💞 നീയാം ജീവൻ 💞 💞 Part 32 💞 💞💞💞💞💞💞💞 അഹല്യയോട് സംസാരിച്ച് ഹോസ്പിറ്റലിൽ നിന്നും ഇറങ്ങിയെങ്കിലും യദുവിന്റെ മുഖത്തെ ചിരി മാഞ്ഞിരുന്നില്ല. കാറിൽ കയറി ഇരുന്നപ്പോഴും അവന്റെ മനസ്സിൽ മുഴുവൻ അവൾ പറഞ്ഞ ആ ഒരു വാചകമായിരുന്നു. "എനിക്ക് നിന്നെ ഇഷ്ടമല്ല എന്ന് ഞാൻ പറഞ്ഞില്ല..." അത് ഓർക്കുമ്പോൾ തന്നെ അറിയാതെ ചിരി വന്നു. "പൂച്ചേ... നിന്നെ ഞാൻ ശരിയാക്കുന്നുണ്ട്..." സ്വയം പറഞ്ഞുകൊണ്ട് അവൻ കാർ സ്റ്റാർട്ട് ചെയ്തു. 💞💞💞💞💞💞💞 വീട്ടിലെത്തിയപ്പോൾ തന്നെ ഹാളിൽ അമ്മയും ആമിയും ഇരുന്ന് സംസാരിക്കുകയായിരുന്നു. ആമി എന്തൊക്കെയോ പറഞ്ഞ് അമ്മയെ ചിരിപ്പിക്കുന്നുണ്ട്. യദുവിനെ കണ്ടതും അവൾ ഒന്ന് നോക്കി. "എവിടെ പോയതാ യദുവേട്ടാ...?" "ഞാൻ..." യദു ഒന്ന് പതറി. "ഞാൻ ഒരു ഫ്രണ്ടിനെ കാണാൻ പോയതാ." "ഓഹ്..." ആമി നീട്ടി മൂളി. "ഏതാ ആ ഫ്രണ്ട്...?" "നിനക്ക് അറിയില്ല." "പെണ്ണാണോ...?" അത് കേട്ടതും യദു ചുമച്ചു. അമ്മയും ചിരി കടിച്ചുപിടിച്ച് ഇരുന്നു. "ആമി..." "ഞാൻ വെറുതെ ചോദിച്ചതാ." അവൾ കണ്ണിറുക്കി. യദു അവളെ സംശയത്തോടെ നോക്കി. ഇവൾക്ക് എന്തോ കള്ളത്തരം ഉണ്ടെന്ന് അവന് തോന്നി. 💞💞💞💞💞💞💞 അപ്പോഴാണ് യാൻ താഴേക്ക് വന്നത്. അവനെ കണ്ടതും ആമിയുടെ കണ്ണുകൾ ഒരു നിമിഷം അവനിൽ ഉടക്കി. പക്ഷേ അടുത്ത നിമിഷം തന്നെ അവൾ നോട്ടം മാറ്റി. അത് യാൻ ശ്രദ്ധിച്ചിരുന്നു. അവൾ തന്നെ ഒഴിവാക്കാൻ ശ്രമിക്കുന്നുണ്ടെന്ന് അവന് തോന്നി. അത് എന്തുകൊണ്ടോ അവനെ അസ്വസ്ഥനാക്കി. "യദു..." യാൻ വിളിച്ചു. "എന്താടാ..." "ഇന്ന് വൈകിട്ട് ഒരു സ്ഥലത്ത് പോകണം." "എവിടേ...?" "ദീപു വിളിച്ചിരുന്നു." അതുകേട്ടതും ആമിയും ശ്രദ്ധിച്ചു. "എന്തിനാ...?" യദു ചോദിച്ചു. "അറിയില്ല." "അവരുടെ വില്ലയിലേക്ക് ചെല്ലാൻ പറഞ്ഞു." ഒരു നിമിഷം എല്ലാവരും നിശബ്ദരായി. ആമിയുടെ ഹൃദയം വേഗത്തിൽ മിടിച്ചു. കാരണം അവൾക്ക് അറിയാം. അവർ എന്തിനാണ് വിളിക്കുന്നത് എന്ന്. 💞💞💞💞💞💞💞 വൈകുന്നേരം... യാനും യദുവും വില്ലയിലേക്ക് പുറപ്പെട്ടു. കാറിൽ പോകുമ്പോൾ യദുവിന് ആകെ ടെൻഷൻ ആയിരുന്നു. "ഡാ..." "എന്താ..." "ഇവർ എന്തിനാവും വിളിച്ചത്..." "എനിക്ക് എങ്ങനെ അറിയാം. അന്ന് സംസാരിക്കണം എന്നും എല്ലാം പറയാമെന്നും അല്ലെ പറഞ്ഞത് " "നിനക്ക് പേടി ഇല്ലേ അവർ ആമിയെ കൊണ്ട് പൊക്കോളാം എന്ന് പറയുമെന്ന് ഓർത്തിട്ട് ?" "ഇല്ല." യാൻ ജനലിലൂടെ പുറത്തേക്ക് നോക്കി. പക്ഷേ അവന്റെ മനസ്സും ശാന്തമായിരുന്നില്ല. ദീപുവും മറ്റുള്ളവരും എന്തൊക്കെയോ മറയ്ക്കുന്നുണ്ടെന്ന് അവന് വ്യക്തമായിരുന്നു. ഇന്ന് ചില ചോദ്യങ്ങൾക്ക് ഉത്തരം കിട്ടും എന്ന് അവന് തോന്നി. 💞💞💞💞💞💞💞 വില്ലയിൽ... ദീപു, കുക്കു, മാളു, അഹല്യ എല്ലാവരും അവരെ കാത്തിരിക്കുകയായിരുന്നു. അവർ എത്തിയതും ദീപു മുന്നോട്ട് വന്നു. "വാ..." എല്ലാവരും അകത്തേക്ക് കയറി. അൽപനേരം സാധാരണ കാര്യങ്ങൾ സംസാരിച്ചു. പിന്നെ പതിയെ അന്തരീക്ഷം ഗൗരവമായി. യാൻ നേരെ ദീപുവിനെ നോക്കി. "ഇനി പറയാം." "എന്താ നിങ്ങൾക്ക് അറിയേണ്ടത്...?" ആരും ഒന്നും മിണ്ടിയില്ല. അവസാനം അഹല്യയാണ് സംസാരിച്ചത്. "അഞ്ച് വർഷം മുൻപുള്ള ആക്സിഡന്റിന് ശേഷം...നിനക്ക് എന്താണ് സംഭവിച്ചത്...?" യാൻ അവളെ നോക്കി. "എന്തിനാ ഇപ്പോൾ അത് ചോദിക്കുന്നത്...?" "കാരണം അതിന്റെ ഉത്തരം ഞങ്ങൾക്ക് വേണം." ദീപു പറഞ്ഞു. "എന്തിനാ...?" യാന്റെ ശബ്ദം കടുത്തു. "നിങ്ങൾക്ക് എന്നെ എങ്ങനെ അറിയാം... എന്തിനാ എന്റെ ജീവിതത്തിൽ ഇടപെടുന്നത്..." "അതിന് മുൻപ് അതിനുള്ള ഉത്തരം എനിക്ക് വേണം." മുറിയിൽ നിശബ്ദത നിറഞ്ഞു. യദു ഒന്നും മനസ്സിലാകാതെ എല്ലാവരെയും നോക്കി. അവന് തോന്നി... ഇവിടെ എന്തൊക്കെയോ വലിയ രഹസ്യം ഉണ്ടെന്ന്. കുറച്ച് നിമിഷങ്ങൾക്കുശേഷം ദീപു ഒരു ഫയൽ എടുത്ത് മേശപ്പുറത്ത് വെച്ചു. അത് യാന്റെ മുന്നിലേക്ക് നീക്കി. "ഇത് തുറന്ന് നോക്ക്." യാൻ ഫയൽ തുറന്നു. ആദ്യ പേജ് കണ്ടതും അവന്റെ മുഖം മാറി. അവിടെ ഉണ്ടായിരുന്നത്... അഞ്ച് വർഷം മുൻപുള്ള ആക്സിഡന്റിന്റെ റിപ്പോർട്ട്. അവന്റെ കൈകൾ അറിയാതെ മുറുകി. ദീപു അവനെ തന്നെ നോക്കുകയായിരുന്നു. "ഇപ്പോൾ പറയ്..." "ആ ആക്സിഡന്റിന് ശേഷം യഥാർത്ഥത്തിൽ എന്താണ് സംഭവിച്ചത്...?" 💞💞💞💞💞💞💞 ആമി തന്റെ മുറിയിൽ ജനലരികിൽ നിൽക്കുകയായിരുന്നു. അവളുടെ മനസ്സിൽ ഒരേയൊരു ചിന്ത. "ഇന്ന് എന്തെങ്കിലും സംഭവിക്കും..." "യാൻ... നീ എന്താണ് മറയ്ക്കുന്നത് എന്ന് എനിക്ക് അറിയണം..." അവൾ കണ്ണുകൾ അടച്ചു. അറിയാതെ കണ്ണുനീർ ഒഴുകി. കാരണം... അവൾ സ്നേഹിച്ച മനുഷ്യൻ അവളുടെ മുന്നിൽ തന്നെയുണ്ട്. പക്ഷേ... അവനെക്കുറിച്ച് അവൾക്ക് ഇപ്പോഴും ഒന്നും അറിയില്ല. 💞💞💞💞💞💞💞 തുടരും... #💞 പ്രണയകഥകൾ #📙 നോവൽ #📔 കഥ #💌 പ്രണയം #നോവൽ