മേഘം തുളുമ്പി വീഴുന്ന നീയെന്ന മഴയിൽ എനിക്ക് മതിവരുവോളം നനയണം... മഞ്ഞുകണങ്ങൾ പൊതിഞ്ഞ നിൻ്റെ തളിർ മേനിയെ ചുടു- ചുംബനങ്ങൾ കൊണ്ട് മൂടണം... നിൻ്റെ അധരങ്ങളെ എൻ്റെ അധരങ്ങളാൽ പുണർന്ന്, ആ മരന്ദശകലങ്ങളെ നുകരണം... ത്രസിക്കുന്ന നിന്നിലെ ഓരോ രോമകൂപങ്ങളെയും എൻ്റെ ത്വക്കിനോട് ചേർത്തണയ്ക്കണം... ഉടലും ഉയിരും ഒന്നാകുന്ന പ്രണയത്തിൻ്റെ മനോഹാരിതയിൽ നിന്നോടൊപ്പം ലയിച്ചു ചേരണം...!!"💕💕ശുഭരാത്രി 💕💕സുഖനിദ്ര 💕💕 #🙋‍♀️ എൻ്റെ സ്റ്റാറ്റസുകൾ #പ്രണയം 💖വിരഹം 💔 #💔 നീയില്ലാതെ #♥ പ്രണയം നിന്നോട് #🌃Good Night Status

ജീവിതം നിറയെ പ്രാർത്ഥനകളാണ്, പ്രാർത്ഥനകളൊക്കെയും എന്റെ വിശ്വാസങ്ങളാണ്, വിശ്വാസങ്ങൾ ഒക്കെയും ജീവിക്കാനുള്ള പ്രതീക്ഷകളാണ്, ആ പ്രതീക്ഷകൾ ഒക്കെ ഞാൻ നെയ്ത ജീവനുള്ള സ്വപ്നങ്ങളാണ്...💕💕ശുഭരാത്രി 💕💕സുഖനിദ്ര 💕💕 #🙋‍♀️ എൻ്റെ സ്റ്റാറ്റസുകൾ #പ്രണയം 💖വിരഹം 💔 #💔 നീയില്ലാതെ #♥ പ്രണയം നിന്നോട് #🌃Good Night Status

ഏകാന്തത അനുഭവിക്കുമ്പോഴാണ് എഴുതാൻ തോന്നുക. മനസ്സിൽ വരികൾ ഓരോന്നായി ഉയർന്നു വരും. അവിടെ സ്നേഹം, പ്രേമം, ഇഷ്ടം, ആഹ്ലാദം, വെറുപ്പ്, വൈരാഗ്യം, ശത്രുത എല്ലാം ഉണ്ടാകും. ഇഷ്ടമാണേറെ പ്രിയേ നിന്നേ കഷ്ടമാണിജ്‌ജീവിതമെനിക്കിന്ന് നഷ്ടമായ വസന്തങ്ങളെല്ലാം ശിഷ്ടമാക്കി നേടണം നമുക്ക് കാലമേറെയായിരുപേരും രണ്ടു നാട്ടിലായ് വസിപ്പൂ പ്രേമം പകർന്നതു വിളികളിൽ അല്ലെങ്കിലാ കുഞ്ഞു കുറിപ്പുകളിൽ ഒന്നിച്ചൊരു ജീവിതം വേണമിനി കാലനെന്നെത്തുമെന്നറിവതില്ല രണ്ടു നാളെങ്കിലുമൊന്നിച്ചു കഴിയണം നിന്നിലെ സ്നേഹമാവോളം നുകരണം കടൽ പോൽ സ്നേഹം നൽകണം താരകൾ പോലും കൺചിമ്മണം അമ്പിളി പോൽ വിളങ്ങും നിന്നിൽ ഞാൻ സൂര്യനായ് ജ്വലിച്ചു നിന്നീടാം......💕💕ശുഭരാത്രി 💕💕സുഖനിദ്ര 💕💕 #🙋‍♀️ എൻ്റെ സ്റ്റാറ്റസുകൾ #പ്രണയം 💖വിരഹം 💔 #💔 നീയില്ലാതെ #♥ പ്രണയം നിന്നോട് #🌃Good Night Status

ഒരു പെണ്ണിന്റെ മനസ്സിനെ കുറിച്ച് നിങ്ങൾക്കെന്തറിയാം... അവളുടെ പ്രണയം.... അവളുടെ സ്വപ്നങ്ങൾ.... അവളുടെ വേദന... അവൾ കടന്നുപോവുന്ന ഓരോ വഴികൾ... എന്തിനേറെ അവളുടെ നെഞ്ചിലെ ഓരോ തുടിപ്പിലും... അവളുടെ ശ്വാസ നിശ്വാസങ്ങളുടെ ഏറ്റകുറച്ചിലുകളിൽ പോലും ഓരോ കവിതകൾ ഒളിഞ്ഞിരിപ്പുണ്ട്... വെറും കവിതകൾ അല്ല... അക്ഷരങ്ങൾ കൊണ്ട് അളന്നെടുക്കാൻ ആവാത്ത... ഇനിയൊരു വാക്കിനാലും എഴുതപ്പെടാനാവത്ത... എന്നാൽ അത്രമേൽ ആഴത്തിൽ ഹൃദയം കൊണ്ടെഴുതേണ്ട.... ഹൃദയം കൊണ്ട് വായിച്ചെടുക്കേണ്ട കവിതകൾ..... തമാശക്ക് പോലും അവളുടെ സ്നേഹത്തെ ചോദ്യം ചെയ്യരുത്... കാരണം അപ്പോൾ മുറിപ്പെടുന്നത് അവളുടെ ഹൃദയമാണ്... മുറിവേറ്റ ഹൃദയത്തിൽ എങ്ങനെയാണ് നല്ലൊരു കവിത പിറക്കുക.... ആത്മാർത്ഥത ഇല്ലാത്തൊരു വാക്കിനാൽ പോലും അവളെ പറഞ്ഞു പറ്റിക്കാതിരിക്കുക... കാരണം അപ്പൊൾ ഉരുകി തീരുക നെഞ്ചോട് ചേർത്ത് അവൾ കാത്തുവെച്ച വിശ്വാസമാണ്... വിശ്വാസം അറ്റുപോയ ഹൃദയമുള്ളവൾ ആത്മാവില്ലാത്ത ശരീരം മാത്രമായിരിക്കും.... സന്തോഷം കൊടുത്ത് മാത്രം അവളെ നേടാൻ ശ്രമിക്കുക... സമാധാനം കൊടുത്ത് മാത്രം അവളുടെ കൂടെ കൂടുക... സ്നേഹം കൊണ്ട് മാത്രം അവളെ വായിച്ചറിയുക... എത്രമേൽ സ്നേഹിക്കപ്പെടുന്നുവോ അത്രമേൽ അവൾ‌ നിങ്ങൾക്ക് മൃദുവായി അനുഭവപ്പെടും... എത്രമേൽ വിശ്വാസം കൊടുക്കുന്നുവോ അത്രമേൽ അവൾ നിങ്ങളോട് ചേർന്ന് നിൽക്കുന്നതായി അനുഭവപ്പെടും... അതുകൊണ്ട് ഒരു കവിതയായി കരുതി അവളെ പ്രണയിച്ചു കൊള്ളുക... മധുരമുള്ള വരികളാൽ എഴുതണമെന്ന് അല്ല... എത്ര കട്ടിയുള്ള വരികൾ ആണെന്നാലും സ്നേഹമുള്ള ഈണത്താൽ വായിക്കണമെന്നെയൊള്ളൂ...💕💕ശുഭരാത്രി 💕💕സുഖനിദ്ര 💕💕 #🙋‍♀️ എൻ്റെ സ്റ്റാറ്റസുകൾ #പ്രണയം 💖വിരഹം 💔 #💔 നീയില്ലാതെ #♥ പ്രണയം നിന്നോട് #🌃Good Night Status

ആദ്യരാത്രി എല്ലാവർക്കും സന്തോഷത്തിന്റേതാണ് എന്നാൽ മറ്റു പോംവഴിയൊന്നുമില്ലാതെ ഒരിക്കലും ആഗ്രഹിച്ചിട്ടില്ലാത്ത ഒരു പുരുഷന്റെ ഭാര്യയാവേണ്ടിവന്ന ഒരു പെൺകുട്ടിയുടെ ആദ്യരാത്രിയെ കുറിച്ച് നിങ്ങൾക്ക് ഊഹിക്കാമോ ?????????? കുഞ്ഞിന്റെ മുലകുടി മാറ്റാൻ മുലക്കണ്ണിൽ ചെന്നിനായകം തേക്കുന്ന പോലെ...., സ്വന്തം ആത്മാഭിമാനം വൃണപ്പെടാതിരിക്കാൻ " മകൻ മരിച്ചാലും വേണ്ടില്ല മരുമകളുടെ കണ്ണീരു കണ്ടാൽ മതി " എന്നാശിക്കുന്ന ചില പഴയ അമ്മായിയമ്മമാരെ പോലെ...., സ്വന്തം മകളെ മറ്റൊരുവന്റെ തലയിൽ കെട്ടിവെക്കുമ്പോൾ അതുവരെ ഏറ്റവും ഭേദപ്പെട്ട ജോലിക്കാരെയോ ഗവൺമെന്റ് ഉദ്യോഗസ്ഥരെയോ കേന്ദ്ര ഗവണ്മെന്റ് ഉദ്യോഗസ്ഥരെയോ മാത്രം മരുമകനായി കണ്ടു വന്നിരുന്നവർക്ക് പെട്ടെന്നൊരു ദിവസം അതുവരെയും വീടിന്റെ പടിപോലും കേറ്റാത്ത സാധരണ ജോലിക്കാരന്റെ ആലോചനക്ക് മുന്നിൽ മറ്റൊന്നും നോക്കാതെ തൽക്കാലം ആരായാലും മതി എന്നപ്പോലെ എന്നെ കെട്ടിച്ചുകൊടുക്കാൻ തോന്നിപ്പിച്ച ബോധോദയം എന്താണ് ??? ദുരഭിമാനം തന്നെ അല്ലെയച്ഛാ.....? സ്വന്തം അഭിമാനത്തെക്കുറിച്ച് ഇത്ര ബോധോദയമുള്ളവർക്ക് സ്വന്തം മകളെ ഏതെങ്കിലും ഒരുത്തന്റെ തലയിൽ വെച്ചു കെട്ടാൻ മാത്രം എന്ത്‌ അപരാധമാണ് ഞാൻ ചെയ്തത് ??? പിഴച്ചു പെറ്റുവോ???? വേശ്യവൃത്തി സ്വീകരിച്ചുവോ ???? വീട്ടിൽ ആളില്ലാത്ത നേരം നോക്കി ആരെയെങ്കിലും കൂടെ കിടത്തിയോ ???? കട്ടോ ???? മോഷ്ടിച്ചോ ???? അതോ എന്തെങ്കിലും രാജ്യദ്രോഹകുറ്റം ചെയ്തുവോ ????? കേവലം മനസ്സിന് ഇഷ്ടപ്പെട്ട ഒരാളെ സ്നേഹിക്കുക മാത്രമല്ലെ ഞാൻ ചെയ്തത്.....????? അതൊരപരാധമാണോ ???? കുറച്ചു മുന്നേ വായിച്ചു മറന്ന ഒരു മിനിക്കഥയുണ്ട്. ഒരു കൂട്ടി തന്റെ അമ്മയോട് ചോദിച്ചു...., എന്തിനാ അമ്മേ പൊന്നും പണവും ഒക്കെ അലമാരയിൽ പൂട്ടി വെക്കുന്നത് എന്ന് ? അപ്പോൾ അമ്മ പറഞ്ഞു ഈ വീട്ടിൽ നമ്മൾ മാത്രമല്ല വേലക്കാരി കൂടെ ഇല്ലേയെന്ന് ? അതിന് ആ കുഞ്ഞു ചോദിക്കുന്ന ഒരു മറുചോദ്യമുണ്ട് ??? അപ്പോൾ എന്നെ അമ്മ ആ വേലക്കാരിയെ ഏല്പിച്ചല്ലേ പോകുന്നതെന്ന് ???? ആ പൊന്നിന്റെയും പണത്തിന്റെയും വിലയും സുരക്ഷിതത്വവും പോലും തനിക്കില്ലെയെന്ന് ആ കുഞ്ഞു ഉയർത്തുന്ന ചോദ്യം എത്ര അർത്ഥവത്താണ്....! ആവശ്യപ്പെട്ടാൽ ലോകത്തുള്ള വില കൊടുത്താൽ കിട്ടാവുന്ന എന്തും നിങ്ങളെനിക്ക് വാങ്ങിത്തരും....! എനിക്കിഷ്ടപ്പെട്ട ആളെ ഒഴിച്ച്......! ലോകത്തിലെ മറ്റെന്തിനേക്കാളും വില നമ്മളേ സ്നേഹിക്കുന്നവർക്കല്ലെ അച്ഛാ...? അവരോടൊത്തല്ലെ നമ്മൾ ഏറ്റവും സന്തോഷത്തോടെ ഇരിക്കുക....? ഈ ഒരാവശ്യം മുന്നോട്ട് വെക്കുമ്പോൾ മാത്രം ഇക്കാലമത്രയും വാക്കിലും നോക്കിലും സ്പര്ശത്തിലും തേനായ് ഒലിച്ചിരുന്ന സ്നേഹം ബാറ്ററി തീർന്ന ക്ളോക്ക് പോലെ നിൽക്കും....! വിവാഹം എല്ലാവർക്കും ഒരു ദിവസത്തെ മാത്രം ആഘോഷമാണ് എന്നാൽ വിവാഹിതരാവുന്നവർക്ക് അത് ഒന്നിച്ചുള്ള ഒരു ജീവിതക്കാലത്തിന്റെ ആദ്യദിനം മാത്രമാണ്...., ക്ഷണിച്ചു വരുത്തിയവരുടെ ശ്രദ്ധ സദ്യയിലോ ബിരിയാണിയിലോ മാത്രമാവുമ്പോൾ രണ്ടു പേരുമാത്രം ഭാവിയെ കുറിച്ചാലോചിക്കുന്നതാണു വിവാഹം....! എന്നിട്ടും സ്വന്തം മകളെ ഏതെങ്കിലും ഒരുത്തനെ അതും അവൾക്കിഷ്ടമില്ലാത്ത ഒരുത്തനെ ഏൽപ്പിക്കാൻ അച്ഛനെങ്ങനെ മനസു സമ്മതിക്കുന്നു.........? അപ്പോൾ എന്നെക്കാൾ സ്വന്തം സന്തോഷവും അഭിമാനവും മാത്രമാണ് അച്ഛനു വലുതല്ലെ....? എന്നാൽ ഒന്നച്ഛൻ മറന്നു പോയി...., വിവാഹത്തിന്റെ അന്നു തന്നെ ഉടുത്തിരിക്കുന്നതെല്ലാം ഉരിഞ്ഞെറിഞ്ഞും ഒരു പെൺക്കുട്ടിക്ക് തന്റെ ഭർത്താവാകുന്നവനെ സ്വീകരിക്കേണ്ടി വരുമെന്ന്....! എന്നിട്ടും അവൾക്ക് ഒട്ടും താൽപ്പര്യമില്ലാത്ത ഒരാളുടെ മുന്നിൽ പിറന്നപ്പടി നിൽക്കേണ്ടി വരുന്ന ഒരു പെൺക്കുട്ടിയുടെ മാനസീകാവസ്ഥ എത്ര മാത്രം കഠിനമാണെന്ന് എന്താണച്ഛാ അച്ഛനു മാത്രം മനസിലാവാത്തത്...? അച്ഛനു വേണ്ടി എല്ലാം മറക്കാമെന്നു പറഞ്ഞപ്പോഴും അവസാനമെങ്കിലും അച്ഛനെന്നെ മനസിലാക്കുമെന്നു ഞാൻ കരുതിയിരുന്നു പക്ഷെ അച്ഛനതു ഒരു സൗകര്യമായെടുത്തു...., ഇഷ്ടമില്ലാതൊരാൾ സ്വന്തം ശരീരം സ്പർശിക്കുന്നതിന്റെ ബുദ്ധിമുട്ട് എന്താണെന്ന് അറിയോ...? അതു മനസിലാവണമെങ്കിൽ ഒരു പെൺക്കുട്ടിയായി ജനിക്കണം....! ജീവിക്കാനുള്ള ആശ കൊണ്ടും നിവൃത്തിക്കേടു കൊണ്ടും പലരും പലതും സഹിക്കുന്നുണ്ടാവാം..., പക്ഷെ അച്ഛൻ വളർത്തിയ ഈ മോൾക്ക് ഒന്നില്ലെങ്കിൽ മറ്റൊന്ന് എന്ന പക്ഷമില്ല....! അച്ഛന്റെ ചിറകിനടിയിൽ നിന്നും, കൺവെട്ടത്തു നിന്നും എന്നെ പറിച്ചു നടുമ്പോൾ എന്റച്ഛനോള്ളം എനിക്ക് സ്നേഹിക്കാനും ഇഷ്ടപ്പെടാനും എന്നെ സ്നേഹിക്കാനും കഴിയുന്ന ഒരാൾടെ കൈകളിലെക്കല്ലെ അച്ഛാ എന്നെ ഏൽപ്പിക്കേണ്ടത്....? നാളെ അമ്മ മറ്റൊരു വിവാഹം കഴിച്ച് "ഇന്നു മുതൽ ഇതാണ് നിന്റെ അച്ഛൻ" എന്നു പറഞ്ഞാൽ അവർ എനിക്കച്ഛനാവുമോ....? ഒരാൺക്കുട്ടിയായി ജനിച്ചാൽ മതിയായിരുന്നു എന്നു തോന്നുന്നു അതാവുമ്പോൾ ജീവിതത്തിലേക്ക് ആരൊക്കെ കടന്നു വന്നാലും അച്ഛനോടൊത്തു തന്നെ ജീവിക്കാൻ കഴിയുമല്ലോ....? എന്റെ മനസിലും ചില കൊച്ചു കൊച്ചു സ്വപ്നങ്ങളും ആഗ്രഹങ്ങളും ഒക്കെ ഉണ്ടാവുമെന്ന് അച്ഛൻ മറന്നല്ലെ....? ഏതു വലിയ നന്മമരം നട്ടുവളർത്താനാണ് അച്ഛനെന്റെ ജീവിതം കുരുതി കൊടുത്തത്...? അന്നവനെ എന്നെന്നേക്കുമായി മറക്കാൻ പറഞ്ഞപ്പോഴും.., കല്യാണം ഉറപ്പിക്കുന്നതിന്റെ അന്ന് എല്ലാവരും ചേർന്ന് അവന്റെടുത്തേക്ക് അവരുടെതാക്കി എന്നെ നീക്കി നിർത്തിയപ്പോഴും ഞാൻ കരഞ്ഞില്ല..., എന്നാണെന്നറിയോ....? കരഞ്ഞു കരഞ്ഞു എന്റെ ഉള്ളു വറ്റിപ്പോയിരുന്നു അന്നേരമെല്ലാം....! ഇന്ന് ആ കല്യാണമണ്ഡപത്തിൽ വെച്ച് അവനു കൈപ്പിടിച്ചു കൊടുക്കുമ്പോൾ പോലും അച്ഛൻ എന്റെ മുഖത്തേക്കു നോക്കിയില്ല എന്താ കാരണം...? ഞാൻ കണ്ടതാ ആ മുഖത്തത്....! കുറ്റബോധം...!!! എന്തിനു വേണ്ടി...? ആരോട് ജയിക്കാൻ വേണ്ടി...? ആരെ തോൽപ്പിക്കാനാണച്ഛാ...? എന്നെയോ...? ഞാനച്ഛന്റെ മകളല്ലെയച്ഛാ....? എന്റെയച്ഛൻ തോൽക്കാതിരിക്കാനല്ലെ ഞാൻ തോറ്റു തന്നത്...? പക്ഷെ എനിക്കും ജയിക്കണമച്ഛാ....! എന്റെ മരണം കണ്ടു പോലും അച്ഛൻ കരയരുത് ആത്മാഭിമാനം മുറുകെ പിടിച്ചു തന്നെ നിൽക്കണം....! ഇന്നെന്റെ ശരീരത്തിൽ പറ്റിയിരിക്കുന്ന വസ്ത്രത്തിന്റെ ഒരു നൂലിഴയിൽ പോലും സ്പർശിക്കാൻ കൂടെയുള്ളവരുടെ കൈ പൊന്തുകയില്ല ഞാനത് അനുവദിക്കുകയുമില്ല.., നാളെയോ....? ഒരു നൂലിഴയുടെ ബന്ധനവും എന്നിലുണ്ടാവുകയുമില്ല....! അങ്ങിനെ ആദ്യരാത്രിയുടെ മൂന്നാം യാമത്തിൽ തന്റെ ആത്മഹത്യക്കുറിപ്പ് തയ്യാറാക്കി അവൾ മേശപ്പുറത്തു വെച്ചു....!??? #🙋‍♀️ എൻ്റെ സ്റ്റാറ്റസുകൾ #💔 നീയില്ലാതെ #പ്രണയം 💖വിരഹം 💔 #♥ പ്രണയം നിന്നോട് #❤ സ്നേഹം മാത്രം 🤗

എത്ര വേഗമാണ് ഒരുവളെ നിങ്ങൾ വളച്ചെടുക്കുന്നത് ഭംഗിയില്ലാത്ത വരികളെ നോക്കി മികവുറ്റതെന്ന് പറയുന്നത് കാണാത്ത കാർകൂന്തലിനെ മാരിവില്ലഴകിനാൽ വർണ്ണിക്കുന്നത് കേൾക്കാത്ത സ്വരങ്ങളെ തേൻമൊഴിയെന്നും മധുമൊഴിയെന്നും ഓമനപ്പേരിട്ടു വിളിക്കുന്നത് കാലുകളിൽ കിലുങ്ങുന്ന പാദസര കിലുക്കം ഇടനെഞ്ചിലേക്കാണ് ആഴ്ന്നിറങ്ങുന്നുവെന്ന പൊഴിവാക്ക് ചൊരിയുന്നത് ഓരോ കളവുകളിലും അവളറിയാഞ്ഞിട്ടല്ല നിങ്ങൾ പറയുന്നത് ശുദ്ധ നുണയാണെന്ന് എങ്കിലും അവളുടെ ഉള്ളിന്റെയുള്ളിൽ അവൾ കൊതിക്കുന്നുണ്ട് ഒരു പരിഗണന ഇന്നോളം ആരിൽ നിന്നും കേൾക്കാത്തത് കേൾക്കുമ്പോഴുള്ള സ്നേഹത്തിലെ പരിഗണന കണ്ടാണ് അവൾ നിങ്ങളുമായി ഹൃദയം തുറന്നു പങ്കുവെക്കുന്നത് ആ സ്നേഹത്തേയാണ് ഒരു ചില്ലയിൽ നിന്നും മറ്റൊരു ചില്ലയിലേക്ക് പറക്കുന്ന ദേശാടന പക്ഷികളുടെ തമാശയായി കാണുന്നത് നിങ്ങൾ പറന്നകലുമ്പോൾ ഉള്ളിലൊരു കത്തിയെരിയുന്ന മാംസത്തിൻ ഗന്ധം അറിയുന്നുണ്ടോ ഇല്ലെങ്കിൽ അറിഞ്ഞിരിക്കണം നിങ്ങളുടെ ഓരോ തമാശകളും ഓരോ സ്വപ്നങ്ങളാണ് ഓരോ സ്വപ്നങ്ങളും ഓരോ യാഥാർത്യങ്ങളാണ് വാലന്റൈൻസ് ഡേ എന്ന പേരിൽ നുണകളച്ചടിച്ചുവിട്ടു ഒരു ഇരയെ സ്വന്തമാക്കിയതിൽ പൊട്ടിച്ചിരിക്കുന്ന നിനക്കത് മനസ്സിലാകില്ല മനസ്സിലാകണമെങ്കിൽ ചുരുങ്ങിയത് ശരീരത്തേക്കാൾ ഒരു ഹൃദയം വായിക്കാനുള്ള മനസ്സെങ്കിലുമുണ്ടാകണം.... ♥️♥️♥️ #🙋‍♀️ എൻ്റെ സ്റ്റാറ്റസുകൾ #പ്രണയം 💖വിരഹം 💔 #💔 നീയില്ലാതെ #♥ പ്രണയം നിന്നോട് #🌞 ഗുഡ് മോണിംഗ്

ഓരോ വീട്ടിലും ഉണ്ടാകും അടുക്കള ചുവരിലെ മുഷിഞ്ഞ ജാലകകാഴ്ചകൾക്കപ്പുറത്തേക്കു ഒരു ലോകമുണ്ടെന്നറിയാത്ത ഒരുവൾ .... കൈകണക്കിൽ രുചി വിളമ്പാൻ അറിയുന്നവൾ.... പക്ഷെ കഷ്ടപ്പാടിന്റെ കണക്കുസൂക്ഷിക്കാനറിയാത്തവൾ .... കടിച്ചു തുപ്പിയ ചണ്ടിക്ക് നീരുവറ്റിയെന്നു ഓരോ രാത്രികളും പഴി കേൾക്കുന്നവൾ.... രുചിക്കുറവിന്റെ പേരിൽ മക്കൾ വലിച്ചെറിയുന്ന വറ്റിനു കണ്ണീരുപ്പുകൊണ്ട് രുചി കൂട്ടിയവൾ...... കവികൾ ദൈവത്തിന്റെ സ്ഥാനം നൽകിയവൾ...... നമ്മളിൽ നിന്നും മനുഷ്യനെന്ന പരിഗണന മാത്രം ആഗ്രഹിച്ചവൾ........' അമ്മ ......ദൈവത്തെക്കാൾ വലിയ സത്യം .......♥️♥️♥️♥️♥️ #🙋‍♀️ എൻ്റെ സ്റ്റാറ്റസുകൾ #പ്രണയം 💖വിരഹം 💔 #💔 നീയില്ലാതെ #♥ പ്രണയം നിന്നോട് #🌞 ഗുഡ് മോണിംഗ്

സ്ത്രീ സ്ത്രീ സ്ത്രീ ************** സ്ത്രീ --- അബല, ദുർബല, രണ്ടാം നിരക്കാരി അടുക്കളക്കാരി അഭിപ്രായമില്ലാത്തവൾ അല്ല അഭിപ്രായം പറയേണ്ടാത്തവൾ കാര്യപ്രാപ്തിയില്ലാത്തവൾ തീരുമാനങ്ങൾക്ക് പങ്കില്ലാത്തവൾ പൂമുഖത്തേക്ക് പ്രവേശനമില്ലാത്തവൾ മറ്റുള്ളവരെ ശുശ്രൂഷിക്കേണ്ടവൾ പകൽ വിശ്രമമില്ലാത്തവൾ വീടും പരിസരവും വൃത്തിയാക്കേണ്ടവൾ ആദ്യം ഭക്ഷണം കഴിക്കാൻ അവകാശ- മില്ലാത്തവൾ മറ്റുള്ളവരുടെ ഇഷ്ടത്തിന് പാചകം ചെയ്യേണ്ടവൾ വീട്ടിലെ വെറും വേലക്കാരി മറ്റുള്ളവരുടെ ഇഷ്ടത്തിനൊത്ത് ജീവിക്കേണ്ടുന്നവൾ വീടിനു പുറകുവശത്ത് ജീവിതം ഹോമിക്കുന്നവൾ ജന്മഗൃഹത്തിന് അവകാശമില്ലാത്തവൾ ശബ്ദം വെയ്കാൻ പാടില്ലാത്തവൾ വീടിന്റെ മുൻവശത്തുകൂടി പ്രവേശനമില്ലാത്തവൾ ഭർത്താവിന്റെ ഇഷ്ടത്തിൽ കവിഞ്ഞ് ഒന്നും പാടില്ലാത്തവൾ എഴുത്തുകുത്തുകളിലൊക്കെ രണ്ടാം സ്ഥാനം. കാലം ചെല്ലവെ മക്കളുടെ ചൊൽപ്പടിയിൽ നിൽക്കേണ്ടുന്നവൾ അച്ഛന്റെ തണലിൽ, ഭർത്താവിന്റെ തണലിൽ, മക്കളുടെ തണലിൽ കഴിയാൻ വിധിക്കപ്പെട്ടവൾ സ്ത്രീകൾക്ക് ചാർത്തിക്കൊടുത്ത പല പേരുകളിൽ അറിയപ്പെടുന്നവർ,------ വിധവ, വേശ്യ, ഇര അങ്ങനെയങ്ങനെ. പല അടയാളങ്ങളും ചാർത്തുന്നവർ. കന്യകാത്വം കാത്തു സൂക്ഷിക്കേണ്ടുന്നവർ "ഒന്നുമില്ലെങ്കിലും ഞാനൊരു പുരുഷനല്ലെ" എന്ന വാക്കുകൾ കേൾക്കേണ്ടി വരുന്നവൾ. ഭർത്താവിന്റെ പീഡനത്തെ ചോദ്യം ചെയ്യാൻ അല്ലെങ്കിൽ പ്രതികരിക്കാൻ പറ്റാത്തവൾ. എഴുത്തിലും അവജ്ഞ---- പെണ്ണെഴുത്ത്. ഭർത്താവിനെ ചുമലിലേറ്റി വേശ്യയുടെ അടുത്ത് എത്തിച്ചവൾ ശീലാവതി. ഭർത്താവിന്റെ ചിതയിൽ എരിഞ്ഞമർന്നവൾ സതി. പതിവൃതയെന്ന് മാളോരെ ബോധിപ്പിക്കാൻ വേണ്ടി അഗ്നി പ്രവേശം ചെയ്തവൾ സീത. ഭർത്താവിന് കാഴ്ചയില്ലായെന്ന കാരണത്താൽ സ്വന്തം കണ്ണുകൾ മൂടിക്കെട്ടിയവൾ ഗാന്ധാരി. ഹൊ, ഒരു ജന്മം മുഴുവൻ മറ്റുള്ളവർക്കുവേണ്ടി ജീവിതം ഹോമിക്കപ്പെട്ടവൾ. ഇത് എങ്ങനെ സംഭവിച്ചു. ഉത്തരമില്ലെ? പ്രകൃതി പുരുഷന്മാർക്ക് അനുവതിച്ചുകൊടുത്ത സ്വാതന്ത്ര്യം അങ്ങനെ തന്നെ നിലനിൽക്കട്ടെ. പക്ഷെ സ്ത്രീയില്ലാതെ പുരുഷനില്ല, പുരുഷനില്ലാതെ സ്ത്രീയുമില്ല. ഈ സത്യത്തെ അവഗണിക്കാതിരുന്നാൽ നല്ലത്. കാലം മാറ്റങ്ങൾ കുറെ ചെയ്തു കഴിഞ്ഞു. ഇപ്പോഴും തുടർന്നുകൊണ്ടിരിക്കുന്നു. ഇനിയും പല മാറ്റങ്ങളും വന്നുഭവിക്കട്ടെയെന്ന് നമുക്ക് പ്രത്യാശിക്കാം...???? 💕💕💕 #🙋‍♀️ എൻ്റെ സ്റ്റാറ്റസുകൾ #പ്രണയം 💖വിരഹം 💔 #💔 നീയില്ലാതെ #♥ പ്രണയം നിന്നോട് #🌞 ഗുഡ് മോണിംഗ്