#🍲 ഭക്ഷണപ്രേമി *🌶️ ഇന്നത്തെ പാചകം 🍳* *റാഗി ഡ്രൈ ഫ്രൂട്ട്സ് സ്മൂത്തി* +-------+-------+------+-------+ ```പോഷകഗുണങ്ങൾ ഏറെയുള്ള റാഗി ഡ്രൈ ഫ്രൂട്ട്സ് സ്മൂത്തി ട്രൈ ചെയ്തു നോക്കൂ. കാൽസ്യത്തിന്റെയും ഇരുമ്പിന്റെയും കലവറയായ റാഗി കുട്ടികൾക്കും മുതിർന്നവർക്കും ഒരുപോലെ ഉത്തമമാണ്. റാഗി കഞ്ഞി രൂപത്തിലോ കുറുക്കായോ കഴിച്ച് മടുത്തവർക്ക് തീർച്ചയായും ഈ പുതിയ രീതി ഏറെ ഇഷ്ടപ്പെടും. ഇതിൽ ചേർക്കുന്ന വാൽനട്ട്, ബദാം, കശുവണ്ടി, ഈന്തപ്പഴം എന്നിവ ശരീരത്തിന് ആവശ്യമായ ഊർജ്ജവും പ്രോട്ടീനും പ്രദാനം ചെയ്യുമ്പോൾ, ചിയാ വിത്തുകളും പഴവും ചേർക്കുന്നത് ഇതിന്റെ പോഷകമൂല്യം ഇരട്ടിയാക്കുന്നു. ``` _______________________ *ചേരുവകൾ* _____________________ _റാഗിപ്പൊടി- 5 ടേബിൾസ്പൂൺ_ _വെള്ളം- 1 കപ്പ്_ _വാൽനട്ട്- 4 എണ്ണം_ _കശുവണ്ടി - കുറച്ച്_ _ബദാം - കുറച്ച്_ _ഈന്തപ്പഴം- 3 എണ്ണം_ _വാനില എസ്സെൻസ്സ്- 1 ടീസ്പൂൺ_ _റോബസ്റ്റ പഴം- 1 എണ്ണം_ _പാൽ- 1 കപ്പ്_ _ചിയ വിത്ത്- 1 ടേബിൾസ്പൂൺ_ _____________________ *തയ്യാറാക്കുന്ന വിധം* _____________________ ```ഒരു ടേബിൾസ്പൂൺ ചിയാവിത്ത് അൽപം പാലിൽ കുതിർക്കാൻ മാറ്റി വക്കാം. ഒരു പാൻ അടുപ്പിൽ വച്ച് അതിലേക്ക് 5 ടേബിൾസ്പൂൺ റാഗിപ്പൊടി ചേർത്തു വറുക്കാം. ഇതിലേക്ക് ഒരു കപ്പ് വെള്ളം ഒഴിച്ച് നന്നായി കുറിക്കിയെടുക്കാം. ശേഷം അടുപ്പണച്ച് അൽപ സമയം തണുക്കാൻ മാറ്റി വക്കാം. റാഗി തണുത്തതിനു ശേഷം ഇതിലേക്ക് വെള്ളത്തിൽ കുതിർത്ത 4 ബദാം തൊലി കളഞ്ഞതും, കശുവണ്ടിയും, കുരുകളഞ്ഞ ഈന്തപ്പഴവും ചേർക്കാം. നന്നായി പഴുത്ത ഒരു റോബസ്റ്റ പഴം നുറുക്കിയതും, ഒരു ടീസ്പൂൺ വാനില എസ്സെൻസ്സും ഇതിലേക്കു ചേർക്കാം. ഒരു കപ്പ് പാൽ കൂടി ഇതിലേക്ക് ഒഴിച്ചതിനുശേഷം മിക്സിയിൽ അടിച്ചെടുക്കാം. ശേഷം ഗ്ലാസിലേക്കു പകരാം. പാലിൽ കുതിർത്ത ചിയ വിത്തുകൾ ഇതിനു മുകളിൽ ചേർക്കാം. ഇനി ആസ്വദിച്ചു കുടിച്ചോളൂ. ``` +-------+-------+------+-------+