జారె ఆదినారాయణ ఎమ్మెల్యే ఫాలోవర్స్
అన్నపురెడ్డిపల్లి మండలంలో పలు అభివృద్ధి, సంక్షేమ కార్యక్రమాల్లో పాల్గొన్న ఎమ్మెల్యే జారె ఆదినారాయణ గారు
27.06.2026 - శనివారం
అశ్వారావుపేట నియోజకవర్గం అన్నపురెడ్డిపల్లి మండలంలో గౌరవ ఎమ్మెల్యే జారె ఆదినారాయణ గారు విస్తృతంగా పర్యటించి పలు ప్రభుత్వ సంక్షేమ, అభివృద్ధి కార్యక్రమాల్లో పాల్గొన్నారు.
మండల కేంద్రంలో రాష్ట్ర ప్రభుత్వం ప్రతిష్ఠాత్మకంగా అమలు చేస్తున్న కళ్యాణలక్ష్మి, షాదీ ముబారక్, ముఖ్యమంత్రి సహాయనిధి (CMRF) పథకాల కింద మంజూరైన చెక్కులను అర్హులైన లబ్ధిదారులకు ఎమ్మెల్యే అందజేసి, ప్రభుత్వం ప్రజా సంక్షేమానికి కట్టుబడి పనిచేస్తోందని తెలిపారు.
అనంతరం కేంద్ర ఎన్నికల సంఘం చేపట్టిన స్పెషల్ ఇంటెన్సివ్ రివిజన్ (SIR) కార్యక్రమాన్ని మర్రిగూడెం, అన్నపురెడ్డిపల్లి, అబ్బుగూడెం గ్రామపంచాయతీల్లో పరిశీలించారు. ఇంటింటికీ వెళ్లి ఓటర్ల వివరాలను సేకరిస్తున్న బీఎల్వోల పనితీరును పరిశీలించడంతో పాటు, కాంగ్రెస్ పార్టీ నియమించిన బూత్ లెవల్ ఏజెంట్లకు అవసరమైన సూచనలు చేశారు.
ఈ సందర్భంగా ఎమ్మెల్యే మాట్లాడుతూ, "అర్హత కలిగిన ప్రతి ఒక్కరికీ ఓటు హక్కు అందేలా చూడటం మనందరి బాధ్యత. అలాగే ఇప్పటికే ఓటు హక్కు ఉన్న వారి పేర్లు ఎలాంటి కారణాలతోనూ జాబితా నుంచి తొలగిపోకుండా అధికారులు, బీఎల్వోలు, బీఎల్ఏలు సమన్వయంతో పారదర్శకంగా పనిచేయాలి" అని సూచించారు. 18 సంవత్సరాలు పూర్తి చేసుకున్న యువతీ యువకులు తప్పనిసరిగా ఓటరుగా నమోదు చేసుకునేలా అవగాహన కల్పించాలని కోరారు.
అలాగే ప్రజలు కూడా తమ వివరాలను సక్రమంగా అందించి ఓటరు జాబితా ప్రక్షాళన కార్యక్రమానికి సహకరించాలని పిలుపునిచ్చారు.
పర్యటనలో భాగంగా శాంతినగర్, ఎర్రగుంట గ్రామాల్లో నిర్మాణంలో ఉన్న పాఠశాల ప్రహరీ గోడలు, VO భవనాలు, భవిత భవనాల నిర్మాణ పనులను పరిశీలించి, పనులను నాణ్యతతో త్వరితగతిన పూర్తి చేయాలని అధికారులను ఆదేశించారు.
ఈ కార్యక్రమంలో మండల అధ్యక్షులు పర్సా వెంకట్ గారు, సీనియర్ నాయకులు వనమా గాంధీ గారు, భానోత్ భీముడు గారు, వేముల రమణ గారు, సర్పంచ్ కోండ్రు సృజన గారు, యూత్ కాంగ్రెస్ మండల అధ్యక్షులు వేముల నరేష్ గారు, ఎంఆర్ఓ స్వర్ణ గారు, ఎంపీడీఓ గారు, పీసీసీ జిల్లా సభ్యులు వీరబోయిన నాగేశ్వరరావు గారు, దుబ్బాకుల రాము గారు, మరకాల లక్ష్మారెడ్డి గారు, ఎన్ఎస్యూఐ మండల అధ్యక్షులు బాజీబాబా గారు, బాలసాని శ్రీను గారు, కోండ్రు రత్నం బాబు గారు తదితరులు పాల్గొన్నారు. #🌍నా తెలంగాణ #కాంగ్రెస్ పార్టీ తెలంగాణ #🔹కాంగ్రెస్ #🏛️రాజకీయాలు #కాంగ్రెస్
