కొన్ని బంధాల విలువ మాత్రం మారకూడదు. ఒకప్పుడు ఆడవారు ఆడవారితో మగవారు మగవారితో స్నేహం చేసేవారు. తర్వాత ఆడ మగ మధ్య కూడా అందమైన స్నేహాలు పుట్టాయి. అప్పట్లో ఒక మాట వినిపించేది. #స్నేహానికి_ప్రేమకు_మధ్య_ఒక_సన్నని_గీత_ఉంటుంది. కొంతమంది స్నేహితులు ఎప్పటికీ ప్రేమికులు కాలేరన్నారు. మరికొంతమంది మంచి స్నేహితులే మంచి ప్రేమికులు అవుతారని చెప్పారు. రెండు అభిప్రాయాలూ సమాజంలో నిలిచాయి. సినిమాలయ్యాయి. విజయాలు సాధించాయి. కానీ ఇప్పుడు వినిపిస్తున్న మాట మాత్రం నన్ను భయపెడుతోంది. #శృంగారం_లేని_ప్రేమకు_అర్థం_లేదు_ప్రేమను_నిరూపించేది #శృంగారమే. ఈ మాటలు చెబుతున్నవాళ్లు జీవితాన్ని చూడని వాళ్లు కాదు. జీవిత భాగస్వామి ఉన్నవాళ్లు. పిల్లలకు తల్లిదండ్రులైనవాళ్లు. అప్పుడు నా మనసులో ఒక్క ప్రశ్న వస్తుంది. మీ జీవిత భాగస్వామిని ప్రేమిస్తున్నానని చెబుతూనే మరొకరి దగ్గర కూడా అదే ప్రేమను వెతకడం దాన్ని కూడా ప్రేమే అని నమ్మడం అది నిజంగా ప్రేమేనా లేక మనసు తన కోరికలకు పెట్టుకున్న అందమైన పేరా? When your second love is true, leave the first. Because if you truly loved the first, you would never have fallen for the second. ఈ వాక్యం నిజమో కాదో పక్కన పెడితే ఒక విషయం మాత్రం నిజం. శృంగారం కూడా ఒక భావోద్వేగమే. ఒక భావోద్వేగం ఒకరి దగ్గర ఆగకపోతే రెండో వ్యక్తి దగ్గరే ఆగిపోతుందని ఎవరు హామీ ఇవ్వగలరు? ఒకప్పుడు మనసు నొప్పిస్తే స్నేహితుడి భుజం వెతికేవాళ్లు. ఇప్పుడు శరీరం కోరుకుంటే స్నేహం అనే పేరు వెతుకుతున్నారు. ఒకప్పుడు స్నేహం అంటే నమ్మకం. ఇప్పుడు కొందరికి స్నేహం అంటే అవకాశం. ఒకప్పుడు స్నేహితుడు అంటే కష్టంలో చేయి పట్టేవాడు. ఇప్పుడు కొందరికి స్నేహితుడు అంటే ఒంటరితనాన్ని ఉపయోగించుకునేవాడు. #అందరికీ_కాదు. కానీ కొందరి వల్ల స్నేహం అనే పవిత్రమైన పదం కూడా అనుమానంగా మారుతోంది. మనం తల్లిదండ్రులను ప్రేమిస్తాం. అన్నదమ్ములను ప్రేమిస్తాం. మన పిల్లలను ప్రేమిస్తాం. ఆ ప్రేమకు శృంగారం అవసరం లేదు. అలాగే ఒక స్నేహితుడిని కూడా హృదయపూర్వకంగా ప్రేమించవచ్చు. అతని మంచి కోసం కోరుకోవచ్చు. అతని బాధలో తోడుగా నిలవచ్చు. ప్రతి ప్రేమకు శృంగారం అవసరం లేదు. ప్రతి దగ్గరితనం కామం కాదు. ప్రతి అనుబంధానికి శరీరం అవసరం లేదు. కొన్ని బంధాలు చేతులు పట్టుకోవడం వల్ల కాదు. మనసులు నిలబెట్టుకోవడం వల్ల గొప్పవి అవుతాయి. స్నేహం ప్రేమగా మారొచ్చు. కానీ ప్రేమ పేరుతో ప్రతి బంధాన్ని శృంగారంగా మార్చకండి. ఎందుకంటే శరీరాలు కలిసిన ప్రతిసారి బంధం పుట్టదు. కానీ రెండు స్వచ్ఛమైన మనసులు కలిసిన చోట జీవితాంతం నిలిచిపోయే స్నేహం పుడుతుంది. ఆ స్నేహాన్ని కామంతో కాదు గౌరవంతో కాపాడుకుందాం. ఈ పోస్ట్ అందరిని ఉద్దేశించినది కాదు 🙏🙏🙏 #♥️మంచి మాట మీ నోట...ఇది ఆలోచించండి♥️ #just think about it #Think about it... #💗నా మనస్సు లోని మాట #నేటి లోకం తీరు...!!