🙏✍️ नुसतें 'छत्रपती शिवाजी महाराज की जय' म्हणून भागायचें नाहीं मित्रानो 🙏☝🏼 तें तर कुणालाही म्हणता येतें ? आपण त्या राजाचे अनुगत म्हणवितों, तर हें आपल्याला केले पाहिजे. हिरोजी इंदुलकरानी लिहून ठेवले आहे, "वापीकूपतडागराजिरुचीरैर्हम्यैर्वनैर्वीथिकै: स्तंभै: कुंभिगृहैर्नरेंद्रसदनै:।" हे एवढं शिवाजीराजानी इथे (रायगडावर) बांधलं. यांतले काय काय कुठें कुठें होतें, हें शोधून काढले पाहिजे. म्हणजे मग छत्रपतींविषयींचा आदर डोळस होईल. केवळ आपला आदर डोळस होऊनही भागायचे नाहीं. विलायतेंतल्या महारथींचे सगळे सगळे अगदीं जपून राखलें आहे. आजहि तें पाहायला मिळते. आमच्या या थोर नृपतीचे हें मोठेपण, ही चतुराई आम्हीं हुडकून काढली पाहिजे, राखली पाहिजे, आणि ती गर्जून जगाला सांगितली पाहिजे. आत्मसंतुष्टता आतां पुरे झाली. हें कवतिक रचीत असतां छत्रपति, मोरोपंत, आबाजी सोनदेव अन् हिरोजी इंदुलकर या चौघांच्या किती बैठकी झाल्या असतील ? किती नकाशे आंखले असतील ? किती नवनव्या गोष्टी सुचल्या असतील ? किती वेळां राजा या तिघांना सवें घेऊन गडभर हिंडला असेल ? हें इथे अमुक बांधायचे, तिथें तमुक, असे त्यानेंच सुचविलें असेल. स्वतः राजाच्या मनीं भावी गडाची रेषाचित्रें कशी असतील ? त्यांतली किती प्रत्यक्षात आली असतील ? गड बांधून झाल्यावर आपला राजा जेव्हा पुन्हां गडावर हिंडला असेल, तेव्हा त्याच्या मनी एकीकडे कौतुक दाटत असेल. एकीकडे असंतोष, तो असेल अपूर्णतेचा. हें अमुक राहिलं, याचा.... आपल्या कलाकृतीविषयी असंतोष धुमसत राहणें, हें उत्तम कलाकाराचे लक्षण आहे. राजा शिवछत्रपति हा एक पहिल्या प्रतीचा कलाकार होता. गोपाल नीलकण्ठ दाण्डेकर...✍🏼 छत्रपती एक विचार सातासमुद्रापार #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त