OBSESSION 💗 #♥Cute couple videos #trending #story #status #love

#📙 നോവൽ - കാശിയുടെ പെണ്ണ് 💐💐 🔻 പാർട്ട് _94 ✍️ രചന - ജിഫ്ന നിസാർ. 💥 വാതിൽ തുറന്നിറങ്ങി വരുന്നവനോട് എന്തൊക്കെയോ ചോദിക്കാൻ കരുതി ഒരുങ്ങി നിന്നവർ.. മുഖമാകെ വലിഞ്ഞു മുറുകി കൊണ്ട് ഇറങ്ങി വരുന്നവനെ കണ്ടപ്പോൾ പിന്നെ മിണ്ടാട്ടമില്ലാതെ അങ്ങനെ തന്നെ നിന്നു പോയി. കാശിയാവട്ടെ ആരെയും നോക്കാതെ നേരെ പുറത്തേക്കിറങ്ങി പോകുകയാണ് ചെയ്തത്. പുറത്തെ കസേരയിലും തിണ്ണയിലുമായി അവിടെയും ആളിരിപ്പുണ്ട്. അത് വരെയും അശോകന്റെ തിരോധാനത്തെ കുറിച്ച് പറഞ്ഞവർ.. കാശ്ശിക്കൊപ്പം കാർത്തു കയറി വന്നതോടെ അവരെ കുറിച്ചായിരുന്നു പിന്നെ ചർച്ച. അവനിറങ്ങി ചെല്ലുന്നത് കണ്ടതും അവരത് നിർത്തി. അവരെയും നോക്കാതെ മുറ്റക്കേക്കിറങ്ങി കൊണ്ട് പോക്കറ്റിൽ നിന്നും ഫോൺ എടുത്തവൻ ഗേറ്റിൽ നിന്നും കേട്ട തന്റെ ബുള്ളറ്റിന്റെ ഹോൺ കേട്ടാണ് മുഖമുയർത്തി നോക്കിയത്. അതോടെ ശിവയെ വിളിക്കാൻ എടുത്ത ഫോൺ തിരികെയിട്ട് കൊണ്ടവൻ ധൃതിയിൽ അവന്റെ അരികിൽർക്ക് ചെന്നു. 'എന്തായെടാ.. ഇവിടെ പ്രശ്നം വല്ലതുമുണ്ടോ..തുളസി ചേച്ചിയും കാർത്തുവും തമ്മിൽ.." ശിവ അവനെ കണ്ടതെ ആദ്യം അതാണ് ചോദിച്ചത്. "ഇത് വരെയുമില്ല ഡാ.." കാശി പറഞ്ഞു കൊണ്ട് തന്നെ അവന്റെ നേർക്ക് കൈ നീട്ടി. ശിവ പോക്കറ്റിൽ നിന്നും അവന്റെ പഴയ ഫോൺ എടുത്തു കൊണ്ടാ കയ്യിലേക്ക് വച്ചു കൊടുത്തു. കാശി അത് സ്വിച്ച് ഓൺ ചെയ്ത് കൊണ്ട് ആകാംഷയോടെ അതിലേക്ക് നോക്കി. തന്റെ ഊഹം ശെരിയാണെങ്കിൽ അശോകന്റെ ജീവന് പകരം തന്നേ ക്ഷണിച്ചു കൊണ്ടൊരു കോൾ ഇപ്പൊ വന്നേക്കും. ശത്രു ആരായാലും.. അവൻ താനിവിടെ വന്നിറങ്ങിയ നിമിഷം അത് അറിഞ്ഞു കാണും. തന്നെ വിളിക്കാൻ ശ്രമിച്ചു കാണും.. "അവൻ തന്നെ ആവോ ഡാ.." ശിവ ടെൻഷനോടെ കാശിയുടെ അരികിൽ വന്ന് നിന്നു കൊണ്ട് ചോദിച്ചു. "ഉറപ്പില്ല ശിവ.. പക്ഷേ തുളസി ചേച്ചി പറഞ്ഞതൊക്കെ വെച്ച് ഞാൻ കണക്ട് ചെയ്യുമ്പോൾ.. എനിക്കവനെ അല്ലാതെ വേറെ ആരോടും ഒരു സംശയവും തോന്നുന്നില്ല.. ഞാൻ പറഞ്ഞത് പോലെ നീ മുരുകനെ വിളിച്ചില്ലേ.. കാശി ചോദിച്ചു. "മ്മ്.. നീ പറഞ്ഞത് പോലൊക്കെ പറഞ്ഞിട്ടുണ്ട്.. ഇന്ന് പത്തു മണിക്കുള്ളിൽ വിവരം തരാം നിന്റെ ഫോണിൽ വിളിക്കാം എന്നൊക്കെയാണ് എന്നോട് പറഞ്ഞത്." കാശികറിയുന്ന വേറൊരു ടീം ലീഡർ ആണ് മുരുകൻ. അശോകൻ എവിടെ ഉണ്ടെന്ന് അന്വേഷിച്ചു നോക്കാനാണ് അവനോട് കാശി പറഞ്ഞതായി ശിവ അറിയിച്ചത്. ഡാ.. വീണ്ടും ഫോണിൽ നോക്കി നിൽക്കുന്നവന്റെ തോളിൽ പിടിച്ചു കൊണ്ട് ശിവ വിളിക്കുമ്പോൾ കാശി നെറ്റി ചുളിച്ചു കൊണ്ടവനെ നോക്കി. "ഡാ.. അത്.." ശിവക്ക് പറയാനൊരു ബുദ്ധിമുട്ടുണ്ട്. കാശി നേർത്ത ചിരിയോടെ അവനെ നോക്കി. "എനിക്കറിയാ ഡാ.. ഞാനൊരു അപകടത്തിൽപ്പെട്ടപ്പോൾ.. അത് ഞാൻ ചെയ്യാത്ത തെറ്റാണെന്ന് ഉറപ്പുണ്ടായിട്ട് കൂടി എനിക്ക് വേണ്ടി ഒന്നും ചെയ്യാത്ത ആൾക്ക് വേണ്ടി ഇതൊക്കെ വേണോ എന്നല്ലേ.." ശിവ പറയാൻ വന്നത് തന്നെ കാശി എടുത്തു ചോദിച്ചു. അവൻ അതേ എന്ന് തലയാട്ടി. "എന്നോട് എങ്ങനെ ആയിരുന്നാലും എനിക്കാ മനുഷ്യനോടൊരു കടപ്പാടുണ്ട് ശിവ.. പിന്നെ.. പിന്നെ ഇപ്പോഴെന്റെ കാർത്തുവിന്റെ അച്ഛൻ കൂടിയല്ലേ.. അവൾക്ക് വേണ്ടി ഞാൻ..ഇത്‌ ചെയ്യണ്ടേ.എങ്ങനാടാ എനിക്ക് കണ്ടില്ലെന്ന് നടിക്കാൻ കഴിയുന്നത്.. നീ ഒന്നും പറയേണ്ട.. അതെനിക്ക്... വേണ്ട ശിവ.." കാശിയവന്റെ തോളിലൊന്ന് തട്ടി. അശോകന്റെ മകൾ എന്ന് പറഞ്ഞിട്ട് അവൻ ഉള്ളിലെ തിളച്ചു മറിയുന്ന പ്രണയം പോലും ഒളിപ്പിച്ചു പിടിച്ചു കൊണ്ട് മാറ്റി നിർത്തിയവൾ.. ഇന്നിപ്പോൾ അവൾക്ക് വേണ്ടി അശോകേട്ടനെ രക്ഷിക്കാൻ വന്നിരിക്കുന്നു. മാറ്റങ്ങൾ തന്നെയാണത്. സ്നേഹിച്ചു പോയാൽ അവർക്കൊപ്പം കാശി നാഥൻ ഉണ്ടാവും എന്നതിന്റെ മാറ്റങ്ങൾ. ശിവ പിന്നൊന്നും പറഞ്ഞില്ല.. "ഞാൻ പറഞ്ഞ ആ ഫയൽ നീ വാസുവെട്ടനെ ഏല്പിച്ചില്ലേ.." കാശി വീണ്ടും ചോദിച്ചു. അപ്പോഴെല്ലാം അവന്റെ ശ്രദ്ധ ഫോണിൽ തന്നെയാണ്. വന്ന് കിടക്കുന്ന നൂറ് കിടക്കുന്ന കോൾ.. മെസ്സേജ്.. ഇവയിൽ അവന് അത്യാവശ്യം എന്ന് തോന്നുന്നത് മാത്രം തിരഞ്ഞു പിടിച്ചു നോക്കുകയാണ്. "അത് നീ പറഞ്ഞന്ന് തന്നെ കൊണ്ട് പോയി കൊടുത്തു.. അന്നങ്ങനെ ചെയ്‍തത് നന്നായെടാ.. നീ പോയി പിറ്റേന്ന് നിന്റെ അശോകേട്ടൻ ആദ്യവും പിറകെ മൂപ്പരെ മരുമോനും നിന്റെ വീട്ടിൽ കയറി അരിച്ചു പൊറുക്കി നോക്കിയിരുന്നു. ഇതെങ്ങാനും അവരുടെ കയ്യിൽ കിട്ടിയിരുന്നേൽ. ആ നാറിയെ കുടുക്കാൻ നീ ഇന്ന് വരെയും ചെയ്ത് കൂട്ടിയതെല്ലാം വെറുതെ ആയി പോയേനെ.." ശിവയൊരു നെടുവീർപ്പോടെ പറഞ്ഞു. "അതങ്ങനെ തന്നെ വരുമെന്ന് എനിക്കറിയാമായിരുന്നു.. അവനെ കുറിച്ച് എനിക്കെന്തോക്കെയോ തെളിവുകൾ കിട്ടിയെന്നുള്ളത് അവനറിയാം. ഇനി അതൊക്കെ തന്നെയാണ് അവനെതിരെ ഞാൻ കരുതി വെച്ച ആയുധങ്ങളും." കാശിയുടെ കണ്ണുകൾ തിളങ്ങി. വീണ്ടും അവനെന്തോ പറയാൻ തുടങ്ങും മുൻപ് കാശിയുടെ ഫോൺ ബെല്ലടിച്ചു. രണ്ടു പേരും പരസ്പരം നോക്കി. "അവനാണോ.. ശിവ ചോദിച്ചു. "അല്ല.. ഇതൊരു നമ്പറിൽ നിന്നാണ്.. പക്ഷേ ആരായാലും ഇതും അവന്റെ ബിനാമി ആയേക്കും.." അത്‌ പറഞ്ഞിട്ട് ശിവയോട് മിണ്ടരുത് എന്നാഗ്യം കാണിച്ചിട്ട് അവനാ കോൾ അറ്റന്റ് ചെയ്തു. ആറ്റി കുറുകിയ സംഭക്ഷണങ്ങൾ മാത്രം.. പക്ഷേ വലിഞ്ഞു മുറുകി നിൽക്കുന്ന ആ മുഖത്തെക്ക് നോക്കുമ്പോൾ ശിവയുടെ നെഞ്ചിടിപ്പേറി. എന്തോ ആപത്തു വരാൻ പോകുന്നുണ്ടെന്ന് മുന്നറിയിപ്പ് കൊടുക്കും പോലെ അവന്റെ ഹൃദയം അതി ശക്തമായി മിടിച്ചു കൊണ്ടേയിരുന്നു. "ഞാൻ വരാം.. പക്ഷേ അശോകേട്ടന്റെ ദേഹതൊരു തരി മണ്ണ് പോലും വീഴാൻ പാടില്ല.. അങ്ങനെ എങ്ങാനും ഉണ്ടായാൽ.. അറിയാലോ നിങ്ങൾക്കെന്നെ.. അശോകേട്ടനെതിരെ കളിക്കാനിറങ്ങുമ്പോൾ അയാളുടെ കൂടെ ഉണ്ടായിരുന്ന കാശി നാഥനെയും നിങ്ങൾക്കറിയാതെ പോവില്ല.." കടുപ്പത്തിൽ അവനത് പറയുമ്പോൾ ശിവ അവനെ തന്നെ നോക്കി നിൽപ്പാണ്. ശിവ മാത്രമല്ല. സിറ്റൗട്ടിൽ നിന്നും അവരിലേക്കാ നോട്ടം നീണ്ടു വരുന്നുണ്ട്.. "നിങ്ങൾക്കാവിശ്യം എന്നെയല്ലേ..ഞാൻ വരും.. അതിനിടയിൽ എന്റെ ഭാര്യക്കെന്ത് റോൾ.. അത് നടക്കില്ല.." പെട്ടന്ന് ഉറക്കെ.. ശിവയെ പോലും ഞെട്ടിച്ചു കൊണ്ടവന്റെ ശബ്ദമുയർന്നു. കാശി.. പതിയെ.. " സിറ്റൗട്ടിൽ നിൽക്കുന്നവർക്ക് നേരെ നോക്കി കൊണ്ട് ശിവ ഓർമ്മിപ്പിച്ചു. കാശി കണ്ണുകൾ അടച്ചു കൊണ്ട് പല്ല് കടിച്ചു പിടിച്ചു ദേഷ്യമൊതുക്കി. "വേണ്ട.. ഇതിന്റെ പേരിൽ ഇനിയൊന്നും ബാക്കി വേണ്ട . ഞാൻ വരും." പിന്നെയും എന്തൊക്കെയോ വാക്ക് തർക്കങ്ങൾക്ക് ശേഷം കാശി അവസാനവാക്കെന്നോണം പറഞ്ഞു കൊണ്ടാ കോൾ കട്ട് ചെയ്തു. "എന്താ ഡാ. അവരെന്താ പറഞ്ഞത്.." ശിവ കാശിയെ നോക്കി. "അവരെന്നോട് ചെല്ലാൻ.. കൂടെ.. കൂടെ കാർത്തുവിനെയും കൂട്ടാൻ.." കാശി തല കുടഞ്ഞു. "അത് വേണോ ഡാ.." ശിവ ആശങ്കയോടെ അവന്റെ കയ്യിൽ അമർത്തി പിടിച്ചു. "ജീവൻ പോണ വരെയും അവളെ സംരക്ഷിക്കാൻ എനിക്കാവും ശിവ..." എന്തൊക്കെയോ തീരുമാനമെടുത്തു ഉറപ്പിച്ചത് പോലാണ് അവന്റെയാ വാക്കുകൾ. അതിൽ ശിവക്കും സംശയങ്ങളൊന്നുമില്ല. "പക്ഷേ.. ഇതൊരു ചതിയാണെന്ന് എനിക്ക് തോന്നുന്നു.." ശിവ കാശിയെ നോക്കി. എനിക്കും.." എന്നിട്ടും പിന്നെ എന്തിനാടാ." ഇതങ്ങനെ വെറുതെ തീർത്താൽ പോരാ ശിവ. ഈ ശത്രുവിനെ എന്നേക്കുമായി തീർത്തു കളയണം. അതാണെന്റെ പ്ലാൻ.. " കാശിക്കൊരു വല്ലാത്ത ചിരി. അതോടെ ശിവയുടെ ശ്വാസം നിലച്ചത് പോലെയാണ്. ദേ.. ഒന്നങ്ങോട്ട് തരും ഞാൻ.. അവനെ കൊന്ന് ജയിലിൽ പോകാൻ മാത്രം ബുദ്ധിയില്ലാതായി പോയോട നിനക്ക്.. ആദ്യത്തെ പോലായാണോ നീ ഇപ്പൊ.. നിനക്ക് വേണ്ടി.. നിന്നെ മാത്രം സ്നേഹിക്കുന്ന ഒരു പെണ്ണില്ലേ കാശി നിന്റെ കൂടെ.. എന്നിട്ട് നീ.." ശിവ ദേഷ്യത്തോടെ അവനു നേരെ കയ്യൊങ്ങി. "അതിനാര് അവനെ കൊല്ലുന്നു.. അവനെ ഞാൻ അത്രയും വേഗം രക്ഷപ്പെട്ടു പോകാൻ വിടുമോ ഡാ.. അത്രക്കില്ലേ അവൻ ചെയ്തു കൂട്ടിയത്..മരണം അവനൊരു ശിക്ഷയല്ലല്ലോടാ.. അവൻ ജീവിക്കണം.. ചത്തത് പോലെ ജീവിക്കണം.. അതാണെനിക്ക് വേണ്ടത്.." കാശിയുടെ കണ്ണുകൾ തിളങ്ങി.. മുരുകൻ കൂടി വിളിക്കട്ടെ.. അശോകേട്ടനെ എവിടാണ് ഒളിപ്പിച്ചതെന്ന് കണ്ട് പിടിക്കാൻ കഴിഞ്ഞാൽ പാതി കടമ്പ തീർന്നു കിട്ടി. പിന്നെന്താ വേണ്ടതെന്ന് എനിക്കറിയാം " കാശ്ശിക്കുറപ്പാണ്.. ശിവക്ക് പക്ഷേ ആ ഉറപ്പ് കാണുമ്പോൾ ഭയമാണ്. അൽപ്പനേരം അവരങ്ങനെ ഒന്നും മിണ്ടാതെ നിന്നു. അതിനിടയിൽ മുരുകന്റെ കോളും കാശിയുടെ ഫോണിലെക്കെത്തി. മുന്നിൽ നിൽക്കുന്നവന്റെ തെളിയുന്ന മുഖം കണ്ടതേ.. അവന് വേണ്ട വിലപ്പെട്ട എന്തൊക്കെയോ വിവരങ്ങളും കൊണ്ടാണ് മുരുകൻ വിളിക്കുന്നതെന്ന് ശിവക്കും ഉറപ്പായി. അത് കാണെ അവനും അൽപ്പം ആശ്വാസം തോന്നി. കാശിക്ക് എതിരെ നിൽക്കുന്നവന്റെ നീചമായ മനസ്സിനെ അവന് വല്ലാത്ത ഭയമായിരുന്നു. ചതിയും വഞ്ചനയും മാത്രം അറിയാവുന്ന അവന് മുന്നിൽ കൂട്ടുകാരൻ തോറ്റു പോകുമോ എന്നുള്ള ഭയമാണത്. നീ ഇവിടുണ്ടാവണം ശിവ.. " കോൾ അവസാനിപ്പിച്ചു കൊണ്ട് കാശ്ശിയൊരു ധൃതിയിൽ പറയുമ്പോൾ ശിവ കണ്ണ് മിഴിച്ചു കൊണ്ടവനെ നോക്കി. അല്ലേടാ.. ഞാൻ കൂടി.. അല്ലാതെ നീ ഒറ്റയ്ക്ക്. " ശിവക്കപ്പോഴും അവന്റെ കൂടെ പോണമെന്ന് തന്നെയാണ്. നീ ഇപ്പൊ ഇവിടെയാണ്‌ ശിവ വേണ്ടത്.. നീ മാത്രമല്ല.. മുരുകൻ അയക്കുന്ന പിള്ളേര് കൂടി ഇപ്പൊ വരും.. അശോകേട്ടനും കാർത്തുവും ഞാനും.. പിന്നേയുള്ള സാധ്യത നീളുന്നത് തുളസി ചേച്ചിക്ക് നേരെയാണ്. അത് നമ്മൾ അവസരം കൊടുക്കരുത്. അത് കൊണ്ട് നീ എനിക്ക് പകരം ഇവിടെ വേണം.. അവനെ ഒതുക്കാൻ എനിക്ക് കഴിയും. അതിനുള്ളതെല്ലാം എന്റെ കയ്യിലുണ്ട്.. അതോർത്തു കൊണ്ട് നീ പേടിക്കേണ്ട.. " അവനത്രയൊക്കെ പറഞ്ഞിട്ടും ശിവക്കൊരു തൃപ്തി തോന്നിയില്ല. "നീ ഇവിടെ തന്നെ നിൽക്.. ഞാൻ പോയി കാര്ത്തുവിനെയും ചേച്ചിയെയും ഒന്ന് പറഞ്ഞു റെഡിയാക്കി നിർത്തട്ടെ.. പെട്ടന്ന് പറഞ്ഞു കേൾക്കുമ്പോൾ അവർക്കത് അംഗീകരിച്ചു തരാൻ ബുദ്ധിമുട്ട് തോന്നിയാലോ.. കേട്ടോ.." തിരിഞ്ഞു നടക്കുന്നതിനിടെ തന്നെ അത്രയും പറഞ്ഞു കൊണ്ട് കാശി വേഗത്തിൽ അകത്തേക്കൊടി കയറി... തുടരും.. ഓടി ചാടി പോയിട്ട് എവിടേലും.. ഇല്ല.. ഞാനൊന്നും പറയുന്നില്ല.. പിന്നെ അതാവും കുറ്റം 😆 ഡെയിലി പോസ്റ്റ്‌ ആവുമ്പോ ഇത്രയൊക്കെ ലെങ്ത് പറ്റൂ ട്ടൊ. മാക്സിമം ഞാൻ ശ്രമിക്കുന്നുണ്ട്.. റിവ്യൂ ഇടണേ. സ്നേഹത്തോടെ jif #💞 പ്രണയകഥകൾ #📔 കഥ

#📙 നോവൽ -കാശിയുടെ പെണ്ണ് 💐💐 🔻 പാർട്ട് _93 ✍️ രചന - ജിഫ്ന നിസാർ 💥 അമ്മാ... വിളിയോടെ തന്നെ കാർത്തു തുളസിയെ നോക്കി. കാശി അവൾക്ക് മേലെയുള്ള പിടി അയച്ച നിമിഷം... കാറ്റ് പോലെ കാർത്തു തുളസിക്ക് നേരെ പാഞ്ഞു ചെന്നു. നെഞ്ചുലഞ്ഞു പോകുന്ന ആ രൂപം. അതിന് മുന്നേ അമ്മയെ ഇങ്ങനെ ഒരിക്കൽ പോലും കണ്ടിട്ടില്ലല്ലോ എന്നായിരുന്നു അവളാ നിമിഷം ഓർത്തത്. തുളസി അവളെ നോക്കാതെയാണ് നിൽക്കുന്നത്. കാർത്തു പക്ഷേ അവരിൽ നിന്നും നോട്ടം മാറ്റിയതുമില്ല. അമ്മേ.. സോറി.. " അവരുടെ കയ്യിൽ മുറുകെ പിടിച്ചു കൊണ്ട് അവളാ പറഞ്ഞു തീർക്കും മുന്നേ അതി ശക്തമായി തന്നെ തുളസിയുടെ കൈകൾ കാർത്തുവിന്റെ മുഖത്തു പതിഞ്ഞു. കൂടി നിന്നവരെല്ലാം ഞെട്ടി പോയി. ഒരു വശത്തെക്ക് ചാഞ്ഞു പോയവൾ വീണു പോകും മുന്നേ കാശി അവളുടെ അരികിലേക്ക് കുതിച്ചെത്തി. അടി കൊണ്ട വേദനയപ്പോൾ അവന്റെ മുഖത്തായിരുന്നു. അങ്ങനൊന്നു അവനൊട്ടും പ്രതീക്ഷിക്കാതെ പോയി. ഇല്ലായിരുന്നെങ്കിൽ അവൾക്കത് കൊള്ളുമായിരുന്നില്ല. എനിക്ക്.. എനിക്ക് വേറെ വഴി... " കാർത്തു വീണ്ടും കരച്ചിലോടെ തന്നെ തുളസിക്ക് മുന്നിൽ കൈ കൂപ്പി. ആഞ്ഞു കിട്ടിയ അടിയേക്കാൾ അവളെ അപ്പോൾ വേദനിപ്പിച്ചത് അമ്മയുടെ അവസ്ഥയായിരുന്നു. "ചേച്ചി... കാശി കാർത്തുവിനൊപ്പം ചേർന്ന് നിന്നു കൊണ്ട് പതിയെ വിളിക്കുമ്പോൾ.. തുളസി നിറഞ്ഞ കണ്ണോടെ അവനെ നോക്കി. കാർത്തുവിനെ അവരപ്പോഴും ഒരു നോട്ടം കൊണ്ട് പോലും പരിഗണിച്ചതുമില്ല. "കാശി.. എടാ.. അശോകേട്ടനെ.." പറഞ്ഞു കൊണ്ടിരിക്കെ തന്നെ തുളസി വീണ്ടും വിങ്ങി കരഞ്ഞു.. അതിനൊപ്പം കാർത്തുവും. "ഒന്നുല്ല.. ഒന്നുല്ല. ഞാനിങ്ങ് വന്നില്ലേ ഞാൻ കണ്ടു പിടിച്ചു കൊണ്ട് വരും.. ഉറപ്പായും കൊണ്ട് വരും.." അമ്മയും മകളും ഒരുപോലെ അവന്റെ നെഞ്ചിൽ അഭയം പ്രാപിച്ചു. തുളസി കാശിയെ അടിച്ചോടിക്കും എന്ന് കരുതിയവർക്കുള്ള നെറുകയിൽ കിട്ടിയ അടി കൂടിയായിരുന്നു ആ കാഴ്ച്ച. ഇതെന്റെ ഭാര്യയും അവളുടെ അമ്മയും തമ്മിലുള്ള കേസാ.. നിങ്ങൾക്കിതിൽ റോളില്ല.. " അതിൽ അസംതൃപ്തി തോന്നിയ ആരൊക്കെയോ ശബ്ദമുയർത്തി കൊണ്ട് വീണ്ടും മുന്നോട്ട് വന്നതും രൂക്ഷമായൊരു നോട്ടത്തോടെ കാശി അവരെ തടഞ്ഞു. അതോടെ അവരെല്ലാം അൽപ്പമൊന്നടങ്ങി. "കരയല്ലേ ചേച്ചി.. ഇത്രയും കാലം അശോകേട്ടനെ ഒരു പോറൽ പോലും ഏൽക്കാതെ കൊണ്ട് നടക്കാൻ എനിക്ക് കഴിഞ്ഞിട്ടുണ്ട്. ഇനിയും അതിന് കഴിയും എന്നെനിക്ക് ഉറപ്പുണ്ട്. ചേച്ചിക്കെന്നേ വിശ്വാസമില്ലേ.." തുളസിയോട് സംസാരിക്കുമ്പോൾ അവന്റെ സ്വരം അങ്ങേയറ്റം മൃദുവാണ്. തുളസി വിശ്വാസമാണെന്ന് തലയാട്ടി കൊണ്ടവനെ ഒന്ന് നോക്കി. ഇട നെഞ്ചിലൊരു വെട്ട് കൊണ്ടത് പോലെ കാശിക്കപ്പോൾ വേദനിച്ചു. അവരോട് ചെയ്യാവുന്നതിൽ വെച്ചേറ്റവും വലിയൊരു തെറ്റ് ചെയ്തു കഴിഞ്ഞു. വിശ്വാസവഞ്ചന തന്നെയായിരുന്നു അത്. പക്ഷേ.. അശോകേട്ടൻ കൂടെയില്ലാത്ത തുളസിയുടെ നിസ്സഹായത. താൻ അദ്ദേഹത്തിനെ തിരികെ കണ്ട് പിടിക്കും എന്നുള്ള ആ വിശ്വാസം.. കാർത്തുവിനെ പൊതിഞ്ഞു പിടിച്ചത് പോലെ തന്നെ കാശി അവരെയും നെഞ്ചിൽ അടക്കി പിടിച്ചു. "എനിക്ക്.. എനിക്ക് കുറച്ചു കാര്യങ്ങൾ അറിയാനുണ്ട്.." ചുറ്റുമുള്ളവരെ കൂടി നോക്കിയിട്ടാണ് കാശി അങ്ങനൊരു ആവിശ്യം പറഞ്ഞത്. "അകത്തേക്കിരിക്കാം.." തുളസി തന്നെയാണ് അവനിൽ നിന്നകന്ന് ആദ്യം അവരുടെ മുറിക്ക് നേരെ നടന്നതും. അവർക്ക് പിറകെ പിന്നെ ആരെയും നോക്കാതെ കാർത്തുവിനെ ചേർത്ത് പിടിച്ചു കൊണ്ട് തന്നെ കാശിയും കയറി ചെന്നു. ചാരിയ വാതിലിനപ്പുറം കേട്ട മുറു മുറുപ്പുകൾ അവൻ കാര്യമാക്കിയതുമില്ല.. "ചേച്ചി.. ഇവിടിരിക്ക്.." കാർത്തുവിനെ വിട്ട് കാശി തുളസിയെ കിടക്കയിൽ പിടിച്ചിരുത്തി. "നീ അടുക്കളയിൽ ചെന്നൊന്ന് നോക്കിക്കേ കാർത്തു.. ചേച്ചി ഒന്നും കഴിച്ചിട്ടില്ല.." കാശി കാർത്തുവിനെ നോക്കി പറഞ്ഞു. "എനിക്കൊന്നും വേണ്ട ഡാ.. മൂപ്പരെ ഒന്ന് കണ്ട് കിട്ടിയ മതി.." പറഞ്ഞതും വീണ്ടുമാ കണ്ണ് നിറഞ്ഞു. "അതിനല്ലേ ഈ കാശി നാഥൻ ഇവിടിങ്ങനെ വടി പോലെ നിൽക്കുന്നെ.. ഇന്നത്തെ ദിവസം..എനിക്ക് താ ചേച്ചി.വൈകുന്നേരത്തിനുള്ളിൽ അശോകേട്ടൻ ചേച്ചിയുടെ മുന്നിലുണ്ടാവും. ഇതെന്റെ വാക്കാ..' അവർക്കടുത്തെക്കിരുന്നു കൊണ്ട് അവനാ കൈകൾ പിടിച്ചെടുത്തു അതിലേക്ക് കൈകൾ ചേർത്ത് വെച്ച് കൊണ്ട് കണ്ണ് ചിമ്മി കാണിച്ചു. നിനക്കറിയാമോ അപ്പോൾ.." ആ ഉറപ്പിലുള്ള വിശ്വാസം. അത് തുളസിയുടെ ചോദ്യത്തിലുണ്ടായിരുന്നു. "അറിയോ ന്ന് ചോദിച്ച. ഏറെക്കുറെ ഞാൻ ഊഹിച്ചു വെച്ചിട്ടുണ്ട്.. കൊണ്ട് പോയ ആളെയും കൊണ്ട് പോയത് എന്തിനാണെന്നും ഒരു ഏകദേശധാരണയുമുണ്ട്.." അവനതേ ചിരിയോടെ തന്നെ പറയുമ്പോൾ പതിയെ തുളസിയുടെ മുഖം തെളിഞ്ഞു. കാർത്തു പക്ഷേ ആശങ്കയോടെ അവനെ നോക്കുകയാണ് ചെയ്തത്. "ഹാ.. നീ നോക്കി നിൽക്കാതെ ചെല്ലെന്റെ പെണ്ണേ.. കഴിക്കാൻ എടുത്തിട്ട് വാ.. നിന്റെ അമ്മ വളരെ വീക്കാണ്.." തന്നെ നോക്കി നിൽക്കുന്ന കാർത്തുവിനോട് കാശി വീണ്ടും പറഞ്ഞു. തുളസി അപ്പോഴും വാശി പോലെ അവളെ നോക്കുന്നില്ല. കാർത്തു കവിളൊന്നു തുടച്ചിട്ട് തലയാട്ടി വാതിലിന് നേരെ ചെന്നു. "പിന്നേയ്.. അവിടുള്ളവരു നമ്മള് പോയതിനെ കുറിച്ചും വന്നതിനെ കുറിച്ചും പലതും പറയും. അതും കേട്ട് അവിടെ കണ്ണ് നിറച്ചു നിൽക്കാതെ പെട്ടന്നിങ്ങോട്ട് വന്നേക്ക് ട്ടൊ.." വാതിൽ തുറന്നിറങ്ങും മുന്നേ അവൻ ഓർമ്മിപ്പിച്ചു. കാർത്തു അതും തലയാട്ടി കൊണ്ട് സമ്മതിച്ചു ഇറങ്ങി പോയതും തന്നെ സൂക്ഷിച്ചു നോക്കി ഇരിക്കുന്ന തുളസിയെ അവനൊന്നു കൂടി ചേർത്ത് പിടിച്ചു. "സ്നേഹം തോന്നി പോണതൊക്കെ ഒരു തെറ്റാണോ ചേച്ചി.. അതേ അവളും ചെയ്തൊള്ളൂ.. കാശിനാഥനെ സ്നേഹിച്ചു പോയെന്നൊരു തെറ്റിനുള്ള ശിക്ഷ.. അതവൾക്ക് കൊടുക്കാതെ എനിക്ക് തന്നേക്കൂ.. ആ നെഞ്ചിൽ ഈ എന്നോടുള്ള സ്നേഹം അത്രക്കുണ്ട്.. ഒട്ടും അവൾക്ക് ചേരാത്ത ഒരാളുമായി നിങ്ങളവളെ ചേർത്ത് വെക്കാൻ ശ്രമിക്കുമ്പോൾ.. ഞങ്ങൾക്ക് മുന്നിൽ പിന്നെ ഇത് മാത്രമായിരുന്നു വഴി.. കാത്തിരിക്കുമായിരുന്നു ഞാനും അവളും.. ഇത് അതിനുള്ള അവസരം പോലും തരാതെ.. പക്ഷേ.. എന്നോളം തന്നെ അവൾ നിങ്ങളെയും സ്നേഹിക്കുന്നുണ്ട്.. നിങ്ങളുടെ വേദന അവളുടേതും കൂടിയാണ്.. നിങ്ങളെ പോലെ തന്നെ അതെനിക്കറിയാം.." കാർത്തുവിന് വേണ്ടി തനിക്കു മുന്നിൽ വാദിക്കുന്നുണ്ടവൻ.. അവൾക്ക് കൊടുക്കാൻ ഉദ്ദേശിച്ച വേദന... അതിനവന് തന്നേക്കണം എന്ന് വാശി പിടിക്കുന്നുണ്ട്. അതിലവന്റെ സ്നേഹം തന്നെയാണ് മുന്നോട്ട് നിൽക്കുന്നതും.. ആ അവസ്ഥയിലും തുളസിക്കൊരു ആശ്വാസം തോന്നിയിരുന്നു. സ്നേഹിച്ചാൽ അവർക്ക് വേണ്ടി ഏതറ്റം വരെയും പോകാൻ മനസ്സുള്ള കാശി നാഥനെ അവർക്കറിയാലോ. അത് കൊണ്ട് തന്നെയാണല്ലോ അശോകനെ രക്ഷിക്കാൻ അവനെ കൊണ്ടാവും എന്ന് താൻ വിശ്വസിക്കുന്നതും.. താനും അവളും ഇവിടെ നിന്നും മാറി നിന്നതിനു ശേഷമുള്ള ആ ദിവസങ്ങൾ. അതിനെ കുറിച്ചാണ് പിന്നെ കാശി തുളസിയോട് ചോദിച്ചു നോക്കിയത് മുഴുവനും. അറിയാവുന്ന കാര്യങ്ങളൊക്കെ തന്നെ തുളസി വള്ളി പുള്ളി വിടാതെ പറഞ്ഞതെല്ലാം അവൻ മനസ്സിൽ രേഖപ്പെടുത്തി എടുക്കുകയും ചെയ്തു. അപ്പോഴെല്ലാം അവന്റെ മുഖം വല്ലാതെ വലിഞ്ഞു മുറുകി.. അതിനിടയിലേക്കാണ് കാർത്തു കഴിക്കാനുള്ള എന്തോ ഒന്നുമായി കയറി വന്നത്. വീണ്ടും കരഞ്ഞു കലങ്ങിയ ആ കണ്ണുകൾ കാണെ കാശി അവളെ ഒന്ന് കൂർപ്പിച്ചു നോക്കിയെങ്കിലും കാർത്തു അവനെ നോക്കാതെ മുഖം തിരിച്ചു. "എനിക്കൊന്നും കഴിക്കാൻ തോന്നുന്നില്ല ഡാ.." തുളസി ദയനീയമായി കാശിയെ നോക്കി. "ഒരുപാടൊന്നും കഴിക്കണ്ട ചേച്ചി.. അശോകേട്ടൻ വരുമ്പോ ആളെ ചേർത്ത് പിടിക്കാൻ വേണ്ട ആരോഗ്യത്തിനുള്ള എന്തെങ്കിലും കഴിക്ക്.." കാശി മുഖം ചുളിച്ചു കൊണ്ടത് പറയുമ്പോൾ അവർക്ക് പിന്നെയത് നിരസിക്കാനും തോന്നിയില്ല. !ദേ ഇവളും ഒന്നും കഴിച്ചില്ല.. രണ്ടാളും കൂടി കഴിക്ക്.. ഞാൻ ശിവയെ ഒന്ന് വിളിക്കട്ടെ..എന്റെ ഫോൺ അവന്റെ കയ്യിലാ..ഇനിയത് ആവിശ്യം വരും.. " അമ്മയെയും മകളെയും അവിടെ ഒറ്റക്ക് വിട്ടിട്ട് അവനെഴുന്നേറ്റു. അവനറിയാം ഒന്ന് ചേർന്നിരുന്നു കൊണ്ട് സംസാരിക്കാൻ കഴിഞ്ഞാൽ അവർക്കിടയിലെ അകലം അൽപ്പം കുറയുമെന്ന്. "പിന്നേയ്.. ഇനിയും അതിനെ അടിക്കല്ലേ കേട്ടോ.. എനിക്ക്.. ഞാൻ.. " എന്തോ പറയാനുണ്ടായിട്ടും അവരോടത് പറയാൻ കഴിയാതെ തിരിഞ്ഞു നടന്നവൻ.. രണ്ട് പേരുടെയും കണ്ണുകൾ വീണ്ടും ഒരുപോലെ നിറഞ്ഞു.. അവന്റെയാ സ്നേഹം ഓർത്തു കൊണ്ട്.. 💥💥 വാതിൽ പാതി തുറന്നു കൊണ്ട് വിഷ്ണു അകത്തേക്ക് ചെല്ലുമ്പോൾ ഭവ്യ ഉറക്കത്തിലാണ്. അവനൊരു നിമിഷം അങ്ങനെ തന്നെ നിന്നിട്ട് അവളെ നോക്കി. കൈ നീട്ടി ആ കവിളിൽ തൊട്ട് നോക്കുമ്പോൾ അപ്പോഴും നല്ല പനിയുണ്ട്. അതിന്റെ ഞരക്കത്തോടെ ചുരുണ്ടു കൂടി കിടക്കുന്നവൾ.. വിഷ്ണുവിന്റെ മുഖത്തെ ചിരിക്ക് ക്രൂരതയേറി.. കയ്യിൽ പൊട്ടിച്ചെടുത്ത രണ്ടു മൂന്ന് ഗുളികകൾ ടേബിളിൽ വെച്ച് കൊണ്ടവൻ അവളെ തട്ടി വിളിച്ചു. അവശതയോടെ തന്നെ ഭവ്യ കണ്ണുകൾ തുറന്നു കൊണ്ടവനെ നോക്കി. "എഴുന്നേൽക്.. നല്ല പനിയുണ്ട് നിനക്ക്.. മരുന്നൊന്നും കഴിക്കാതെ ഇങ്ങനെ മൂടി പുതച്ചു കിടന്നാൽ പനി മാറില്ല.." പറയുന്നതിനൊപ്പം തന്നെ അവൻ അവളുടെ കയ്യിൽ പിടിച്ചു വലിച്ചു. "പതിയെ.. എനിക്ക് വേദനിക്കുന്നു.." ഭവ്യ ഞരക്കത്തോടെ തന്നെ പറഞ്ഞൊപ്പിച്ചു. "അതൊക്കെ ഈ ഗുളിക കഴിക്കുന്നതോടെ മാറിക്കോളും.. പിന്നെന്റെ മോൾക്ക് സുഖമായി ഉറങ്ങാലോ.." വല്ലാത്തൊരു ചിരിയോടെ വിഷ്ണുവിന്റെ കൈകൾ ഭവ്യക്ക് മുന്നിലേക്ക് നീണ്ടു. അതിൽ അവൻ പൊട്ടിച്ചെടുത്ത ഗുളികയുമുണ്ട്. പാതി ബോധത്തിലാണ് അവൾ. എങ്ങനെയെങ്കിലും അതൊന്ന് കുടിച്ച് തീർത്താൽ കിടന്നുറങ്ങാമല്ലോ എന്നുള്ളതാണ് ആ മനസ്സിൽ. വിഷ്ണു തന്നെയാണ് വെള്ളവും എടുത്തു നീട്ടിയത്. അവശതയോടെ.. പതിയെ ആ ഗുളികകളിൽ ഓരോന്നും എടുത്തു കുടിക്കുന്നവളെ നോക്കുമ്പോൾ വിഷ്ണുവിന്റെ കണ്ണുകൾ വല്ലാതെ തിളങ്ങുന്നുണ്ടായിരുന്നു.. വല്ലാതെ... തുടരും. പനി പോയി.. പണി വരുന്നുണ്ടോ അവറാച്ചോ 😳 ലവൻ എന്നെ നന്നാവാൻ സമ്മയിക്കൂല.. 😬 റിവ്യൂ ഇട്ടിട്ട് പോണേ.. സ്നേഹത്തോടെ jif #💞 പ്രണയകഥകൾ #📔 കഥ

ഏഴ് തലയുള്ള നാഗം #🙋‍♀️ എൻ്റെ സ്റ്റാറ്റസുകൾ #📔 കഥ #കാവൽ നാഗം. #സ്വർണ നാഗം #നാഗം

#📙 നോവൽ #📔 കഥ #💞 പ്രണയകഥകൾ MY DOCTOR❤️27  " അഞ്ചു............................." ഐഷു കയ്യിലുള്ള ലഗേജ് മുഴുവനും നിലത്തേക്കെറിഞ്ഞു, കണ്ണാടി നോക്കി മുടി ചീകി കൊണ്ടിരിക്കുന്ന അഞ്ജുവിനെ ഓടി ചെന്ന് പുറകിൽ നിന്നും മുറുകെ പുണർന്നു.  ഞെട്ടലോടെ അഞ്ചു തിരിഞ്ഞു നോക്കി. ഐഷുവിനെ കണ്ടതും അഞ്ജുവിന്റെ മുഖം വെണ്ണിലാവ് പോലെ തിളങ്ങി.  " ഐഷു....... നേരെ കോളേജിലേക്ക് വരുള്ളൂന്ന് പറഞ്ഞിട്ട് ." അഞ്ചു സന്തോഷവും അതിശയവും കലർന്ന സ്വരത്തിൽ ചോദിച്ചു.  " അത് എന്റെ അഞ്ചു മോളെ ഒന്ന് സർപ്രൈസ് ആക്കാൻ പറഞ്ഞതല്ലേ.." ഐഷു സ്നേഹത്തോടെ അവളുടെ കവിളിൽ പിടിച്ചു വലിച്ചു പറഞ്ഞു. തലേന്ന് വിളിച്ചപ്പോഴും രാവിലെ എത്താൻ പറ്റില്ല അഞ്ചുവിന്റെയും സിറിയുടെയും ഡാൻസ് ആവുമ്പോഴേക്കും എത്തിക്കോളാമെന്ന് ആണ് ഐഷു പറഞ്ഞിരുന്നത്. വിളിക്കുമ്പോൾ ദിവസവും നടന്ന കാര്യങ്ങൾ ഒന്ന് വിടാതെ പറയുമെങ്കിലും , ഒരാഴ്ച കാണാതിരുന്ന വിഷമം ഐഷുവിലും നന്നായുണ്ടായിരുന്നു. എന്തൊക്കെ ആണെങ്കിലും physical presence എന്നത് വേറെ ഒരു ഫീൽ തന്നെ ആല്ലേ.... അതുകൊണ്ടാണ്  അഞ്ജുവിനെ ഞെട്ടിക്കാനായിട്ട് ഐഷു കള്ളം പറഞ്ഞത്.  അഞ്ചു ഐഷുവിനെ മുറുകെ പുണർന്നു. ഇരുകവിളിലും ഉമ്മവച്ചു. " ഞാൻ നിന്നെ ഒത്തിരി മിസ് ചെയ്തു...." നിറഞ്ഞു വന്ന കണ്ണുകളോടെ അഞ്ചു പറഞ്ഞു. " ഞാൻ നിന്നെയും ...." ഐഷുവിന്റെ കണ്ണുകളും നിറഞ്ഞു വന്നു.  കുറച്ചു നേരം നീണ്ടു നിന്ന സ്നേഹപ്രകടനങ്ങൾ ..... ഇരുവരും സൗഹൃദത്തിന്റെ മറ്റൊരു നല്ല വശം അറിയുകയായിരുന്നു.  ഐഷു നിലത്തേക്കിട്ട ലഗേജുകൾ എടുത്ത് റൂമിന്റെ മൂലയിലേക്ക് വച്ചു. വലിയ ട്രാവൽ ബാഗിൽ നിന്ന് ചെറിയൊരു ബാഗ് പുറത്തേക്കെടുത്തു. അഞ്ചു ആകാംഷയോടെ അവൾ ചെയ്യുന്നത് നോക്കി നിന്നു. ഐഷു ബാഗുമായി അഞ്ജുവിന്റെ ബെഡിലേക്കിരുന്നു. അഞ്ജുവും അവൾക്കടുത്തേക്കിരുന്നു. അതൊരു ബ്ലാക്ക് കളർ വൺ സൈഡ് ബാഗ് ആയിരുന്നു. ബാഗിൽ അവിടിവിടായി ഗോൾഡൻ കളർ സ്റ്റോൺ വർക്ക് കൊടുത്തിട്ടുണ്ട്.  ഏത് ഡ്രെസ്സിനും ചേരുന്ന നല്ല luxuary ലുക്ക് ഉള്ള ബാഗ്.  " ഇതും ഇതിനുള്ളിലുള്ള സാധനങ്ങളും എല്ലാം എന്റെ കുഞ്ഞിനാണ് .... ട്രിപ്പ് പോയ ഓരോ സ്ഥലത്തു നിന്നും വാങ്ങിച്ചതാ ഓരോന്നും .... " അഞ്ജുവിന്റെ താടി തുമ്പിൽ പിടിച്ചു ഐഷു പറഞ്ഞു. അഞ്ജുവിന്റെ കണ്ണുകൾ വിടർന്നു. സന്തോഷത്തോടവൾ ബാഗ് വാങ്ങി തിരിച്ചും മറിച്ചും നോക്കി.   ബാഗിൽ എന്താണെന്നറിയാൻ തുറന്നു നോക്കാനാഞ്ഞതും ഐഷു അഞ്ജുവിന്റെ കയ്യിൽ പിടിച്ചു.  " ബാഗിൽ എന്താണെന്ന് പ്രോഗ്രാം കഴിഞ്ഞു വന്നിട്ട് നോക്കാം..... "  " ഓക്കേ മാഡം ...." അഞ്ചു കണ്ണ് ചിമ്മി കാണിച്ചു പറഞ്ഞു.  അഞ്ചു അതെടുത്തു അവളുടെ മേശയിലായി കൊണ്ട് വച്ചു.  " ഞാൻ ഒന്ന് ഫ്രഷ് ആവട്ടെ ട്ടോ...യാത്ര കഴിഞ്ഞ ക്ഷീണം കാരണം തല പുകയുന്നുണ്ട്......" ഐഷു ബാഗിൽ നിന്നും വസ്ത്രങ്ങൾ എടുത്തു ബാത്റൂമിലേക് നടന്നു പറഞ്ഞു.  ഐഷു കുളിക്കാൻ കയറിയതും അഞ്ചു ഡ്രസ്സ് ചേഞ്ച് ചെയ്തു. ഏഥൻ വാങ്ങി കൊടുത്ത ലാവെൻഡർ കളർ kneelength ഫ്രോക്ക് ആയിരുന്നു അഞ്ചു ധരിച്ചത്.സെന്റര് പാർട്ടീഷൻ എടുത്തു രണ്ടു വശത്തു നിന്നും കുറച്ചു മുടിയെടുത്തു പിരിച്ചു വച്ചു, നീണ്ട മുടി മുന്നിലേക്കിട്ട് ലൂസായി പിന്നിയിട്ടു. മുഖത്തു അത്യാവശ്യം മേക്കപ്പ് ചെയ്തു. ചുണ്ടിൽ ഒരു പിങ്ക് nude കളർ ലിപ്സ്റ്റിക്കിട്ടു.  എന്നും തൊടാറുള്ള പൊട്ടു വച്ചില്ല. ഐഷുവിനെ കണ്ടതോടെ എല്ലാം ചെയ്യാൻ എന്തെന്നില്ലാത്ത ആവേശമായിരുന്നു അഞ്ജുവിന്. എല്ലാം കഴിഞ്ഞു കണ്ണാടിക്കു മുന്നിൽ നിന്ന് സ്വയം ഒന്ന് വിലയിരുത്തി.  " ഹ്മ്മ് .......... കൊള്ളാം.........."  കണ്ണാടിയിലെ തന്നെ നോക്കി ചുണ്ടു കൂർപ്പിച്ചൊരു ഉമ്മ കൂടി കൊടുത്തവൾ ഫോൺ എടുത്തു ഒന്ന് രണ്ടു സെൽഫി എടുത്തു.  നേരെ വാട്സാപ്പ് തുറന്നു സ്റ്റാറ്റസ് ഇട്ടു. ആ സ്റ്റാറ്റസ് ഇടുന്നത് മറ്റാർക്കും വേണ്ടിയല്ല , അത് അവളുടെ ഡോക്ടർക്ക് കാണാനാണ് ..........  " ഇത് കണ്ടിട്ടെങ്കിലും ഒരു മെസ്സേജ് ഇട്ടാൽ മതിയായിരുന്നു...." അഞ്ചു ഒരു നിശ്വാസത്തോടെ പറഞ്ഞു. അന്ന് വിളിച്ചതിൽ പിന്നെ ഏഥൻ വിളിക്കാത്തതിൽ കുഞ്ഞൊരു പരിഭവം അഞ്ജുവിനുണ്ടായിരുന്നു. വിളി പോയിട്ട് ഒരു മെസ്സേജ് പോലുമില്ല. ക്ലാസും , വർക്കും, ഡാൻസ് പ്രാക്റ്റീസും ഒക്കെ ആയി രണ്ടു ദിവസം അവളും നല്ല തിരക്കിലായിരുന്നു. ഹോസ്റ്റലിൽ എത്തിയുടനെ ചത്ത പോലെ കിടന്നങ്ങു ഉറങ്ങും. അതിനിടക്ക് ഏഥനെ കുറിച്ചോർക്കാൻ തന്നെ മറന്നു പോയെന്ന് സാരം. പക്ഷെ ഇന്ന് രാവിലെ എണീറ്റത് മുതൽ മനസ് മുഴുവൻ ഡോക്ടർ അങ്ങനെ നിറഞ്ഞു നിൽക്കുകയാണ്. കാരണം എന്താണെന്ന് മനസിലാവുന്നില്ല.  ഐഷു ബാത്രൂം ഡോർ തുറന്ന് പുറത്തിറങ്ങി, ഒരു മാലാഖയെ പോലെ നിൽക്കുന്ന അഞ്ജുവിനെ കണ്ടതും ഐഷു വാ പൊളിച്ചു നിന്നു.  " ന്റെ പൊന്നേ........... എന്തൊരു മൊഞ്ചാടി നിന്നെ കാണാൻ..നിന്റെ ഡോക്ടർക്ക് അപാര സെലക്ഷൻ ആണല്ലോ ......ഇതാണോ ഡാൻസ് കോസ്‌റൂം? ........" തല തുവർത്തി കൊണ്ട് അഞ്ജുവിന്റെ മുന്നിലേക്ക് നിന്ന് ഐഷു ചോദിച്ചു. " അതേലൊ.............സിറിക്ക് സെയിം കളർ ഷർട്ട് ആണ്. " അഞ്ചു ചിരിയോടെ പറഞ്ഞു. " ഇന്ന് നീ സിറിടെ കാമുകി ആണെന്നു പറഞ്ഞു നടന്നിട്ടൊന്നും കാര്യമില്ല മോളെ.... കോളേജിലെ സകല എണ്ണത്തിനും വാ പൊളിക്കാനുള്ള വകുപ്പുണ്ട്..." അവളെ അടി മുടി നോക്കി ഐഷു പറഞ്ഞതും അഞ്ചു നാണിച്ചു തല താഴ്ത്തി. ഐഷുവും ഡ്രസ്സ് മാറി . അവൾക്കാവശ്യമുള്ള മേക്കപ്പ് ചെയ്തു. നല്ല വർക്ക് ഉള്ള ഒരു ഓഫ്‌വൈറ്റ് ചുരിദാർ ആയിരുന്നു ഐഷുവിന്റെ വേഷം. ഒരുക്കങ്ങൾ എല്ലാം കഴിഞ്ഞു ഐഷു ചുരിദാർ ദുപ്പട്ട എടുത്ത് തലയിലൂടെ ഇട്ടു.  തന്നെ ഇങ്ങനെ കാണാൻ കൊതിക്കുന്ന ഒരാളവിടെ ക്ഷമ നശിച്ചിരിക്കുന്നുണ്ടാകുമെന്ന് ഓർക്കേ അവൾക്ക് വല്ലാത്ത സന്തോഷം തോന്നി.  ഇരുവരും റൂം പൂട്ടി പുറത്തിറങ്ങി കോളേജിലേക്ക് നടന്നു.  ********************* " എടാ കോപ്പേ ............. ഇപ്പോഴെങ്ങാനും എത്തുവോ നീ...." മൊബൈൽ ചെവിയോട് ചേർത്ത് വൈശാഖ് വല്ലാത്ത താളത്തിൽ ചോദിച്ചു. അവിടുന്ന് എന്തോ മറുപടി കേട്ടതും വൈശാഖ് ഫോൺ കട്ട് ചെയ്തു വരാന്തയിൽ നിന്നും ക്ലാസ്സിലേക്ക് നടന്നു. കോളേജ് മുഴുവനും ഡെക്കറേറ്റ് ചെയ്തിരുന്നു. കൂട്ടത്തിൽ എല്ലാ ക്ലാസ്സുകളിലും ചെറുതായി ഡെക്കറേഷൻസ് ഉണ്ട്. ക്ലാസ്സിലെ അവസാന ബെഞ്ചിൽ മൊബൈൽ തോണ്ടി ആരോൺ ഇരിപ്പുണ്ട്. വൈശാഖ് ആരോണിനടുത്തേക്ക് ചെന്നിരുന്നു. ക്ലാസ്സിലേക്ക് ഓരോരുത്തരായി വരുന്നുണ്ട്. വന്നവർ മിക്കവാറും ബാഗ് ക്ലാസ്സിൽ വച്ച് സ്റ്റേജിനു മുന്നിലേക്ക് പോകുന്നുണ്ടായിരുന്നു,  ക്യാമ്പസ്സിന് നടുവിലായി വലിയൊരു സ്റ്റേജ് കെട്ടിയിട്ടുണ്ടായിരുന്നു. അതിനു മുന്നിലായി ഏകദേശം  കോളേജ് പിള്ളേരെ കൊള്ളും വിധത്തിൽ കസേരകളും ഇട്ടിട്ടുണ്ട്.  " ഇന്ന് റാഗിങ് കാണോ ? " മൊബൈലിൽ നിന്നും തലയുയർത്തി ആരോൺ ചോദിച്ചു. " ആർക്കറിയാം , എന്തായാലും അടി കാണും...."  " എന്തൊക്കെ പ്രശനം നടന്നോട്ടെ ഒന്നിലും ഇടപെടരുത്, അടി തുടങ്ങിന്ന് കണ്ടാൽ സിറിയെ മാറ്റിക്കോണം... ഇല്ലെങ്കിൽ ഹിറ്റ്ലറുടെ വായിലുള്ളത് മൊത്തം നമ്മൾ കേൾക്കേണ്ടി വരും...."ആരോൺ ഗൗരവത്തിൽ ആയിരുന്നു.  അവൻ പറയുന്നത് കേട്ട് നിൽക്കുമ്പോഴാണ് ക്ലാസ്സിൽ മുന്നിലെ ബെഞ്ചിലായി രണ്ടു പേരിരുന്ന് തിരിയുന്നത് വൈശാഖ് കണ്ടത് . സ്നേഹയും അവരുടെ ക്ലാസ്സിലെ തന്നെ മേരിയും ആയിരുന്നത്. സ്നേഹ ഒരു നേവി ബ്ലൂ ഫുൾ സ്ലീവ് അനാർക്കലി ആയിരുന്നു ഇട്ടിരുന്നത്. അതിൽ അവളെ കാണാൻ ഒരു വല്ലാത്ത ഭംഗി ഉണ്ടായിരുന്നു. അവനെ നോക്കിയാണ് അവർ എന്തൊക്കെയോ സംസാരിക്കുന്നതെന്ന് വൈശാഖിനു മനസിലായി. അവൻ സ്നേഹയെ നോക്കി ഒറ്റ പുരികം ഉയർത്തി എന്താണെന്ന് ചോദിച്ചു.  അവൾ വെപ്രാളത്തോടെ ഒന്നുമില്ലെന്ന് തല വെട്ടിച്ചു.... ആ നേരം മേരി അവളുടെ ഇടുപ്പിൽ പിച്ചി എന്തൊക്കെയോ പറയുന്നുണ്ടായിരുന്നു. അത് കണ്ടതും വൈശാഖ് ഒരു കളള ചിരി ചിരിച്ചു.  സ്നേഹ വേഗം മേരിയുടെ കയ്യും വലിച്ചു ക്ലാസിനു പുറത്തേക്ക് പോയി. " എന്താണ് മോനേ.... ഒരു വശപിശകുണ്ടല്ലോ...." ആരോൺ വിടർന്ന ചിരിയോടെ വൈശാഖിന്റെ കയ്യിൽ പിടിച്ചു പറഞ്ഞു.  " ഉണ്ടാവട്ടെ ... നല്ലതല്ലേ..." വാതിൽക്കലേക്കു  തന്നെ നോക്കി വൈശാഖ് പറഞ്ഞു. നന്നായി അലങ്കരിച്ച കോളേജ് കവാടം കടന്നു വിന്റേജ് റോയൽ എൻഫീൽഡർ നല്ല ശബ്ദത്തോടെ ക്യാമ്പസ്സിനുള്ളിലേക്ക് വന്നു. ഹോസ്റ്റലിൽ നിന്നും നടന്നു വരുകയായിരുന്ന അഞ്ജുവും ഐഷുവും സിറിയുടെ വരവ് കണ്ടു അതിശയിച്ചു പോയി. സിറി പാർക്കിങ്ങിലേക്ക് വണ്ടിയിട്ട് ക്യാമ്പസ്സിലേക്ക് നടന്നു .   ഒട്ടുമിക്ക ജൂനിയർസ് പെൺപിള്ളേരും അവനെ വാ പൊളിച്ചു നോക്കി നിന്നു.  അഞ്ജുവിന്റെ ഫ്രോക്കിന്റെ സെയിം കളർ സാറ്റിൻ ഷർട്ട് ആയിരുന്നു സിറി ധരിച്ചിരുന്നത്, മുകളിലുള്ള രണ്ടു ബട്ടൺ അഴിച്ചിട്ടിരുന്നു,കൈ മുട്ടിനു താഴെ വരെ സ്ലീവ്‌സ് മടക്കി വച്ചിരിക്കുന്നു.   ബ്ലാക്ക് ഫോർമൽ പാന്റിനുള്ളിലേക്ക് ഷർട്ട് ഇൻ ചെയ്തു വച്ചിട്ടുണ്ട് .  top kont ഹെയർ സ്റ്റൈലിൽ റെയ്ബാൻ ഗ്ലാസും വച്ച് വലതു കയ്യിൽ ബൈക്കിന്റെ ചാവി കറക്കി നടന്നു വരുന്നവനെ ഇമ പോലും വെട്ടാൻ മറന്നെല്ലാരും നോക്കി നിന്നു....  " അഞ്ചു.................. ഇവനെ വേണെങ്കി ശരിക്കും boy friend ആക്കിക്കോ ഡീ .... എന്തൊരു മുടിഞ്ഞ ഗ്ലാമർ ആണെന്ന് നോക്ക്  ........................ " ഐഷു അഞ്ജുവിന്റെ കാതിൽ പിറുപിറുത്തു. സിറി അഞ്ജുവിനടുത്തേക്ക് നടന്നു വരുന്നത് കണ്ട് പലരുടെയും കണ്ണിൽ അസൂയ തെളിയുന്നത് ഐഷു കാണുന്നുണ്ടായിരുന്നു. " പോടീ...." അത്ര നേരം അവന്റെ auraയിൽ കിളി പാറി നിന്ന അഞ്ചു , ഐഷുവിന്റെ സംസാരം കേട്ട് ഉറക്കത്തിൽ നിന്നെന്ന പോലെ ഞെട്ടി ഉണർന്നു പറഞ്ഞു. " ഓ ............ നിനക്ക് നിന്റെ sugar daddy ഉണ്ടല്ലോ ല്ലേ....."  " എന്തോന്ന്..." അഞ്ചു അവളെ മിഴിച്ചു നോക്കി. " sugardaddy .... എന്ന് വച്ചാൽ തന്നെക്കാൾ കുറച്ചു മുതിർന്ന ആളെ പ്രണയിക്കുമ്പോൾ അയാളെ കുറച്ചു flirting രീതിയിൽ വിളിക്കുന്ന പേര്............."  തിരിച്ചു അഞ്ചു എന്തേലും പറയുന്നതിന് മുന്നേ സിറി അവർക്കരികിൽ എത്തിയിരുന്നു. " you look stunning " അഞ്ജുവിനെ അടിമുടി നോക്കി സിറി ആരാധന നിറഞ്ഞ മിഴികളോടെ പറഞ്ഞു. " you too ..........."  " oww..........." നാടകീയമായി നെഞ്ചിൽ കൈവച്ചു പുറകിലേക്കൊന്ന് ചെരിഞ്ഞു കണ്ണുകൾ അടച്ചു  സിറി പറഞ്ഞു..  രണ്ടു പേരും പൊട്ടിച്ചിരിച്ചു. " എന്നെ നിനക്ക് കാണാവോ സിറി ...." ഐഷു പുരികം ചുളിച്ചു ചോദിച്ചു. " ഐഷുത്ത............ എപ്പോ എത്തി ....? "  അഞ്ജുവിനെ മാത്രം ശ്രദ്ധിച്ചു വന്നതുകൊണ്ട് അവൻ ശരിക്കും ഐഷുവിനെ കണ്ടിരുന്നില്ല. അതിന്റെ ജാള്യതയോടെ ആയിരുന്നു ആ ചോദ്യം.. "അതൊക്കെ എത്തി.... നിനക്ക് പിന്നെ നമ്മളെ ഒന്നും കണ്ണിൽ പിടിക്കില്ലല്ലോ...."  " സോറി ഇത്ത....." സിറി രണ്ടു ചെവിയിലും പിടിച്ചു കൊഞ്ചലോടെ പറഞ്ഞു. അത് കണ്ടു ഇരുവരും പൊട്ടി ചിരിച്ചു. മൂന്നു പേരും സംസാരിച്ചു നടന്നെത്തിയപ്പോഴേക്കും  ഫ്രഷേഴ്‌സ് ഡേ പരിപാടികൾ ഏകദേശം തുടങ്ങിയിരുന്നു. അവർ ഒരു മൂലയിലേക്ക് നിന്നു. സിറി വൈശാഖിനെയും ആരോണിനെയും വിളിക്കാനായി ക്ലാസ്സിലേക്ക് പോയി. സദസ് മുഴുവൻ നിറഞ്ഞിരുന്നു. വേദിയിൽ പ്രിൻസിപ്പലിന്റെയും മറ്റു അദ്ധ്യാപകരുടെയും സ്പ്പീച്ചിന് ശേഷം ഡാൻസ് പ്രോഗ്രാംസ് തുടങ്ങി. അതെല്ലാം ശേഷം സീനിയർസിന്റെ വക റാഗിങ് ഉണ്ടെന്ന് മൈക്കിലൂടെ കോളേജ് ചെയര്മാന് വിളിച്ചു പറഞ്ഞു. ഡാൻസുകൾ തുടങ്ങിയതും അഞ്ജുവിന്റെ നെഞ്ചിടിച്ചു. കയ്യും കാലും തളരുന്നത് പോലെ അവൾക്കു തോന്നി തുടങ്ങി. അസാധാരണമായി വിയർക്കുന്ന അഞ്ജുവിനെ കണ്ടതും ഐഷു അവളുടെ കൈവെള്ളയിൽ കൈ കോർത്തു. കണ്ണ് രണ്ടും ചിമ്മി ഒന്നുമില്ലെന്ന്‌ കാണിച്ചു.  അഞ്ജുവിനു ചെറിയൊരു ആശ്വാസം തോന്നി. അഞ്ചു ഓക്കേ ആയെന്നു തോന്നിയതും ഐഷുവിന്റെ കണ്ണുകൾ ക്യാമ്പസ് മുഴുവൻ ഓടി നടന്നു. പ്രിയപ്പെട്ട ഒരുവനെ കാണാൻ അവളുടെ ഹൃദയം തുടിച്ചു കൊണ്ടിരുന്നു........ തുടരും................

#📙 നോവൽ - നീലാംബരം..... . 🔻 ഭാഗം _35 ✍️ രചന - Aysha akbar ആ ഇതാരാ സ്നേഹ മോളോ.... വാ കയറ്...... ബെല്ലടിച്ചു ഉമ്മറത്തു നിൽക്കുന്ന സ്‌നേഹയെ കണ്ടതും ഏറെ വാത്സല്യത്തോടെ ദേവി അകത്തേക്ക് വിളിച്ചു.... ഉടുത്തിരുന്ന സാരിയുടെ അറ്റം കൂട്ടി പ്പിടിച്ചു കൊണ്ടവൾ അകത്തേക്ക് കയറി....... ആനന്ദി ഒരുങ്ങി കഴിഞ്ഞില്ലേ..... കയറും വഴി സ്നേഹ അത് ചോദിക്കുന്നുണ്ടെങ്കിൽ കൂടി കണ്ണുകൾ ആരെയോ തിരയും പോലെ....... ദേവീക്കതറിയാനും കഴിഞ്ഞിരുന്നു..... ഇല്ലാ..... അവള് കുളിക്കുന്നെ യുള്ളൂ..... മോളിരിക്ക്.... ഞാൻ ചായ എടുക്കാം..... ദേവി അതും പറഞ്ഞു കൊണ്ട് അടുക്കളയിലേക്ക് നടക്കുമ്പോഴും സ്നേഹയുടെ കണ്ണുകൾ ചുറ്റും ഓടി നടന്നു...... അപ്പോഴാണ് അപ്പുറത്തെ വരാന്തയിൽ നിന്ന് ഒരു ചിരിയും സംസാരവും അവൾ കേൾക്കുന്നത്..... അവൾ പതിയെ തലയൊന്നങ്ങോട്ടെത്തിച്ചു നോക്കി.... ആനന്ദിയാണ്..... അവളുടെ മുടി കെട്ടി കൊടുക്കുന്ന ആ പെൺ കുട്ടിയെ ഇതിന് മുൻപ് താൻ കണ്ടിട്ടേയില്ല.... അവൾ അവരെ തന്നേ നോക്കിയിരുന്നു... അവർ വളരേ നല്ല കൂട്ടുകാരെ പ്പോലെ ചിരിക്കുകയും സംസാരിക്കുകയുമെല്ലാം ചെയ്യുന്നുണ്ട്...... ആനന്ദി കഴിഞ്ഞില്ലേ... നമുക്ക് പോകണ്ടേ..... സ്നേഹ അതും ചോദിച്ചു കൊണ്ട് പതിയെ അവർക്കടുത്തേക്ക് നടന്നിരുന്നു ..... ടീച്ചറെന്താ ഇങ്ങോട്ട് വന്നത്.... ഞാനങ്ങോട്ടു വരുമായിരുന്നില്ലേ.... അതെന്താ ആനന്ദി.... എനിക്കിങ് വന്ന് കൂടെ... ആനന്ദി അവളെ കണ്ടെന്ന വണ്ണം അത് ചോദിക്കുമ്പോൾ അവൾ ഒരു പുഞ്ചിരിയോടെ യാണ്‌ മറുപടി കൊടുത്തത്... അപ്പോഴും അവളുടെ കണ്ണുകൾ നീലാംബരിയിൽ തന്നേ തറഞ്ഞു നിൽക്കുന്നത് ആനന്ദി ശ്രദ്ധിച്ചിരുന്നു..... ഇതാരാ ആനന്ദി..... അത് അഭിയുടെ കൂടെ വന്ന ചേച്ചിയാ.... നീലാംബരി.... സ്നേഹയുടെ ചോദ്യം പ്രതീക്ഷിച്ചെന്ന വണ്ണം നിൽക്കുകയായിരുന്ന ആനന്ദി പെട്ടെന്ന് തന്നേ മറുപടി കൊടുത്തത്തും അവളുടെ മുഖം പെട്ടെന്ന് മാറി പ്പോയി...... അത് നീലാംബരിയും വ്യക്തമായി കണ്ടിരുന്നു.... അപ്പോഴാണ് കയ്യിലൊരു ചായ കപ്പുമായി അഭിയങ്ങോട്ട്ട് വരുന്നത്...... അഭിയെ കണ്ടതും മറ്റെല്ലാം മറന്നെന്ന വണ്ണം സ്നേഹയുടെ കണ്ണുകൾ തിളങ്ങി.... വർഷങ്ങളുടെ കാത്തിരിപ്പിന്റെ ഭാരം അവളിൽ തെളിഞ്ഞു കണ്ടു...... ആ... ആരാ സ്നേഹയോ..... എന്തൊക്കെയുണ്ട്..... തികച്ചും ഔദ്യോഗികകമായുള്ള അവന്റെയാ ചോദ്യത്തിൽ ശെരിക്കും സ്നേഹയോന്ന് തറഞ്ഞു പോയത് പോലെ.... ആരെന്ന് മനസ്സിലാവാത്തത് കൊണ്ട് തന്നേ നീലാംബരി അവരെ രണ്ട് പേരെയും നോക്കി നിന്നു.... അഭിയെ കാണുമ്പോൾ സ്നേഹയിൽ മിഞ്ഞി മറയുന്ന ഭാവങ്ങളിൽ നിന്നും എന്തൊക്കെയോ അവളൂഹിച്ചെടുത്തിരുന്നു ..... നീ ചായ കുടിച്ചോ..... അഭി വീണ്ടും തികച്ചും അകന്നൊരു തരം ചോദ്യം ചോദിക്കുമ്പോൾ സ്നേഹ അവനെയൊന്ന് നോക്കി...... എനിക്ക് ചായ യൊന്നും വേണ്ടാ..... എനിക്ക് നിന്നോടൊന്ന് സംസാരിക്കണം...... സ്നേഹ ഉറച്ച ശബ്ദത്തിൽ അവനെ നോക്കിയത് പറഞ്ഞതും ഒരു നിമിഷം ചുണ്ടോട് ചേർക്കാൻ തുടങ്ങിയ ചായ കപ്പൊന്ന് നിശ്ചലമാക്കിയവൻ ....... വാ.... പുറത്തേക്ക് നിൽക്കാം...... അവൻ അതും പറഞ്ഞു കൊണ്ട് പുറത്തേക്ക് നടക്കുമ്പോൾ എന്തിനോ നീലാംബരിയുടെ നെഞ്ചോന്ന് പിടച്ചു...... ഞാൻ പറഞ്ഞ സ്നേഹ ടീച്ചർ അതാണ്‌..... അവർ പോകുന്നതും നോക്കി നിൽക്കെ ആനന്ദി യത് പറയുമ്പോൾ പറയാതെ തന്നേ മനസ്സിലായെന്ന വണ്ണം അവളവരെ നോക്കി നിന്നു..... മുറ്റത്തെ പൂവരഷിന് താഴെ നിന്ന് അവർ രണ്ട് പേരും സംസാരിക്കുമ്പോൾ കത്തുന്നത് നീലാംബരിയുടെ ഉള്ളായിരുന്നു...... എന്തിനെന്നറിയാത്തൊരു വിങ്ങൽ അവളെ കടന്ന് പിടിച്ചു..... അവൾക്ക് പെട്ടെന്ന് കരച്ചിൽ വരും പോലെ.... ആനന്ദി അകത്തേക്ക് നടന്നപ്പോഴും അവളവരെ നോക്കി അതേ നിൽപ്പ് തന്നെയാണ് ...... അപ്പോഴാണ് സ്നേഹക്കുള്ള ചായ യുമായി ദേവി യങ്ങോട്ട് വരുന്നത്..... ചുറ്റുമുള്ളതിലേക്കൊന്നും ശ്രദ്ധിക്കാതെയെന്ന വണ്ണം അഭിയേയും സ്നേഹയെയും നോക്കി നിൽക്കുന്നവളെ അവരൊന്നും നോക്കി.. എപ്പോഴും പ്രകാശം നിറഞ്ഞു നിൽക്കുന്ന ആ മുഖം ഇരുണ്ടു കൂടിയിട്ടുണ്ട്..... കരച്ചിൽ വന്നത് പോലെ ആ കവിളുകൾ വീർത്തിട്ടുണ്ട്...... ദേവിയുടെ ചുണ്ടിലെന്തിനോ ഒരിളം ചിരി പടർന്നു...... അവര് കുഞ്ഞു നാല് മുതലുള്ള കൂട്ടാണ്..... കുറെ കഴിഞ്ഞ് കാണുകയല്ലേ.... ദേവി നീലാംബാരക്കടുത്ത് നിന്ന് കൊണ്ടത് പറയുമ്പോ ഴാണ് അവൾ ചിന്തകളിൽ നിന്നുണർന്നത്...... എപ്പോഴും ചിരിച്ചു കാണുന്ന അവൾക്കപ്പോളേറെ ചിരിക്കാൻ പ്രയാസം തോന്നി....... ദേവി നീലാംബരിയെയും അഭി ക്കടുത്ത് നിൽക്കുന്ന സ്നേഹയെ യും ഒന്ന് നോക്കി...... അവനിപ്പോ കളക്ടറാണ്.... ഏത് കൊമ്പത്തെ ആലോചന വേണമെങ്കിലും അവനു കിട്ടും..... പക്ഷെ ഒന്നിനും അവൻ സമ്മതിക്കില്ലെന്നുറപ്പുള്ളത് കൊണ്ട് തന്നേ അവനിഷ്ടപ്പെട്ടിരുന്ന സ്നേഹയെ വീണ്ടും അവനിലേക്ക് ചേർത്ത് വെക്കണമെന്ന് താൻ കരുതിയിരുന്നു..... എന്നാൽ അവന്റെ കൂടെ വന്ന ആ ഒരുവളാണ് തന്റെ ചിന്തകളെ മാറ്റി മറിച്ചത്.... ഒന്നുമില്ലാത്ത ആരുമില്ലാത്ത അവളുടെ കൂടെ അവന്റെ കണ്ണുകൾ തെളിയുന്നത് താൻ കാണുന്നുണ്ട്.... അവനു വേണ്ടി ഒരു പക്ഷെ ദൈവം അയച്ചതാവാം അവളെ.... അവന് അവളെ പോലൊരു പെണ്ണ് തന്നെയാണ് വേണ്ടതെന്ന് ഇപ്പൊ തനിക്കറിയാം ..... അവന്റെ മനസ്സ് കൂടി അതിനു പാകപ്പെടണെ ഈശ്വരാ എന്ന പ്രാർത്ഥന മാത്രമേ തനിക്കിപ്പോഴുള്ളു....... അവർ നെഞ്ചിലൊന്ന് കൈ വെച്ചു...... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷 സ്നേഹ.... പ്ലീസ്...... എനിക്ക്...എനിക്ക് നിന്നോടൊരു ദേഷ്യവുമില്ല....... എന്ന് വെച്ചു എനിക്ക് വേണ്ടി നീ കാത്തിരിക്കേണ്ട യാതൊരു ആവശ്യവുമില്ല.... എന്റെ ജീവിതത്തിൽ ഒരു വിവാഹം ഇനിയുണ്ടാകില്ല...... അഭി തീർത്തു പറഞ്ഞതും സ്നേഹയുടെ കണ്ണുകൾ നിറഞ്ഞു വന്നു.... പിന്നെ.....നമ്മളൊരിക്കലും പ്രണയിച്ചിട്ടില്ല സ്നേഹാ..... നമ്മൾക്കിടയിലുണ്ടായിരുന്നത് കറ കളഞ്ഞ സൗഹൃദ മായിരുന്നു.... അതിനിപ്പോഴും ഒരു മാറ്റവുമില്ല...... നീയെനിക്കാ പഴയ സ്നേഹ തന്നെയാണ്..... അഭി അതും കൂടി പറഞ്ഞു നിർത്തുമ്പോൾ സ്നേഹയുടെ കണ്ണുകൾ നിറഞ്ഞൊഴുകി...... ഈയൊരു മറുപടി ക്ക് വേണ്ടി വേണ്ടിയാണോ താനിത്ര വർഷം കാത്തിരുന്നതെന്ന വണ്ണം അവളുടെ നെഞ്ച് കനത്തു....... അഭി അവളുടെ തോളിൽ തട്ടി പറയുന്നതും സമാധാനിപ്പിക്കുന്നതുമെല്ലാം ദൂരെ നിന്നൊരുവൾ കാണുമ്പോൾ അവളുടെ ചുണ്ടുകൾ ഒന്ന് വിതുമ്പി പോയിരുന്നു..... ടീച്ചറെ കഴിഞ്ഞു.....പോകാം.... ആനന്ദി പുറത്തേക്ക് വന്നു വിളിച്ചതും കണ്ണുകൾ രണ്ടും അമർത്തി തുടച്ചു സ്നേഹ അവളോടൊപ്പം നടന്നിരുന്നു........ അഭി ഒരു ദീർഘ നിശ്വാസത്തോടെ അകത്തേക്ക് കയറുമ്പോൾ കനപ്പിച്ചു തന്നെ നോക്കി നിൽക്കുന്നവളെ യാണ്‌ കാണുന്നത് .... ഒരു നിമിഷം അവനവളെയൊന്ന് നോക്കി.... ഇത് വരെയുള്ള ഭാവമല്ല ഇപ്പോഴവളിൽ...... ആ മുഖത്ത് പരിഭവത്തെക്കാളേറെ ദുഖമുണ്ട്....... സ്നേഹയോട് താൻ സംസാരിക്കുന്നത് കണ്ടത് കൊണ്ടാണെന്ന് എന്തിനോ അവന്റെ മനസ്സ് പറഞ്ഞു....... പക്ഷേ അതിനെന്തിന് അവൾ സങ്കപ്പെടണം... അങ്ങനെയൊരു ചോദ്യം മനസ്സ് ചോദിക്കുമ്പോൾ കൂടി ചുരുങ്ങിയ സമയം കൊണ്ട് രണ്ട് പേർക്കും വന്നൊരു മനസ്സിന്റെ അടുപ്പം അവൻ പാടേ കണ്ടില്ലെന്ന് നടിച്ചിരുന്നു.. പിന്നീടങ്ങോട്ട് ഇരിക്കുമ്പോഴും നടക്കുമ്പോഴും കഴിക്കുമ്പോഴുമെല്ലാം അവളുടെ മുഖത്ത് തളം കെട്ടിയിരുന്ന ഭാരത്തിലേക്കായിരുന്നു അഭിയുടെ കണ്ണുകളത്രയും....... എന്തിനെന്നറിയാത്ത വിധം അതവനെ വല്ലാതെ അസ്വസ്ഥമാക്കി... ആ മുഖം കൂർപ്പിച്ചുള്ള നോട്ടവും കുസൃതി യോടെയുള്ള ചിരിയുമെല്ലാം കാണാതിരുന്നിട്ട് വല്ലാത്തൊരു ബുദ്ധി മുട്ട്.... അതേയ്..... സ്നേഹ എന്റെ കുഞ് നാളു മുതലുള്ള കൂട്ടുകാരി യാണ്‌.... ഒരു പോയിന്റിൽ വീട്ടുകാര് ഞങ്ങളുടെ വിവാഹമൊക്കെ ഉറപ്പിച്ചു... സുഹൃത്തെന്നതിലുപരി അവൾക്കെന്നെ പൂർണമായും മനസ്സിലാക്കാൻ കഴിഞ്ഞിട്ടില്ലെന്നത് വ്യക്‌തമായപ്പോൾ അത് വേണ്ടെന്ന് വെച്ചു...... വരാന്തയിലെ തിണ്ണയിൽ കാലു പുറത്തേക്കിട്ട് കൊണ്ടിരുന്നവൾക്കടുത്ത് ചെന്നിരുന്നു അഭിയത് പറഞ്ഞതും ആ കണ്ണുകൾ അവനിലേക്ക് നീങ്ങി...... പറഞ്ഞ വാക്കുകളെക്കാൾ അവൻ തന്നോടത് പറഞ്ഞു എന്ന ആനന്ദം അവളിൽ നിറഞ്ഞു നിന്നു...... ഇത് വരെ കണ്ടിട്ടില്ലാത്തൊരു ഭാവത്തോടെ അവന്റെ കണ്ണുകളെ അവൾ കുരുക്കി വെച്ചു.... ഒരു നിമിഷം അവനും ആ മിഴികളിൽ കുരുങ്ങി പോയിരുന്നു....... തന്റെ പോലും അനുവാദമില്ലാതെ അവൾ ഹൃദയത്തിലേക്ക് ഇടിച് കയറുന്നതറിഞ്ഞെന്ന വണ്ണം അവൻ മിഴികൾ പെട്ടെന്നവളിൽ നിന്ന് വെട്ടിച്ചിരുന്നു......... അവനവിടെ നിന്നെഴുന്നേറ്റ് നടക്കുമ്പോഴും ഹൃദയത്തിൽ പേരറിയാത്തൊരു അസ്വസ്ഥത പിടി മുറുക്കി.... അതിനും ഒരു പ്രത്യേക സുഗമുണ്ടായിരുന്നു.... അതേ സമയം നോവും.... ഇനിയൊരാളെ ഉൾകൊള്ളാൻ സ്ഥലമില്ലെന്ന വണ്ണം ഞെരുക്കി പ്പിടിച്ച ഹൃദയത്തിന്റെ വാതിൽ തള്ളി തുറന്നവളകത്തേക്ക് കയറും പോലെ.... ഇത് വരെ താൻ ശ്രദ്ധിക്കാതെ വിട്ട് പോയ പെൺകുട്ടികളിൽ നിന്നവൾക്ക് എന്ത്‌ പ്രത്യേകത യാണുള്ളത്.... താനവളെ ശ്രദ്ധിച്ചു എന്നത് മാത്രമല്ലേ..... അതിന് കാരണമെന്നോണം ഏതോ ഒരു കോണിൽ നീലാംബര പ്പൂക്കൾ ചൂടിയൊരുത്തി മറഞ്ഞിരുന്നു പുഞ്ചിരിക്കും പോലെ.... ആ നീല സാരിയും സാഹചര്യങ്ങളും വൈശാലി യെ തനിക്ക് മുമ്പിൽ വരച്ചു വെച്ചത് കൊണ്ടാണ് നീലാംബരിയെ ശ്രദ്ധിച്ചതെങ്കിൽ കൂടി ഇടിച്ചു കയറിയുള്ള അവളുടെ പെരുമാറ്റവും മുഖം കൂർപ്പിച്ചുള്ള നോട്ടവും കണ്ണുകളിൽ നിറച്ചു വെച്ച കുസൃതി യും തനിക്കെത്ര പെട്ടെന്നാണ് പ്രിയപ്പെട്ടതായി മാറിയത്..... എപ്പോഴോ അവളിൽ വൈശാലി യെ താൻ തിരയുമ്പോഴും ഇരു ധ്രുവങ്ങളെ പോൽ അവർ വിദൂരത്തായിരുന്നു..... പോകെ പോകെ വൈശാലി യുമായി അവൾക്കൊരു സാമ്യത യില്ലെന്ന് പൂർണമായറിഞ്ഞിട്ടും അവളിൽ നിന്നുള്ള നോട്ടം പറിച്ചെടുക്കാൻ തനിക്ക് കഴിഞ്ഞില്ല....... ചുറ്റുമുള്ളവരെ അത്രത്തോളം സന്തോഷത്തിലാക്കാൻ കഴിയുന്ന എന്തോ ഒരു മാന്ത്രികത അവളുടേ കൈകളിലുള്ളത് പോലെ...... ദിവസം തോറും അവളാ വീടിന്റെ വെളിച്ചമാകുന്നത് അവനറിഞ്ഞു.... രാവിലെ എഴുന്നേറ്റ് വരുന്നത് തൊട്ട് കിടക്കും വരെയും അവളുടെ നിറഞ്ഞ ചിരിയും സംസാരങ്ങളും ആ വീടിന്റെ മുക്കിലും മൂലയിലും നിറഞ്ഞു നിൽപ്പുണ്ട്..... അമ്മയോടൊപ്പം സംസാരിച്ചു കവിയേട്ടത്തിയുടെ കൂടെ അടുക്കള ജോലിയിൽ സഹായിച്ചു ആനന്ദി ക്ക് നല്ലൊരു സുഹൃത്തായും അവളാ വീട്ടിൽ നിറഞ്ഞു നിന്നു... ആനന്ദി ക്ക് തന്നൊടുള്ളതിനേക്കാൾ അടുപ്പം അവളോടുള്ളത് പോലെ....... ആനന്ദി യുടെ കൈ പിടിച്ചു താൻ പുറത്തേക്ക് പോകുമ്പോഴൊക്കെയും നീലു വിനെ കൂടി കൂട്ടാം അഭി എന്ന് പറയുന്നിടത്തോളം ഒരു സൗഹൃദമുണ്ടവർക്കിടയിൽ........ അത് കേട്ടിട്ടേന്ന വണ്ണം വിടരുന്ന ആ കണ്ണുകൾ തന്നെയും കീഴ്പ്പെടുത്താൻ കഴിവുള്ളത് തന്നെയാണ്.... അവർ രണ്ട് പേരുടെയും കൂടെ അങ്ങനെ ഇളം കാറ്റേറ്റ് നടക്കുമ്പോൾ കിട്ടുന്ന ഒരാനന്ദമുണ്ട്.... ജീവിത കാലം മുഴുവൻ കൂടെ വേണമെന്ന തരത്തിലൊരു സന്തോഷമുണ്ട് മധുരമുള്ള മിട്ടായി രണ്ട് പേർക്കും വാങ്ങി കൊടുക്കുമ്പോൾ ആനന്ദി യെക്കാൾ സന്തോഷം അവൾക്കാണ്.... ഇതൊന്നും അനുഭവിച്ചിട്ടില്ലാത്ത ഒരാളുടെ സന്തോഷത്തിൽ മാത്രം ഒതുക്കാൻ കഴിയില്ല തനിക്കതിനെ..... . തന്നേ കാണുമ്പോൾ മാത്രം വിടരുന്ന ഒരു തിളക്കമുണ്ടവളുടെ കണ്ണുകളിൽ..... അത് കേവലം രക്ഷിച്ചവനോടുള്ള ഒരു നന്ദി യല്ല.... അവളുടെ ഉള്ള് കനക്കും തോറും അവനത് മനപ്പൂർവം കണ്ടില്ലെന്ന് നടിച്ചിരുന്നു...... ആരിലും കുരുങ്ങാത്ത മനസ്സ് അവളിൽ കുരുങ്ങിയതിന്റെ ചെറിയൊരു പ്രയാസം ഉണ്ടെന്നത് തന്നെയായിരുന്നു ശെരി.... അമ്മേ..... ഞാൻ നാളെ തിരിച്ചു പോകും..... ഉമ്മറത്തെ തിണ്ണയിലിരുന്നു കൊണ്ട് അഭിയത് പറഞ്ഞതും അഭിക്കുള്ള വെള്ളവുമായി ഉമ്മറത്തേക്ക് വന്ന നീലാംബാരി ഒരു നിമിഷം നിശ്ചലയായി പോയിരുന്നു......... (തുടരും) Aysha Akbar #💞 പ്രണയകഥകൾ #📔 കഥ

Part 2 ##story #☠️മണിച്ചിത്രതാഴ് 🔐(ഗോസ്റ്റ് സ്റ്റോറി ☠️)

#📙 നോവൽ #📔 കഥ #💞 പ്രണയകഥകൾ MY DOCTOR❤️26 മെർലിൻ കമഴ്ന്നു കിടന്ന് പില്ലോയിൽ മുഖം ചരിച്ചു വച്ചു. " may i join with you ഏഥൻ ? " ഹസ്‌കി വോയ്‌സിൽ മെർലിൻ ചോദിച്ചു. " are you mad merlin? " തിരിച്ചാ ചോദ്യമായിരുന്നു ഏഥൻറെ മറുപടി. " come on ഏഥൻ ..... ഈ പ്രഹസനങ്ങൾ അവസാനിപ്പിക്ക് , let live this moment ......" " ക്ഷമയെ പരീക്ഷിക്കരുത് മെർലിൻ. ഞാൻ ഇന്നലെ പറഞ്ഞത് ഒക്കെ താൻ മറന്നു പോയതാണോ അതോ മറന്നതായി അഭിനയിക്കുന്നതാണോ? " അൽപ്പം കടുപ്പിച്ച സ്വരത്തിൽ ഏഥൻ ചോദിച്ചു. " മറന്നതും അല്ല അഭിനയിക്കുന്നതും അല്ല. i dont care ." മെർലിൻ പുച്ഛത്തോടെ പറഞ്ഞു. " തനിക്ക് ഈ self respect എന്താണെന്ന് അറിയില്ലേ മെർലിൻ. എനിക്ക് വിശ്വസിക്കാനാകുന്നില്ല , എന്റെ കൂടെ രണ്ടു വർഷമായി വർക്ക് ചെയ്യുന്ന മെർലിന് ഇത്രയും stupid ആയൊരു ഫേസ് ഉണ്ടെന്ന്..... " ഏഥൻറെ സ്വരത്തിൽ നിരാശ കലർന്നിരുന്നു. മെർലിൻ പല്ലു ഞെരിച്ചു കിടന്നിടത്തു നിന്ന് എണീറ്റിരുന്നു. എന്തോ പറയാനാഞ്ഞതും ഫോൺ കട്ട് ആയതും ഒരുമിച്ചായിരുന്നു. മെർലിൻ ദേഷ്യത്തോടെ കയ്യിലിരുന്ന ഫോൺ ബെഡിലേക്കെറിഞ്ഞു. " ശെയ്..... defenitly i will punish you eadhan ........ " ദേഷ്യം അടക്കാനാവാതെ മെർലിൻ പിറുപിറുത്തു. ******* അത്യാധുനിക രീതിയിൽ പണികഴിപ്പിച്ച ആ വലിയ വീടിന്റെ ബാല്കണിയിൽ നിന്നും നിരാശ തളം കെട്ടിയ മുഖത്തോടെ ഏഥൻ റൂമിലേക്ക് കയറി. ആ റൂം ഒരു ആഡംബര ഹോട്ടൽ റൂം പോലെ അതിമനോഹരമായിരുന്നു. aesthetic കളർ കോമ്പിനേഷൻ മാത്രം തിരഞ്ഞെടുത്തു ചെയ്ത ഇന്റീരിയറും , റൂം ഡെക്കറേഷൻസും പെയിന്റിങ്‌സും റൂമിനെ വളരെ റിഫ്രഷിങ് ആക്കി തോന്നിപ്പിച്ചു. റൂമിൽ നേരിയ മഞ്ഞ വെളിച്ചം മാത്രം തെളിഞ്ഞു നിന്നു. പ്ലെയിൻ ആഷ് ആൻഡ് വൈറ്റ് കോമ്പിനേഷനിൽ മനോഹരമായി വിരിച്ചിട്ട വിശാലമായ ബെഡിലേക്ക് ഫോൺ വെച്ച് കൊണ്ട് ഏഥൻ ബാത്രൂം ലക്ഷ്യമാക്കി നടന്നു. വർക്ക് ഔട്ട് കഴിഞ്ഞു നന്നായി വിയർത്തു കുളിച്ചിരുന്നവൻ. ചുമരിനു അറ്റത്തായി ആഷ് കളർ കർട്ടൻ വകഞ്ഞു മാറ്റി ഏഥൻ അകത്തേക്ക് കടന്നു.അത് ഒരു കോറിഡോർ പോലെയായിരുന്നു. വലതു വശത്തായി വലിയൊരു ഗ്ലാസ് വാർഡോബ് . മുകളിലെ തട്ടിലായി പല നിറത്തിലുള്ള ഫോർമൽ ആൻഡ് ക്യാഷുൾ ഷർട്ടുകൾ വൃത്തിയിൽ തൂക്കിയിട്ടിരിക്കുന്നു. അടിയിലായി പല തരം ഷൂ , ചെരുപ്പുകൾ അങ്ങനെ പലതും. അപ്പുറത്തായി പലതരം സ്കിൻ കെയർ ആൻഡ് ഹെയർ കെയർ പ്രോഡക്ടസുകൾ. വാർഡോബിനു നടുവിലായി വലിയൊരു aesthetic mirror . കോറിഡോറിന്റെ ഇടതു വശത്തായുള്ള വാതിൽ തുറന്ന് ഏഥൻ ബാത്റൂമിലേക്ക് കയറി. അതിവിശാലമായ luxury bathroom . ഒരാൾ പൊക്കത്തിൽ ഗ്ലാസ്സുകൊണ്ടു മറച്ച ഷവർ സ്പേസിലേക്ക് കയറി വസ്ത്രങ്ങളൂരി ഏഥൻ കുളിച്ചു. നല്ലൊരു കുളി കഴിഞ്ഞു പുറത്തിറങ്ങി വാർഡോബിൽ നിന്നും ഒരു ടീഷർട്ടും ട്രൗസറും ധരിച്ചു ബെഡിൽ കിടന്ന ഫോൺ എടുത്തു വീണ്ടും ബാൽക്കണിയിലേക്ക് ചെന്നു. ബാൽക്കണിയിൽ തൂങ്ങിയാടുന്ന മരത്തിൽ പണിത വലിയ ആട്ടുകട്ടിലിലേക്ക് കിടന്നു. മനസ്സിനൊരു സുഖം ഇല്ലാത്തതു പോലെ ഏഥനു തോന്നി. തലേ ദിവസത്തിന്റെ നല്ല ഓർമ്മകളുടെ ഹാങ്ങോവറിലായിരുന്ന എഥന് , മെർലിന്റെ കാൾ വല്ലാത്ത അസ്വസ്ഥത ഉണ്ടാക്കിയിരുന്നു. ഇത്രത്തോളം തരം താഴ്ന്ന രീതിയിൽ ഒക്കെ മെർലിൻ സംസാരിക്കുമെന്ന് ഏഥനു വിശ്വസിക്കാനായില്ല. അഞ്ജുവിനെ മോശമാക്കി സംസാരിച്ചപ്പോൾ പോലും അഞ്ജുവിനെ കിസ് ചെയുന്ന തന്നെ കണ്ടതിന്റെ ഷോക്ക് ആയിരിക്കാമെന്നാണ് ചിന്തിച്ചത്. ഇത് പക്ഷെ , മറ്റൊരാൾ തന്റെ മനസിലും ജീവിതത്തിലും ഉണ്ടെന്നറിഞ്ഞിട്ടും ഇങ്ങനെ ഒക്കെ ചെയ്യുന്നവളോട് വല്ലാത്ത വെറുപ്പ് തോന്നിയവന്. ഒരു നെടുവീർപ്പോടെ ഏഥൻ ഫോൺ എടുത്തു സമയം നോക്കി 10 അര ആയി തുടങ്ങുന്നു...... ഗാലറിയിൽ പോയി മുന്നേ എപ്പോഴോ ഡൌൺലോഡ് ചെയ്തിട്ട ഒരു സിനിമ എടുത്തു. കുറച്ചു നേരം സിനിമ നോക്കി കിടന്നെങ്കിലും ഒരു കോൺസെൻട്രേഷൻ കിട്ടുന്നില്ല. ഏഥൻ സിനിമ നിർത്തി ഫോൺ ഓഫ് ചെയ്തു . കണ്ണിനു കുറുകെ ഒരു കയ്യെടുത്തു വച്ച് കിടന്നു. കണ്ണടച്ച് കിടന്നതും ഓർമകളിൽ തന്നെ ആരാധനയോടെ നോക്കുന്ന ആ മിഴികൾ ഓടി വന്നു. ഏഥൻ അറിയാതെ പുഞ്ചിരിച്ചു. " എന്ത് കൊണ്ടായിരിക്കും അവൾ എന്റേതാണെന്ന് കണ്ട നിമിഷം മുതൽ തോന്നിക്കൊണ്ടിരിക്കുന്നത്? അന്ന് ആ റെസ്റ്റോറന്റിൽ വച്ച് അവളെ കണ്ടില്ലായിരുന്നെങ്കിൽ ഉറപ്പായും മെർലിന് ഒരു ചാൻസ് കൊടുത്തേനെ. അവളെ കണ്ടത് മുതൽ പ്രണയം , കാമം, വാത്സല്യം, തുടങ്ങി എല്ലാ വികാരങ്ങളും മാറി മറിഞ്ഞു വന്നു കൊണ്ടിരിക്കുന്നു. എത്ര നിയന്ത്രിക്കാൻ നോക്കിയാലും പറ്റുന്നില്ല...... എനിക്ക് വേണ്ടി പിറന്നവളാണെന്നു ഹൃദയം മുറവിളി കൂട്ടി കൊണ്ടേയിരിക്കുന്നു....." സ്വയം ഓരോന്ന് പറഞ്ഞു കൊണ്ടവൻ കണ്ണുകൾ തുറന്നു. ഫോൺ എടുത്ത് കോണ്ടാക്ടിൽ " Baby Girl🤍 " എന്ന് സെർച്ച് ചെയ്തു. തെളിഞ്ഞു വന്ന നമ്പർ നോക്കി അവനൊന്ന് പുഞ്ചിരിച്ചു. കാൾ അമർത്തി. ഹോസ്റ്റലിൽ ആക്കി തന്നയുടനേ സിറി തിരിച്ചു പോയി. മഴ മാറി തിരിച്ചു വരും വഴി സിറിയോട് ഏഥനെ കുറിച്ച് പറഞ്ഞാലോ എന്ന് ഓർത്തതാണ് . പക്ഷെ എന്തോ ഒന്ന് പിന്നോട്ട് വലിക്കുന്നു. അല്ലെങ്കിൽ തന്നെ എന്ത് പറയാനാണ്. രണ്ടാഴ്ച മുന്നേ മാത്രം കണ്ടൊരു മനുഷ്യൻ ഹൃദയത്തിൽ വേരുറച്ചു പോയെന്നോ... കേട്ടാൽ അവൻ കളിയാക്കി എയറിൽ കയറ്റും. അതിലും നല്ലത് ഞായറാഴ്ചത്തെ ഔട്ടിങ് കഴിഞ്ഞു പരസ്പരം സംസാരിക്കാനുള്ളതൊക്കെ സംസാരിച്ചു എല്ലാത്തിനും ഒരു ക്ലാരിറ്റി വരുത്തിയിട്ട് സിറിയോട് പറയാം . ചെറുതായി മഴ നനഞ്ഞതു കൊണ്ട് തന്നെ റൂമിലെത്തി വിസ്തരിച്ചു ഒരു കുളി പാസാക്കി , എന്നിട്ട് ആദ്യം മീരയെ വിളിച്ചു. അവളുടെ ഓരോ ചോദ്യങ്ങൾക്കും വ്യക്തമായ മറുപടി കൊടുക്കാനായില്ലെങ്കിലും കൺവീനസ് ആകുന്ന മറുപടി തന്നെ കൊടുത്തു. എങ്കിലും പെണ്ണിന് പിന്നേം പിന്നേം സംശയങ്ങളാണ്. അഞ്ജുവിനേ...... ചുറ്റും നടക്കുന്നതൊന്നും മനസിലാകുന്നില്ല പിന്നെ എങ്ങനെയാണ് മറ്റൊരാളെ പറഞ്ഞു മനസിലാക്കുന്നത് . മീരയുടെ കാൾ കഴിഞ്ഞു നേരെ ഐഷുവിനെ വിളിച്ചു . ട്രിപ്പ് പോയി തളർന്നു പോയിട്ടുണ്ട് ഐഷു. എന്നിട്ടും തനിക്ക് പറയാനുള്ളതെല്ലാം കേട്ടിരുന്നു. ഇനി നിൻെറ ഡോക്ടറെ സ്വപ്നം കണ്ടു കിടന്നോ എന്നും പറഞ്ഞു ഒരു താങ്ങും കൂടെ തന്നിട്ടാണ് ആ കുരിപ്പ് കാൾ അവസാനിപ്പിച്ചത്. ഈറൻ മുടി ബെഡിനു വെളിയിലേക്കിട്ടു പില്ലോയിൽ തല വച്ച് അഞ്ചു കിടന്നു. ഒരുപാട് പഠിക്കാനുണ്ട് , പക്ഷെ തോന്നുന്നില്ല. എന്തൊക്കെയോ ഒരു നെഗറ്റീവ് ഫീൽ. മൊത്തത്തിൽ മനസ്സ് നല്ല ഡിസ്റ്റർബേഡ് ആയ പോലെ. വീട്ടിൽ നിന്ന് ആരെങ്കിലും വിളിച്ചിട്ട് നാലു ദിവസമായി. ചത്തോ ജീവനോടെ ഉണ്ടോന്ന് പോലും ആർക്കും അറിയണ്ട . ചിലപ്പോൾ കഴിഞ്ഞ സൺ‌ഡേ നടന്നതെല്ലാം മഹേഷ് പോയി പറഞ്ഞു കാണും. പറയട്ടെ... രണ്ടു കിട്ടിയത് എല്ലാവരും അറിയട്ടെ.. അല്ല പിന്നെ. ഇന്ന് കണ്ട മാർട്ടിന്റെ കാർ മറ്റൊരു നെഗറ്റീവ്. എന്നാലും എന്തിനായിരിക്കും അയാൾ എന്നെ ഫോളോ ചെയ്തത്...... ആവോ ..... ആർക്കറിയാം.... ഞാൻ എന്തായാലും അയാളെ ഒന്നും ചെയ്യാൻ പോയിട്ടില്ല............ സത്യത്തിൽ എന്റെ ഡോക്ടറെ കാണാൻ എന്തൊരു മുടിഞ്ഞ ലുക്ക് ആണല്ലേ..... a perfect man ...... ഒരു 6 അടി പൊക്കമെങ്കിലും കാണും. കെട്ടിപിടിപ്പിക്കുമ്പോ ആളുടെ കഴുത്തിൽ അല്ലെ എന്റെ മുഖം വരുന്നത്. ട്രിം ചെയ്ത താടിയും മീശയും ആയതു കൊണ്ട് ആ പെർഫെക്റ്റ് jawline എടുത്തു കാണാം. വെട്ടി ഒതുക്കിയ തിക്ക് ഹെയറും, ചെറിയ കണ്ണും. പക്കാ ജിം ബോഡിയും .... ന്റെ കൃഷ്‌ണ..... അയാളെ ഏതേലും അച്ചിലിട്ട് എങ്ങാനും വാർത്തതാണോ? എന്തൊരു ഭംഗിയാ..... ഓടി ചെന്ന് ആ ശരീരത്തിൽ എവിടേലും ഒളിച്ചിരിക്കാൻ തോന്നി പോവും. ഏതൊക്കെയോ വഴി ചിന്തകളെ ഒഴുക്കി വിട്ട് അവസാനം ഏഥനെ കുറിച്ചോർത്തു കിടക്കെ ചെറിയൊരു ആലസ്യത്തോടെ അവളിൽ ഉറക്കം വന്നു തുടങ്ങി. പെട്ടന്ന് ആ ഉറക്കത്തെ തടസപ്പെടുത്തി അഞ്ജുവിന്റെ ഫോൺ ഉറക്കെ ശബ്‌ദിച്ചു. ഞെട്ടലോടെയവൾ ഫോൺ എടുത്തു നോക്കി. "MY DOCTOR❤️" സ്വപ്‌നം കാണുകയാണോ എന്നോർത്തു അവൾ കണ്ണുകൾ രണ്ടും തിരുമ്മി ഒന്ന് കൂടി ഫോണിലേക്ക് നോക്കി,. സ്വപനമല്ല , സത്യം.................. തേടി വന്ന ഉറക്കത്തിന്റെ ഒരു നിഴൽ പോലും ഇല്ലാത്തവിധം അതെങ്ങോട്ടേക്കോ ഓടി പോയി. വിറയ്ക്കുന്ന കൈകളോടെ അവൾ കാൾ എടുത്തു. ഫോൺ പതുക്കെ ചെവിയോട് ചേർത്തു വച്ചു. " baby girl..........." പൗരുഷം നിറഞ്ഞ സ്വരത്തിൽ ആർദ്രമായവൻ വിളിച്ചു. അഞ്ജുവിന്റെ ദേഹം കുളിരുകോരി. " can you hear me baby girl ? " അവൾ ഒന്നും മിണ്ടുന്നില്ലെന്നു കണ്ടതും ഏഥൻ ചോദിച്ചു. " എന്താ വിളിച്ചേ....? " അഞ്ജുവിൽ നിന്നും നേർത്തൊരു ശബ്‌ദം. " baby girl...." കൊലുന്നനെ ചിരിക്കുന്ന അഞ്ജുവിന്റെ ശബ്‌ദം അവനു കേൾക്കാമായിരുന്നു. " cringe ആയി പോയോ? " " എല്ലാം cringe ആണ് ഡോക്ടറെ.....അത് സ്വയം അനുഭവിക്കപ്പെടും വരെ...." . അത് പറയുമ്പോൾ അഞ്ജുവിന്റെ മുഖം ചുവന്നു തുടുത്തു തക്കാളി പോലെ ആയി മാറിയിരുന്നു . " do you like it ? " "hmm......... it's cute ..." ജാള്യത മറച്ചു അഞ്ചു പറഞ്ഞു. " yes , you are so cute "  " just stop this flirting " വലതു കൈ കൊണ്ട് മുഖം പൊത്തി നാണത്തോടവൾ പറഞ്ഞു. ഏഥൻ പൊട്ടിച്ചിരിച്ചു... അവൾക്കുള്ളിലെ തിളച്ചു മറിയുന്ന ചൂടിലേക്ക് ആലിപ്പഴം പോലെയത് വീണ് കുളിർന്നു. അഞ്ചു ചെറുതായൊന്ന് നിശ്വസിച്ചു. " ഭക്ഷണം കഴിച്ചോ? " ഏഥൻ ചോദിച്ചു . " കഴിച്ചു." " മരുന്നോ?" " അതും കഴിച്ചു...." " good girl ............" പുഞ്ചിരിയോടെ ഏഥൻ പറഞ്ഞു. " അവിടെയോ ....? " അഞ്ചു പതുക്കെ ചോദിച്ചു, അവൾക്കുള്ളിലെ വെപ്രാളം പരമാവധി അവൾ അടക്കി നിർത്തി. " എവിടെ? " കുസൃതിയോടെ ഏഥൻ ചോദിച്ചു. എന്ത് പറയണമെന്നറിയാതെ അഞ്ചു നഖം കടിച്ചു. " അല്ല... ഡോക്ടർ കഴിച്ചോന്ന്? " " ഇല്ലെന്നേ..... ഇപ്പൊ വർക്ഔട്ട് കഴിഞ്ഞു കുളിച്ചു വന്നുള്ളൂ. കഴിക്കണം..." " ഈ നേരത്താണോ വർക്ഔട്ട് ? " സംശയത്തോടെ പുരികം ചുളിച്ചവൾ ചോദിച്ചു. " മിക്കവാറും രാവിലെ ആയിരിക്കും. രാവിലെ ടൈം കിട്ടിയില്ലെങ്കിൽ രാത്രി. എപ്പോഴായാലും വേണ്ടിയില്ല , ദിവസവും വർക്ഔട്ട് ചെയ്യും അതൊരു ശീലമാണ്...." "ഹ്മ്മ്....." നമ്പർ എവിടുന്ന് കിട്ടി എന്ന് ചോദിക്കാൻ തുനിഞെങ്കിലും ചോദിച്ചില്ല. കാരണം അവൾ ഊഹിച്ചെടുത്തു. രോഗിയുടെ നമ്പർ കിട്ടാൻ ഡോക്ടർക്ക് വല്യ ബുദ്ധിമുട്ട് കാണില്ലല്ലോ..... " ഉറങ്ങാനായില്ലേ..?" ഏഥൻ ചോദിച്ചു. " കിടക്കുകയായിരുന്നു...." " എങ്കിൽ ഇനി ഉറങ്ങിക്കോ..... " ഏഥൻ പറഞ്ഞത് കേട്ടതും അഞ്ജുവിനു വല്ലാത്ത നിരാശ പോലെ. " ഇത് പറയാനാണോ വിളിച്ചത്..." ആ നിരാശയോടെ തന്നെയവൾ ചോദിച്ചു. " അങ്ങനെ ചോദിച്ചാൽ...... മനസിനൊട്ടും സമാധാനമില്ലായിരുന്നു . ആ നേരം ഈ ശബ്‍ദം കേട്ടാൽ കുറച്ചു ആശ്വാസമായിരിക്കും എന്ന് തോന്നി. അതാണ് രണ്ടും കൽപ്പിച്ചു വിളിച്ചു നോക്കിയത്." ഏഥൻ ആവേശത്തോടെ പറഞ്ഞു. " എന്നിട്ടിപ്പോ സമാധാനം കിട്ടിയോ? " " കിട്ടിയെന്നു തോനുന്നു...." ആട്ടുകട്ടിലിൽ എണീറ്റിരുന്ന് ബാൽക്കണിയിലൂടെ പുറത്തു കാണുന്ന ആകാശത്തേക്ക് നോക്കി ഏഥൻ പറഞ്ഞു. " എന്തായിരുന്നു ആ സമാധാനകേട്? " അഞ്ജുവിന്റെ സംശയം കേട്ടതും ഏഥൻ നാവു കടിച്ചു. മെർലിൻ കുളിക്കാൻ കൂടെ പോരട്ടേന്ന് ചോദിച്ചിട്ടാണെന്ന് ഈ കുഞ്ഞി പെണ്ണിനോട് എങ്ങനെ പറയും എന്നോർത്ത് ഏഥനു ചെറിയൊരു ടെൻഷൻ തോന്നി . " അതിപ്പോ ..... കള്ളം പറയാൻ പറ്റുന്നില്ലല്ലോ ബേബി ....." നിസ്സഹായതയോടെ ഏഥൻ പറഞ്ഞു. അഞ്ചു അന്തംവിട്ടിരുന്നു, ഏഥൻ മെർലിൻ വിളിച്ച കാര്യം അഞ്ജുവിനോട് വിശദമായി തന്നെ പറഞ്ഞു. കാലിനടിയിൽ നിന്നും എന്തോ പുകഞ്ഞു പൊങ്ങും പോലവൾക് തോന്നി. പ്രിയപെട്ടതിനെ തട്ടിയെടുക്കാൻ നോക്കുന്ന രാക്ഷസിയെ പോലെ ആയിരുന്നു അഞ്ജുവിന്റെ മനസ്സിലപ്പോൾ മെർലിന്റെ മുഖം തെളിഞ്ഞു വന്നത്. അവൾ പല്ലിറുമ്മി . "ദേ.... മനുഷ്യ....ഇത്രേം കാലം നിങ്ങൾ എങ്ങനെയോ ആയിരുന്നോട്ടെ ഇനി അങ്ങോട്ട് കണ്ട പെണുങ്ങൾ ഒലിപ്പിച്ചു വന്നാൽ അതും കേട്ടോണ്ട് നിന്നേക്കരുത്. ഈ പ്രോപ്പർട്ടിക്ക് ഓണർ ഉണ്ടെന്നു പറഞ്ഞേക്ക്.....പിന്നെ , പറഞ്ഞിട്ടും മനസിലാവാത്ത ആ മാഡത്തിനെ ഞാൻ ഒന്ന് കുളിപ്പിച്ച് കിടത്തുന്നുണ്ട്...." അഞ്ജുവിന്റെ സംസാരത്തിൽ ഏഥൻ ഞെട്ടി കണ്ണുമിഴിച്ചിരുന്നു. ഇത്രയും നേരം അത്രത്തോളം പതുക്കെ സംസാരിച്ചിരുന്ന പെണ്ണാണീ  പറയുന്നതെന്ന് ഏഥനു വിശ്വസിക്കാൻ പ്രയാസം തോന്നി. അൽപ്പ നേരം കഴിഞ്ഞതും ഏഥന്റെ ചുണ്ടിലൊരു ചിരി വിരിഞ്ഞു. അപ്പോഴും അഞ്ചു എന്തൊക്കെയോ പിറുപിറുക്കുന്നുണ്ടായിരുന്നു. " baby girl............." ഏഥൻ ആ കുറുമ്പിയെ അടക്കാനുള്ള അടവെടുത്തു. ആ വിളി കേട്ടതും അഞ്ജുവിന്റെ ശബ്‌ദം നിലച്ചു. "i'm all yours baby girl, only yours ............" പതിഞ്ഞ സ്വരത്തിൽ സ്വകാര്യ പോലെയവൻ പറഞ്ഞു. അഞ്ജുവിന്റെ ദേഹം കുളിർന്നു പോയി. " i know , without any reason you are mine eadhan ... only mine......" അവരറിയുന്നില്ലല്ലോ ഇനി പിരിയാൻ ആഗ്രഹിച്ചാൽ പോലും പറ്റാത്ത വിധം കൂടി ചേരാൻ വിധിക്കപ്പെട്ടവരാണ് തങ്ങൾ രണ്ടു പേരുമെന്ന്,.......... തുടരും............. അത്യാവശ്യം cringe വാരി എറിഞ്ഞിട്ടുണ്ട്....😁😁😁😁 എന്നെ തപ്പണ്ട ഞാൻ നാട് വിട്ടു.😉

#🎥വെബ് സീരിയസ് 🎥😆 #trending #whatsapp statu #story #romantic

ഋതുഭേദങ്ങൾ ഭാഗം 6 വിശ്വന്റെ നെഞ്ചിടിപ്പ് വർദ്ധിച്ചു. തന്റെ ഉറ്റ സുഹൃത്ത് ഇത്രയും കാലം എന്താണ് മറച്ചുപിടിച്ചതെന്ന് അറിയാനുള്ള ആകാംക്ഷയിലായിരുന്നു അദ്ദേഹം. ശങ്കർ വിറയ്ക്കുന്ന സ്വരത്തിൽ സംസാരിക്കാൻ തുടങ്ങി. ചുറ്റുമുള്ള ലോകം നിശ്ചലമായതുപോലെ വിശ്വന് തോന്നി… "വിശ്വ... പല്ലവി എന്റെ സ്വന്തം മകളല്ല. ഇരുപത്തിനാല് വർഷം മുൻപ് ഒരു മഴയുള്ള രാത്രിയിൽ റെയിൽവേ സ്റ്റേഷനിൽ ഉപേക്ഷിക്കപ്പെട്ട നിലയിൽ എനിക്ക് കിട്ടിയ കുഞ്ഞാണവൾ."... വിശ്വൻ സ്തംഭിച്ചുപോയി. അദ്ദേഹം ശങ്കറെ അവിശ്വാസത്തോടെ നോക്കി… "എന്നിട്ട്... എന്നിട്ട് നീ ഇത്രയും കാലം ഇത് എന്നോട് പറഞ്ഞില്ലല്ലോ ശങ്കർ" "പേടിച്ചിട്ടാണ് വിശ്വ… രമയ്ക്കും എനിക്കും കുട്ടികളില്ലാത്ത ദുഃഖത്തിനിടയിലാണ് ദൈവം അവളെ ഞങ്ങൾക്ക് തന്നത്. അവളെ ഞങ്ങൾ ജീവന തുല്യം സ്നേഹിച്ചു. അവൾ പോലും ഈ സത്യം അറിഞ്ഞിട്ടില്ല. സത്യം അവൾ അറിഞ്ഞാൽ തകർന്നുപോകും."... "പക്ഷേ ഒരു കുടുംബത്തിലേക്ക് മരുമകളായി വരുമ്പോൾ അവളുടെ വേരുകൾ എവിടെയാണെന്ന് അറിയാൻ എനിക്ക് അവകാശമില്ലേ.. നാളെ മറ്റാരെങ്കിലും ഇത് പൊക്കിപ്പിടിച്ചു വന്നാൽ എന്റെ കുടുംബത്തിന്റെ മാനം എന്താകും".. വിശ്വൻ ഗൗരവത്തിൽ ചോദിച്ചു…. ശങ്കർ വിശ്വന്റെ കൈകളിൽ പിടിച്ചു കരഞ്ഞു. "വിശ്വ.. നീ ഇത് ആരോടും പറയരുത്. പ്രത്യേകിച്ച് ദേവനോട്. ഈ വിവാഹം മുടക്കരുത്, അപേക്ഷയാണ്.".... വിശ്വൻ ഒന്നും മിണ്ടാതെ അവിടെ നിന്നും നടന്നുനീങ്ങി. അദ്ദേഹത്തിന്റെ മനസ്സിൽ വലിയൊരു കൊടുങ്കാറ്റ് വീശുകയായിരുന്നു... വീട്ടിലെത്തിയ വിശ്വൻ ആരോടും സംസാരിച്ചില്ല. സാവിത്രി പലവട്ടം ചോദിച്ചെങ്കിലും അദ്ദേഹം ഒഴിഞ്ഞുമാറി. പല്ലവിയോടുള്ള അദ്ദേഹത്തിന്റെ പെരുമാറ്റത്തിൽ പെട്ടെന്ന് ഒരു മാറ്റം വന്നു. അന്ന് ഉച്ചയ്ക്ക് പല്ലവി വീട്ടിലേക്ക് വന്നപ്പോൾ വിശ്വൻ അവളെ രൂക്ഷമായി നോക്കി… "അങ്കിൾ... ദാ ഈ പായസം കുടിച്ചു നോക്കൂ. ഞാൻ ഉണ്ടാക്കിയതാണ്.".. "എനിക്ക് വേണ്ട. പല്ലവി ... നിന്റെ അച്ഛൻ നിനക്ക് എല്ലാ കാര്യങ്ങളും പറഞ്ഞു തരാറുണ്ടോ.. നിങ്ങളുടെ കുടുംബത്തെപ്പറ്റി".. "ഉണ്ട് അങ്കിൾ. എന്താ പെട്ടെന്ന് അങ്ങനെ ചോദിക്കാൻ".. പല്ലവി അയാളുടെ ചോദ്യം കേട്ട് അത്ഭുതത്തോടെ പറഞ്ഞു. "ഒന്നുമില്ല. ചില കാര്യങ്ങൾ നമ്മൾ വിചാരിക്കുന്നതുപോലെ ആയിരിക്കില്ല എന്ന് ഓർമ്മിപ്പിച്ചതാണ്."... വിശ്വന്റെ വാക്കുകൾ പല്ലവിയെ വല്ലാതെ വേദനിപ്പിച്ചു. അവൾ നേരെ ദേവന്റെ അടുത്തേക്ക് പോയി…. "ദേവേട്ടാ... അങ്കിളിന് എന്തോ പറ്റിയിട്ടുണ്ട്. എന്നോട് വളരെ മോശമായാണ് സംസാരിക്കുന്നത്. എനിക്ക് എന്തോ പേടി തോന്നുന്നു."... "നീ സാരമാക്കണ്ട നന്ദൂ. അച്ഛൻ പഴയ കാര്യങ്ങൾ ആലോചിച്ചു വിഷമിക്കുന്നതാകും. ഞാൻ സംസാരിക്കാം.".. ദേവൻ അച്ഛന്റെ മുറിയിലേക്ക് ചെന്നു. വിശ്വൻ ജനലിലൂടെ പുറത്തേക്ക് നോക്കി നിൽക്കുകയായിരുന്നു… "അച്ഛാ... എന്തിനാ പല്ലവിയെ വിഷമിപ്പിക്കുന്നത്.. അവൾ എന്ത് തെറ്റാണ് ചെയ്തത്"... വിശ്വൻ ദേവനെ നോക്കി… "ദേവാ... സ്നേഹം കണ്ണുകളെ കുരുടാക്കും. നീ കാണുന്നതല്ല സത്യം. ആ പെൺകുട്ടിയുടെ പശ്ചാത്തലം എന്താണെന്ന് നിനക്കറിയാമോ".... "അച്ഛാ.. അവളുടെ പശ്ചാത്തലം നോക്കിയല്ല ഞാൻ അവളെ സ്നേഹിച്ചത്. അവളുടെ സ്വഭാവമാണ് എനിക്ക് പ്രധാനം.".. "എങ്കിൽ കേട്ടോ... അവൾ ശങ്കറിന്റെ മകളല്ല. ആരോ ഉപേക്ഷിച്ചു പോയ കുട്ടിയാണ്. നാളെ അവളുടെ യഥാർത്ഥ മാതാപിതാക്കൾ വന്നാൽ നീ എന്ത് ചെയ്യും"... വിശ്വൻ പറഞ്ഞത് കേട്ട് ദേവൻ ഒരു നിമിഷം തളർന്നു പോയി… പക്ഷേ അവൻ പെട്ടെന്ന് തന്നെ സ്വയം നിയന്ത്രിച്ചു… "അച്ഛാ... അത് അവൾ അറിഞ്ഞോ"... "ഇല്ല. പക്ഷേ ആ അജ്ഞാത സന്ദേശം അയച്ച ആൾക്ക് ഇതറിയാം. അവൻ ഇത് നാട്ടിൽ പാട്ടാക്കിയാൽ നമ്മുടെ അവസ്ഥ എന്താകും".... ഈ സംഭാഷണം വാതിലിനു പിന്നിൽ നിന്ന് കേൾക്കുകയായിരുന്നു പല്ലവി… അവളുടെ കയ്യിലിരുന്ന പാത്രം തറയിൽ വീണു ചിന്നിചിതറി. താൻ ഒരു അനാഥ ആണെന്ന് അറിഞ്ഞ ആ നിമിഷം അവൾ തകർന്നുപോയി… തുടരും…. ✍️സന്തോഷ്‌ ശശി…. #കഥ,ത്രില്ലെർ,ഹൊറർ #💞 പ്രണയകഥകൾ #✍ തുടർക്കഥ #📔 കഥ #📙 നോവൽ