🙏 जिजाऊंनी शिवरायांसाठी ठेवलेले २५ लाख होन 🚩 शिवरायांवर जिजाऊंचे फार प्रेम होते. जिजाऊंच्या संस्कारांनी शिवरायांना 'छत्रपती शिवाजी महाराज' केले होते. मुलगा कितीही मोठा झाला तरी आईची माया कधीच कमी होत नाही. ती नेहमी आपल्या मुलाची काळजी घेत असते. महाराजांच्या राज्याभिषेकावेळी फार खर्च झाला होता. दान खूप दिले होते. सभासद म्हणतो १ कोटी ४२ लाख होन म्हणजे एक होनाची किंमत ३.५ रुपये धरल्यास ४,९७०,०००० रुपये एवढा खर्च राज्याभिषेकाचा झाला होता. त्यावेळी स्वराज्याच्या तिजोरीवर नक्कीच भार आला असणार. जिजाऊंनाही त्याची चिंता असेलच. एक डच पत्र याची साक्ष देते. दि. ३ ऑक्टोबर १६७४ ला वेंगुर्लाहुन बताव्हिया ला एक पत्र लिहिले गेले. त्यात छत्रपती शिवाजी महाराजांच्या राज्याभिषेकबद्दलची हकीकत होती. त्यात राज्याभिषेकाचे सविस्तर वर्णन त्याने केलेले होते. राज्याभिषेक सोहळ्याचे वर्णन करून आणि हकीकत सांगून पुढे तो लिहितो 'शिवाजीराजांची आई ८० वर्षाची वयातीत वृद्ध होती. तरी राज्याभिषेकाला उपस्थित राहून १२ च दिवसांनी त्या मरण पावल्या. त्यांनी २५ लाख होन काहींच्या मते अधिकच आपल्या मुलाला मागे ठेवले'. १२ दिवस सांगताना त्याची गल्लत झाली असावी. पण यात महत्वाचे हे की जिजाऊंनी शिवरायांना २५ लाख होन मागे ठेवले होते. शिवरायांना त्या पैशाची नक्कीच मदत झाली असणार. आईची माया कधी कमी होत नाही याचे हे उत्तम उदाहरण. शिवछत्रपतींच्या खऱ्या अर्थाने जर गुरू कोण असतील तर त्या राजमाता जिजाऊ माँसाहेबच होत्या🙏 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त